دعواتكم لزميلنا المفكر د.الباقر العفيف بالشفاء العاجل
|
|
 عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات..
|
هام!
قبل الشروع في الرد عليك مطالعة الأدلة، والإتيان بضدها إن كان لك رأياً آخر، أي مداخلة غير مسنودة ببيِنة ومنطق وعقل يُردُ لها بمثلها.. أنصح كل من يريد التداخل سلباً أو إيجاباً بعمل الآتي:
الـ tools المستخدمة سهلة جداً، وهي paints وهو موجود مع الويندوز، ولو في زول ما عندو أو ماموجود لسبب ما، ممكن نمده به، أيضاً تم إستخدام Microsoft photo Editor وتوجد مع الـoffice تحت Microsoft Office tools، أستخدمت للتكبير، عشان أي زول نظرو زي حمودي قبل فك التشفير يشوف..
*أرجع لصورة الإيميل كما وضعت بالبوست الأصل، وأعمل ليها حفظ في كمبيتورك حتى تتحكم في تكبيرها وتصغيرها وتدليعها إن رغِبت..
* أفتح الماسنجر الداخلي وحدد أي أيميل، من الأفضل ان يكون الراسل والمرسل إليه إسم من جزئين وباللغة العربية حتى يتطابق المثالين..
*بعد فتحك للماسنجر، أضع الجزء المراد من الإيميل بوسط الصفحة، ثم أضغط على المفتاح "Prt Scm Sys Rq" ما عارف بالعربي بتسموهو شنو، المهم بيعني أطبع الصفحة..
* أفتح برنامج بينتس paints او Microsoft Photo Editor وأعمل click على Edit ثم على paste، بعد كده حدد الجزء موضع الخلاف وأحكم بنفسك..
*من هذا التوضيح، لا يهمني محتوى الرسالة او تصديقه..
قبل البدايَّة،
* أي زول به رواشة وعُرِف عنه "القرايَّة بالإضنين والفِقرة" مايتسرع، ينتظر جماعتو الأصحاء كتبو شنو يجي يأمِن على كلامهم، ما قاصدك بالكلام ده يا صبري الشريف، ولكن ورود القراءة بالأذنين، والشيء بالشيءِ يذكر..
من هنا نبدأ:
وهذه صورة الإيميل كما ورد بالبوست الأصل، وللحيطة والحذر، مافي زول يستخدم الصور الموضوعة هنا للتلديل بها، وقد يكون تلاعبّ بها ماهر، والعاقل من إتعظّ بغيره، وقيل المحظوظ، أيضاً..
1)
وهنا الجزء موضع الشك، أخذ من الإيميل الأصل وكُبر 400 مرة حتى يتبيّّن لضعيفي النظر والحنك.. كما أنصح بعم الأخذ به قبل التجريب من المصادر الأصليَّة..
2)
وهنا صورة من رسالة أرسلها لي الأخ العوض المسلمي، وأعتذر له مقدما، ولكني إستخدمتها لأن إسمه من جزئين، ويُكتب باللغة العربيَّة، والصورة مكبرة 400 مرة، كما أنصح بعدم الخذ بها حتى يتم التجريب من المصادر الأصليَّة..
_____
يتبّع لتوضيح الأرقام 1، 2، 3، 4 بالصورة رقم 1..
|
|
 
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Amin Mohamed Suliman)
|
ود طيفور سلامات
بحكم اني إستلمت الرسالة من الاخت تيسير بطلب من الاخ هشام ومن ثم قمت بنشرها
اسمح لي ان أضع بعض الاسئلة المشروعة هنا
1) هل طعن الاخ هشام في الطريقة التي كتبت بها الرسالة .. الاسلوب والتاريخ
2) هل تلغي العيوب التي اشرت لها صحة الرسالة التي اقر بها الاخ هشام بنفسه
3) هل بالامكان الاستعانة بالاخ بكري لاستعادة رسائل قديمة
4) هل يؤثر تاريخ الرسالة على شكلها العام
معالحتك الفنية للرسالة ليست موضع خلاف بالطبع
على كل دي كلها تساؤلات مشروعة لكل باحث عن الحقيقة
واتمنى ان يخرج البوست بالفائدة المرجوة منه
وان يبين الحق ليعرف كل طرف اين يقف في الموضوع ده
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Amin Mohamed Suliman)
|
صديقي العزيز جدا ياسر
رغم اني جايب كمبيوتري للتصليح وجاييك لكن حاقول كلامي واجيك
أربعة عيوب أخلاقية هن أعمدة هذا البوست
1 - بوست متفرع من بوست مما يعني نقل النقاش خارج إطاره وسياقه
2- البوست قائم علي افتراض والتحليل الوارد اعلاه ليس قطعي
3 - تحول البوست الاساسي من موضوع تحرش لاثبات مصداقية وها انت تحول التحرش لنقاش في تكنلوجيا الكمبيوتر
4 - توقيت البوست ياتي مع كثرة صيوانات العزاء المنصوبة في هذا المنبر
مع خالص تقديري
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Ridhaa)
|
Ridhaa
| Quote: موضع التاريخ والزمن خطأ مقارنة بين الرسالتين !!!! |
هذه البينة لم إعتمد عليها في دفاعي عن العيوب، لأن التاريخ قد يتباين من كمبيوتر مُعرّب لآخر غير معرّب، ولأن كتابة التواريخ والزمن في الكمبيتور بتعتمد على البلد والغة، فلا يستقيم أن آخذ بها، وفي نفس الوقت لا أعلم هل الكمبيوتر الذي أخرج منه ذاك الإميل مُعرّب أو "مأقلّش"، لكن الصورة رقم 2 خرجت من كمبيوترى وهو "مأقلّش" أيضاً...
___
مأقلش على وزن معرّب وتعني باللغة الإنقليزيَّة، دخلت الكلمة للعربية قبل قليل بواسطتي ;)
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Amin Mohamed Suliman)
|
السلام عليكم
.......
ياسر ازيك
....
في حاجة يمكن فايتة عليك ، وأنا لا املك أن أدلل بها لقلة استعمالي للماسنجر من أصلو
المنبر ده بعد كل ارشفة أو لنقل كل فترة والتانية ما عارف بالظبط
يختلف شكلو والأدوات المستعملة فيهو
ولو بتذكر زمان بكري ده كان مجننا الباندويث الباندويث
وكذلك حجم الفايلات المسموح برفعها اختلف
وحاجات تانية كمان
اعتقد انو غير السيرفر نفسه
.....
العايز أقولو انو الماسنجر بتاع تيسير ده ليهو من أكثر من سنتين
والبتجرب فيهو دلوقت مختلف
وبديهيات التجارب عشان تجيب نتيجة أقرب للصحة
أن توحد العوامل والظروف البتعمل فيها التجربة
لإنو ببساطة يمكن زمان كان ال(Space ) ببتحول لعلامة (-)
ممكن واحد من الجماعة العندهم هواية الإحتفاظ بالوثائق
يجيب لينا ماسنجر في نفس الفترة
عشان المقارنة تكون أكثر دقة
.......
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: الزوول)
|
الزول سلامات..
كلامك منطقي ويتعامل بالأرقام، ولكنه قابل للتفنيد..
لو فرضنا إمكانيَّة الـ Space ممكن ينقلب (-)، كما حدث بين " هشام_آدم"، لماذا لم ينقلب كذلك بين " تيسير عووضة"..
أما موضوع إيميل من العام 2007، تصدق بالله بعد كلامك طوالي مشيت لي فولدر قديم أيام أيام حروبنا مع مجموعة تراجي، وجدت إيميل مرسل من تراجي لأحمد عبد الله، وكلاهما عضوين في المنبر .. والإيميل منقول صورة، لم يتغيَّر شكل الماسنجر، وممكن أعرضو كمثال آخر بنفس التوقيت، وأيضاً به إختلافات أخرى ..
____
التحايا و الود..
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
الاخ ياسر سلام ..
تساءلت مستعجبا فى البوست داك انو فعلا الناس
ما قادره تفهم هشام آدم ولا ما عاوزه تفهمو .. ؟
المهم ..
التلاعب فى الرساله وبالاشكال المبينه احتمال وارد والعيوب التخليقيه ظاهره
.. ولكن !!!
كيف ؟..
لماذا ؟..
ان كان ما أراه امامى حقيقه ..
فهو - ان كان كما يبدو - حالة تزوير ويتبعها تداعيات الحاله الاخلاقيه
ولكن لماذا والموضوع اصلا لا يستحق ..
والبوست لم يكن هشام آدم فيه الا متداخلا فما الحوجه والدافع القوي لذاك ..
حيرة هشام كانت واضحه وهو يقر وبالضروره بالرساله وهى امامه ومنشوره مع انه لا يذكرها
وأسمح لى ايضا ان اتساءل عن دوافعك انت لتقصى الامر لهذه الدرجه ابتداءا .. ثم قرارك
نشر ما توصلت اليه .. وقطعا تعلم تداعيات ما يفضى اليه الامر
قطعا هى تساؤلات وما خطر لى وانا أقرأ هذا البوست .. وليست اسئله للاجابه
سلام
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
محاولات ياسر طيفور اليائسة لإضعاف موقفي في كل مرة وفي بوستات سابقة لا تخفى على أحد
ومحاولات تمييع قضيتي وإظهاري بمظهر المزورة أو الكاذبة أيضاً لن تخفى على أحد
(الغرض مرض)
لا شيء يجبرني على التلاعب في أشياء مثل هذه
هذه الرسالة منقولة كما هي
والله على ما أقول شهيد
أحتفظ بالرسائل في word file
أي تغييرات صاحبت عملية الكوبي والبيست واردة
صاحب الشأن نفسه إعترف بالرسالة
كان بإمكانه مواصلة الإنكار مثلما أنكر قبل عرضها
هذا كل ما يمكنني قوله في هذا الموضوع
وسيتم تجاهل هذا البوست من جانبي غير مأسوفٍ عليه ..
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
ياسر كونان..
ازيك..
بعيدا عن فحوي الرسالة انا بظن انو فعلا رسلا ليها..
اولا..
هشام ما اعترض لما شافها وانا بتوسم فيها الذكاء البيخليهو يتذكر انو رسلا ولا لا..يعني هو كان شاكي ولمن شافو الايميل يمكن اتذكر..
اضف في الصورة المرفقة ادناه ..تيسير عاملة كوبي من مداخلة لي هشام وبترد ليه وبتذكرو بي كلامو..ولاحظ معاي انو المرة دي برضو اسم هشام مختلف من البروفايل بتاعة(هشام_آدم) معناها المشكلة في جهاز تيسير..وما اظنها تصل لي درجة انها تزور...
برغم انو الموضوع ما عنده معني لكن انا مصدقاها...ومداخلتي دي عشان بس اسجل ملاحظتي..باعتبار انها يمكن تكون كلمة حق في حقها..
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
| Quote: لا أملك إلا أن أعترف بهذه الرسالة، رغم أنني لا أتذكرها جيّداً، ولا أتذكر الهدية |
ودة كلام هشام اكبر دليل علي صدق تيسير...
ولاحظ معاي تاني في الصورة النزلتا انو الارقام اتحولت من عربي لي انجليزي في بروفايل هشام..معناها المشكلة في جهاز تيسير..وتقريبا تيسير يمكن تكون عاملة كوبي وبيست ببرنامج الرسام رسائلا عشان كدة الهكر ما قدر يمسحا..يعني دة الباك آب بتاعا..
ياسر...
يا ريت تقول انا غلطتا...
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: حمور زيادة)
|
غايتو يا سارة لقيتك جرسة ..
اول شي ياخ انا جايي هنا بتوكيل من سيف النصر .. قالوا حمور زيادة ما قالوا سارة علي ..
تاني شي اول مداخلة لي قبل مداخلاتك .. مش كان تصبري تشوفيني عاوز اقول شنو ؟ الشفقة ليك شنو ؟
عموما زي ما قلت ليك اعملي كوبي بيست لكلامي كلو و انا بعد داك بعدل مداخلاتي بعملا : بوست غير موفق .. ايحاء خبيث من تفه خبيثة .. الخ
او اعملا مداخلات تأييد لياسر لأنو حيحتاج التأييد و التضامن.
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: حمور زيادة)
|
رايك شنو نفتح بوست منفصل ونتشبك فيه بي هناك برانا..
ويقوم يجي كونان آخر يثبت منو الفينا الغلطان...
عشان لو قعدنا نبراي قصة انا الاول وانتا الطيش ..حنطشش بالبوست دة وانحنا منتظرين ياسر يجي يقول انا غلطان..
زي ما حتقول انا شفيت وتسحب الصورة الانا منزلاها قبلك بتاعت مداخلة هشام ..
وي وييييييي انا سبقتك واااي وييييييي
ارحكا نعمل بوست الشكلة...
بس قبل ما نمشي ..انا موافقة علي اقتراح تضامنك مع اب تفة..
اقلاها حقي يطلع..
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
كلام يجب أن يُقال
كلُ من يعرفني شخصياً يعرف جيّداً أنني شخص "مطوفش" وضعيف الذاكرة، وعندما قام الأخ حيدر حسن ميرغني بإنزال صورة الماسنجر لم أملك إلا أن أُقر بأنها صحيحة، لسببين: أولهما أنني لم يدر في خلدي على الإطلاق أن تيسير عووضة قد لجأت فعلاً لتزوير الرسالة، فهي –رغم كل ما دار بيننا مؤخراً- إنسانة ملتزمة ولا يُمكن أن تقوم بمثل هذه الأفعال، ثانيهما أن الزهايمر لعب دوراً كبيراً في ما حدث، لاسيما وأن الرسالة يعود تاريخها إلى أكثر من سنتين، وأنا (يعلم الله) لا أتذكر ماذا حدث قبل أسبوع!
كان من الممكن أن أستغل هذا البوست لمجاراة الطعن في ذمتها وفي مصداقيتها، تماماً كما فعلت في ذلك البوست الذي طعنت فيه في مصداقيتي حول النقاط الثلاث التي أعادت تدويرها؛ بل زادت عليه يقيناً لا أعلم منبعه، ولم أشأ أن أتحرى معرفة مصدرها الذي تستقي منه هذا اليقين عندما ظلّت تُكرر على الدوام (ثم اتضح، ثم اتضح) دون أن أدري كيف اتضح لها ذلك، ولأنني لستُ أقلَ منها اعتزازاً بكرامتي وكبريائي، وحرصاً على ألا أُطعن في مسائل متعلقة بمصداقيتي فإنني كنتُ أملك –بالتالي- حقاً في مطالبة تيسير عووضة إثبات ما ادعته، ولكنني لم أفعل؛ ليس كرم أخلاق مني ولكن لسببين: أولهما أنني قدّرت أن ما قالته تيسير عووضة لم يكن إلا من منطلق دفاعها المشروع عن نفسها، وانتقام لكرامتها، وثانيهما أنني مللتُ وأردت الخروج من ذلك المستنقع (الذي لم يكن يشبهنا) بأية طريقة.
ولكن وللأمانة والتاريخ، فإنني –حتى اللحظة- أُصر على أنّ خلافي مع تيسير عووضة كان يجب أن ينحصر في نقطة متعلقة ببوستها الذي فتحته وألا ينعرج إلى موضوعات أُخرى ليست ذاعت علاقة بموضوع البوست الرئيس. فلم تكن القضية هي: هل راسلتها عبر الماسنجر أم لا. ولذا فإن آخر رسالة وجهّتها لها في ذلك البوست كان مُحدداً بقولي: "لو كان وجه اعتراضك هو أنني أرسلتُ إليك رسالة على الماسنجر فأنا أعتذر"*
ومازلتُ أختلف مع تيسير عووضة حول جدوى فتح ذلك البوست، لأن هذا رأيي الشخصي، ومازلتُ أرى أن مجرى ذلك البوست كان مصيره إلى حشد التضامنات حتى وإن لم تقصد ذلك، وما زلت أرى أنها أخطأت كثيراً عندما وصفت زميلاً بأنه منافق، بل وزادت على ذلك –في إحدى المداخلات- أنها لو كانت في مكانه لشكرته على دعائها، فليس من المنطق أن أفرد بوست بعنوان (اللهم إني أشكو إليك أمتك المنافقة تيسير عووضة) ثم أقول بأن هذا دعاء لها لا عليها، بل وأتمنى منها أن تشكرني عليه؛ ولأن المبادئ لا تتجزأ فكما نعترض على البذاءة اللفظية ضد العضوات، فإننا نعترض على البذاءة اللفظية ضد الأعضاء كذلك، حتى لا نوصف بازدواجية المعايير.
هذا ما وجب التنويه إليه، وأرجو أن يتوقف هذا البوست إلى هذا الحد، فأنا مبدئياً لا أطعن في صحة الرسالة على الإطلاق.
• يبدو أن بكري أبوبكر حذف بوست تيسير عووضة، ولا أتذكر الجملة حرفياً. (يا خسارة شبابك يا هشام آدم)
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Hussein Mallasi)
|
Quote: قيام حمور بترديد الملاحظة الذكية لسارة و حشر مداخلته
أعلى مداخلتها ليبدو صاحب الفكرة أمر مدان و مرفوض. |
ينصر دينك يا ملاسي..
ـــــــــــــــــــــــــــ
خلينا جادين..
انا وحمور كنا بنهظر في مداخلاتنا الفوق..
وممكن تقول توارد خواطر..فكرنا فيها سوا..الفرق انو ما عمل رفريش للصفحة وبالتالي ما شاف مداخلاتي..وانا جيت رديت عليه باسلوب هظار..
وما اظن تفكير حمور وصل للدرجة دي..اي زول لو ركز غيري او حمور كان يمكن يصل للنتيجة..
هشام آدم...
شكرا..مداخلتك هنا مهمة
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سارة علي)
|
وممكن تقول توارد خواطر..فكرنا فيها سوا..الفرق انو ما عمل رفريش للصفحة وبالتالي ما شاف
مداخلاتي..وانا جيت رديت عليه باسلوب هظار..
وما اظن تفكير حمور وصل للدرجة دي..اي زول لو ركز غيري او حمور كان يمكن يصل للنتيجة..
كسرت لي الدوش في يدي ياسارة ..كنت عايزة اتضامن ..
دايرة لي سبب مع حمور لكن ..
..........................
ياسر طيفور إجتهادك طلع فشنك ..بعدين خلونا نثق في بعض شوية مهما أختلفنا .
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: أيمن الطيب)
|
يا سلام عليك هشام آدم وكدة يكون أدب الخلاف
إحترامى الشديد
يا ياسر طيفور سلام
قريت أول البوست الصباح .. ومرقت قلت تتصافو ويضيع سؤ الفهم .. لكن لسة مدورة .. أولآ هشام ما نكر .. وثانيآ ياخ تيسير حلتا ببساطة قالت: | Quote: أحتفظ بالرسائل في word file |
والدليل فى الأمثلة بتاعتك :
لاحظ النقاط فى العناوين date..to from .. subject أقصد النقاط هكذا (:) .. فى الظروف العادية بتظهر بعد الكلمة .. ولكن لأن تيسير نقلتا الى word كوبى بيست ما صورة إتكوجنت الخطوط بين العربى والإنجليزى .. لأن التصميم فى النت غير الوريد .. ويبدو ويرد تيسير عربى ..
فكونا ياخ وما تحكوا كتير بجيب الملامة ساكت
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: سناء عبد السيد)
|
طيفور
يؤسفني انك تشكك في مصداقية تيسير
عموما انا واثق تماما انو تيسير لم تؤلف هذه الرسالة
وانو فعلا بتكون جاية من هشام
مع انو مافيها شي وهي رسالة عادية
بس اثق تماما في صدق تيسير عووضة ولايخالطني شك في صدق تيسير وادب هشام تجاه البنات..
الرسوم التي اوردتها ليست بينة كافية للتشككيك
كما ان صورة الرسالة نفسها ليست بينة كافية لكونها من هشام
بس هشام في البداية اعترف بيها ضمنيا ..
ودي بينة اكيدة في انو رسل ليها قبل كده
الزول لو مارسل لي زولة بكون متاكد وعارف..
دي مارسالة لي ام او اخت او خال عشان مصاريف وانما رسالة لي عضوة في منبر فيهو قصص..لذا من الصعب النسيان
بعدين ..اصلا لو كان القصد من رمي الجتت كانت كتبت اشياء مزعجة واكثر حرجا..
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: ود محجوب)
|
ود محجوب
والله مشتاقين
| Quote: اول حاجة خليه يطلع من الورطة دى وبعدين تعال حرش فيه الناس. |
غايتو إلا يقول هو بيل غيت عشان يتخارج (وجه ضاحك بخبث)
والله يا ود محجوب جيت جاري جري عشان أحصلوا ونكتل الموضوع دا قبال ما ناس علاء الدين يوسف المتلقين حجج ديل يصحوا تصحى لكن صحبك ابى يسمع كلامي وحتى قال لي انت واحد نوباوي ساكت شن عرفك بأمور الجلابة والنقاش الكبار كبار في التكنلوجيا..
بس هو صحبي وانا مجبور عليهو أعمل شنو
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Shams eldin Alsanosi)
|
Quote: غايتو إلا يقول هو بيل غيت عشان يتخارج (وجه ضاحك بخبث)
والله يا ود محجوب جيت جاري جري عشان أحصلوا ونكتل الموضوع دا قبال ما ناس علاء الدين يوسف المتلقين حجج ديل يصحوا تصحى لكن صحبك ابى يسمع كلامي وحتى قال لي انت واحد نوباوي ساكت شن عرفك بأمور الجلابة والنقاش الكبار كبار في التكنلوجيا..
بس هو صحبي وانا مجبور عليهو أعمل شنو |
اهلا شمس الدين الراجل الكلس .
ياخى انت بتغيب كتير كدا وين ؟؟ بتمشى وين؟
ياخى الظاهر زرت ام بدة لسه ما مرقت منك.
وبعدين صاحبك ((الفقرى)) دا عرف التكنلوجيا وين؟؟
دا يا دوب يعرف يتصفح . ولما ينحت نافوخو يدخل الفيس بوك.
تحياتى للأسرة
ووين صاحبك عبدالله عبد الرحمن ((عبدو) اخبارو مقطوعه.
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
|
حاجة غريبة
من أول مداخلة قالو ليه سيد الحق راضي شن دخّل القاضي
وبرضو مُصر على "التزوير" (إظهار أمر بخلاف ما هو عليه)
Quote: , 00:25 ص
Wathig Makki
.
تاريخ التسجيل: 15-05-2006
مجموع المشاركات: 394
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: Yassir Tayfour)
غريبة مع انو هشام ادم اعترف بي استلامو الرسالة !!!
سلام يا يا سر |
الفراغ مصيبة,... ومصيبة أكبر تضييعه فيما لا يجد نفعاً
كمال
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: lana mahdi)
|
HAIDER ALZAIN
لاتصطاد الصداقات فى الماء العكر..
ولاتخرج ماكتبته لك فى ذاك البوست المسحوب وسابقه عن سياقه..
أول واحدة كانت فى بوست لعضو حزب أمة ضد عادل وثروت وكانت عبارتى كالآتى:
شهادتى فى ثروت مجروحة كما (يقولون):
فثروت يموت من العطش إن لم يتوضأ عادلى عبد العاطى..
فجئت أنت لتصطاد صداقة عادل فاخترت (يقولون) وقلت: برضوا قوالة (أو نحو ذالك)..
ففهمك الفطير والذى أدى لردك المستعجل فى شيئين:
الأول كلمة يقولون هنا ليست بمعنى قالوا لى أو قوالة بل تأتى بمعنى العبارة التى تعارف عليها الناس وصارت كالمثل أو الحكمة وعندما توضع بين قوسين تعنى أننى عندى رأى فيها..
ومثال لذلك أن تقول: أنا وأعوذ بالله من كلمة أنا كما (يقولون).
والثانية هو الكلام مبنى على مواقف سابقة بين ثلاثتنا وأعضاء حزب الأمة..
ففهم أعضاء حزب الأمة بأننى أقصدهم كما فهم عادل وثروت المقصود بالضبط..
لذا لتفهم النقطة الثانية يحتاج منك لزمن فى المنبر لمتابعة مواقف الأعضاء لتفهم سياق مداخلاتهم..
وهذا ليس تصغيرا لك بقدر ماهو شرح لواقع يحتاج منك زمن لتفهمه بالمتابعة وذلك طبعا إن أردت ذلك .
أما ماورد فى البوست المسحوب لصاحبته تيسير عووضة كانت مداخلتى كالآتى:
ياتيسير
نحنا مصدقين رسالة هشام آدم..
لكن أنا ودكين وآخرين مامصدقين ال14 رسالة من (المحترم)
ولانطالبك بإنزالهن ولكن نقبل شهادة حيدر حسن ميرغنى لوحده..
وجئت أنت لتصطاد لنفسك موقف العاقل الرزين وكتبت بعد أن إقتبست جزء من مداخلتى:
يا اخوانا قبل ماتنظروا أقرو البوست من الأول..
وهنا ولحداثة عهدك بالمنبر لم تقرأ ما أقصده بين السطور والذى يقود لروح المداخلة..
وهذا هو أسلوبى فى بعض البوستات ولا ألزمك بهضمه أو فهمه أو متابعته ولكن إن أردت الرد فاسأل عن مغزى المدخلة وإلا تحمل ردة فعلى..
فالشرح كالآتى:
حيدر يفترض يكون شاهد يقرأ المسنجر وبأتى بشهادته كمافعل كمال عباس وذلك تجنبا لإنزال الرسالة الخاصة فى العام, وإلا كانت تيسير أولى بإنزالها مباشرة.
حيدرأنزل الرسالة (بضبانتا)..
وفى قراءتى للبوست لاحظت بعض عاشقى الشمار عايزين يشوفوا الرسائل ال14 كان أصدقهم دكين, فجمعت دكين ونفسى وآخرين لإشهاد حيدر على الرسائل وحيدر يفعل بجميعها مافعله برسالة هشام.
وكل الموضوع لايعدو كونه مزحة مع صديقنا حيدر.
فهل أوصلت لك ما أوجزته سابقا?
| |
|
|
|
|
|
|
|
|
|
Re: عفواً تيسير عووضة، أربعة عيوب خلقيَّة تكالبنّ على الإيميل.. توجد صور وبينات.. (Re: osman righeem)
|
Osy ya shageeg
Insha'allh I will keep it white clean and crystal clear, as I have not come to my conclusion yet, I will state the reasons that made me open this issue again..
___
To everyone else, I promisse you that everyone will go home happy, unless he/she likes otherwise..
____
Frankly, you made my day, what r u doing here? lol
don't worry I've kept some lunch for you, but it's oky, you can take it as a dinner or "sahour", it's urs 
| |
|
|
|
|
|
|
| |
Yassir Tayfour
Wathig Makki
هجو الأقرع
خدر
Ridhaa
Amin Mohamed Suliman
حيدر حسن ميرغني
Shams eldin Alsanosi
سناء عبد السيد
الزوول
Elhadi
محمد حيدر المشرف
حمور زيادة
سارة علي
هشام آدم
Hussein Mallasi
داليا حافظ
محمد عبد الماجد الصايم
عاطف عبدون
أيمن الطيب
رأفت ميلاد
ود محجوب
khaleel
Rawia
Abdel Aati
HAIDER ALZAIN
Frankly
Fathi Ali Mohammed
خالد عبد الله محمود
كمال عباس
الطاهر ساتي
osman righeem
lana mahdi
فيس بوك
تويتر
انستقرام
يوتيوب
بنتيريست