وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 04:01 PM الصفحة الرئيسية

مكتبة عواطف ادريس اسماعيل عبدالله(عواطف ادريس اسماعيل عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

براد بيت يتزوج سودانية !!!!!!

01-20-2007, 08:54 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
براد بيت يتزوج سودانية !!!!!!


    إخوتي الأحباء قبل أن أوجه إليكم الدعوة لحضور هذا الفرح الأسطوري أو زواج القرن كما أطلقت عليه

    العروس صاحبةالصون والعفاف أود أن أشكر الأخ الأردني العزيز د. بلال الذي هاتفني من الدوحة مؤكدا

    متابعته وإعجابه الشديد بمنبر سودانيز أون لاين مما رسخ قناعتي بأن هناك الكثير من القواسم

    المشتركة بين الشعبين الشقيقين الأردني والسوداني .. تحية خاصة لدكتور بلال وكل عام وهو بألف خير .


    أعزائي دعوة آل بيت وآل شقة ( أهل العروس يسكنون في شقة صغيرة في لأقصى المدينة ومجاراة لأهل العريس

    أطلقوا على أنفسهم آل شقة آل ). ماعلينا! قبل تلبية هذه الدعوة عليكم تجهيز البدل الفل سوت لأن

    الزي الوطني ممنوع منعا باتا و قبل أن تغضبوا من هذا الطلب المتعسف فقد كتب على ذيل الدعوة يمكنكم

    إصطحاب جميع أطفالكم لأنهم قمة في الأدب وغاية في الروعة واللي يقول غير كدا نحط أصابعنا الإثنين جوة

    عينيه .


    و قبل أن أحدثكم عن تفاصيل الحدث غير العادي في شوية شمارات لزوم المقدمة ألا وهي أنا في الحقيقة

    ساكنة في بناية من 18 طابق فيها 18 أسرة سودانية وعندهم عدد مهول من البنات يعني 18 فوق سن الزواج

    18 عند سن الزواج و18 تحت سن الزواج عين الحسود فيها عود وكلما أدخل الأسانسير لازم ألاقي واحدة طبعا

    الحشرية الكتيرة ما بتخليني أقوم أقول ليها أها يابتي ما حنفرح قريب ؟ تضحك شيرين من أعماقها

    قائلة والله يا خالتو أب تو ناو ما لقيت عريس واااو. يعني شنو واااااااااو يابتي ؟ خالتو ؟؟؟ يعني

    عريس لقطة .. عريس أستايل .. طيب العريس الواو ولا جوبا دا أوصافه شنو ؟ يا خالتو يكون مودرن متحرر

    من كل العادات الأوات أوف ديت يعني يمشي الديسكو والنايت كلب ويحب الفاست فود والبكنك وأهم شيء

    تكون عنده سيارة روزلرويس أو جاكوار على الزيرو وكمان يا خالتو اهم شيء يكون عنده رصيد في البنك

    لايقل عن 150 الف يورو عشان يقدر يعمل لي عرسي في قصر الامارات وعيد ميلادي في برج العرب .. صمت

    برهة لأقول لها والله يا بتي شروطك معقولة جدا و سقف مواصفاتك محدود ربنا يوفقك .

    في اليوم الثاني قابلت في اللفت ريهام إبنة الثلاثين ربيعا ... كيفك يا ريهام أيام أوكي خالتو وأمك

    أخبارها شنو ؟ شي إيز نايس ! أها إنت عملت شنو؟ أول رايت ... أخبار العريس شنو ؟ والله يا خالتو

    أنا إنسانة رياضية جدا وحبيت كرة القدم عشان خاطر زين الدين زيدان لأني بموت فيه دو يو بليف

    يا خالتو إنه داد بيقطع لي تذاكر أحضر كاس العالم عشان خاطره ولما قام غدر بي وعرس الفرنسية

    أضربت عن الجنك فود لمدة 18 يوم لغاية ما دادي طيب خاطري وقال لي عايزة بيه شنو دا إنت قايلاه بيور

    فرنسي دي عربي وجده عربي وإنت عارفة العرب فاشلين في كله شي حتى زيجاتهم ربنا أنقذك يا بنتي طوالي

    قمت شكرت ليك دادي ووجهت بوصلة شعوري نحو ديفيد بيكهام أصله يا طنط شاب حليوة وألف من تتمناه لكن

    برضه طلع خاين إبن كلب وعرس من الإسبايس قيلز .. والله بالغ يا بتي هسة بت الشمارات دي أحلى منك بشنو

    دا ولد هايف وما عنده نظر المهم هسة تعملي شنو أنا طبعا يا خالتو قررت أعتزل الملاعب أقصد

    العرس .. لا تعتزلي لا حاجة إنت يادابك تلاتين سنة خلي روحك رياضية عارفة روجيه ميلا بيلعب لغاية ما

    وصل ستين وما أعتزل وبعدين أحسن إنك ما عرستيه يعني دا كان عمل مشكلة حتشتكيه للمحكمة الشرعية ولا

    الفيفا؟؟؟أوووووووووه خالتو الله لا يجيب المشاكل ... باي خالتو سي يو نيكست تايم إنشاء الله .


    رزان دي حكايتها حكاية لا بعجبها العجب ولا الصيام في رجب كلما جاها عريس طلعت فيه ستين عيب لمن

    عقدت أمها وقالت عايزة توديها لطبيب نفسي بس أنا قلت ليها ما تستعجلي خلينا نناقشها ونعرف هي

    عايزة شنو بالضبط قامت رسلتها لي في البيت أول ما جات داخلة ... بونجور آنتي .. بونجورين يا رزان

    إتفضلي ... ميرسي بوكو .. كيف حالك ؟؟سافا بين ميرسي ! يابتي مالك مغلبة أهلك وماعايزة العرس ؟؟؟

    أصلو ياآنتي أهلي ما عايزين يفهموا أنا عايزة شنو ... وإنت يا بتي عايزة شنو بالظبط ؟؟ والله يا

    آنتي إنت عارفة إنه أنا.. جوأيم براد بيت ترو بوكو لأنه شاب وسيم ومريش وفي منتهى الإنسانية دايما

    بساند الشعوب الفقيرة .. أها وبعدين ؟؟؟ للأسف يا خالتو قام عرس اللي ما تتسماش جينفر ديك قلت

    معليش ما حيستمر معاها كتير إنتظري شوية يا بت وفعلا طلقها وقبلي ما أعبر ليه عن شعوري قامت اللي

    إسمها أنجلينا جولي ختفته مني ؟؟ وإنت يا بتي ما استعجلتي وجريتي ليه حفيانة زيك وزي البنات مالك

    تقولي شنو يا آنتي كسل سودانيين !!! لكن يا بتي تعالي أنحدثك كيفن تعرسي أجنبي ومسيحي ؟؟ عادي

    يا خالتو إنت ما سمعت بي أسمهان بت آنتي فوزية العرست المجري ولا سوزي بت عمتو ناهد اللي أتزوجت

    أمريكي وكمان نوسة بت تانت نجوي العرست مايكل الانجليزي دا حتى كمان من ويلز بلد الليدي ديانا

    يا آنتي إنت لازم تواكبي الحدث يعني حتى في السودان بقت عادي في المعادي من يوم ما زينب عرست

    كارلوس عقدة الآباء أنحلت ويقوا يدوا بناتهم لكل الجنسيات يعني نحنا دلوقت يونايتد نيشن بس على

    أصغر شوية ... والله يا بتي أنا شفت في السودان بنات معرسات فلسطنيين وأردنيين وسوريين ومصريين

    ما قلت شي لأنهم أولاد عرب ومسلمين لكن الأجانب ديل ما واقعين لي .. يا خالتو والله صاحباتي اللي

    اتزوجو أجانب جابو أولاد يايييييييييييي لو شوفتهيم هاف كاست حلوين حلاة ما معقولة وأنا لمن أعرس

    براد بيت حأجيب برضه هاف كاست ... طيب براد ولا كفتيرة الجن نجيبو كيف ؟ بسيطة يا آنتي في واحد

    مشعوذ قال لي أدفعي لي 250 ألف يورو بخليه يشوف ليك أنجلينادي قردة وأول ما تتصلي بيه طوالي يموت

    عليكي ويجي يخطبك من أبوك ويدفع المقدم 500 مليون دولار و المؤخر مليار دولار قمت قلت ليه داكور

    نوبروبليم بس إنت أعمل الحاجة دي وأنا بديك من المهر أكتر من كدا .... تصورو المشعوذ طلع تفتيحة

    وخلى براد بيت وذن نو تايم يجي ويخطب البت ويصر إنه الحفلة تكون بحمادة بت والعروس تصر إنها تكون

    بمايكل جاكسون يقوم يوافق بعد تعب شديد ويقول ليها الصبحية لازم بقسمة العروس تركب راساها وتقول

    ما في واحدة ترقصها غير شاكيرا والعريس المسكين عشان مكتوب مكتوب يوافق على كل الطلبات المهم

    دلوقت كل الترتيبات جاهزة والحفل الأسطوري اللي حيجيب لينا جيل جديد من الهاف كاست حيكون على

    ضفاف المانش والعاقبة عندكم في المسرات .

    حاشية : بمجرد ما كتبت البوست الهاف كاست دا قعدت أغني وأقول بنحب من بلدنا مابرة البلد سودانية

    تهوى عاشق ود بلد
    في عيونها المفاتن شي ماليه حد .

    (عدل بواسطة عواطف ادريس اسماعيل on 01-22-2007, 11:32 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 08:58 AM

Dr. Moiz Bakhiet
<aDr. Moiz Bakhiet
تاريخ التسجيل: 05-20-2004
مجموع المشاركات: 8936

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    الرائعة عواطف



    والله دي مشكلة

    أها كيف الحل؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 09:03 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Dr. Moiz Bakhiet)


    د . معز

    تحياتي

    شكرا على مرورك الرفيع .. لكن يبدو إنه ما في حل يلوح في الأفق .. سوري يمكن أكون أحبطتك. مودتي
    .

    (عدل بواسطة عواطف ادريس اسماعيل on 01-20-2007, 09:05 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 09:26 AM

الفاتح خليل الفكي
<aالفاتح خليل الفكي
تاريخ التسجيل: 10-15-2006
مجموع المشاركات: 892

للتواصل معنا

FaceBook
تويتر Twitter
YouTube

كيف احذف مداخلة من بوستى
براد بيت يتزوج سودانية !!!!!! (Re: عواطف ادريس اسماعيل)

    الأخت / عواطف
    سلام واحترام ،،،
    حقيقه مثل هذا التفكير اصبح مشكلة كبيرة
    وربنا يستر وتتغير نظرة هذا الجيل المسكين
    واصلي هذا الابداع ونحن متابعين
    أبو كريم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 10:20 AM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 35978

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: الفاتح خليل الفكي)

    dear awatif
    i put ustaz nazzar poem here
    i think this poem means that
    we sometime like to live in wonderland
    dr mustafa



    it is the culture which dictate what we do and what we expect

    the culture


    نزار قباني >> ثقافة


    ثقافة


    لأننَّي أُحِبُّكِ..

    أريدُ أن تكُوني

    الحرفَ التاسعَ والعشرينْ

    من أبْجَديَّتي..

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:00 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Mustafa Mahmoud)


    الرائع د. مصطفى


    تحية صادقة


    مستعدون نكون الحرف المليون من أبجدية نزار ... شكرا على مرورك الجميل .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 10:57 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: الفاتح خليل الفكي)


    أخي العزيز أبو كريم


    أشكر عبورك الرائع

    هناك الكثير من الأفكار الغريبة التي لا تخطر على بالك سوف نحاول بقدر الإمكان تناولها لك مني ألف

    شكر
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 10:46 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

كيف احذف مداخلة من بوستى
انا الفكي البجيب براد من اضنينه (Re: عواطف ادريس اسماعيل)

    عواطف أي واحد/ة عايز فكي

    عشان عريس خواجة/ية جيبيه/ها وحقك محفوظ ...

    الشغل باليورو فقط .....

    أما العايز/ة شايقي/ة /جعلي/ة دينكاوي/ة فالدفع بالسوداني

    ويمكن قبول العينيات ... بيوت / أراضي ........
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:02 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا الفكي البجيب براد من اضنينه (Re: فاروق حامد محمد)

    الأخ العزيز أبو ناصر

    في واحدة عايزة رئيس الوزراء الكندي قالو واحد ستايل وشرط كمان أيه رايك في الصفقة دي يايييييييي

    مش كدا ؟؟؟ .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:12 AM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 08-11-2005
مجموع المشاركات: 1286

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا الفكي البجيب براد من اضنينه (Re: فاروق حامد محمد)

    الزميلة الاستاذة عواطف
    تعجبني أطروحاتك الموضوعية وفعلاً نحن نواجه كارثة وللمزيد أرجو قراءة الآتي :

    Quote: الف سـودانية فاتهـن قطار الزواج في الخليج ومصر120
    يـشن الشـباب السـوداني والغـير متزوجين ويعملون في دولة الامارات العربيـة ويرغبون في الزواج من بنات جنسـهن والـمقيمات معهم في نفس الدولة هجومآ ضـاريآ وعنيفآ عليهن وإنهن..( رافعات نخرتهن ) ولايرغبون في الزواج الامن هو وعلي إستعداد وأن يعيشـهن في مسـتوي البنات الخليجيات،وأن الزوج القادم لهـن لابد وأن يتمتع بمستوي عال وراقي وجاهـز و..( من مجاميعة!!!) كما يقول أهلنا المصرييـن أي بمعني أن الراغب في الزواج يكون مقـيم بصـفة دائـمة ( فهـن علي غير إستعداد للعيشـة في السـودان!!!)،ويـقول الشـباب أيضـآ في سلسـلة هجومهـم الـحامي،أن الفتاة السودانية التي تربت وترعرت وأكملت كل مراحل دراستها الوسطي والعاليـة بـمدارس وجامعات دولة الامارات نادرآ مايكون حلمها وان تتزوج سوداني!!!! وانها تتطلع الي شـاب وكما في المسلسلات العربية!!!! من ناحية الآبهة والمكانة الأدبية او العلمية والغــــني وسـفر في الصيـف الي لندن، وشــتاءآ الي مصر او الهند، وانة وبالبيـت اكـثر من (خـدامة!!!!!)،انهـم يقـولون ان البنت السودانية تطـمح في زوج الايكـون مثل أبوها الســوداني الـمغترب الـتعبان الذي يعتمد علي أكل اليوم باليوم!!!،انهـا- كـمايقول ومن التقيـت ومعهم في حـوار حـول هذا الـموضوع الشائك الذي غدا يشغل بال كثير من الاسـر السـودانية هناك ـ ان الفتاة السودانية ضائعـة مابيـن أحلامـها الكبيـرة والـواقع الـمعاش. يتهـم بعض من هؤلاء الشـباب اولياء أمورهـن وعدم ربطهم بـواقع الامــور.
    مـن ناحيـة فهـناك إنتقادات حادة وضاريـة من الفتيات السـودانيات الائـي فـي سـن الزواج ويعشـن في الامـارات علي الشـباب السـوداني الذي لايعـيرهن إهتـمامآ ولايفكرون في الاقتـران باي سـودانيـة في ظـل وال...( السـوق ) الامـاراتـي ممتلئ بفتيـات من كل جـنس ولـون ومـلة!!!، وإنهـم واولآ يهـتمون ـ كـما قالت إحدي السـودانيات بمـغصـة شـديدة ـ بالبنات الأجنبيات حـتي وإن كان فارق السـن كبيـرآ، وأن نسـبة كـبيـرة من السـودانيين قد تزوجوا من بنات فليبنيات ولبنانيات بحـجة انهـن أنسـب من السـودانيات....( الـمسدريات!!!).
    قال لي والـد سـوداني وعندة تلاثـة بنات بلغـن من العمر وماأصـبح معة الشـغل الشـاغل لـة " إنهـا مشكلة حقيـقية وحـادة هنا في دولـة الامارات العـربية ونسـميها نـحـن ـ المـسكوت عنة سـودانيآ!!!،ومن والـد لاتشـغلة في الغربـة مثل هـذة الـمسئـولية الخطـيرة خصـوصآ وان بناتنا هـن اقـرب للـتربية الاماراتية من السـوددانيـة،وهــو ايضـآ يشـغلنا نحـو اولادنا الذيـن يحـبون الحــياة بعـيدآ عن السـودان".
    كـان من الصـعب جـدآ ومـعرفة كـم عـدد بناتنا والائــي ووصـلنا مرحلة ومافوق الثلاثيـن عامآ ولـم يتـزوجـن بعـد، ولـكن وبمســاعدة عـدد من الاخـوة القـدامي بالامارات والسـعودية ومـصـر و....بتـضـريبات حسـابيـة ، ووتخـمينات غـير علميـة وعـلي إفتـراض ان عـدد السـودانييـن بهـذة الدول قد وصـلـوا الي سـتة مليـون سـوداني،وبعـد إسـتبعاد الاطفال والقـصر والـمتزوجـين........." قلـنا العـدد 120 ألف!!!!).
    وكتب كمال محمد من السعودية
    الأخ بكري الصايغ
    لك التحية والتقدير و الإحترام
    رمضان كريم وكل عام وأنت بخير
    في البدء أشكرك كثيرآ علي التطرق لمثل هذه الموضوعات الهامة ولاشك أن موضوع الزواج من المواضيع المعقدة والشائكة في المجتمع السوداني نتيجة لحب المظاهر المبالغ فيه وإرتفاع التكاليف المادية والإهتمام بالأشياء الفارغة من حفلة ورقيص وفنان و لبس مكلف وعشاء فاخر وصالة في فندق خمس نجوم إلخ ........

    وفي إعتقادي أن عدد الشابات السودانيات غير المتزوجات في الخليج (السعودية والإمارات وقطر والبحرين والكويت وسلطنة عمان)بالإضافة لمصر يصل المليون أو يزيد وطبعآ في السودان يبلغ الملايين ولكن موضوع النقاش الذي ينحصر الأن في ظاهرة العنوسة بكل وضوح سواء كان العدد 200 ألف أم مليون بالتأكيد الأعداد ضخمة وتمثل جيش جرار والمشكلة أعمق وأكبر مما يتصور البعض فلذلك إنعكاسات إجتماعية وإقتصادية و بيوغرافية سكانية خطيرة وإذا أردنا بإختصار تحليل خلاصة الأسباب الرئيسية فإن ذلك يتركز في الآتي في تقديري:

    1-العقلية الخيالية وغير الواقعية للشابة السودانية في دول الخليج والتي ترتكز علي الأحلام الوهمية و التفكير غير الواقعي فالشابة السودانية رغم صعوبة وضع أهلها حيث تقلصت المرتبات كثيرآ في الخليج مؤخرا وشبح أنهاء الخدمة يطارد ذوي أمرها إلا أنها تظل تحلم وتحلم بشاب ثري علي مواصفات المسلسلات المصرية وأفلام هوليود إلي أن تستيقظ من أحلام اليقظة ذات يوم علي فوات قطار الزواج وأنها لم تعد مرغوبة لأن معظم الشبان السودانيين يفضلون فتاة لا تتجاوز الثلاثين بأي حال من الأحوال و في نظر المجتمع السوداني بأن المرأةالتي تتعدي الأربعين فقد إنتهت أنوثتها و إنتهت كإمرأة و دعوني أطرح هذه النقطة الحساسةبصراحة وهي أن المرأة التي تتعدي الأربعين ينقطع عنها الطمث ويصبح إنجابها للأطفال فيه مخاطر صحية كبيرة وهذا هو كلام العلماء المختصين رغم أنه مازال حوله جدال كثير وخلاصة القول أنه لايوجد شاب سوداني علي إستعداد للإرتباط بفتاة وصلت الأربعين إلا قلة قليلة.

    2-تعنت الشابة السودانية ورفضها المتكرر لمن يتقدم لطلبها وهو ذو دين وأخلا ق ومؤهل علمي عالي ووظيفة جيدة و لكن رغم ذلك تجد الشابة ترفض !!!!!!! لأنها لم تجد فيه مواصفات فارس أحلامها الأسطوري وتظل ترفض وترفض إلي أن يفوتها قطار الزواج ولايطرق بابها أحد وهذا واقع حدث للآلاف من الشابات
    بالخليج.


    3- وضع شروط تعجيزية للشاب المتقدم من مهر وشيلة غالية الثمن وذهب ومجوهرات وألماس وأساور وحفلة في أفخم الفنادق و عشاء فاخر لمئات المدعوين وفرش الشقة أو البيت بأغلي العفش وكل ذلك يؤدي لتطفيش العريس المفترض وهكذا دواليك وهذه أشبه بالدائرة الشريرة و الحلقة المفرغة قولةخير فمهر فشيلة فحفلة فشهر عسل أوروبي فأثاث فاخر ويبدأـالعروسان حياة زوجية مليئة بالديون والهموم
    شخصيا لدي صديق مقيم بالولايات المتحدة تزوج من سودانية هناك في أفخر الفنادق وأشتري لها أفخر الملابس والعطور الباريسية و الذهب بتاع دبي و فرش الشقة بأثاث مبالغ فيه وكان حديث الساعة في الولاية التي يقيم فيها (عمل و سوي و جاب وجاب...........عريس السرور) و ذهب شهر عسل للمكسيك وكل ذلك من الكريدت كارد ليفاجأ بأنه سحب من رصيد الكريدت كارد مايزيد علي الخمسين ألف دولار وذلك بسبب إفتراء الشابة و أهلها(النسيبة) والفشخرة و المظاهر الفارغة وعقدة نقص المجتمع السوداني ومرضه اللعين المتمثل في المظاهر.

    4- تعالي وتكبر الشابة السودانية بالخليج والعقلية الفوقية وأعتقادها بأنها قبلة الأنظار ومحل إهتمام الشباب ونسيانها بأن العمر يمضي سريعآ;;;;;;; كما تذبل الزهور وهذا نتيجة للتفكير غير العقلاني وتفكير رزق اليوم باليوم دون التفكير في المستقبل في ظل تأزم الأوضاع الإقتصادية والإجتماعية في الخليج و إنهاء عقودات مئات الآلاف من السودانيين في الخليج في السنوات الأخيرة.

    5-لجوء غالبية الشباب السوداني بالخليج للزواج من داخل السودان من فتيات صغيرات السن من خريجات الثانوي حديثآ ووفق شروط الشاب وليس الفتاة من منطلق قوة بسبب كثرة العرض وقلة الطلب (أي كثرة الشابات الصغيرات الجميلات المتواضعات ) من وجهة نظر معظم الشباب و قلة العرسان وهناك إشكالية أخري خطيرة جدا في السودان و هي كثرة أعداد النساء مقارنة بالرجال وهذا أدي لمشكلة زواج كبيرة جدآ لمئات الآلاف من النساء.

    6-إتجاه عدد كبير من الشباب السوداني بالخليج والخارج عمومآ للزواج من أجنبيات مثل آسيويات فلبينيات وإندونيسيات وهنديات و عربيات مصريات ومغربيات وسوريات أو أوروبيات روسيات أو ألمانيات علي سبيل المثال وذلك بسب تفكير الشابة الأجنبية العملي والواقعي فهي لا تهتم بالمظاهر الفارغة و الفشخرة و البوبار علي الإطلاق بل تفكر في المستقبل وتأمين حياة أسرية كريمة وتعمل جنبآ إلي جنب مع الشاب للمشاركة في التكاليف المالية و تركز فقط علي الضروريات يعني مافي داعي لحفلة كبيرة بل فرح مبسط بأقل التكاليف وأثاث معقول و ملابس وعطور بسيطة والميزة في الأجنبية أنها تفكر وتخطط مع الشاب لصرف أقل المبالغ والتوفير للمستقبل لشراء شقة أو مسكن ملائم و تأثيثه قشة قشة وليس بأسلوب المظاهر الفارغة.
    ودعني أتحدث بصراحة أكبر فالكثير من الشابات الأجنبيات سواء آسيويات أو عربيات أو أوروبيات لامجال أبدا علي الإطلاق لمقارنتهن بالسودانيات من ناحية الجمال والمظهر والقوام والذكاء و مستوي الفهم والوعي و المدنية و التحضر والصدق في الأشياءوالتفكير والمبدأ الثابت (مش أي زول يملآ راسها) علي سبيل المثال فالمتدينة من مسلمات الفلبين أو الهند متدينة بقناعات ثابتة والليبرالية ليبرالية بقناعات ثابتة أيضأ وعمومآ الأجنبية شخصيتها وثقتهافي نفسها أفضل بمليون مرة من السودانية
    ولك مودتي




    منقووووووووووووووووووول

    (عدل بواسطة عبدالرحمن عبدالله أبوشيبة on 01-20-2007, 11:21 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:33 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: انا الفكي البجيب براد من اضنينه (Re: عبدالرحمن عبدالله أبوشيبة)

    أخي العزيز أبو شيبة

    صح لسانك لم تقل غير الحقيقة والمشكلة إنه الأهل ما عارفين المصيبة الواقعين فيها مودتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:17 AM

عبد المنعم سليمان
<aعبد المنعم سليمان
تاريخ التسجيل: 09-02-2006
مجموع المشاركات: 12158

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    عواطف ازييييك

    Quote: ساكنة في بناية من 18 طابق فيها 18 أسرة سودانية وعندهم عدد مهول من البنات يعني 18 فوق سن الزواج

    18 عند سن الزواج



    مافي شقة فاضية !!



    كسرة : براد بيت وسودانية


    انا قريتها براد شاي



    تحياتي

    منعم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:36 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عبد المنعم سليمان)


    العزيز منعم

    تحياتي

    تصور أنا أتصلت قبل ساعة بأم العروس قالت براد بيت قاعد ياكل في عصيدة بملاح تقلية وطالب الغدا

    يكون ملاح بامية مفروكة أيه رايك ؟؟ مشكور على العبور الجميل . مودتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:25 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3670

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    أختي الرائعة عواطف

    لكن ما تقولي لي موضوعك:

    WOW
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:39 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Kamal Karrar)


    ياااااااااااااااااااااي يا كمال والله بالغت المهم إنه الفكرة تكون أوكي عشان بكري أبوبكر ما يزعل

    ويسحب الباسورد وأقوم أمشي الخور لأني ما حألقى خور أستايل ... شكرا على مداخلتك الواو
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 11:59 AM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3670

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    أنا أخوك يا عواطف....

    بدون مجاملة ما حصل قريت ليك موضوع بدون فكرة وهدف.. مواضيعك تمام.. وزي ما قلت ليك
    من السهل الممتنع..

    وإلى الأمام...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 12:49 PM

Dr. Abdalla Siddig

تاريخ التسجيل: 10-30-2005
مجموع المشاركات: 538

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Kamal Karrar)

    العزيزه عواطف

    تحياتي ويا سلام علي المواضيع التمام

    أنا (شخشياُ)أعرف سودانيتين متزوجات من برادين وعايشين في امان الله وكمان البرادين اسلموا وقربوا

    يبقوا مطوعين.

    مع خالص الود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 06:48 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Dr. Abdalla Siddig)

    أخي العزيز د. عبدالله

    مودتي

    لا أنكر أن هناك زيجات ناجحة وموفقة وقد تزوجت إبنة خالي من هولندي أبا عن جد قبل 15 عاما وتعيش

    في قمة السعادة ولكن هذا ليس قاعدة بل حالات استثنائية وطبعا الهدف من هذا الطرح هو الدخول في

    أعماق البنات لنعرف كيف يفكرن ... شكرا على العبور .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 01:13 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Kamal Karrar)

    الأخت عواطف ..
    تحيات و .. هاو يو دوين ؟؟

    إيه حكاية براد بيت مع البنات الأيام دي ؟؟
    قبلها كان ليوناردو دي كبريانو , قبلو ( قبلو وحّدو ) كان أندريه أغاسي , و قبالوا كان توم كروز .
    وحده فيهم فكرت في محمد قرني مثلا .. أو مصطفى احمد الخليفة .. عبد السلام جلود .. صالحين .. الطيب شعراوي .. وللا حتى محمد السني .. ما لهم ديل ؟ .. ما نجوم يعني وللا شنو ؟؟
    براد بيت وللا براد شارع ده .. السلطو على بناتنا شنو ؟ .. هو بيني و بينك الود قيافة و سمبتيك , لكن نحنا حرّم رجال حارة و أخوان بنات و حلالين مشبوك و مرافعين عدييييل كده
    مقاييس بناتنا البقاها حوصة شنو ؟ ..
    ياخي بعدين صراحة نحنا كشعب شينين ( و الله البنات ليهم حق ) .. و على العلينا كمان مبهدلين , و فوق ده و داك مفلهمين .
    ود أختي من الأولاد الحناكيش بتاعين الأيام دي ( بنطلون خرتاية قاعد في نص صلبو .. و شعر كيف كيف و حالق دقينتو الياداب شوية صويفات .. حالقها شخيت ضعيييف ) ببساطة يقول لي : عارف يا خالو أنا ما بحب الغنا السوداني بتاعكم ديّه .. دمه تقيل و سووووو بورنق , وللا طريقتكم في الأكل ,, وللا حفلاتكم .. ماي قوووش , شي متخلف , حتى البنات ما واااو ( أنا واو دي يوم بكتل فيها رقبة ) ..
    طيب و الحل ؟
    لو يا خالوو ح أخش في كوميتمينت وأرتبت ( أرتبط ) ح تكون زولة زي جينيفر مثلا .. او كامرون دياز أو ليندسي لوهان أو هيلاري داف .. ساره ميشيل قالار .. مثلا يعني .. لكن أبدا ما أقل .. يعني يا خالو حرام أضيع عمري مع زولة أوول براون .. ون سيللي كلر يا خالو .. شعر بني و عيون بنية و بشرة بنية .. إت كانت بي , بالجد بورينق يا خالو .. آي وونت زولة تكون فُل كلر : عيون زرقا و بشرة بِنك و شعر بلوند و شفايف دارك مارووون .. حاجة تكون موتيف و إنسبايرينق ليك من الصباح , حاجة تو ميك يور داى .. يو سي ؟؟
    عاينت لأختي و زوجتنا ( و لونهم البني ........ )
    و بهبالة ( و فيها أم فريحانة بتاعت تشفي كده ) قلت ليهو : شارون ستون كيف ؟
    بعوارة قال لي : أووووه خاااااللللو .. دامننننن نووووو !!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 02:12 PM

عوض حمزة
<aعوض حمزة
تاريخ التسجيل: 06-26-2006
مجموع المشاركات: 656

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Emad Abdulla)

    Quote: لكن نحنا حرّم رجال حارة و أخوان بنات و حلالين مشبوك و مرافعين عدييييل كده


    كعععععععع .. انا اخوك يا العمدة ..

    اخوك يا السمحه فرتاق الصفوف في اقل من لمحه..

    قال براد بيت قال .. يا عواطف يا اختى البنوت

    ديل قايلين القبه تحتها فكى .. (طبعا دقسو)..

    بليس كول زيم فور ميتنق .. وفهميهم كان يفهمن.

    وفى انتظار حكاوى اولاد العمارة ..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:04 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عوض حمزة)

    أخي العزيز عوض

    تحياتي

    والله دقسو ودقسو أهلهم معاهم كمان وبعدين أنا خايفة الدقسة دي تبقى نومة أهل الكهف ولا أيه رايك

    يا أخو السمحة ؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:01 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Emad Abdulla)

    أخي الحبيب عماد

    تحية صباحية فل كلور ولا عايزة ملتي ؟؟

    أولا أشكرك على بوستك الرائع جدا فهو يعبر عن واقع الحال بالنسبة للبنات والأولاد تصدق أنا ولدي

    الكبير لما كان عمره 12 سنة كان بقول لي يا ماما اوعي تقول عرس سودانية ديل بورينج ومتطلباتهم

    تومتش اند سيلي لو عرست سودانية شي ول ميك مي إديت بالمشاكل الكثيرة وبعدين أوعي تقول لي الحفلة

    تكون بإبراهيم كابلي ولا عوض حسين ... عايزة بي منو يا بعد عمري ؟ بريتني سبيرت مثلا جاستن تمبرليك

    تصور ياعماد كيف تشوه أطفالنا أما حكاية البنات والنجوم دي خليها ساكت يعني الواحدة لو خطبها

    سوداني تقول والله يا خالتو من شدة ما شرط بس راغب علامة أو ألن ديلون يعني السوداني الأصيل ود البلد

    حقو راح و المواصفات والمقاييس بقت غير شكل اللع يكون في العون . شكرا عماد.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 06:44 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Kamal Karrar)


    أخي العزيز كمال

    أشكرك يا أخو البنات على هذه الكلمات الطيبة ... مرورك يثلج صدري ويدفعني نحو المزيد .. شكرا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 12:56 PM

عوض حمزة
<aعوض حمزة
تاريخ التسجيل: 06-26-2006
مجموع المشاركات: 656

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    عواطف سلامات

    والله ياعواطف عمارتكم عمارة السرور ...

    تنضح بما لذ وطاب ... وبتشبة لى (عمارة يعقوبيان)..

    واضح جدا عمارتكم دى فيها قصص كتييييرة .. منتظرين

    المذيد من معين تلك العمارة الحكاية .. وسنى قلمك

    يا عواطف واتحفينابهذا الجمال


    نصيحه من اخونا كومار لى بنوت عمارة الجن دى ::نفر سودانى نمونا غير .. واااااجد مظبوت ..) معلوم ؟؟

    عوض حمزة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:07 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عوض حمزة)

    أخي الغالي عوض

    شكرا على مداخلتك الظريفة جدا بالجد عمارتنا ولا عمارة يعقوبيان وهي زي ما قال عماد فل كلور

    لكن المشكلة إنو الكلور دا بطول المدة بيبقى باهت ويفقد بريقه عشان كدا البت لازم تكون موضوعية

    وما تشطح وتنطح .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 01:14 PM

abubakr
<aabubakr
تاريخ التسجيل: 04-22-2002
مجموع المشاركات: 16044

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    يا عواطف ...
    قبل اسابيع لما ود خالتن اتزوج شفت بتين ما عرفتهن .. لابسات زي البنات ما عرفتهن .. طلعن بناتي ...اها منذ سنيين وانا بشوفهن في الجينز وقمصان زي بتاعتي وكم طويل وكتير من قمصاني بتختفي بقدرة قادر القاها في دواليبهن .. اها لما شفتهن لابسات زي البنات ما عرفتهن ... الاكبر والاعقل قالت لحبوبتا ليتس سي زيز ايشو لايتر ؟ والاصغر ياحبوبة ايام توو بزي فور سطش اصاينمنتس ؟؟؟اها دييل يتكلمو معاهن في العرس كيفن ؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:11 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: abubakr)

    أخي الحبيب أبوبكر

    مودتي

    والله حنيت على حالك ديل عندهم أيشوز غير وأسايمنت مختلفة عن أي فكرة تخطر على بالك والحبوبة في

    الزمن دا لازم تدخل كورس لغة إنجليزية مكثف جدا عشان تقدر تواكب الحدث وتتكلم مع الولد لمن يكون

    نوت بيزي إتز أن بيليفبل .. شكرا على المداخلة الفيري نايس .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-20-2007, 02:35 PM

معاوية الطيب
<aمعاوية الطيب
تاريخ التسجيل: 12-12-2004
مجموع المشاركات: 490

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    الاستاذة / عواطف
    لك خالص التحايا
    بوست شيق للغاية ،،،،،
    ننتظر المذيد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:13 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: معاوية الطيب)


    أخي العزيز معاوية

    تحياتي

    أشكرك على ثنائك على الموضوع وعلى مرورك الأنيق .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 07:35 AM

Mannan
<aMannan
تاريخ التسجيل: 05-29-2002
مجموع المشاركات: 6228

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    الاستاذة عواطف
    اسلوبك فى تناول هذه المسألة الاجتماعيةالتى صارت قنبلة تهدد الاجيال الجديدة.. اسلوب جميل ويعتبر من انواع فن الكتابة الراقى فى ايصال المعلومة..

    نحن من جيل بروفيسور جاغوم بن بلاع رحمه الله الذى كان يقول: " جنى وجن البنات البيشبهن الاولاد البيشبهو البنات" واكملها صديقنا الحلمنتيشى فتحى القدال بقوله:
    وحين ذاك جاط
    وجاط ذاك حين
    وحين جاط ذاك
    وذاك حين جاط
    وجاط حين ذاك
    وذاك جاط حين
    ....
    ...
    ...
    الحكاية جاطت

    نورالدين منان



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:07 AM

nadus2000
<anadus2000
تاريخ التسجيل: 02-04-2002
مجموع المشاركات: 4756

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Mannan)

    واااو أواتف....ات از ريلي نايس بوست، فاني توبك..

    دا شنو دا يا عمدة

    Quote: و مرافعين عدييييل كده

    عليك الله يا عمدة جنس كلامك دا ما يا هو زاتو البخلي الجكس دا يفتش لي ناس برات بت (أخو حمادة بت).

    يا ي قال مرافعين قال.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:25 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: nadus2000)

    نادوس العزيز

    ريقاردس

    و ماي أدفايس تو فايند نايس جكس يو هاف تو بي واو أور ستايل أزر وايز يو ول قو تو خور أز

    سون أز بوسيبل دونت بي إديت .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:27 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: nadus2000)



    Quote: عليك الله يا عمدة جنس كلامك دا ما يا هو زاتو البخلي الجكس دا يفتش لي ناس برات بت (أخو حمادة بت).
    عبدو ياخ إشتغل معانا كويس !!! .. مالو المرفعين ؟ .. عيبو لي ؟؟
    شين ؟؟؟ نان مالو .. ما سمعت الشاعر قال : تور عفين الشين أني ؟ . أها , تور عفين ده ياهو الشغل كلو .. و ياهو الشُكُر لي حدو .. و جات عليها الشين كمان تمت الناقصة ( قيم مقولبة في قمة البلاغة ) ..
    وللا أخونا الفي هيبان , دق صدرو و وقف في نص البنيات :
    أنا بُرمه أزرق ..
    أنا دابي كرو كرو ..
    أنا سلمنق دلمنق ..
    أنا الحسكنيت ..
    أنا أبو اللصيق ..
    أنا الشافو خلو ..
    أنا الككو الفجخ الطين ..
    أنا أب زَرد ..
    أنا أخوك يا عواطف .. ( يا قول عوض حمزة ) ..
    شفت العزة و المنجهة دي ككيف ؟؟ .. شغل أصلي .
    تقول لي قال ..
    هو غير ناس حمادة بت و حمادة طيارة ديل في زول خستك بنات الزمن ده ؟؟
    المشكلة الأولاد زاتم لحقوا السمحين ..

    هاو دير يو سيد أوول ذات يا جُله ياخ .. وات أ شيم ؟؟ ..


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:38 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Emad Abdulla)


    أخي العزيز عماد

    تحياتي والله يا عماد مرافعين ولا شينين ما مشكلة دي خلقة ربنا لكن مبهدلين دي يسو ليها شنو ؟ ولمن

    تلقى ليك واحد لابس قميص بكم طويل ومكفكف القميص مش كان أخير يلبس نص كم ؟ ولا تلقى ليك واحد لابس

    شبشب مع بنطلون وشاكي القميص كمان ؟؟؟ ولا بدلة من بلد وقميص وبنطلون ليس لهم علاقة بالموضوع ؟

    إذا لبنات إتخستكن فالأولاد ليهم دور في هذه الخستكة يعني الواحدة بتفضل نوع حمادة بت ولا واحد عفش

    يفقع مرارته بالبهدلة . مودتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:32 AM

abuguta
<aabuguta
تاريخ التسجيل: 04-20-2003
مجموع المشاركات: 8268

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: nadus2000)


    ِ
    استاذة
    عواطف..
    انتو بنات عمارتكم ديل ما بلقى فيهم عروس لدكين اخوى..
    الزول دا حاج ..وراتبو وااااااااااو..وسيارتو كريسيدا وااااااااو..

    استاذة عواطف المحمدة الوحيدة التى جنيناها من دول الخليج عدم استوعاب الطلاب السودانين فى الجامعات..اسى فى السودان عال العال....واحد من بلدياتنا بنتو مشت تقراء فى السودان
    وكانت مدلعة شديدة ..كل كلامها وااااو وحاو ..وجاو..مشت الجماعة ..تعرض ليها كم واحد من اولاد البلد الملمعين فتحت ليهم..بحجة انهم اهل ومو لايقين سو شينييييييييين ..
    اسى عرست ليها واحد كان ملمع...اسى شغال سواق يونيت(بوكسى 81 ) من الورقة..شغال بيه فى
    سوق الخضار..شفت كيف نهاية ..واااااااااو..احسن ليها من حاااااااااو.. واحسن من ديل كلهم مغترب فى رماح..قرية من ريفى الرياض...

    زمان اولاد المغتربين جو بقرو معانا فى الهند..وبنسميهم اولاد الخليج..اول ايامهم مدلعين
    وبعدها برجلو وببقو حديد..وبنسو ...وااااااااو ..وتعلمو جااااااااو..والاخيرة كلمة هندية..
    وقد قال فيهم ابقوتة شاعر الهند العظيم

    ديمة عاملين هيصة
    عاملين ضجيج
    ساكنين .. شقق
    عاملين.. هجيج
    بتقروا كورسات حاجة سمحة
    ركابين مواتر سرعة مييج
    كدا ياناس الخليج..
    انتو مولودين صغار
    ولونكم فاقع صفار
    ديمة شايلين نوار
    مالكم ودخان السجار
    لو لا الجواز لونو قرين
    اقول جاين من النرويج..
    ديمة شيكاتكم بالسريع
    لو فلس واحد دا يوما فظيع
    الولد عاوز ينتحر عاوز يطيع
    ونلقاكم فى التلفون بكاكم اجيج..
    عيب ياناس الخليج..
    نحن شيكاتنا قاعدة تتاخر شهور
    وديمة داكين وجبة فطور
    الولد عاوز
    ينتفض عاوز يثور
    نموت ياناس الخليج..
    عاوز اغترب ياخوان
    عشان القى عملا ضمان
    اروق واعيش فى امان
    وينتى تكون من بنات الخليج..

    ابقوتة
    الهند
    1994
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:45 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: abuguta)


    الأخ العزيز أبو قوتة

    تحياتي

    والله بوستك رائع جدا ومليء بالطرائف والمفارقات وناس جاو وحاو ديل حكايتهم حكاية الله يعين أهلهم

    عليهم بعدين دكين صاحبك دا خليه يشوف واحدة من ابعشر ولا ابحراز وإذا ما لقى يشوف عد الغنم أو

    الطين عشان راتبو الواو دي ما بكفي للكوافير والكريسيدا دي بقت أوت أوف ديت .. تصدق يا أبوقوتة

    واحة خطبها واحد بيشتغل في السودان سألته راتبك كم ؟ قال ليها تلاتة مليون قالت ليه ديل ما بجيبوا

    مكياج تصور؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:21 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Mannan)

    أخي العزيز نورالدين

    مودتي مع شكري الجزيل على ثنائك على البوست لقد صدقت يا عزيزي فهناك الكثير من القضايا الإجتماعية

    جديرة بالطرح أما حين ذاك جاطت دي خليها ساكت أنا لم أدخل الأسانسير مابعرف الولد من البنت !!!

    شكراعلى البوست الرائع . . . تحياتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:50 AM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13030

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    عواطف

    تحياتي

    ناس (عماد عبدالله ) ديل البدخلم جنس البوستات دي شنو ؟؟

    والبوديهم جنس العمارات دي شنو ؟؟

    والله كان علي ناس عماد

    أمانةما مستر (براد ) عرس

    قلتي لي 18 في 18

    ( عيني بارده )

    بجيك راجع

    (أنا ساكن في عمارة فيها 25 شقة, في كل شقة 25 سوداني عزابي )

    فيهم عشرة بورداب ( مستخببن )

    خليني أحسبا وأجيك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:13 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: كمال علي الزين)

    أخي العزيز كمال

    تحياتي

    ناس عماد عبدالله ديل رجال حارة وأخوان أخوات مابحبو المسخرة هاي هيه المرجلة القالها صدام حسين

    يعني كيفن هم قاعدين والبنات يجكسن نس براد بيت وليوناردو دي كابريو والله قلة أدب فاضية بعدين

    سجمي يا وأدمي دي عمارة شنو الساكن فيها دي الكلها عزابة دي ؟ إنت ساكن في الصحراء الكبرى

    ولا القطب الشمالي ؟؟؟ وبخصوص عمارتنا عاد تعال شوف لمن تكون عندنا مناسبة ما محتاجين لزول من

    برة زيتنا في بيتنا اقصد في عمارتنا . أشكرك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:53 AM

Ahmed Yousif Abu Harira
<aAhmed Yousif Abu Harira
تاريخ التسجيل: 10-19-2005
مجموع المشاركات: 2030

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    العزيزة عواطف ،،،

    موضوع جميل وشيق كالعادة ،

    لكن ...أخبار بتنا أنجلينا جولي شنو بعدما طلقها الزويل ده...؟؟؟
    السؤال بدافع الإطمئنان عليها فقط !!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:17 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Ahmed Yousif Abu Harira)


    الأخ العزيز أبو حريرة

    مودتي

    والله إنت إنسان طيب قلبك على البنية تصدق قام واحد سوداني حمش من أمدرمان قال لازم يتبناها قامت

    انجلينا عرستو ليك كيتن في براد بيت شنو رايك مش معاه حق اليمني لمن قال تصوري كيف يكون الحال

    لو ما كنت سوداني وأهل الحارة ما أهلي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 08:50 AM

خالد عبد الله محمود
<aخالد عبد الله محمود
تاريخ التسجيل: 11-28-2004
مجموع المشاركات: 5393

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)


    الأخت عواطف

    كل بوستاتك أجمل من بعض الله يديك العافية و واصلي على كدة....

    بعدين الشابات ديل أحلامهم دة بتكون عادية لما يكونوا في طور المراهقة لسه لكن ناس في العمر دة مفروض يعيشوا في الواقع شوية .. ولا كيف؟ :D
    حاجة صغيرة:

    Quote: ولما قام غدر بي وعرس الفرنسية


    الغبيانة دي قولي ليها الزول دة ما متزوج فرنسية عشان ترتاحي زوجتو أسبانية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:21 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: خالد عبد الله محمود)


    أخي الغالي خالد

    شكرا على عبورك الأنيق وبعدين هو الغبا دة من شوية المشكلة في ناس بتكبر بي جهلها والأمهات بلعبن

    دور في هذا الغباوالله في واحدة قالت عايزة تعرس أجنبي بأي صورة عشان أولاده يطلعو بيض وعيونهم خضر

    قالت لي يا خالتو ساعديني ألقى لي واحد أجنبي قلت ليها أعملي إعلان في الديلي مرور ... عجبي !!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:32 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: خالد عبد الله محمود)



    كمال أسحن ليك ..

    ( الأستاذ قال ليها أعربي : نادى الراعي الغنمَ , قالت ليهو : نادى دي آم نوت شور , لكن الراعي ديّه هوّ اللي بيمشي بي رجولو و يفسح الغنمات .. صح ؟؟ .. يبقى بعد ديّه الغنم , و ديل تبعاً ( طبعاً ) حيوانات كده ديّه ما هناي لاكين تيبين ( طيبين ) ..


    نبقى في جنس ده يا كمال ؟ ..
    .. عامل عمارتكم أم شنب دي



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:33 AM

انور تاج السر

تاريخ التسجيل: 11-18-2006
مجموع المشاركات: 757

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: خالد عبد الله محمود)

    الاخت الكريمة عواطف و الاخوة المشاركين،تحياتي

    انتو لسه شفتوا حاجة،

    مرة بسلم علي واحدة من بنات الزمن ده قالت لي انا لا اصافح و لكني اعانق!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:51 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: انور تاج السر)

    أخي العزيز أنور

    مودتي

    كويس إنها بتعانق وبس دي ما مشكلة في الحقيقة المشكلة أكبر من كدا بكتير .. شكرا على المرور .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 10:13 AM

Khalid Saeed
<aKhalid Saeed
تاريخ التسجيل: 12-12-2005
مجموع المشاركات: 2301

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: انور تاج السر)

    الأخت الفاضلة / عواطف
    لك التحية ولجميع المتداخلين .. وتحية خاصة للأخ / عماد ( يابقلباً تقابة للنيران )
    في سنة 1996م ، كنت في إجازة للسودان وكنت مغروراً بنفسي حاسي إنوا مافي زول زيي .. المهم مشيت عرس كارب ولقيت لي بت أسمح من العرس زاتو .. المهم الشلاقة ماتخليني أتخففت ليها وإتعرفت عليها وعلى أهلها وقلت داير أخطبه .. لمن مشينا وزرناهم في بيتهم لقيتهم ياهم ذي ناسكم البتتكلموا عليهم ديل .. كلام كتر كتر .. شي رطانة وشي عوج خشم .. وجابوا لينا شاي المغرب بي التورته والشوكه والسكين .. والجماعه المعاي جاتم الرجفه باقي هم عرب جعليين وعلى العليهم السكين دي مابشوفوها إلى في الضبح ولا عند النسوان في قطيع البصل .. المهم كلهم إعتذروا عن الأكل بحجة إنهم كلهم مشوا لي دكتور وقال ليهم ماتاكلوا التورته وبذات بالشوكة والسكين .
    وربك رب الخير الجلسة كانت ونسة ساكت وتبادل لوجهات النظر حول الزواج في وتكاليفه ومادخلنا في الغريق .. رجعنا البيت الجماعة قعدوا يحسبوا في المهر والشيلة والحفلة والحاجات ( حسب الشئ الشافوهوا ) لقينا الحكاية دي ماممكن تتم قبل عام 2025م ميلادية ده لو ما الكفيل سفرني يعني أنا محتاج لي 29 سنة غربة عشان ألم القروش .. فعندنا واحد مشهود بالنصيحة قال لي عليك أمان الله ناسك ديل لو جابوا لينا شاي المغرب ذي الرجال كان بودوهم النار ؟ وقال لي شوف ياولدي أخيرليك بناتنا ( والله نحنا الواحدة لمن خلاص يكون عندها طلب تقعد تذوزي اليوم كله ذي القمرية .. تناديها تقول ليها مالك .. تبلع ريقها وتتراجف تقول ليك أبو فلان دايره لي بابور جاز عشان الواقود وجع لي عيوني ) ...
    وباقي أنا بحب النصيحة عليك أمان الله من دربي داك القريشات المعاي عرست بيهم بت من بناتنا والباقي إشتريت بيه بيت في أمان الله .
    دحين عليكم بتعلم الإنجليزي والفرنساوي وما إستطعتم إليه سبيلا من اللغات وإن لم تستطيعوا فأقعوا أهل العوض .. القريشات بتجيب ليك عروس والباقي بيت صغير ولا حواشة ..
    والسلام عليكم ورحمة الله وبركاته ،،
    أخوكم / خالد الأرباب
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:26 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Khalid Saeed)

    أخي العزيز خالد

    مودتي

    والله عجبتني بلحليل راجل من ضهر راجل بلا شوكة بلا سكين يعني عايزاك تقعد لغاية عام 2025 وبعدين تقول

    ليك يا عجوز أنا ماديراك زي ديل ما عندهم دم ولا استحاء البركة في عروسك الزينة بت القبايل الما

    بتطلب والبركة في البيت والحواشة الكم فدان يعني ناس هاي وباي ديل لوقلت للواحدة حواشة تقول ليك

    حواشة يعني أيه وت دو يو مين توك أرابك بليز دونت بوزر مي أيه رايك في الخشم المعوج . ِشكرا خالد

    كتر الله من أمثالكم .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:40 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    الاستاذة عواطف
    بارك الله فيك وبارك لكى و انتى تتطرقى لاحد اهم المواضيع الاجتماعيه فى الوقت الحاضر.
    فى تقديرى ان الامر برمته يرجع اولا و اخيرا للبيت و التربيه, المعروف ان الشخصيه السودانيه لعدم استنادها الى ارث ثقافى متين لديها القابليه للتحول السريع حسب البيئه المحيطه بها لست اعنى هنا التآقلم فهو شئ جميل و مطلوب ,فمنذ ان دخلت كلمة عادى الى القاموس اللغوى خرجت كثير من القيم و مكارم الخلق الحميد و لله درك يا مجتمع متطلع دونما اساس متين.
    ارجع و اقول البيت الما فيهو اب مربى او ام مربيه به خلل.

    الجماعه البتتكلمى عليهم ديل يا عواطف لى معهم تجربه ما بطاله, لا بخافو لا بختشو لا من ام و لا اب مافى كلمة لا و عيب فى قاموسهم لانهم رموه قبل ان يغادرو.

    ارجع و اقول التربيه هى الاساس يا عواطف

    لكى التحيه و الاحترام

    (عدل بواسطة Haitham El Galal on 01-21-2007, 09:42 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 09:55 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Haitham El Galal)

    أخي الحبيب هيثم

    تحياتي وشكرا لطرحك الجاد في الحقيقة البيت هو الأساس لكن المشكلة إنو الأمهات بفتكرن إنه الدلع نوع

    من الحضارة مع إنه قمة الجهل بعدين لما البت تلقى ود حلال مصفي تجي راجعة مطلقة بعد شهرين تقوم

    الأم تسب وتلعن الزوج لأنهن ما عرف يتعامل مع بتها اللي ما بتعرف تغسل حتى العدة والله يا هيثم أنا

    مرات كتيرة بقول الحمد لله ما عندي بنات . مودتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 10:22 AM

Haitham El Galal

تاريخ التسجيل: 07-18-2005
مجموع المشاركات: 227

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    الاساتذه الفضلى عواطف

    ما هم الامهات ديل زاتهم المصائب البتكلم ليك عنهم......
    مساكين هن بلا ارث ثقافى متين و مشو بلاد مذقت فواتير الاحتيجات الاساسيه و يحاولن ان يبتدن من مكان ما وجدو الناس موجودين


    انشا الله ربنا يرزقك ما تقر به عينك و من معك فانتى استاذه و مربيه فضلى وانك والله تربى جيل مش بنات مساكين ما عارفين نفسهم دايرين شنو
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 10:46 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Haitham El Galal)

    الأخ العزيز هيثم

    مودتي وجزيل شكري على ثقتك الغالية لكن وبالمناسبة أمهات البنات ديل عايزات كورسات في فن التربية

    عشان الجيل العايش في بلد الإغتراب لو حصلت أي ظروف ومشوا السودان حتحصل مصيبة والله يكون في العون

    وزي ما بقولو

    الأم مدرسة إذا أعددتها

    أعددت شعبا طيب الأعراق

    فأين المدرسة ؟؟ وأين التلاميذ ؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:03 AM

ابوبكر يوسف إبراهيم

تاريخ التسجيل: 05-11-2006
مجموع المشاركات: 3337

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Haitham El Galal)

    الأخت العزيزة / عواطف

    تفاجئيننا كل يوم بجديد مثير .. حقائق نهرب منها إلى الأمام !! أليس الجمال غريزة محمودة أليس من حقها أن تحلم بالوسيم الأنيق الجميل.. نعم مشكلتنا مشكلة أجيال؟ ألم نكن في يوم من الأيام نعشق وونتغزل ونتمني أن تكون لنا حبيبة وزوجة مثل مارلين مونرو.. ألم تكن برجيب باردو تمثل الجمال الفرنسي الرائع .. ألم تكن صوفيا لورين تمثل الجمال الإيطالي المتوحش مثل فاكهة إستوائية ؟ ألم تكن مدام هفوانيه بوانيه زوجة رئيس ساحل العاج في الستينات قد خلبت أنظار الأمريكان وعقدوا مقارنة بين جمالها الأفريقي الأبنوسي الآخاذ وبين جاكي وأغلبهم مال لمدام هفوانيه.. مشكلتنا أن ما نسمح به للرجل نصادره ونحجره على الأنثى!!
    الموضوع كتب بحس راقي .. حقاً تملكين الإمكانات والأدوات والحس والإحساس ..

    حاشية:
    على فكرة كما تعلمين وأنت ذات ثقافة فرنسية أن الفرنسيين من عشاق الأجبان وأكلها خاصة في بداية أو نهاية كل وجبة.. وهي أنواع ولها نكهات ومنها ذو النكهة التي (لا يطاق) في يومٍ من الأيام تناولنا وجبة الغداء والمرحوم صلاح أحمد إبراهيم في فندق ( إيبس كلاشيه) وبعد أن إنتهينا من وجبة الغداء جاء المتر يجر عربة كنت أحسب أن محتوياتها ( جاتوهات) لأن أشكالها جميلة وبينما هو يمر بجواري إمتدت يدي بحركة لا إرادية كنشالٍ محترف وأخذت قطعة وحشرتها في فمي.. أجارك الله لم أشم رائحة أعفن من تلك في حياتي .. إسبوع كامل وأنا أفرش أسناني (3) مرات في اليوم ولم أستطع إزالة تلك الرائحة التي جعلتني أتحاشى الحديث خوفاً من إذاء الناس .. الحمدلله في اليوم الثامن بدأت بالتلاشي .. قال لي المرحوم صلاح إن هذه التي إلتهمتها هي أغلى أنواع الأجبان الفرنسية.. كان المرحوم صلاح ساخر في هدوء وجدية وكان رده حين قلت له ( غالية شنو يا أخي دي بالظبط زي زي الناس .. وزي الناس مالي السودان) فقال وليه ما تصدرو ليهم زي الناسكم مدام مالي السودان)
    ضحكنا وهو ميت من منظري وأنا أنشل الجبنة وأنا قايللا جاتوه وقال بالفرنسية مواسياً إياي ( أنا عايش في باريس يوم واحد ما مديت إيدي على نوع الجبنة دي .. على كل حال (سيلا في)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:38 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: ابوبكر يوسف إبراهيم)

    أخي العزيز د. أبوبكر

    مودتي


    أشكرك على مرورك الجميل وعلى إطرائك الذي أتمنى أن أكون أهل له .

    طبعا من حق أي فتاة أن تختار الشاب الوسيم الذي يسر النظر مثلها ومثل الشاب لكن يجب أن يكون

    الإختيار على أسس سليمة وليست سطحية خصوصا وأن كل وسائل المعرفة متوفرة لتحديد الهدف من الزواج

    ومن الإختيار نفسه على عكس أيامنا كان الزواج عبارة عن بطيخة يا حمرا أو بيضا لأن الأهل يلعبون دورا

    رئيسيا في مسألة الإختيار وقد لا نجد الفرصة الكافية لمعرفة الطرف الآخر حتى ولو كان من إختيارنا

    شكرا على مرورك وسان فيرين على الجبنة السوفاج ...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 10:59 AM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

كيف احذف مداخلة من بوستى
مرافعين "عدييييييييييييييييييييييييييييييييييييييييييل كده يا عماد !!!!!!!!! (Re: عواطف ادريس اسماعيل)

    Quote: نحنا حرّم رجال حارة و أخوان بنات و حلالين مشبوك و مرافعين عدييييل كده



    يا عماد !!!!!!!!!!!!!! بالغت !!!!!!!!!

    اتصل بي واحد من جماعة دارسي ومدرسي طبائع الحيوانات

    zoologist وشرح لي طبيعة (المرافعين) behaviour

    ,وسلوكها وبخاصة المتعلق بالجنس ولهذا أنصحك بحذف

    كلمة "مرافعين" .... واستبدالهم بحيوانات "أشنى" وأكثر

    سوية ... ولا تفعل كما فعل جعفر نميري حين غيّر شعار

    السودان من الخرتيت "الكركدن" الى (صقر الجديان)....

    ليثبت العكس !!!!!!!!!!! لمزيد من الشرح أجدع واحد

    مسنجر !!!!!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:11 AM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18384

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مرافعين "عدييييييييييييييييييييييييييييييييييييييييييل كده يا عماد !!!!!!!!! (Re: فاروق حامد محمد)

    الاخت عواطف

    شوفي زوجة براد السابقة جينيفر أنستون الحصل ليها شنو ايام كانت متزوجاهو


    http://alwatan.sy/newsd.php?idn=1458


    انا في الاول افتكرتك بتتكلمي عن براد الشاي حق البيت زاتو

    (عدل بواسطة حيدر حسن ميرغني on 01-21-2007, 11:26 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:48 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مرافعين "عدييييييييييييييييييييييييييييييييييييييييييل كده يا عماد !!!!!!!!! (Re: حيدر حسن ميرغني)

    أخي العزيز حيدر

    مودتي

    والله جينفير دي حننتني ما محظوظة أبدا لمن براد بيت إتعرف على أنجلينا جولي وحباها أثناء تصوير أحد

    الأفلام قررالإنفصال منها لكن منعته والدته لأنها تعرف أن جينيفر تحبه حبا جنونيا لكنه لم يستمع

    لنداء الأم لأن نداء القلب كان أشد المهم في الآخر طلقها أول حاجة عملتها جينفير بعد الطلاق حرقت

    فستان الزفاف ... مسكينة والله .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:30 AM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: مرافعين "عدييييييييييييييييييييييييييييييييييييييييييل كده يا عماد !!!!!!!!! (Re: فاروق حامد محمد)




    معليش يا عواطف ..
    الحكاية جابت ليها شكك في موروثنا كمان !!

    فاروق بالله ما تعقدنا ..
    ما ناقصين .. ياخ
    يعني خواجاتك ديل بيفهمو أخير من عكاشة ود أبوفاطنة ؟؟؟ ..
    أتحداك ..
    نحنا سمعناها كده من جدود جدود جدود جدود جدونا .. تجي تقول لي ما بعرف شنو ؟؟
    يا زول أحسن من المرفعين مافي .. عديل كده .


    ( بالله قلت لي منتهي خالص مرفعين الجن ده ؟ .. شكيتو على الله كان داير يمقلبنا فيهو ) ..


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:47 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    ..
    .
    looool @ ur post
    والله يا يا سستر اواتف ..
    اى زول بدخل بوستيك دا لسانو بنعوج مالو !!
    التقول بتكلموا لاوندى !!

    Quote: يا خالتو يكون مودرن متحرر
    من كل العادات الأوات أوف ديت يعني يمشي الديسكو والنايت كلب ويحب الفاست فود والبكنك وأهم شيء
    تكون عنده سيارة روزلرويس أو جاكوار على الزيرو وكمان يا خالتو اهم شيء يكون عنده رصيد في البنك
    لايقل عن 150 الف يورو عشان يقدر يعمل لي عرسي في قصر الامارات وعيد ميلادي في برج العرب

    wooow زيزس توووو متش والله !!

    Quote: لا تعتزلي لا حاجة إنت يادابك تلاتين سنة خلي روحك رياضية عارفة روجيه ميلا بيلعب لغاية ما
    وصل ستين وما أعتزل

    تووووووووووت !!

    عمارة فيها 18 سن زواج يا عواطف
    دى حى كامل !!
    بالله دى يحلوها هنا ولا هناكـ ..

    قلت لى يا عمدة
    قال ليك السودانيات بورينغ !!

    غايتو فيصل نوبي اوجه من براد بيت .. وعندو قابلية يمعمل مثنى وثلاث
    فضل فى العمارة كم !!؟
    _____________________

    دعوة سريعة لدومه وبت قضيم وشيرى ومنو لزيارة البوست دا!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:58 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Tabaldina)

    تبلدينا

    أووووووووووووووه ماي دير سو هابي تو ريد يور نايس بوست تتسوري يا تبلدينا إنه البنات ماعايزات

    يتكلمن عربي والأولاد كمان مرة حضرت لي ندوة عن المراهقين ولا واحد أو واحدة كانت ببتكلم عربي قامت

    واحدة من الأمهات احتجت ردوا عليها ما بنعرف نعبر عن نفسنا بالعربي ماي قودّّّ!!!!البنات لسة قاعدات

    في البناية زي ما ياهن عرسو منهن اتنين مسكينات شوية والباقي أضريبه في 18 شوفي العدد الكلي

    سوفاج يا تبلدينا سي يو باي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 12:26 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    ..
    .
    looool @ Awatif
    عاد يا عواطف يختى ما اتلومت
    ناس العمارة ديل عوجوا ليك لسانك مرتين
    كدى عيدى حروف التأنيث والتذكير ..
    تبلدية ديك فى منبر تانى

    ___________

    just J/K
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 07:00 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Tabaldina)

    أخي العزيز تبلدينا

    مودتي

    تصدق فعلا خشمي اتعوج لكن بعدما كتبت ليك الرد ورسلته أتذكرت تاء التأنيث لكن قلت لروحي ماأصله

    الكلام عن ناس براد بيت يبقى كله عند العرب صابون سوري يا تبلدينا حقك علي عروسين من عمارتنا

    بدل واحدة أوكي ؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 12:52 PM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14227

للتواصل معنا

FaceBook
تويتر Twitter
YouTube

كيف احذف مداخلة من بوستى
بيت يتزوج (Re: عواطف ادريس اسماعيل)

    الاخت عواطف

    انها فصامية تعيشها الاجيال

    ونعيشها معهم

    جدلية التغرب والانتماء

    يا فكيك
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 01:48 PM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: د.محمد حسن)

    الأخت عواطف
    كل ما أشوف اسمك أتذكر تكريم روجية ميلا فى أبوظبى
    يوم جابوك تترجمى لروجية ميلا ( يتحدث الفرنسية فقط)
    حلفو قالو فتشو أبوظبى دي بيت بيت ما لقو زول يتكلم فرنسي غير عواطف والسفير الفرنسي
    بس المشكلة سعادة السفير ما بعرف عربي!!!
    كانت سعادتنا كبيرة و نحنا شايفين التوب وسط الميدان وبين الشيوخ
    سألنا: يا جماعة ميلا ده متزوج سودانية ولا شنو؟؟
    قالو لا ....دى المترجمة
    وزادت فرحتنا و سعادتنا بيك
    اها أسه الفرحة تضاعفت بعد بقينا اخوة فى البورد

    (عدل بواسطة ALGARADABI on 01-21-2007, 02:06 PM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 02:04 PM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: ALGARADABI)

    الأخت عواطف

    تحياتي و تقديري لك

    شكرا على هذه السياحة الموغلة في النقد الذي أراه مهما لجانب مهم من حياتنا .. ألا و هو أمر بناتنا ..
    بنت اليوم تضع مواصفات تنبع من :
    1. أشياء من واقع أحلامها
    2. أو من واقع ما تراه من زميلات لها أو جارات.

    مما يبعدها عن الواقع..
    و من ثم تبدأ في التنازل عن مواصفاتها شيئا فشيئا حتى تقنع باليسير.
    من الأجدر أن تبني أحلامها مع من تراه مناسباً خلقا.

    Quote: أنا إنسانة رياضية جدا وحبيت كرة القدم عشان خاطر زين الدين زيدان لأني بموت فيه دو يو بليف

    يا خالتو إنه داد بيقطع لي تذاكر أحضر كاس العالم عشان خاطره ولما قام غدر بي وعرس الفرنسية

    أضربت عن الجنك فود لمدة 18 يوم لغاية ما دادي طيب خاطري وقال لي عايزة بيه شنو دا إنت قايلاه بيور

    فرنسي دي عربي وجده عربي وإنت عارفة العرب فاشلين في كله شي حتى زيجاتهم ربنا أنقذك يا بنتي طوالي


    دي غايتو ربنا شافها من :



    دمت
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 02:53 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18384

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: ابو جهينة)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:10 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: حيدر حسن ميرغني)

    أخي العزيز حيدر

    مودتي

    أسفة لتأخير الرد لأني لغاية دلوقت لاشفت ولا سمعت حاجة ما عارفة كمبيوتر المكتب مالو حأشوف وأسمع

    في البيت وأرد عليك ... تحياتي وشكرا على العبور .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:05 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: ابو جهينة)

    أخي العزيز أبو جهينة

    تحياتي

    شكرا على مرورك الرفيع معظم البنات و الأولاد مصابين بالإنفصام وما عارفين الحل شنو وكمان مشكلة

    البنات أكبر شكرا على لقطة زيدان المشهودة التي أحرجت الرئيس المتوازن والمعتدل جاك شيراك .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 07:21 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: ALGARADABI)

    أخي العزيز القرادابي

    مودتي

    أشكرك على المرور الأنيق لقد أثلجت صدري بهذه الذكريات الجميلة لقد كانت أسعد أيام حياتي وأول أيام

    عملي بجريدة الإتحاد ,انت أيضا أخي العزيز رفعت رأسنا عالياحتى تجاوز عنان السماء حينما رفضت

    الرشوة التي يسيل لها اللعاب لتثبت إنك سوداني إبن سوداني أصيل شكرا ,الف شكر على كلامك اللطيف

    وإخوتي في البورد هم أقرب إلى نفسي من أي شخص آخر تحياتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 07:07 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: بيت يتزوج (Re: د.محمد حسن)


    أخي العزيز د. محمد حسن

    تحياتي

    شكرا على مرورك الجميل فعلا هو التشوه والإنفصام ولكن ماذا نفعل ؟؟؟؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 06:11 PM

خالدة البدوي
<aخالدة البدوي
تاريخ التسجيل: 03-05-2006
مجموع المشاركات: 1816

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    عزيزتي عواطف خلينا واقعيين مافي أجمل من

    السوداني وجوهرة لكن كمان السوداني فيه حاجات

    كدة تغيظ ..

    يعني مثلا ما بهتم بالبس ومظهرة وما بتخير اللبس

    للزمان والمكان المناسب تلقية لابس شراب مع مركوب

    وماشي عشاء عمل بفندق خمسة نجوم رائك شنو ،،،

    في السوق على بعد عشرين متر من زوجتة التي تحمل

    الطفل حملاً وليس على عربة ، والعالم الثاني كل

    واحد ماسك زوجتة بيد ويدفع عربة الطفل باليد

    الاخرى ..

    يوم الاجازة الوحيد يوم الجمعة تلاقي البيت مليان

    معازيم من غير مناسبة وهاك يا بلدي تغسلي اليوم

    كله في صحن واحد والعالم الثاني في نزهات خارج

    البيت ،،،

    ما بعرف تاريخ ميلاد ولا تاريخ زواج ولا أي نوع من

    الطقوس دي البتزيد المحبة والالفة وتطفي شيء من

    الرونق على الحياة الزوجية ،،،

    ما بعرف اجازة كدة انتي وأنا يعني هو وهي ،،،

    الحاجات الغياظة الذي دي كثيرة بالكوم ،،،

    كما أن السوداني عاجز كل العجز عن العبارات

    الجميلة واللحظات الرومنسية ،،،

    يجوز زمان في تحمل لهذة الجوانب بحكم توفر الزمن

    وكلمة واحدة تخلي الزوجة تتحمل لزمن اطول ولكن

    حالياً في ظل ايقاع الحياة السريع والضغوط تتطلب

    المذيد ،،،

    أما الاعجاب بالمشاهير والشخصيات النجومية اسبابها مواقف

    السوداني أمثلتها سابقة الذكر ،،،

    نحن كنا بنشاكل عديل على جون ترافولتا ،،،

    ما بالك الحين وكثرة الخيارات ،،،


    دمتي حبيبتي عواطف وواصلي في جمالياتك ،،،
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 11:35 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: خالدة البدوي)

    وشهد شاهد من أهلها!

    ريحتيني راحة يا خالدة !
    لو جيت انا وقلت الكلام ده كانو نطوا لي في حلقي وقالوا (انتي اش عرفك؟)

    عواطف اللماحة، سلامات و تحايا ومراقبين مسلسل الأحلام الوردية لبناتنا الماشين على الحبل، لا لموا هنا لا هم مشوا هناك!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 10:20 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عزاز شامي)

    عزوز الحبيبة

    مودتي

    يا بعد عمري كلامك صاح ميتين في المية وبعض الإخوة السودانيين رغم الإغتراب والدراسة والشهادات

    العليا ما زالو محلك سر لا فهم لا رومانسية لا أناقة لا كلمة حلوة وبعد دا كله فلس ومعاه لماضة

    يقول الشاعر

    لا خيل عندك تهديها ولا مال

    فليسعد اللفظ إن لم يسعد الحال

    شكرا على مرورك الجميل .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 10:13 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: خالدة البدوي)


    الحبيبة الغالية د. خالدة

    تحياتي

    والله يا خالدة صدقت في كل كلمة قلتيها وليكم حق تتشالكلو فيه نحنا كنا بنتشاكل في ألن ديلون لكن

    يا عزيزتي الغلط لا يعالج بخطأ أكبر منه ولو في زيجات هاف كاست ناجحة فهي بسيطة عموما نتمنى من

    الأخوان أن يعرفوا دورهم أيضا في هذه الظاهرة السلبية ودمت يا حبيبة .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-21-2007, 10:19 PM

mamkouna
<amamkouna
تاريخ التسجيل: 12-05-2004
مجموع المشاركات: 2246

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    عطوفة..
    (( الوصية في الذمة ))
    زوجنا الممكون قال ليك..
    المشعوذ دا ما بيقدر يجازف ليهو بيونسي!!!!


                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 11:17 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: mamkouna)

    ممكونة الحبيبة

    معزتي

    تصدقي طولي عمري فاكراك إنت الممكونة لكن طلع في الآخر هو الممكون لكن بيني وبينك راجل عزال شديد

    بيونسي شخصيا عاد سجمك واطاتك أصبحت قولي ليه يا ممكون وصابر المشعوذ قال بيونسي وابوها كمان

    تحياتي وشكري لمرورك الأنيق .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 02:59 AM

Bashasha
<aBashasha
تاريخ التسجيل: 10-08-2003
مجموع المشاركات: 17264

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    ذات الانصراف الحساني المشهود في الجلابة والجلابيات.

    مرة اخري، ده مااحتجاج ولااعتراض، ولامطالبة باي شئ.

    ده فقط تذكير واستشهاد بي واقع حي علي صحة كلامنا علي انبتات الجلابة وتبلد احساسم تجاه مايحدث وحدث من ماسي علي ايديهم، في ديارم.

    من فتحنا، هنا امدرمان، كانت كدا، ومجلة الاذاعة والتلفزيون، كانت كده، الايام، الصحافة..الخ، كانت كده!

    لو الموت الفي واو كان في دنقلا، ولا الاغتصاب للنساء الفي دارفور كان في القرير، لما كان اطلاقا ده الحال!

    اوعشان كده، في الاخر السودان وبفضل عبقرية الجلابة الافذاذ، حيتوزع علي الجيران، والشمالية حتكون من نصيب مصر، اوياما حتربطو المخروقة او ترجعو سفرجية او بوابين في عزب البهوات، في المتمة في كريمة في القولد في عبري في حلفا، زي اخوكم عم عبدو الخدام في المسلسلات المصرية ايضا من مافتحنا!

    هنيالكم!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 10:38 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Bashasha)


    أخي العزيز بشاشا

    تحياتي

    من حقك أن تعترض ومن حقك أن تطلب ما هو بالإمكان ومع ذلك فالموضوع إجتماعي بحت و لا يتعلق بجهة

    ولا فئة ومنذ البداية قلت لا أحب الخوض في السياسة لأنها فن الممكن والكذب معا وأنا لا أجيد أي

    من الإثنين , إذا كان الشيء غير ممكن لا أستطيع أن أجعله ممكنا أما الكذب فموتي دونه وأهلنا

    في دار فور هم في عيوننا ومايمسهم يمسنا بالضرورة في الصميم ولا نحتاج لإعلان ذلك عبر المنابر

    عموما أتمنى أن لا أكون قد خرجت عن الموضوع وتأكد يا بشاشا أن اختلاف الرأي لا يفسد للود قضية

    مودتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 03:09 AM

Abdelmuhsin Said
<aAbdelmuhsin Said
تاريخ التسجيل: 10-10-2006
مجموع المشاركات: 2678

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    يا بشبش حاول ساعدنا شويه في اسلوب المخاطبه يعني بالبلدي كده ركز ركز ما تجي داقش ساي في اي موضوع

    (عدل بواسطة Abdelmuhsin Said on 01-22-2007, 03:13 AM)

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 07:07 AM

كمال علي الزين
<aكمال علي الزين
تاريخ التسجيل: 11-14-2006
مجموع المشاركات: 13030

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Abdelmuhsin Said)

    Quote: ما بعرف تاريخ ميلاد ولا تاريخ زواج ولا أي نوع من

    الطقوس دي البتزيد المحبة والالفة وتطفي شيء من

    الرونق على الحياة الزوجية ،،،




    خالدة

    تحياتي

    ياتو فيهم البضبحوا فيهو الخروف ؟؟؟


    عماد السؤال ده أكيد خطر ليك ,

    السمحات جابن ليهن ( فالنتاين ) وعيد زواج وعيد خطوبة

    جاي تقول ( مرفعين ) ياااي


    عيد الإستقلال , مالو , ماعيد ؟؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 10:10 AM

حليمة محمد عبد الرحمن
<aحليمة محمد عبد الرحمن
تاريخ التسجيل: 11-02-2006
مجموع المشاركات: 4048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: كمال علي الزين)

    Quote: براد بيت يتزوج سودانية !!!!!!

    حتة واحدة يا عواطف..!!؟؟؟
    العافية درجات ما تخلي العريس على مستوى القارة الافريقية وبعدين نلف شوية على القارة الاسيوية وبعدها الاوروبية ثم الامريكية عديييل وبعدين في امريكا ذاااااتو نمرحلو.. يعني الممثلين الزنوج الواقفين معانا في يوم الحارة ونطلع على جورج كلوني وبعدين هناااااك فوق برات بيت..ولا عشان ابوه اسمه بيت.. انشاء الله ما يضع قدام اسمهو الف.. تبقي مشكلة..
    والله يا عواطف انا مكشنة الحكنشة جنس كشين..
    زمان زميلتنا في الاداب كنت شايفاها غبشة اكتر مني.. بس زي ما تعرف قسمي اللغة الفرنسية جامع.. المهم يوم ماشة معاها بدأت تحكي في عمايل الهبوب الجات امبارح.. كنت مستنياها تقول لي الهبوب ام دلاقين بعد ما تنفخ (شدوقها) كويس وتمط شفايفها الى الامام.. تفاجات حين قالت تسوري امبارح اخوي رمتو الهبوبة.. ايوة الهبوبة..
    انا خليت اي شئ وبس كنكشت في الهبوبة الرمت اخوها دي..
    فرديت دي هبوب شنو دي ؟ دي هبوب ولا عُصار ؟
    ردت لا موش اعسار..دي هبوبة اديل..
    يا دي النيلة دا انا لم اتجاوز محطة الهبوبة طلعت لي محطة اديل..
    وبس من يومها وانا احاول تغبيش اولادي مع سبق الاصرار والترصد..
    غايتو ولدى الاوسط قاعد يقول المرهات، يقصد ..انا ذاتي غلبتني.. جمع المرة شنو؟
    النسوان ولا المرهات؟
    شفت العمايل؟
    نسكت ولا نخلي كل زول يتكلم لغته..
    غابت كلمة ايوة عن اولادي وحلت محلها إلا
    وغابت كلمة لزاني ، اي دفعني وحلت محلها دفاني..
    وبقينا نخاف نستعمل لغتنا المحلية تتطلع عندها معاني كعبة خلاص هنا..
    ودا مقلب برات بيت الثقافي او الاستلابي اللي كلنا واقعين فيهو..
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 11:11 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: حليمة محمد عبد الرحمن)


    الحبيبة حليمة

    مودتي

    يا سلام على مداخلتك الجميلة والرائعة في الوقت نفسه تصدقي صاحبتك بتاعة الفرنسي دي زيها كتار هنا

    نحنا أستاذنا بتاع الفرنسي باتريس عرس تحية زروق قال عشان عايز بت زي لونه وعيون تحية والله عملنا

    ليه حنة لقطة حنناه في بيوت الأساتذة الفي بري حنة بي شموعها وعديلة وعملنا ليه عرس كان حدث

    جرتقناه ولبسناه الجلابية الما خمج ولو شفتيه يبشر كيف لكن البت مع إنها حلوة ولقطة لكن طلعت على

    أبوها ربنا يدهيها وأمها العافية عشان أمها كانت ممثلة راقية أعطت السودان فن راقي في الزمن

    الجميل أما أولادنا فخليها على الله مرة الممثل محمود عبدالعزيز في فيلم أمه بتغسل في الهدوم قام

    وقع في الطشت ولدي قال دا وقع في شنو ياماما قلت ليه في الطشت قال لي وات ؟؟ قلت ليه طشت قال لي

    طشت يعني شنو؟
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 04:14 AM

ALGARADABI
<aALGARADABI
تاريخ التسجيل: 12-30-2004
مجموع المشاركات: 5236

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    Quote: لكن البت مع إنها حلوة ولقطة لكن طلعت على

    أبوها ربنا يدهيها وأمها العافية


    البت طلعت سودانية أصيلة مية المية
    تحياتى لها
    ولزوجها توأم روحى و أخى الذى لم تلده أمىأمير محمود
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 08:30 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: ALGARADABI)

    الأخ العزيز القرادابي

    تحية خاصة لك ولتوأم روحك أمير محمود وزوجته وللمثلة الكبيرة تحية زروق وأستاذنا العظيم الذي

    أصبح سودانيا حتى النخاع باتريس ماري حفظه الله لقد كان لطيفا ودودا خفيف الظل حلو المعشر لدرجة

    إننا كنا نتعامل معه كسوداني وليس فرنسيا في مرة من المرات ذهبنا للريست روم لصلاة الظهر فوجد

    أستاذ باتريس زميلتنا العزيزة رباح داؤود الخليفة تقف خارج الغرفة وهي أيضا كانت بتمشي موضة

    بدون توب قام أستاذ باتريس قال ليها رباح نو صلاة ؟ نو توب ؟ فو فومي ؟ يعني بتدخني ؟ تصور

    كان بتعقد إنه اللي ما بتصلي ممكن تدخن ضحكت توأم روحي التي أحبها من كل قلبي إبنة رئيس مجلس

    السيادة السابق رباح داؤود الخليفة عبدالله التعايشي من قلبها وقالت له إنتظر صديقتي لنصلي معا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 08:30 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: ALGARADABI)

    الأخ العزيز القرادابي

    تحية خاصة لك ولتوأم روحك أمير محمود وزوجته وللمثلة الكبيرة تحية زروق وأستاذنا العظيم الذي

    أصبح سودانيا حتى النخاع باتريس ماري حفظه الله لقد كان لطيفا ودودا خفيف الظل حلو المعشر لدرجة

    إننا كنا نتعامل معه كسوداني وليس فرنسيا في مرة من المرات ذهبنا للريست روم لصلاة الظهر فوجد

    أستاذ باتريس زميلتنا العزيزة رباح داؤود الخليفة تقف خارج الغرفة وهي أيضا كانت بتمشي موضة

    بدون توب قام أستاذ باتريس قال ليها رباح نو صلاة ؟ نو توب ؟ فو فومي ؟ يعني بتدخني ؟ تصور

    كان بتعقد إنه اللي ما بتصلي ممكن تدخن ضحكت توأم روحي التي أحبها من كل قلبي إبنة رئيس مجلس

    السيادة السابق رباح داؤود الخليفة عبدالله التعايشي من قلبها وقالت له إنتظر صديقتي لنصلي معا.
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 11:06 AM

حليمة محمد عبد الرحمن
<aحليمة محمد عبد الرحمن
تاريخ التسجيل: 11-02-2006
مجموع المشاركات: 4048

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: كمال علي الزين)
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 11:36 AM

Mohamed Abdelgaleel
<aMohamed Abdelgaleel
تاريخ التسجيل: 07-04-2005
مجموع المشاركات: 10407

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: حليمة محمد عبد الرحمن)

    الأستاذة عواطف .. تحياتي .. على هذا الحكي المهم والموحي
    عن شطحة أبوالدرداق الذي تاق ليتزوج القمر شريطة أن ينظف
    ظهر الأرض من مخلفات الماعز والضان والإبل فأضاع في التنظيف
    عمرا ..

    ولو توقفنا عن ترف طموح نماذجك وجسامة تهويم أحلام يقظتهن
    فهنالك مشكلة عنوسة حقيقية في المنطقة وفي السودان
    وهذا أمر يحتاج أن تفتح له البوستات وتخصص له خطب المساجد
    وكل الوسائط الاعلامية .. وقد استفحلت المشكلة ولا زال قادة
    مجتمعاتنايناقشون قضايا الأرض ويهربون من وجه قضاياهم!!

    شكرا جزيلاً
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:17 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Mohamed Abdelgaleel)

    أخي العزيز محمد عبدالجليل

    معزتي

    شكرا على عبورك الأنيق والله يا محمد مشكلة العنوسة مشكلة كبيرة وخطيرة والمسئولين ما جابين خبر يعني

    لو عملنا إحصائية حنلقى أعلى نسبة للعنوسة في السودان والأسباب معروفة ومفتعلة جدا نحنا في

    زمناكان البتعرس بعد العشرين بقولو عليها عانس عشان كدا كان أغلبهن بتزوجن ويواصلن رغم صعوبة

    الموضوع ودلوقت بعد العشرين لسة طفلة بتلعب بلايستيشن أيه رأيك ؟؟؟ تحياتي .

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 11:41 AM

د.محمد حسن
<aد.محمد حسن
تاريخ التسجيل: 09-05-2006
مجموع المشاركات: 14227

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: حليمة محمد عبد الرحمن)

    بنتي عمره 4 سنوات

    اليومين ديل طالع في راسها انا تتزوج توم

    ما توم كروز

    توم بتاع توم وجيري
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:21 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: د.محمد حسن)

    د. محمد

    تحياتي

    والله بت عاقلة أخير ليها من توم كروز الخاين اللي كله يوم مع واحدة واللي ما حفظ عشرة نيكول بت كيد

    مان وخلاها تمشي تكلم نفسها بعد ما عرس ليه واحدة عمرها 25 سنة يعني أصغر منه ب 22 سنة لؤيكد أن

    الرجل الغربي مثل الشرقي تماما حتى في العرس .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:26 PM

انور تاج السر

تاريخ التسجيل: 11-18-2006
مجموع المشاركات: 757

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: د.محمد حسن)

    الاخت عواطف، تحياتي

    يختي الفكي بتاعك ده جضيم ولا كنتة ساكت؟ انا باقي مكسر لي في واحدة من بنات هوليوود الوراني، و اصلاً انا ما كنت بعرفا لكن عندي صاحبي براي و علي العليو جنو افلام و قاديني بي قناة ام بي سي تو. مرة فرجني علي فلم اسمو لورد اوف ذا رينغس(مذكر اسمو عشان الدامة دي) و شفتها في الفلم ده و استحملت بريتو و كلامو عن جوايز الاوسكار الاخدا الفلم عشان خاطرا. الدامة اسمها ليف تايلور، اها ان الفكي بتاعك ده قدر جازفا لي بديهو عربية جاغوار علي الزيرو، شنو ليك؟

    كسرة:
    المشكلة انو ثقافتي السينمائية ضعيفة و كمان ما بعرف اقرا ولا اكتب انجليزي بالعربي فبالله خلي يجضمن لي في نفس البروغرام.


    مودتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:41 PM

فاروق حامد محمد
<aفاروق حامد محمد
تاريخ التسجيل: 08-07-2006
مجموع المشاركات: 4648

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: د.محمد حسن)

    Quote: والله يا خالدة صدقت في كل كلمة قلتيها وليكم حق تتشالكلو فيه نحنا كنا بنتشاكل في ألن ديلون



    مشاغبات بريئة:



    بالذمة يا عواطف !!!!! ألان ديلون عديييييييييييل كده !!!!


    ما أعرفه ان البنات على زمنكم كانوا بتشاكلوا على يوسف وهبي !!!!!
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 07:51 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: فاروق حامد محمد)

    مشاغبات غير بريئة

    عم فاروق ليه الغلط دا؟ يااخي كنا بنتشاكل في زكي طليمات ومع ذلك قرينا الإبتدائي والثانوي العام

    والجامعة في عهد نميري والديمقراطيات الفاشلة يعني أصغر منك بعشرين سنة يا القريت الكتاب وكلية

    غردون والله أم ناصر زميلتنا في شعبة اللغة الفرنسية قالت لمن خطبتها كنت شغال ليك تلاتين سنة ياأخي

    ما تغير المواضيع وتكون إنصرافي زي يعني هسة لو جبت ليك عروس زي بيونسي أنا متأكدة كنت بتقول لي

    زوجتي قرت معاكم في الكي جي ون وتو . مودتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 06:44 PM

خالدة البدوي
<aخالدة البدوي
تاريخ التسجيل: 03-05-2006
مجموع المشاركات: 1816

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: كمال علي الزين)

    Quote: خالدة

    تحياتي

    ياتو فيهم البضبحوا فيهو الخروف ؟؟؟


    عماد السؤال ده أكيد خطر ليك ,

    السمحات جابن ليهن ( فالنتاين ) وعيد زواج وعيد خطوبة

    جاي تقول ( مرفعين ) ياااي


    عيد الإستقلال , مالو , ماعيد ؟؟



    بعد اذنك حبيبتي عواطف ،،،،



    كمال ،،


    لك تحايا كثيييييييييييرة

    السمحات ديل عاوزات السمح وكمان عاوزات

    يسمحن حال جيل معاهن ،،،

    أنا بنتي عمرها اربعة سنوات نمشي السوق

    ما تطلع والا تأخد شمعة بشكل معين وأول ما

    نصل البيت تطفي النور وحتى التلفزيون

    وأي مصدر ضوء آخر وتصرتجلس على ضوء الشمعة ،،،

    اها قول لي رائك شنو في دهـ نحترم حاجاته والله لا ؟؟؟

    والانسان إذا ما عود نفسه على حاجات زوقيه معينه

    ما يقدر يمارسها في حياته وبالتالي يتصدم المجتمع

    الحالي الكتر الزوق بها واجباري يجد نفسه وقف

    في مكان واحد لا حراك ولا تفاعل ،،،

    كل الحاجات دي ما بتغير في خلق إذا كان

    هناك تربية بل بالعكس تطفي شيء من المواكبة

    دهـ ما معناه أنه البنات ما عندهم سلبيات

    لكن موضوع الاخت عواطف يدور حول البنات وهن ينظرن

    للمشاهير دهـ مؤشر إلى السوداني ارجع وراجع

    حاجاتك شايفة اخوانها في البيت وابوها اصحابها

    في الشارع في السوق يعني احيان كثيرة بنكون

    في مكان عام بنعلق نحن سودانيات على سودانيين

    بقوموا بتصرفات غير لائقه بالحدث أو المكان

    يعني ما بعرفوا اصول الاوتكيت ،،،

    هي ما بتقلل من قيمة الرجل بل بترفع من مكانته

    عندهاوتذيد من المودة ، يعني شنو لو جاب ليها

    بوكيه ورد في عيد الاستقلال والله تطير السماء

    وتحب الاستقلال الما كانت جايبة ليهو خبر ،،،

    دي مؤشرات بدلا من لوم الجيل عليها يجب البحث

    عن نواقص الرجل السوداني وأن نواجه الحقائق

    ونسعى لاصلاحها ،،،

    أما دور التربية والأم ده مافي خلاف عليه ما

    اتوقع انه في ام ما بتحرص على تربية ابنائها ،،

    الجيل الحالي يحتاج لوقفة ومراعاة متطلباته

    لانه ببساطه ممكن يرد عليك ويقول ليك دهـ كان وقتكم

    لمن تجي انت وتنظر للواقع تجد فعلا الحياة تغيرت

    والامور تبدلت فلا بد من ميزان حساس جداً لوزن الامور

    لتمشي صاح ،،

    أما مسألة الزيجات والشروط صدقني الجيل ده اغلبه

    ما بنظر للماديات بقدر ما ينظر للرومنسيات والاوتكيتات



    مودتي الكثيرة لك كمال ولعواطف ولجميع المتداخلين ،،،

    شكرا الحبيبة عواطف على اثارة مثل هذة المواضيع

    الله يديكي بنات عشان تشوفي بعينك وتجربي بنفسك ،،،



    خالص محبتي ،،،،



                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:12 PM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    ..
    .
    يا عواطف
    بشاشا دا من عرفناهو من 8 سنوات زولاً اشتر ودمو بقري
    وحتى ذخيرتو اللغوية محدودة وضعيفة وتدور فى فلك واحد
    شيزوفرينيا..
    الله يشفيهو .. ويوزن ليهو شخصيتو
    اساساً سايق ليهو بطاح وحايم بيهو كل ولايات الولايات المتحدة
    الا ما قدر يصل الاسكا لانو دق الصاجات دا ما بقدر ليهو
    سنه ناعمة ونعيم العم سام وكدا
    عشان كدا ما بتوقع انك تكونى المترجمة الاولى للفرنسية عقدتيهو يا استاذة
    عشان كدا لازم يجى رفه راسو الكوبرائى - دى من كوبرا - هنا

    حشسى انتظرنى اقرى ردى على ..
    3 كلمات .. متجولب .. غرباوى حاقد .. ومتمسح

    دمو ما خفيف خالص
    انسيهو وبس؛
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 12:26 PM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: Tabaldina)

    تبلدينا العزيز

    شكرا على مداخلتك الطيبة التي أعرف هدفها هو تطيب الخاطر وليس انتقاد بشاشا معليش يا ود أمي أنا

    حالفة ما أزعل من زول ولا أزعل زول ولو حصل ما كبيرة على الإعتذار إختلاف الرأي لا يفسد للود قضية

    ربنا يطول عمرك ويديك قدر ما يرضيك فتك بعافية يالحبيب .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 02:55 PM

حيدر حسن ميرغني
<aحيدر حسن ميرغني
تاريخ التسجيل: 04-19-2005
مجموع المشاركات: 18384

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)

    اختنا عواطف

    بناتنا الله يبارك فيهن وين ما قبَلن

    شوفي صديقي الكويتي ده بيقول شنوهنا .... وهو صديقي بالجد


    Quote: مما جعل زوجتي الوقور تعترف بغيرتها من جمال هذه البنت السودانية الواضح للعيان ، و

    هي شهادة تستحقها بحق كثير من نساء السودان اليوم ، و خصوصا ً إذا كانت صادرة من إمرأة مشاهِدة و

    محترمة ذات دراية بخفايا عالم الجمال و التجميل ، و ليست من رجال ٍ دفعهم فضولهم و شبقهم و حبهم

    للمال لا لأهل الجمال بإبداء آرائهم التي كم نتمنى لو أن كثيرين منهم احتفظوا مثل غيرهم بآرائهم

    التي لا تستند إلى حقائق أو حتى إطلاع يمكن أن يُبنى عليه موضوع يستحق التعليق أو المشاهدة لوضع

    النقاط فوق الحروف هنا أو هناك .


    وعشان تعرفي بيتكلم عن منو في بناتنا ادخلي هنا:

    http://www.msder.com/html/modules.php?name=News&file=article&sid=576

    وهنا للشوف والسمع:

    http://www.youtube.com/watch?v=vaFuifw5LMM





    إبنتي لما كان عمرها ثلاثة سنوات .. قالت لي: I love you Baba قلت ليها Me too قالت لي Only

    خلطت كل شئ مع بعض ... لا تتحدث العربية لان امها اجنبية .. اسيوية.. وسمراء كمان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 07:33 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: حيدر حسن ميرغني)


    أخي العزيز حيدر

    تحياتي .. شكرا لمداخلتك الرائعة في الحقيقة كل دول الخليج تشهد للمرأة السودانية بالجمال سواء

    كان شكلا أو موضوعا وهي بلا شك جميلة بروحها .. أخلاقها .. أدبها .. حشمتها .. علمها .. تواضعها

    ويكفي أن تكون سودانية .... مودتي .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-22-2007, 08:48 PM

elhilayla
<aelhilayla
تاريخ التسجيل: 02-05-2002
مجموع المشاركات: 4751

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: عواطف ادريس اسماعيل)




    الاخت عواطف وضيوفك الكرام
    واااااو

    كدي شوفوا وبجيكن صاد

    زين العابدين الحليلة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

01-23-2007, 07:28 AM

عواطف ادريس اسماعيل
<aعواطف ادريس اسماعيل
تاريخ التسجيل: 08-11-2006
مجموع المشاركات: 8006

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: براد بيت يتزوج سودانية !!!!!! (Re: elhilayla)

    أخي العزيز زين العابدين

    مودتي

    واااااااااااو تصدق الكلمة دي بسمعها من البنات والأولاد في اليوم 100 مرة وفي مرة من المرات عملت

    موضوع عن تدخين المراهقين في المدارس قمت سألت البنات بتدخنو ليه قامت واحدة قالت لي أصلو يا مس

    الواحدة لمل تولع السيجارة وتشيلها في إيدها بتحس إنها استايل , وإنها واو أيه رأيك ؟ أوعى تقول لي

    ياااااااااااااااي
    .
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 2:   <<  1 2  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de