|
|
 لقاء ممتع مع المبدع شعبان عبد الرحيم
|
رفض المطرب الشعبى شعبان عبد الرحيم توجيه الدعوة إلى هيفاء وروبى وإليسا ورولا
خوفا على فرح ابنه من الفشل مشيرا إلى أن هؤلاء المطربات حينما يخرجن "ينسين ملابسهن
فى البيت ـ حسب تعبيره- والفرح أقيم فى منطقة شعبية لا تتناسب وهذه الملابس, وكشف
شعبان عبد الرحيم فى حواره مع "الفن أونلاين" عن سبب عدم حضوره لحفل زفاف هيفاء
وتأجيل سفره إلى لبنان الذى كان مقررا خلال إقامة هذا الحفل.
سألناه لماذا لم نشاهدك ضمن المدعوين فى حفل زفاف هيفاء وهبي رغم قولك انك
تستعد للسفر الى لبنان فى نفس توقيت إقامة الحفل؟
يقول شعبان عبد الرحيم: هل معنى إننى قلت إننى سأسافر للبنان فى هذا الوقت إننى كنت
ذاهب لحضور "فرح الست هيفاء وهبى"؟
اذن لماذا سافرت فى هذا التوقيت؟
للعمل طبعا فقد كان من المقرر أن أحيي حفل هناك وأنتهز الفرصة لتصوير كليبى الجديد هناك
وعموماً الحمد لله إن الحفل تم تأجيله للشهر القادم علشان ما أسافرش في الوقت ده وألاقي كلام
كتير حوالين الموضوع ده.
معنى هذا أن هيفاء لم توجه الدعوة لك مثلما فعلت مع الكثير من الفنانين العرب الآخرين؟
بصراحة لأ ماوجهتش ليا الدعوة وبصراحة كمان أنا كنت عارف أنها مش هاتعزمنى.
ولماذا كنت متأكدا؟
علشان انا ماعزمتهاش على فرح ابنى وعرفت أنها زعلت منى يوميها.
ولماذا لم توجه لها الدعوة؟
بصراحة احنا ناس شعبيين وولاد بلد والفرح كنا عاملينه فى نادى على قد حالنا واللى
جم يوميها ناسنا وحبايبنا من الشرابية وشبرا وميت حلفا وميت نما وفيصل وأنا يوميها
فكرت فعلا فى دعوتها علشان أنا عارف انها هى واليسا وروبى ورولا سعد زعلانين من عصام
ابنى من ساعة ما عمل أغنية هاجمهم فيها وقال إن كلهم هايروحوا
النار وأبويا (اللى هو أنا) ها يروح الجنة وأنا زعلت منه قوى ساعتها وعاتبته على
الأغنية ديه وهما افتكروا إن ديه تمثيلية عملتها أنا والواد علشان ما يزعلوش أو يرفعوا
قضايا وأنا أصلاً مايهمنيش زعلهم بس ما بحبش الافتراء وعلشان كده فكرت فى دعوتهم كلهم
علشان نصفى النفوس ورجعت تانى وفكرت وسألت اللى حواليا وقررت أنى ماعزمهمش.
ولماذا عدت فى قرارك؟
بصراحة كده علشان الستات دول بيروحوا أى حته وبينسوا هدومهم فى البيت وأكيد كان
هايحصل نصايب يوميها لو جم بالشكل ده والعيال عندنا في المناطق الشعبية ما يحبوش
الحاجات دية فخفت على فرح الواد يبوظ وعشان كده ماعزمتهمش هما وستات كتير زيهم.
اللقاء تم نشره في المشاهير ونعيد نشره هنا علشان خاطر معجبي شعبولا
|
|
 
|
|
|
|
Nasruddin Al Basheer
فيس بوك
تويتر
انستقرام
يوتيوب
بنتيريست