|
دعواتكم لزميلنا المفكر د.الباقر العفيف بالشفاء العاجل
|
|
 Re: العمامة السودانية.....فكاهه!!!!!! (Re: Haytham Abdulaziz)
|
| Quote: تشبه (عمة) القــلـــع عبدالحفيـظ |
لا هذا .. ولا ذاك ..... ( حليلها هي وحليل أيامها )
بل .. عمة ( تاجر مشهور في كرين بحري ) .. بخت طاقة العمة التوتل الاصلي .. فوق الخزنة .. وبالمقص .. بقطع منها .. وما بغسلها .. يعني العمة كم لبسة وبعد داك بتبقا حقت صاحب النصيب ...
| |
 
|
|
|
|
|
|
|
|
Re: العمامة السودانية.....فكاهه!!!!!! (Re: عصام أحمد)
|
الأخت salma subhi
تحياتي
وصلتني رسالة في بريدي الالكتروني من أحد الإخوة ( الخليجيين ) مقرونة بتساؤل : لماذا يتزوج السوداني ثلاثة نساء ؟؟
وكان الرد هذا الرسم الكاريكاتوري ، والذي يسخرون فيه من ( عمامة السوداني )وأعتقد أن هذا الرسم موجود باحدى (منتدياتهم).
على الرغم من أنني ما بلبس العمة كتير ، إلا أنني أحرص دائماً على لبسها في المناسبات التي تجمعني بالخليجيين وبقية الجنسيات الأخرى ، وأفاخر بها اينما كنت .. عشان كده خاتي ليكم صورتي أم عمة دي ...
حسب علمي إنو زماااان ، زمن الجاهلية وما بعدها كانوا بيلبسوا عمتنا دي ، لكن يطرشنا بالـ(العقال) .. زول يلبس (ما يعقل به بعيره في رأسه؟؟)..
عجبي !!!!
| |
|
|
|
|
|
|
|
|
|
Re: العمامة السودانية.....فكاهه!!!!!! (Re: Deng)
|
نشال مشهور .. صاحب ليو فلاتي في قطر نيالا .. المهم عرف الفلاتي خاتي كل قروشو في راسو وكاربهم بالعمة .. لمن القطر وصل محطة كوستي .. نزل النشال في المحطة .. ومع تحرك القطر .. جاء النشال جاري وشايل بطيخة كبيرة ( بطيخ كوستي مضرب المثل في البطيخ ) .. المهم كورك للفلاتي والفلاتي بحسن نية دنقر يستلم البطيخ .. وقوم يا النشال .. زي الصقر .. كف للعمة وبخزنتها .. وخلا ليك الفلاتي خشمو بطيخ بطيخ .. هاهاهاهاهاهاها
| |
|
|
|
|
|
|
|
|
|
Re: العمامة السودانية.....فكاهه!!!!!! (Re: عصام أحمد)
|
مرحب بيك بت العلامة المرحوم الدكتور حسن عباس صبحي له الرحمة
واخوك رباطابي اصلي لذلك اديك واحدة حصلت بالجد
رباطابي لابس عمة كبيرة وماشي في السوق طلب منو واحد ان يقراء ليهو جواب جايهو من البلد والرباطابي كان مستعجل خالص فرد ليهو انا مابعرف اقراء فقال ليهو لابس لي عمة كبيرة وما بتعرف تقراء فقام قلع العمة وختاها ليهو في راسو وقال ليهو هاك اقراء انت
ولك تحياتي
| |
|
|
|
|
|
|
| |
salma subhi
يازولyazoalيازول
Haytham Abdulaziz
خال فاطمة
أبو ساندرا
ابراهيم بقال سراج
فيصل نوبي
Deng
Mutwali Malik
فيس بوك
تويتر
انستقرام
يوتيوب
بنتيريست