|
شكرا ريال مدريد برشلونة بطلا
|
خسر فريق ريال مدريد مباراته امام فيا ريال بنتيجة 3/2 وبهذه النتيجة فقد الريال الامل نهائيا في الحصول على بطولة الدوري الاسباني وخرج من المولد بدون حمبص
مبروك برشلونة
زاتوووو
|
|
|
|
|
|
|
|
Re: شكرا ريال مدريد برشلونة بطلا (Re: ALZOLZATOO)
|
يا دكتور بالله طلعت كتلوني عديل..زولي عديل كدة ياخي ديل بس الانا بحضر كورتهم في الدنيا بلا هلا بلا مريخ بلا بطيخ ياخي
ناس جميلين ايتو..مسي ..هنري ..شافي..انيستا..توري..بيول..كيتا..الفيش... فريق زي الكمونية اسود وابيض وخلاسي زي عندنا بجة وزنوجة رطانة عربان
وهكذا
شوف الغزال ده
وده لمن فكشروا ليك الكفار ناس دروقبا والكافر الرئيسي مايكل اسيان
وهو فرحان وجكس شيلسي يبكي...جكس عسل بس لكن لا تعاطف
قوارديولا...شاب شغال لكن الفريق مساعده اكتر من ه
وشوف الكلام ده محترم كيف
Quote: "قرر النادي المساهمة بنسبة 0.7 من الدخل اليومي له من أجل تأسيس برامج عالمية للتنسيق مع برامج الأمم المتحدة للتنمية وبرامج اليونيسيف"
|
Quote: أكثر من مجرد نادي أكثر من مجرد نادي.. شعار يحمل أكثر من معنى
أصبح من الصعب الكشف عن هوية "برشلونة"، النادي الذي لا ينافس علي الصعيد الرياضي فحسب بل يناضل يوميا على إيقاع عشق جماهيره.
ويعد برشلونة في كتالونيا "أكثر من مجرد نادي" لأنه من أكثر الأندية التي تمثل الإقليم في الخارج.
ليس لهذا السبب فحسب ولكن لعدة أسباب منها أن الفريق الكتالوني يعتبر أكثر من مجرد نادي لكثير من الأسبان الذين يروه مدافعا ثابت الجأش عن الديمقراطية والحرية.
"قرر النادي المساهمة بنسبة 0.7 من الدخل اليومي له من أجل تأسيس برامج عالمية للتنسيق مع برامج الأمم المتحدة للتنمية وبرامج اليونيسيف"
فاليوم أصبحت كرة القدم ظاهرة عالمية وجمهور البارسا يتزايد بشكل هائل حول العالم وعدد أعضاء النادي خارج كتالونيا وأسبانيا يتزايد يوميا ولذلك فإن البارسا يريد أن يتجاوب مع كل هذا العاطفة تجاهه والأسلوب الأمثل لتحقيق ذلك هو جعل البارسا أكثر من مجرد نادي حول العالم لا يقتصر على كرة القدم فحسب بل تجده كيانا عالميا في كافة المجالات.
هذا القرار يعتبر قرار استراتيجيا يجمع بين تاريخ النادي وبين طريق كرة القدم من أجل التطوير علي مستوى العالم.
والآن يرتدي اللاعبون زى فريقهم مزودا بشعار اليونيسيف، هذه الاتفاقية جعلت البارسا مؤسسة فريدة من نوعها.
|
لكن المدرب اب لبانة بتاع مناشستر المشكلة...ياخي داك فظيع الله يمرق البارسا منهم
| |
|
|
|
|
|
|
Re: شكرا ريال مدريد برشلونة بطلا (Re: GamarBoBa)
|
ياقمر
ياخي قالوا الزول لمن يكون جميل بيكون جميل في اي حاجة اها انت كمان طلعت كاتلوني ومنفصل لووول يكه
تعجبني اكتر كورة الساحر انيستا والكورة الجماعية
شكرا على الصور والمعلومات الاضافية ولو عندك حاجة في جعبتك بضم الجيم والميم ارميها لينا لوووول
تحياتي ياراقي
زاتووووو
| |
|
|
|
|
|
|
Re: شكرا ريال مدريد برشلونة بطلا (Re: عماد محمود علي)
|
حبيبنا عماد
ماشاء الله عليك ملاحظتك قوية وصدق ماعارف الميم دي جات من وين طبعا قاصد العين والعين بصيرة واليد قصيرة
لوول عشان مداخلتك دي ما ح اعدلها اخليها كده ونشكر الله على الخطا المطبعي الذي اتحفنا بمشاركتك
تحياتي بس قالوا الجواب ظاهر من عنوانو وطلعت ريال مدريدي لوووول يكه
تحياتي
زاتوووو
| |
|
|
|
|
|
|
Re: شكرا ريال مدريد برشلونة بطلا (Re: GamarBoBa)
|
حبيبنا قمر ،
عماد طلع رشاشة اسباني يعني الكلام عن البرشا كلو ماعجبو مسكه لينا في الميم لوووول يكه غايتو قالوا المابدورك بيمسك ليك في الميمات
ياخي ود الصائم في رحلة عمل مدفوعة الاجر والتذاكر والاقامة لووووووول يكه ماعارف الشيشة ح يدفعوها ليهو ولا ح يدفعها من حر ماله
تحياتي
زاتووووو
| |
|
|
|
|
|
|
Re: شكرا ريال مدريد برشلونة بطلا (Re: ALZOLZATOO)
|
ياحبيبنا قمر
مباراة برشلونة مع المان يونايتد ليها طعم خاص وبعدين مانشستر تيم ماساهل عندهم رونالدو ده براهو بي نصف الفريق اها في المباراة دي الحشاش يملا شبكة التاني وحتى لو انهزم برشلونة ح نكون مبسوطين
تحياتي
زاتوووو
| |
|
|
|
|
|
|
|