|
دعواتكم لزميلنا المفكر د.الباقر العفيف بالشفاء العاجل
|
|
 Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
| Quote: حتي اعيش واقعي بخيره وشره فانا قفلت الابواب والشبابيك و"سكرت " اذني تماما عن اية اشاعة وشمار ..بالاضافة الي انني قليل الحديث ( لقلة في الاجتمتاعيات) وكثير الكتابة ... وهكذا صرات جاهلا في اشياء كثيرة .. وكدة احسن |
الأستاذ الفاضل أبوبكر
كلام جميل ً....
لكن المحيّر !!
انك تكون في حالك والناس تقول ...ده مالو؟ أكيد في حاجة يعني لازم في حاجة...
وحتى إن حاولت قفل الأبواب والشبابيك تأتيك الإشاعة الى مكانك !
وتلقى نفسك تستمع الى فيلم من اخراج عالمي وليس محلي !!
| |
 
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
| Quote: انك تكون في حالك والناس تقول ...ده مالو؟ أكيد في حاجة يعني لازم في حاجة... |
ياما... في ناس ما حتبطل تقول من ورانا لانها بتحب تقول وانا طالما ما بيقولو قدامي بعتبر انو ما قالو شي ...ولو سمعت انهم قالو برضو ما قالو شي .. وهكذا انا الان لا اعرف ماذا تقول الناس من وراي وعليه بنظر الي الجميع علي انهم ما قالو حاجة ضدي وفي حالة انو قالو حاجة في صالحي فارجو ان يكون كذلك في صالح الجميع وادعو الله ان يجازيهم خيرا ... الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير ...
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
اشاعة
اجمل قصة قراتها للكاتبة ايزابيل الليندى من تشيلى
تحكى عن الاشاعة
وكيف تنتقل حتى يصدقها الناس
لان الخيط الواصل منذ البداية كان كاذبا
لكن اجمل قصة سمعتها من بربر
قيل
ان رجلا كان له صديق واحب ان يجعل من ذهابه للخرطوم مزحة
قام جاب صورة صديقه ونشرها فى الصحف
مهنئا اياه بزواجه
وما كان من اهل الزوجة الا ان نقلوا الصورة الى زوجته
حين عاد الزوج المغدور الى بيته خاطبته زوجته
ـ امشى محل ماجيت واقعد مع عروسك الجديدة
اندهش صاحبنا من الفكرة
وعرف فيما بعد ان صديقه هو من فعل فيه تلك الاشاعة
واجراها بين اهله فى بربر
قيل
فسافر الصديق الغادر الى الخرطوم
وكان هذا يعمل بتاريخ عودته
فما كان منه الا ان استاجر عددا من عربات الكارو
وانتظر نزول صديقه من القطار
حينها بدات مراسم (الزفة ) زفوه فى بربر كلها
كعريس
وكان ذلك جزاءا وفاقا لناشر الكذب والاشاعات
غالبا يا صديقتى ما تهدم الاشاعة بيوتا وتخرب حال اسر بحالها
حمانا الله واياكم
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: سلمى الشيخ سلامة)
|
| Quote: ياما... في ناس ما حتبطل تقول من ورانا لانها بتحب تقول وانا طالما ما بيقولو قدامي بعتبر انو ما قالو شي ...ولو سمعت انهم قالو برضو ما قالو شي .. وهكذا انا الان لا اعرف ماذا تقول الناس من وراي وعليه بنظر الي الجميع علي انهم ما قالو حاجة ضدي وفي حالة انو قالو حاجة في صالحي فارجو ان يكون كذلك في صالح الجميع وادعو الله ان يجازيهم خيرا ... الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير ... |
انا غايته بدعوا الله يوريهم في دنيتهم دي مادام قاعدين يألفوها وينشروها عن عمد
الأيحاء..والأشاعه..
سلام يا سلومي...
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: Muna Khugali)
|
العزيزة من خوجلي
ده عجبتني شديد...
Quote: الاشاعه هو أن نفبرك خبر ونطبخه بطريقة التسبيك..ثم نمرره لغيرنا ليقوم بالباقي فينشره..
|
المشكلة الحلة لو اتسبكت ما بفضلوا الناس فيها شي ..بياكلوها كلهاولا كيف يا منى!!
عارفة يا منى العارف عزّو مستريح...أحسن شي الواحد يعمل بي نصيحة الأستاذ أبوبكر
| Quote: الدنيا صارت صعبة وما عندنا طريقة الا من تخفيف اعباءها علينا بلاحتماء بكل بارقة امل في خير |
والعفو عند المقدرة !
دمت جميلة وأجمل
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: سلمى الشيخ سلامة)
|
الأستاذة القديرة سلمى الشيخ سلامة...
مرور بهي....كم اشتقنا اليك وكل سنة وانت بألف خير
والله ضحكتيني يا استاذة سلمى لكن فعلاً القصص دي واقعية وحصلت كتير وانت عارفة طبعاً كتير من الحريم وبدون حتى تفكير في \مصداقية الخبر بيردوا..| Quote: امشى محل ماجيت واقعد مع عروسك الجديدة |
وأهل الزوجة بدل ما يهدّوا الحكايه بيشعللوها!!!
| Quote: وما كان من اهل الزوجة الا ان نقلوا الصورة الى زوجته |
موضوع شكلة جاااااهز
عارفة المشكلة وين يا استاذة سلمى؟
تقوم الزوجة ذاتها ما تصدق برضو حتى بعد تكذيب الخبر !!!
لك دوماً كل الود....
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
الاشاعة فعلا مدمرة خاصة في العلاقات الزوجية
شخصيا مررت بموقف
واحدة قريبتنا، مش عارف في رأسها ايه، قامت نشرت اشاعة اني
جاي اعرسها، رغم اني متزوج وبربي عيالي في الغربة
وناس المغتربين بسفارتهم كرهوني السودان.
طبعا الوقت داك مافي تلفونات لنيالا وانا والمرا علينا ليل.
ام العيال نزلت اجازة وطبعا الجماعة فتوا ليها الخبر.
المهم بعد ما رجعت من الاجازة، شايف نظراتها كده ما عجباني.
طبعا بعد القسم المغلظ ام العيال مشكورة صدقتني وقلت ليها
البت دي لو كلمتني عديل كده كنت لقيت ليها خانة معاكي، لكن ما دام
اتكلمت قبال تاخذ رايي علي بالحرام ما اعرسها لو بقت الوحيدة.
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: Zoal Wahid)
|
الأخ الفاضل Zoal Wahid
طيّب الله أيامك
| Quote: الاشاعة فعلا مدمرة خاصة في العلاقات الزوجية |
دي من أخطر أنواع الإشاعات....لكن وين الضمير والنظر الى العواقب الأليمة ومنها تشتيت الأطفال!
Quote: البت دي لو كلمتني عديل كده كنت لقيت ليها خانة معاكي، لكن ما دام
اتكلمت قبال تاخذ رايي علي بالحرام ما اعرسها لو بقت الوحيدة. |
يعني كان في احتمال كان تفكر !! ....هسي من الخبر ده ممكن تطلع إشاعة تانية....خلي بالك....
كل التقدير على المرور
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
الاستاذةsalma subhi
الإشاعة أصبحت علم من ضمن العلوم تدرس في أجهزة المخابرات العالمية
يحكي أن محاضر في علم الإشاعة لقن بعض كلمات لاحد الدارسين خارج المدرج
ثم طلب منه أن يبلغ هذه الكلمات لزميله في المدرج ثم بدور الاخر ان يكرر
نفس الفعل حتي وصلت الي اخر طالب في المدرج
فكانت المفاجاءة ان الطالب ذاد علي الكلام الاول اشياء كثيرة لم تذكر
في كلمات المحاضر المختصرة
ومن ذلك يتضح إن الاشاعة تنمو تدريجيا كلما تتداولها الناس
ونسأل الله الستر والعافية
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: عبدالمنعم الرزوقي)
|
B]الأخ الفاضل عبد المنعم الرزوقي...
كل التقدير على المرور....
| Quote: الإشاعة أصبحت علم من ضمن العلوم |
هو كما تفضلت علم و سلاح فتأك وحرب نفسية رهيبة لزرع القلق والخوف في المجتمع لذلك استخدمت في الحروب والقتال....
وأحياناً قد يكون السبب في زيادة القول عن الحقيقة كما حدث في القصة هو رغبة الناس لسماع كل جديد والبعد عن الروتين والمألوف الذي ربما يودي بحياة الكثيرين....عافانا الله
والعجيب يا أستاذ عبدالمنعم في ناس ما درست أساساً هذا العلم ولكن تعطى شهادة خبرة على تدريسه...
احترامي وتقديري
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
قصة جميلة وهادفة جداً عن الإشاعات يا ريت نمر عليها...
ذات مرة نقلت إحدى السيدات إشاعة صغيرة عن بعض الجيران..ولم تمض سوى ايام قليلة حتى عرف جميع من بالحي بهذه الإشاعة،مما ادى الى إيذا هذا الجار أذى بالغا،وبعد ذلك عرفت السيدة التي روجت الإشاعة بأن إشاعتها غير صحيحة بالمرة ، مما اصابها بالأسى ودفعها للذهاب إلى أحد الحكماء لتعرف مايمكنها فعله لإصلاح ماسببته من اضرار.
وماكان من الحكيم إلا ان قال : اذهبي للسوق واشتري دجاجة واذبحيها وفي طريق عودتك للمنزل
انزعي الريش وألقيه الواحدة تلو الأخرى على طول الطريق..وبالرغم من دهشتها من النصيحة فعلت المرأة ماطلب منها .
وفي اليوم التالي قال لها الحكيم :والآن اذهبي فاجمعي كل الريش الذي ألقيته البارحة وأعيديه إلي..
وماكان من المرأة الا ان سلكت نفس الطريق ولكنها فزعت عندما وجدت الريح قد أتت على كل الريش فلم تترك منه شيئا وبعد ما بحثت لساعات عديدة عادت وفي يدها ثلاث ريشات فقط وهنا قال لها الحكيم :
والآن كم ترين انه من السهل ان تلقي بالريش ولكن من الصعب أن تجمعيه وهكذا الاشاعة من السهل أن تنشريها ولكن بمجرد ان تفعلي ذلك لايمكنك أن تصلحي خطأك تماما..
| |
|
|
|
|
|
|
|
|
 Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
من أسوأ الإشاعات السمعتها وإنتشرت كالنار في الهشيم
وفي إجازتي قبل السابقة,ماحدث في العاصمة الخرطوم .
وما حدث بعدها من بلبلة,ولكن ماهي إلا دقائق وكنت أقرأ في موقع سودانيزاونلاين,إذ بعضوة ربما إسمها صباح,مشكورة نفت الإشاعة بإيراد بوست ينفي حدوث الشائعة,أصبحت أمتلك المعلومة الصحيحة لكن منو البقنع العسكري مايركبني المواصلات المتجهة خارج وسط بحري,وياجماعة والله الكلام دا ماصاح,, يازول قلنا ليك اركب اتخارج,يازول ياجنابو انا قريتا في سودانيزاونلاين,ياخوي سودانيز شنو امرق روحك اول
أها مانفع معاهم
والحالة اتازمت
والأشاعة بقت كالعهن المنفوش ,مالماها إلا الستار
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: خالد علي محجوب المنسي)
|
الأخ الفاضل خالد محجوب....
المنســــــــــــــي في بقعة من بقاع الله الواسعة
Quote: يا سلمى تعرفي أكبر إشاعة ما لفقها بكري أبو بكر فيني
انا أسمي خالد علي محجوب محمد إبراهيم
في رسالتي له كتبت له رسالة ( أخوك يا بكري خالد علي محجوب منسي في بقعة من بقاع الله الواسعة ) فأنزل لي الأسم خالد علي محجوب المنسي
وصدقها الجمع وصار ناس ودشيقوق ينادونني يا ودالمنسي
وناس الجميل محمد المرتضى بــ خالد المامنسي
وغايتو الإشاعة ماشة وأتوقع لو دخل ابي على سودانيزونلاين ووجد الأسم سوف يعاقبني محاكما |
طيب مش كويس الأستاذ بكري أبوبكر ما نساك وأديك العضوية....
والله انا ذاتي قايلا الأسم نهايتو المنسي يعني من ضمن الجماعة الصدقوا برضو....
| Quote: وصار ناس ودشيقوق ينادونني يا ودالمنسي |
اليك بهذه النصيحة القلتها للأستاذ أبوبكر..
| Quote: يا ابوبكر أحسن تشتري مودته ... انا غايتو قررت أعمل كدا ومن اليوم بس حبايب |
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
سلمي سلام
معانا في العمل مهندس فلبيني اسمه نستور حكي لي قصة لذيذة
زوجته في الفلبين وتعمل مُدرسة ( معلمة ) وفي حالها وفي آمان
الله قال لي إتصلت عليهو وقالت ليهو لو جيت مانيلا تاني يحضر كفنو
معاهو !! قال ليها مالك في شنو طبعاً بالرطانة حقتهم قالت ليهو
إتزوجت علي وعندك طفلين كمان !! قال لي شعرت بدوار ولساني بقي
تقيل ( بقي تقيل دي من عندي انا - زيادة كلام ) المهم في الموضوع
انو إتذكر زوجة صديقيه عندها طفلين وفي نفس يوم الإشاعة كان صديقه
طلب منه يوصل زوجته للسوق عشان سيارته معطلة ( خربانة ) وصادف في
ذلك اليوم ان شاهدته صديقة زوجة المهندس نستور وعلي طول كلمت زوجته
في مانيلا بدون إستفسار وبدون مقدمات .
يعني الإشاعة ما عندنا برانا حتي الفلبينين عندهم .
نسأل الله ان يجنبنا الإشاعات ويستر علينا دنيا وأخرة يارب .
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
الإشاعة لها تأثيرها القوى فى المجتمعات بلا شك ،
لذلك أذكر عندما كنا نعمل فى الإعلام وبالتحديد
تليفزيون السودان كانت وزارة الإعلام تعمل للإشاعات
الف حساب للدرجة التى إهتم بها الرئيس النميرى وحاربها
وحذر مروجيها وطالعتنا الإعلانات الكبيرة بحجم( البوستر )
ـ الحيطان ليها أذان ـ وصورة أضان كبيرة على البوستر
ـ وأحترس من الإشاعات ـ ...
بالمناسبة الإشاعة صنـاعة ، وفى دنيا السياسة لها صناعها
ومخرجيها وترصد لها ميزانية خاصة من أجل الوصول لأهداف
بعينها ،
الإشاعة فى مجملها ضارة ... ومزعجة إن كانت من أجل المزحة
... ربنا يكفينا شرها ..
ولك تحيتى يا سلمى ياظريفه ..
محمد مختار جعفر
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: محمد مختار جعفر)
|
الأستاذ الفاضل محمد مختار......
يسعد مساك.....
| Quote: الإشاعة لها تأثيرها القوى فى المجتمعات بلا شك ، |
قطع شك...!!!!!
Quote: الحيطان ليها أذان ـ وصورة أضان كبيرة على البوستر
ـ وأحترس من الإشاعات ـ ...
|
في قصة ظريفة جداً حصلت بمناسبة الموضوع ده....
واحدة يوم قاعدة في الحوش سمعت جارتها بتتكلم في الموبايل وما لقطت الا أهم كلمة في المكالمة كلّها
....عرّس !!!
الجارة خطفت الكلمة وعلى أقرب جارة....يا جماعة الزولة ديك راجلها عرّس فيها....لازم نواسيها...
والحكاية مشت من بيت لي بيت لحد ما قرروا يجتمعوا ويزوروا الموجوعة بزواج راجلها عليها....
دخلوا عليها وكأنوا بيت بكاء...الله يصبرك الدنيا كده...والراجل ما كل شي....عندك أولادك بينفعوك وإحنا معاك لو احتجت شي....
المرة وقعت ودوها المستشفى قايلة راجلها اتوفى...
ودي نتيجة الإشاعات
| Quote: وترصد لها ميزانية خاصة |
بالله فيها SALARY كمان ....الناس شغّاله فيها بالمجان ما عارفين دي
.....
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: عبدالله داش)
|
الأخ عبد الله داش
Quote: إشاعه...
أنا بخاف منها جداً
بالجد ضيعت علي أحلام كبيره خلاس |
عارف المسافة بين كلمة إشاعة والكلام الأخير كبيييييرة معناها الموضوع كان صعب عليك شديد............ بس ما تكون وقعت في مقلب من النوع ده !!!
Quote: ولا تجي واحدة غيورّة شوية ودايرة تطفّش العرسان من واحدة وتقول ليهم دي مرتبطة !!
|
دي مجرد توقعااااااات
والجايات أكتر من الرايحات...
دمت سعيداً....
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
| Quote: البوبار بقى الآن داخل السودان وترأسوا هم القائمة .. واصبحت كلمة مغترب .. صفة لقلة الحيلة... |
اسمع احيانا واري بعض حالات وقراءت عن حالات في السودان صار فيها "البوبار" ملمح اجتماعي .. وحالات تاتي الي هنا مثلا دبي تشتري دون تمييز (لاحظت ان كثير من المال عند بعض الذي في الداخل)وبارقام فلكية ..وبعض يشتري هنا سيارات فاخرة ويؤجر شقق فاخرة فقط لقضاء بضعة ايام في الشهر ويرجع الداخل ( دي ما اشاعة انا شفتها)...من اين لهم المال ؟؟ للاسف لاحظت ان ذلك لا ينعكس علي لبسهم وطريقة حديثهم ..الخ ...لم يستعينو بالمال ليهذبو لباسهم واسلوب حديثهم ..الخ ...المطارات تشتكي منهم وكذلك الفنادق لتهاملهم الفج وعدم انضباطهم واحترامهم للوقت .....
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
الأستاذ الفاضل أبوبكر....
| Quote: اسمع احيانا واري بعض حالات وقراءت عن حالات في السودان صار فيها "البوبار" ملمح اجتماعي .. وحالات تاتي الي هنا مثلا دبي تشتري دون تمييز (لاحظت ان كثير من المال عند بعض الذي في الداخل)وبارقام فلكية ..وبعض يشتري هنا سيارات فاخرة ويؤجر شقق فاخرة فقط لقضاء بضعة ايام في الشهر ويرجع الداخل ( دي ما اشاعة انا شفتها)...من اين لهم المال ؟؟ للاسف لاحظت ان ذلك لا ينعكس علي لبسهم وطريقة حديثهم ..الخ ...لم يستعينو بالمال ليهذبو لباسهم واسلوب حديثهم ..الخ ...المطارات تشتكي منهم وكذلك الفنادق لتهاملهم الفج وعدم انضباطهم واحترامهم للوقت ..... |
ماأشرت اليه ما هو الاّ حقيقة واقعة وملموسة....ونأسف كسودانيين أن تكون مثل هذه الشواهد ماثلة بيننا وليست إشاعة فقط...وربما ما خفى أعظم.
شكراً لإثارة هذا الموضوع...
تقديري
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
الإشاعة أصبحت مرض العصر ولكن بحمد الله عندنا فى السودان
لا زالت قاصره أكثرها على دنيا السياسة والسياسيين ،
وفى السياسة الإشاعة أغلبها تكون واقعية
وأحدث إشاعة حاليا هو تعيين إبن الصادق المهدى / بشرى
ضابطا فى الأمن ، وثارت ثائرة الكثير من المنتمين
الى حزب الأمة ولا زالت بهذا الخبر أو هذه الإشاعة ..
ترى أنها إشاعة أم حقيقة ..
الله يستر من الهبايب ياسلمى .. لك تحيتى
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
النكاااااااااااااااااااااات
أسلوب من الأساليب الفعّاله في نقل الإشاعة....
المعروف انوا النكتة بيرتاح لها السامع ولا ينساها بسهولة عشان كده مفعولها قوي.....
يعني مثلاً نسمع نكات عن بعض الصفات لبعض القبائل السودانية ويكون الموضوع بداية بغرض الضحك والفرفشة ....بعدين نلقى الحكاية بقت لصيقة بالناس دي تماماً.....
والطريف كمان بانوا في شخصيات ظريفة على سبيل المثال...
المرحوم عوض دكّام رحمه الله اشتهر بسرد النكات ، لكن طبعاً الناس بتزيد وبتألف من راسها ولما يحكوها ليه ويسمعها يقعد يضحك ويقول.....
دي اشاعات !!!!!
........
| |
|
|
|
|
|
|
|
|
 Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
الأخت العزيزة سلمى
سلام على روحك الطيبة
حينما تكتبين فأنت في عبادة.. عبادة مجازية مع الحرف وهي غيرما نتعارف عليه من العبادات .. عبادة مع الحرف وليس للحرف حاشا لله فهو الواحد المعبود لا شريك له.
أنت الآن عبدا للكتابة، وفي كل إبداع جديد تعيد عبادتك في صمت وخشوع جميلين، زاهدة في كل الأشياء التي هزتك من قبل عند لحظة الكتابة والابداع ، أشياء استهلاكية سائدة، والتي تنتحل صفة الحياة وتستعمر الدوق والمخيلة والإنسان، مثلا تنسى انك تناولت طعام الغذاء أو العشاء.. يسرقك سكون الليل إلى أن ينبهك صوت " الهلال". تلمسين حينها أن الوقت قصير جدا وأنك تصارعيتن قصر العمر، وتتمنين لو يطول إلى حين إعادة كتابة دفتر الحياء.. أليس مجردوجود الحياء غند البعض إشاعة!!.. أعجيب أن تسمعي غداً من يرميني بالإلحاد لمجرد أني كتبت عن عبادة الحرف ولا أدري إلآم ستنتهي بي ما سيولد من اشاعة لا تمت للحقيقة وتكون متعنكبة في نفوس أصحابها فقط .. وربما أهدر دمي.. ونقطة الإنطلاق إشاعة لن تعيد من أعهدر دمه إلى الحياة.. تحياتي
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
العزيزه سلمى
الراجل من المجاهدين الاشداء مشى لطبيب امراض النساء المشهور و كل ما يسال الطبيب الزوجه يرد عليه الزوج ويطلب الطبيب بذوق وادب جم ان يسمع الشكوى من المريضه ويطلب بعض الفحوصات العاديه من المعمل المجاور للعياده لتاتى النتيجه بحمل المراه ويخبر الطبيب الاثنين معا لتنقلب الدنيا و تغلق العياده ويغمى على الطبيب اثر انقلاب الطاوله على راسه و تنقل الزوجه للمستشفى اثر الضرب المبرح ويلقى القبض على المجاهدالذى يفاجئهم بعودته فقط امس و يفاجا الطبيب بعد ان رجع الى عمله بان النتيجه تخص امراة اخرى
ياما فى الحبس مظاليم
مودتى
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: abubakr)
|
Quote: استاذ الطيب ....
العفو عند المقدرة.....
(عدل بواسطة salma subhi on 16-01-2008, 02:45 م)
(عدل بواسطة salma subhi on 16-01-2008, 02:53 م) |
شفت يا بكوري زولتك خافت من عدم رضاي شوف عدلت كم مرة هي عارفاني بجيب ليك خبرها لو ما رضيت عنها.
خلاص يا سلومة انا راضي وعافي منك لله والرسول بطلي الاشاعات بس اوع تمشى في درب الاعاجم ديل بسجموك عديل كده .
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: الطيب شيقوق)
|
| Quote: ياسلمي سلام .. انتي الاشاعة دة "العرريب ود شيقوق" شن جابو هنا ؟؟؟ دة بجفف الانهار ؟؟؟ |
سلمى
انا مستغرب الزول ده محل اورد اسمو حتى لو مشيت البوستات الغميسة هنااااااااااااااك بيعرني كتبت عنو ويجى ناطي زى ود ام بعلو.
عليكم الرسول هل توجد اليه في الحاسوب تديك اشارة بانو اسمك ورد هنا او هناك ولا الزول ده معاهو الجن الكلكي .
سلمى تاني
هل ود ام بعلو البخوفونا بيهو زمان اشاعة؟
| |
|
|
|
|
|
|
|
|
|
Re: والله والله يا ناااااااااااااااااس دي إشاااااااااااااااااعة !!!!!! (Re: salma subhi)
|
| Quote: لكن يا سلومة بيني وبينك الزول ده لو انا كتبت اسمو حتى لو في ماى دكيومنت خارج النت برضو بيجي ناطي على . |
ما قالو ليك "سيدنا ابوبكر سيد احمد ".... اها مما فنجلت عيونك وشفت الدنيا في واحدة او واحد نا دووك بيا"سيدنا" اخير ليك الزم الجابرة ( بالمناسبة ليه بيقولو الزم الجابرة ؟ ) وروح نوم
| Quote: ندعو الصالحة بت طلحة عشان تجيب خبرك ببخرة واحدة تطلعك بالمصبع الصغير . |
اها خليك بعيد من ملكتنا .. اتخيل ملكة سيدنا؟؟ انت شن بجيبك هنا ؟؟
| |
|
|
|
|
|
|
| |
salma subhi
abubakr
سلمى الشيخ سلامة
Muna Khugali
الطيب شيقوق
عبدالمنعم الرزوقي
خالد علي محجوب المنسي
هاشم أحمد خلف الله
محمد مختار جعفر
مجدي عبدالرحيم فضل
فيس بوك
تويتر
انستقرام
يوتيوب
بنتيريست