|
دعواتكم لزميلنا المفكر د.الباقر العفيف بالشفاء العاجل
|
|
 Re: ........ الليـــــلة جيـــــت شايــــل الفــــــرح ........ (Re: هاشم أحمد خلف الله)
|
الفرح سعادة تأتينا من عالمنا الداخلى ، وهو كل ما يبهج النفس
ويجعلها متوازنة فى صمت تارة وفى إنفعال واضح تارة أخرى .....
.. الفرح يوغظ فى النفس أحاسيس سارة معينة من جراء اللحظة التى إنتقل
إليها فى توافق جمع قيم جمالية يعيشها لفترة أو فترات منقطعة أو متصلة
ولكنها لا تقف على ما هى عليه ، وكثيرا ما تزول بزوال الحدث الجميل ...
إذا أتفق أن الفرح والحزن نغيضين ولكنهما لا يختلفان فى ولادة الحدث
أيا كان نوعه ، سارا أو مفرح ،
وهنا تبرز المقدرة على متلقيه من شخص لآخر فى السيطرة عليه لأنه كثيرا
ما يكونا خطرين على متلقيه إن جاء بصورة غير متوقعة أو فجائية ،
ولم يعطيه القدر المعلوم فى عملية الإنفعال التى طرأت فجأة جراء
سماعنا للخبر ، ..
ولا أريد أن أقول كم من فرح إنقلب الى حزن ولكنى أريد أن أردد دائما كم من حزن
إنقلب الى فرح .....
اللهم أجعل أيامنا ، وأيامى ، وأيامك كمان ياسلمى ، فرحا دائما وسرورا
وتحيتى ... محمد مختار جعفر ...
| |
 
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: هاشم أحمد خلف الله)
|
الأخت العزيزة سليمى
سلام على روحك الطيبة
الفرح هو شعور الإنسان بالسعادة
أعيش الفرح بالكـم الـمقـبـول،
لـتـتـعدد سُــعــراتي ,
ثـم أنخرط في مـنـظـومـة الـكـلام ,
أنـتـج الـريح ،
عـبـر الـمخـارج أتـرجـمـه
بالبعد عن أنـيـن الألم ,
أو آهـات الـندم ،
و دوماً أعزف الألحان الجميلة
أغني التفاؤل
أنـفـخ ناي الـفـرح
و أعـزف قانـون الـمـرح ...
مـن وحي الـعشق أذوب وجداً ,
أخـط إحـسـاسـي
عـلى تـضاريـس الـبـيـاض ،
لـكـنـه لـمـقـام الـعـشـق يـعـتـلي,
فـيـشـتـعـل بـالـمـداد الأخضر,
أتـلـوه وجـدانا عـلى نـفـسي
وحـيـن أتـعـثـر ,
أفـتـح قامـوس الـمـسـتـحـيـل ،
أشـهـد الأفـعـال و الأسـمـاء والأدوات ،
عـلى واقـع من الحب .. مضمخ بعبق الفرح
أعيش مع طيف حبيبتي وبين الأحلام
ارنو إلى لقياها غي الغد
و غـد بـعـد لم يـحـن...
ما أروع الـمـرء أن يـكـون عــاشـقا,
فـي أحـسـن مـقـام، مقام العشق
يُـصـّرف الـكـلام قـطـعـا ثـمـيـنة ,
يـنـفـقـهـا بـسـخـاء !
أدخلتنا إلى شموس الأمل وأقمار الفرح وكواكب المسرة وأفلاك الود والمحبة.. لك المودة سيدتي
| |
|
|
|
|
|
|
|
|
 Re: ........ الليـــــلة جيـــــت شايــــل الفــــــرح ........ (Re: salma subhi)
|
وكان الليل
ومافي الحلة من الحفلة
ألا صداها
كان زغرودة كان غناي
رقيص الشامة بت حمدين
وعرضة حامد العولاق
وخت الحنّا
لي يات من حضور ضُفرين
ونمات العديل والزين
وشنق ودسعد طاقيتّو
شان في الحلة ساو كنتين
وشكلة عامر المسكين
وعيط ودمحمر زين
عشان الزينة رقصت زين
الفرح زغرودة لي البطن الكبارية .. الفرح نسمة دغشية مع ميلاد صبية أو صبي .. الفرح تمازج اريج حلو لأحاسيس تتراقص طربا ولهفة .. الفرح عقد قران وجمع اتنين في عُش يمله فرح وبنين .. الفرح عودة بعيداً طال غيابو .. الفرح لمت الأحباب في ليلة قمرية.. الفرح تحقيق هدف ومرام وحصاد تعب .. الفرح قولة سلااام .. الفرح قعدة قهوة عصرية .. والفرح فرح لفرح .. الفرح حل خِلاف .. وأحلى دموع هي دموع الفرح .. وليت الفرح يعشعش فينا وليت الفرح يصابحنا ويماسينا يوماتي.
جعل الله أيامك كلها أفراح يا درة الدكتور حسن
ولك منا أجمل التحيات والمودة
خالد نسيبك إعتبار مايكون
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: عبدالله داش)
|
الأخ الفاضل عبدالله داش
الشايل هموم الناس وما قادر يشيل همو...الله يعينو....بس ما يصل لي مرحلة ...يتكلم براه...!!
وشن بتقول يا عبد الله داش
في الكلام ده....
ياما قالو
نية الزول دليل أعمالو
والعايز يفوز بحبيبو
مرات مابتتم آمالو
والبتفاءل يلقى الريد
مالو الريد بعاكس حالو
شن بتقولو
في دنيانا
نحن نعيش ما همانا
ولما تفوتنا لحظة جميلة
أجمل لحظة تستنانا
الحباب نشيل نديهم
أجمل ريدة ماهمانا
شن بتقولو
دي المهمة...ولما تفوتنا لحظة جميلة
أجمل لحظة تستنانا
التفاؤل!!!
| Quote: تاريرا را رِى را ررام |
دي نعتبرها فرح ولا يأس ولا حلم بس !
أول مرة أسمع بي شعور بمبي يا عبدالله داش....
لكن في الحالتين الشعور واااااضح...
كل التقدير
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: غادة عبدالعزيز خالد)
|
غادة يا عسل
والله مشتاقييييييين كثير كثير
كل سنة وانت بألف خير...
Quote: سؤال جانبي على السؤال الجانبي حقك
ممكن يكون في حزن معذب سيدو... لكن هل الفرح بيعذب سيدو؟
|
والفرح عذاب ..
بإختصار ..
أحياناًإن أصغينا للقلب..
أحببنا
أو عشقنا...
نفرح
ولكن حذاري !!!!
فقد نفتح باباً للمشاعر المخفيه
المتنحية لحين..
والعاصفة في حين آخر
وهنا لا نأتمن العذاب
.....
دمت أروع وأجمل غادة
وانت مساحة مليئة بالفرح
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: جمال السنوسي)
|
لقيتك انا
حتة فرح تمسح عذابات العناء
وشلال عواطف يروي زول
مشتاق يفتش لي العيون
الـ ليهو تتفجر سنا.
وزخة مطر تروي العذاب
المن زمان يسقي الفرح
وتسيل جداولو ممحنة.
وشايلك انا
وسافرتا بيك احلم معاك
بي دنيا زاهيه بتشبهك
واحلام تودر كم سنة.
وزفة فرح تنده عليك
وتغني ليك يادنيتي
وفرح الاماسي الممكنة.
وتشد ليك عصب الزمن
الحان ترقص كلي زول
موسيقى حالمة مدوزنة.
عبدالله وداعه الامين
02.012.005
الاخت العزيزة سلمى
الجدلية فرح/حزن,, جدلية جبلت عليها النفس البشرية
لتمنحنا جواز المرور الامن لنتعايش مع واقعنا و واقع
من لهم تاثير في حياتنا اليومية وممارساتنا لاشيائنا
ولنتذوق طعم الفرح لابد لنا من دفقة حزن والعكس صحيح
هي الدنيا ولابد ان نتجرع فيها الكاسين والا عشنا في رتابة
التكرار والملل
ولذلك دعينا ننعم بحزنا وفرحنا ونغني لهما بل وندمنهما
مودتي وتحياتي وشكرا لكي عزيزتي الفاضلة
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: عبدالله وداعه الامين)
|
الأستاذ القدير
عبدالله وداعة الأمين
لو كنا ندري بأنك سوف تطل علينا بقصيدة وزعت كلماتها فرحاً هاهنا لكتبناهذا البوست قبلاً....
صدقت يا استاذ عبدالله...كم في هذه الدنيا من نقيض
الفرح والحزن
الضحك والبكاء
الأمل والألم
فالدنيا كحلم ساعة....تتوالي فيها الأحداث سراعاً حتى لكأنّا صرنا لا نلاحق عقارب الساعة نفسها
ومع اننا نعيش أو نعايش الواقع الا أننا كبشر نميل لكل ما يسعد النفس ويسرها
فننسج خيوط من الخيال ان لم نلمح الفرح....
ونزين بها أرواحنا....
ونودع الحزن ولو في مخيلتنا
رغم يقيننا بانه
من الأقدار...
لكن ننتظر...الأمل
ويكفينا
بأن الله موجود
كل التقدير
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: جمال السنوسي)
|
الأخ الفاضل جمال السنوسي...
كل سنة وانت طيب
وأيامك مليئه بالفرح انشاءالله....
Quote: ما اجمل الفرح
الفرح حالة ترقب لحزن قادم لا محالة
الحزن هو الاساس للشعور بطعم الفرح وشغبه وابعاده الداخلية والخارجية
فرح لقاء
فرح نجاح
فرح انتصار
كل الافراح قصيرة الوقت نعيشها بكل خلجاتنا لنخرج من حالة الحزن الابدية التي كتب علينا ان تتبعنا طوال حياتنا
|
ما يفرح يا أخ جمال شيئين...
أن الفرح كثيراً ما يأتي من باب الحزن
والثانية يكفيك هذا الشعور....ما أجمل الفرح...
دمت فرحاً ومسروراً....
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: ابو جهينة)
|
الأستاذ الفاضل والقدير
أبو جهينة....
مرورك موسم بالفرح دوماً يا استاذ....
| Quote: لكن من الأشياء المحفزة للحياة أن نعيش و لو بسبب فرح حتى و لو كان بيعذبنا ... |
إذاً ليبقى الأمل راية بيضاء ترفرف في سماء حياتنا....
ودعواتي لك ولكل من في المنبر أن نتغنى بهذا البيت...
عمت بشايرنا و دام الفرح لينا ضاءت ليالينا
كل التقدير
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: emad altaib)
|
الأخ الفاضل عماد
أفرح الله أيامك...
ان الفرح والذي يناقضه في المقابل الحزن هما امران قد تعاكسا في الاتجاه فعلا ولكن !
لم لا يتعادلان اطلاقا في المقدار؟
علامة الاستفهام تقف هنا حائرة متسائلة يا أخ عماد: لماذا الفرح الذي هو مبعث البهجة نشعر به لسويعات وقد يمتد لايام ومن ثم يذهب مع الريح في حين الحزن وان كان لامر صغير يظل مرافقاً لنا حتى يطل علينا النسيان فينتشلنا من وادي الحزن الى سفوح جبل الانتظار لفرح او حزن جديد.
ولكن تكفينا ....
بحلم معاك انو الحزن غيمه وخلاص رحلت بعيد
وانو اللي باقي من الزمن ومن عمرى كلو بعيشو عيد
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: الطيب شيقوق)
|
استاذ الطيب
قالوا للمغرور...
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
يعاتب يوم ويزعل يوم ويعذبنا بى ريدو
يتحدانا يوم يزعل تقول اقدارنا فوق اييدو
نقول ياريتو لو يعرف عذاب الحب وتنهيدو
بدل مانحنا بنعاتب بنفرح يوم يعاتبنا
ونسال عنو كان طول وماهاميهو كان غبنا
خلاص حرام ترمينا للايام حنانك يامعذبنا
نحلف قلبك القاسى بكل حنان مودتنا
بافراحنا واشواقنا وبى لهفة محبتنا
رضينا عذابنا فى حبك حرام تتناسى ريدتنا
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
Quote: خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو
يعاتب يوم ويزعل يوم ويعذبنا بى ريدو
يتحدانا يوم يزعل تقول اقدارنا فوق اييدو
نقول ياريتو لو يعرف عذاب الحب وتنهيدو
بدل مانحنا بنعاتب بنفرح يوم يعاتبنا
ونسال عنو كان طول وماهاميهو كان غبنا
خلاص حرام ترمينا للايام حنانك يامعذبنا
نحلف قلبك القاسى بكل حنان مودتنا
بافراحنا واشواقنا وبى لهفة محبتنا
رضينا عذابنا فى حبك حرام تتناسى ريدتنا
خلاص ياقلبى كان خاصم ضميرو يحاسبو خليهو
تمر ايام وينسى غرورو ويلقى هوانا راجيهو |
أهي ذرابة لسان عادية يا سلومة ام اعود تاني لسؤالي القبيل الاتفق معاى ابو بكر ابو القاسم فيهو؟.
حيّاك
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
الاخت سلمي مساء الخير مع مراعات فروق الوقت
Quote: علامة الاستفهام تقف هنا حائرة متسائلة يا أخ عماد: لماذا الفرح الذي هو مبعث البهجة نشعر به لسويعات وقد يمتد لايام ومن ثم يذهب مع الريح في حين الحزن وان كان لامر صغير يظل مرافقاً لنا حتى يطل علينا النسيان فينتشلنا من وادي الحزن الى سفوح جبل الانتظار لفرح او حزن جديد.
|
بطبيعة الانسان كائن حزين (ففلسفة الالم وسوداوية الحزن) من ولادة المرؤ فقد عاشه لفتره تسعة شهور في بيئة الرحم الحنين الدافيء .. فمجئاءه للحياة الجديدة يبعثر فيه الخوف والقلق والاحباط والاكتئاب من المستقبل المجهول لديه فتبداء بصرخته الاول كاسقاطات اوليه... فقد (قال الله تعالي لام موسي لا تحزني فاني رادوه اليك )(وقال صلي الله عليه وسلم لابكر الصديق لا تحزن فان الله معنا) ..ولاستمرارية الحياة لابد من مقاومة الحزن بالفرح والامل .. فلذلك يكون الفرح رشيقا وخفيف الظل ياتي كابتسامة رضيع بيضاء ويكون ترياقا لبطن القلب ليشبعها من مجاعة العاطفة
ولك كل الود
عماد
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
ولكل المتزوجين حديثاً....والحيتزوجوا....نهديهم............................الشيخ سيرو !!!!
ملاحظة مهمة....
الإتزوجوا خلاص يا جماعة بس يستعيدوا الذكريات الجميلة بالغنية دي
النصيحة دي
انا بريدو
والبريدالشيخ
انا يا ناس بريدو
الشيخ سيرو
سبعة قدور محلبية
سبعة قدورصندلية
سبعة قدور ريحة نيه
نسيبتو قالت شويه
حرمان ما بدخلنعلىّ
الشيخ سيرو
تلاته ارادب غدى
تلاته ارادب عشى
ده الشيخ ودمصطفى
الولاده من بعده كفى
الشيخ سيرو
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
يا سلمي الرقيقة وشبلة عالمناالأديب( عليه تنزل شآبيب الرحمة)
سلام على روحك الطيبة يا سليمى
بعثت بشجو حمد الريح فرح على فرح
يا هذي أنت،
ترسمين عوالم العشاق
يا هذي ، أنت سيدة البحار
وأسيرة ( عوليس ) العشق
وعروس تزفها
مواكب الكواكب
لحظة احمرار الغسق
إصفراره الذهب..
تكابد العشق .. تحترق
لتنشر الشدو والطرب
كأنما عصفور يطير بجناح مكسور
يصارع الأنواء في الأفق
ويبعث رسائل الضنى
لتسعد العالمين.
عصتنى لغة الضاد.. فاعذريني
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
عقبال بيك نفرح يازينه
نشرب شرباتك يا زينه
ونوقد شمعاتك يازينه
إتلموا هناك كل الحبان
في الساحه يغنوا غناوينا
والغيمه تطوف كل الحاره
تنقل إحساس مكتوم فينا
والحي العايش قصتنا
يخضرّ جمال في عينينا
وعيون النجمه النعسانه
تشرب من ريدنا وتسقينا
ما أسعدنا ونحن نعيش الفرح إحتفاءً بأحبابنا
وفي عودتك يا سلمى عودة للفرح
____________
التحية للأستاذ عبدالكريم الكابلي
شاعر وملحن ومؤدي الأغنية
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
وبما انوا احنا في كلامنا عن الفرح
نواصل....
نكـــــــــت ســـــــــــريعة .......
- واحد بخيل بخل شديد دخل البقالة وحلف ما يزح من الباب ويطلع ...الجماعة حاولوا معاه ما في فايدة ، واحد سألوا يا أخينا حكايتك شنو دايرين نطلع؟؟
رد: انتوا ما بتقروا في الباب مكتوب ادفع
يعني ندفع ونحن جوة وندفع ونحن طالعين؟؟
حرّم ما ني طالع !
- عوض دكام رحمه الله من الشخصيات الظريفة جداً
قالوا في مرة عوض دكام كان فى فراش بكا...
وكان يوم رفع الفراش وعوض دكام مشى عشان يدفع فى الكشف
واحد من اصحابو قال ليهو : انت يا عوض مفروض تدفع بالدولار
عوض دكام قال ليهو : لية فارشين فى السوق الحر
- قال ليك ابو داود كان بغنى فى عرس والحفلة اشتغلت لحدى الصباح، ولغاية الوقت ده العروس والعريس ما جو، ولا شاف ليهو عروس ولا عريس لحدى ما الحفلة انتهت، بعد ما الحفلة انتهت قام قال للجماعة فى الميكرفون انتى يا اخوانا عرسكم ده خبر ولا شنو
- ومن الطرائف التى حكاها عبد العزيز محمد داؤود عن زوجته الفاضلة فوزية محمد حسين انها ابان الفترة الاولى من زواجهما..
ظلت تسال عبد العزيز كحال اى عروسة جديده تود ان تعبر عن حرصها على زوجها..
تساله:عبد العزيز ماشى وين ؟؟
يقول: الاذاعة…
هى: وحتجى متين انشاء الله ؟؟؟
هو :بعد ساعتين
و فى وقت اخر:عبد العزيز ماشى وين؟.
هو : عندنا حفلة عرس فى امدرمان...
هى :وبتجى متين انشاء الله ؟؟؟
هو: بعد اربعة ساعات
..وهكذا من يوم لاخر..وفجاة بادرها يوما...تعالى انتى يا فوزية انا مؤجر منك عجلة!!!!!؟
* * * * *
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
Quote: وبما انوا عنوان البوست عن الفرح ...
اليكم صور عروسات شابات جميلات....ويا عديلة يا بيضاء على كل الناوين على الزواج |
بسم الله ... محمد معانا ما تغشانا .. ده شنو ياسلمى ؟؟
مالو الفرح إنقلب خوف وتليب حيط .. أنا شايف العرسان فرتكو ، ويمكن وصلو مركز البوليس
طلبا للنجده ... الحقووووووووونا ...
تحيتى ... غايتو أكان زى ده العرس خلينا ...
| |
|
|
|
|
|
|
|
|
 Re: ........ الليـــــلة جيـــــت شايــــل الفــــــرح ........ (Re: محمد مختار جعفر)
|
الأستاذ الفاضل محمد مختار جعفر....
صباحك ومساءك خير....
Quote: بسم الله ... محمد معانا ما تغشانا .. ده شنو ياسلمى ؟؟
مالو الفرح إنقلب خوف وتليب حيط .. أنا شايف العرسان فرتكو ، ويمكن وصلو مركز البوليس
طلبا للنجده ... الحقووووووووونا ...
تحيتى ... غايتو أكان زى ده العرس خلينا ...
|
الحكاية بس يا استاذ محمد .....قسمة ونصيب وكل واحد بيآخد حظو....
البصبر بينول هسي شوف العروسات ديل صبروا كيف.....
الله مش كريم...:D
امنياتنا للجميع باختيار موفق وحياة سعيدة.....
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
يا ضُلنا المرسوم على رمل المسافة ...
وشاكي من طول الطريق ...
قول للبنية الخايفة من نار الحروف ...
تحرق بيوتات الفريق ... قول ليها ما تتخوفي
دي النسمة بتجيب الأمل ... والأمل بصبح رفيق
والأصلو في الجوف أندفن ... لا بتنسي لا بنمحي
لا بنتهي منو الحريق ...
يا ضلنا ...
............................................
والفينا من أهات أليمة ... في حكاوينا القديمة
لا بيرحل من عيونا ... لا بتنعشاه الهزيمة
والقبيل راجينو نحن ... يوم تبشر بيهو غيمة
لما تمطر يوم علينا ... والفرح يملا المدينة
والبيوتات الحزينة ...
يا ضلنا ...
رحم الله مصطفى سيد أحمد
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
سلمى سلااام
تعرفي في جهلي ( لأنو لو قلت في طفولتي شيقوق حايقول لي هو انتَ مريت بمرحلة طفولة ) المهم يا ستي أنا كنت كملان من لحم الدنيا نحيف شديد .. مرة جيت جاري ناداني واحد من ظرفاء الحي في شندي اسمه جعفر شارلي علي رحمة من الله .. وقال لي :
يا جنى أنتَ ود منو
قلت له : أنا ود علي محجوب
قال لي : أجري يا زول سريع لي أهلك السنة دي الخريف جاي شديد
كان ما زبلوك بتقع
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: ابوبكر يوسف إبراهيم)
|
د.أبوبكر يوسف....
متّعك الله بالصحة والعافية...
هذا الفرح...
غدا تملكه بين يديك
وغدا تأتلق الجنة أنهارا وظلا
وغدا ننسى ، فلا نأسى على ماض تولى
وغدا نسمو فلا نعرف للغيب محلا
وغدا للحاضر الزاهر نحيا ليس إلا
قد يكون الغيب حلوا ، إنما الحاضر أحلى
وهذه اتكاءة على بعض من طرائف أشعب
دخل أشعب على أمير المؤمنين أبي جعفر المنصور فوجد أمير المؤمنين يأكل من طبق من اللوز والفستق
فألقى أبو جعفر المنصور إلى أشعب بواحدة من اللوز
فقال أشعب : يا أمير المؤمنين (ثاني اثنين إذ هما في الغار) فألقى إليه أبو جعفر اللوزة الثانية
فقال أشعب : (فعززناهما بثالث) فألقى إليه ألثالثه
فقال أشعب : (فخذ أربعة من الطير فصرهن إليك) فألقى إليه الرابعة
فقال أشعب : (ويقولون خمسة سادسهم كلبهم) فألقى إليه الخامسة والسادسة
فقال أشعب : (ويقولون سبعة وثامنهم كلبهم) فألقى إليه السابعة والثامنة
فقال أشعب : (وكان في المدينة تسعة رهط) فألقى إليه التاسعة
فقال أشعب : (فصيام ثلاثة أيام في الحج وسبعة إذا رجعتم تلك عشرة كاملة) فألقى إليه العاشرة
فقال أشعب : (إني وجدت أحد عشر كوكباً والشمس والقمر رأيتهم لي ساجدين)
فألقى إليه الحادية عشر
فقال أشعب : والله يا أمير المؤمنين إن لم تعطني الطبق كله لأقولن لك:
(وأرسلناه إلى مائه ألف أو يزيدون)
فأعطاه الطبق كله!
لك دوماً كل التقدير
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: محمد حيدر)
|
Quote: لي صديق درست معه الروضة و الابتدائي
من صغره كان يمتاز بالهدؤ والذكاء الحاد يعني مشروع زول كبير كده
اخر مرة اتقابلنا في مارس 1980
لم أسمع عنه بعدها
لو سمحتي يا سلمي شيلي من الفرح ده شوية ووصليها ليهو
لم أنساه
اسمه علاء الدين حسن عباس صبحي |
الأخ الفاضل محمد حيدر....
عاطر التحايا.....
بالله المقدمة الحلوة دي كلها عن علاء والله بختو...
حالياً هو في بريطانيا.....وماشاء الله عندو تلاته عصافير صغار ربنا يحفظهم
وأكيد حابلغه سلامك دون تأخير.......
كل التقدير
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: salma subhi)
|
الفاضلة بت شندي
سلمى صبحي
تعرف العريبي دا ود شيقوق
بكون فرحان شديد يوم الخميس وقد لازمه هذا الشعور من زمن مدارس الداخلية
تعرفي العرب ديل من الأبتدائية بدرسوا في القسم الداخلي
ويوم الخميس بطب شنيطو في أباطو ويقج حفيان حاري البيت
عشان كدا مازال ود شيقوق يغيب عن المنبر فقط يوم الخميس إرتباط بذاك الشعور الجميل يجتره
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: خالد علي محجوب المنسي)
|
Quote: تعرف العريبي دا ود شيقوق
بكون فرحان شديد يوم الخميس وقد لازمه هذا الشعور من زمن مدارس الداخلية
تعرفي العرب ديل من الأبتدائية بدرسوا في القسم الداخلي
ويوم الخميس بطب شنيطو في أباطو ويقج حفيان حاري البيت
عشان كدا مازال ود شيقوق يغيب عن المنبر فقط يوم الخميس إرتباط بذاك الشعور الجميل يجتره |
والله يا ود المنسي فرويد ما يحصلك ومافي داعي للتفاصيل
| |
|
|
|
|
|
|
|
|
|
Re: ........ الليـــــلة جيـــــت شايــــل الفــــــرح ........ (Re: خالد علي محجوب المنسي)
|
أتانــــــي صاحبـــــي يبغـــــــي عروســــــا
أتاني صاحبي يبغي عروسا وكنت مشيره في كل أمر
فقمت مهللا وطفقت أتلو عليه كل عالقة بفكري
فقلت له سعاد فقال إني بذلت لحبها روحي وعمري
سهرت الليل من شوق إليهاوطال لنجمه عدي وحصري
ولكن يا لحظي قيل لما ذهبت أريدها خطبت لغيري
فقلت .إذن هدى ..فأجاب خلق وتهذيب وتربية لعمري
ولكن ما لهافي الحسن حظ فهل كأس تطيب بغير خمر؟؟
فقلت إذن فزينب ذات حسن يقلب عاشقيها فوق جمر
فقال ومايفيد الحسن ما لم تزنه خلائق كالماءتسري
فقلت أرى لزهراء التفاتا كظبية بانة لاحت بغفر
وأخلاقا من الانسام أحلى ومن نغم على الأوتار يجري
فقال نعم ولكن بيت سوء وبيت السوء بالحسناء يزري
ألم تسمع حديث الناس عنه وعن ماضيه من قبر لقبر
فقلت وما حديث الناس إني رأيت الحب لا يرضى بأسر
فثار مغاضبا وسكت لما قرأت بوجهه آيات زجري
فقال أراك تعلم بالغواني كأنك درة في كل نحر
فقلت إذن حليمة فقال قبحا لرأيك اشتري جهلا بمهر
فما ذهبت إلى الكتاب يوما وما قرأت ولو مقدار سطر
فقلت إذن حياة..بها بثوروسلوى تلك قال بغير شعر
فقلت اختر إذن عشرا حسانا وخذ من كل واحدة بقدر
وصغ منهن واحدة وخذها إليك قرينة ما دمت تدري
الهادي آدم
| |
|
|
|
|
|
|
| |
salma subhi
Muna Khugali
هاشم أحمد خلف الله
محمد مختار جعفر
خالد علي محجوب المنسي
نها محسن أبورأس
غادة عبدالعزيز خالد
الطيب شيقوق
Alsa7afa_30
د.محمد حسن
ابو جهينة
جمال السنوسي
emad altaib
abubakr
هند محمد
ماجدة عوض خوجلى
عاطف عمر
Raja
عواطف ادريس اسماعيل
محمد حيدر
فيس بوك
تويتر
انستقرام
يوتيوب
بنتيريست