|
دعواتكم لزميلنا المفكر د.الباقر العفيف بالشفاء العاجل
|
|
 Re: I don't know what you heard about me (Re: Shinteer)
|
ياسفيان
ومعتصم الطاهر
وشنتير
ناس
اصحابى فى البورد ده عشرة عمر..الموية ما اندفقت بيناتنا..ما بيننا الا الخير
بقوا يتطنشونى واكتب ليهم يردوا للغاشى والماشى وانا فى النص مطوطحة ..ما دايرة اجيب ليكم عنوان البوستات هنا..عشان لسه عشمانه فى خوتهم
فى حاجات خفية حاصلة فى البورد ده ولا انا بقيت مهلوسة
وناس تانيين ما فى البورد...برضو
مافى داعى لذكر الاسماء
بعملو لى كده ليه ما عارفة..
الضمان ضمان رب العالمين..ولله فى عباده شئون
بينى وبينكم زهجتى مرقت من يدى
الدنيا دى انا طالباها وطن..
وطن عدييل كده..
الادونا ليه ده "ليفه" .. عقد..ومشاكل
الدنيا دى زاتها اظننا عزلنا الزمن الغلط ولا الكرة المفروض نسكن فيها ما ارضية..امكن دى "كرورية"
ما كرة ارضية..
كل ما نقول تتصلح بكرة ...الليل يبدا من الاول..
ياخ انا بكره الظلم والموت والنميمة واغتيال الجمال..
وكل ما تلفت لى نشرة اخبار ولا جريدة ولا مقال ما اشوف الا الكوابيس...
اطير وين؟؟
زهجانة
اخدونى قدر عقلى
والعنوان ده بتاع غنية..
لما اسمعه بحس بيه حاصل على
اخدونى قدر عقلى..يا ناس
انا زهجونووووووووو.....
| |
 
|
|
|
|
|
|
|
|
Re: I don't know what you heard about me (Re: Tumadir)
|
تماضر
كدي قولي بسم الله وشوفي الناس الحواليك ديل كلهم، ماشاء الله عليك. غايتو أنـا لو عنـدي أصحاب ومريدين زي ديل - بغض النظر عن الناس الفتحوا لي- بكون ماداير من الدنيا دي أي شي تـاني. غايتو أظن إنو العنـدك ده وجع سودان سااااااكت وياريت لو الناس السمحين القاعدين بره ديل كلهم يجوناراجعين وندفر السودان ده مع بعض دفره وااااااااااااااحدة وقويييييييييييية ......... يمكن يدور!! مابعيده علي الله، صاح؟؟
بمناسبة الناس السمحين دي ياريت لو تشوفي لي الحاصل هنـا وتفيديني بأسرع ما يمكن
Re: عضو جديد جدا
| |
|
|
|
|
|
|
|
|
 Re: I don't know what you heard about me (Re: Tumadir)
|
الاستاذة العزيزة تماضر
اليوم اوفى اننى لن احتمل
اليوم اوقن ان هذا القلب مثقوب ومهزوم وان الصبر كل
وتلوح لجة حزنى المقهور تكشف سوقها كل الجراح وتستهل
هذا اوان البوح يا كل الجراح تبرجى ودعى البكاء يجيب كيف وما وهل
امكن كل الناس زهجانة
لك الود
| |
|
|
|
|
|
|
|
|
|
Re: I don't know what you heard about me (Re: الواثق تاج السر عبدالله)
|
الواثق ؟
لقد نفدت منا قواميس الفجيعه
فهل صرنا نلتحف الصبر المر، نتلهى بلعق الجراح ..ونضحك للشوك يجرى على جلود الاصدقاء؟
ماذا يحدث فى دارفور؟
هل يكفى ان نشجب وندين؟
قوس اللهب الذى يأكل هشيم البلد والعرض..امتد الى حواف الصدور.حتى صار القلب مزعة لحم
صار الصوت مبحوحا لايسمعه تجار الحرب ولا الاطفال..
صرنا اشباحا لا تربطنا بالزمن الزاهى الا حلام الموؤوده؟؟
فى ماذا قصرنا حتى نشوى فى ساحات التاريخ ولا نموت؟
| |
|
|
|
|
|
|
|
|
|
Re: I don't know what you heard about me (Re: Tumadir)
|
قلت يالواثق لى بهنس بعد ما اتمنى لى وطن متفائل ..فى بوست مسدار الخرطوم
من خشمك ولى باب السما الفوق سابع
وطن محجوب شريف فيه نازل طالع
وطن فيه النسا الشامخات فى الشارع
فيه طفل سعيد..وشباب مفكر ومانع
وبوليس ما مخيف
| |
|
|
|
|
|
|
|
|
|
Re: I don't know what you heard about me (Re: Tumadir)
|
الغالية تماضر ذات القلب الكبير
يا ريت أنا ما أكون من ضمن قائمة الما ردوا عليكي في بعض البوستات.
عجبتني جيتك لي في بوست أحزاني و أكتر منها عجبتني دعوتك الصادقة لزيارتك بمنزلك "الكائن" العامر و عارفاكي أصيلة و بت كرم و جود.
أنا قاعده أرد بالدور يا تماضر و عاوزه أسابق عشان أصلك، قريب جدأً.
أما أنا يا تماضر فما سمعت منك و عنك إلا كل خير، أحلف صادقه على كده.
Quote: الدنيا دى زاتها اظننا عزلنا الزمن الغلط ولا الكرة المفروض نسكن فيها ما ارضية..امكن دى "كرورية"
ما كرة ارضية..
كل ما نقول تتصلح بكرة ...الليل يبدا من الاول..
ياخ انا بكره الظلم والموت والنميمة واغتيال الجمال..
وكل ما تلفت لى نشرة اخبار ولا جريدة ولا مقال ما اشوف الا الكوابيس...
اطير وين؟؟ |
أنا ذاتي ما عارفه أطير وين يا تماضر
لكن باين أخيراً لقيت لي محله
عارفاها وين؟
حأرك و ما حأغادر على ناصية جملتك البتقول الدنيا دي" كرورية"
بس خلاص أنا عرفت الحل
عسى تلخيصك لها يكون فيه بعض الخلاص و لو كان فردي و مؤقت!
| |
|
|
|
|
|
|
|
|
|
Re: I don't know what you heard about me (Re: Nada Amin)
|
هاهاهاهاهاها
يا ندى انت واحده
ونوف اتنين
وعمر على تلاته
ناس اتحاد الكتاب..اربعة
وتانى فى اتهامات من زول عزيز وموهوب..مصر ان الناس دايراه يختفى
وحبة حاجات شوية زيادة من عندياتى..مشاريع مطرشقة واحلام اكتر من ما الزول يستحق
ده غير النفسيات السياسية..والله انا السودان ده واجعنى وجع
| |
|
|
|
|
|
|
|
|
|
Re: I don't know what you heard about me (Re: Tumadir)
|
Quote: يا ندى انت واحده
ونوف اتنين
وعمر على تلاته
|
سجمـــــــــــي متين ده؟؟؟؟؟
والله ياست الناس انت اول واحده رديت عليها بس الرد
ماجا بعد كلامك مباشرة لسبب ما ...
حتى تاكد من تاريخ الرد
ياحبيبه انا ماسمعت عنك الا الخير ومامن الليله ولا امبارح من زماااااااان
وانت ادري..
لك العتبى ياغاليه حتى ترضي
احترامي وحبي
نوف
| |
|
|
|
|
|
|
|
|
|
Re: I don't know what you heard about me (Re: أحمد أمين)
|
احمد امين
رقيتنى لى رتبة زهجانة ولا شنو؟؟
الزهج ده الليلة قعدت ليه..
زى ما قال تعمان مرة: الزول يصلح ليه كوكب كامل عشان يعيش تلاتين سنة..؟؟
قررت اتخلص منه بالتخلص من الاختيارات الغلط..
يعنى حاغير شغلى واهتماماتى والبلد ..العايشة فيه..بعدين نشوف الباقى ده من شنو؟؟
السودان ما بتشال ولا بتخت..ده قدر..ورضينا بيه
شكرا على مرورك
| |
|
|
|
|
|
|
|
|
|
Re: I don't know what you heard about me (Re: Tumadir)
|
.
رأيت فيما يري الهائم
امرأة تحمل بيديها
قلباً
وبفرشاتها
علي شفاهنا
ترسم
ابتسامة
حين تكون وحدها
بنا تفكر
حين نكون وحدنا
بها لا نفكر
لكن ابتساماتنا
تتسرب لأطفال الكون جميعاً
والبهلوان يخطف قلوبنا التي
وضعناها علي راحتينا
بها نتيمن
من عندها
يبدأ درس الموسيقي
نقطة ارتكاز الكون
هي موضع قدمها اليمني
حيث يبدأ الرقص
...
إن عرفتيها، ابعثي لها قبلة
وابتسامة
لك سلامي
إيمان
| |
|
|
|
|
|
|
|
|
|
Re: I don't know what you heard about me (Re: إيمان أحمد)
|
ايمان احمد
لوكانت هذه المرأة التى وصفتيها هى انا
فسأطوى هذا البوست "كالسباته" واتكله فى اقرب "ايكون" عرضة للهكر ليأتى ويسرقه ولا اسأل فيه ثانية عملا بصاحب الجلابية الخايف من الحرامى ..وقال لمرتو "براها ضيقة على...
ياسلام عليك
وعلى سفيان نابرى
ففى الارث قيل من رفع معنويات رفيقه..فى بوست..باسته الملائكة ...سبعين مرة سبعين يوما سبعين عاما ..والعام مقداره الف عام
لكما المحبة الصادقة..
وقبل ما "تمشيا" تعالوا نقلب البوست ده ...علاج فورى لداء السودان الحبيب..ليعود حبيبا
نعمل شنو؟؟ غير التأسى والشجب والادانه..والتوقيعات والمناقشات الحادة..فى طريقة لشىء عملى
انا بقول نبنى مسرح فى كل مدرسة زى ما كنت انا بعمل زمان فى مدارس الثورة...
تحت شعار..
"كيف تبنى مسرحا بدون معلم فى سبعه يوم وبدون قروش؟"
| |
|
|
|
|
|
|
|
|
|
Re: I don't know what you heard about me (Re: Tumadir)
|
السلام عليكم ورحمة الله وبركاته
العزيزه تماضر
رغم أنشغالى الشديد هذه الايام الا اننى حبيت اعاتبك, ممكن لانو ما بحب اكون شايله زعل من اى زول وكمان اللوم فى معظم الاحيان بعنى تقديرك للشحص ده, يعنى لو ما كنت بتقدر شخصا ما ما بتلومه
حصل مره تجاهلتى اسمى حين شكرتى من قدم لك العزاء فى وفاه الوالد الجليل, رحمه الله رحمه واسعه وغفر له وجعل الجنه مثواه, ورغم اننى لا انتظر شكرا من احد ورغم اننى اتصلت بكى مرتين مره للتعذيتك وتحدثت معكى ومره للأطمئنان عليكى وتركت مسج فى الآنصر مشين الا انكى لم تزكرى اسمى من ضمن من قدمو لكى العزاء (حتى اخر مره اطلع فيها على زاك البوست)
الشئ الثانى بحثت فى اسمك من بين من دعاء بسلامه والدى فلم اجده, انتو عادتكم
واحد بس من ناس البيت يشارك فى المجاملات? كتر خيرو الخال يازول ماقصر
تحياتى
والما رادك ما بلومك
وفى امان الله
لا اله الا الله
| |
|
|
|
|
|
|
|
|
|
Re: I don't know what you heard about me (Re: bint_alahfad)
|
بت الاحفاااااااد
اولا انت اتصلت بى مرتين لة شكرتك من الليلة لغاية اخش القبر ما بقدر اكفيك فضلك على..لكن
لو قلت ليك انه الناس الضربو لى وكتر خيرهم بزيدوا على الفين لو ما تلاته الف..ده غير البوردات التانية والقروبس والقوائم الانا مشتركة فيها والما مشتركة فيها..انا اتطورطت فى مهرجان حب ما بتتخيليه ..مع العزاء والحزن انا اعمل شنو غير الامتنان والاذعان بالقصور..؟؟
عشان كده عملت بوست يا اصدقاء الحزن ..وحاولت اسدى بعض جميل الناس على فيه..حقك على
اما الرجل الفاضل والدك شفاه الله..فما كنت بشوف البورد بانتظام وعينى ما وقعت عليه الا لما اترفع البوست ده وكانوا جنب بعض..انا بالمناسبة كتبت ليك هناك قبل ما اقرا مداخلتك هنا...
وشكرا على كلمتك الثمينة (الما دارك ما لامك) وزى ما درتينى ولمتينى ...انا دايرة معاك كل الخير والمحبة...
الله يرفع ابوك من مرضو..ويخليك للوهج البشابى ليك...وما لاحقك ده..
| |
|
|
|
|
|
|
|
|
|
Re: I don't know what you heard about me (Re: Agab)
|
ود العجب..
خليهم يقولو يقولو ما على بالبقولو
دة حبيبى البدورو
انت بحر سماحة يجو العشاق يزورو....طقطقطق
ليلة وين نا البعصر مرورو..
بالله رايك شنو فى الحب ده؟؟ حسة انت بحر سماحة يجو العشاق يزورو دى هابطة؟؟ الباقى هابط نعم لكن دى بالذات ولا هابطة ولا شى...بموت فيها
لكن انت شفتهم بقولو شنو؟؟ كل خير...اذن "على بالبقولو" صاح؟؟
شكرا..على التضامن "تضامن شيخ الدين"
| |
|
|
|
|
|
|
|
|
|
Re: I don't know but...it seems like....aaaaaaaaaa (Re: Tumadir)
|
الحبيبة تماضر...
"أحترم غضبك"...أن شاء الله يكون الاستخدام هنا تمام  ...
يديك العافية...
انت فيك الحساسية عالية...زي حالتنا هنا والله...لكن ما بنقدر نلمها كلها...
خليك مع ابداعك...
لك الياسمين... وأتمنى ان يتفهم الأخ عثمان محمد صالح انك لست ضده فى شئ... والله ملاحظ انك من دون قصد فى بعض الاحيان تدعمين الجميع بمن فيهم هو... ولتكن سحابة صيف...
أنور
| |
|
|
|
|
|
|
|
|
|
Re: I don't know but...it seems like....aaaaaaaaaa (Re: AnwarKing)
|
السلام عليكم ورحمة الله وبركاته
يقول محمد نجبب محمد علي
اكاد لا اعى من الامور غير ظاهر خفى
اعود حاملا جراحى القديم
نحو شعرك الجديد
باحثا عن الترنبم
والترتيل والكتابة
ابحرت كان صونك المجداف
ضاربا مسطح المباة
قاصدا نخبل موطني
صحراء موطنى
وداوبا من غابة
لغابة
اتيت عائدا من السجون
حاملا نفسالسؤال
لحظة التكوين
كنت حائرا
اجرجر السؤال
باحثا عن الإجابة
فكانت لإجابة
انة عالم تتخافت فية الأصوات والأضواء وتضاءل المشاعر وتتثاءب الصداقات
وتتدور وتتكور وتتحور وتنزوى الأخوة والصداقات عالم مات فية الإنسان
انا قررت ان اكون ابازر اكتب لوحدى واقرأ لوحدي ولكنى ساشعل تقابة الفكر متى ما شاء ذلك فانتى لك ديون على الكل فباي وسيلة تريديها تاخذيها منصور
| |
|
|
|
|
|
|
|
|
|
Re: I don't know but...it seems like....aaaaaaaaaa (Re: AnwarKing)
|
طبعا يا انور كنج "معليش كاتباها بالعربى" كويس انى سكتت ليك لغاية ما دارت الايام وجيت لقيت (احترم غضبك) دى كلمة منطقية ويصلح استخداما...
وفعلا مسألة عثمان صالح سببت لى كثير من الالم ..والتشكيك..لانى لا احمل له سوى الاعجاب والاحترام...واتخيلت انه يوم تانى بنجى نلقى صكوك براءتنا معلنه..لكن يبدو ان الاتهام ما زال يشملنا..فى تهمة لا نعرف عنها شىء وليس لها دوافع او مبررات...فقط سننتظر ذلك اليوم واتنى له كل الخير..وانت برضك شفاف..شايفاك محقب ايديك وواقع لذاعة..مرات كتيرة مضحكة...وحزين لما نضحك على بلاوينا...
شكرا يا انور...والعروس اخبارها شنو..؟؟ (بقيتو كم؟)
| |
|
|
|
|
|
|
|
|
|
Re: I don't know what you heard about me (Re: Tumadir)
|
تماضر ازيك ...الجميل النقي لا يسمع (بضم الياء) عنه الا كل جميل وكمان ده انتي ست البنات دحين يجهلوك وكيف يجهلوك!!!عييييب يجهلوك اكيد مافي زول يقدر يجهلك ولو كتبتي لي او قلتي كلام يخصني ولم ارد عليك ثقي انا لم اراه ابدا وتحياتي ليك يالغاليه.
انور
| |
|
|
|
|
|
|
|
|
|
Re: I don't know what you heard about me (Re: Anwar Ahmed)
|
الاْخت العزيزة تماضر
دخلت أقول مساء الخير فأذا بى أقرأ كلاما حزينا.
هو أحنا ناقصين ياختى؟
ما نفذت قواميس الفجيعة.
أما البورد فلا تشغلى بالك به, لاْنه وللاْسف الشديد خلط الصالح بالطالح عشان كدا أتوقعى أى حاجة.
ما فى زول سمع فيك أى شئ ةالشكروه قدامه نبذوه(دا ما مثل سودانى برضو؟).
ولا فى زول هيسمع فيكى أى حاجة.
cheer up
سلام...
| |
|
|
|
|
|
|
|
|
|
Re: I don't know what you heard about me (Re: nour tawir)
|
نور تاور
طبعا حكمتك دى ما قادرة اعمل بيها
والبورد فيهو اهلى..كلهم اهلى
مش فى الاهل فى واحدين بكونو فقريين كدا وما بريدوك وفى ناس تلفت انتباهم يجو يبكو ويعتذروا ليك وفى ناس ما ببدلوك بى مال الدنيا؟؟
ده البورد معاى
انا تانى من السودان ده فضل لى شنو غيرو؟؟
شكرا لنصايحك ومرورك من هنا
| |
|
|
|
|
|
|
|
|
|
Re: I don't know what you heard about me (Re: Kostawi)
|
كوستاوى
فط يفط فطا فهو مفطوط؟؟
اخخخخخ....ما قصدى
اما حكاية تلفونى وحرارتو فما صاح..اسال خردتك المصون ضربت لى قبل يومين بتسأل من معلومة ...واكدت لى حكاية جيتكم لينا فى الكريسماس..
كرمستو البلد...
اديها تلفونى سريع وانا منتظرة
I can't wait to know the cumin
| |
|
|
|
|
|
|
|
|
|
Re: I don't know what you heard about me (Re: Tumadir)
|
| Quote: الدنيا دى انا طالباها وطن |
غالية و الطلب رخيص
المصيبة يا تماضر ... أنو في ناس طالبنها قروش ... قامت أدتهم الوطن
وبعدين إيمان أحمد لها من اللماحة و الشفافية ما يجعلها تكون قاصداك (بإسم الجميع) ... وإنتي تستحقي هذه ال (ما يجعلها تكون قاصداك):
Quote: رأيت فيما يري الهائم
امرأة تحمل بيديها
قلباً
وبفرشاتها
علي شفاهنا
ترسم
ابتسامة
حين تكون وحدها
بنا تفكر
حين نكون وحدنا
بها لا نفكر ..... إلخ
|
| |
|
|
|
|
|
|
|
|
|
Re: I don't know what you heard about me (Re: خالد الأيوبي)
|
خالد الايوبى (وزوجته الجميلة)
تحياتى العامرة
انا والله لما كتبت البوست ده ما عشان اسمع "شكر" لانه بياكل لحمى ..وبخجلنى مع نفسى المتواضعه..لكن لما البوست جابك انت...ما فى ندامة..وايمان اصلها ما ساهلة..لما انسانة بشموخ ايمان تقول عنى ده كلو: انا تانى شن دايرة؟؟؟ (عالم محظوظة لشكل) اشكر حضورك يا اصيل
| |
|
|
|
|
|
|
|
|
|
Re: I don't know what you heard about me (Re: ودقاسم)
|
تماضر ست الحبايب
الليلة ذكرتيني حكوة احب دايما احكيها تعرفي مين الحكاها لي هي انتي تماضر شيخ الدين .. وهي عن تلك المرة النوباوية التي تزوجت بتها حليمة ويوم العرس كلهن قعدن واتعصرن في العناقريب وعاملات فيها خلاس ولا عشرة بقرش رغم انو صاحبتنا مداخلاهن ومغنية ليهن وراقصة ليهن ، واحدة فيهن مدت رقبتها ولا ايدها مافي، ولا فتحت خشمها تغني ، فاغتاظت اختنا ومسكت الدلوكة تغني ..:
يعني مالو ما بسوو العديلة لحليمة
اها غنيها الغنى سمح في خشم سيدو
تعرفي انا احيانا بفط بوستاتك معنى بقراها وما برد لانك دائما قريبة من القلب ، اخشى ان ارد عليك ردود من كثرة حبي وفرح بيك تطلع كأنها مزايدة اخشى الا يتسرب الى علاقتنا شئ من النفاق والتزلف مع انسانة صادقة شفافة وصديقتي وهذا يجعل المسالة صعبة ، المسألة دي زي لمن يكون صاحبك ولا قريبك دكتور لا تميل لان تسلمو نفسك لمعالجتها كذلك هو لا يريد ان يغامر معك ، ربما اكون لست على حق ،.. وما عاش من يزعل تماضرنا .
| |
|
|
|
|
|
|
|
|
|
Re: I don't know what you heard about me (Re: مصطفى عجب)
|
تمادر الحبيبه
ماتغشي روحك و تخمينا و تعملي لينا فيها زول عادي
انا شخصيا رغم حبي الشديد ليك ( يا المنطط عينييك )
بحسب الكلمه قبل ما اقولها
عارفه ليه!!
عشان الفنانيين ديل انا عارفهم حساسين كيف
و جميليين كيف
مثلا
انتي بي هناك قلتي كلام خطير خلاس
بكون قاعد جوانا و مابنقدر نقولو
انتي بتقولي البغلبنا
عارفه كده ولا ماعارفه !!
اها دي ضريبتك ادفعيها
و كان غلبك بنتخاتتا ليك
ماتنسي انك الزول الوحيد النقشني
اها زول بالفنننن ده كلو جواهو مابخوف !!
| |
|
|
|
|
|
|
|
|
|
Re: I don't know what you heard about me (Re: عشة بت فاطنة)
|
شدة بيضاء وبتزول يا تماضر...هو نحن طايلنك عشان نسمع عنك....
نفسي بس اعرف فصولك
يا قمر انا كيف اطولك
كان بقيت نجمه وسهرت
ومن صفاك انا استعرت
وبدري قبلك كم ظهرت
كيف اصف اشراق وصولك
وكيف اطولك
يا قمر
نورك اشعاع في البوادي
وطاقه للرايح وغادي
كم صغير في الليل بنادي
فرح شليلو الكلو هولك
وكيف اطولك
يا قمر
سأواصل ما بدأ لي...ان شاء الله تعتبروه نجار....ولكن هذا فعلا ما ثبتت رؤيته
لي...
| |
|
|
|
|
|
|
|
|
|
Re: I don't know what you heard about me (Re: nazar hussien)
|
نزار
دى على وزن
يا قمر انا ما بطولك
ادينى من نورك وميض
عشان انور وابقى طولك؟؟
العميرى؟؟
ده شعر لذيذ والله يا نزار
انا عازماك مسادير مع الاولاد بهنس والفاضلابى ووليد
"القطع الاخدر" ده عندك هين ..وهذا ينم عن موهبة فذة...وبتكلم جد..ما دافعنى الا الحق
وتجربة دندنة عاشقة من البلد ما زالت مفرحانى بيك
لك كل الاعزاز والعشرة النبيلة
| |
|
|
|
|
|
|
|
|
|
Re: I don't know what you heard about me (Re: عشة بت فاطنة)
|
| Quote: تعرفي انا احيانا بفط بوستاتك معنى بقراها وما برد لانك دائما قريبة من القلب |
زول يكون قريب من قلب عشه بت فاطنة ده تانى داير شنو اكتر من كده؟؟
تردى ولا ما تردى..حاكتب ليكى يوماتى..
وياحليل الغنية دى..
الليلة مالو ماتسوو العديلة لى حليمة..
فى برضو غنية بتبكى بتاعة البشير اتلقى
الولد صبى وراح من اهلو..والحلة كلها تفتش فيهو..لما بعد تلاته يوم لقوهو..ميت
وحبوبتو بتغنى وتكلم فى الناس:
البشير اتلقى
ياسلااام يا عشة لو سمعتيها تموتى بالبكا..
بحبك..وكان عرسونى بسوقك معاى شهر العسل..
| |
|
|
|
|
|
|
|
|
|
Re: I don't know what you heard about me (Re: Tumadir)
|
تماضر العزيزة
منو دا بالله الما بيرد علي مداخلتك ..انتي
بس ورينا ليه..يا ويله ويا سواد ليله.
عمر علي مستحيل يكون في القائمة السوداء
بتاعتك لانو انا متأكد انو بيبدأ بورده ببوستات
تماضر وبيختمها ببوستات تماضر...الشكك ممنوع
والزعل مرفوع
| |
|
|
|
|
|
|
|
|
|
Re: I don't know what you heard about me (Re: ودالعباسية)
|
ود العباسية ...برى تبرا من زعلى يا ود العباسية ما انت
وشريط الحلقة بتاعة التلفزيون ما عرفنا اخبارو..لسه فى وانا فيهو؟؟ عاين ليه كويس لما ابيت ترسلو لى.. هههه
بذكر الله كثيرا (ان شا الله هو يذكرخادم خلقها وجدعها) استغفر الله العظيم
| |
|
|
|
|
|
|
|
|
|
Re: I don't know what you heard about me (Re: توما)
|
توما كدى خلينى من الدنيا
انتى ضابحة؟؟
هاهاهاها...غايتو كتلتينى يومداك بى ضابحة دى
اها حسه ذكرتينى الظار
انا دايرة ظار (ومعاها طرومة وصرة وش)
جد ...القى لى واحد وين؟؟ يتخيل لى انا مشكلتى ظار..
والعلبة البفتحوها دى شنو؟؟ علبة كبريت ولا علبة كبرى؟؟ ياخى ده عالم عجيب خلاص..
هههههه..
شكرا يا تجنس انتى وقايلانى ما شفتك فى المسدار....
عليك الله بعد دخلتى ما تقيفى ...نسدر انا وانتى..مع الوليدات ديل نغلبهم بالجمال ويغلبونا بالرجال..هههه
توووووشكرى يا غالية..والدنيا دى ...اها خليتها...خلال اب شوك
| |
|
|
|
|
|
|
|
|
|
Re: I don't know what you heard about me (Re: Tumadir)
|
العزيزة الرقيقة حمامة المنبر ،
تماضر ،
أعلم عنك كل الخير وكل الحب توزعينهما على الكل وقلبك الكبير يملأه السرور كما الأطفال يوم العيد (زمان )!!!
لا أذكر كثيرا ملامح وجهك ، ولكنى لن أنسى ابتسامتك المشرقة تقابلين بها كل الناس رغم الأحن ومحن الزمن !
ويكفيك صفاؤك ( الزى موية الزير ) لا عكر ولا تعكير .
فقد أحببناك دائما ،
وأنا أحبك يا أخية .
ست البنات .
| |
|
|
|
|
|
|
|
|
|
Re: I don't know what you heard about me (Re: محمد ابراهيم قرض)
|
...Tamadur
...Take it easy
although I believe you are one of those who is really admired by most of the people in the borad
----------------------------------------------------------------
| Quote: I don't know what you heard about me |
Tamadur or 50 cent
| |
|
|
|
|
|
|
|
|
|
Re: I don't know what you heard about me (Re: ست البنات)
|
يعنى تقصدى يا ست البنات انه خشمى عريض؟؟
هاهاهاهاها
زول يقول ليك ما متذكر ملامح وشك بس متذكر ابتسامتك دى معناها شنو؟؟
والله حسة انا بكتب ليك وميته من الضحك..
ياجماعه ..دة شنو ده.. نفستو علينا مشروع زهجتنا البنينا بيه قطعة الارض دى كلها..
الله يخليك ياستهن لى حدهن..
كلامك نزل على بردن وسلامن
سلام حتى مطلع الامر..او كما قال عاصم الحزين..
شكرا بالالوف لا يوم العرض والوقوف..
| |
|
|
|
|
|
|
|
|
|
Re: I don't know what you heard about me (Re: Tumadir)
|
كيف تريدين أن أبرهن أن حضورك في الكون
مثل حضور المياه,
ومثل حضور الشجر
وأنك زهرة دوّّّار شمس
وبستان نخل
وأغنية أبحرت من وتر
دعينى أقولك بالصمت
حين تضيق العبارة عما أعانى
وحين يصير الكلام مؤامرة أتورط فيها
وتغدو القصيدة آنية من حجر..
دعينى أقولك ما بين نفسي وبينى
وما بين أهداب عينى وعينى
دعينى أقولك بالرمز, إن كنت لا تثقين بضؤ القمر
دعينى أقولك بالبرق
أو برزاز المطر..
دعينى أقدم للبحر عنوان عينيك
إن تقبلى دعوتى للسفر..
نزار
الرائعة تماضر
لم أسمع عنك شيئآ ولكننى قرأت لك إبداعآ في الحروف ونشوة في
الكلمات كنت حينها علي مقاعد المتفرجين..
وحين أتيتنى في إلي رجل في عقده الرابع
قرأت كلماتك مرات ومرات فكأنك عرّافة أتت بما لا يعلمه أحد غيري
كتبتيني في سطرين
وتركتنى للدهشة في حضورك الغريب
ومازالت تلك الحروف ترنّ في أذنى
كموسيقي فرحت بها لأنها كتبت لي
لك التحية أينما كنت يا وردة سقيها الندي
| |
|
|
|
|
|
|
|
|
|
Re: I don't know what you heard about me (Re: sara fadul)
|
سارة فضل ايتها الجميلة المغامرة...
قرات كل ما كتبت هنا فى هذا المنبر
وكل يوم احس باننا على موعد مع كاتبة لها حضور ..
كلماتك اكبر من ما استحق..
اتمنى ان اطوع طاقاتى .. لتصبح "مقاسى"...وارفل بها..
لا اجد ما اشكرك به غير هذه الكلمة المتداولة الفقيرة "شكرا" ...علك تستقبلينها فى حدائقك فتتلون وتزدهى وتصبح ..من اصل "طير الجنة" او زنبقة او رشة عطر..فهى ابدع فى الحقيقة منهم جميعا..
| |
|
|
|
|
|
|
|
|
|
Re: I don't know what you heard about me (Re: نــوف)
|
نوف
والله فيفتى سنت دة ما بعجبنى فيه الا الجانب المادى الظاهر فى اسمو...اسمو زاتو لو ما دخلو بيهو فى صندوق ما يدفع ايجار..
بس البيت الاول من الغنية هو اللاصق لى فى مخى وبعتبرو تعبير رشيق..
يا حبيبتى انا غلطت فى حقك وانتى فعلا رديتى على ..لكن عين الزهج عن كل رد كليلة...
واهو الزهج راح والعيون فتحت...
ما اجملك!
حقك على
| |
|
|
|
|
|
|
| |
Tumadir
سفيان بشير نابرى
معتصم الطاهر
Shinteer
ياسر عبدالعزيز الطيب
الواثق تاج السر عبدالله
فتحي البحيري
Fadel Alhillo
أحمد أمين
إيمان أحمد
bint_alahfad
Abdel Aati
Agab
AnwarKing
munswor almophtah
nour tawir
Kabar
Kostawi
nada ali
خالد الأيوبي
ودقاسم
عشة بت فاطنة
مصطفى عجب
khider
Hussein Mallasi
nazar hussien
جمال السنوسي
omar ali
Elsuhaili Magzoub
توما
ودالعباسية
ست البنات
Ishraga Mustafa
Emam Hassan
Adil Osman
sara fadul
فيس بوك
تويتر
انستقرام
يوتيوب
بنتيريست