|
عليك الله يا ود الباوقة الحكومة دي مش بتجيب الضغط؟!!!!
|
امس وانا بحضر في نشرة الاخبار المؤلمة ، واللي فيها حاجات كتيرة تحير ، جاني الخبر البجيب الضغط انه فلان الفلاني للاسف من الزعل ما عرفتو منو ، استقبل وفد ارشاد زراعي حقلي من الشقيقة مصر للاسافادة من خبرات المصريين في الزراعة الحقلية يعني الاستاذ على عثمان محمد طه تاعب نفسه ونهضة زراعية ولجان وقنيف يتكلم في التلفزيون عن النهضة الزراعية ونحن لسة بنستقبل الناس عشان الزراعة الحقلية ، القصة يا ود الباوقة اسمها صناعة الزراعة ، نحن عايزين زراعة ملايين الافدنة الصالحة للزراعة غير الاراضي القابلة للزراعة الزراعة الحقلية تعني الفلاحة ، ونحن ما عندنا الشكل ده من اشكال الزراعة ، وحتى الموجود لا يسوى شي لان اجمالي الاراضي المزروعة في السودان لا يتجاوز 23% ويدخل فيها القطار المطري يعني ان القطاع المروي ري دايم ياخذ مشروعي الجزيرة والرهد نصيب الاسد فيهم فاي زراعة حقلية يتحدث عنها صدقني يا ود الباوقة ال 23% من الاراضي المزروعة اذا كان ده اسلوب الحكومة في التعامل مع القطاعات الانتاجية حتتقلص ل صفر % الله يهديهم ما سمعو بي براري كندا والمشاريع او استرالية وزراعة المساحات الضخمة الناس ديل ما عندهم تجارب ثرة مالهم عيبهم لي
|
|
|
|
|
|
|
|
Re: عليك الله يا ود الباوقة الحكومة دي مش بتجيب الضغط؟!!!! (Re: ود الباوقة)
|
Quote: استقبل وفد ارشاد زراعي حقلي من الشقيقة مصر للاسافادة من خبرات المصريين في الزراعة الحقلية [/ QUOTE] د. محمد الحسن سلامات ... ده برامج خاص عملته الحكومة لاستجلاب الفلاحين المصريين لفلاحة ساحات زراعية لانتاج بعض المحاصيل التي يحتاجها السودان ، ولصعوبة الاستفادة من كامل مساحة الاراضي الزراعية البور كان لا بد من هذه الطريقة ( الزراعة الحقلية ) لاستفادة النسبية من بعض الاراضي والفلاحين المصريين لهم دراية كاملة بهذه الطريقة التي نفتقدها نحن ... هذا والله أعلم ..
ود الباوقــــة كيــــفك !!!
| |
|
|
|
|
|
|
Re: عليك الله يا ود الباوقة الحكومة دي مش بتجيب الضغط؟!!!! (Re: عماد محمود علي)
|
يا اخوي عماد اولا سلام
تانية نحن الان بنستورد الطماطم من تركيا وقبل الانقاذ كنا بنصدر طماطم بعدين النهضة الزراعية حسب فهمي المتواضع بتبتدي بي اولا: الاستفادة من بحيرات السدود الموجودة في السودان تانيا تخطيط الاراضي التي ستروى من ترع البحيرات تخطيطا علميا مثلما هو متبع في مشروع الفاو او افضل ثالثا: يتم التوطين التدريجي للرحل
| |
|
|
|
|
|
|
| |