تنظيمات الهوس الديني ونموذج الإخوان المسلمين (2) بقلم أحمد المصطفى دالي
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-12-2017, 03:59 PM الصفحة الرئيسية

مكتبة عواطف ادريس اسماعيل عبدالله(عواطف ادريس اسماعيل عبدالله)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

مواعيد سودانية وزيرنا المؤتمر فاتو والعريس شالتو نومة !!!!

16-01-2007, 05:53 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


مواعيد سودانية وزيرنا المؤتمر فاتو والعريس شالتو نومة !!!!

    بدون أدنى شك نحنا الشعب السوداني شعب طيب وخلوق وكريم أيضا ومن جانب آخر نحنا ناس حمشين جدا ما

    برنضى الحقارة البرشنا بي موية نرشه بالدم وعاد ياويل اللي يعادينا طوالي بنتذكر أغنية العرب

    المشهورة اللي بيخوفو بيها إسرائيل ( ياويل اللي يعادينا ياويله ) طبعا في اللحظة دي أسرائيل

    تضحك من أعماقهاوتجري على الدرافت بتاعها وتطلع كلمة ( ) وتعمل ليها سند فور أول يعني لو أي

    عضو في البورد جاته كلمة( ) ما يقوم يزعل ويفتكر إنه فلان الفلاني الزعلان مني يوم داك قام رسلها

    لي يا أخوي دي إسرائيل بتسخر مننا ومن كلامنا الفاضي ( ما قلت ليكم قبلي كدا إني إنصرافية؟)

    يا جماعة الخير كوننا ناس طيبين ومسالمين ما معناها ما عندنا عيوب ولا أخطاء والله الغلط راكبنا من

    راسنا لي رجلينا طبعا حينط لي واحد من حزب لا أكذب لكنني أتجمل ويقول لي هوووي يا بت فتحي عينك

    زي الجنيه أبو عشرة طبعا لو قلت زي الريال أبو عشرة تقوم واحدة تقول هي دي من زمن الريال أبوعشرة؟

    أنا صاحية وواعية للناس البصطادو في الماء العكر و مؤمنة بالمثل البقول أمشي صاح يحتار عدوك فيك

    في ناس كتار حيزعلو ويقولو سلبياتنا شنو بالله عليك الله شوف الزولة الماعندها ولاء ولا انتماء دي أنا

    طبعا ما شغالة ليكم بيهم من يوم بكري أبو بكر دخل في البوست بتاعي بقيت طوالي أغني أغنية ما همانا

    الليلة ما همانا وما همانا مادام بكري معانا. طبعا سلبياتنا لا ليها أول ولا آخر يعني مثلا لمن نسافر

    بالطيارة تعالو شوفو الكرور البنشيلو العايزنه والماعايزنه ( طلح وشاف بالشواويل , ويكة , شرموط

    بصلة محمرة , دكوة , زيت سمسم, نبق , لالوب , دوم , قونقوليس , قريب فروت , فسيخ ألخ ) يعني الزول

    الإخترع الطيارة دا لو عارف عمايلنا دي كان لغى الفكرة من أساسها تعالو معاي شوفو الحوار الدار

    بيني وبين أمي يوم جيت أبو ظبي لأول مرة طبعا جيت طالعة لقيت ليك الشوالات والصفايح والجرادل

    اتهجمت واترجمت قلت ناس مطار أبوظبي حيقولو المرة دي جاية تعمل حريقة في البلد وماتنسو الأرياح

    البلديةالبيضا وماعارفة الحمرا وحقت الهبهان وحقت المحلب ديل أكيد يورانيوم سايل عايزة تعمل بيهم

    أسلحة دمار شامل طوالي إتهجمت وإترجمت وقلت ليها:

    _ يا أمي ده شنو عليك الله الكلام الفارغ ده الحاجات دي من هنا ما تباريني !!

    * كيفن يعني يابتي دايرانا نتلوم مع العريس ؟

    - ما تتلومو كان إتلومتو هو العريس اللوم راكبه من راسه لرجليه في واحد ما بيجي يحضر عرسه بعد كدا

    عايز يحضر شنو تاني ؟؟

    * لا يا بتي ما تقولي كدي الغايب عذره معاه ( أمي دي دايما تلقى للناس الأعذار حتى لمن أمريكا ضربت

    مستشفى الشفا لقت ليهم عذر وخلت ناس البشير يسكتو) وأضافت أسمعي كلامي يابتي إنت الوحيدة اللي طول

    عمرك بتسمعي الكلام ولا خلاص عشان عرسوكي عايزة تصنعي قرارك براكي ( شايفين أمي فاهمة كيف مع إنها

    ما دخلت مدرسة يعني لو دخلت كان حتكسر الدنيا)

    * خلاص حاضر أمرك ما في مشكلة

    إلتفت إلى إبنة خالتي التي أحبها جدا وقلت لها:

    _ أسمعي ياصالحة بعدين لمن نصل المطار رجعوا الحاجات دي كلها معاكم عليك الله وخليك من الحاجة دي

    * بري بري يا يمة مالك عايزة تختيني في فجة ضيقة زدي إنتي عارفة خالتي بعدين حتمسكها لي ليوم

    القيامة . ( مت غيظا من جبنها وسلبيتها الأزلية)

    دخلت المطار وبسرعة البرق دخلت جميع الأمتعة الطيارة ( لو كنت عايزاها تدخل ما كان ناس مطار

    الخرطوم وما أدراك ما مطار الخرطوم دخلوها لي طبعا هم دايما بعملو عكس رغبة المسافر) في الطيارة

    بعدما المضيفة إفتكرت إني مجنونة وختتني في كرسي إنفرادي قعدت أعاين شمال يمين شفت لي عروس قاعدة مسكينة

    مسكينةأطنها لأول مرة تسافر ( ما عرفت تربط الحزام) سألتها مين عريسك قالت في أبوظبي لكني ما شفتو

    قبلي كدا , قلت ليها بتعرفي قالت غايتو , المهم وصلنا المطار ونزلنا الكرور ناس مطار أبوظبي

    قربو يغلقلو المجال الجوي لمن شافو كرورنادا كله كوم وعريس المسكينة ما لقيناه وما هان علينا

    نمشي نخليها مش قلت ليكم نحنا شعب طيب وأخوان أخوات , قعدنا نسك زول زول ونقول ليه ياآخي إنت عمر

    العريس ؟ ( لا والله وهو عمر الجن دا وين) نسيبه بدون إجابة نجري للتاني بالله إنت عريس البت دي

    الأهلها رسلو ليك صورتها وبعدين طوالي قلت عايزة ؟؟ ( لا والله هي ذاتها بالغت كيفن تعرس بالصورة؟)

    ياأخي دا ما شغلك طالما إنت ما العريس ما في داعي للكلام دا . شفنا واحد تالت إنشاء الله تكون إنت

    عمر الجاي من بني ياس عشان يجيب عروسه من المطار ؟ تثاءب ثم عطس ليجيب في تثاقل شديد ( ياخي مافي

    مشكلة صباحات الله بيض ودوها معاكم وشوفو البحصل شنو بكرة ) (كلام منطقي) الساعة بقت ستة صباحا

    يعني لينا خمسة ساعات في المطار طلعنا برة وقلنا نعمل بنصيحة محجوب الكسلان لكن فجأة أطل علينا

    شخص لابس بيجامة وجاري يركض هنا وهناك يا أخونا عروسي حاية الليلة في زول شافها ؟ ناديتو قلت ليه

    في قلبي تزاول من ضلك والله لو كنت مكانها كنت قطمت رقبتك . بدأ في الإعتذار قائلا آسف يا جماعة والله

    شالتني نومة حتى شوفوني من كتر ما مستعجل جيت المطار بالبيجامة قلت ليه عادي بس تاني ماتكررها.

    العريس وشالتو نومة الوزير مالو ؟ قالو وزير الصناعة بتاعنا المفروض يحضر مؤتمر في اليابان ويقدم

    ورقة عمل خلال المؤتمر لكن الفالح إفتكر إنه في السودان والساعة عشرة يعني إتناشر وواحدة يعني خمسة

    فقام دخل السوق وهاك يا هدايا دي لرئيس الجمهورية ودي لنايبه الأول وكمان دي للتاني ودي إحتياطي

    للنايب التالت بتاع دارفور ودي للنايب الرابع بتاع الشرق ودي للخامس بتاع الشمال ودي لخالتي

    فاطمة ودي لدار السلام ودي لأمي ودي للأولاد ودي لأمهم ولمن خلص السوق وجا داخل عشان يقدم ورقته لقاهم بقرو

    بقرو في التوصيات والقاعة قالت قر بالضحك قام وزير الصناعة الياباني قال ليهم معليش مواااائييد

    سودانية الوزيربتاعنا لا زعل ولا حاجة هو عارف بكرة كل الجرايد حتكتب إنه الوزير فلان الفلاني كان في
    ا
    ليابان وقدمم ورقة العمل الفلانية التي صفق لها الحضور طويلا وعلى ضوء هذه الورقة عقد عدة صفقات مع

    شركة كذا وكذا مع إنه هذا الوزير الشاطر دا المفروض يكون عارف إنه الوقت بالنسبة لليابانيين أغلى

    من الدهب والدقيقةالواحدة بتساوي مية نيسان وخمسمية راف فور وألف كورولا لكن نحن طبعا بالنسبة

    لينا كله عند العرب صابون الوقت مهدر ولا قيمة له والشر بالكوم الرئيس شاري النايب والوزير شاري

    الوكيل والمدير شاري الموظف والموظف شاري الزول الغلبان والدكتور شاري المريض والمريض شاري أم

    العيال يا جماعة دا حتى الحبيب شاري حبيبته بالساعات والله الكلام ده شفته في جامعة الخرطوم قدام

    داخلية الطالبات لدرجة إننا سمينا الحتة ديك حبل الغسيل من كتر ما البنات مشرورات ودا السبب

    الخلاني ما أحب لي واحد من الجامعة عشان أنا زولة صعبة و مابرضى يشرني راجل دقيقة واحدة خلي أقيف

    كمان وأنتظره ساعتين لمن يخلص المذاكرة ويدخل الحمام ويشرب شاي المغرب ويجي يلقاني نشفت بالمناسبة

    دي واحد من شعراء حلمنتيش قال هذه الأبيات بمناسبة الشر

    يا الغسلتنا وشريتنا

    لما نشفنا ليه ما كويتنا

    يا الفي كانون هواك حميتنا

    لامن زيتنا فاح شميتنا

    ودا كله بسبب المواعيد السودانية تصورو في كل مكان بقت الناس تتريق ( مواعيدك مظبوطة ولا سودانية

    آآآآآآآآآآآآآآآآآخ منكم ياالسودانيين الزمن مهم والوقت كالسيف إن لم تقطعه مزقك !!!!! ودمتم.

    (عدل بواسطة عواطف ادريس اسماعيل on 16-01-2007, 05:57 AM)

                   |Articles |News |مقالات |بيانات

16-01-2007, 06:56 AM

ABU QUSAI
<aABU QUSAI
تاريخ التسجيل: 31-08-2003
مجموع المشاركات: 1860

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الأخت عواطف

    لك التحية

    دخلت أولا لأعبر لك عن إعجابي بطريقة تناولك للمواضيع والطرح الظريف ، وحقيقة قرأت لك بوستين سابقين وأعجبت بهما جدا وإن لم إتداخل معك ... فلك التحية .

    أما الشيء الثاني فهو تعاملنا كسودانيين مع المواعيد ، يا الله ، أحكي ليك قصة عندي ولدي قصي بيلعب كورة مع فريق الجالية السودانية الكندية في واحدة من مدن منطقة نياقرا تتصوري حرد الكورة ورفض يمشي يلعب معاهم لفترة لعدم احترامنا للمواعيد . قال يا بابا ديل بيقولوا التمرين يبدأ الساعة خمسة تصور يكون في لعيبة أساسيين ما يصلوا الملعب لحد الساعة سته وسته ونص مرات وهو ومجموعة من أصحابه القاموا هناك بيكونوا صالبننا في الملعب من قبل المواعيد ، وبيقرقوا على الجماعة الكبار الجايين من السودان ، بعد جهد جهيد اقنعته بالرجوع للفريق والتعامل مع الواقع بتاع السودانيين ، فبقى أول ما يحددوا مواعيد للتمرين يسألهم مواعيد سودانية أم مواعيد كندية .... لكن بيني وبينك مرات قاعد أزعل منهم لما أتصل عليهم من خارج كندا وأكون عايز اتونس معاهم ويقوم الزول البرد علي يقول لي سوري يا بابا عندنا مواعيد ولازم نطلع الأن ما حنقدر نتكلم معاك اتصل بعد الساعة كذا ، يكفوا قلب الواحد ، وبراي كدي أقول يا اخوانا دي قساوة قلب شديدة خلاص ناس أبوهم ما معاهم وعايز يونسهم يقولوا ليهو سوري اتصل بعدين عشان عندنا مواعيد ، وأمهم ذاتها بقت زيهم ، لكن أنا لما أبقى معاهم طوالي الشكلة تدور لانهم كل ما نكون طالعين عشان أوصلهم مكان يكونوا هم جاهزين وأنا أدخل وأمرق كعادتنا ومرات يحردوا الطلوع معاي عشان ما يصلوا متأخرين ، سألتهم مرة انتوا ليه دايما مستعجلين كدا ، رد الولد الصغير قال لي يا بابا إذا انت ما بتحترم المواعيد هنا ما في زول بيحترمك .... تصوري دا البيقولوه ليهم في المدرسة .. فأين مدارسنا من ذلك ... أما مسألة الحمولات في الطائرات فوالله أنا شيلوني الفسيخ ولبن البدرة لي كندا ..

    معذرة للإطالة ودام الود

    أبو قصي
                   |Articles |News |مقالات |بيانات

16-01-2007, 07:54 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: ABU QUSAI)

    لا حول والله قوة الا بالله


    أول مرة أعرف انك من النسوان البرسلوهم

    طرد !!!!!
                   |Articles |News |مقالات |بيانات

16-01-2007, 07:59 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: فاروق حامد محمد)

    أخي أبو ناصر

    تحياتي

    الحمد لله إننا جينا طرد في ناس جو بالدي أتش أل .
                   |Articles |News |مقالات |بيانات

16-01-2007, 07:56 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: ABU QUSAI)

    العزيز أبوقصي

    مودتي

    مرورك الجميل أسعدني وحكاية أولادك والمواعيد دي تبشر بالخير وتؤكد إنه الأجيال القادمة سوف تغير

    الكثير من النظريات والعادات التي التصقت بنا شكرا أبو قصي مع تحياتي للشجاع قصي .
                   |Articles |News |مقالات |بيانات

16-01-2007, 09:58 AM

مجاهد عبد الرحمن
<aمجاهد عبد الرحمن
تاريخ التسجيل: 30-08-2006
مجموع المشاركات: 1190

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    أختنا العزيزة ...أم مجاهد ... لك الود والإحترام ... ووافر التقدير

    أولاً : فيما يتعلق بالزمن فهذه يا أختي قضية حسمها يبدأ من الأسرة لأن تربيتنا هي التي تغرس في النفوس هذا النوع من السلوك المشين ... لأن الطفل لا تتم تربيته على إحترام عامل الزمن والإعتماد على الذات وهذا أمر يطول الحديث فيه . فلا غرو أن نتخلف عن كل شئ طالما لا نحترم الزمن .

    ثانياً : الخموم المصاحب للمرأة السودانية في المهاجر ... شكراً لأنك طرقت هذا الباب وأنت واحدة من هذه الفئة ... وشكراً لإعترافك بإصطحابك لهذا ( الهتش والبقج ) وأنت مكرهه عليه ( لا أدري إن كان هذا الرفض لقناعة أم لحداثة التجربة في الحياة حينها ) ولكن والله أستغرب عندما أذهب إلى حي غبيراء في الرياض لشراء بعض الأشياء السودانية لأن هذا الحي فيه أغلبية سودانية والوحيد الذي تجد فيه ريحة السودان عليه نضرب له أكباد الإبل متكبدين المشاق لأجل هذا الإحساس ... لكن تتفاجأ بالكثير من المفارقات ... كل المحلات التي تعرض الأشياء السودانية تعرض ما لديها بشكل غير حضاري ... غير مرتب ... إبتداءً بالرفوف غير المنظمه وإنتهاءً بالأرضية المتسخة والتي تتخذ كمعرض مصاحب للرفوف ... المعروضات تغلفها طبقة من الغبار ... المعروضات هي كل أنواع الحطب ... من كتر ... لعوت ... سروب ... ترتوس ... (نعدكم بقاموس لشرح المفردات للحناكيش ) وحاجات تانية كتيرة ... الكوانين ( طبعاً تنشط في عيد الأضحية وتصنع من صفايح الزيتون وجبنة الدويم الممتازة وأحياناً من صفائح الطماطم الميئوس من حالتها... طبعاً معاها نوع من الشوايات البلدية لشية الجمر وهي المصنوعة بطرقة متأخرة جداً )... المراكيب ... الجنينة والفاشر والأصلة ...الكنشه ... الصاجات بتاعت العواسة المختلفة... الكسرة ... القراصة ... الهبابات ...المقاشيش وفي حضرة هذا المهرجان يتألق السودانيين شراءً ( بلا هوادة ) وتتوهج أم العيال وهي ترتدي عباية محذقة تظهر اثر النعمة والعافية إنطلاقاً من ( وأما بنعمة ربك فحدث ) فتظهر التضاريس في كل الإتجاهات بشكل لا يقبل الجدل وأبو العيال تابع لها يحمل في صفحته طفل ويقود طفل وهي تحمل الحطب في الأباط والكنش والهبابه والجردقة الترابية والحجر والحلبة طبعاً الطفل الفي عمر التسنين والفي البطن كلهم محتاجين مستخلصات هذه المادة ... وأعمارهم لم تتجاوز القليل ... أجمل شئ حكى لي أحد الصدقاء ان أحد الشباب إستقدم اسرته ... والحاجة لم ترى البمبرز وعندما لاحظت ابناء الجيران يرتدونه طالبت به وألبسته للطفل لمدة ثلاثة أيام حتى تورم الطفل لأنها لم تسأل فكونها غير عارفه فهذا ليست بعيب ...
    ثالثاً : والله ما مزعلني شئ غير عريس الهنا النام ... دا بالله يوم بنومو فيه ...
    شكراً يا عواطف ...لي عودة
                   |Articles |News |مقالات |بيانات

16-01-2007, 10:23 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: مجاهد عبد الرحمن)

    إبني الحبيب مجاهد

    مودتي

    أشكرك على البوست الظريف دا والله يا مجاهد ضحكتني جنس ضحك من يوم ما بدت الإمتحانات وأنا عندي حالة

    نفسية وإنت عارف السبب بعدين إنت في العريس الشالتو نومة ولا عريس صحابتي الحلف ما يمشي ليها

    المطار قبال ما يكمل عشرة كوتشينتو لما قالو ليه حرام عليك يا عثمان قال ليهم هي حتنتظر حتنتظر

    يعني حتمشي وين وفعلا إنتظرت المسكينة ولليلة منتظرة لأنها بقت حليمة السعدية تفطم عشان ترضع وترضع

    عشان تفطم وهكذا دواليك . شكرا مجاهد .
                   |Articles |News |مقالات |بيانات

16-01-2007, 08:44 AM

Amin Hamad

تاريخ التسجيل: 19-07-2006
مجموع المشاركات: 103

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الفاضلة عواطف

    صديق عزيز ماهل جداً لم يمتلك ساعة في حياته لأنها تسبب القلق والتوتر علي حد قوله
    وهو يحب الاسترخاء الشديد لدرجة التبلد، ارتبط باحدي الحسان فكان ان احبته حباً شديداً
    وذلك لانه قليل العتاب واللوم ومتسامح في كل الاحوال حتي انها جاءت متاخرة ساعة
    كاملة في احدي المرات ووجدته جالساً يحتسي الشاي وبتاع الاورنيش يلمع في الحذاء
    الما خمج، فاندهشت لوجوده وقالت "قلت امر ارضاء لنفسي ولالقاء التحية علي المكان ولم
    اكن اتصور لقاك، فقال "عشان تعرفي احساسي بيك قدر شنو فقد كنت متأكد من حضورك
    ولما حكي لي سألته ما سبب انتظارك كل ذلك الزمن فقال" سرحت مع كديس كان بيلاعب
    ضفدعة وما عارف يعمل معاها شنو، واضاف انها فرحت بالانتظار وزعلت لأنها داهمتني
    وانا ادنكل في سفة صعوط وطلبت مني الاقلاع عنه وانت عارف ارتباطي كيف بود عماري،
    وفي مرة زرته بالمنزل وكان يتأهب للحمام وجلسنا ندردش وبعد مرور وقت طويل سألني كم
    الساعة؟ فقلت سبعة فقال "عندي مواعيد مع خطيبتي سبعة شوكة، فضحكت وقلت لن تعمر
    معها بهذه الطريقة فقال "لا دي ميتة في اخوك موت شديد" فقلت هي ميتة في لا مبالاتك وعدم
    عتابك باعتبارهم تسامح وحب ولكن عندما تكتشف الاداء السلحفائي والدم البقري بتاعك ستقلع
    عن حبك، هاتفته من مكان اقامتي وسالت عنها فأجاب"نقيت فيها لحدي ما ادتني شاكوش" فقلت
    له احسن لعلك تستفيق من غفلتك للزمن وتقطعه قبل ان يفتك بك مرة اخري

    أمين حمد
                   |Articles |News |مقالات |بيانات

16-01-2007, 09:19 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Amin Hamad)

    أخي العزيز أمين

    تحياتي

    مرورك أسعدني وصاحبك دا أثبت إنه سوداني أصيل وود بلد لكن بيني وبينك يستاهل الشاكوش عشان يفتح

    عينه زي الريال وياريت كل البنات يدو الجكسات شوكايش زي دي .. أما الزوجات لو بقدرو يدو أزواجهم

    شواكيش كان المأذون بدل ما يكتب الكتاب يقوم يمسحو مودتي .
                   |Articles |News |مقالات |بيانات

16-01-2007, 09:24 AM

فدوى الشريف
<aفدوى الشريف
تاريخ التسجيل: 14-09-2006
مجموع المشاركات: 5290

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الاخت عواطف ادريس في الحقيقه الاستاذه لك كل التحيه وعلي طرحك التلقائي المريح
    واناحقيقي بفتس البوست المكتوب بي اسمك عشان اقراه واستمتع بالتلقائيه السودانيه
    شكرا كتييييييير علي اريحيتك الزايده وربنا يسلم ضراعك
    وحكاية المواعيد دي اكتر حاجه تزهج
    واتمني السودانيين يخلوا بالهم للحته دي
    ودمتي لنا
                   |Articles |News |مقالات |بيانات

16-01-2007, 10:27 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: فدوى الشريف)

    فدوية الحبيبة

    مودتي

    والله كبرتي لي راسي لدرجة إني إتخيلت بكرة تجيني ترقية من بكري أبو بكر و خليتيني أطمئن من حكاية

    الخور ... شكرا فدوى مرورك يسعدني .
                   |Articles |News |مقالات |بيانات

16-01-2007, 10:36 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 45662

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: فدوى الشريف)

    تصدقي يا عواطف انا نفس الشئ تزوجت عن طريق الطرود وزوجتي جاءتني بالعراق مع فريق الهلال وكاـنت امانة برفقه الريس الطيب عبد الله .
    الطائرة هبوطها الساعة الرابعة عصرا وانا قاعد في المطار من بعد الفطور ولكن في قاعة ثانيـــــة المهم الطائرة جات ووصلت ونزل الركاب ونزل معهم فريق الهلال ومعهم زوجتي المهم دي قصة طويلة يــا عواطف ( يعني فلم هندي ) بس انا بختلف من زولكم كتير مش كدا ..

    مرة اخرى شكرا على روعة السرد والله يسلمك ..



    ود الباوقة
                   |Articles |News |مقالات |بيانات

16-01-2007, 10:45 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: ود الباوقة)

    الأخ العزيز ود الباوقة

    شكرا على المرور الجميل أنا غايتو لو كنت في محل زوجتك كنت مشيت لعبت مع الفريق ظهير أيمن

    لكن مع ذلك إنت أحسن من صاحبنا الشالتو نومة في إنتظارك ... مودتي .
                   |Articles |News |مقالات |بيانات

16-01-2007, 11:44 AM

Ali Alhalawi

تاريخ التسجيل: 10-02-2004
مجموع المشاركات: 1467

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: فدوى الشريف)

    الأخت الأنصرافية جدّا .. عواطف

    تعجبنى جدا إنصرافيتك حتى أننى أفكّر جادا أن أصبح انصرافيا .. انصرافيتك ماهرة فى تشخيص الداء .. اسلوب سلس و جاذب .. لغة بسيطة تدخل الدماغ بيسر و بلا مراوغة أو تكلّف

    من التندر بمواعيدنا السودانية .. يحكى ان واحد سودانى واعد واحد سودانى و كان لا يود أن يكون الزمن مفتوحا على مصراعية .. كأن يقول له نتقابل الصباح أو العصر أو بالليل فيجهجهه فقال له:

    تعال لى الساعة تسعة .. لى عشرة ممكن انتظرك .. أكان حداشر ماجيت .. اطناشر بشتت

    بينى و بينك أنا لو فى مكانو كنت بشتت .. دا زول ما عندو احترام لمواعيدى الدقيقة

    نحن من اكثر الشعوب ما عندها قيمة للزمن .. لو حاولت ان تكون دقيق .. يقولو ليك يعنى عامل فيها خواجة؟! .. كثير فى اللغة و الأمثال يشجعنا على التكاسل:

    أكان تجرى جرى الوحوش غير رزقك ما بتحوش .. يعنى المستعجلين ليها شنو
    تمشى الهوينى كما يمشى الوجى الوحل .. تمشى براحتها و لو تصل بعد شهر .. أحسن مايقولو عليها خفيفة و لفيفة

    و حتى لا نعتبر ان هذا كلام معتوهين أو ولهين تم ربط المسألة بالحلال و الحرام حتى لا يكون هناك مجالا للنقد او الأفتاء .. فقالوا: العجلة من الشيطان و المهلة من الرحمن ..

    سجلينى فى كشوفات المتابعين لأنصرافيتك

    على الحـلاوى
    بغــداد
                   |Articles |News |مقالات |بيانات

16-01-2007, 12:18 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Ali Alhalawi)

    أخي العزيز علي

    تحياتي وسجمي جدا إنت في بغداد لا كدا حتخلينا خايفين عليك طول الوقت عموما ربنا يحفظك ويغتيك

    محل ما تمشي . ثانيا شكرا على المداخلة الجميلة شكلنا كدا حنعمل حزب للإنصرافيين والإنصرافيات

    إحنا ورانا أيه ؟؟؟ كل شيء ملحوق حتى العرس والفاتك ما تفوته خليك قاعد في محلك حارسه عشان

    العرجة لمراحها والرزق ما يحبش الخفية ... مودتي ... قلبي معك .
                   |Articles |News |مقالات |بيانات

16-01-2007, 10:52 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3685

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    أختي العزيزة عواطف وراك وراك.. لأنو كتاباتك غير إنها في العظم الجواني.. هي من نوع السهل الممتنع.. وتعرفي مسألة المواعيد السودانية دي يعني حقيقة ثابتة في حق السودانيين والبجي من تالاهم..
    وأغرب قصة حاحكيها ليك.. عن المواعيد السودانية بتاعة الخطوط السودانية.. والتي كادت أن تطرشق لإبن عمي ونسيبي زواجه.. وكان حاجز على ا لسودانية وشغال لغاية آخر يوم.. والعرس بعد يوم من وصولو السودان.. المهم ما أطول عليك .. أخونا من العمل على المطار.. ومنتظر ومنتظر.. ولمن طال الإنتظار سال من الطيارة وقالوا ليه.. والله الطيارة وصلت بدري وقامت قبل مواعيدها.. أها دي يا أختي يقولوا عليها شنو.. وطبعا المسكوت عنه حال إبن عمي اللذي تبدل من حال لحال..

    عموما يا عواطف شكرا لهذا البوست الظريف..والرشيق رشاقة قلمك.. و
                   |Articles |News |مقالات |بيانات

16-01-2007, 11:09 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Kamal Karrar)

    أخي العزيز كمال

    تحية قلبية صادقة

    والله سعيدة بيك وبإطرائك على البوست أما حكاية الطيارة السودانية دي خليها ساكت خلت ناس أبو ظبي

    يعملو ليها صالة خاصة من كتر الدربكة اللي بتعملها لناس المراقبة الجوية وبعدين مرات العفش يجي

    والمسافرين ما يجوا ومرات الطيارة تجي بدون مسافرين وبدون عفش ومرات المسافرين والعفش يجو

    والطيارة تكون ماجات ياربي دا من شنو؟ مودتي .
                   |Articles |News |مقالات |بيانات

16-01-2007, 12:07 PM

خالد المحرب
<aخالد المحرب
تاريخ التسجيل: 14-01-2007
مجموع المشاركات: 5708

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    ات عارفه والله انا الموضوع ده جد متعبنى شديد لانى كنت اهتم بالمواعيد من انا فى السودان يعنى ما اتعملت الشى ده فى الغربه وكل واحد قريب منى بعرف الكلام ده0
    اول مره انزل اجازه فى التسعينات كان عندى شغل فى البيت طبعا اجازتى محدوده نجار وحداد والبنايين والله ضوقونى الويل ات عارفه الواحد منهم بقول ليك والله كان جارنا عندو سمايه عشان كده ماجيت او اصبحت معسم ماقدرت اقوم او او او المهم اعزار اقبح من الذنب ولما الواحد يشوفنى عصبت يقول بكل برود يااخى الدنيا ما طارت ات0 المعجلك شنو0000
    المشكله نحن بنعطى بعض الاعزار او الواقع بفرض عليك كده وتقريبا ده الحاصل عشان كده مافى اهتمام بالمواعيد نحن فينا عيب ولكن الظروف المحيطه بينا مع تراكم السنين الواحد اتعود على كده 00 حان الوقت لتغير هذا السلوك00
                   |Articles |News |مقالات |بيانات

16-01-2007, 12:16 PM

عبدالرحمن عبدالله أبوشيبة
<aعبدالرحمن عبدالله أبوشيبة
تاريخ التسجيل: 11-08-2005
مجموع المشاركات: 1286

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالد المحرب)

    الاستاذة عواطف لك التحية والتقدير

    كلامك عين العقل ومن زمان السوداني يقول للشخص العندو معاهو مواعيد نتقابل من ستة لي سبعة لغاية ثمانية لو ما جيتك تسعة امشي... ياهو حالنا
    وزيما قلتي
    (بدون أدنى شك نحنا الشعب السوداني شعب طيب وخلوق وكريم أيضا ومن جانب آخر نحنا ناس حمشين جدا مابرنضى الحقارة البرشنا بي موية نرشه بالدم )
                   |Articles |News |مقالات |بيانات

16-01-2007, 12:30 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عبدالرحمن عبدالله أبوشيبة)

    أخي العزيز أبو شيبة

    شكرا على العبور وبمناسبة ما بنرضى الحقارة دي عندنا زميلة صحفية جات جديدة بعدين طلبت من زميل

    عراقي حاجة قال ليها إدللي عيوني وعينك ما تشوف إلا النور إفتكرت الموضوع غزل ... تحياتي .
                   |Articles |News |مقالات |بيانات

16-01-2007, 12:26 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالد المحرب)


    أخي العزيز خالد

    مودتي

    والله حكاية الدنيا طارت دي قاعد تزعلني زعل شديد يعني أفرض قامت طارت حيعمل شنو؟ وبعدين الدنيا

    من شدة ما طارت لمن ما قدرنا نحصلنا آآآآآآآآآآآآآآخ ياخالد نعمل شنو من زي ديلة وأسفاي .
                   |Articles |News |مقالات |بيانات

16-01-2007, 01:49 PM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3685

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    تعرفي يا عواطف يا أختي.. تكون الطيارة ما جات مالها؟ عشان زي ما قلتي والله الغلط راكبنا من

    راسنا لي رجلينا طبعا.. والغلط بادي من البيت يعني المسألة مسألة تربية.. وبرضو نقول ليك نحن ونحن.. وفي مسالة إنو السودانيين ناس حمشين وما بيقبلوا الحقارة وما عدانا خانعين وبقبلوا بكل شيء أنا دائما أقول ليهم والله يا جماعة أنا برضو كنت قايل كده لكن لقيت حواء والدة.. ودائما أقول لأصدقائي هسع الشيء البعملوا فيه الفلسطنيين ديل كل يوم يودعوا شهيد ويسوا في البيسوا فيه دي ياتو جعلي بسويها (طبعا أنا هاف كاستد يعني جعلي من أمي).. عشان كدى حقو يا عواطف يختي ما نأخد زومبة في نفسنا أكثر من الزمبة الفينا..
    مع تحياتي
                   |Articles |News |مقالات |بيانات

16-01-2007, 09:34 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    عواطف .. بس اكتبي بشان انا عايز اقرا .. في حاجات كتيرة عايز اعرفها في الدنيا دي وقدر ما نقرا ما لاحقيين نعرف ....
                   |Articles |News |مقالات |بيانات

17-01-2007, 05:11 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: abubakr)


    أخي العزيز أبوبكر

    مودتي

    أشكرك على مرورك اللطيف والله يا ودأمي في جنس حاجات تشيب الراس بس خليكم مستعدين .
                   |Articles |News |مقالات |بيانات

17-01-2007, 05:17 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)


    خبر عاجل

    جاءنا الآن ما يلي :

    زوجة عضو المنبر ودالباوقة التي جاءت مع فريق الهلال ولم تجده في صالة القادمين أكدت أنها وانتصارا

    لكرامة المرأة قد رفعت في ذلك اليوم شكوى إلى الفيفا الذي استجاب لدعوتهاورفع الكرت الأصفر لود

    الباوقة كما أرسل حكم واتنين لاين مان لمراقبته لمدة 100 سنة لرفع الكارت الأحمر وطرده من الملعب

    أقصد عش الزوجية إذا ثبتت عليه جريمة اللعب الخشن
    .
                   |Articles |News |مقالات |بيانات

17-01-2007, 05:52 AM

Nasser Mousa

تاريخ التسجيل: 21-02-2005
مجموع المشاركات: 1378

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الاخت عواطف
    شكرا لهذا البوست الجميل
    واتمنى ان يكون بداية انتفاضة
    وحقا الوقت كالسيف ان لم تقطعه قطعك

    عاطر التحايا
    ناصر موسى
                   |Articles |News |مقالات |بيانات

17-01-2007, 06:35 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Nasser Mousa)

    Quote: قالو وزير الصناعة بتاعنا المفروض يحضر مؤتمر في اليابان ويقدم

    ورقة عمل خلال المؤتمر لكن الفالح إفتكر إنه في السودان والساعة عشرة يعني إتناشر وواحدة يعني خمسة

    فقام دخل السوق وهاك يا هدايا دي لرئيس الجمهورية ودي لنايبه الأول وكمان دي للتاني ودي إحتياطي

    للنايب التالت بتاع دارفور ودي للنايب الرابع بتاع الشرق ودي للخامس بتاع الشمال



    والله يا عواطف غايته خشم سجمك !!!!!!!!!!!

    وزير الصناعة ده راجل كان صاحبي شديد وعنده

    معانا لحمة "زي مابقولوا السودانيين للقرابة

    البعيدة" ولذلك أستطيع القول إنه بعرف شخصيته

    زي ما بعرف نفسي ... تصوري فعلا بكون كان بشتري

    للرئيس ونوابه وزوجاتهم وأولادهم وبكون بعرف مقاساتهم

    واحد واحد ومقاسات اخوانهم واخواتهم وخدامينهم وجيرانهم

    .... هسع بكون شك في واحد من ناس الوفد انه سرب ليك المعلومات

    دي ... غايته بكون في واحد اترفت .... وبعدين لو عايزة ليك

    مصنع كسرة في الخرطوم أقنعي منه مافي زول بصدق غيره!!!!

    هسع خربت علينا نحن لأنه أم ناصر في الخرطوم وكلفتها تمشي تقدم

    لمصنعين واحد آبريه أبيض والتاني أبريه أحمر ... طبعا الجماعة

    يكونوا ودوا ليه الكلام ده وطبعا بكون شرّط الورق قبييييييييييييييل

    غايته يا عواطف لا بترحمي ولا بتخلي رحمة ربنا تنزل !!!!!!!!

    شكيتك لي ألله !!!!!!!!!!!
                   |Articles |News |مقالات |بيانات

17-01-2007, 07:33 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: فاروق حامد محمد)

    أبو ناصر

    كيفنك

    والله مافي زول سرب لي الخبر أنا عندي وسائل ومصادر خاصة جدا وطبعا إنت إبن مهنة الصحفي لا يبوح

    بمصادره أما مصنع الكسرة دا طرفي منو بعوس براي نحنا علمونا كله شي ست عندالله الله يرحمها في حصة

    التدبير المنزلي في أمدرمان الثانوية كانت بتعلمنا حتى عواسة الآبري وتقول لينا يابناتي الزمن

    ما معروف وصدقت في كلامها خلي أم ناصر تجي راجعة بنبيع ليها الآبري باليورو لأنه حيكون آبري مستورد

    تحياتي .
                   |Articles |News |مقالات |بيانات

17-01-2007, 07:24 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Nasser Mousa)

    أخي الحبيب ناصر

    مودتي

    شكرا على مرورك الأنيق وأتمنى أن نبدأ بأنفسنا ثم نععم الإنتفاضة على الآخرين بعدين يا ناصر أوعى

    تكون بتضيع وقت كتير في الكلمات المتقاطعة ؟ الوقت بقى غالي الدقيقة بالشي الفلاني تحياتي
    .
                   |Articles |News |مقالات |بيانات

17-01-2007, 10:05 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 45662

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    زوجة عضو المنبر ودالباوقة التي جاءت مع فريق الهلال ولم تجده في صالة القادمين أكدت أنها وانتصارا

    لكرامة المرأة قد رفعت في ذلك اليوم شكوى إلى الفيفا الذي استجاب لدعوتهاورفع الكرت الأصفر لود

    الباوقة


    الاخت الكريمة عواطف ...

    طيب انا قبيل قلت ليك شوفي لي عروس ليه عشان خايف من قرار الفيفا ربك يجيب العواقب سليمة لكن ما همانا كمال شداد معانا ...

    كما أرسل حكم واتنين لاين مان لمراقبته لمدة 100 سنة لرفع الكارت الأحمر وطرده من الملعب

    أقصد عش الزوجية إذا ثبتت عليه جريمة اللعب الخشن
    .

    الله جازي محنك يا عواطف .. عليك الله بعد المية سنة في لعب خشن .. دا اللاعب اليقول انا انا عمره في الملاعب الزوجية لا يتعدى 44 سنة وبعدين عليهو العوض ومنو العوض ..


    ود الباوقة
                   |Articles |News |مقالات |بيانات

17-01-2007, 06:55 AM

الفاتح خليل الفكي
<aالفاتح خليل الفكي
تاريخ التسجيل: 15-10-2006
مجموع المشاركات: 892

للتواصل معنا

FaceBook
تويتر Twitter
YouTube


مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الأخت / عواطف
    سلام واحترام ،،،،
    طرحك للمواضيع جميل وممتع
    وحقيقى حكاية المواعيد اصبحت مشكلة كبيرة
    يجب التخلص منهاباحترامنا للمواعيد والالتزام بها .
    تقبلي تحياتي
    أبو كريم

                   |Articles |News |مقالات |بيانات

17-01-2007, 07:37 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: الفاتح خليل الفكي)


    أخي العزيز أبو كريم

    تحياتي يا ذوق هو إنت الوحيد البتعاني من حكاية المواعيد دي العالم كله بعاني من مواعيد

    السودانيين بيني وبينك أنا سمعت إنه في منظمات عايزة تشتكينا لمنظمة العدل الدولية أسمع

    يالفاتح كريم دا ماشاء الله حلو ولذيذ ممكن تلفو لي في ورقة ؟؟؟؟ مودتي
    .
                   |Articles |News |مقالات |بيانات

17-01-2007, 07:52 AM

الفاتح خليل الفكي
<aالفاتح خليل الفكي
تاريخ التسجيل: 15-10-2006
مجموع المشاركات: 892

للتواصل معنا

FaceBook
تويتر Twitter
YouTube


مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الأخت / عواطف
    سلام واحترام ،،،
    انتى عارفه كريم ده ما لذيذ وبس
    ده عسل عديل ومواعيده تمام التمام
    بس هو الايام دي في السودان مع الحبوبات
    وفارق معاي لدرجة ما عادية .
    بعدين الفو في ورقة هو باسطه ولا شنو ؟؟؟
    تقبلي تحياتي
    أبو كريم
                   |Articles |News |مقالات |بيانات

17-01-2007, 09:37 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: الفاتح خليل الفكي)


    خلاص يا أبو كريم

    أنغني ليه الغنية دي

    سجل لي شركاتك

    سجل لي عرباتك

    ماإنت العسل ذاتك


    تحياتي
                   |Articles |News |مقالات |بيانات

17-01-2007, 08:01 AM

ghariba
<aghariba
تاريخ التسجيل: 09-03-2002
مجموع المشاركات: 12684

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الاخت عواطف

    موضوع مهم ويمس جزء من ثقافاتنا المرفوضة والتي تسبب لنا الكثير من الحرج وبالذات في مناطق الغربة المختلفة .
    وأذكر في احدى المناسبات التي اقمناها بالرياض وكانت تحت اشراف جمعية ابناء الابيض الخيرية والمناسبة كانت مهمة جدا وتم دعوة اعضاء السفارة بان المناسبة ستقام الساعة الثامنة مساء
    وكان السفير في ذلك الوقت هو السفير عثمان الدرديري والمعروف عنه بمواعيده الدقيقة
    وأذكر انني حضرت قبل الساعة الثامنة حتى اساعد الجماعة في ترتيبات الحفل ولم يدهشني شئ بانني وجدت الحضور ( بسيط ) جدا واغلب المشرفين على الاحتفال غير موجودين .....
    وحضر سعادة السفير الساعة الثامنة مساء بالضبط واجلسناهو غرفة خاصة وقمنا نشغل الجوالات
    يا حمودة .. يا الدقيل .. ياعبد اللطيف .. انتو وين السفير جانا موجود ومافي واحد وقال حيمشي لو انتو متاخرين
    وطبعا الردود كانت متضاربة واحدين قالو جايين
    وواحدين قالو لي هو السفير دة مالو مستعجل
    وواحدين قالو لي يعني نخلي الكرة ونجيكم وانتو مفروض ان تراعو مواعيد الكورة وتعملو الاحتفال بعد المبارة
    الخ ... الخ .. الخ

    ياريت نغير الثقافة دي لانها مزعجة وغير حضارية

    صلاح غريبة - الرياض
                   |Articles |News |مقالات |بيانات

17-01-2007, 09:45 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: ghariba)

    الأخ العزيز صلاح

    تحياتي

    أغرب حاجة إنو السفير يكون موجود وأبناء الجالية بشوفو في الكورة يا جماعة دا إسمو كلام والله

    لو عرغناهم نخلي بكري يسحب منهم الباسورد ... شكرا على المداخلة ..مودتي
                   |Articles |News |مقالات |بيانات

17-01-2007, 08:27 AM

خالدة البدوي
<aخالدة البدوي
تاريخ التسجيل: 05-03-2006
مجموع المشاركات: 1816

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)



    الحبيبة عواطف

    استمتع بمواضيعك الجميلة ولكن يصعب علي الرد

    في حينها لاني بكون عاوزة اتونس معاكي وفعلا مافي

    وقت ،،،،

    يا عزيزتي السودانيين ديل خلقة هم تعاملهم كدة خاصة

    مع الوقت لا بغيرو ولا حاجة كان وزير والله عريس ،،،



    مودتي ،،،،
                   |Articles |News |مقالات |بيانات

17-01-2007, 09:58 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالدة البدوي)


    العزيزة د. خالدة

    والله كلامك في محله لكن نعمل شنو دي قسمتنا لكن عاد وزيرنا وزير اليابا وعريسنا عريس التابا .


    شكرا ماي دارلنج على مرورك الأنيق مودتي .
                   |Articles |News |مقالات |بيانات

17-01-2007, 10:50 AM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    العزيزة عواطف إدريس

    تحياتى


    Quote: فجأة أطل علينا

    شخص لابس بيجامة وجاري يركض هنا وهناك يا أخونا عروسي حاية الليلة في زول شافها ؟ ناديتو قلت ليه

    في قلبي تزاول من ضلك والله لو كنت مكانها كنت قطمت رقبتك . بدأ في الإعتذار قائلا آسف يا جماعة والله

    شالتني نومة
    كويس إنو صحى من النوم
    دى حصلت فى جدة . العريس ما نام بس كان زى سـعادة الوزير . الطيارة كانت السـاعة (واحدة صباحآ يوم كذا) إفتكرا (الفالح) بالظهر . وجات العروس وإتشـرت فى المطار . حضر السـودانى (المقرم) ومسـح دموع العروس وإدعى إنه صديق العريس وسـاقا !! طلعت بت قبايل وهربت فى الشـوارع تايهة . حظها عمنا دنقلاوى عتر بيها وختاها ثلاثة أيام مع أولادو حتى تم العثور على عريس الغفلة .

    والله العظيم القصة دى حصلت .

    والسـودانى (الشـفت) تم ترحيلو فى حادث تانى وبرضو مع سـودانية مكبل بالحديد

    قال نحن السـودانية .......
                   |Articles |News |مقالات |بيانات

17-01-2007, 11:30 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: رأفت ميلاد)

    أخي الغالي رأفت

    مودتي

    والله دي قصة عججيبة لكن الأعجب من كدا في واحد قاعد في لندن بالسنين قامو أهله إختارو ليه واحدة

    بالصورة وافقت دون تردد يعني حتى ما سألتهم من إسم العريس أتاري هي عندها جكس هناك ماقادر يجيبها

    وبعدين زولنا العريس المسكين كان عنده جواز بريطاني ووضعه كويس , غايتو يا رأفت عمل ليها عرس

    حدث ومشى إنتظرها في مطار هيثرو وأخدها لغاية البيت وطلع يجيب العشا جا لقاها كسحت مع حبيب

    الألب وخلته ليك يشرب ما يروى طبعا القانون البريطاني لا يدين هذا السلوك عندهم عادي في المعادي

    وكذلك في الزمالك آل سودانيين أل .. تحياتي
                   |Articles |News |مقالات |بيانات

17-01-2007, 10:17 AM

ABDELDIN SALAMA

تاريخ التسجيل: 09-09-2005
مجموع المشاركات: 1438

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالدة البدوي)

    نحييك يا أستاذة على هذا الموضوع الحيوي الهام والذي يجب أن نناقش فيه قضية المواعيد كقضية سودانية تستوجب الاهتمام ووضع الحلول على الأقل ليتقيها الجيل القادم إن لم يكن الحالي شأنها شأن الهوية وغيرها من القضايا الاجتماعية الكبيرة بالسودان فهي قد دخلت كل مفاصل حياتنا بما فيها ثقافتنا الغنائية ومن نماذجها
    1- رجيتك وفي انتظار عينيك كملت الصبر كلو
    2- قبال ميعادنا بساعتين
    3- ما قال بجي مالو ما جا
    4- إنتظرتو لما ما جاني رحت زرتو
    واأمثلة لاتحصى ولا تعد وكما يقول المثل ( الشاف مصايب غيرو بتهون عليهو مصايبو ) ويكون العريس اللي جا المطار بالبجامه معذور وملاك
                   |Articles |News |مقالات |بيانات

17-01-2007, 11:35 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: ABDELDIN SALAMA)


    أخي العزيز سلامة

    تحياتي وشكرا على مرورك الحلو إنت في دا ولا غنانا كله مواعيد مظرشقة مثلا يعني

    راح الميعاد وزماني راح

    وجرحي لانام لا استراح

    أقابلك بكرة في الموعد

    تصور روعة المشهد

    طبعا لايكون مشى ولا حبيبته جات كلام جرايد ساكت معزتي
    .
                   |Articles |News |مقالات |بيانات

17-01-2007, 10:17 AM

ABDELDIN SALAMA

تاريخ التسجيل: 09-09-2005
مجموع المشاركات: 1438

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالدة البدوي)

    نحييك يا أستاذة على هذا الموضوع الحيوي الهام والذي يجب أن نناقش فيه قضية المواعيد كقضية سودانية تستوجب الاهتمام ووضع الحلول على الأقل ليتقيها الجيل القادم إن لم يكن الحالي شأنها شأن الهوية وغيرها من القضايا الاجتماعية الكبيرة بالسودان فهي قد دخلت كل مفاصل حياتنا بما فيها ثقافتنا الغنائية ومن نماذجها
    1- رجيتك وفي انتظار عينيك كملت الصبر كلو
    2- قبال ميعادنا بساعتين
    3- ما قال بجي مالو ما جا
    4- إنتظرتو لما ما جاني رحت زرتو
    واأمثلة لاتحصى ولا تعد وكما يقول المثل ( الشاف مصايب غيرو بتهون عليهو مصايبو ) ويكون العريس اللي جا المطار بالبجامه معذور وملاك
                   |Articles |News |مقالات |بيانات

17-01-2007, 10:21 AM

تاج السر حسن

تاريخ التسجيل: 23-03-2004
مجموع المشاركات: 0

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: خالدة البدوي)

    العزيزه / عواطف
    تحياتى.
    البوست بتاعك ده ما عارف أدخل فيهو من وين، لأنو بيعنى لى كتير من الحاجات، غايتو الا افط موضوع وأكتب عن موضوع.

    اولا انت من كتابتك بأئن انك زوله واضحه شديد، عشان كده كان تتكلمى عن الكرور كلو، وتفطى حكاية الشاف والطلح دى لأنه الرجل السودانى أو المرأة السودانيه ما بقدرو يخلوها بالساهل، وانا دائما بقول المغتربين مضيعين قروشهم فى (الريحه) طبعا ما أقصد الريحه العاديه وفى ثوب الزوجه، الواحد تلقى ماهيتو 1500 درهم ويشترى توب لى زوجتو ابو 500، ابو 100 موضتو انتهت وما بترضى الزوجه تلبسو، ولازم الزوج يشترى ليها ابو 500 حتى لو يمشى يتسلف من صديقو أو قريبو (سلف) طويل الأمد.. وحتى لو الصديق او القريب محتاج للقروش فى تعليم احد فلذات كبده!!

    بالنسبة لموضوع المواعيد دى ما ح تصدقى انها بتسبب لى ضيق قدر شنو، استغرب خالص انه الزول تديهو مواعيد مريحه ويكون فى ذلك الوقت لابس وجاهز ومستعد لكن لازم يتأخر، بتخيل انه الزول بفتكر ده نوع من الأهميه انه يجى بعد الناس ما قبلهم او معاهم وده موضوع عايز علاج نفسى، فالزول المهم البستحق الأحترام هو البجى فى مواعيدو.

    خلال زمن مضى كان عندنا مدير من النوع الذى تعلم زمن الأنجليز انضباط فى كل شئ ومحدد فى كلامو. اها عندنا واحده محاسبه من النوع المرات مرات بتتأخر فى البيت وساكنه أم درمان.
    ولمن عملت المساله دى مرتين تلاته، خلال اجتماع اسبوعى كل يوم سبت سالها المدير عن سبب التأخير، فقالت انه (الكبرى) كان مقفول !! والعربات زحمت الشارع بعد ما فتحوهو.

    قام قال ليها يعنى الخرطوم دى اصلا ما وصلها زول قبالك ؟؟
    قالت ليهو طبعا فى زول وصل!!
    قال ليها المره الجايه انت تكونى الزول ده، والمرة الجايه اسمع انك (متى) توفيتى يعنى ونجى نشيل فيك الفاتحه، غير كده ما فى عذر.
    قعدت (تبكى) !!

    وذكرتنى واحد اسمو (دريب) قالو الصينيين الكانو بيبنو فى قاعة الصداقه عندهم (سيخة) حديد عايزين يلحموها، مشو المنطقه الصناعيه لقو (دريب) الحداد، اتفق معاهو الصينى يخلص ليهو السيخه الساعه 4 عصر، ولمن جا الصينى لقى السيخه فى محلها قاعده، قام قال ليهو تعال بكرة الصباح، برضو الصينى جا لقاها فى محلها، اها قام (دريب) قال ليهو معليش تعال العصر تلقاها جاهزه، لمن الصينى جا وما لقاها جاهزه (صنقر) فى الواطه وقعد يبكى!!

    صدقينى موضوع الزمن وعدم الألتزام به حتى اصبح سخرية تتحدث بها الشعوب عننا عايزه تسليط ضوء وتناول زى ده وتناول بصور مختلفه لأنه (عيب) كبير!!

    (عدل بواسطة تاج السر حسن on 17-01-2007, 11:36 AM)

                   |Articles |News |مقالات |بيانات

17-01-2007, 11:55 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: تاج السر حسن)



    أخي الحبيب تاج السر

    تحياتي وشكرا على الإضاءة الحلوة أما حكاية الشاف والطلح البجيبوهن لأبوظبي ديل لو وزنوهم يعملو

    أطنان ولو حرقوهم حيعملو مشكلة في ثقب الأوزون وحكاية السلفة والسلفية للتياب والدهب والعدة

    دي عايزة ليها بوست خاص زمان عندنا جارتنا لمن طلع توب المضغوط وكان غالي شوية أصرت لازم تشتريه

    قالت لأولادها ناكل الشرموط ونلبس المضغوط وفعلا في الآخر أشترته و أولادها جاتهم أنيميا. وقصة

    المواعيد فحدث ولا حرج في العرس بكونو كاتبين في كرت الدعوة الحضور الساعةالثامنة ونوما هنيئا

    لأطفالكم تصور إنهم بجو الساعة حداشر ومعاهم أطفالهم رغم إنهم عارفين الزمن محدود والكراسي ايضا

    آل سودنيين وما بنرضى الحقارة آل .
                   |Articles |News |مقالات |بيانات

18-01-2007, 05:21 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    الأخ العزيز ود الباوقة

    تحياتي

    إنت عايزني أشوف ليك عروس عشان تمشي ليها المطار بعد يومين ؟؟؟ إذا كان الأولى ما عرفتها في ياتو صالة فما بالك بالتانية وبعدين مالك علي ياود أمي أنا جني وجن المشاكل الواحدة لما يقولو ليها راجلك عرس ما بتقول عرس منو بتقول المشى معاه منوتحياتي
                   |Articles |News |مقالات |بيانات

18-01-2007, 09:25 AM

عاطف عمر
<aعاطف عمر
تاريخ التسجيل: 26-11-2004
مجموع المشاركات: 10985

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    تحياتي أختي العزيزة عواطف

    صادف عام 1982 مرور 75 عام على بداية تعليم المرأة حيث أنشأ الشيخ بابكر بدري أول مدرسة للبنات في مدينة رفاعة ( 1907 ) . احتفلت رابطة طلاب رفاعة بجامعة الخرطوم بهذه المناسبة . كنت ضمن الوفد الذي ذهب لمقابلة أستاذ الأجيال المرحوم العميد يوسف بدري بأمدرمان لترشيح من يرى من أسرته للتحدث في الندوة المقامة ولاستعارة بعض الكتب الخاصة بالموضوع لعرضها في المعرض المقام بهذه المناسبة . أعجبته الفكرة ورشح لنا إبنه الدكتور ( وقتها ) قاسم بدري للندوة ودعانا لتناول الشاى معه في منزله اليوم التالي ( الساعة الخامسة مساء ) .

    هنا تبدأ القصة

    لأننا كنا في الإجازة فقد نزلنا مع ذوينا المتفرقين و إتفقنا أن نلتقي الساعة الرابعة أمام بوابة الجامعة ليكون أمامنا ساعة كاملة للوصول وذلك لمعرفتنا بدقة الأستاذ يوسف بدري وانضباطه . ولأننا كنا طلبة فلم يكن في مقدورنا ركوب تاكسي .من بوكس لي بوكس ومن أبو رجيلة لأبو رجيلة ومن يا عم لي ياعم وصلنا منزل الأستاذ يوسف الساعة الخامسة إلا خمسة دقائق . ضربنا الجرس لم يفتح لنا ، قرعنا الباب بأيدينا ظناً منا بأن الكهرباء قاطعة برضو لم يفتح لنا الباب . ( بشلاقة ) تلك السن نظرنا من بين فتحات الباب فرأينا الأستاذ يوسف جالس على المائدة المعدة يطالع بعض الأوراق وينظر لساعته كلما نقرع نحن الباب . أوقفنا قرعنا . عند الساعة الخامسة بالضبط ضغطنا على الجرس ففتح لنا الباب قبل أن يرتد أصبعنا من على الجرس . هرع الأستاذ يوسف لاستقبالنا بكل الحفاوة ونحن نكاد نموت من الغيظ والزعل . قرأ المعلم الكبير ما يدور في رؤوسنا فبادرنا بالقول

    " الحقيقة يا أبنائي سمعت جرسكم الأول و ما تلاه ، وخبطكم على الباب الأول وما تلاه ، لكن وقتها كان المتبقي على موعدي معكم خمس دقائق . وكنت أحتاج لها لتجهيز بعض المعلومات التي قد تسألونني عنها . لذلك لم آذن لكم بالدخول "

    كان درساً قيماً لا أزال أستفيد منه فالتأخر عن الموعد والتبكير بالموعد يسببان نفس الربكة ونفس الحرج .

    (عدل بواسطة عاطف عمر on 18-01-2007, 09:28 AM)

                   |Articles |News |مقالات |بيانات

18-01-2007, 12:43 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    أخي العزيز عاطف عمر

    تحياتي


    مع جزيل الشكر على مرورك الأنيق فعلا كان درسا مفيدا لشباب في عمركم لأن العلم في الصغر كالنقش

    في الحجر نأمل أن يتعلم الجميع من هذاالدرس . مودتي
                   |Articles |News |مقالات |بيانات

18-01-2007, 01:19 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 36412

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    to the late aarees

    والشام >> نزار قباني >> أيظن


    أيظن


    أيظن أني لعبة بيديه؟

    أنا لا أفكر في الرجوع إليه

    اليوم عاد كأن شيئا لم يكن

    وبراءة الأطفال في عينيه

    ليقول لي : إني رفيقة دربه

    وبأنني الحب الوحيد لديه

    حمل الزهور إليّ .. كيف أرده

    وصباي مرسوم على شفتيه

    ما عدت أذكر .. والحرائق في دمي

    كيف التجأت أنا إلى زنديه

    خبأت رأسي عنده .. وكأنني

    طفل أعادوه إلى أبويه

    حتى فساتيني التي أهملتها

    فرحت به .. رقصت على قدميه

    سامحته .. وسألت عن أخباره

    وبكيت ساعات على كتفيه

    وبدون أن أدري تركت له يدي

    لتنام كالعصور بين يديه ..

    ونسيت حقدي كله في لحظة

    من قال إني قد حقدت عليه؟

    كم قلت إني غير عائدة له

    ورجعت .. ما أحلى الرجوع إليه ..

                   |Articles |News |مقالات |بيانات

20-01-2007, 06:31 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Mustafa Mahmoud)


    د. مصطفى

    مساء الله بألف خير أيها الأنسان الرائع طبعا أكيد المسامحة إلى حد كبير دي سودانية مية المية يديك

    العافية على هذه النفحات الجمالية . مودتي .
                   |Articles |News |مقالات |بيانات

18-01-2007, 01:19 PM

رأفت ميلاد
<aرأفت ميلاد
تاريخ التسجيل: 03-04-2006
مجموع المشاركات: 7655

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    Quote: الواحدة لما يقولو ليها راجلك عرس ما بتقول عرس منو بتقول المشى معاه


    وجات سـيرة الصينين والشاف
    فى المنشـية جات دفعة من الصينيين العمال . سـكنوهم فى عمارة . مرة خفير العمارة بتدخن فى غرفة تحت السلم . الصينى شم الريحة وباراها وفتح الباب . لقى الحجه مكتحه وسط الدخان . كورك ولما أخوانوا وغرقوها بى جرادل الموية
                   |Articles |News |مقالات |بيانات

20-01-2007, 06:34 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: رأفت ميلاد)


    رأفت العزيز

    مودتي

    هاهاهاها حلوة دي هنا في الإمارات واحدة حصل ليها نفس الشيْء حارس البناية طلب المطافي هي هي هي !
                   |Articles |News |مقالات |بيانات

20-01-2007, 08:01 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    عواطف
    كل سنة وانتي طيبة

    تعرفي قبل كم سنة كده عندنا صاحبنا اسمه بحر الدين معانا في الرياض..
    عرسو كان تاني يوم في العيد وطبعاً الود قال يمشي يوم الوقفة عشان
    النورة ما تروح المهم صاحبنا حجز يوم الوقفة على السودانية ووقتها
    كان الموسم بالنسبة لسودانير هو الفوضى بعينها والهرج والمرج بكل
    تفاصيله .. هل تصدقي يا عواطف انو بحر مشى يوم الوقفة العصر لمطار
    الملك خالد حسب المواعيد على ان الاقلاع السابعة مساء .. وهنا بدأت
    التكهنات .. الطيارة قالوا لسة ما قامت من الخرطوم .. ينط واحد تاني
    يقول ياخ هي قالوا الصباح مشت كانو ولسة ما رجعت الخرطوم .. لأنو في
    جماعة في ابوظبي من امبارح في المطار وقالوا ودوها ليهم لأنهم طالبوا
    يودوهم فندق .. صاحبنا حر قال اووووو ديل من امبارح معناتو نحن لغاية
    بكرة الظهر امكن ما نسافر .. جاء واحد قال يا جماعة الطيارة قالوا وصلت
    الخرطوم من ابو ظبي وحا تجي جدة وترجع الخرطوم وطوالي تجي الرياض واحتمال
    بعد شوية يفتحوا الميزان يوزنو العفش ويرجعوكم وتجو الفجر (اللهو فجر العيد).
    اخونا بحر تنهد تنهيدة غضب واطمئنان ومشى الكافتيريا فوق شرب ليهو شاي وهناك
    سمع كلام تاني واحد بيقول والله الطيارة قالوا عطلانة في كانو .. وبين مصدق ومكضب
    قال في نفسو شوف الوهم ده قاعد فوق هنا وما عارف الحاصل شنو وقاعد يبوّظ في اعصاب
    الناس وبراهو كده قعد يضرّب فيها طيب لو جينا الفجر مفروض تقوم على الساعة تمنية اممممم
    يعني بنصل على الساعة حداشر الا تلت وقول طلعت من المطار على الساعة اطناشر ولغاية ما اصل
    السجانة اطناشر ونص .. والله معقول الواحد يديها نومة ويقوم يستعد للحنة بس الخوف يقومن البنات يصروا يحننوني طوالي والله حا يكون جنس تعب غايتو الله يجازي السبب لكن ما مشكلة المهم الواحد يصل
    ويخلص من قصة العرس ده ونستمتع بي شهر العسل والاجازة وهو نازل لي تحت بالسلم الكهربائي كان بتاوق
    على كاونترات العفش يعني الود مؤمل يكون الميزان فتح قام لقى الواقفين كلهم بنغالة وباكستانيين
    ومعاهم شوية خواجات .. وعاين هنااااااك لقى ناسو بي نفس هيئتهم الخلاهم عليها وتمتم في سرو ونفخ
    المهم جاء تحت لقى كم نفر برددوا في كلام الزول الفوق داك .. يا ساتر ده كلام شنو ده .. وفجأة جاهم
    موظف سودانير وبلا خجل قال ليهم يا جماعة ارجعوا وتعالوا لينا بكرة الظهر (الوقت الكان خايف فيهو بحر من اخواتو يحنننو) .. في جماعة قالوا للموظف ياخي يا ابن العم نحن جايين من الدمام (400 كيلو متر) شرق الرياض) يعني نعمل شنو اسي قال ليهم ياخي ما اكيد بكون عندكم زول هنا المهم دبّروا راسكم ومشى خلاهم.. وطبعا مافي اي طريقة عشان يشوفوا خطوط تانية او بالأحرى الخطوط السعودية
    ام مواعيداً مظبووووووووطة .. قام رجع البيت ووقتها كانت الساعة قد تجاوزت التاسعة مساءاً .. وعيّد
    بحر الدين على اهلو واخواتو الراجياتنو بالحنة عيد عليهم بالتلفون بعد ساعتين من المحاولات عشان الخط يمسك معاهو وقدر ما حاول يتصل بالعروس يعيد عليها الخط ابى يمسك معاهو .. المهم زولنا قام جهّز نفسو (ما خلاص الظهر قرّب) .. وقاااال كدي مشى على المطار واول ناس قابلوهو كانوا جماعة الدمام وبعد ما عيد عليهم سألهم اها الجديد شنو قالوا ليهو والله لا اسي مافي زول قال لينا عينكم في راسكم وعساكر الجوازات طردونا بي عفشنا قالوا لينا ما تزحموا لينا الصالة لسة مافي خبر من طيارتكم واهو نحن قاعدين ومنتظرين .. لا حول ولا قوة الا بالله دي مصيبة شنو دي .. وبسرعة شديدة حسّب الشغلانية في راسو لقى خلاص مافي اي طريقة يحصّل حنتو لكن ما مشكلة المهم يصل بس وما ضروري يحصل الحفلة واخواتو
    بختن ليهو الحنة بالليل انشاء الله يعملن ليها نشادر بس المهم النصل فجأة انتبه وقال لكن الكلام ده في حال الناس ديل فتحوا لينا الميزان اسي دي ودخل جوة وفتش على موظف سودانير ولا حياة لمن تنادي (ياخي هو الموظف فاضي ليهم) ما كمان داير يعيّد مع وليداتو وبعدين اصلها هي الطيارة وقت لسة ما معروفة البجيبو للناس يقطعوا لحمو بالأسئلة وامكن بي اسنانم وايدينم شنو ؟
    يا جماعة نسوي شنو للناس ديل نمشي المكتب .. نطّ واحد قال ليهو لا انا قريت يوم تأكيد الحجز خاتين اعلان كاتبين فيهو اول يوم اجازة وتاني يوم الدوام يبدأ الساعة عشرة .. طيب نقبّل وين نحن والله يا جماعة انا حنتي الليلة وعرسي بكرة.. وهنا انتبه الجميع لكلامه وتعاطفوا معه وبقى هو موضوعم وشغلهم الشاغل ونسوا انفسهم لأنهم ما فارقة معاهم يعني الواحد طالما اول يوم العيد راح تاني ما مشكلة يصل في اي وقت ويقابل الأهل ويستمتع بباقي اجازتو .. واي زول يقول ليك والله ما مشكلة المشكلة العريس المسكين ده وبقى اي اتجاه يعاين فيهو يلقى جماعة بيتكلموا ويأشروا عليهو .. وعلى هذا الحال انقضى اليوم الأول من العيد حتى الليل دون ان يظهر موظف سودانير او تظهر علامة (سودانير) المميزة على جدول الرحلات على الكمبيوتر وقضى الركاب ليلتهم خارج الصالة يتوسدون عفشهم ويسخطون على حالهم وحال طيارتهم الما بتوبوا منها دي ..

    اقيف ليك هنا يا عواطف واكمل ليك لا قدام ..... والقادم ادهى وامر
                   |Articles |News |مقالات |بيانات

20-01-2007, 11:48 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: امير عوض الجمري)


    أخي العزيز أمير

    تحياتي

    لكن ما تقول لي مقلب دولي ... شكرا على العبور في انتظار بقية القصة على أحر من الجمر مودتي .
                   |Articles |News |مقالات |بيانات

22-01-2007, 11:42 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    Quote: لكن ما تقول لي مقلب دولي ...


    اسكتي ساكت

    جاييييك يا عواطف
                   |Articles |News |مقالات |بيانات

22-01-2007, 12:12 PM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: امير عوض الجمري)

    أستاذه عواطف أحييك على البوست الجميل

    وماأكضب عليك أنا من النوع المواعيدو دائماً زي الزفت ومن زمان عندي مشكله إنو يدي مابتستحمل إنو أخت فيها أي ساعه وعدد كبير من أصدقائي أهداني ساعات وكنت دائماً بحاول أجاملهم وألبسها وبعد ألبسها بعشره دقائق بجيني إحساس كأني لابس كلبشات في يدي ......
    ماعارف هل دي حاجه نفسيه وللاشنو مع إني ماحصل دخلت حراسه ولاإتقبضت لأي سبب عشان ماتختي في رأسك حاجه

    أشكرك على البوست وأتمنى إنو السودانيين يقدروا يزبطوا حتة الزمن دي
                   |Articles |News |مقالات |بيانات

03-02-2007, 11:18 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: محمد فرح)

    أخي الحبيب محمد فرح

    مودتي

    أسفة ياحمودي ما كانش أصدي يمكن شالتني نومة ونسيت أرد عليك البركة في أمير الجمري صحاني من النوم

    تصدق يامحمد أنا عكسك تماما مواعيدي مظبوطة من غير ساعة وياويل اللي يشرني في موعد أعمل حسابك

    تعال قبليها بيوم ... شكرك على ثنائك على البوست وبعدين حاشاك يايابا وتبرى من الكلبشات ومن

    الحراسة ألف بعد الشر كمان لا عندك حاجة نفسية ولا حاجة إنت شديد زي الحديد
    .
                   |Articles |News |مقالات |بيانات

03-02-2007, 12:54 PM

محمد فرح
<aمحمد فرح
تاريخ التسجيل: 14-09-2006
مجموع المشاركات: 9222

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    Quote: وياويل اللي يشرني في موعد أعمل حسابك

    تعال قبليها بيوم


    أستاذه عواطف الجميلون أمثالكم دائماً مايضعون مشاعر الاخرين في قائمة إهتماماتهم .......

    لك الشكر أجزل الشكر على التعقيب ....

    وإنتي على الطلاق الواحد يجيك قبل تلاته يوم موش يوم واحد .......

    كوني بخير أينما كنتي وحللتي
    ولك ودي
                   |Articles |News |مقالات |بيانات

03-02-2007, 01:36 PM

Abdulbagi Mohammed
<aAbdulbagi Mohammed
تاريخ التسجيل: 11-12-2006
مجموع المشاركات: 1198

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: محمد فرح)

    الواحدة لما يقولو ليها راجلك عرس ما بتقول عرس منو بتقول المشى معاه منوتحياتي

    دي بالغتي فيها، قطعتي مصاريني من الضحك.

    يا زوله اقول ليك حاجة
    _ أنحنا فوق عزنا
    قبايل ما بتهزنا

    لكن صاروخ واحد عجاجه يخلي ألخرطوم كلها ترقص
    يوست ممتع ..جذاب ... وفي محلو
                   |Articles |News |مقالات |بيانات

04-02-2007, 05:05 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: Abdulbagi Mohammed)

    أخي العزيز عبدالباقي

    معزتي

    شكرا على كلماتك الجميلة وبعدين فشر يا أخوي مافيش أي قبيلة تقدر تهزكم دا حتى ولا أسلحة الدمار

    الشامل تحرك شعرة من راسكم ولو درت تعرس تاني بمشي معاك لاني خايفة ولا حاجة أصلي مارقة للربا

    والتلاف طبعا إنت عارف الصحفيات متلقيات حجج مش كدا ... شكرا عبودي ... تحياتي .
                   |Articles |News |مقالات |بيانات

04-02-2007, 04:54 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: محمد فرح)


    أخي العزيز محمد فرح

    مودتي

    أسعدني مرورك الجميل وثنائك الذي اثلج صدري ... في الحقيقة أنا عندي رؤية خاصة لهذه الفانية يعني

    مافيش حاجة كدا تستاهل والكل راحل لا محالة ولن يبقى إلا العمل الصالح والذكرى الطيبة فلماذا

    يختصمون؟؟ ما حدش يامحمد واخد معاه حاجة ولا أيه رأيك يا بعد عمري ؟؟؟
                   |Articles |News |مقالات |بيانات

04-02-2007, 06:51 AM

امير عوض الجمري
<aامير عوض الجمري
تاريخ التسجيل: 25-04-2006
مجموع المشاركات: 2560

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: عواطف ادريس اسماعيل)

    جيتك يا عطوف اتم ليك قصة بحر الدين

    بحر حمد الله في سرّو انو من ناس الرياض والا كان بات مع الجماعة ديل
    متوسد شنطتو .. ورجع البيت وفي نفسه حسرة ومرارة وألم .. حتى الاتصالات
    في تلك الفترة كانت صعبة للغاية وتلفون مباركة العيد قبيل الصباح جاء
    معاهو بالصدفة وتخيلته يحادث نفسه يا جماعة دي مصيبة شنو دي .. والله الجماعة
    في البيت تلقاهم محرجين احراج ما عادي .. يعني العيزومة اتعملت والحفلة اتعملت
    واكيد الناس بيقولوا انتو العريس ده ما قالوا جاي .. والخبثاء منهم يتغامزون ويتهامسون
    والله صحبك ده شكلو ما حا يجي وانا سمعت العرس ده فارضنو عليهو فرض .. وفيهم من يقول والله
    الطيارة دي انا سمعت بيها جات الساعة عشرة ونص صباحاً حتى فلان داك قال جابو ليهو فيها ادوية من اخوهو الهناك وسرح بحر في الدوامة دي من التخيلات والتهيئات .. ورجع البيت .. وهناك خيّم على الناس
    السكون والاحساس بالضيق والضجر لما فعلته (طيارتنا) بي (عريسنا) بحر (الما ورد البحر) .. وبدأ بعض
    الظرفاء يهدون من روع الموقف بمداعبات وقفشات يطلقونها عنوة وبلا احساس فقط ليزيلوا شيء من خوف العريس والذي تضاعفت احجامه لديهم وفيهم البقول ليهو يا زول كده احسن تعرف انت من الطيارة طوالي
    تمشي على الكوفير والله دي احسن حاجة وقالوا ليك الليلة كان في كتاحة في الخرطوم لو مديت اصبعك ما تشوفو يا زول الحمد لله الما مشيت اسي كان نورتك دي راحت .. وعلى تلك الشاكلة ساهم كل المتواجدين للتخفيف من الحالة التي كان يعيشها بحر الدين والذي كان معهم فقط بجسده امّا أفكاره وعواطفه فكانت
    مقسمة بين تحنان وعطف على حال أهله وبين سخط وشجب وسب لمن كان السبب في ذلك .. واشتبك مع ذاته بعد
    ان ادرك بانه هو السبب هو القال ليهو امشي بالسودانية دي منو براهو جابو لي رقبتو .. المهم قضى تلك الليلة دون أن يذوق طعم النوم .. وصباحاً بدري ايقظ احد الشباب ليوصله دون ان يشعر بهم أحد في
    البيت وذلك لاحساسين مختلفين الأول انه ودعهم مرتين وجاهم راجع الظاهر عليهم (كجوهو) احسن يمشي كده من غير يودعهم والاحساس التاني هواحتمال الرجعة وارد .. قالها كده بي امل التكذيب ومشوا المطار واتخيل ليهو انو كان بحلم .. السيناريو ياهو ذاتو حق امبارح نفس الوجوه فقط مع نكشة شعر واحمرار عيون والكاونترات خالية من علامة سودانير .. مختلف شركات الطيران اصطف مسافروها في تناسق جميل في انتظار دورهم لانهاء اجراءات الوزن .. الا مقصوفة الرقبة اللتنا لسة دايحة وحايمة في بلاد الله وما معروفة راكّة وين اسي .. اللييييييييييييييييييييييلة .. كلمة اطلقها بحر بلا وعي واتبعها بـ دي مصيبة لو حصل زي امبارح ..
    ما داير اطوّل يا عطوفة ياختي ..
    وبرجع ليك تاني بس اوعة البوست يفارق الصفحة الأولى عشان انا بليد في البحث ..
                   |Articles |News |مقالات |بيانات

04-02-2007, 09:52 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: مواعيد سودانية وزيرنا المؤتمر فاتو والعريس شالتو نومة !!!! (Re: امير عوض الجمري)

    أخي الحبيب أمير

    معزتي

    عارف إنت المفروض تكون كاتب رواية أو مخرج عشان عندك مقدرة على تصوير الاحداث بصورة مشوقة تجعل

    القاريء وكأنه يرى ويشاهد الأحداث وهذه يا أمير موهبة رائعة ولها مستقبل كبير لو قدرت أمة الأمجاد

    تستفيد من أمثالك . غارف حصل مرة أمي زارتني وقامت سافرت بسودان أير وبعد عشرة ساعات اتصلت بي

    أنا ما عاينت للرقم رحت شابكاها ليك حمدلله على السلامة وكيف وصلت ؟؟ ولقيتي الأهل كيف ؟ بس قامت قالت

    لي يابتي نحنا في أبوظبي .كيفن يأمي أنا قعدت لمن دخلتي جوة الطيارة الحصل شنو؟ قالت لي بعد ما

    قعدنا في أمانة الله قالو أنزلو الباب حق الطيارة أبى يتقفل و هسة نحن في الفندق الجنب المطار تصور؟

    في إنتظار بقية القصة يا أمير .
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de