|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: وليد محمد المبارك)
|
حادثة اخرى .. صديقي العزيز ( وليد عباس ) .... زول داهية ... جمعته صداقة وزمالة دراسة وكورة في فريق الجامعة مع جمال ( فرفور ) وهو صديق شخصي لــ ( محمود عبد العزيز ) ايضا ... بحكم هذه الصداقة .. قصده صديقنا المشترك ( ماهر عابدين ) ود ابروف ... يطلب منه مساعده في احضار فنان لحفل شقيقه ... وكان حينها فرفور طالع في الكفر ... طالبن الفتيات بفرفور ... فتحرك وليد وماهر الى منزل اسرة ( جمال) بالصبابي ... وبحكم علاقة وليد بفرفر كان يثق في انه لن يخذله ... المهم خُزل وليد .. ولم يوفق حتى في مقابلة ( فرفور ) وهو يعلم انه كان موجود حينا بالمنزل ... من دربهم ذاك ذهبوا الى منزل اسرة (محمود) في المزاد ... قابلهم اخوه في الباب ... سالوه عنه .. قال لهم من يريده ... رد عليه وليد : قول ليه وليد اخو الباك دخل اخوه برهة ثم اتاهم محمود بفنيلته الداخلية .. وبنطلون .. وحافي القدمين وقال لهم : شنو يا وليد انت كمان بتدق الباب المهم بعد الونسة والشايات ربطو الحفلة وكانت حفله متعة
خصوصا انها كانت في ابروف و جم البحر
| |
|
|
|
|
|
|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: وليد محمد المبارك)
|
الظهور الحقيقي لجمال فرفور كان في حفلة لمحمود عبد العزيز
حفلة خيري كانت في المكتبة القبطية الخرطوم يحيها محمود وحينها كان محمود فنان كبير وطالع في الكفر
الحفلة كان احد منظميها (وليد عباس )
فرفور حينا كانت له محاولات الغناء الشعبي بين الاصدقاء والفرد فقط
وليد نقل لمحمود رغبة فرفور في الغناء وانه انسب من يقدمه هو محمود لشعبيته ولجمهوره
وقد كان
غنى فرفور بعد محمود في تلك الحفلة
ومن ديك وعيك
| |
|
|
|
|
|
|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: حيدر حسن ميرغني)
|
Quote: كم من ابناء ومحسوبي الحكومة إرتكبوا مايستوجب العقاب ... ولم يعاقبهم أحد |
فعلا يا حيدر ان سرق فيهم الضعيف
اعلم تماما لا يطبق القانون هنا على الجميع
لكن الوضع المختلف لمحمود انه فعلها في وهو في طريقه الى حفل عام ، فلم يستطع ان يشبع عطش محبيه له ويرويه ( حسب الرواية المنقولة هنا ) ، فحدث ما حدث من هرج
في ظني اساس العدل تطبق الشي على الجميع دون استثناء حتى وان كان ظلما فالمساواة في الظلم عدالة
| |
|
|
|
|
|
|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: وليد محمد المبارك)
|
وليد يا حبوب : ما بكضب عليك انا بحب محمود عبد العزيز ده لي درجة إني قرررربت ابقا بعام وامشي البد ليك مع بتاع الساوند واسكسك فيهو ... مع كل الحب ده تصدق ما حصل خشيت حفل خيري ولا حفل نوادي إلا مرة واااحدة وبي اصرار من صديقي اسامة احمد سعد رد الله شاكوشه ونحن جايين من الدفاع الشعبي وقتها.. تعرف يا وليد محمود البتشوفو ده زول خجووووووووووووول للحد البعيد وساخر للحد الابعد .. محود مضيعنو الناس الحوالينو العاملين فيها اصحابو .. محمود بييشيل العداد بي هنا وبيوزعوا عليهم من هنا .. في زواج شقيقته اهل العريس جو لي سد المال وحسب المتفق عليه جايين النسوان خالات العريس.. استقبلهم محمود وهو لابس جلابية ود الحلة ديك وبي كل بساطة اها يا عمك لمن طلع لقا ليك زي عشرين عربية صغيرة وحافلتين !! قال للعريس لكن الخالات ماااا عندك :) جاييب لي حلتكم كلها وتقول لي خالاتي؟؟ :)
محمود عبد العزيز ده لاحظ ليهو في اللقاءات التلفزيونية ولاحظ لي طريقة ردوده ..كلتمو حببببة وعينو في الواطـــة ما بيرفعا .. خصوصياته بينجزها براهو وبدون شوشرة .. محمود غلط وادا فرصة للناس المرة دي لكن رب صدفة لم تلده امك فقد تكون بداية عودة محمود الذي نعرف ونحب..
| |
|
|
|
|
|
|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: عمر الفاروق)
|
الوليد المبارك .... ازيك ...اولا صاحبي وصاحبك عاطف (مسخو )اسوأمن اخو محمود ..في القرضمة و...(كلمو لي عليك الله ) اجيك للانسان الحبوب النقي السريرة محمود .. كنت لا استمع اليه وانا في فورة ايامي الجامعية ...لكن كل الشلة مهوسين لدرجة التقليد ...في كل شي وجيت من جامعة الجزيرة مدني ومعاي شلتي عازماهم خميس معاي في ام در بحكم الاسرة ..وضمن البرنامج الترفيهي قالوا لي ما عايزين ضبيحة ولا فسحة في الخرطوم دي غير نحضر حفلة لحودة ...سبعة بنات من كسلا والقضارف وعطبرة والمهم كلهم خارج العاصمة ..اكراما ليهم ..رضيت الحفلة كانت في كازينو النيل الازرق بحري ...الساعة اربعة مساء ...مشينا ودخلنا وجلسنا قدام والغريبة لم يحضر احد غيرنا والمفاجاة ان فتح الباب الساعة الرابعة ودخل الجمهور بحالة هستيرية وتبينت الرؤيا اذ بي افاجا بمحمود بين هذه الكتل ..محاط من كل الجهات بجمهور (يبوس التراب له عشقا ومحبة )عجبت لهذا الرجل الذي احتوى هذهالقلوب حبا ومن يومها اضفت قلبي الهزيل لهذه القلوب وتتبعت محمود واستمعت واستمتعت به وتلك الاغاني الذي يعيد اليها نضارتها فمن كان من جيلينا يحفظ الاهيف الحجل بالرجل وحبيبي فاكرك معاي الذي انتظرها السودان باكمله يوم عيدها محمود درة زمانه رضي الناس ام ابو ....له جمهور يكنه الحب بطريقة غريبة ..وهذا هو الثمن ... نكشة .. هل تسمح الشريعة باقامة الحفلات الغنائية ...؟؟ نكشة ..تانية هل كان محمود الوحيد (المخمور ).. نكشة اخيرة حزينة لتلك الصورة لمحمود وهو يمسك بالعمود ويجلد ...واردد في سري الحمدلله انني في بلد لا اسمع مثل هذه (المقايص)فيها ...فسلاما سلاما عليكم احبابي في وطني وفي وطني يجمعني الخوف ويقسمني امراة تكتب والاخرى خلف ستائر نافذتي ترقبني ) لك الود حين يسمح زماني
| |
|
|
|
|
|
|
Re: من كان منكم بلا خطيئة فليرمه بحجر …. محمود عبد العزيز البصمة الواضحة (Re: naeem ali)
|
الاخ العزيز وليد المبارك
تحياتي وتقديري
صراحة..صراحة البوست رائع وجميل وكأني قاعد جبنك وانت بتحكي..الحدلله طلعت من جو العمل خمسة دقائق.. لكن بس لو غيرت صورة البروفايل بتاعتك دي تكون عملت كويس..
الامر الآخر.. والله تألمت جدا جداً لجلد الفنان محمود رغم أني لا أعرف ولا أستمع له أبداً.. لكن كان من الواجب على ضابط القسم الشرطة اول ما جئي بمحمود، كان من المعاملة السودانية المعروفة ان يمسك الفنان محمود بشكل أخوي وبعيد على القانون ويتكلم معاه كلام سوداني لأخوه ويقول ليه يا أخي انت فنان وانسان معروف وما صاح تعمل كده في نفس وتنزل لهدا المستوى وحافظ على سمعتك كفنان عندك جمهور كبير. انا متأكد ان الاخ محمود كان ممكن يسمع الكلام ده بكل أدب ويستفيد من هده الغلطة للأبد. لكن يظهر ان ناس الشرطة وضباط الشرطة في هدا الزمن فقدوا التعامل السودان او ما بعرفوا التقاليد السودانية الأصيلة. نحن ده سودانيين في مثل هده المواقف بكون التعامل مع مختلف، وشخصياً إدا كنت في مكان الشخص المسئول في قسم الشرطة أول ما جابوا لي الفنان محمود وبقول ليه اعقد هنا ويلا يا عسكري اطلع بره شوف شغلك. واجد الفرصة وأتكلم مع محمود الكلام الاخوي الدكرتوا ليكم ده.
وصراحة أجد ان موقف الفنان محمود عبدالعزيز بعد هده الحادثة سيكون عجيب جدا من الناحية النفسية والاجتماعية، وأهمس في رجال الشرطة بأن العمل الشرطي ليس كله رسميات وتطبيق القانون بحدافيره.. هناك طرق كثيرة يمكن بها أن نؤدي واجبنا بشكل يصلح الانسان والمجتمع وليس العكس. وشكرا..
| |
|
|
|
|
|
|
|