وصية ..من فاروق وابوبكر الى ام عبدالله ..مع التحية

Quote: وصية ..من فاروق وابوبكر الى ام عبدالله ..مع التحية كل عام وانتم بخير ابوبكر...هي لك عيدية، ترجمها أو غنيها بالامهرية يا ام عبدالله ود شيقوق حكايتو حكاية يصول في المحاكم وكم فصل في قضايا الخبر الاكيد لا كضب لا وشاية دخل مقهى الاماهرة ونزلولو الراية بي درب الشروق بدور يجيبلو جناية بالحيل فقدا صعيب واصلو ما بتايا ومضروب الشرق لا بطيب ولا بتعايا ولا بتفيدو بخرة، لا حجاب ولا محاية بقى ربط اللسان في هالزمن ما كفاية اقبضي ابو جناك و وهطي في التاية دقي البربندي ومتنيلو الشاية وكان جانا صاد بنفرض عليهو وصاية

Quote: تسمحوا لينا نحول الوصية دي لزوجة أخونا الذي طار الى الأماهرة لحضور رأس السنة كي كي اللعين ؟

Quote: كل عام وانتم بخير ابوبكر...هي لك عيدية، ترجمها أو غنيها بالامهرية يا ام عبدالله ود شيقوق حكايتو حكاية يصول في المحاكم وكم فصل في قضايا الخبر الاكيد لا كضب لا وشاية دخل مقهى الاماهرة ونزلولو الراية بي درب الشروق بدور يجيبلو جناية بالحيل فقدا صعيب واصلو ما بتايا ومضروب الشرق لا بطيب ولا بتعايا ولا بتفيدو بخرة، لا حجاب ولا محاية بقى ربط اللسان في هالزمن ما كفاية اقبضي ابو جناك و وهطي في التاية دقي البربندي ومتنيلو الشاية وكان جانا صاد بنفرض عليهو وصاية ودمتم. سمية الحسن طلحة

Quote: ونؤيد معك بشدة دعوتك لربط أم عبدالله له في أقرب

Quote: والله يا جماعة الليلة الصباح ام عبد الله سوت لى فطور طلب سمك كجيك بعصيدة تقطع الليد عديييييييييل احلى من البيتزا وكنتاكي

Quote: كنت عايز اشاتر لكن ام عبد الله واقفه لى في راسي ما بقدر لكن بعد ازوغ منها بقول ليكم الكلام السمح

Quote: قالت لى القالوهو ده كلو صاح وانا حالفة المرة دى معاك الحجل بالرجل لعمان .

Quote: [والله يابت طلحة الشعر طار لي من راسي وأنا زعلان على الظلم الحاصل في العراق

(عدل بواسطة سمية الحسن طلحة on 01-01-2007, 08:03 AM)

Quote: اخر اخبار شيخ الطيب بعد تحسن العلاقات الخفيفة مع ارتيريا وفتح الحدود وصلتنى معلومات من مصادر خاصةجدا قد يواصل الرجل من الدندر الى بوابة الشرق من القيضه الحديديه المفروضه عليه من ام عبدالله وينفذ بجلده

Quote: فعندما اتصلنا بالرقم الذي معنا يبدو ان شغلانة ال Prepaid جعلته unpaid ولكن هيهات اننا منحناه فقط سانحة ان يعبر النهر الجاف الي حلته ويعود بعد العيد

Quote: يمكن الإســتعانة بصديق .....

Quote: ما ممكن واحد القصيدة الوحيدة البيعرفها " هذا هو العصفور" يعامل بنفس القدر مع ناس "قفا نبك ( عندك فكرة ما ممكن كانو يكونو قاعديين ويبكو علي كيفم وواللا بكاء ووجع رجليين ؟ )

Quote: قايتو أكان تسمعوا كلام القصير الحكاية دي دايرالا جلسه نعمنو ود شيقوق أول راجلا موهو ساهل أتاريني لي كم يوم لا شامي ريحتو ولا أترو ولاني شايفو؟ لازم تحضرونا والوصية في الرقبة أها العيد يتبارك عليكم ودعتكم الله وربنا يكضب الشينه

(عدل بواسطة abubakr on 01-02-2007, 06:42 AM)
(عدل بواسطة abubakr on 01-02-2007, 06:46 AM)
(عدل بواسطة abubakr on 01-02-2007, 06:49 AM)
(عدل بواسطة abubakr on 01-02-2007, 06:50 AM)
(عدل بواسطة abubakr on 01-02-2007, 06:02 PM)