دعواتكم لزميلنا المفكر د.الباقر العفيف بالشفاء العاجل
|
|
 يا نســــوان !!!!!! خفـــوا شوية........ والله حتطفشـوا الرجــــال
|
السيناريو:..... ( نتكلم بالعامية أحسن)
ماشي وين؟؟؟؟؟؟؟؟؟؟
جيت من وين؟؟؟؟؟؟؟؟؟؟؟؟؟؟
مالك متريح الليلة كده؟؟؟؟؟؟؟؟؟
معاك منو في التلفون؟؟؟؟؟؟؟؟؟؟؟؟؟
أو قفل التلفون بالصدفةوهي داخلة!!! ووووووووب
من دون الايام لابس كده ليه؟؟؟؟؟؟؟؟؟؟؟؟
انا ماشة محل ما انت ماشي !!!!!!!!!!!!!!!
كان جا داخل الراجل من بره...البوز شبرين!!!
والشعر منكوششششششششش ((بسم اللـــــه))
وتتوالى القذائف والقنابل على الزوج المسكين.....
وفي النهاية .....والله حيطفش حيطفش .....حيطير ونبقى في البيرجعه
وبعدها تبدأ قصة (( يا كديسة (المرة) سكي الفار ))
#############
أها رايكم شنوووووو؟؟؟؟؟؟؟؟
|
|
 
|
|
|
|
|
|
|
 Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
عاصم
ياملك صباحك بريحة الزلابيا (بطلنا البسكويت) ...
هسه الجاب سيرت البحر منو .. !!!!
بعدين دينا دى ماقاعدة بهناك هديك فى البنبر تأكل ليها فى
فول حاجات بالشاى الاحمر ما تسألها من اخبارها ..؟؟
(اعمل حسابك ماتكشحك بكباية الشاى الحار ...)
عبدالمنعم
انا ما بطفش (بفتح الفاء)
انا بطفش (بكسر الفاء)
(نظرية احسن من حقت سيبويه)
سلمى
البوس(ط) جميل ومحتاجين ليه شديد عشان
البنات لما تكلمهم واحده من بنات جنسهم يمكن
يقتنعوا بالذات النقناقات ...
ياشباب ماتخربوا البوس(ط) اللخت تعبانة عليه
كباية نسكافيه مركزه .. وقعده وتركيز وكده يعنى ...
(يلعن ابوالزوق ظاااطو)
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: celecon)
|
وفي نسوان مسلطاااااااااااااااااااااااااااااااات
يلقوا الواحدة هدية ورضية وعايشة في سبات ونبات في بيتها...وبلا يبدأ الشيطان الأنثوي يشتغل
وتقول للهدية والرضية:
أوعك تخلي راجلك يلم قروش؟؟؟؟؟؟؟؟؟؟؟.يا هو العرس فيك!!!!!!!
أوعك تخليه مجيه ولابس سمح والله ما تلقيه!!!!!
فتشي جيوبه.....باقي الرجال ديل جنهم دسدسة 
والنيران تشتعل؟؟
ويلا
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
المرة تبدأ الوساوس عندها بعد نصايح المرة المسلطة
((الكانت هدية ورضيه))
بقت تقول :
آااااااااااااااااااي لازمن أفضي جيوبه.....نوينا على سوق الذهب
وكان قال ما عنده.......... .اللــــه
ما فلانه راجلها مستتها!!!!
أنا مالي؟؟؟؟؟
والراجل المسكين يديها راتب شهر.(( علشان يخلص من النقنقة ))
أو(( يدين))
والسمحة جات تتمخطر من سوق الذهب بديييييييييييك يا الغويشة
وهل المسلسل ينتهي لا!!!!!!!!
بل بدأت الحلقة الأولى من المسلسل المكسيكي
ويقعد الراجل في حالة منخوليا
الانا القال لي أعرس منو؟؟؟؟؟؟؟؟؟؟؟؟.
منو؟؟؟؟؟؟
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
نرجع يا ناس البورد الظراف لموضوعنا بتاع
جاهوا ظرف طارئ غير وجهته
وبالصدفة هي عرفت...
اللــــــــــه!!!!!!
ليه بتكذب علي؟؟؟
انت داسي شنو؟؟؟؟؟؟
*******************************
والله ماداسي حاجة!
انتي ما بتعرفي شي اسمه القدر؟؟؟
ربنا اراد امشي المكان ده...
لالالالالالالالالالا في حاجة انت داسيها...........هي هي هي هي هي (( قاعدة تبكييييي))
طيب اقنعك بي شنو؟؟؟؟ ما قلنا ليك ده قدر وربنا اراد في اليوم ده امشي المكان ده.
كان يوم أغبر يوم مشيت.....اقول ليك كان يوم أغبر يوم لاقيتك....
هي هيهيهيهيهيهيهي(( لسة بتبكي ))
والله انا الندمانة وسافة التراب
حالتك قلت بينا صراحة.......وين الصراحة...دي حياة ما فيها راحة
هي هي هي هي هي
والراااااااااااااااااااااجل
دور عربيته وطلع
لو ما عنده عربية بيتصل بي صاحبة
أو يمرق الشارع
اللــــــــــــــــه .هي دي هي العوجة
دي هي العوجة
بداية الطفشان
ونواصل السيناريوهات من الحياة اليومية
***
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
مشهد آخر من الحياة
الأسرة مقررة تمشي تغير جو
المرة اتلبست وأهم شي (( الغويشات ))
وشغلوا المسجل لاعلان ابتداء تغييير الجو
وفي اثناء الراجل سايق....
جات عربية فيها واحدة حلوة سايقة
أو وهم وقفوا يكبوا بنزين مثلاً نزلت واحدة من عربيتها
المهم
الراجل عمل نفسة بيكححححح....اتلفت
أو اتلفت بالغلط
الشكله دورت....ياهي دي المرقة معاك
نصيحه في شكل جمل اعتراضية يا أخوان بس لو سمحتوا
((( ما تخليك واثقة من نفسك شوييه ))
((ويا دوب ما لفتيه يا الذكية)) .....
اها نرجع للمرة
رجعني رجعني
والراجل بي طبيعته جنو وجن تتكتر معاهوا في المرقة
وقايلنوا عمل شنو؟؟؟؟؟؟؟؟؟
دور ورجع
وما اتكلم كلمة؟؟؟؟ بس نزل أختنا
وبالتالي.كل ما تطلب مشوار أو تغيير جو.....الأخ جاهو شغـــــــــل
بمعنى آخر طفش
طفش
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: عواطف ادريس اسماعيل)
|
أختي ،،، سلمي
تسلمي علي هذا الطرح الواقعي في حياتنا اليومية
ودي ممكن تكون يوميات سودانية بنعيشه كما الدوام العملي
وأتخيلي أنه الموضوع ده طرحوا راجل!! كانت الشراكه فرتكت
وهاااك يا راجل طططططططططططططططلقني هسه؟
وياولييييييييييييه العياااال وأنت العياااااااال ديل عملت خاااااطر ليهن
وبرضوو في نسوان وفي حريييييييييم وفي مدااااام وفي كلن صلة قررررررررابه
وموضوع واقعي جدا جدا ونكتي لينا من كل لون رووووووج.
أبوقـ مجدي عبدالرحيم ـصى
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: مجدي عبدالرحيم فضل)
|
أخ مجدي....حللت أهلاً
Quote:
وأتخيلي أنه الموضوع ده طرحوا راجل!! كانت الشراكه فرتكت
وهاااك يا راجل طططططططططططططططلقني هسه؟
|
ده لو قالها لي مرته بالغلط ما يلوم الا نفسه .....
تجي من أمها ..من أختها...زول قريب ما في مشكلة
وبيني وبينك الراجل مفروض يكون زكي شوية.....يعني ممكن يقول ليها...الله يخليك لي يا ام
أولادي يا حلوة يا عسل .نفسي كده الليلة الاقيك لابسة أو مسرحة وممكن يفتتح ويفاجئا بهدية ...((ما
بتكلف شي))
مش يجيها مالك ما بتلبسي كده..شوفي دي مسرحة كيف؟؟؟؟ اتيكيت ودبلوماسية يعني
وخليك متابع معانا
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
رجعنا تاني
الراجل جاي من الشغل
والطريق كان زحمة شديد ووصل مرحلة من الزحام
لا وكمان كان عنده مشكلة في شغله
وما صدق يرجع البيت
اللــــــه
بسم اللـــــــه(( ده الراجل شاف المرة بي صورة خلته يقول كدة))
منكوشه
الريحة الباريسية: بصل+ توم+ بهارات....(( عطر مشكل))
الشفع يكوركوا
والمرة تكورك
والراجل جاته الهستيريا
قام هو ذاته يكورك
((((((عائلة يكورك)))))
الراجل: ده ما حال ده
وفك غبينته في المرة
والمرة جاطت وزعلت ليه يكورك كده
قامت تخبط في الشفع ...طاخ طراخ طاخ ....الله لاكسبكم انتوا السبب
والشفع قاموا يبكوا
(( بالمناسبة أنا القاعدة أكتب الموضوع ده هسي تلفت أعصابي ..كيف الراجل؟؟))
والراجل قرر في اليوم التاني يقعد في الشغل أحسن
ويكمل شغل اليوم البعده المردوم عليه
وبقى ....
الموظف المثالي لهذه السنة
مبروووووووووووووووووووووووك
مبرووووووووووووووووووووك
مبرووووووووووووووووك
مبروووووووك
ونواصل الحكاية
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
سلمى صبحي .. تحياتي .. خفة النسوان لها عدة معان حسب التوظيف ( خفة دم ، وزن ، رأس ، يد ، ...) ، وكل واحدة أخطر من اختها خفة الدم ( دمك شربات ) ، خفة وزن ( ستايل ) ، خفة رأس ( سميعة ، لسانها ما بل الفولة ) ، خفة يد ( بتسرق من جيب زوجها ) أو ( سريعة في إعداد الطعام وترتيب بيتها .. وأما خفيفة ( صايعة ) ، مارقة للربا والتلاف .. الله يعافي القراء من هذه .
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
[B]ودي كماااااااااااان
الأسرة بتتمشى
مروا من مكان
ما يسمعوا الا صوووووووووت
اذيك يا فلااااااااااان
هااااااااااااااي
وينك مختفيييي
ودي منو المعاك دي؟؟؟؟؟؟؟؟ بس ده سؤال
دي نار وولعت؟؟
لا وكمان تقول ليه ...ما تتفضلوا تقعدوا معانا؟؟
اللــــــــــه دي الجابا هنا شنو
هي كمان بعد ده فيها قعدة
المرة الزوجة حالتها لا توصف
يتصرف كيف...(( من اللخبطة ما عرف يشغل مخه ))دي دي دي دي دي؟؟؟ آآآآآآآآآ آي
المرة: طيب ما تتكلم ....غلبك الكلام
انا فهمت
انا فهمت
وهي أساسا ما لحقت تفهم حاجة
هئ هئ هئ هئ هئ هئئئئئئئئئ ( زادت البكية)
يا بت الناس دي لاقيتا مع ناس فلان مرة
بس دي كل الحكاية
كذاب ...دي شدة ما بتعرفك قالت ليك اتفضل أقعد معانا
انت اتاريك كده
والظلم حرام ممكن يكون فعلاً لاقاها مع ناس في يوم....أو اممممممممم( حمده في بطنه )
ودي برضه((((ممكن يكون مبسوط انه لاقاها بس ما بيظهر))
يعني الموضوع ده فيه حسن النية وسوء النية......وكل واحد ونيته
الحكاية المرة غيرانة........بس زودتها شوية قدام الأخت
لو خففت وعملت روحها مبسوطة(( في ساعتها بس )) كان كل شي مر بسلام
لكن وين السلام؟؟؟؟؟؟؟؟؟؟
الحرب بدت بين الطرفين...
فهل من مغييييييييييييييييث؟؟؟؟
....
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
الاجازة الصيفية
السفر الى السوداااااااااااااااان
المفروض انها باذن الله حتكون رحلة سعيدة
تبدأ التحضيرات لهذه السفرة منذ انتهاء السفرة الأولى يعني قبل سنة
ويا راجل اديني واديني واديني....لما هو ذاته يقول أدوووووووووني
وبعدين ألحقوووووووووووووووووووووني
وأهم شي طبعاً الذهب الحتظهر بيه في الحفلات والزيارات في السودان (( بعض النساء مش الكل ))
وموضوع الهدايا الذي لا ينتهي..لفلان..لفلانة...وممكن بالدستة مرات
وتمتلأ وتتردم الشنط (( ظاهرة متفشية عندنا احنا السودانين بالذات ))
وتتدفق بحيث انوا ما يكون في مساحة
ويزيد الوزن
ويضطر الراجل تاني يدفع زيادة الوزن في المطار
والمال طاااااااااااااااار
________________________________________________________
ياريت النسوان يخفوا شوية في الموضوع ده لانه الراجل حيجي فلس ما في في جيبة من الاجازة ....والناس
حتتورط...وبعدين الراجل بيمشي في الاول ولما يلقى المصاريف كترت بيرسل المرة مع الاولاد في المرة
الجاية
وحيطفش من مشروع السفر الى السودان
اما ذوي الدخل العالي فيمكن يعبروا الموضوع ده بي سلام
ومد لحافك على قدر رجليك
ودمتم
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: celecon)
|
ده موضوع تاني.........
من جهتي شايفاه مـــــهم مـــهم مــهم
الا وهو موضوع الفكي وجري النسوان للاحتفاظ بازواجهم يا جماعة
المشهد
الراجل كان كويس بيعامل المرة تمام والمصاريف ما بيقطعها
وهوووووووووووووووووووب
الراجل بقى يشاكل المرة
نفسياته تعبانة
خافت ماله...كلمت جارتها
الجارة الناصحة ....لالالالالالالالا ده ما برااااااااه
طوالي نمشي الفكي نشوف ماله.
(( طيب شوفيييييييييه يمكن مضايق من شي وتتحل من البيت قبل ما تمشي الفكي وتبقي في البيحلك تاني))
وعند الفكي:
مولانا اذيك... ((الجارة مستلمة الموضوع))
المرة دي ...حاصل وحاصل وحاصل
الفكي: بررررررررر كرررررررررم جهجهون ن ن ن (( كلام خارم بارم ساكت))
ده (مأمول) ليه (أمل)
جيبي لي ريشة جدادة بيضاء...وقرن خروف...ونملة سوداء ((( برضه خارم بارم))
وانا( بهل) ليك الموضوع تمام
المرة وجارتها من زريبة لي زريبة ومن قفص جداد لي قفص جداد
الفكي عمل الازم
ورجعت المرة ل يالبيت على أمل
من دخلت..
الراجل: والله الليلة كدة وكدة والشكلة سخنت
(( العمل ما نفع ولا شنو....يمكن لسه ما أشتغل ))
والحكاية زادت وبقت من فكي لي فكي .....لمن قروشها كملت
المهم الراجل وبدون سابق انذار قال ليعا داير أعرس
شنووووووووووووووووووووووووووووو؟؟؟
((( أظن العمل قلب عليها )))
وفعلاً طفش الزوج
وبقت تلطم وتحاول مرة تانية تبدأ مشوار الفكي لاسترجاع الزوج الذي شرد
ودي آخرة متابعى الفكي
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
شوفي يا ست سلمى
فعلا المظاهر السلبية موجودة.. لكن تبقى السودانية في نظري من أجمل نساء الدنيا..
صدقيني أنا بقول الكلام ده على مسئوليتي أنا.. الذي اقيس الأمور بعين راجل ناصحة..
لفينا وشفنا وتأكدنا..
وعشان كده ومع إنو ما بسمع الكثير من الغناء ... لكن عندي في سيارتي شريط واحد
فيهو أغنية واحدة (السمحة أم ولدي)...
وبرضو بشوف الشاعر قدر ما اتشرقط ما أداها حقها كاملا...
صدقيني.. مافي إمرأة مستعدة تضحي عشان بيتها زي ما بتعمل السودانية..
فلها ولك ولهن ولكن كل المحبة والتقدير... ودمتن فخرا لنا
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: Kamal Karrar)
|
الأستاذ كمال كرار...لك التحية
شكراً للمشاركة وحبيت أوضح ليك الفكرة شنو بالضبط
Quote: لكن تبقى السودانية في نظري من أجمل نساء الدنيا..
|
على هذه ...البورد يشهد باني كتبت بوست كامل بعنوان
تاجــــــــــوج.............. سحر وجمال بنت بلادي
لأوضح فيه سحر و أصالة بت البلد
أما عن هاتان
| Quote: مافي إمرأة مستعدة تضحي عشان بيتها زي ما بتعمل السودانية |
| Quote: فعلا المظاهر السلبية موجودة |
فأنا لم أقصد المرأة السودانية بعينهاأبداً أبداً ...بل أتحدث بصورة عامة عن النساء وممكن
انت متزوج سودانية غيرك متزوج جنسية أخرى..لكن المقصود هو بعض العادات التي تتبعها النساء...وقد
تؤدي بهم الى خراب بيوتهن دون أن يدروا.
وهذه طرح لأمور تحدث في حياة المجتمع بوجه عام و لقد عرضتها بصورة أو (بطريقة معينة) و
(بالعامية ) لأكون أقرب الى القارئ.
ومعاذ الله ان اتحدث عن السودانية بسوء وأكرر الموضوع عــــــام
فالسودانية أمي وأختي وابنتي و كل أخواتي السودانيات
أتمنى أن تكون الفكرة قد أتضحت
احترامي لك مرة أخرى
| |
|
|
|
|
|
|
|
|
|
Re: يا نســــوان !!!!!! خفـــوا شوية........ والله حتطفشـوا الرجــــال (Re: salma subhi)
|
الزوجة الشكاييييية
دخل الزوج من برة
المرة تعبانة ...آه يا كلوتي...آه يا راسي
مالك يا مرة؟؟؟
ما شايفني...دايرة أموت
تراك لسه حية ما مت
في شنو؟؟
هدأها شوية
سكتت
ثم بدأ الموال
بطني...كراعي...ظهري
شكوى بسبب ومن غير سبب وفي أي وقت
وديني الدكتور أنا ما كويسة
وداها الراجل للدكتور
وطلع ما عندها حاجة...وأداها الدكترو حبوب منومة
رجعوا البيت
الحمدلله المرة نامت
الصباح
المرة : الحبوب الاداني ليها الدكتور
الراجل: مالها دي كمان؟؟
عملت لي حموضه
والراجل طفج كيلة من شكية المرة
ووصل لي نتيجة...
يا ربي هي خرفت؟؟؟
وكانت بداية الطفشان من البيت ومن شكاوي الزوجة التي لا تنتهي
| |
|
|
|
|
|
|
| |
salma subhi
عاصم ابوبكر حامد
محمد عكاشة
عبد المنعم سليمان
نهال الطيب
bent-elassied
شهاب الفاتح عثمان
ismeil abbas
عواطف ادريس اسماعيل
مجدي عبدالرحيم فضل
عبدالرحمن الحلاوي
Muna Khugali
ماجدة عوض خوجلى
Kamal Karrar
فيس بوك
تويتر
انستقرام
يوتيوب
بنتيريست