|
دعواتكم لزميلنا المفكر د.الباقر العفيف بالشفاء العاجل
|
|
 Re: تقدير و عرفان لأهل الفضل و الإحسان (Re: سمية الحسن طلحة)
|
الأخ/الطيب شيقوق
لك التحية فهذا دأبك دوما... كما عهدناك......
تجمع الرحيق من كل زهرة لتنثره على المنبر كلام أطيب من العسل
قلمك وكتين يصر
بسهب ...مابختصر
يطول عمرك ويزدهر
وللحوبات تندخر
..............
لك منى كل الود
سمية الحسن محمدطلحة
| |
 
|
|
|
|
|
|
|
|
Re: تقدير و عرفان لأهل الفضل و الإحسان (Re: سمية الحسن طلحة)
|
العزيزة سمية الحسن طلحة
دائما من يعرف قدر (الشئ او الشخص) هو من يتهيب اجتراحه/وصف خصاله
و من ما نثرت من حروف يبين ما انت عاجزة عن هذا و لا ذا
بل هو (صغر كباره) و ابتغاء الكمال،، و ما الكمال الا نقيصة اذا
ما تيسر نواله..
سعيد لتمكني من الترحيب بك في هذا المكان الذي يزينه الحالون به
مرحبابك
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: Abdalla mohamed)
|
Quote: ترحابكم وسام على صدري توجتوني ملكةيا ملوك الدار
وثنــاكم غـمــام أمطرني فايض وما لقيتلو عبار
يا الصامدين ولايكين مر الصبر في هدا الزمان الحار
تعالوا نقيـف ونتكاتـف نسـد الدرب على الخرخار |
ألف مرحب بيك جيتينا نفسك حار
مرحب سدادة الدرب على الخرخار
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: فاروق حامد محمد)
|
حباب بت طلحة
البيت ياهو بيتك للقلوب دى شرحت
وصادق النيه واهب للجميل دا منحت
يا بت طلحة اختي :
وريثت الفهم شاعرة ام هبج الماهلة
فصيحة اللغة الخصبة ماها القاحلة
غزيرة المعاني في الدهور الماحلة
دا ساساً ممتن ما هو طينة راحلة
اطيب المنى
| |
|
|
|
|
|
|
|
|
 Re: تقدير و عرفان لأهل الفضل و الإحسان (Re: الطيب شيقوق)
|
يا ألف مرحب بك وأنتى آتيه بمفاتيح العلوم والأعلام...نتمنى أن نكون فى إنتباهة بحجم رهبة المعرفه التى تركها الوالد والتى أنتجهاغيره من الأسره وتلك التى أبدعت بت طلحه فى إخراجها بجرأة الواثق العارف ولاشك ستكونى إضافة سناخذ كل ما تعرفين وسنسأل عن المزيد..............................
مع خالص السلام والإحترام
منصور
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: munswor almophtah)
|
الأخ الكريم/ منصور
لو أننى لم أخرج من هنا إلا بهذه الكلمات لكفتنى
وقد اخذت بسحرها أخذا وبيلا..(فقلت فى نفسى أحسن أتر)
واجيبك عليها دوبيتا.....
المنصور خريف الرازة ما كسدانة
ما بتصد عشيمتو مصفقة وقمحانة
كتر خيرك إت يالفنجرى اب جبخانة
ناس ودطلحة حافظنلك حقوق ومكانة
ودمت شعلة نستنير بها
سمية الحسن محمد طلحة
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: سمية الحسن طلحة)
|
الأخ الكريم / فاروق حامد
شكرا لترحيبك وكتر خيرك
نحن والله آخـــوي ناســا ماهلين وروحنا طويييييلة ( سـلبـة )
ونفسنا بارد إلا عزيمتنا قوية ( على قدر أهل العزم تأتي العزائم )
ولك شكري وكان بديك نمـات سمحات لكن خليها نطمع في مرورك دائما .
سمية طلحة
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: سمية الحسن طلحة)
|
كتبت فارسة الكلمة الشعرية و النثريّّة: سميّة بنت الحسن و د طلحة ردّا علي دوبيت جادت به قريحة
الحبيب: منصشور المفتاح ترحيبا بها، فجاء ردّها عليه بذات الأداة الادبيّة كالتالي:
Quote: المنصور خريف الرازة ما كسدانة
ما بتصد عشيمتو مصفقة وقمحانة
كتر خيرك إت يالفنجرى اب جبخانة
ناس ودطلحة حافظنلك حقوق ومكانا |
نوّرت البورد يا سميّة بعقلك الراجح و قريحتك الأدبيّة و النثريّة الزاخرة بالإبداع و الحكمة.
اّّمل أن يطيب لك المقام بيننا.
طارق الفزاري
ود زينب
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: سمية الحسن طلحة)
|
Quote: الأخ الكريم / فاروق حامد
شكرا لترحيبك وكتر خيرك
نحن والله آخـــوي ناســا ماهلين وروحنا طويييييلة ( سـلبـة )
ونفسنا بارد إلا عزيمتنا قوية ( على قدر أهل العزم تأتي العزائم )
ولك شكري وكان بديك نمـات سمحات لكن خليها نطمع في مرورك دائما .
سمية طلحة |
خيتي سمية
والسمعك والله كمان روحه سلبة
لكن ما باقيلك الحكاية طولت بالحيل!!!!!!!!!!
البركة في عزيمتك القوية التي تزيد من قوة
عزائمنا.....
ولك فائق احترامي وتقديري
أخوك/فاروق
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: بدرالدين شنا)
|
المنصور خريف الرازة ماكسدانة
مابصد العشيمة مصفقة وقمحانة
كتر خيرك إت ياالفنجرى اب جبخانة
ناس ودطلحة حافظنلك حقوق ومكانة
بنت الرجال أهل الثبات الزانا
ما برمش صغيرهم كان تطرشق دانا
طولك طول ملوك ياملكه فايت البانا
عقلك زى جبال المالح الخمجانا
منصور
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: الطيب شيقوق)
|
الأخ / بدرالدين ........
والله لو عملنا فرز بتقولوا النتائج مزورة .
الأخ/ فاروق
ياخوي حبل المهلة يربط ويحل كان مستعجل غيب وتعال تلقانا نحنا ......
الأخ / طارق الفزاري
كتر خيرك يافارس المحاصات لإضافة لقب فارسة الكلمة
نسعد دوما بوجودك بيننا .
لكم مني جزيل الشكر
سمية طلحة
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: سمية الحسن طلحة)
|
سمية بنت الحسن ود طلحة ..اولاد سلام اهل النبا والشكرة مرحبا بيك فارسة فى الميدان ومرحب بيك فى رحاب الادب والشعر ..وان شاء الله يكون قدمك قدم الخير لكل اهل البوادى والحضر ..والخير على قدوم الواردين ..مرحب بيك يا ذات النطاقين ...ونحن كلنا الغبش والمطرشين بك متفائلين لانك فى يمينك ما بتقبل فازة..
اصبروا يا الغبش الدنيا باكر تصفى
يختانا المرض لا بنسلين لا سلفا
لو كل زول لى بلدو ما سفا
نعيش فى سرور من نمولى لى عند حلفا.
حبابك عشرة بلا كشرة وحبابك مية ما تنقص ولا وقية..وحبابك الف ما ينقص ولا حرف
| |
|
|
|
|
|
|
|
|
|
Re: تقدير و عرفان لأهل الفضل و الإحسان (Re: احمد حماد ادريس)
|
لو كل زول لى بلدو ما سفا
نعيش فى سرور من نمولى لى عند حلفا.
الأخ الكريم/أحمد حماد ادريس
كتر خيرك وبارك الله فيك ياجبار الخواطر
هذا من أصلك ياطيب الأصل
ولايثبت الفضل لأولى الفضل الا ذوى الفضل
والله صدقت( لوكان كل زول لى بلدو ماسفا)
لكان الآتى:_
أغصان جوبا فى شمالنا تموح
وزهور القاش فى دارفورنا تفوح
استقرار وعمار لانزوح
نكون لبعضنا كالجسد والروح
ولك منى عاطر التحايا
| |
|
|
|
|
|
|
|
|
|
Re: شكرا يا سمية (Re: سمية الحسن طلحة)
|
الشاعرة بالميلاد سمية
سموك سمية يا بنت الاصل والطيبة
الحسن ابوك ذو الخصال والشيمة
يا بورداب ابشروا بت العز جاتكم وتستاهل الوليمة
مراحب مع مودتي
| |
|
|
|
|
|
|
| |
الطيب شيقوق
على محمد على بشير
نصار
فاروق حامد محمد
munswor almophtah
بدرالدين شنا
احمد حماد ادريس
محمد عمر الفكي
Muna Khugali
اسامة كمال الخولي
فيس بوك
تويتر
انستقرام
يوتيوب
بنتيريست