|
Re: رحلة عذاب بمكتب جهاز المغتربين بالخرطوم (Re: ولياب)
|
ولياب ... سلامات ..
Quote: لما لقيتك فطيت إجراءات ( التجنيد الألزامي )
عرفتك وقلت ده زول واسطة |
اجراءات التجنيد هي المحصلة النهائيه للمرمطة الاولي ومادايرة واسطة اذا كملت اركان العذابات الاولي ,,..
ودي واحترامي ولياب ..
ودالقاضي
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: جلال محمد نور)
|
ابو آية ... سلامات ...
طبعاً الواسطة ده قريبك ياجلجل ...ماتتخيل انا محرج منو لغاية هسي رغم ان الشغلة من واجباتهم وكنت اتمني حالي يمشي كغيري .. لكن انا عملت العلي وماعندي إجازة بس يومين اشيل ولدي واجي راجع ...
الرحلة ليست حصريه ولو فتشت حاتلقاها يعني كتلنا الدش في ايدك ..
شكراً لمرور ياانيق ..
تحياتي لاسرتك الكريمة ..
ودالقاضي ..
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: فايزودالقاضي)
|
ألأخ/ود القاضى السلام عليكم..وألف حمدآ لله على السلامة و التأشيرة...
كلامك كسرد جميل وسلس..بس فى حاجات ممكن تكون لهذه ألأسباب....
أظن انك لاتسافر كثير للسودان...
Quote: ودالقاضي : تأشيرة الخروج وين بالله ؟ |
والدليل إنك لاتعرف تاشيرة الخروج مكانه وين...
ولا عارف تبدآ من وين؟؟؟
Quote: ودالقاضي : معليش يااستاذة عايز اعمل الخروج فأبدأ من وين ؟!!
|
Quote: المساهمة والزكاة معاي لكن الخدمات دي شنو ؟!!
|
الخدمات معقولة تكون ما عارفه؟؟؟دى ليها كم سنة....وسنوية ولو دخلت وإنت بيوم فى السنة الجديدة بشيلوها منك..
عمومآ..حهاز المغتربين فى السودان كل يوم تحس بأن هناك تطور جديد نحو خدمة ألمغترب...قبل كده كان المساهمة لوحده..والزكاة لوحدها .كلها دمجوها وبدوك برنتات من مكان واحد وبتمشى تدفع كان عليك دفع او تمشى للضابط يصدق ليك..
وبعدين اول ما بتدخل بتاخذ أرنيك التأشيرة أو التجديد من الصالة عند الباب....
Quote: اظفر بالواسطة تربت يداك ...
|
غايتو الواسطة دى الحمدالله فى المغتربين ما جربناها لكن بره موجودة..ولو فى المغتربين إلا يتجاوز ليك صف عشان الوقت أو يأجل ليك والعليك عليك....
اللهم اصلح الحال يارب..وخالص تقديرى وأحترامى..........إسماعيل محمد احمد عباس....
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: فايزودالقاضي)
|
ود القاضي سلامات عوافي، سردك جميل جداً وهذه العذابات هي عبارة عن ضريبة في حد ذاتها، الاسم المغلف للضريبة "المساهمة الوطنية" والزكاة والخدمات ما هو الناس مفروض يبقوا على حاجة واحدة هل هم ملتزمون بالشريعة الإسلامية ياخدة الزكاة وبشروطها الشريعية ومفاهيمها الإسلامية من اكتمال نصاب وأن يمر عليه الحول وكذا، واللا يبقوا علمانيين وياخدوا الضرايب وبلاش الاسم الثقيل دا المساهمة الوطنية لانو المساهمة الوطنية اصطلاحاً تأتي طوعاً وليس قسراً أما الخدمات دي والله كلنا متحيرين فيها عموماوطبعاً نحن عقدنا اتفاق مع العذاب في جهاز المغتربين وعشان الواحد يستمتع بالإجارة يمشوا يقرف نفسو في الأول وبعدين يخفف على نفسه بالاحتفاء مع الأهل والأصدقاء والرحلات، أنا منتظم جداً في الزكاة والضرائب والخدمات بدفع سنوياً في الخرطوم لا في السفارة ولا يحزنون عشان ما يغالطوني وجيب الايصال والذي منو وبعد دا بكون خايف منهم، ما مضمنونين ممكن عادي يقول ليك السيستم داون يعني بياناتك ما تظهر... الله يصلح بلدنا يااااااااخوانا لكن بالجد ديوان المغتربين دا ممكن يعملوا الإجراءات دي كلها في إجراء واحد، خصوصاً نحن في عهد التقنية والقروش راقدة أغنى حكومة عربية حكومتنا دي بدل الشبابيك ديل يعلموا كاونترات وكل كاونتر فيهو موظف والموظف دا تدفع عندو كل الرسوم حتى التأشيرة ممكن يعملها ماهي ورقة صغمبروتة ما محتاجة إلى فلسفة لكن يعذوبوك كيف ياود القاضي...
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Badr Edinn Abdul Rahman)
|
المحيرني أنو الإسلاميين والعاملين فيها بخافوا الله وحريصين علي إتباع المنهج حتي آخر التفاصيل الدقيقة، ساكتين علي البهدلة الحصلت لركن أساسي في الإسلام إسمه الزكاة. الزكاة محددة بآيات في القران الكريم وإجتهد فيها العلماء حتي آخر التفاصيل. فمعروف للعامة والخاصة ممن تؤخذ ولمن تعطي، ومع ذلك يحدث لها ما يحدث لها تحت سمع وبصر كل المسلمين والإسلاميين والإسلامويين.
لكن المغتربين بستاهلوا لأنهم بسكتوا
وزي ما قال مبتدر المساهمة ( خدي ... الله يخارجنا ) دايرين يتخارجوا وبس
والقانون السائد هناك: كلما ما تسكت يحقروا بيك زيادة
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Nasr)
|
شكرا ود القاضي اظفر بالواسطة جوازك قدامك في المطار بدون شباك أو كاك ...... ظللنا ننادى وسنظل كذلك بأن يقوم دكتور التهامي بإجراءات لا تحتاج مجلس وزراء ولا وزير ببعض الإجراءات التصحيحة التي من شأنها تقليص شبابيك وأرانيك الخدمة... لكن يبدو أن الشغلانة أكبر بكثير من الدكتور (مافيا) متخصصة ومتمرسة وايدهم مليانة كمان في لعب هذه الأدوار القذرة بمبانى الجهاز ... نحن وراهم تحياتي الشفيع إبراهيم
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Alshafea Ibrahim)
|
الشفيع اخوي
سلامات
Quote: ظللنا ننادى وسنظل كذلك بأن يقوم دكتور التهامي بإجراءات لا تحتاج مجلس وزراء ولا وزير ببعض الإجراءات التصحيحة التي من شأنها تقليص شبابيك وأرانيك الخدمة... لكن يبدو أن الشغلانة أكبر بكثير من الدكتور |
ما تعشم في الدكتور كتير...
دا زول اجتماعات ووجاهات ...ومؤتمرات
وهو حيجي يقرأ كلامي دا .. ويعمل نايم
وانا بديهو الفرصة .. يورينا انجازه شنو لحدي الأن ..
حا يقول ليك ..
مؤتمر اعلامين
ومؤتمر خبراء في المنظمات الدولية
وسفرية الي لبنان عشان المساجين ..
وسجون جدة والرياض مليانة بالألاف ...
.. وننتظر لنري
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: ahmed haneen)
|
اخونا احمد حنين ...سلامات .. وشكراً للاضافة القيمة ...
نسمع كثيراً عن قضايا السودانيين المساجين ومن يتم تسفيرهم قسراً عبر كفلاءهم وجهات اعمالهم دون وجه حق ولم يجدوا انصافاً قانونياً ولا حتي انصافاً من قنصلياتهم او مايسمي بجهاز المغتربين ان كانت اصلاً هذه القضايا من اختصاصاتهم ...
حقيقة لفتَ انتباهي الى تساؤل مهم وهو هل جهاز المغتربين تقع مثل هذه القضايا ضمن اختصاصاته ام انه فقط اداة جبايه؟!! ...
ودي،،،
ودالقاضي
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Alshafea Ibrahim)
|
Quote: شكرا ود القاضي اظفر بالواسطة جوازك قدامك في المطار بدون شباك أو كاك ...... ظللنا ننادى وسنظل كذلك بأن يقوم دكتور التهامي بإجراءات لا تحتاج مجلس وزراء ولا وزير ببعض الإجراءات التصحيحة التي من شأنها تقليص شبابيك وأرانيك الخدمة... لكن يبدو أن الشغلانة أكبر بكثير من الدكتور (مافيا) متخصصة ومتمرسة وايدهم مليانة كمان في لعب هذه الأدوار القذرة بمبانى الجهاز ... نحن وراهم تحياتي الشفيع إبراهيم |
الشفيع .. تحياتي ...
ومازلنا نسأل ماأهمية الجهاز من اساسه ؟!!!
ياالشفيع الجهاز معيش ناس على عذاب ناس تانين ...وماسك مصاريف اسر من مصاريف اسر تانين ...
ودي واحترامي ..
ودالقاضي ...
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Nasr)
|
Quote: عمومآ..حهاز المغتربين فى السودان كل يوم تحس بأن هناك تطور جديد نحو خدمة ألمغترب |
الاخ اسماعيل عباس سلامات هو اصلا لزومه شنو جهاز المغتربين؟ ! والجباية بتسميها خدمة ؟ سوى بقت كلها فى ايصال واحد والا شباك واحد؟ وهل توجد مثل هذه الجبايات والعذاب لمغتربى الجنسيات الاخرى فى بلدانهم وفى سفاراتهم؟ واين تذهب كل هذه الاموال ؟ وماهى الخدمات التى تجدها المغترب فى وطنه نظير هذه الجبايات؟ وشكرا
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: على بدرى حاج)
|
ود القاضى ** مساءك خير ** استئذنك لنقل هذا السيناريو البديع لهذا الرابط واتمنى زيارتك له:- أميـن جـهاز المغتربين الجديد ... والصمت الرهيب... هل يخ...م ...رأيكم مطلوب !!! ** والله ماذكرته يصلح بأن يكون مسرحيه وعنوانها :- (تأشيرة الخروج تجعلك لن تعود).. ** نحنا الشعب الوحيد فى العالم الذى تفرض عليه دولته تأشيرة خروج ومن بِلده !!!!! ** نحنا الشعب الوحيد فى العالم المدة صلاحية جواز سفره سنتين !!!!! ** نحنا الشعب الوحيد فى العالم الذى يدفع جبايات ورسوم وضرائب وزكاه (قبل أن يحول عليها الحول) (يعنى بندفع بفقه الضروره للعاملين عليها) ومقابل ماذا ندفع ؟؟ !! ** نحنا الشعب الوحيد فى العالم الذى يتعذب عند زيارة بلده للدرجه التى تجعلك تكره نفسك ... (ودام الود بين الجميع حتى يستردوا حقوقهم) (ابو محمد فؤاد -دبي)
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: عبدالكريم أحمد الامين)
|
ألأخ/خالد حاكم ..السلام عليكم....
Quote:
Quote: عمومآ..حهاز المغتربين فى السودان كل يوم تحس بأن هناك تطور جديد نحو خدمة ألمغترب
الاخ اسماعيل عباس سلامات هو اصلا لزومه شنو جهاز المغتربين؟ ! والجباية بتسميها خدمة ؟ سوى بقت كلها فى ايصال واحد والا شباك واحد؟ وهل توجد مثل هذه الجبايات والعذاب لمغتربى الجنسيات الاخرى فى بلدانهم وفى سفاراتهم؟ واين تذهب كل هذه الاموال ؟ وماهى الخدمات التى تجدها المغترب فى وطنه نظير هذه الجبايات؟
|
نعم ليس له لزوم..
ولكن مادام فرضت علينا فيبقى حكم القوى على الضعيف...ويجب ان تكون بصورة ميسرة وسهلة..وهذا ما اشرت إليه بأن ألأن أسهل بكثير من ألأول..
أسألتك مشروعة....ويجب على جهات ألأختصاص ألأجابة عليها...
خالص تقديرى وأحترامى..........إسماعيل محمد احمد عباس....
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: عبدالكريم أحمد الامين)
|
Quote: هو اصلا لزومه شنو جهاز المغتربين؟ ! |
هذا هو السؤال الحقيقى يااخى لماذا هذا الجهاز
والله انى اكرهه كرهى للباذنجان الاسود, جهاز سى السمعة بالنسبة لى , حاولت طيلة اكثر من عشرون عاما ان احبه ولو لمرة واحدة ولكنى فشلت الفشل الذريع وفى السنوات الاخيرة اذهب فقط لعمل البطاقة الالزامية واترك الاجراءات لمكتب الخدمات بل مندوبات مكاتب الخدمات هن من يجملن تلك الصورة السيئة للجهاز فى نظرى , لهن منى كل التقدير على الاقل من تعاملت معهن.
هل ياترى ناقش مؤتمر ما سمى بالاعلاميين بالخارج جهاز المغتربين ما له وما عليه؟
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: عبدالكريم أحمد الامين)
|
استاذنا عبدالكريم ..سلامات ..
انقل ماشئت الي حيث تشاء استاذي ..
Quote: والله ماذكرته يصلح بأن يكون مسرحيه وعنوانها :- (تأشيرة الخروج تجعلك لن تعود).. |
لو المسرحيه مابدت لسه ياريت تخلي عنوانها ( تأشيرة الخروج النهائي )..
دي زي نكتت الزول الجا السعودية وفي الميناء قالوا ليه الاخ عمرة ولا زيارة ؟ قال ليهم علي الطلاق نهائي ...
تسلم ابو محمد ولك الود المقيم ..
ودالقاضي
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: على بدرى حاج)
|
علي بدري .. سلامات ...
Quote: والله انا كنت بستعد عشان امشى اجازة مع العيال للخرطوم...لكن بعد كلامك ده قررت ان لا اذهب الا مضطرا... |
يازول انت داير ليك حجة عشان ماتسافر وعايز تبقيني سبب لعدم سفرك .... امشي وجهز واسطتك من هسي وشوف ليك معقبة كاربة تظبط ليك الشغلة وانت قاعد في بيتكم ...
بعدين المشي للوطن في وجود الناس ديل ماياهو الاضطرار ذاتو ....
ودي واحترامي ..
ودالقاضي ..
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: ناصر النعمان البدوي)
|
ناصر .. تحياتي ...
Quote: هذا الكائن المسخ المسمى جهاز المغتربين
سيظل شريكااستراتيجيا طفيليلا مدي الحياه لما نكتسبه بعرق جبيننا. واقفا شامخا يمد لسانه كيدا رغم كل الأصوات.... |
وهذا مايؤلم .. ان يُقتات من عرق جبينك ودون رضاك (غصباً عنك )..وبعد ده اريتهم لو يخدموك ...
ياجماعة مازلت اسال .. ماأهمية هذا الجهاز بالنسبة للمغترب ؟!! ووروني زول مغترب خدموه الناس ديل ؟!!
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: عواطف ادريس اسماعيل)
|
اختنا عواطف ...عساك طيبة وبخير ...
Quote: أبو عمار ...
حمد لله السلامة ..
هذا كل ما أستطيع قوله ... |
ياهو العذاب من بعضه ...صراحة انت الغلطانة جيتي بلدك وجوازك باقي فيه خمسة شهور و29 يوم ..الجماعة يكونوا شافوا الدهب المرصوص وقالوا صيدة وبنلقي ليها سبب وياهو اليوم بقي ليك سبب ..
انا اقترح صلاحية الجواز تكون سنتين ويكبتوا جنب ختم اسرائيل ختم تاني يقول ( الخمسة شهور الاخيرة من صلاحية الجواز غير معتمدة )..
شكراً بت ادريس لنقل المغصة ...
ودي ...
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: خالد حاكم)
|
Quote: هو اصلا لزومه شنو جهاز المغتربين؟ ! والجباية بتسميها خدمة ؟ سوى بقت كلها فى ايصال واحد والا شباك واحد؟ وهل توجد مثل هذه الجبايات والعذاب لمغتربى الجنسيات الاخرى فى بلدانهم وفى سفاراتهم؟ واين تذهب كل هذه الاموال ؟ وماهى الخدمات التى تجدها المغترب فى وطنه نظير هذه الجبايات؟ |
الاستاذ خالد سلامات ...
عل قولك اتمني من الدكتور التهامي يورينا اهمية الجهاز بالنسبة للمغترب شنو .؟!!
اسئلة منطقية ومشروعة ..
ودي ،،
ودالقاضي ..
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Nasr)
|
استاذنا ناصر ..ٍسلامات ...
Quote: المحيرني أنو الإسلاميين والعاملين فيها بخافوا الله وحريصين علي إتباع المنهج حتي آخر التفاصيل الدقيقة، ساكتين علي البهدلة الحصلت لركن أساسي في الإسلام إسمه الزكاة. الزكاة محددة بآيات في القران الكريم وإجتهد فيها العلماء حتي آخر التفاصيل. فمعروف للعامة والخاصة ممن تؤخذ ولمن تعطي، ومع ذلك يحدث لها ما يحدث لها تحت سمع وبصر كل المسلمين والإسلاميين والإسلامويين. |
الاسلامويون ديل ممكن يفتوا ليك بعدم جواز سفر الريس او اي حاجة ماعندها سند شرعي للفتوي وحاجة توقف منهم البز مابجيبوا سيرتها ...
تسلم اخوي ناصر ...
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: اسامه خليفه)
|
دا جهاز تلتلة المغتربين
انا كتبت وصرخت وبح صوتي وجف قلمي في المناداة بالغاء هذا الجهاز التعسفي هذا اكبر مثال للذل وجرح الكرامة ويمكن تصنيف من اخطر الاجهزة انتهاكا لحقوق الانسان في العالم
هل يعلم الجميع اننا الدولة الوحيدة في العالم التى تطالب مواطنيها بتاشيرة خروج وطبعا المطالبة بتاشيرة دخول قريبا حنسمع بيها هل يعقل اخد تاشيرة خروج من بلدى لماذا ؟؟؟ الجباية هي السبب الاساسي في ابقا هذا الجهاز كان الله في عون المغترب ويا ويلة لو نسى ايصالات الجبايا ما اخدها معاة السودان او نسي الدفتر حيدفع تاني ويبدا من الاول لا حول ولا قوة الا بالله
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: Elsheikh Mohd Aboidris)
|
اليافطة على بوابة هذا المكان كُتب عليها على ما أذكر قبل عدة سنوات فى زيارتى للسودان (جهاز تنظيم شئون السودانيين العاملين بالخارج)
السؤال : ماهى العلاقه بين هذه اللافته ومايحدث فعلاً فى هذا المرفق ...وأذا كان الغرض منه الجباية قسراً فما حكم من يستفيد من هذه الأموال التى لا تؤخذ طواعية من أصحابها وتحت مسميات لا تنطبق وواقع الحال ....وماهو دور لجان الافتاء الشرعى فيما يحدث ؟؟؟
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: sourketti)
|
انا داير اقول ليك كلام بس دسوا انا مغترب لي 8 سنين وما عندي البطاقة الانتا قلتا تجديدا هو العطلك ما عندي والله ما عندي انا بالمناسبة لمن جيت اغترب في الاجراءات في تزاكر كده مطبوعة بمكينة رونيو ادعم الجريح ادعم الشهيد كنت بصر انو ما ادفعها عندك اورنيك حكومي ومفروض علي انا بدفع ليك خلاف كده انا التزاكر ما بتاكل معاي عيش اعرف من وين انو الورقة البيضاء دي انت مصور منها كم ما بديك قرش ... بقول ليك خلاص امش امش سريع عشان البعدك ما يسمع الكلام ده وجد انا ما عندي بطاقة مغترب وما حاديهم فرصة يشيلوا مني قروش وما يدوني مقابلها غير الصفوف انا كدة ضيعتا نفسي صاااااااح
| |
|
|
|
|
|
|
Re: رحلة عذاب بمكتب جهاز المغتربين بالخرطوم (Re: معتصم ود الجمام)
|
يا فايز قلت
"والله نحن المسلمين الوحيدين في الدنيا البندفع الزكاة اكثر من مرة واكثر من قيمتها الحقيقيه .."
دي ما زكاة دي ضريبة دخل، مسمنها زكاة ليه ما عارف. زكاة المال تؤخذ من قدر معين من الأموال بعد أن يحول عليه حول (سنة)
وأنا ما عارف الناس الفاضيين عشان يبحثوا ويفتوا في حاجات زي من الحيوانات تدخل الجنة، وهل هناك عدة للرجال، وهو يجوز طلب الرحمة للمسيحين المتوفين، ما قادرين يحبثوا ويفتوا في ركن أساسي من خمسة أركان للإسلام؟؟؟؟
وأنا أقصد بالتحديد المتحالفين مع السلطة لأسباب دينية كما يزعمون، من أنصار سنة وأخوان مسلمين وصوفية. لماذا الصمت في ما يخص مصالح العباد لمجرد أن الطرف المعني (وجابي الزكاة) هو الحكومة؟؟؟ هل يصعب عليكم نقد الحكومة إلي هذا الحد؟؟؟؟؟
ثم لماذا تصمتون عن المعاملة المهينة التي يلقاها المغتربين في هذا الجهاز؟؟؟؟؟ إحترام البشر وحقوقهم ما جزء أصيل من مناهجكم ؟؟؟؟ كيف تقبلون بإهانة إبن آدم الذي كرمه الله؟؟؟؟ طبعا كلكم عارفين القصص عن عدل إبن الخطاب ... فمافي داعي للتكرار.
| |
|
|
|
|
|
|
|