|
|
 استفتاء حول استفتاء عزام بالتصويت مع او ضد انفصال الجنوب
|
عزم العزام عزام حسن فرح الناس للتصويت بلا او بنعم حول انفصال جنوب السودان عن شماله واشترط ان تقتصر الإجابة على , نعم او لا ومنع التعليق
(طبعا عزام زول ديمقراطى) ورغم ذلك فقد كتبت له مايلى:
Quote: عزيزى عزام ,,
سلامات ياخى ,, ومشتاقين لمساختك ديك ,,
ارجو ان تستثنينى من شروطك اعلاه وتجيب على سؤالى ادناه حتى ادلى بصوتى على بصيرة:
الاستفتاء على الانفصال حق مكفول فقط لسكان الولايات الجنوبية فما الذى نستفيده من رأى سكان الولايات الشمالية سواء قالوا لا او قالوا نعم?
فحتى لو كلهم قالوا نعم للإنفصال فهل هذه النعم تؤثر فى قرار سكان الولايات الجنوبية? ونفس السؤال فيما لو اجابوا بلا.
انا فى تقديرى ان الذى يؤثر فى قرار سكان الولايات الجنوبية هو التزام الشمال حكومة وشعبا فى رد الحقوق الى اهلها وان تخلص النوايا,, اذ لا اعتقد ان سكان الجنوب يسعون للإنفصال من اجل الإنفصال انما هم يشعرون ان القسمة بينهم وبين الشمال مثل القسمة بين الثعلب والضبع حيث حصلت الضبع على البتاب وحصل الثعلب على الفيتريته.
ولك الشكر. |
وعشان انا عارفو زول دماغو ناشفة عارفو ماحا يرد على كلامى ده لانه صعيدى اصلى.
طيب انتو هنا متروك ليكم المجال تبحبحوا بس مش على طريقة صبرى الشريف.
اللهم زده احسانا فوق احسانك اليه.
|
|
 
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عبدالعزيز الفاضلابى)
|
تعرف بوستك زكرني،حاج ابكر،احد الشرتايات في دارفور
عمل قانون مريب لتنظيم شي قي سلطانه.
ومات حاج ابكر،وادخل قانونه الناس في مطب من بعده
فسنوا،قانون الغاء قانون حاج ابكر،فصارا هناك قانون الالغاء
ليست في حوجه،اليه،ونسخوا قانون اخر اسموه،قانون الغاء قانون الالغاء
لقانون ابكر.وهكذا ياود عمي.
ليس هناك داعي لبوستيكما الاثنان،اكيد تحتاج الغاء،تركت لكما الاسباب.
مودتي
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: الفاضل يسن عثمان)
|
Quote: تعرف بوستك زكرني،حاج ابكر،احد الشرتايات في دارفور
عمل قانون مريب لتنظيم شي قي سلطانه. |
لا ,, يافاضل لازم يكون فى بوستين ,,
لأن الشرتاى عزام (انت ماشايف طاقيتو طاقية شرتاى) وضع لينا قانون زى بتاع الشرتاى حقك ده ومع قانونو ده مابنقدر نقول بغم.
عشان كده البوست ده اعتبروا الغاء لقانون الشرتاى عزام.
عامل طاقيتو زى غتاية براد الصينى بتاع العيد.
عاود ياخوى ,, النشوفك اقتنعت ولا لا.
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: فيصل محمد خليل)
|
فيسولى ,,
شايف صاحبى شيقوق بقا يقابض ,,
عصافيرى دى عشان اقول ليكم ,, نحن مع الطيور المابتعرف ليها خرطة ولا فى ايدا جواز سفر ,, يعنى الجنوبيين انفصلوا ما انفصلوا يانا وراهم ,,
ترم ترم دى نخليها ليهم براهم.?
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عبدالعزيز الفاضلابى)
|
(منقول)
عقد مؤتمر جوبا الشهير في يونيو 1947، حضره حكام مديريات الجنوب الثلاث و17 من زعماء
الجنوب و6 من أبناء الشمال، وأسفر المؤتمر عن ست مسائل جوهرية:
1 ـ ضرورة قيام الوحدة السياسية بين الشمال والجنوب.
2 ـ الجنوب لا يبقي مستقلاً ولا يلحق ولا يتحد مع أوغندا.
3 ـ أعلن المثقفون من أبناء الجنوب في المؤتمر معارضتهم للانفصال عن الشمال، إذ يكون
ذلك في غير مصلحة الجنوب سواء من الناحية الاقتصادية أو السياسية.
4 ـ تحدث أبناء الجنوب عن مدي تخلف مناطقهم.
5 ـ ظهور شعور بعدم الثقة بنوايا الشمال وتصميم علي عدم الخضوع لأوامر الشمال.
6 ـ طالب الجنوبيون بضمانات تكفل عدم سيطرة الشمال علي الجنوب في حالة قبولهم الاشتراك
في نشاط دستوري موحد، وطالبوا باشتراك الجنوبيين في الجمعية التأسيسية علي قدم المساواة. (إنتهى)
إذا كان الشِمال زاتو خاضِع لأوامِر حُكامو العسكرِيين ومَن تولوا الحُكم عبر الإنتِخابات يبقى
الجنوب عاوِز يِضمن عدم خضوعو لأوامِر الشِمال ...
الجنوب ما حينفصِل لِسبب بسيط جِداً ... إنو أصلاً ما إتحد مع الشِمال ... وكَون إنو لسع في
جُغرافيا
السودان ده بِإرادة حكومات الخُرطوم ... الشعب ... الجماهير مِن الجانِبين لا يريدون ذلِك ...
ولا يحِسون بِضرورة إتِحاد بين مَن إشتعلت بَينهُم النار عام 1955م وإلى اليَوم ... الإخَوة
الصوتو بِـ(لا) ليه قالو (لا) ... السبب شنو؟
السبب شنو؟
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عزام حسن فرح)
|
Quote: الصوتو بِـ(لا) ليه قالو (لا) ... السبب شنو؟
|
الأخوة عزام وفاضلابى والجميع
لقد صوت ب (لأ) يقيناً بأن الجنوب لن تقوم لة قائمة إذا إنفصل
والضحية الأوحد سوف يكون إنسان الجنوب المضطهد من قبل حكم القبيلة
الواحدة...قبيلة الدينكا!!!
ما يحدث الآن من مناوشات وإقتال فى الجنوب سببة إنفراد هذة القبيلة بالسلطة
والثروة...وأمانة ما حقارين
الإقليم الجنوبى ليس لة موارد تذكر
وما يجاورة من الدول...مجرد حطام
صوت ب (لأ) رفقاً بأخى إبن الجنوب
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عزام حسن فرح)
|
Quote: ده أغرب تبرير لتمرير تقرير ... ما علينا ...
|
طبعاً ما عليك ياعزام
ينقل المريض الغير دينكاوى لضل الشجرة
ليحل محلة فى سرير المستشفى...دينكاوى!!
ما عليك... لأنك لم تولد فى الجنوب ولم تعش فية
ولا تعلم عن عنصرية الداخل!!!
يعنى ما عندك خالة جنوبية...توريك الحقيقة
والإنترنت الملعون خلى عزام أقصى الشمال
يتكلم مع جوزيف بتاع أقصى الجنوب...ويضحكو على بعضهم
سلام
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Zakaria Joseph)
|
الأفاضل:
كمال فرانكلى
الشرتاى عزام
حسن مكاوى
الزعيم ابوالزيك
هذا البوست ,, لن يغير امرا قد قدر فى ازل الله ولكنا هنا نريد التمسك بالأسباب ونبحث عما نراه يحقق الخير لنا فنحن قبل ان نقسم انفسنا الى شمالى وجنوبى وقبل ان نكون سودانيين فنحن جنس من مخلوقات الله اسمه الإنسان
واذا كان هناك تقسيم فقد قسم الله هذا الجنس (الإنسان) الى نوعين :
ذكر وانثى وجعلنا شعوبا وقبائل لنتعارف لا لنتعاند ,,
اما مسألة الأفضلية هذه فهى فى نظرة الله لنا وكل واحد يحجز افضليته عند الله ـ لاعند البشر ـ بالإتيان بتكاليف كلف بها الله.
الله لن يقول لجوزيف عزام افضل منك لانك اسود او فرانكلى افضل منك لانك جنوبى وهو شمالى ,, لانه ببساطة زكريا ممكن يقول له ياربى انت الذى خلقتنى اسود واستدعيتنى للحياة لأكون جنوبيا.
لا هذا ليس معيار التفضيل ,, التفضيل له معيار آخر هو التقوى ونقصد بها تقوى الله ولكى تتحقق لابد من الإتيان بمطلوبات الله ماستطعنا.
اذا دعونا نعمل على تحقيق التعايش فيما بيننا باعتبار الانسانية ,, وان نبتعد عن تقاذف التهم التى يسوقنا اليها الساسة ولنكن ساسة انفسنا وليتقبل كل واحد رأى اخيه فى الإنسانية .
تخريمة
ابو الزيك ياخى جاى مسخن كده مالك ,, روق المنقة .. الكلام اللى قالوا اخوك حسن ده يتعلق بالسرائر فانت اخد الناس بالظاهر والله يتولى السرائر ,,
بعدين ياخى الوحدة السياسية دى نحن مابنتكلم عنها بنتكلم عن الوحدة الشعبية ودى ما اظنك ترفضها عشان اختلفت مع نفر ولا نفرين ,,
كل الامانى الطيبة لارض الخير.
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Zakaria Joseph)
|
Quote: طيب افهم من كدى من ان إعتراض امثالك على انفصال الجنوب نابع من حبك للجنوب و الجنوبين. هى ابار النفط اترحلت من بانتيو الى بانقا?
|
أخونا جوزف
لا...مشروع الجزيرة إترحل لأنزارا!!!
يا خونا النفط دة حاجة جديدة...قبلة كان الصرف
على الشمال و الجنوب من مورد واحد الوسط والشمال،،،
وعلية...يمكنك الإنفصال فى اى وقت
______________________________
طبعاً الأخ دينكاوى
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Hassan Makkawi)
|
الجنوبيون ,, لايحتاجون لعطف الشماليين اذا اختاروا الانفصال ,, وهذا امر بديهى فعندئذ ستكون دولة لها شعبها الذى تتشكل لديه الغيرة الوطنية والكرامة مثله مثل اى شعب فى العالم ,, ربما فضل ان يعيش فقيرا على ان يتسول الإغاثة من دولة الشمال (هى بالمناسبة حانسميها شنو)
لذلك فالذين يضعون حساباتهم ان الجنوب سينهار كدولة بسبب الصراعات القبلية وغيرها من الاسباب وبذلك يقولون ان الوحدة لاخوف عليها قد تكون حساباتهم خاطئة فالتجارب علمتنا ان تسارع الأحداث العالمية والإقليمية والصراع الدولى على المصالح ومصادر الثروات ينشئ اوضاعا بخلاف توقعات الساسة والمراقبين
كما قلنا سابقا الجنوبيون لايريدون الإنفصال من اجل الإنفصال دون هدف ,, فهم يدركون ان العالم من حولهم يميل الى التكتل وهم جزء من العالم ويدركون ان التكتل انفع لهم من العيش فى كيان اصغر ولكنهم يشترطون لتحقيق مصلحتهم ان تتوافر فيمن يريدون الإندماج معه شروط معينة ,, فاذا توفرت تلك الشروط فهم احرص من الشمال على الوحدة ,, سبق وشاهدت باقان اموم يتحدث عن وحدة اشمل من حدود السودان الكبير.
اذن دعونا ان نجيب على السؤال كيف تتحقق الوحدة?
وثمة اسئلة اخرى الإجابة عليها مهمة:
مالفائدة التى يجنيها الشمال من الوحدة?
مالضرر الذى يعود على الشمال من الإنفصال?
ما الضرر الذى يعود على الجنوب من الإنفصال?
مافائدة انفصال الجنوب للجنوب.
أجل قد تحدث الحرب بين الجنوبيين حال الأنفصال وقد تطول او تقصر حسب الظروف ,, ولكن السؤال هل بقاء الجنوب مع الشمال يعصمه من تلك الحرب
وهل يرغب الجنوبيون فى البقاء مع الشمال فقط لتجنب تلك الحرب ام ان لهم مصالح اخرى فى الوحدة ,, الشاهد ان الجنوب به الآن وميض نار يخشى ان يكون لها ضرام فهل عصمه الشمال من تلك التفلتات ? ام ان للشمال دور فى ازكاء مايجرى فى هذه الحالة وهل وضع الجنوب كل ذلك فى حساباته وهو مقبل على تقرير المصير ? نخلص من كل ماتقدم الى ان:
تحقيق الوحدة لايمكن ان يتم لابقرار سياسى ولا بنشاط سياسي
تحقيق الوحدة يتم بعمل شعبى يقوده المثقفون ويبدأ من منازلهم ويشارك فيه ابناء الشمال وابناء الجنوب جنبا الى جنب والوقت ينسرب فيجب ان نبدأ الآن.
واقترح انشاء رابطة يقودها اعضاء هذا المنبر فمن يؤيد هذا الإقتراح يسجل اسمه هنا وسنوافيكم بفكرة بلورة الأقتراح بعد ان نستمع الى اراؤكم ,, وربما احتاج الأمر الى بوست منفصل.
(عدل بواسطة عبدالعزيز الفاضلابى on 06-16-2009, 10:17 PM)
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عبدالعزيز الفاضلابى)
|
أهل الجنوب لن يطمئنوا بِحُكم أهل الشِمال حتى لو تحَولت كُل القصور والفِلل
التي قامت بِالسرقة إلى جوبا وواو ... فإن الجنوبي يرى أن وضعِهِ أسوأ مِن
الذين قُتِلوا وهُم مُسلِمون (10 ألف إنسان مُسلِم في دارفور حسب الخِطاب الرسمي)
وهُم يسمعون تهديد صلاح قوش بِتقطيع أوصال مؤيدي المحكمة الدولِية ... وهُم
يرون كَيف تُدار الخدمة المدنِية بِالمحسوبِية ... وكَيف حولوا حرب الجنوب مِن
حرب مظالِم إلى حرب مُقدسة ... كَيف مِن 1955م كان نقض العهود ... كَيف تاجر
أهل الشِمال بِإنسان الجنوب ... أنا الشمالي غَير راضي عن حكم الجبهة وقبلها
عن حكم وسيرة الأحزاب فكَيف سيقبل الجنوبي ذلِك ... لقد جربنا الوحدة بِالرجالة
45 سنة لِنُجرِب الإنفِصال وأن نرتبِط بِعِلاقات إقتِصادِية ووشائِج القبائِل الحدودِية
الخُرطوم لا يهِمُها إنسان الجنوب ... الذي يهِم الخُرطوم بِترول الجنوب وأن لا
تُقسم مِياة النيل الأزرق ... لم يحدُث في أي مكان أو زمان أن ضم بلد جِنسَين
طوال 45 سنة ولم تحدُث بِين هذَين الجِنسَين تزاوُج نتج عنهُ هجين كما حدث لِلشِمال
عن بِكره أبيه بِالقبائِل العربِية ... فإن أهل الشِمال يرَون أن المُواصفات
الجنوبِية أدنى مِن عِرقِهِم ... وهذا نتج مِن إتِفاقِية البقط التي كانت بَين العرب
والنوبِيون التي نصت أن يُسلِم النوبِيون عدد (360) عبد كُل عام كامِل الدسم
وعِندما أسلم النوبِيون سقطت الإتِفاقِية ... فجاءت المهدِية بِشرعٍ جديد آلا وهو
أن الإسلام لا يُسقِط مِن المسلِم -جنوبي كان أو شِمالي- أن يُستعبد بيعاً وشِراء
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عزام حسن فرح)
|
Quote: الصوتو بِـ(لا) ليه قالو (لا) ... السبب شنو؟
|
السبب ياعزام
انو الناس ديل بينا وبينم عشرة وملح وملاح وصداقة ومصالح مشتركة ورغبة الكثير من أهل الجنوب الذين نعرفهم
البقاء في اماكنهم التى اختاروها وعاشوا فيها لسنوات طويلة في الشمال والانفصال يحرمهم من هذا الحق
وكذلك هناك شماليين الفو العيش في جنوب السودان ولايرغبون في تركه وتقديري الشخصي ان صراع الجنوب والشمال
صراع ساسة لا صراع جماهير.
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: omer osman)
|
سعادتو / عمر
| Quote: ديل بينا وبينم عشرة وملح وملاح وصداقة |
والما بخليك بعد 45 سنة مِلِح ومُلاح تعرِس جنوبِية شنو .. ليه ولدك ما عرس جنوبِية .. ليه ماف
جنوبي عرس واحدة مِن بناتك أو أخواتك أو بنات عمك أو خالك ... أصلو مُلاح السجم ده كيفِنو؟
Quote: ومصالح مشتركة ورغبة الكثير من أهل الجنوب الذين نعرفهم البقاء في اماكنهم التى اختاروها وعاشوا فيها لسنوات طويلة في الشمال والانفصال يحرمهم من هذا الحق وكذلك هناك
شماليين الفو العيش في جنوب السودان ولايرغبون في تركه |
الكلام ده سامعينو مِن تبينا ... كدي روينا < المصالِح المُشتركة > شنو؟
Quote: ورغبة الكثير من أهل الجنوب الذين نعرفهم البقاء في اماكنهم التى اختاروها وعاشوا
فيها لسنوات طويلة في الشمال والانفصال يحرمهم من هذا الحق وكذلك هناك شماليين الفو العيش
في جنوب السودان ولايرغبون في تركه |
أهل الجنوب في آخِر تعداد وصلو لـ8 مليون نسمة ، بِتعرِف مِن الـ8 مليون ديل كم واحِد يا سعادتك
وبعدين أماكِن شنو العاوزين يِقنِبو فوقا ... مُش زقلونا والقمايِر زمان و أطراف المُدن في كرتون الحاج يوسف وكوشة الجبل في بحري ... إلخ وبعدين حِكاية < ألفه الأماكِن > دي ما مظبوطة لآننا
في الأغتِراب مِن عام 1960م وبرضو بِنحِن لِلسودان ...
| Quote: وتقديري الشخصي ان صراع الجنوب والشمال صراع ساسة لا صراع جماهير. |
تقديرك عاطِفي ، كلامي الفوق -القبل مُداخلتك- كلام مُوثق وبِأدِلة وبراهين مُمكِن أناقشو معاك
واحدة واحدة لو عاوِز ... لكِن ما بقدر أناقِش معاك أي كلام عاطِفي بِقشقِش في دِميعاتو ...
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: عزام حسن فرح)
|
Quote: والما بخليك بعد 45 سنة مِلِح ومُلاح تعرِس جنوبِية شنو .. ليه ولدك ما عرس جنوبِية .. ليه ماف
جنوبي عرس واحدة مِن بناتك أو أخواتك أو بنات عمك أو خالك ... أصلو مُلاح السجم ده كيفِنو؟
|
دي اشكالية تانية ياعزام والى زمن قريب كان اى عرس خارج القبيلة حتى ولو من الشمال مرفوض بل ابعد من ذلك العرس
من خارج الاهل نفسه كان مشكلة في يوم من الايام ويمكن يجي يوم تتحل اشكالية العرس بين الشمال والجنوب زي ما تحلت
المشاكل القبلها.
Quote: الكلام ده سامعينو مِن تبينا ... كدي روينا < المصالِح المُشتركة > شنو؟
|
اقرب مصلحة الى ذهني ... البترول عندهم بترول وعندنا الميناء ... ممكن تقول لى ميناء ممباسا في كينيا مالو ؟؟ طيب لي
نخلي الحل الجاهز ونكوس للمافي.
Quote: أهل الجنوب في آخِر تعداد وصلو لـ8 مليون نسمة ، بِتعرِف مِن الـ8 مليون ديل كم واحِد يا سعادتك
وبعدين أماكِن شنو العاوزين يِقنِبو فوقا ... مُش زقلونا والقمايِر زمان و أطراف المُدن في كرتون الحاج يوسف وكوشة الجبل في بحري ... إلخ وبعدين حِكاية < ألفه الأماكِن > دي ما مظبوطة لآننا
في الأغتِراب مِن عام 1960م وبرضو بِنحِن لِلسودان ...
|
لا ياعزام حكاية بعرف كم منهم دي ما قياس صحيح ولا الاستفتاء قياس سليم 100% وهي كلها مؤشرات بتورينا اتجاهات الناس شنو
بعدين منو القال ليك الجنوبيين قاعدين بس في المناطق الذكرتها دي الجنوبيين موجودين في كل قري ومدن السودان الشمالي
من حلفا وانت نازل جاي.
حكاية الفة الاماكن ما مزبوطة فعلاً لمن اكون قاعد في بلد باعتباري ضيف حتى لو قعدت مائة سنة لكن الشعور ده ما اظنو موجود
عند الجنوبي الموجود في الشمال لانو عندوا احساس بانو قاعد في بلدو بغض النظر عن تقسيمات الشمال والجنوب.
Quote: تقديرك عاطِفي ، كلامي الفوق -القبل مُداخلتك- كلام مُوثق وبِأدِلة وبراهين مُمكِن أناقشو معاك
واحدة واحدة لو عاوِز ... لكِن ما بقدر أناقِش معاك أي كلام عاطِفي بِقشقِش في دِميعاتو ...
|
العاطفة ما حاجة شينة بنكورها لكن كلام دي ما عاطفي وده كلام عقلاني جدا وبشواهد كثيرة من البصدق انو في بلد تدور فيها
حرب اهلية بين الشمال والجنوب ينزح بعض اهل الجنوب الى الشمال ويعيشون في سلام ووئام مع اخوانهم في الشمال.
اذا كان حديثي منطلقاته عاطفية كان من باب اولي ان اكن اشد الكره الى الجنوب والجنوبيين بحكم اني فقدت شخصين عزيزين
جداً على قلبي (خالي في 1983م) و (ابن اختي في 2005م) في حرب الجنوب بخلاف العديد من زملائي من ضباط الجيش والشرطة.
لم اشعر في اى يوم بضغينة على الجنوب او الجنوبيين ولا حتى على قادة الجنوب لاني اتفهم ظروف الحرب واتقبل نتائجها
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Hassan Makkawi)
|
| Quote: طبعاً الأخ دينكاوى |
حسن مكاوى,
اخشى ان تكون صغير السن و كبرت تحت اكاذيب الانقاذ. نعم انا جينق (دينكاوى) و لست احسن من احد. فقط, لو قرات بوست عزام حول الإستفتاء لوجدت ان الاخ شول اشوانق قد صوت ضد انفصال الجنوب و لاخ شول قناعاته الخاصة حول مسائل الوجدة و الانفصال و قد قام بنشرها هنا هذا لم يمنعك طبعا فى البحث عن الدينكاى للعنه و تحميل قبيلة الدينكا مسؤلية افشال مشروع إستعمار اهل الجنوب و استعبادهم. لا يا اخى الاصغر, الدينكا تكاد تكون القبيلة الوحيدة فى الجنوب التى ستصوت نسبة كبيرة منها لصالح الوحدة و لاسباب كثيرة, اممها ارتباط مصالح بعض افراد قبيلة الدينكا بالشمال (شمال اعالى النيل مثلا او بعض اجزاء شمال بحرالغزال). لو لم تعرف, فاسمعها منى: معظم المشاكل التى مرت بها الحركة خلال سنوات الحرب سببها افراد من الدينكا, الكتائب التى انشقت مع رياك مشار و لام اكول كانت من الدينكا.
شغلكم نظيف جدا, لو معتمد على النوير و الشلك و قبائل الاستوائية لتحقيق احلامك هذه, فاستمر فيها لانها خبر سار للقومية الجنوبية. القومية الجنوبية ولدت فى الاستوائية و اشرس اتباع القومية الجنوبية هم اهلنا النوير.
و مجاهل قوم عند قوم فوائد.
قال و اخونا دينكاوى قال!!! و هو فى دينكاوى بيزعم انو ما دينكاوى, و حتى من استلبوا ثقافيا- عبداللطيف و الماظ.
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Hassan Makkawi)
|
Quote: أخونا جوزف
لو كان من أعضاء منبرنا
شلك
نوير
باريا
كاكوا
مورو
زاندى
وغيرهم
كان سيادتك إتبخرتة!!!
لكن ديل ناس مساكين و مضطهدين
لسة فى الجمع والإلتقاط!!!
وأولادكم متجدعييييين وبصارعوا فى المنابر
وكاتلين الجدادة وخامين بيضة
إختشوا وتعلموا معنى الرحمة.... |
يوجد فى هذا المنبر نوير, بارى, شلك, ازاندى, جنوبى مسيرى, جنوبى رزيقاتى, جنوبى فوراوى و جنوبى من اصول الشايقية.
معارك الاسفيرية البتحدث عنها يا عزيزى وراها جماعتك متنكرين كالجنوبين و بعض تجار الزمم من اهلى. الحكاية دى مكشوفة زمان.
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Hassan Makkawi)
|
قذف الناس و لصق النعوت من اسهل الاشياء.
يبدو لى انك لم تقابل واحد جنوبى عنصرى, البيكره الشمالى و من له علاقة بالشمالى و شئ اسمه عرب و مسلم!!! ديل قلة و لكنهم موجودين فى الجنوب و نوعيتى البتكلم معك دى فى عيونهم خائن و لن يترددوا فى ذبحى. لا يوجد عنصرى جنوبى او ما تسمونهم بالانفصالين البيسمح لنفسه بالانضمام الى منبر كهذا.
عيشت فى بلدان كثيرة و بعرف معنى العنصرية و رايتها تمارس ضد اهلى فى السودان. لم و لن اسمح لنفسى كرهة احد بسبب معتقد او لون حيث اننى لا اعانى باى إضطراب نفسى لكى افعل ذلك و حتى نوعيتك دى و التى لم ارها فى السودان إلا بعد مجئ الانقاذلن اسمح لنفسى بكرها . اتحداك ان تاتى بشئ عنصرى كتبته فى هذا المنبر او فى المنابر الاخرى ضد اى شخص او فئة او اثنية معينة. ان كنت تريدنى عن اكذب عليك اننى ساصوت لصالح وحدة السودان فى ظل سلوك نظامك الدموى فهذا ما لن افعله. النفاق من اسؤ الاشياء عندنا.
و بعدين هى:
توك,
كو رو
كو دياك
| |
|
|
|
|
|
|
|
|
|
Re: استفتاء حول استفتاء عزام بالتصويت مع او ضد انفصال الجنوب (Re: Zakaria Joseph)
|
الكوز العنصري حسن مكاوي.
أخر الزمن . الذين يهللون ويكبرون لقتل أبناء الجنوب يأتون اليوم يعطونننا الدروس عن الوحدة والانفصال وعن من هو العنصري بجنوب السودان . هذا الموقع يشهد لك بمواقفك الكيزانية المخزية .
حاول أن تستهبل على أخرون وليس علينا هنا في هذا البورد. الاخ زكريا . الولد ده أحد صبيان الجبهة المطلوقين في هذا المنبر وله مهمة معينة يقوم بها .
| |
|
|
|
|
|
|
| |
عبدالعزيز الفاضلابى
Hassan Makkawi
عبداللطيف حسن علي
الفاضل يسن عثمان
فيصل محمد خليل
Frankly
عزام حسن فرح
Zakaria Joseph
omer osman
Deng
فيس بوك
تويتر
انستقرام
يوتيوب
بنتيريست