|
|
 طلب من مواطني المكابراب زراعة البنجر لصناعة السكر..البشير : "بتعرفو البنجر " ؟ "البنجر ده البام
|
اعلن السيد رئيس الجمهورية عمر البشير لدى مخاطبته اللقاء الجماهيرى الحاشد بمنطقة المكابراب بمحلية الدامر التزام الحكومة بدفع التعويضات المجزية لكل المتأثرين من قيام سد مروى وقال ان الانقاذ حريصه على التنمية واقامة المزيد من المشاريع التنموية وجدد البشير التزام الحكومة بحل كافة مشاكل المهجرين لاحداث التنمية .
وأكّدَ سعي الدولة لإيصال خدمات المياه والكهرباء والصحة لكل مواقع المهجّرين وأضاف: انهم يستحقون مِنّا كل الإحترام والرعاية والاستماع لمشكلاتهم كافة ووضع حلول ناجعة لَهَا، وَوَجّه البشير وزارة الطاقة والتعدين بإيصال خطوط الكهرباء عبر أبراج الشبكة القومية الى كل مناطق التهجير، دَاعيَاً المواطنين للاتجاه للزراعة والاستفادة القصوى من الكهرباء في الزراعة والتّوسّع فيها بإدخال الحيوان لانتاج الألبان، مُبيناً أنّ الدولة مستقبلاً ستقوم بإنشاء مصانع للألبان والأجبان لتلبية حاجة السوق المحليّة والخارجية وطلب منهم أن يزرعوا البنجر( لأنو بيعملو منو سكر ) و قال لهم : " بتعرفو البنجر " ؟ البنجر ده البامبيّ يا جماعة..وكان سيادته قد وعد مواطني المناصير بأكل الايسكريم .
|
|
 
|
|
|
|
|
|
|
 Re: طلب من مواطني المكابراب زراعة البنجر لصناعة السكر..البشير : "بتعرفو البنجر " ؟ &q (Re: قلقو)
|
يا جماعة لو البشير قال البنجر هو البامبي، يبقى البنجر هو البامبي
مين بعرف اكتر من العساكر؟
في بداية التسعينات و كنا خريجين جدد من كلية الزراعة، اشترينا اسهم في جمعية الواحة بكترانج
و كانت حكومة الانقاذ جديدة و شعارات ياكلوا مما يزرعوا طايرة في راسهم، قرر يوسف عبدالفتاح ان تتم
زراعة القمح في المشروع. و جاء القرار بعد ميعاد زراعة القمح الذي درسناه -حوالي 15 نوفمبر- كلمنا
ادارة المشروع بان الزراعة ستكون فاشلة. اتوا بالتركترات و حرثوا و زرعوا و اصدرت اوامر للمزارعين
بالاهتمام بحواشاتهم او ستنزع منهم، عندما جاء وقت الحصاد و حصدت نصف شوال من عشرة فدانات و كذلك
بقية المزارعين.
لكن كتبت ديون البنك الزراعي علينا!
دحين، البشير يديهم بذور بامبي و سيحصدوا بنجر سكر بامره!
البنجر هو البامبي! ما بتخجل.
| |
|
|
|
|
|
|
|
|
|
Re: طلب من مواطني المكابراب زراعة البنجر لصناعة السكر..البشير : "بتعرفو البنجر " ؟ &q (Re: قلقو)
|
صدقني الزول دا لاشاف البامبي مزروع ،
ولا شاف البنجر مزروع،
بس لكن معقول يكون ماشاف الفجل؟
يعني لو قال البنجر ما ياهو الفجل،
كنا نحقول :""قاصد يقول :البنجر
ما ياهو البشبه الفجل‘
لكن خانه النعبير!!
لكن ماياهو البامبي دي بتحير عديل.
بعدين الزول دا بيضلل نفسه وكمان
بيضلل أهلنا المساكين ديل
ياخي قبل ما تقول للناس أزرعوا
هل إنت جربت زراعة البنجر وثبت ليك
إنه زراعته حتنجح ويكون عندها مردود اقتصادي
وجدوى إفتصادية ؟؟
بعدين حتجيب ليهم موية من وين ،
وإنت ما بتقدر ترفع عينك على المصريين
و خزانك دا ما بتطلع منه ترعة واحدة للري؟؟
الغش دا لمتين يا ناس؟؟
تحياتي
| |
|
|
|
|
|
|
| |
مصطفى توفيق
ثروت سوار الدهب
قلقو
Frankly
jini
Badreldin Ahmed Musa
جمال المنصوري
فيس بوك
تويتر
انستقرام
يوتيوب
بنتيريست