|
|
 ظاهرة "محيرة" تتوقع "يوم القيامة" في 21 ديسمبر 2012
|
(CNN)
دوائر المحاصيل "crop circle" تحير العلماء و"العنقاء" يحذر من نهاية الكون:
أعاد رسم أو "شكل" لطائر العنقاء الخرافي ظهر على محاصيل بإنجلترا، إلى دائرة الضوء ظاهرة
"دوائر المحاصيل" crop circle، التي عجز الخبراء في إيجاد تفسير معقول لها حتى اللحظة.
ويرى المحققون أن "الشكل"، الذي ظهر في حقل شعير بحجم 400 قدم، ويصور انبعاث الطائر الخرافي
فوق ألسنة اللهب، ربما يعد تحذيراً بوقوع كارثة في 21 ديسمبر/ كانون الأول عام 2012.
يتبع
|
|
 
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
الرسوم الغامضة قادت لكشف أثري في ستون هينج
ويعتقد خبراء أن "الشكل"، في شكل "طائر عنقاء يرتفع فوق ألسنة اللهب" عثر عليه في بلدة
"ويلتشاير" جنوب غربي إنجلترا، ربما يشكل تحذيراً باقتراب يوم الدينونة.
ويصادف الموعد 21 ديسمبر/ كانون الأول عام 2012 نهاية التقويم لحضارة "المايا" المندثرة.
وتؤمن حضارة المايا المندثرة بأن حياة البشرية ترتبط بسلسلة من دورات الأرض، تتكون
من 144 ألف يوم، وتنتهي الدورة الـ13 منها، بـ"يوم القيامة" في ديسمبر/ كانون الأول 2012.
يتبع
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
ونقلت "التلغراف" عن كارين ألكسندر، أحد المهتمين بظاهرة "دوائر المحاصيل":
أن "طائر العنقاء هو مخلوق خرافي يرمز للانبعاث والعودة الحياة، ويشكل حقبة جديدة في
العديد من الحضارات حول العالم."
وأضاف: ويعتقد المهتمون بالظاهرة أن التصميم يشير على الدوام إلى 21 ديسمبر/ وما سيتلوها من كارثة."
وأردف: "هذا قد يسفر أيضاً إلى سباق البشرية أو انبعاث كوكب الأرض مجدداً بعد حادثة هائلة."
يتبع
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
وبدأت الظاهرة الغامضة كدوائر بسيطة في مزارع المملكة المتحدة، وتغير مظهرها إلى تكوينات حسابية
ضخمة ومعقدة، كما ازدادت رقعة ظهورها في مناطق أخرى حول العالم.
إلا أن تركيز ظهورها كان في جنوب إنجلترا، وكذلك حول مناطق أثرية كـ"ستون هنج، وهضبة سيلبوري.
إلى ذلك، قادت "دوائر المحاصيل" إلى كشف أثري في "ستون هنج" أدهش العلماء، حيث عُثر على معبد خشبي في المنطقة
وتابوتين ضخمين، يعود تاريخهما إلى 6 آلاف سنة مضت، وفق ما نقلت "ناشيونال جيوغرافي" الاثنين 15/06/09
يتبع
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hassan Makkawi)
|
Quote:
سلام
نسأل الله حسن الخاتمه...
|
أخي الكباشى البكرى
سواء صح الخبر "وصادف" أم لم يصح .. أم حدثث كارثة كونية في ذلك التاريخ كما أشار الخبر ..
أم إنتهت أيامنا في الدنيا على حين غفلة (سوادالمنبر خير دليل) ..
نسأل الله المغفرة والعفو لمن أساء إلينا مهما أجرم في حقنا .. والتصافي والتعافي مع
القريب والغريب .. وبر الوالدين .. ونسأله حسن الخاتمة ..
وشكرآ لمرورك الكريم أخي
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
| Quote: .....والله ضحكتيني كثير.... يعني إنتي بقيتي متخصصة في الحاجات الغريبة |
راشد الحاج يا أخوي إزيك وإنشاالله بخير وعافية
تضحك وقالو القيامة حا تقوم؟! 
بعدين ما شايف علامة الإستفهام دي  دي زي شكك في الموضوع وعدم تصديق!
Quote: يا عزيزتي القرآن الكريم كله مليان بالآيات التي تؤكد إنو يوم القيامة لا يعلمه إلآ الله...حتي
الأنبياء لا يعلمونه ....نعم هناك علامات صغري وكبري ولكن ليس هناك تحديدآ....ويسألونك عن الساعة...
قل إن أمرها عند ربي لا يجليها إلآ لوقتها...صدق الله العظيم..... |
نقلت الخبر وأشك كمسلمة تمامآ في صحة أو إحتمال حدوثه. نحنا كمسلين يا حاج راشد فعلآ يحكمنا القرآن الكريم وما جاء
فيه وما ذكره الله سبحانه وتعالي من علامات للساعة ...
قرأت الخبر (وأصله بلاد الغرب التي تؤمن بغير الإسلام) وفي ذهني أن كل ديانة عندها علامات قيامة تعتقد فيها ..
وغايتو بس إلا يجي يوم القيامة عشان نعرف الكان صاح منو .. نحنا ولا هم؟ أكيد نحنا
غايتو لسه عندنا من هنا للقيامة سنتين ونص كان صح خبرهم .. ودا برضو ما بطال تذكرة لمن أبى .. دا كان الموت ما طرانا في أي لحظة
(مع موت الفجاءة الكتير الحايم اليومين دي) اللهم أرحم موتانا وأغفر لهم
Quote: لكن برضو البوست بتاعك فيه فائدة عظيمة....وهي تذكير الناس بالموت حتي يكونوا مستعدين
لذلك...فهل نحن مستعدون ليوم القيامة? |
مفروض يبقى جرس إنذار مش كدا؟ خاصة مع الموت الحايم دا ....
الشيطان كان فكا دربنا عوجة ما بتجينا ... إلا سؤالي هو بخلينا؟
شكرآ لك أخي راشد .. شرفنا كتير حضورك الكريم والله
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote: أخيراً
نرتاح من أحلق دقنك كل صباح
أربط رقبتك
وصل مدارس
وإييييييييييييييييييييييك |
حسن مكاوي سلامي وتحياتي ياخ!
كان قامت القيامة "فعلآ" .. حا تريحنا نحنا معشر النساء من حاجات كتيرررررة
أولها ...
وتانيها ...
وتالتها ....
ورابعا ....
ووو .... الخ ...
اللستة طوييييييلة
ولله الحمد والشكر على كل شي ...
بعدين الدنيا دي يا حسن يا أخوي كانت حقتكم ..
عشان كدا بالله الأخرة وجنتها دي خلوها لينا .. رجاءآ ولو سمحتو!
تحياتي وتقديري ...
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: sourketti)
|
Quote: الشيطان كان فكا دربنا عوجة ما بتجينا ... إلا سؤالي هو بخلينا؟
|
العزيزة هدير....الشيطان يسهل التغلب عليه....إن كيد الشيطان كان ضعيفآ...فالشيطان لا يطيق سماع ذكر الله....ويجري مهرولآ عند ذكر أول حرف من أي آية من آيات القرآن الكريم....لذلك أوصي نفسي وأوصيكم بترطيب ألسنتنا بذكر الله والإستعاذة بالله من الشيطان الرجيم حتي نكون في مأمن منه....أما دخول الجنة فهو أمر سهل لمن أراد....علينا بالصلوات الخمس في أوقاتها والحج لبيت الله لمن إستطاع إليه سبيلآ......قال النبي (ص)...أفشوا السلام....وأطعموا الطعام....وصلوا الأرحام...وقوموا بالليل والناس نيام....تدخلوا الجنة بسلام....صدق رسول الله...ولك تحياتي أختي هدير
راشد
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: سيف النصر محي الدين محمد أحمد)
|
سيف النصر
سلامات
Quote: و يا منعم ياخي ركز لو سمحت و شوف كلام بدر الدين ده..في فرق بين نهاية العالم و بين القيامة..
يعني الحاصل في السودان ده ما قيامة ..ده نهاية عالم. |
و الله يا سيف انا محتج على الكلفتة!
بعد الشفتو في الدنيا دي و الله عايز لي نومة كم بليون سنة عشان اخد نفس و بعد داك نشوف جكة القيامة.
اتخيل هسع بعد عفار الكيزان دا كله تلقى نفسك سنة 2012 واقف في صف الحساب و احتمال-حسب راي
الكيزان- توووش في جهنم!
يعني فرعون موسى اخد بريك و نحن ما ناخد!
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Badreldin Ahmed Musa)
|
| Quote: بعد الشفتو في الدنيا دي و الله عايز لي نومة كم بليون سنة عشان اخد نفس و بعد داك نشوف جكة القيامة |
لكن يا بدر الدين هل احساسك بالوقت حيكون زي احساسك بيهو في الدنيا..افتكر انو قوانين البرزخ اكيد بتكون مختلفة عن قوانين العالم..و المصيبة انو حيحصل عكس ما كنت بتتمنى..يعني بدل تنوم كم بليون سنة حتصحى كم بليون سنة في انتظار القيامة .طبعا ده اذا ما كانت قريبة .
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Badreldin Ahmed Musa)
|
| Quote: هل فى الامكان عرض صورة لهذا الطائر العجيب |
الأخ سوركتي تحياتي لك .. وإليك بعض من صور طائر العنقاء التي أتتيت بها من قوقل
اسطورة طائر العنقاء بين الحقيقة والخيال
اسطــورة العنـــقاء ... طائــر النـــار
تعددت الروايات و الحكايات حول هذا الطائر الخرافي (عليك بتسجيل زيارة لقوقل لتقرأ مزيد من
الحكايات والأساطير عن طائر العنقاء أو الفينيق )...
العنقاء أو الفينكس هو طائر طويل العنق لذا سماه العرب "عنقاء" أما كلمة الفينكس فهي يونانية الأصل
وبعض الروايات ترجع أصل تسمية الطائر الأسطوري إلى مدينة يونانية أخذ المصريون عنها تلك الأسطورة..
وتقول الأساطير القديمة إن العنقاء عندما تقترب ساعة موته يعمد إلى إقامة عشّه من أغصان أشجار التوابل
ومن ثم يضرم في العش النار التي يحترق هو في لهيبها.
وبعد مرور ثلاثة أيام على عملية الانتحار تلك ينهض من بين الرماد طائر عنقاء جديد.
وتربط الأساطير الفرعونية القديمة العنقاء بالتوق إلى الخلود وهي الفكرة
المهيمنة في الحضارة المصرية القديمة.
وفي القرن الأول الميلادي كان كليمنت الروماني أول مسيحي يترجم
أسطورة العنقاء كرمز لفكرة البعث بعد الموت.
وكانت العنقاء رمزا لمدينة روما العصيّة على الموت،
وقد ظهر الطائر على عملاتها المعدنية رمزا للمدينة الأبدية ..
عمر الطائر خمسمائة عام، حيث يعيش سعيدا إلى أن حان وقت التغيير والتجديد،
حينها وبدون تردد يتجه مباشرة إلى معبد إله الشمس (رع) في مدينة هليوبوليس،
وفي هيكل رَعْ، ينتصب الفينكس أو العنقاء رافعًا جناحيه إلى أعلي.
ثم يصفِّق بهما تصفيقًا حادًّا.
وما هي إلاَّ لمحة حتى يلتهب الجناحان فيبدوان وكأنهما مروحة من نار.
ومن وسط الرماد الذي يتخلف يخرج طائر جديد فائق الشبه بالقديم يعود من
فوره لمكانه الأصلي في بلد الشرق البعيد.
وقد ضاعت مصادر الرواية الأصلية في زمن لا يأبه سوى بالحقائق والثوابت،
ولكن الثابت في القصة هو وجود هذا الطائر العجيب الذي يجدد نفسه ذاتياً.
_________
نقلآ عن قوقل
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote: هو انتوا الدايركم منو هناك ؟
نأكل مما نزرع حور ساااي
هههههههه |
عبدالمنعم سلام وتحية ..
بعد شوية عصر كدا وتحقيق شديد ، نحنا معشر النساء بإذن الله كلنا خالدات في الجنة، وذنوبنا في الدنيا كلها
حا نتملص منها ونرميها فوق رقابكم ..
َحُورٌ عِينٌ شنو العشمانين فوقن؟؟ هههههه
بعدين نعمل بيكم شنو نحنا زااتو تاني هناك؟!! سمعت بالوِلْدَانٌ المُخَلَّدُونَ؟ ..
غايتو كان عشمانين في
وَحُورٌ عِينٌ( 22) كَأَمْثَالِ اللُّؤْلُؤِ الْمَكْنُونِ( 23)جَزَاءً بِمَا كَانُوا يَعْمَلُونَ( 24) .. (سورة الواقعة)
أعملو بوصية حاج راشد دي وتكونو كسبتو الدنيا والآخرة ..
نسأل الله الهداية "والجنة" للجميع
Quote:
....الشيطان يسهل التغلب عليه....إن كيد الشيطان كان ضعيفآ...فالشيطان لا يطيق سماع ذكر الله....ويجري مهرولآ عند ذكر أول حرف من أي آية من آيات القرآن الكريم....لذلك أوصي نفسي وأوصيكم بترطيب ألسنتنا بذكر الله والإستعاذة بالله من الشيطان الرجيم حتي نكون في مأمن منه....أما دخول الجنة فهو أمر سهل لمن أراد....علينا بالصلوات الخمس في أوقاتها والحج لبيت الله لمن إستطاع إليه سبيلآ......قال النبي (ص)...أفشوا السلام....وأطعموا الطعام....وصلوا الأرحام...وقوموا بالليل والناس نيام....تدخلوا الجنة بسلام....صدق رسول الله |
شكرآ على وجودكم هنا إخوتي عبدالمنعم وراشد ..
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote:
سلام
القيامة ام نهاية العالم؟
طبعا في فرق بين الاثنين!
يعني ما حنلقي ننوم شوية زي الفراعنة، يكلفتونا ساكت!
كامل تضامني معنا! |
الأخ بدرالدين أحمد موسى سلامات
أشكر لك تنبيهي على ذلك .. فعلآ هنالك فرق ما بين القيامة ونهاية العالم ..
وكان عنوان البوست يجب أن يكون:
ظاهرة "محيرة" تتوقع "نهاية الكون" في 21 ديسمبر 2012
لو تلاحظ مكتوب وكما جاء في داخل الخبر ...
(CNN)
دوائر المحاصيل "crop circle" تحير العلماء و"العنقاء" يحذر من نهاية الكون:
ولكني نقلت عنوان الخبر عن الCNN العربية كما جاء بها ... فمعذرة أخوتي
وشكرآ على الروابط المفيدة التي وضعتها لتعم الفايدة ..
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Rashid Elhag)
|
| Quote: ويسألونك عن الساعة...قل إن أمرها عند ربي لا يجليها إلآ لوقتها...صدق الله العظيم |
الاخ / راشد
بطلب من اخ عزيز ارسل لي الاية الواردة اعلاه بصورة صحيحة
والاية المقصودة هي
"( يَسْأَلُونَكَ عَنِ السَّاعَةِ أَيَّانَ مُرْسَاهَا قُلْ إِنَّمَا عِلْمُهَا عِنْدَ رَبِّي لَا يُجَلِّيهَا لِوَقْتِهَا إِلَّا هُوَ ثَقُلَتْ فِي السَّمَاوَاتِ وَالْأَرْضِ لَا تَأْتِيكُمْ إِلَّا بَغْتَةً يَسْأَلُونَكَ كَأَنَّكَ حَفِيٌّ عَنْهَا قُلْ إِنَّمَا عِلْمُهَا عِنْدَ اللَّهِ وَلَكِنَّ أَكْثَرَ النَّاسِ لَا يَعْلَمُونَ ) (187)
سولرة الاعراف
تحياتي لك ولهدير
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: emad altaib)
|
ألأخت/هدير
بوست رغم غرابة الخبر المنقول..ولكنه اتى بمعلومات مفيدة وقيمة...
Quote: نسأل الله المغفرة والعفو لمن أساء إلينا مهما أجرم في حقنا .. والتصافي والتعافي مع
القريب والغريب .. وبر الوالدين .. ونسأله حسن الخاتمة ..
|
اللهم اآمين وان يحسن خاتمتنا يارب.....أجمعين..
اليوم المقترح ده لوصادف جمعة وطاتنا أصبحت......
تحياتى.....إسماعيل محمد احمد عباس....
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote: ما تشربوا المقلب
الولدان المخلدون ديل قالوا طاقم ضيافة وبس!!!
شاى وقهوة واغرف لى من النهر داك وناولنى من الشجرة ديك
|
الأخ حسن مكاوي
الوِلْدَانٌ المُخَلَّدُونَ ديل خدام أصحاب اليمين !! إنت حسبت روحك أصحاب يمين ؟؟ ههههه
كان كدا نحنا نحسب روحنا الحور العين بعد التعديل الإلهي ..
الله أكيد عندو فهم تاني .. ما ممكن يمقلبنا هنا وهناك ..
مش ؟؟
__
نسأل الله حسن الخاتمة لنا جميعآ ..
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote: ـــ
الاخ حيدر الزين تحية طيبة ,,,,
ياخي علي ما أعتقد قرآت قبل فترة قليلة جداً في س اون لاين بوست جاب خبر القيامة وكمان قال
في شهر رجب الجاي ده
|
الأخ عماد
متأكد أنا حيدر الزين؟؟ لووول .. تذكر بوست السريالية؟
للأسف لم أطلع على البوست الآخر الذي ذكرت .. سأفعل الآن ..
نشكرك على المرور الكريم أخي
مع التقدير
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote:
بوست رغم غرابة الخبر المنقول .. ولكنه اتى بمعلومات مفيدة وقيمة ...
|
الرجل الإنسان إسماعيل عباس
الخبر غربب فعلآ !!!
مسرورة أنا إذ وجدت معلومة جديدة ومفيدة هنا .. نتعلم من بعض كل يوم شي جديد
أنا زاتي والله عرفت أشياء لم إأكن أعرفها من قبل في هذا البوست .. ومن بوستات أخري مفيدة ..
Quote:
اليوم المقترح ده لوصادف جمعة وطاتنا أصبحت ......
|
ههههه ... كدي النمشي نعمل جيك للكاليندر
نسأل الله حسن الخاتمة لنا أجمعين ..
نشكرك على المرور الكريم أخي
مع خالص التقدير
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote: الأخ عماد
متأكد أنا حيدر الزين؟؟ لووول .. تذكر بوست السريالية؟
للأسف لم أطلع على البوست الآخر الذي ذكرت .. سأفعل الآن ..
نشكرك على المرور الكريم أخي
مع التقدير |
الخيل تجقلب والشكر لي حماد .. 
ولك تحياتي وتقديري يا عماد الطيب ..
ما عليك يا صديق من البت دي سلم ساكت .. الرجال قوامون على النساء 
** هدير خلاص غتستي حجر المتزوجين قبلتي على الدنيا ..
منكن خوف ...
تحياتي
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: محجوب البيلي)
|
Quote: أها.. واطاتنا أصبحت؟
سلامات أخانا إسماعيل
سلامات أختنا هدير
|
الأخ محجوب البيلي
بالسرعة دي جبت لينا الرايحة وكمان طلعت جمعة؟؟؟ 
يا إسماعيل عباس تعال أفتي لينا في المعضلة دي .. جهيز قطع قول كل خطيب !!
وأنا من هنا ولي غادي سلمتك البوست دا تفتي فيهو ..
تحياتي لكم
وشكرآ كتير يا أخ بيلي على المشاركة الظريفة
ياربي هي ظريفة ولا مخيفة؟!!
| |
|
|
|
|
|
|
|
|
 Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
| Quote: الخيل تجقلب والشكر لي حماد |
الأخ العزيز حيدر الزين
فرحان أوي شايفاك!!! .. لووول
بالجنبة كدا:
يا ربي عماد برضو قادي إنجليزي ؟؟!!
يا عماد بنهزر بس والله
Quote:
** هدير خلاص غتستي حجر المتزوجين قبلتي على الدنيا ..
منكن خوف ... |
كدا بعد دا بس فضل لينا نغتس حجر العزابة
ترقبو الحلقة القادمة
مع التحية
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
Quote:
معناها 20 ديسمبر (وقفة) القيامة فيها تنفطر السماء وتنشق وتزلزل الجبال
|
الأخ عبدالمنعم سليمان
باقي ليك قيامة طائر العنقاء دي بتكون فيها علامات الساعة حقتنا ديك !؟؟
Quote: غايتو كان مدوها لينا تلاته ايام تاني نحضر فيها اخر كريسماس في الفانية دي يكونوا
ما قصروا .. اما لو ما في طريقة كمان ما مشكلة حور حور
|
إنت ما سمعت بخم الرماد ؟؟!! خم الرماد كريسماس 2010 وكريسماس 2011 .. كفاك
وألحق حج ليك حجتين ومعاهم كم عمرة كدا .. لأجل خاطر الحور الحور ..
تحية تقدير ...
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: emad altaib)
|
Quote:
الاخت الكريمة هدير
قبل فترة كتبت بوست عنوانه هل قامت قيامات من قبل؟ أو عنوان قريب من كده.
للأسف فتشت البوست مالقيته:(
|
أخونا الكريم الأزهري
شرفنا مرورك الكريم والله .. أنا عملت ليك بحث سريع برضو ما لقيت البوست المعني ..
المهم إذنك معاك وإعتبر كمان البوست دا بوستك ..
ودمت بخير ..
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: Hadeer Alzain)
|
ــــ
Quote: كيف ما مر عليك إسمي ؟؟ تذكر البوست بتاعك دا:
|
أهلا بالأخت هدير الزين ,,, شكلها قيامتي انا القامة هههه بمزح معاك
فعلاً تداخلتي معاي بس الإشكال زي ما قلت ليك سابقاً(إرتباط في عقلي الباطن) وهو القريب جداً من الصواب , بمعني أن ( العقل الإرادي ) إذا اعطي معلومات أو أفكار ... الخ , يستلمها منه العقل الباطن سواء كانت صحيحة أو خاطئة , والعقل الباطن ما بيعمل علي التدقيق والمراجعة يأخذ بمبدا الخادم الطائع لما جاء من العقل الإرادي .
وكذلك للتوضيح العقل هو واحد والإزدواجية وظيفية .
والذي كنت أقصده لم يمر علي إسمك هو عملية الإسم ( الصحيح ) الاخت هدير الزين , وياريت لو من أول تم التصحيح ,
لك العتبي أختي هدير الزين , فقد تم التعديل بالعقل الباطن
تسلمي يارب ..
| |
|
|
|
|
|
|
|
|
|
Re: ظاهرة "محيرة" تتوقع "يوم القيامة" في 21 ديسمبر 2012 (Re: emad altaib)
|
تحياتي الدفعة عماد الطيب ..
غايتو الزولة دي جهجهت دفاعاتك ساكت خلتك تدخل من باب الآخرة وتطلع بشباك علم النفس .
بس خليك مطمئن الموقف دا مرّ بيهم ناس كتيرين قبلك بعضهم نعلمه وآخرون لا نعلمهم ..
دمت
* يا هدير قلت لي الخيل تجقلب والشكر لحيدر .. تاني لو قعدتي تشرحي لكل زول وتحرمينا الشكر بقول ليك اثبتي انه انت انتي ليست حيدر .. 
تحياتي
| |
|
|
|
|
|
|
| |
Hadeer Alzain
Rashid Elhag
Hassan Makkawi
عبد المنعم سليمان
sourketti
Badreldin Ahmed Musa
Abdlaziz Eisa
SHIBKA
emad altaib
ismeil abbas
HAIDER ALZAIN
محجوب البيلي
Ali Sirelkhatim
محمد مكى محمد
ALazhary2
فيس بوك
تويتر
انستقرام
يوتيوب
بنتيريست