|
دعواتكم لزميلنا المفكر د.الباقر العفيف بالشفاء العاجل
|
|
 Re: **** ما هو السؤال الذي لا تحب ان يسألك به أحد؟ **** (Re: salma subhi)
|
| Quote: تثير بعض الأسئلة غيظنا و نستغرب أو لا نحب أن يسألها بعض الناس مثلاً......... |
مثــلاً: عندي حبوبتي بتكورك لولدا كالآتــي:
يا عبدالصمـد .... يا عبدالصمـد .... إنت ويـــن؟
رد عبدالصمـد و قال ليهـا انا في الحمــام يمـة..
حبوبتـي بلهجة الحلفاويين سألتوا .. بِتعمل أيه؟
رد عبدالصمـد و قال ليهـا نـــــايــــم..
شــوفــوا جنــس دة...
هيثــم...
| |
 
|
|
|
|
|
|
|
 Re: **** ما هو السؤال الذي لا تحب ان يسألك به أحد؟ **** (Re: شهاب الفاتح عثمان)
|
د. شهاب تحية وعيديه الاثنين مع بعض
عارف حصل موقف لزميلتي مره بمناسبة ((( انت وين ))) جاها تلفون وكانت المتصلة واحدة ما عاوزها تلاقيها والمهم قالت ليها:انت وين؟ ردت أنا في المكان الفلاني وطبعاً (( كذب )) تشاء الصدف تجي نفس الشخصية الكانت بتكلمها في نفس المكان...  وبعدين طبعاً فهمت الموقف.
______حبل الكذب قصير_______
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
سلام يا سلمى ، عارفة سؤالك دا ذكرني بنكتة قديمة عن شكل الأسئلة البطرحوها الناس في مناسبات مختلفة ، أديك نموذج لأسئلة الناس في موضوع معين زي شراء عربية لأسرة مثلا :
الزوج : حنشتري عربية بس إن شاء الله مكنتا تكون كويسة و بتعيش طويل ؟
الزوجة : إن شاء الله تكون سمحة و ما زي حقت ناس راجل أختك الكركعوبة ؟
الولد : سرعتا كم ؟
البت : إن شاء الله يكونا لونا حلو ؟
الجيران : الناس ديل بجيبو القروش من وين ؟
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
أها أنواصل مسلسل الأسئلة العجيبة:
4/ناس يجوكم زيارة فتحت الباب تلاقوهم على وشك يدقو الجرس و شكلكم طالعين للشنط خاتنها في الكتفين يسألوكم "إنتو مارقين؟".
5/وبعد ساعتين تلاتة من القعدة و الونسة و رجعتكم من الباب و إلغاء الطلعة يقولوا الضيوف:"أوعى نكون عطلناكم ..عطلناكم؟؟"
6/وبعد حلايف و مطايبة يقولوا ليكم :"أنحنا ما غربا..وللا شنو؟؟عليكم الله لو كنتو مارقين قولو"
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: القلب النابض)
|
القلب النابض ...سعيدة بمرورك ووجودك وكل سنة وانت طيبة
عارفة في واحدة الله لا يلاقيك بيها كل ما تشوف لبسة حلوة ..دي من وين؟؟ وبي كم يعني نفس الأسئلة المابتحبيها....أها تقوم تعمل شنو......تمشي تشتري نفس اللبسة أو الاسكيرت بذاته (( أخوه )) وفي كل مره كده...لما زهجنا منها بقينا نقول ليها الحاجة دي هدية.
وصلت لي مرحلة انها بقت تسأل الجابها ليكم منو ؟؟؟ علشان تمشى تسأل الزول وتعرف من وين.........ده سمعت بيه؟؟؟
ولما ردنا طوالي بقى انها دي هدايا قالت لينا : هو انتوا ما بتشتروا هدوم بس بيهدوا ليكم؟؟......محظوظين حظ
بس تردي تقولي شنو
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
أها يا سلمى خليني أسألك الآن:
- اتزوجتي ولا لسع؟
(حتقولي لي اتزوجت والحمد لك يارب)
- طيب بقيتو تلاتة ولا لسع؟
(حتقولي جبت ولد ولا بنت)
- أها ولدك بشبه منو؟؟؟!!!
(لنفترض إنو بشبه أبوه وما في أي مجال للتساؤل في هذه النقطة)
- عاملة شنو مع راجلك؟؟؟؟
إنها ثقافة الأسئلة ولا يهم حتى إن كانت سريالية أو عبثية.
أسوا أنواع الأسئلة التي التي أسألها لنفسي ثم أرد بـ"ما أسخفني"!!
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
| Quote: تثير بعض الأسئلة غيظنا و نستغرب أو لا نحب أن يسألها بعض الناس مثلاً |
تكــون ماشي أو قاعد في حتـة يجيك واحــد إقول ليك ياخ اسمع ألقى عندك سفـة صعوط
انا طوالي بقول ليهـو ياخ انا طحنية ما باكلا .. أسف صعوط
السؤال التاني تكون مطول من البلد و جايي إجازة تزور الأهل .. يقابلك واحد إقول ليك الجابك
البلد الطين دي شنو أرجع بي دربك؟
أهـا انا طوالي بقول ليهـو و انت المقعــدك فيها شنو سافر ليك لي بلد احسن.
هيثــم...
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: Haytham Abdulaziz)
|
الأخ هيثم...عساك بخير
بعض الأسئلة كانها معمول ليها copy>>>>paste عند السودانيين كل ما يلاقوك يسألوك ذي مثلاً السؤال : الجابك السودان شنو.
بيني وبينك يغيظ لانك مطول من السودان لكن يمكن حاني عليك من الأوضاع العجيبة الحاصلة،أو هو قرفان ما لاقي طريقة طلعة.
الحاجة الوحيده البتفرح بقت شوفة الأهل والناس (( الفضل فيهم وما أغترب )).
ويا حليل السودان
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
يرن الموبايل عندي :
المتصل : شنو الايام دي ماشايفك
انا ( اصاب بالاحراج لان الصوت غير مالوف لدي والرقم غير مدون عندي ومن كابينة اتصال عمومية )
انا : الحمد لله بس مشغول شوية
المتصل :يعني ما قاعد تتصل معانا ولا قاعد تجيب خبرنا
انا : معليش كنت مسافر
المتصل : قالو ليك الاجتماع مهم ولازم تجي ليهو وماتغيب
انا: طيب
وبسرعة ينفصل الخط ولحدي هسع ماعرفت الآتي :
المتصل
رقمه
الاجتماع ما هو واين
ومشيتها زي غيرها .............
تجربة تانية :
اتصال على موبايلي والرقم المدون ( رقم خاص اي انه بدون رقم )
يعني ان الاتصال دولي
وبسرعة اسمع صوت واحد يقول لي :
: اتصل بينا
ويفصل الخط
ونفس الطريقة
من هو المتصل ؟
واين رقمه ؟
| |
|
|
|
|
|
|
|
|
|
Re: **** ما هو السؤال الذي لا تحب ان يسألك عنه أحد؟ **** (Re: Adam D.El-Asha)
|
استاذ ادم...تحياتي
عارف أقول ليك حاجة غريبة لما الناس تلقى الواحد سمن...بيقولوا ليك ده مرتاح شديد خاصة واذا أصبح ذا كرش .المشكلة انه اتبنت على السمنة معنى الراحة والقروش الكتيرة بس رغم انه ممكن تكون من الهم أحياناً فيلجأ الواحد للأكل هرباً من الهموم.
وفي السودان لو الواحدة جات ضعيفة: مالك الحاصل شنو؟؟؟الراجل ده سوى ليك شنو؟؟
ولو جات سمينة هناك تعليقين:
الأول: كدي يا يمى مرتاحة راحة...ده العرس صاح
الثاني: بقت بقرة بس ماتعاين لي روحها في المرايا
| |
|
|
|
|
|
|
|
|
|
Re: **** ما هو السؤال الذي لا تحب ان يسألك به أحد؟ **** (Re: salma subhi)
|
| Quote: تثير بعض الأسئلة غيظنا و نستغرب أو لا نحب أن يسألها بعض الناس مثلاً: |
أهــا دي الجـديــدة ... تكــون راكب و مشمــع و زهجــان في البص و البص زحمة لدرجة قف تأمـل واحــد يقول ليك الســاعــة
كــم لو سمــحت!!!
يعنــي إلا ابقى زرقــاء اليمــامــة عشــان أوريهـوا الســاعة كــم...
هيثــــم
| |
|
|
|
|
|
|
| |
salma subhi
انعام حيمورة
عاصم ابوبكر حامد
الزنجي
عبد المنعم سليمان
قلقو
Mohamed E. Seliaman
Adel Sameer Tawfiq
AnwarKing
Haytham Abdulaziz
lana mahdi
Dr. Moiz Bakhiet
شهاب الفاتح عثمان
معتصم دفع الله
Sabah Hussein
رأفت ميلاد
أبوذر بابكر
عاطف محمد أحمد زكريا
يحيي مصطفي
hajhamad
القلب النابض
محمد الأمين موسى
Ahmed Abdallah
Tumadir
abuguta
ghariba
Adam D.El-Asha
mekki
فيس بوك
تويتر
انستقرام
يوتيوب
بنتيريست