|
دعواتكم لزميلنا المفكر د.الباقر العفيف بالشفاء العاجل
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
أتتني هذه القصص الطريفة في إميل من إحدى الصديقات
فأردت إشراككم في محن (بعض) إخوتنا من الرجال بعد الزواج ..
وإليكم القصص:
القصة الأولى:-
جعلته يتوسد ذراعها .... كان ضوء القمر يغسل وجهيهما.. سافرت مع النجوم البعيدة.. همست له ...
كل يوم يزداد حبي لك....تري... هل تحبني مثل ما أحبك؟؟؟ و هل أنت سعيد في زواجك مثلي ؟؟؟؟
رد عليها:- ده ما وكت هزار...عندي شغل كتيير بكرة....
| |
 
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
القصة الثانية:-
قصٌت شعرها الفاحم الطويل...أرادت أن تفاجئه بالنيو-لوك.... تأنقت....تعطرت....إنتظرت عودته....
تناول غداءه صامتاً و إستعد لقيلولته.....لم تجد بداً من سؤاله....(( ما ملاحظ حاجة جديدة فيني ))؟؟؟؟
تأملها لعدة ثواني ثم رد بإستخفاف : (( حركات المُراهِقات دي شنو؟؟ ركٌبتي عدسات؟؟؟؟!!!!))!!!
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
قصة ثالثة:-
طال غيابه ... طالت ماموريته هذه المرة خارج البلاد كغير العادة ..
إتصل هاتفيا: خلي محمد ود سميرة أختي يجيني في المطار بكرة الساعة 6 مساء
ردت: حاضر حبيبي
قضت تلك الليلة لم تذق جفونها النوم .. تخيلت كيف إحتضنته وهو خارج من (صالة القدوم) في المطار ..
غير آبهة بنظرات الناس .... وووو...
المهم منذ الصباح الباكر بعد أن وصلت العيال للمدارس بدأت في تجهيز البيت وترتيبه كالعادة..
ذهبت الكوفير ولبست أجمل الثياب وإستقلت التاكسي نحو المطار .. ها هو قادم نحوها...
ضايقتها ضربات قلبها حتى أعطت ثغرها فتحة تستطيع إستنشاق قليل من الهواء لتريحها ...
ما ان إحتضنته إلا وقال لها (مية مرة ما قلت ليك ما تطلعي براك؟؟)
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
قصة رابعة:-
على أنغام أغنية محمد عبده ((إختلفنا مين يحب الثاني أكثر .... وإتفقنا ... إنتي أكثر وأنا أكثر )) ..
كان يراقصها و يهمس في أذنها ((إنتي أمي وإنتي أختي وإنتي بتي ...إنتي حبيبتي وحتة منى ))...
خارت قواها من النشوة ...أسندت رأسها على صدره و هي تردد (( و إنت سندي...و إنت سبعي و إنت ضبعي...أنت بابا و إنت ماما و إنت أنور وجدي ))!!!!
أفاقت من غفوتها ضاحكة ... وهي تردد (( خير ....اللهم أجعله خير ))...!!!
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
كان يحبها حد الجنون ..
حتى أن لياليه كانت أطول حتى فات الأمر حد التحكم فخاف عليه أصحابه ..
جمعوا له (الفيها ) النصيب ( وزفوهو ) إلى المطار " طائراً " لها فاتحاً زراعية لفرح طال انتظاره ..
دخل عليها وهي تبدل ثوب عُرسها رافعاً يديه إلى أعلى صائحاً " الليلة ووووووووووب " ..
ذعرت ثم استكانت للأمر ..
ومرت السبعة السنوات الأولى ..
عاد يوماً إلى داره بأحد حواري الرياض .. متعباً .. يتوق إلى النوم والاسترخاء فغداً يوم آخر من الدوام الطويل والإرهاق ...
لمح من شباكـ شقته تصاعد دخان الطلح " فزمزم شفتيه " ولبس وجهه تقاسيم صارمة تعطي انطباعاً بأن الرجل يعاني من إرهاق وصداع شديدين..
دخل البيت دون سلام ضارباً الباب برجله صارخاً في طفله الذي هب لاستقباله " ما عايز إزعاج " أنا مصدع وتعبان عايز أنوم .
دخل إلى غرفته دون أن يخلع ملابس العمل " ساحباً " أقرب بطانية على سرير غرفة نومه مغطياً بها كل جسده ، مبتسماً بخبث .
فجأة انشقت الأرض عن زوجته وهي تصيح بعد أن رفعت البطانية من على وجهه رافعةً أياديها إلى أعلى صائحةً ..
.
.
.
.
( الليلة وووووووووووووووووووب ) ..... 
" واقعية بتصـــــــــــــــرف "
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: عمران حسن صالح)
|
قصة خامسة:-
عاد من الخارج و هو يهذي من الحمى ...إنفلونزا حادة ... صرخ متألماً (( دثروني...زملوني ))...
ركضت هي للتخفيف عنه .. تحول المنزل إلى غرفة طواريء .... هدوء ... ممنوع الإزعاج ... ممنوع إصطحاب الأطفال .....
ليمون دافيء ... كركديه.. عصاير... فطاير... مكمدات ... مساج ... تدليك ... حنان و تحنان ... تماثل للشفاء ...
عاد من عمله يومها ليجدها تهذي من الحمى ... لا بد إنها العدوى ...
تمتم قائلاً (( قومي خلي الجرسة و دلع النسوان ده ... أمسكي عيالك عليك ... تعبان داير أنوم )) ...
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
كان اول يوم لهما فيما يسمى بشهر العسل
وهما يدخلان باب الفندق كادت ان تنزلق بفعل السجاده
افتعل المشكلات من أجلها وصاح باعلى صوته اهذا مكان توضع عليه تلك الاشياء لكي يصاب الناس
بعد ثلاث ليالي وهم يهمون بالخروج حدث نفس الموقف حينها التفت اليها وقال
عميانه ما بتشوفي
والله ناس الدنيا ديل
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: الطيب عثمان يوسف)
|
Quote:
*** زوجتى قالت عندها واحده
|
يا غاليتنا جنابو ناهد إزيك وليك وحشة والله !!
بالله فتيهو لينا هنا "كللللو" جنابو الطيب دا وعمايلو 
وهو روحو رياضية حا يتقبل أي نقد "جاي باللفة" بصدر رحب
وفي إنتظارك على أحر من الجمر
Quote:
*** و أنا عندى كميات .. بس خايف من الدق بى وصلة الكمبيوتر ... الوجع ما مشكله بس بتترك أثر |
وبالمقابل يا جنابو ناهد أديهو الأمان عشان ينداح حكي ..
بس ما تكسري ليهو الكمبيوتر بعد داك في راسو ههههههههه ..
الدق هين يا جنابو المشكلة الكمبيوتر فيييي عضمو
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: ياسر عبدالكريم محمد)
|
| Quote: ليك الامان مثني وثلاث ورباع .. |
حيدر الزين يا جميل .. دا الامان و لا بلاش
جات تشكي لي بعلها(ماي بست فريند ). . .
انو قالت ليهو : شوف ليك خمسمية عشان تشتري بيها خروف كرامة لنجاتي من طقة كهربة الغسالة ؟
قال ليها : لو لقيت خمسمية طيب ما اشتري غسالة جديدة !؟!
قلت ليها : كويس ما قال ليك طيب مااعرس بيها مرا تانية ما بتنضرب بكهربة الغسالة بالساهل ؟
ست الداربت الزين سلام
وصلتوا كم في الرقم ؟
باقي القصة الفوق دي حقيقية لكن عندي ايميل فيهواتنين
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: قيقراوي)
|
القصة رقم ( كم مش عارف )
قالت الزوجة : بعد مضي 18 عاما من الزواج وطهي الطعام , أعددت أخيرا أسوأ عشاء في حياتي . . .
كان الخضار قد نضج اكثر مما يجب , واللحم قد احترق , والسلطة كثيرة الملح . . .
وظل زوجي صامتا طوال تناول الطعام . . . !!!
ولكني ما كدت أبدأ في غسل الأطباق حتى وجدته يحتضنني بين ذراعيه ويطبع قبلة على جبيني ,
فـسألته : لماذا هذه القبلة ؟
فـقال : لقد كان طهيك الليلة أشبه بطهي العروس الجديدة , ومن ثم رأيت أن أعاملك معاملة العروس الجديدة
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Abdlaziz Eisa)
|
سلامات يا هدير..
وعلك بخير...
غايتو شكلو كده البوست هبوبو حائمة..وقيامته قايمه...
اها..
غايتو انا ما متزوج ...!!
لكن بسمع قصص من اصدقائ و صديقاتي...و بقعد امــــــــوت من الضحك!!
و مرات كده بكون حاضر الحاجات دي..معاهم....!!
غايتو جنس محن؟؟
اها منكم نستقيد..يعني باعتبار ما سيكون...(الله اعلم)!!
بس يا عبد العزيز صعبت الحالة شديد بالكاركاتير ده...
يعني ما نفكر و لا شنو؟؟
كل الود و الاحترام..
هواري
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: شكرا على ايراد القصص
وفعلا واقعية بناءا على قراتي للواقع
اها نحكي نفته ولا نخلي الطابق مستور
تحياتي |
الغالية د. صفية
يا دوك .. البوست صنع خصيصآ لفت عمايل الرجال بعد العرس
عشان كدا بالله .. حلفتك بالله .. كان ما جيتي فتيتي دلع الرجال المابين يكبرو كلو كلو ديل!!!!
دايرين يبقو أطفال ومدلعين للأبد .. إبتداءآ بلأم .. وإنتهاءآ بالزوجة التي تبحث عن الحنان والدلع
في عضم رقبتها دي .. وهم داقين طناش
عشان كدا بالله تعالي أكشفي الطبق .. كفى سترة
وتحياتي ليك وعودة ميمونة للمنبر بعد طول غياب
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: هواري نمر)
|
قصة سابعة:-
في يوم عيد زواجهم لبست أبهي حللها و تعطرت وتأنقت .... فتحت له قبل أن يفتح الباب .... وقفت أمامه
قال ليها:
زحي يا ولية خلينا النخش .... دخل ... تبتعته إلى الغرفة إلتفت إليها نصف التفاتة ....
قال ليها:
جني وجن زول يبارني ... إنتي مالك الليلة؟!!
قالت له:
ما مذكر الليلة شنو؟
قال ليها:
لا في شنو؟!!
بخيبة أمل قالت له:
اليوم عيد زواجنا ..!!!
سألها:
العيال وينهم؟
قالت ليه: مع ناس أمي. عشان قلت نطلع اليوم نتغدى برة..
قال ليها: أنا تعبان ما بقدر أمرق .. وما كان تودي العيال ناس أمك ..
سكتت ... رن جرس الهاتف
رفعت السماعة ... وجدت صديقه الذي لا تحبه في التلفون ...
سمعته يقول له : اليوم الولية قالت نحتفل بعيد زواجنا!!
ضحك شديد وتعليق بصوت منخفض مش بالله ؟!! ... أوكي أديني نص ساعة بكون معاك.
إلتفت إليها وقال: سأخرج وفي الرجعة بجيب العيال ....
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
قصة ثامنة:-
قامت بعمل شاي المغرب أحضرته له أمامه .... قال يريد سكر زيادة ...
ذهبت إلى المطبخ بصعوبة وهى تتوقع أن يبدأ طلقها في أي وقت فقد رأت إشارة للمخاض .
رفعت يدها صرخت له. أتاها متثاقلآ .... إتصل بأمها ثم أخذها إلى المستشفي متذمرآ ....
حامل 9 شهور ما لقيتي تلدي إلا يوم لعبة الهلال والمريخ؟!!! .... أصلك زي الديك الما بيعرف الوكت ...
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
هدير سلام .....
مقارنه بين الزوجه السورية و السودانية
لو راجلا وقع فى السلم السورية بتقول لزوجها...
ولي على آمتي، سلامتك حبيبي أنشاء الله ، انا ولا انتا ابن عمي تأبرنى إبن عمى خلى بالك روحك إنا اللى بائيلى فى دونيتى ( ميته خوف عليه )
اما الزوجة السودانية......
مالك عميان ولا شنو عما كباسا....مرمى الله ما بترفع دا كلو من عمايلك قوم إتنفض أمش جيب اللبن الاولاد دايرين انومو
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
الحمد لله لا عرسنا لا دايرين نعرس عشان العمايل دي.... |
حافظ سلامات أخوي .. أوعى تكون فهمت عمايلن راجعة للنساء .. تكون بالغت والله!!!!
قمت عشان كدا رديت بناءآ على ذلك!!
ياخ البوست عن عمايل الرجال ومواصلة دلعهم في الزوجات بعد الزواج
عشان كدا عرس .. عرس وبسرعة كمان يا أخوي
أعد الكرة مرة أخرى
وشكرآ على المرور بي هنا
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: ود الزين ...
عندي واحدة بس عايز الأمان ..
.
.
الأمان من الرجال طبعاً...!!!!!!! |
الأخ العزيز عمران تحصل كتير ولا يهمك .. إتعودتا على كدا .. وبيني وبينك مرات بتريحني ..
وتشكر على المرور الكريم وعلى الليلة وووووووووووووووووووب
وبالله يدك معانا في وضع بسمة على ثغر المنبر لحين عودة الغائبين ..
وما تنقطع ياخ!
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: قصة 8 :
كان يحبها وكانت تحبه..
وكان الله يحب المحسنين .
ههههههه |
عبد المنعم سخش صيآ!! يا 1000 مرحبا وشكرآ على المشاركة المرحة ..
لمن تروقو كدا كلكم بتبقو حلوين يا إخوة المنبر ..
ياخ الدنيا الزايلة دي لا تسوى غير الإبتسام والضحك في وشها
لمن تتحير هي زاتا وتبطل تعكنن عليك
حقو نعمل شعار المنبر : إبتسامة دائمة وما تنسى كمان فوائدها الصحية
وصدق المثل: أضحك تضحك لك الدنيا
تحياتي وتقديري
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Rashid Elhag)
|
اتفقنا ....اتفقنا ........موسيقى .......ندى القلعة تخش .......
.
الخلاصة.....
1- الجانب المضئ (الرجال) : الرجل السودانى لايستطيع ان يعبر عن حبه لزوجته ....خجلا...كبرياء .....النشأة الجافة....
2-الجانب المظلم (الرجال): دون التعميم الغالبية .......عينهم زائقة ....حتى لو كان متزوج اجمل الحسان ....البئة وعدم الوفاء
3-الجانب المظلم (نساء): الاجيال ماقبل 1980 لديهم العاطفة توقفت بعد الطفل الثانى واصبحت الحياة تكرار منفر.
4- الجانب المضئ(نساء) الاجيال الحديثة تسلحت بالعلم والتوفيق بين العاطفة والامور المنزليه وان مازالت هناك بعض الهنات
دمتم بخير...
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Abdlaziz Eisa)
|
غير قابل للترجمة...وكدة
THE LOVING HUSBAND
A man had two of the best tickets for the FA Cup Final. As he sits down, another man comes along and asks if anyone is sitting in the seat next to him.
"No", he says, "the seat is empty."
"This is incredible!" said the man, "who in their right mind would have a seat like this for the FA Cup Final, the biggest sporting event of the year, and not use it?"
He says, "Well, actually, the seat belongs to me. My wife was supposed to come with me, but she passed away. This is the first Cup Final we haven't been to together since we got married."
"Oh... I'm sorry to hear that. That's terrible. I guess you couldn't find someone else, a friend or relative or even a neighbour to take the seat?"
The man shakes his head... "No. They're all at the funeral."
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: نحن خايفين من دق (القاش وبي حتة الحديدة) الابو عسكري والاخو عسكري ......
اخير نسكت. |
ههههه .. فعلآ آي أخير تسكت يا جنابو عمر مش لأنك خايف من الحكومة .. بس لأنو نحنا عارفين البير وغطاه
من دلع وعناد وقليل من غتاتة وو .. الخ ... خلوها مستورة يا أخواني الرجال (الذين يتحولون لكائنات غريبة بعد الزواج )
الله يعين أخواتنا النساء عليكم ..
تحياتي
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
عبدالعزيز شكرآ على الكاركتيرات المعبرة .. لا عدمناك أخي
وتثبيط المعنويات ليك شنو؟؟ خلي هواري يكمل نصف دينه!!
هواري دا ماااا أظن حا يطبق القصص والنظريات الفوق دي في شريكة العمر
|
الأخت هدير
سلام
والله انت طيبة.. أخوي هواري ده لسه بيبحث عن ذاتية النصف الأول تقولي ليه نصف تاني..
انا نصيحتي الأخوية لا يجرب .. لا يرمي بنفسه في التهلكة..
عوام في البر أفضل من الشرقة والقحة.. هذه اذا ما كانت فيها غرق..
تحياتي
عبدالعزيز
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: فرد عليها سريعا
وبغضب حاد بقينا 11 (حداشر) فسالته خالته ثانيا كيفن ياولدى؟
فقال لها والله ياخالتى المره دى بقيت اشوفها عشره عشره؟ |
عشره عشره عدييييييل كدا؟ ههههه
والله يا ضحية كتلتني بالضحك يكون زولك دا قبل العرس شايفا ملاك بس .. وهي برضو
غايتو الزواج دا في الخيال سمح .. بمجرد ما يبقى واقع تعال شوف السكلبة والعشره عشره 
شكرآ أخوي على وجودك هنا وعلى المشاركة الظريفة ولا عدمناك ..
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: شنو يعني...خليتي سوزان بويل وقبلتي علي الرجال بعد الزواج....طيب عشان تكوني منصفة....إيه رأيك في بوست بعنوان....النساء بعد الزواج....تحايا وود..
|
الأخ الكريم راشد سلامات ..
جمبنغ يعني ؟؟!! هههههه
بس متابعين أخبار الغالية سوزان  . اليومين دي سوزان في tour مع قروب المسابقة داخل المدن البريطانية لحين مغادردرتها لأمريكا ..
أنا جندر-باياز .. بوست بالعنوان الذكرتو دا حقو تعملو إنت .. أو أحدهم .. عشان نجي نحنا شايلين عكاكيزنا ونجيكم .. لذا لا ننصح به
جنس النساء عمومآ زي الشفع (وهن داخل القفص) .. البعاملن كوووويس بعاملوه بالمثل .. والبتلوم  بقلبن ليهو ظهر المجن ... لووول
أها أديناك المفيد لذا مافي حوجة لفتح ذلك البوست ..
تحياتي وتقديري
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: الخلاصة.....
1- الجانب المضئ (الرجال) :
2-الجانب المظلم (الرجال):
3-الجانب المظلم (نساء):
4- الجانب المضئ(نساء):
|
حيدر عثمان سلام وتحايا ..
جبت المفيد .. تجارب حياتية غنية وثرة .. يديك ألف عافية ..
في النهاية نحن بشر نخطئ ونصيب .. وأبناء تقاليدنا ..
بس إتذكرو نحن عندنا أحاسيس زي أحاسيسكم لمن تعملو لينا قصصكم الحكيناها دي .. لووول
وبس !
شكرآ أخوي على وجودك هنا وعلى المشاركة ..
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: سيد محمد احمد سيدنا)
|
Quote: منتظرين فى اللفه
تحياتـــــى
ســـيد ســـــيدنا |
سيدنا جايك و ماني ندمان
بس القصة التانية دا بتدورلها نكهة " سودنة " . اعتقد ببقى احلى كدا
شكرن ست الدار انا الاتشرفت بي جيتي هنا
لكن ما عصرتي علينا بقصة الجزم دي ؟
دا في فرنسا ياخ ! و العهدة على الراوي قالوا الراجل بقيموه بلمعان جزمتو . . .
صديقي الجميل حسن عثمان الحسن مهووس بالشُرابات جداً . كان بردد : الرجل شراب
اسي نقوم ندعوا اتحاد النقلتية العرب لإضراب عشان الدرويشات ( الحفيانات ) يكترن
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
غير قابل للترجمة...وكده |
حسن مكاوي إزيك ياخ!
ما دا ظاااااطو الخلانا نفتح البوست !!
الغتاتة عرفناها .. كمان جابت ليها عدم وفاء!! لا حول الله من (بعضكم)!!!!!
ما كلكم .. عشان ما يجوني ناس
جميعة مناصرة الرجل وشنو كدا ما عارفة يدقو ليهم خيمة هنا ههههه .. ويرموني بنيران صديقة
شكرآ ليك كتير أخوي على الحضور والمشاركة ..
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
شكرن ست الدار انا الاتشرفت بي جيتي هنا
لكن ما عصرتي علينا بقصة الجزم دي ؟
|
يا قيقراوي إعتبر البوست بوستك على وزن البيت بيتك
طيب ما تعملو ليكم بالمقابل نكتة ساخرة (روحنا رياضية نحنا) تقول النسوان ديل شرابات ساي
إلا من غيرن الجزم ما بتتلبس !!! أو هـكذا قصص .. ههههههه وأكد على إنو القصة مرح في مرح (عشان ما يجوك ناس جمعيتنا المناصرة) يوروك نجوم الضهر .. لووول
شرفنا حضورك الكريم تاني والله
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
أخوي هواري ده لسه بيبحث عن ذاتية النصف الأول تقولي ليه نصف تاني..
انا نصيحتي الأخوية لا يجرب .. لا يرمي بنفسه في التهلكة..
|
الأخ عبدالعزيز عيسى ..
بعد قصص البوست الطويلة الرصيتها دي كللللها .. برضو نحن تهلكة؟؟ ههههههه
دا نزاع أبدي لن ينتهي بينا .. وكل زول شايف إنو هو الضحية ...
بس بصراحة كدا
الضحية نحنا
مع التحية!
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: قيقراوي)
|
قيقراوي يا حبيب .. سلامات تصلك يا طيب ..
كويس الما قال ليها ابيع الغسالة الما ظبطت الطقة صاح ..
بت الزين اختي .. صباحاتك
Quote: حقو واحد فينا يغير إسمو للعربي ..
|
اها دي حركات النسوان البتجيب ليهم النضمي ذاااتها .. هسع شوفي الاقدمية وين ..
اسالي جنابو الطيب من حقوق الاقدمية دي قبال تقيفي ادارة داخلية ..
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: الطيب عثمان يوسف)
|
حوارٌ بين زوجين ليلة زفافهما
الزوج : يااااه أخيراً الحلم ح يتحقق ... !!!
الزوجة : أبعد عنك ... ؟؟
الزوج : لأأأأأ ابدا.. اوعك تقولي الكلام ( العوير ) دا مره ثانيه ...
الزوجة : إنت ... بتحبني ؟؟
الزوج : اكييييييييييييد . . . ياخ في حياتي ما اتمنيت غير كدا كلو كلو .
الزوجة : طيب ممكن تفكر تبعد عني ؟
الزوج : لا طبعاً ؟ ياخ العوارة ليك شنو الليلة ؟
الزوجة : طيب ممكن تهديني بوسه ؟
الزوج : دي دايرة سؤال ؟ أكيد... كمان حلاتا ذاتو على جضومك ديل ؟
الزوجة : طيب تعتقد إنك ممكن تضربني في يوم من الأيام ؟
الزوج : معقولة بس ؟ ... دا المستحيل ذاتو . . بعدين ياخ انا ما النوع دا من الرجال .
الزوجة : ممكن أثق* فيك ؟
الزوج : حليلو قبلو ؟! ايووووا ...yes ?! في شنو اسي ؟! ليه قلتي كدا ؟!
الزوجه : يا حبيبي ...
.
.
.
.
.
بــــــعـــــــد كم ســـــنـــــــه كدا
وفي ذكرى زواجهما الكم مش عارف ؟ كان هنالك حواراً آخر
إقرأ من جديد من الأسفل إلى الأعلى
------------------------
* قصة قصيرة ( برضو ) عن الثقةالمقصودة :
في قرية عانت الجدب و المحل ردحاً من الزمان . اتفقوا على اداء صلاة الاستسقاء و حددوا الزمكان. . .
كان صاحبنا في تمام الحضور زماناً و مكاناً. و في كامل العدة و العتاد ممسك مظلته بيمينه و مصلايتو بشماله . . .
دي الثقة و لّأ بلاش ؟!
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: قيقراوي)
|
بعد الزواج بفتره طويله
الزوجه والزوج و حوار صباحي
الزوجه**كيف اصبحت
الزوج**الله يصبحك بالخير-يتثائب-امس شايف رقبتك معوجه حننتيني لانك تانيه المخده بالقلبه
الزوجه**الله يجازيك لحقنو بتوجعني ما كنت تصحيني اعدلا
الزوج** -بتثاؤب مختلط بحك الرقبه- خوفتك تفهميني غلط
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: قيقراوي)
|
Quote: كويس الما قال ليها ابيع الغسالة الما ظبطت الطقة صاح ..
|
حيدر الزين
| Quote: هسع شوفي الاقدمية وين .. اسالي جنابو الطيب من حقوق الاقدمية دي |
طبعآ الطيب حايحكم لصالحك .. عشان كدا لغينا الإقتراح فيييي عضمو دا ..
السنةالجاية الريس بكري يمكن يعمل الأ سماء كلها عربي ويريح القادين إنجليزي
سلام!
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote:
إقرأ من جديد من الأسفل إلى الأعلى
|
قيقراوي سلام
تصدق القصة "من الأسفل إلى الأعلى" أكثر واقعية وبتشبهنا .. حتى لو كانو نيولي ـ ويد؟
الهموم والجري ورا المعايش وبعد داك منصرفات العرس "والعروس" وضغوط الحياة التانية
بتطير (ليكم) الرومانس من الراس!! (شفتنا بعد مرات نحن فير كبف ؟!)
تحياتي لك ...
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: بعد الزواج بفتره طويله
الزوجه والزوج و حوار صباحي
|
لؤي أحمد الطيب .. تحياتي لك
طيب نان ما كان يبطل غتاتة ويصلح ليها المخدة بهدوء ودون كركبة؟!!
هسا كان دي هي المسكينة والله تاني النوم ما كان بجيها لو ما صلحت المخدة ..
ألم أقل لكم سادتي إنكم بعد الزواج تتحولون لكائنات أخرى وفي مقولة أخرى لعديمي رحمة!! .. لووووول
تشكر على المشاركة الظريفة يالؤي
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: لؤي احمد الطيب)
|
Quote: الزوج**لقيت فيهو طاقتين بس القصه شنو
الزوجه**لما عرستك امي قالت لي ما تزعلي من راجلك وتغضبي
ولما تغضبي شديد خيطي طاقيه وختيها في الصندوق دا
الزوج**يالله يعني الفتره الطويله العشناها دي انتي ما غضبتي الا مرتين
الزوجه**-لوت خشمها وقحت - كدي ارفع الطواقي
الزوج**-يجد 000/50
دولار وديل شنو كمان
الزوجه**عدد الطواقي البعتهن |
الأخ لؤي ..
غايتو دي مبااااالغة !!!! .. لوووووول .. طيب قروش المغسة دي ما كانت تتبرع بيها ليتامى؟؟؟
خوفي بعد تموت يمشي يعرس بيها .. لا حولا منكم!!..
شكرآ ليك تاني
ودمت بخير
| |
|
|
|
|
|
|
|
|
|
Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
Quote: نحكي ليك نكتة غياظة متل قصة اخوي حيدر الحرقتك فوق دي و العهدة عليهو هو . . .
باقي انا يتيم و محمول وراي كوم عيال
|
يا قيقراوي أخوي إزيك والبركة فيكم في د. عماد رحيل مبكر ومفجع
ربنا يتولاه برحمته. والدوام لله
جايبة ليك آخر قصص حيدر ..
لي يومين ماسكاالقصة وغالبني أنزلا .. قلت أحسن أنزلا عشان الصحة وكدا ...
ليك ألف سلام أخوي ..
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: Hadeer Alzain)
|
قصة عاشرة
واحد تزوج صديقه .. بعد فترة من الزواج سأل صديقه:
أها أاخبارك .... وأخبار المرا !!...
فرد صديقه المتزوج:
مرت شنو يا زول؟؟؟!! والله دي وكت إنتا ترقد في السرير .... وفجأة .... تنقلب على جنبتك
تلقاها في وشك .... ما يفضل ليك إلا تتصل على الشرطة وتفتح بلاغ تهجم ..... !!!!
____
حقوق القصة محفوظة لحيدر الزين
| |
|
|
|
|
|
|
|
|
 Re: الرجال بعد الزواج .. قصص قصيرة .. والرجال يمتنعون (Re: عبدالله كع)
|
Quote: غايتو يا هدير البوست دا مبالغة
كل ما أزهج من المنبر دا بجيهو راجعة
أقرأ الجديد وأعيد قراية القديم من القصص الحلوة الفيهو |
الأخت الحبيبة إنعام عبد الحفيظ
تصدقي أنا برضو!!! ... بمشي وبجي راجعة لأضحك علي ثقالة أخوانا ديل وعمايل بعضهم بعد العرس !!!
وبالله أتحفينا لو كان في الخاطر بعض منها ...
سعدت بمرورك الأنيق
| |
|
|
|
|
|
|
| |
Hadeer Alzain
HAIDER ALZAIN
حافظ حسن ابراهيم
عمران حسن صالح
ادريس خليفة علم الهدي
علا عابدين
الطيب عثمان يوسف
عبد المنعم سليمان
ياسر عبدالكريم محمد
Safia Mohamed
قيقراوي
Abdlaziz Eisa
هواري نمر
omer osman
ضحيه ابراهيم
حسن الجيلى سعيد
سيد محمد احمد سيدنا
Rashid Elhag
سناء عبد السيد
Hassan Makkawi
Muna Khugali
لؤي احمد الطيب
انعام عبد الحفيظ
مريم بنت الحسين
حمد فتح الرحمن
هويدا شرف الدين
عبدالله كع
فيس بوك
تويتر
انستقرام
يوتيوب
بنتيريست