دعواتكم لزميلنا المفكر د.الباقر العفيف بالشفاء العاجل
|
|
 سوقنى معاك يا حمام) الى روح اختى (سميه) وهى تنهر دموعنا
|
اختارت سميه ان تموت فجاءة وبشكل اسطوري رقيق
الموت يخطف اعز الناس ضحكاتها لا تفارقنى ووجهها البشوش عندما يتهلل
اري (سميه) على ظهر حصان يخترق حاجز ذهولنا وهى باتسامتها الطفوليه وقلبها السلس الناعم مثل الماء تنهرنا على دموعنا
لها الرحمه والمغفره وليصبرنا الله على تقبل رحيلها الاليم
شكري لكل من واسانا فى مصابنا ولا اراكم الله فى عزيز لديكم
|
|
 
|
|
|
|
|
|
|
|
Re: سوقنى معاك يا حمام) الى روح اختى (سميه) وهى تنهر دموعنا (Re: ناظم ابراهيم)
|
الى روحها العظيمه اهدي احب القصيد اليها
سوقني معاك يالحمام
... ...
سوقني محل ما الحبيبة
قريبة تراعي الغرام
غريبة الأشواق حبيبة
يجيبا منام في منام
... ...
سوقني محل ما المحنة
وأيادي تقطّر سلام
سماحة الحياة فوق أهلنا
وبلادي تقرقر وئام
... ...
غلابه وأمان مو الطيابة
ضكارى بصارى وكرام
حباب الحبان في بابه
وتدخلوا عليّ الحرام
فقارى ولكن غنايا
غنايا بهذا الغمام
بهذا النيل كم تغايا
وتيرابا نرميهو قام
... ...
إرادة القمره البتقدر
براها تضوي الضلام
شعاع شمشاً ياما خدّر
وإذا يبَّس لا يُلام
... ...
فيابا خرابا الحرابة
وخرابة فكر سوسي سام
خرابة الكل نفسو تأبى
عقابه .. تلِم عم سام
... ...
ولِيد مخلوق للقرايي
خزين مدخور للجِسام
تتمر نيتو التخايي
إلاما مذهلل إلام
درب من دم ماب يودي
حرِب سُبّه .. حرب حرام
تشيل وتشيل مابيِ تدِّي
عُقب آخرتا إنهزام
... ...
بطانة الشيطان قديمِة
وبعد دا منو العرشو دام
إذا الإنسان ما ليهُ قيمِة
علي إيش خلَّفُو سام وحام
... ...
تعالوا الدم ما هو مويةِ
ولا ها ترايي المسام
خباري بحمر في اخويا
وطراوة الخوة إبتسام
... ...
تعالوا نحانن بعضنا
نخل قلبو على التُمام
نبضنا يشهل أرضنا
وأرضنا تجِم العضام
... ...
تعالوا بدل نبني ساتر
نخيب ظن الصدام
نطَّيب للعازه خاطر
نقوم لأطفاله سام
... ...
أخير كرّاكةً بتفتح
حفير وتراقد الركام
أم الدبابة البتكشح
شخير الموت الزؤام
... ...
تعال لي غابتك يا خيرا
تعال لها يا أسده الهمام
بدل دوشكة يغني طيره
محل قنبلة عش نعام
... ...
بلد صمَّي وشعب واحد
عصية على الإنقسام
أبيه وبكراها واعد
صبية ومشهاده تام
... ...
بساطا أحمدي كم يشيلنا
وتشهِّلنا على الدوام
نَقِل لينا تقوِّي حيلنا
ودليلنا تمام التمام
... ...
نلقّم سقف المتاهة
نجم هدّاي في الضلام
ونطعِّم حرف النزاهة
لإيئلافك يا حمام
ديموقراطية وأمان
سوا .. سوا عالين مقام
مواريثنا المن زمان
محصَّنة في أروع نظام
... ...
بريدك يا زول بريدك
بعشقك حتّى الهيام
أريحيتك عد تزيدك
مهابة وليك القيام
... ...
عهدي معاك يا حمام
حبِيْب الرُسل الكرام
رسول الأمراء العظام
عصامي على ما يرام
... ...
ماب تهدِل في خنادق
ولا ب تقدِل فوق حطام
ولا ب تنزل في فنادق
وسطنا مراعيك قُدام
... ...
فيا ملدوغ من أديس
معوَّق في كوكدام
تعال عمِّر فينا ميس
كفانا طشيش الكلام
جناحيك جنوب شمال
وأمش طوِّف يا حمام
محِل غصن العزّة مال
عليك وعليهُو السلام
حكيم الطير يا مهبِّر
شُراكة القَتَلة اللئام
متين بإسم الحق تكبِّر
وبالرحمة تصلِّي إمام
... ...
فلاحة العالم تعمر
محبّة مودة ووئام
تشمِّر ساعد السلام
... ...
سوقني زمن كُلُّو عافي
نتاجو عِلم خيرو عام
بري آيمة من المنافي
وطن وافي على الدوام
__________________
| |
|
|
|
|
|
|
|
|
|
Re: سوقنى معاك يا حمام) الى روح اختى (سميه) وهى تنهر دموعنا (Re: ibrahim alnimma)
|
ما عايزه أقول ليك ...كيفك يا ناظم...
عارفاك كيف....!!
فراق زى ده إنشاء الله ما ينقسم لحبيب ...
يا ناظم أنا ما لاقيت سميه
لاقيتها الصيف الفات ده...
جاتنى فى البيت...ضحكنا زى البنعرف بعض من سنين...
زوله مليانه حياه..ناس بيتنا كلهم حبوها...
نجوى أختى قالت لى بعد تسافرى ح امشى ليها..
ليه يا ناظم الناس الجميلين بمشوا من دنيتنا سريع كده؟؟
عادل رحل قبلها بى ساعات...حوالي تلاته ساعات...
الحزب فقد تلاته من خيره شبابه فى اربعه أيام..
والوطن فى أمس الحاجه ليهم...
نقول شنو يا ناظم...
الصبر...!!...وهو فى غيره؟؟
إنشاء الله ربنا يرحمها..ويعوض شبابها الجنه..
إقبال
| |
|
|
|
|
|
|
|
|
 Re: سوقنى معاك يا حمام) الى روح اختى (سميه) وهى تنهر دموعنا (Re: Rabab Elkarib)
|
لاحولا ولاقوة الا بالله العلى العظيم..
صـادق التعـازي لك أخـي ناظـم وللأسـرة الكريمة في هـذا الفقد الأليم. أدعـو الله أن يتغمد الراحلة سمية بواسـع رحمته ومغفرته، وينزلها منزلة الصالحين والصديقين والشهداء، وأسأله سبحانه أن يلهمكم الصبر الجميل، إنّه سميعٌ مجيب كريم مجيب الدعاء
وانا لله وانا اليه راجعون...
| |
|
|
|
|
|
|
| |
ناظم ابراهيم
emad altaib
سلمى الشيخ سلامة
ibrahim alnimma
Egbal Elmardi
amar adam
محمد عبد الماجد الصايم
AnwarKing
حافظ حسن ابراهيم
Tumadir
هند محمد
يحي ابن عوف
عمر صديق
أبو ساندرا
Rabab Elkarib
ماجدة عوض خوجلى
ahmed khidir
Yassir Tayfour
Amin Mohamed Suliman
Rashid Elhag
Sidgi mattar
Hadeer Alzain
Sidgi Kaballo
lana mahdi
mustafa mudathir
أسامة عبد الجليل
أحمد طراوه
فيس بوك
تويتر
انستقرام
يوتيوب
بنتيريست