الزميلات بالمنبر والزملاء الأعزاء والقراء ... هذه بعض المشاهدات من المؤتمر العام الخامس للحزب الشيوعي السوداني ، أعطفها على مساهمات سبقت لأعزاء هنا . أحاول أن أعكس خلالها بعض ما عرفت إلتقاطه ، متمنياً أن أساهم بالقدر اليسير والممكن في التوثيق لملامح ولحظات عبرت صباح ومساء ذلك اليوم المنتظر من زوايا شخصية جداً وليست شاملة على الإطلاق .
قد يكون هناك الكثير لدي - مثل آخرين - حول ما دار بالمؤتمر وما سبقه من تحضير ، لكني لا أملك ، والحال كذلك - إلا أن أعبر عن عميق محبتي وإمتناني وإنتمائي لهذا الحزب . أأمل كذلك أن يكون هذا المؤتمر بداية أخرى للم شمل أهلي الشيوعيين السودانيين وإنطلاقهم للكدح الذهني الذي سبقه كدحهم النضالي والصبر على المكاره .
وأود لو تسمحوا لي بتقديم تحية خاصة ومحبتي العامرة إلى الإنسان الصلب والرقيق عمي التجاني الطيب ، الذي لا أعرف كيف أصف مكانته العالية في قلبي الصغير . فقد أحب هذا الرجل أهل السودان بأبوة حانية ، فقدم عمره على بابهم ، وبذل كل حياته لما رأى أنه حق .
01-30-2009, 04:31 AM
Haydar Badawi Sadig Haydar Badawi Sadig
تاريخ التسجيل: 01-04-2003
مجموع المشاركات: 8271
بدأ المؤتمر العام الخامس للحزب جلسته الإفتتاحية العلنية نهار السبت الرابع والعشرين من يناير 2008 بمباني قاعة الصداقة بالخرطوم .
حضر الجلسة مناديب الحزب عن فروعه المختلفة بالعاصمة والأقاليم ، ومجاميع من الأصدقاء .
"المؤتمر الخامس ، نعم .. المؤتمر الخامس !" بهذه الجملة إبتدر الدكتور الشفيع خضر (رئيس اللجنة التحضيرية) خطاب المؤتمر الإفتتاحي .
قدم الأستاذ محمد إبراهيم نقد السكرتير السياسي خطاب الحزب
كان من ضمن حضور الجلسة العلنية للمؤتمر مجموعة من الضيوف
حضر وفد عزيز من الحركة الشعبية لتحرير السودان من بينهم الرفاق مالك آقار و ياسر عرمان .
على منصة المؤتمر ، جلس الزملاء : الشفيع خضر سعيد ، جوزيف ماديستو ، سعاد إبراهيم أحمد صالح محمود ، سليمان حامد ، التيجاني الطيب ويوسف حسين . وقد وصلت الأستاذة سعاد إبراهيم أحمد إلى المنصة محمولة على الأعناق في مشهد جميل ومؤثر لم أستطع إلتقاطه .
في هذه الجلسة ، تقدم الشاعر محمد الحسن سالم (حميد) والأستاذ محجوب شريف ورددا علينا الأشعار التي رددناها في أيامنا الصعبة والجميلة :
في لحظة ، إعتلى الشاعران المنصة في عناق بهيج
من ضمن الحضور ، كانت الأم الثكلى ، والدة الزميل بدوي الذي إستشهد جراء التعذيب في زنازين الإنقاذ :
والأستاذ فاروق محمد إبراهيم الذي تقدم برسالته المشهورة للعالم حول التعذيب الذي تعرض له في بيوت الأشباح
حوت أروقة المؤتمر على معارض للفنون والصور التي تضم مجموعة من شهداء شعبنا
وكان هناك رفاق وزملاء أعزاء كمال الجزولي
أم الحسن
تاج السر عثمان (السر بابو)
يوسف حسين
فيصل الباقر
آمال جبرالله
نعمات خضر ، بخاري الأمين ومعز عبد الوهاب
مجدي الجزولي
علويه تابر
وآخرين ...
ومن مشاهد هذا اليوم : الأستاذة نعمات مالك والأستاذة سعاد إبراهيم
الزميل عبداللطيف عبد الغني يهندم برفق أحد أعضاء كورال الحزب
مناديب الجنوب
الزميل عاصم نقد والأستاذ زكريا جوزيف قرنق
زكريا جوزيف
رفيقة درب فقيدنا عابدين
هنادي فضل
بخاري ومعز ، إرهاق وحيره !
محمد صباحي مراسل سودانيز اون لاين ، تقدم مشكوراً بـ"سلايت شو" عُرض أثناء الفقرات .
محمد المهدي عبدالوهاب وطارق الأمين
الفراش الحائر !
فراش حائر تاني !
أصدقاء ..
عزه وحسام ..
من الله وإيمان
البراق النذير الوراق (على قول حسن موسى ، الأسامي دي بتجيبوها من وين؟!)
Quote: وأود لو تسمحوا لي بتقديم تحية خاصة ومحبتي العامرة إلى الإنسان الصلب والرقيق عمي التجاني الطيب ، الذي لا أعرف كيف أصف مكانته العالية في قلبي الصغير . فقد أحب هذا الرجل أهل السودان بأبوة حانية ، فقدم عمره على بابهم ، وبذل كل حياته لما رأى أنه حق .
يا سلام يا طلال , عمي التجاني يستحق اكثر من ذلك
01-30-2009, 06:22 AM
طلال عفيفي طلال عفيفي
تاريخ التسجيل: 06-20-2004
مجموع المشاركات: 4380
Quote: راويه !! الحكايه شنو ؟؟ إنتي عايزه تكوشي على الحزب كلو ولا شنو ؟
ياخ اسوي ليك شنو صورك دي اثارت فيني شجون وشوق لناسي وعزوتي.... أمال أيه?! البيني وبينهم شي جميل لابتحكي لا بتوصف والحالة أنا خجلت وماقلت ليك عم تجاني واحشني ولا جبت ليك سيرة ونستي وفضفضة همومي مع الشفيع خضر ولا قلت ليك معزة أمال قدر شنو ولا إتكلمت ليك عن محمد سليمان أخونا وحبيبنا
هو فعلا مهرجان الزهور يا طلال يديك يارب كل مناك شكرا لي عدستك البلت عطش الشوق .. فرحان يا طلال .. وبكيت .. زي طفل صغير .. ريحة الناس الحلوين .. لمة ناس سمحين .. ضميت كل واحد فيهم .. عم تجاني اتمنيت اني كنته اقالدهو واحيهو ه في اليوم ده والشفيع .. وعلويه تابر يا طلال امي .. شهد التاريخ انها كانت حاضره الخامس .. ناس كتار يا طلال كل واحد منهم هز جواي جبل فرحه .. عاصم نقد .. بخاري .. نجلاء .. مهيد .. و .. و.. شباب نضرين كما تاريخهم عارف يا طلال قدر شنو علويه تابر منتظره الخامس اكثر من اربعين سنه ما هانت ولا لانت ولا وقفت بين بين .. الحزب عندها ياهو الحزب .. عظيم ومهيب .. تقطع ليهو الغنا .. محبوبه ودنيته .. شلوخه كل واحد فيهم تجربه وتاريخ طويل .. رقصت وفرحت زي ما كانت بتحكي لي وهي قابضه انفاسه منتظره اليوم ده .. شهور التحضير دي كلها .. انتصار الحزب انتصاره وانتصارهم .. ياسلام .. شكرا ليك شكرا للحظه الاديتنا ليها هنا .. وعاش نضال الحزب الشيوعي السوداني
01-30-2009, 06:26 AM
awad hassan awad hassan
تاريخ التسجيل: 01-28-2007
مجموع المشاركات: 770
Quote: هموم طبقة عاملة و كادحين - و نحو ذلك - و يقيف قدام المراية يصبع شعرو !!
مافيها حاجه يا حسين ، مش ورد عن سيدنا النبي إنو حبب إليه من الدنيا الطيب والنساء ، وإنو كان بيحنن شعرو ودقنو ؟ مافيها حاجه صدقني ... Take it easy وبعدين إنت قايل الصبغة الزمن ده بقت تاخد وكت ؟
يا ناديه ده كلام شنو ، مشيتي بحري وجيتي جري ؟؟ الناس مبيتين من اليوم القبلها ! لكن المريب يا صديقتي إنو الفعاليات إستمرت لوقت متاخر من الليل ، إنتي أصلك جيتي الساعه كم؟؟؟
فاتك يوم عالي وبهيج ... كنتي هتغسلي قلبك بسحن ووجوه وارواح من النوع البريمو ..
وإحنا كمان فاتتنا طلتك البهية ... بس زي ما بقولوا في الشعر العربي القديم ، مصير الحي يتلاقى ...
الوالدة علوية كانت من أجمل وأكثر الناس إبتهاجاً في ذلك اليوم ، هذه السيدة اللطيفة التي تضيء مدينة بحري بتماسكها وصدقها وطيبة قلبها .
أما أصدقائك ، فناس تمام : عاصم نقد ، الكادر الجماهير الحي والحكاء خفيف الظل حمل اليوم على سحابة من الحماس بتقديمه للمؤتمر بصوته المحبوب وبطريقته في الألقاء والكلام .. بخاري الإنسان الهميم وكأنه شايل المؤتمر على ضهرو ، نجلاء وصورة معبرة فعلاً عن الإلتزام والفناعة الراسخة ومهيد ذلك الذهن المتوقد المرتب الذي يقدم بقوة وهدوء وإيمان . الله يديهم العافية ويديم عليك الرفقة والمحبة ويغطيكم بوطن محترم .
01-30-2009, 10:55 AM
Osama Mohammed Osama Mohammed
تاريخ التسجيل: 04-02-2008
مجموع المشاركات: 4619
شكراً يا أسامة وسلامات .. وتحية من هنا للعزيز عاصم نقد ، الشيوعي الملهم ، بطريقتو اللطيفة والمحببة في كل الأمور .. شاب عقلو راجح وقلبو مليان حماس ... أما بخاري فكما قال الشاعر فنسأل الله يوم شكرو ما يجي ، هميم وياكل النار ...
التحية لكل الزملاء الشاركوا وساعدوا في إخراج اليوم ده ..
01-31-2009, 09:06 AM
بخاري عثمان الامين بخاري عثمان الامين
تاريخ التسجيل: 10-25-2007
مجموع المشاركات: 3456
عزيزي طلال ود عفيفي ولله بوستك وصورك خلانا جوه المؤتمر بس عاوز اسأل منو الفي الصورة مع مجدي الجزولي وانت معلق عليهم (انتلجنسيا الزمن لضائع ) تحياتي ومبروك لانعقاد المؤتمر الخامس والى الامام
. . .
01-30-2009, 01:43 PM
محمد صباحى محمد صباحى
تاريخ التسجيل: 05-31-2007
مجموع المشاركات: 1132
أخي صباحي ، شكراً جزيلاً على مساهمتك المعبرة ... عجبتني صورة الزميلة والتلويحة بالطرحة الحمرا صورة لطيفة ومعبرة .
الدموع كانت ماليه العيون ، دموع فرح بلقاء ناس فرقت بينم الدنيا والسنين ، ودموع على حبايب غابوا في السكة الممدودة ، حبايب كانت عيونم بتومض في المخيلة ومن على صورم المعلقة و المحفوظة في القلب ...
شكراً يا محمد تاني
01-30-2009, 02:03 PM
طلال عفيفي طلال عفيفي
تاريخ التسجيل: 06-20-2004
مجموع المشاركات: 4380
شكراً طلال على الصور الزهور اصدقاء وخالات خاصة علوية تابر - ايمن شفت خالتي علوية لسعة شباب كيف - واستاذ تجاني الطيب والدكتور الصديق الشفيع خضر سعيد ، وشقيقته نعمات - اهل حينا في الامتداد ومحي الدين الجلاد وعاصم نقد -ولدنا - والعزيز زكريا جوزيف ، غايتو يا طلال حزيكم لسعة شباب وفيه الناس الترس والصديق عبدالله القطي ... يا سلام على رجل اتبرا دة فات ايوب في الصبر والشكيمة الاستاذة النوبية سعاد ابراهيم رينا يديها العافية ، والاستاذة نعمات مالك
تعرف يا طلال مؤتمركم دة تقول كان منتظرنا نطلع بي (جاي) ويعملوا .. مرة قلت لاستاذ تجاني كنا في اسمرا يا استاذ انتو مؤتمر حزبكم ما تعملوا في الجنوب في المناطق المحررة ، رد علي ( والناس تجي هنا كيف ) اها ناس الجنوب جووكم ... ومبروك انعقاد المؤتمر في سكة التحول الديموقراطي وترسيخ السلام ، ووحدة على اسس جديدة فيها العدالة والكرامة والحرية ...
02-01-2009, 00:36 AM
طلال عفيفي طلال عفيفي
تاريخ التسجيل: 06-20-2004
مجموع المشاركات: 4380
العزيز طلال التحية عبرك لكل هذا الصبر الذي انتج الحدائق التحية عبرك للشاوشية الذين تحملوا قسوة السنين المنصرمة تحملوا كل ذلك بصبر لا بتباع لابشترى طوال اربعين عاماً كان الحزب ينموا في المفاصل والقلوب طوال تلك السنيين تطلع الشمس وتغيب في 24 يناير تراكمت الشموس واضاءت كل هذا العنفوان التحية للعم تجاني وكل رفاقه للعم صديق يوسف للصبور يوسف حسين وللسر بابو لـ د الشفيع خضر لكل الذين افنو حياتهم من اجل هذا الحزب الجميل ونحن مخلال تصاوركم نحضر هذا الفرح برغم الغياب ونعدكم في القادم نحن امامكم عاش نضال الحزب الشيوعي وعاش نضال الشعب السوداني
01-30-2009, 03:00 PM
Gazaloat Gazaloat
تاريخ التسجيل: 05-14-2003
مجموع المشاركات: 891
ياطلال احيانا تخرس الكلمات عن التعبير وتترك مكانها للدموع.. والآهات.. وانفجار النبض هذه هدية خجولة لكم ولكـُنَّ جميعا يامن جعلتم وجعلتُنَّ هذا واقعاً
منعم الجزولى
مهرجان الكتابة
من بيوت انسدَّ بابَا لى معارك مُـستجابة شدَّ بالزندية جَابَا الشهى المعسول شرابَأ لا خراب الشوف مَـعابَة لا النظر جوة الخرابَة من سرابَة ولى سرابَة شَدُّوا داخلين الحرابة الرُّجال سَاعْةٍ ضِرَابَا الوليدات والصبابة والبِنَيَّات المَهَابة زغردن تَمـَّن نِصابَا خمسة اوتار الربابة غنوا للناس الغلابة من ضمير وديان هشابة ولى بنادق جوة غابة ومن رمال جُرحاً تـَشَابى ولى جبال فى الدم شرابَا انهتك سِتر المهابة وتمت اعراس الكتابة لا الحَـوَصْ فى يوم اصابَا لا الرمد عكر عـُبابَا من نساها ومن شبابَا ومن رَتـَايِنـَا أُم لِهـَابَة ياما نـَازلةَ العز حُبابـَا بالاغانى وانطرابَا كان جسارة وكان صلابة انكسر جبل الرتابة واحنا فى قَطَرَات عذابَا الشهيد الماتغابى وبالشهادة وانكرابَا من جذور الارض جابَا بذرة وانتصبت نقابة لا المشانق فى رقابَا لا المطاردة لا الرقابة لا السجون فاغراهو بابَا لا المحاكم لا النيابة لا المعيشة السالَّـة نابَا لاها تحذيرات مُهابة لاها اغراءات مُجابة لادفق مويتو ف رهابَا لا دخل عمـَّر خرابَا الكواسر وانكبابَا والزناديق العصابة لابتغرق فى عـُبابَا لا بـِتَغريك بى عِنـَابَا لاكَ خايف من إصَابة بى نضال المـُرَّة يابا انت يالعندك اجابة للسؤالات الصَعـَابَة انت يالحزب المَهابة جوَّة بحر الدم تَشَابَا لاشكيت يوم من صِعابَا ولاَّ دربك فى شِـعابَا فارق احلام التعابى
02-01-2009, 08:11 AM
طلال عفيفي طلال عفيفي
تاريخ التسجيل: 06-20-2004
مجموع المشاركات: 4380
شكرا طلال الصورة أعلاه لعمنا الرائع و الزميل الجميل كمال النور سوار الدهب ( من موسسى الحزب) أى قدامى المحاربين و هو والد الأخ ثروت سوار الدهب عضو البورد
طارق أو ( خدر ) والله حيرتونا - والجمع هنا مو صدفة - مش حيرتونا نحن وبس بل قد حيرتو حناننا!! فلم تجد لتقرأ في الصورة محل تعليقك إلا الإبانة والإفصاح البليغ عن روح غير ديمقراطي ما فيهو ذرة إحترام لإرادة الحزب وأختيار عضويته !! يا زول إنت ما ديمقراطي ول شنو? وأنا أشك في ذلك بل أشك في لا ديمقراطية آل جدد تجديد مجدد كلهم من المرحوم الخاتم الذي نفض يده والناس تتدابر أمرها إلي آخر زول يطالب في الشيوعيين بإلحاح الملح في المسألة ليرموا عدتهم النظرية كلها ويشتغلوا رزق اليوم باليوم ويتنكروا كجاحدي النعمة للقوي الإجتماعية التي تربوا في أحضانها ويغيروا إسمهم بلا أي إعتبار لتاريخيته .. يرموا ويتنكروا ويغيروا حتي يصير الحزب كله بلا فرق بينه وبين أي وكيل أو محامي لمصالح الرأسمال المجرم في بلادنا!! مجرد ملطف لأجواء الصراع الإجتماعي وخادم ذليل لمصالح أعداء الطبقة العاملة والكادحين!
Quote: نتائج انتخاب القيادة الجديدة واضحة في تعابير الاوجه
أنت ما ديمقراطي زيك وزي الخاتم الكان عايز من الحزب إتبني رأيه أو الطوفان !! إتخيل يا خدر ( أو ) دي? وأعطني يا صديقي موقعها من الإعراب الديمقراطي ? ... ... ... أقول ليك حاجة يا زميل ? الزملاء في الصورة ديل لو صح تأوييلك المغرض - وكل تأوييل في الحياة مغرض - أقول لو صح تأوييلك المغرض ل (صرصرتهم) فهم ذاتم زيك : لا ديمقراطيين ودايسين بالنعال علي إرادة حزبهم وخياره الديمقراطي?
Quote: نتائج انتخاب القيادة الجديدة واضحة في تعابير الاوجه
مالا النتائج ? غير إنو أنتصرت لغير المخلوعين من أثر إنيهار المعسكر الشرقي والإتحاد السوفيتي! أنتصرت عديل كده للذين لا يروا في تجربة الفشل فشلا للماركسية! العارفين لأزمتها لكن برضوا عارفين إنو تجديدها ما مسئوليتهم براهم ولا تجدبدها بتم بالإستعانه عليها بمنهج غير منهجها المادي ?
وعديل كده الما عاجباهو نتائج المؤتمر الخامس إشرب من البحر أو أختار الطوفان زي القبالو لكن الحزب أختار الإعتصام بجبل الشعب والماركسية وقواه الإجتماعية!!
وسلام كتير من قبل ومن بعد.. لأن إختلاف الرأي لا يجب أن يفسد للود قضية
أبوعبيدة الماحي
01-30-2009, 07:38 PM
khatab khatab
تاريخ التسجيل: 09-28-2007
مجموع المشاركات: 3433
يا سلام ! تعظيم سلام لهؤلاء الأماجد الذين لم أشك يوما فى صدق وطنيتهم وتعففهم عن اموال الشعب وتفانيهم فى خدمته فعلا نادوس بلد الغلابة! كل شى فيهو بالقلبة! المال عند بخيله والسيف عند جبانه! جنى
01-31-2009, 00:06 AM
تيسير عووضة تيسير عووضة
تاريخ التسجيل: 12-20-2005
مجموع المشاركات: 7136
رغم جلال وهيبة البوست لم أستطع منع نفسي من الضحك بعلو صوت لما يلي:
Quote: مافيها حاجه يا حسين ، مش ورد عن سيدنا النبي إنو حبب إليه من الدنيا الطيب والنساء ، وإنو كان بيحنن شعرو ودقنو ؟ مافيها حاجه صدقني ... Take it easy وبعدين إنت قايل الصبغة الزمن ده بقت تاخد وكت ؟
بعدين ياخ خالتو أم عصام دي تصلح وبجدارة كوجه فلكلوري سوداني ملامحها فيها كمية من الأصالة تحير !
عيني باردة
صورة محمد عبدالله القطي بهديها للحاضر الغايب عادل عبدالعاطي "لعلمي بمحبته لهذا الشخص"
والبوست كلو كده على بعضو بهديهو "للزميل" عثمان عووضة
بعد إذنك طبعاً يا طلال
01-31-2009, 01:11 AM
محمد مكى محمد محمد مكى محمد
تاريخ التسجيل: 10-13-2006
مجموع المشاركات: 4082
طلال إذي الحال,وحالك أريته حالي... صورك خففت علي الحمي والشحتفه الماسكاني. ومستنيه رجعة الغايبين بي فارق الصبر عشان يدوني التفاصيل بي ضبانتها... وما تقول في إتنين منهم ذاكرتهم كاميرا....(عيني بارده يا أخوي) أررسول كان عندك زياده نزلها ...قالو البحر ما بيابه الزياده
شكراً يا طلال على إعادة تقديم هذه التظاهرة الديمقراطية بطريقة تشبه حالة كونك راجل فنان. الشاب أبوسجارة دا، و قطع شك، سيكون أحد أهم صنّاع الاحتمالات لمستقبل الفكر الإشتراكي السوداني. و مبرووووك... للجميع «ديمقراطية راسخة- تنمية متوازنة- وطن واحد- سلم وطيد»
01-31-2009, 02:37 AM
عمر ادريس محمد عمر ادريس محمد
تاريخ التسجيل: 03-27-2005
مجموع المشاركات: 6787
Quote: مافيها حاجه يا حسين ، مش ورد عن سيدنا النبي إنو حبب إليه من الدنيا الطيب والنساء ، وإنو كان بيحنن شعرو ودقنو ؟ مافيها حاجه صدقني ... Take it easy وبعدين إنت قايل الصبغة الزمن ده بقت تاخد وكت ؟
عجبني هذا الرد ..وبصراحة ياحسين انا من الذين يلزمهم تصبيغ الشعر وكنت رافضاً لذلك الفعل لانه يستوجب المثابرة ..مما حال دون ممارستي لعادة التصبيغ ولكن اول مرة اعرف ان عدم تصبيغي لشعري يجعلني في عرف ملاسي في خانة المنتمين للطبقة العاملة عن وعي ... اما الزميل طلال فقد سفهت الخطة بطريقة مذهلة تناسب تماماً اسلوب ملاسي الذي يحاول دائماً النيل والسخرية من تاريخ الشيوعين السودانين .ولكن هيهات ..
01-31-2009, 08:11 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
ابوعبيدة سلامات كدي في الاول , انت ابوعبيدة الماحي الشاب المربوع شقيق الزميل ابراهيم الماحي ؟ اها كان طلعت انت وووب و كان ما طلعت انت صدقني حا اتفهم حدتكـ دي .
في قصة خدر و طارق و ديمقراطي دي يا ابوعبيدة انا اسمي طارق ابوعبيدة (و كفاكـ من الدستة ملعقة)
بعدين يا(زميل) هل موقفي من إختيار القيادة الجديدة بعني اني غير ديمقراطي؟ (راجع ترشيحات المؤتمر البننضم فيهو ده) باقي كلامي لو قلتو ليكـ هنا بكون اتكلمت عن ما يجب ان يقال في غير مكانو (المنبر) تلفوني في البروفايل لو حبيت بطرش ليكـ كلامي كامل هناكـ
بعدين يا ابوعبيدة في ذمتكـ زول لئيم و لسانو طويل زيي , بالي بيهو ناس حق مالكـ ياخي؟ انا لم اكن في (حق) يوما ما ولا ينبغي لي ياخي اها راجيكـ بي هناكـ في التلفون ولا افتح بوست منفصل ولا بجي اردمكـ هنا رداَ علي التصريحات المجانية الصرفتها لي دي
Quote: أقول لو صح تأوييلك المغرض ل (صرصرتهم) فهم ذاتم زيك : لا ديمقراطيين ودايسين بالنعال علي إرادة حزبهم وخياره الديمقراطي?
مالا النتائج ? غير إنو أنتصرت لغير المخلوعين من أثر إنيهار المعسكر الشرقي والإتحاد السوفيتي! أنتصرت عديل كده للذين لا يروا في تجربة الفشل فشلا للماركسية! العارفين لأزمتها لكن برضوا عارفين إنو تجديدها ما مسئوليتهم براهم ولا تجدبدها بتم بالإستعانه عليها بمنهج غير منهجها المادي ?
وعديل كده الما عاجباهو نتائج المؤتمر الخامس إشرب من البحر أو أختار الطوفان زي القبالو لكن الحزب أختار الإعتصام بجبل الشعب والماركسية وقواه الإجتماعية!!
وسلام كتير من قبل ومن بعد.. لأن إختلاف الرأي لا يجب أن يفسد للود قضية
أبوعبيدة الماحي
__ انا لسه متمسكـ بي تعليقي علي الصورة (رغم انف الجنود)
01-31-2009, 08:41 AM
Hussein Mallasi Hussein Mallasi
تاريخ التسجيل: 09-28-2003
مجموع المشاركات: 26230
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طلال عفيفي
Haydar Badawi Sadig
Rawia
elsharief
Aymen Tabir
awad hassan
mahdy alamin
فيصل محمد خليل
خالد العبيد
محمد سنى دفع الله
خضر حسين خليل
Hussein Mallasi
حمور زيادة
Osama Mohammed
خدر
بخاري عثمان الامين
معتصم ود الجمام
حذيفه ابراهيم الكباشي
Mohamed Idris
محمد صباحى
مصطفي سري
Amin Mahmoud Zorba
Gazaloat
عبد المنعم سيد احمد
Adil Hamza
حامد محمد حامد
وليد محمد المبارك
عثمان فضل الله
عزالدين طه
Abuobaida Elmahi
khatab
Inaam Saad
Adil Osman
jini
محمد مكى محمد
Egbal Elmardi
NASIR ALI
هاشم الحسن
عمر ادريس محمد
ibrahim alnimma
lana mahdi
الليندي
فيس بوك
تويتر
انستقرام
يوتيوب
بنتيريست