|
|
 تعالوا نلعب....مسرح ...مسرح
|
من بدرى وبتراودنى فكرة
اعطاء دروس من فن التمثيل المسرحى
لاعضاء البورد
على غرار دروس النوتة الموسيقيةالتى يدرسها الموسيقيون.
ومما شجعنى على فتح الموضوع الآن وجود كوادر تمثيل واخراج اكتر، زملاء وزميلات حتى يشيلوا معاى الشيلة..
قبل ما ادخل فى الموضوع،
اود ان اقول ان فكرة اعداد الممثل وتاهيله للاحتراف ، هى فكرة تخضع مازالت رهن التجريب،
من اول واقدم التجريبين هو الروسى استانسلافسكى وقد اتبعت مدارس التمثيل نهجه كقاعدة اساسية يرتكز عليها اعداد الممثل،
ولكنهنالك مدارس كثيرة ناقضته واتفقت معهتؤخذ بعين الاعتبار، سنتطرق لها اذا مشينا كويس..
قبل ما ابدا برضو، المنهج عملى ، يعنى انت بتتمرن على حركات وافعال وكدة، فاى زول داير يبدا معاى يكلم اهلو من هسة، عشان ما يتهموهو بالجنون او يرفعوا علينا قضيه،
المنهج ما ضرورى يعين على التمثيل بس، هو منهج لتفتيح الذهن ووتدريب الادراك الحسى ومرونة الجسد وتطوير ايقاعه، وتدريب الانفعال والاستجابة الشعورية
الخ
وهى كلها اشياء يحتاجها الانسان العادى ، فقد خلص فلاسفة اليوم الى تعريف الانسان العادى بانه انسان مبدع
ياريت اعرف منكم الى اى حد انتم تشجعون طرح هذه الفكرة ؟؟؟
|
|
 
|
|
|
|
|
|
|
 Re: تعالوا نلعب....مسرح ...مسرح (Re: Tumadir)
|
اعطينى مسرح اعطيك امة
ام الشباب تماضر
فكرة راعئة وانا اول واحد يشترك بس ورينا كم قيمة الاشتراك
بس لازم الحصة الاولى تورينا ما هو المسرح
وتاريخوة
وكيف بداء التميثل ومن هو اول ممثل
وتاريخ الحركة المسريحية فى السودان
حاجة تانية يا ام الشباب خارج النص
يا ريت تكلمينا عن عبد العزيز العميرى
عندى احساس انك تعرفى الكتير عنة
ما بين زمن متمنيهوا وزمن ذادنى منك اسية
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
تماضر
الفكرة جيدة وجديرة بالتنفيذ فتوكلى على الله ولعبينا مسرح مسرح
تماضر
أنا بعيد كل البعد عن المسرح والتمثيل ولكنى كنت أحادث بعض الأخوة قبل يومين وقلت لهم بالحرف الواحد لو كنت ولجت مجال التمثيل فكنت سأحرز العالمية وأنافس أخطر وأكبر الممثلين فى العالم وأتفوق عليهم ، كان احساس يتملكنى بقوة وثقة كبيرة وما برح
كما كنت أظن أن مسألة المسرح أصلا لا تحتاج لمعاهد وجامعات ودراسات عليا فهى موهبة موجودة فى أعماق الممثل وعليه بالتدريب قليلا ليخرجها
بالطبع كنت مخطئا فى تلكم النقطتين المذكورتين سالفا
ولكنى أوردتهما هنا لأقول لك رأى إنسان الشارع البسيط فى ذلكم المجال العميق الذى لا يتقنه الإ أهله وبعد دراسات وتمحيص وتدريب وفنون أخرى كثيرة مصاحبة للمسرحى الناجح
فما رأيك؟؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
معااااااااااك طوالي يا تماضر و كان ما نفعت في المسرح بعمل ليكم اصوات الموسيقة التصويرية او المصاحبة اها و كان على الجن اهلي قنعوا من زمااااااااااان طبعا جباانة و كالعادة شجعتني الكلمة دي Quote: فقد خلص فلاسفة اليوم الى تعريف الانسان العادى بانه انسان مبدع
|
اها و انا اكتر من عادي يلا الحصة الاولى متين و بالله اختينا من حصص بعد الفسحة لانو انا بشتت بعد الفتة لك التحية يا تماضر معليش الهزار البايخ الفوق دا لكن جد جد معاك و ياريت اعرف اكتر عن فن المسرح و حاجزة الكنبة الاولى بالطرف
| |
|
|
|
|
|
|
|
|
|
Re: تعالوا نلعب....مسرح ...مسرح (Re: ديامي)
|
الاخت تماضر
كنت مسرحيا نشيطا في الثانوي واذكر اننا دخلنا منافسة الدورة المدرسية بمسرحية سكان المستنقع للكاتب النيجيري ويلي سوينكا
وقد زاملني في التمثيل الدكتور وجدي كامل
وهو الان يحمل دكتوراه في السينما
وقد اشرف على اخراجها الممثل القدير خطاب حسن احمد
ده مجرد عرضحال حتى يتم قبولي في فصل درس عصر المسرح
| |
|
|
|
|
|
|
|
|
|
Re: تعالوا نلعب....مسرح ...مسرح (Re: garjah)
|
GAIRA GAIRA YA MITAIRA.
KHARTOUM BAHRY AL THANAWIYA. BAHRY AL HAKOOMIYA. GARJAH SHAHID AL 3ASR.
SALAMAT ya Garjah. Dr. Wagdy Kamil now is the culture editor of al-Ray al-3am newspaper in khartoum. By the way i have translated his PhD thesis a couple of years ago. it was published in Abudhabi by the cultural foundation in 2000. Go and buy a copy now! it is titled: al cinema al afrigiya zahirah jamaliya.
I remember Woly Shwinkah's play. i was part of the preparatory process with ustaz Mohamed Abdel 3al, the arts teacher. Do you remember him?! of course you do.
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
الاخت تماضر لك التحية والله فكرة جميلة
لكن في سوال هل في عمر معين للمتقدمين ولا مفتوحة
كما يقول اهلنا زمان تعليمة الصغر كالنقش في الحجر وتعليمة الكبر كالنقش في البحر
الظاهر عليك بتتعبي معانا
ويلا واحد اتنين تلاتة نبداء
| |
|
|
|
|
|
|
|
|
|
Re: تعالوا نلعب....مسرح ...مسرح (Re: albagir altahir)
|
بسم الله الرحمن الرحيم
العزيزة تماضر تحية واحترام
أولا أشكرك كثيرا على مواضيعك الجميلة وأنا ألاحظ شعبيتك التي إن دلت على شي إنما تدل على شخصيتك المحبوبة وسؤالي ما هي مقومات الممثل المسرحي حتى نرى ان كانت تنطبق علي ام لا، حتى اتابع دروسك
الخال حبيب بلدو قاعد جنبي وبيقول ليكي (أطرحي بس في خط لازم الخرطوم الخرطوم بحري بشارع المعونة حتى مسرح خضر بشير).
بت العرب
| |
|
|
|
|
|
|
|
|
 Re: تعالوا نلعب....مسرح ...مسرح (Re: Tumadir)
|
العزيزة تماضر والله انا اول مرة اشوف البوست ده ولو ما كده كنت حاكون اول واحدبيدق صدره ويجيك خاصة وانا كانت عندي بدايات في التمثيل في المدرسة اولا ثم لاحقا مع الاستاذ مختار في جمعية البقعة لعمل مسرحية ولكن قطع المشروع إنقلاب الجبهة ضمن حاجات اخري كثيرة ولذلك فكلي إستعداد للبدء من جديد
| |
|
|
|
|
|
|
|
|
 Re: تعالوا نلعب....مسرح ...مسرح (Re: Tumadir)
|
تماضر انا معاكم طبعا
بس لكن جاياك مهددة من بيت بت المنى بت مساعد وما عندي اي افكار
بس نفسي ومنى عيني كلو مرة تمثلي لينا حاجة ولايهمك انا حاجهز ليك المسرح واول حاجة ابدي لينا بيت بت المنى بت مساعددور بخيتة فعلا استاهل امكن المسالة تحتاج مايكات يلا نحنا حاضرين بس ماحسي رايكشنو؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: عشة بت فاطنة)
|
موديك والطاهر خلاص اقعدوا الحصة الاولى بدت
لابسين تريننق سوتس كلنا؟؟
تمام عشة انتى امسكى دفتر الغياب لغاية ما الشغل يبدا،
التمثيل هو هدفنا الاساسى، حتجى لمحات من الاخراج والديكور والموسيقى والازياء والمكياج والصوت والاكسسوارت وادارة الخشبة، لكن حنبدا باعداد الممثل،
ونتج استانسلافسكى
اهم اداة من ادوات المسرح، هو الممثل، قول لى ممكن البطل فى الخشبة يكون ما ممثل ايوة ممكن يكون قطعة اثاث ولا بقعة مكان، لكن البحتاج لتدريب واعداد هو الممثل،
وعشان نبدا من المعروف للمجهول نبدا بتمرين بسيط هو:
لــــــو السحرية
الممثل عايز يتحول لشخصية تانية، ماهو نفسه ، زول غيرو
الشخصية دى متخيلة،
الخيال درسنا الاول
ولو السحرية، هى البتقودنا خطوة اولى نحو الخيال
يعنى
لو كنت...... اى زول تانى، حتتصرف/تتصرفى كيف
دة بودينا لسؤال عن تحليل الشخصية
الشخصية بنعرفها بى صوتهاوسكاتها، حركتها، وسكونها، ردود افعالها، تجاه الاحداث،
وما الى ذلك
اتخيل انك ما انت، انك اقرب زول تشوفو يمينك او شمالك
امك ابوك اختك اخوك ود جيرانكم ، بتهم مرتك راجلك بكسر اللام، ولدك بتك،
او زول ما بتعرفو كويس، زول صينى او يا بانى، او فلاتى، او اريترى
وابدا استحضر المشية حركة اليدين ، الراس قلوظة العيون فى ناس عندهم عادات صغيرة زى بحكوا راسهم او بمسحوا نخرتهم او بشفطوا الهواء اثناء الكلام او بتمتموا او صوتهم عالى او بهمسوا الكلام او بتدبوا براحة لما يمشوا او بعرجوا او بدلدلوا ايدينهم او بتطوطحوا فى المشية او بنقزوا اثنا ما ماشين، او بمدوا سردوبهم او برفعوا راسهم لى فوق او ما بعاينوا للزول فى وشو او بياكلوا الكلمة الاخيرة من الجملة او برفعوا سدرهم لى فوق او بمشوا سريع او بتكلموا سريع او مقلقين او روحهم سلبة او بتكلموا وبطنهم طامة من الزول او بجاوبوا بسرعة او بتثاءبوا وهم بتونسوا، او ثقيلين، او نهارين او عبطا او ما واثقين فى نفسهم او.....
انا ممكن اقول او...او ... دى لى بكرة ....
عشان اوريكم مفردات الشخصية وعاداتها، البخلى كل شخصية هى تركيبة مختلفة من الشخصيات التانية
اعملوا التمرين دة، جربوها كلها، بعدين ابدوا انتحال او تقمص
وكلمونى بى المفردات الاتقنتوها والما اتقنتوها
ولما نرجع بوريكم الغلبكم غلبكم ليه؟؟؟والقدرتوا عليهو قدرتوا عليه ليه؟؟؟
ونحاول نحل المشكلات دى،
يبقى السؤال
انو حتنتحلوا الشخصية دى لمدة كم؟؟؟
انا بقول ليكم اطول مدة ممكنة، وما حاوريكم سر طول فترة التقمص دى لغاية ما اسمع منكم
الدرس الاول انتهى
اسمولو السحرية،
لو كنت فلان الفلانى او اللقب الفلانى، مزارع دكتور حارس مرمى ممرضة استاذة جغرافيه
المفردات التابعة للشخصية ونركز على طريقة المشى حركة اليدين طريقة الكلام والعادات الصغيرة، اى اضافة بتضيف ليكم مهارة جديدة
ا الحاجة الهامة التانية ، الزمن
طول فترة التقمص ، ترصدوها لى
واجب:
اكتب حوار من ما لايقل عن ستة جمل بين الشخصية الانت اتقمصتها وبينك
شكرا اجمعوا الكراسات وجيبوها لى فى المكتب
المجموع من عشرة.
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
hello my sis
I really want to be with U ..but ..but ..
I do not know how to act but I can draw is this usefull ...
can I join you ..
I will just sit and listen I am a good student ..
And may ALLAH bless u
....
salam
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
الاخت الاستاذه تماضر اكيد المسرح ابو الفنون ويالله نتعلم اقصد نلعب لعبه جديده وانا يتغمسني ذاك الرائع في عالمنا العربي يوسف وهبه عميد.......................... ودمتي
| |
|
|
|
|
|
|
|
|
|
Re: تعالوا نلعب....مسرح ...مسرح (Re: willeim andrea)
|
tumadir salamat.
this is a great idea. inside each and every one of us is a great actor. life itself is a drama/play as shakespeare said.
you asked us to write a dialogue between the character we want to play and ourselves. i have chosen the character of a man who had a quarrel with his woman. the dialogue goes like this:
the man: you are not faithful to me.
the woman: sajami. i have been faithful to you all my life.
the man: no. you are a liar.
the woman: no i am not a liar. watch your language.
the man: i got the proof that you are involved with somebody else.
as you can see tumadir this is just the dialogue. there is no mention of their expressions or the tone of their voices. etc..
any comments? you can reply in arabic for the general benefit. can you translate the above into arabic? i am still looking for an arabic keyboard. cheers.
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Adil Osman)
|
شكرا عادل.
الحياة مسرح ، والناس ممثلين وممثلات،
دى مقولة صحيحة
وفى داخل كل واحدفينا ممثل ونحن بنمارس حياتنا اليومية بالدخول من دور والخروج منو للدور التانى، صاح برضو
انا قصدت من التمرين: لو السحرية
انو نكتشف الادوار البنقدر نعملها بسهولة ، وهى دورنا لمن نمثل انفسنا فى المواقف المختلفة
او دورنا لمن نمثل غيرنا فى الواقع الفنى او الابداعى.
يعنى الزول نفسو بتشكل بحالة شعورية تتناسب والموقف، الام، الاب، مشيت الجامع مشيت الشغل جوك ضيفان، راكب فى البص، فى صف العيادة، كل موقف بتطلب انك تعمل اختزال للباقى الما محتاج ليه، وتؤكد المحتاج ليه فى الموقف،
الحوار بدا ليك بارد وما عندو حياة.
ما تسبقنا خلينى اشوف باقى الطلبة عملوا شنو؟؟؟ وبعدين نتناول الحالات فى هدوء
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
سلام..يا ناس سنه اولي مسرح
ممكن تسلفونا بشاورتكم!!؟
نحن ناس سنه رابعه شواكيش
*
*
الاخ محمد
الاستاذه ..تماضر غايبه الليله لظروف طارئه
الالفه امسكي النظام.
وبتقوول ليك يا محمد...انها لاحظت لي كلمة لاحظت الانت قلتها في كلامك عن الممثل العايز تتقمص شخصيتو..وهي بدورها...بتقول ليك..خش طوالي يا محمد..وورينا فكرتك..وانطباعك..وبالتاكيد ملاحظاتك..لانو الحصه الجايه حتكون عن قوة الملاحظه
نحن ناس المساق الشواكيشي ديل ..مع عندنا اي قوة ملاحظه..الواحد يكون لافي ساااااااي لحدي ما يلقاها اتخطبت..ويلقي دماغو اتخبطت
*
تماضر دي بت اهلي يا اخوانا
الحاضر يكلم يا زول تكعيب
والغايب..يكلم ياهو زاتو...يقول ليهو..بكره دك ..برضو!!
اها..انا ماشي
بشاورتكم مالها صغيره كده!!؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
العزيزة المبدعة تماضر
اولا عظيم امتنانى لترحيبك المبتكر والدرامى بشخصنا الضعيف كما قلت لك فى نفس البورد منك انتى النغمة تبدا والمعانى السامية تظهر من
سمح قولنا وكلامنا ومن غنانا المشتهينو.
اما بالنسبة لفكرة تعالوا نلعب مسرح فلاشك انها حميلة مع بعض التحفظات جميلة على مستوى اسهامها فى تعزيز الثقافة المسرحية ونشرها وجعل الشتركين من اعضاء البورد متذوقين مهرة للمسرح وليس بالضرورة جعلهم ممثلين.
اما التحفظ فمتعلق بتمارين التقمص كجزء من برنامج الدراسة وكما تعرفين فان هذة التمارين عندما كانت تتم فى المعهد وباشراف الاساتذة المباشر تحدث فيها اشكالات فالبعض يعلق فى الشخصية ويصعب اخراجة منها وفى ناس ظلوا معلقين حتى بعد تخرجهم من المعهد والواحد خايف علىاعضاء البورد اقوم واحد اعلق فى شخصية وما اقدر اطلع منها اللهم الا اذا ابتكرتى نظرية فى فن الممثل وتكون كيفية اخراج الممثل من الشخصية التى يتقمصها الكترونيا.
عادل السعيد
على صوتك على صوتك بالغنا
لسة الاغانى ممكنة ممكنة
| |
|
|
|
|
|
|
|
|
|
Re: تعالوا نلعب....مسرح ...مسرح (Re: adel alsaed)
|
الدرس التانى
1-دافى قريبى، ما فى واحد فيكم يهبشوا او يضربوا او يشيل فطوروا، برفدكم
2-عادل السعيد، انا دايرة اختلف من فكرة نشر الثقافة المسرحية ، لتعليم فن التمثيل، انت عارف كمية الثقافة المسرحية الفى البورد دى بتكفى قرن من زمان المسرح فى بلد حر، النقاشات عن المسرح فى البورد كلها بتعكس اهتمام كثير من الاعضاء وعملول من خلالها عى تنوير الباقيين، بس انت اتصنت،
انا هدفت بالبوست دة انو اعلم فن التمثيل، ودة من اندر الفصول المتاحة للشعب السودانى، ورينى غير معهد الموسيقى وقصر الشباب والاطفال، او بعض المؤسسات المشابهة ليها، فى تعليم او اعداد ممثل؟؟؟ حتى الفرق المسرحية ما بتدرس تمثيل، ببدوا بالعرض طوالى وبعتمدوا على المواهب، وهنا تكمن "التعليقة" البتتكلم عنها، يعنى كل زول بكون عندو دور معين بجيدو، وما بقدر يتلون فى الشخوص بالمرونة اللازمة،
لو كلامى دة نفع معاك، تعال ساعدنى، شايفة عشة بت فاطنة نطت.
3- الطلبه وين؟؟؟
الليلة دايرين نبدى ملاحظاتنا عن الواجب، التقمص
وانا قصدت انو نبدا بالعموم عشان ندخل منو للخصوص،
ورونى الصعوبات المريتو بيها وحناخد كلامكم من هناك...
وين الناس القالوا هم جاهزين ديل
اسمع منكم؟؟؟؟
عشان نمشى خطوة لى قدام
| |
|
|
|
|
|
|
|
|
|
Re: تعالوا نلعب....مسرح ...مسرح (Re: azza)
|
كو كو كو كو ( باب الفصل يدق )
كحلوش: ممكن اخش.
تماضر: ياسلام ، فوضي هي ، جايني غايب ليك اسبوع ، وداير تخش ، وبعدين متأخر لحدي هس ليه ؟
كحلوش: المواصلات والله يا استاذه ،
تماضر : ياها شماعتكم ، انا الافلام دي محمضاها ، وخاته النجتف في الدرج بتاعي ،ما تحاول تتفذلك علي ،، اها حليت الواجب؟؟
كحلوش: ايوة؟
تماضر : واتقمصت شخصية منو ، والصلاة على النبي ؟
كحلوش: ا اااا ه ، اه اتقمصت شخصية تماضر!
ستااااااااااااااااااااااااااااااااااار
| |
|
|
|
|
|
|
|
|
|
Re: تعالوا نلعب....مسرح ...مسرح (Re: azza)
|
العزيزة تماضر
انا معك انو معظم اعضاء البورد لديهم اهتماماتهم وثقافتهم المسرحية
النظرية لكن اهمية الفكرة/ تعالوا نلعب مسرح ِِ/ تكمن فى رايى فى جعل هذة الثقافة اكثر تخصصا وخصوصية وتجعل العضو اكثر قدرة على التذوق والاستمتاع بفن المسرح ومع ذلك انا خايف على اعضاء البورد لانو الجن الالى ما بداوى فما بالك بالاندراوا الالكترونية.
عادل السعيد
| |
|
|
|
|
|
|
|
|
|
Re: تعالوا نلعب....مسرح ...مسرح (Re: adel alsaed)
|
كحلوش
ادخل
وهدومك ما لها مكرفسة كدة كنت قافل بيها قزازة، ما عنكم مكوة فى البيت
ادخل
جبت المصاريف؟؟؟؟
بافى الفصل، اهلكم ادوكم المصاريف، ساويين جضومكم؟؟؟
مافى مصاريف ما فى حصة،
والواجب؟؟؟ زول جمع كراسو مافى، والجمعوا جابوه كلو ملان زيت فول، بتفطروا فى الكراسات دى؟؟؟
وياموديك عملت لى شنو على الشخصية،
مافى حصة الليلة
(عندنا صفاح)
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
عندنا صفاح
دا شكلو جزء من مسرحية التسيب
و الله انتي روعة حتي في التسيب مسرحية درجة اولى
على فكرة الدور دا واقعي بس ما كل الاستاذة
التحية و الانحناءة و التادب
لكل من درسني
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Modic)
|
ياعزة وموديك لانكم طلبه نجيبين انا صافحتكم اى صفحت عنكم
حاعلق على ملاحظاتك يا موديك
الزمن، زمن التمسك بالشخصية هو المشكلة المتوقعة ، بعدين التفاصيل
انا كنت دايرة اسمعها من زول انتحل شخصية جد عشان ابدا التدريبات،
الممثل بحتاج لى مهارات محددة
حاذكرها كلها فى لستة
وبعدين نمر عليها بالتفصيل
1-قوة الملاحظة
2- التركيز
3-الاحساس، الشعور
4-الخيال
6-الايقاع
7-مرونة الصوت واتساع مداهو
8-الاتصال الوجدانى
9-المقدرة اللغوية، ودى نقاط متعددة
10-الهيمنة
11- والوعى بامكانات الجسد والاحساس بالجسم
12البعد المكانى والزمانى-
اهم نقطة واساسية هى استرخاء العضلات والتنفس
اى واحدة من ديل بتجرنا لى لخط التماس بينها وبين التانية او بينها وبين الشخصية المجسدة
مشكلتك كانت استرخاء عضلات، وتركيز
مفردات لغوية تتناسب مع حالة شعورية مختلفة للشخصية،
كلها بتتحل
اول تمرين نتعلمو الليلة هو استرخاء العضلات والتنفس، لانو بدونها بتصاب بتقلص، وما بتمشى مدة طويلة فى التقمص،
تقلص لا تقمص
زى اى زول بسخن للرياضة
او بتنفس من عمق الرئتين، فى اى ايروبيك او جمباز، بنعمل كدة للمثل،
ممكن يا موديك تعمل التمرين دة، يعنى اعرق من التسخين واتنفس صاح عدة مرات بعدين غمض عيونك واسترخى، بمعنى استجمع قوة تركيزك من التشتت بافكار جانبية
حاول ابدا تقمص الشخصية بعد التمرين وادينى رايك
عزة انتحل جسمك؟؟؟ اقصد انتحلتى شخصية؟؟ مشاكلك معاها شنو، استفيدى من تعليقى على موديك
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Elmosley)
|
ادواتنا بتاعة التمثيل تلاتة ارباعها عندكم فى الموسيقى يا استا> ياكبير، وانتم من نادى بادخال مادة الحركة والرقص على الموسيقيين ومادة الصولفيج وت>وق الموسيقى للمسرحيين وكانت تداخلات ناجحة للطرفين، انت بس حاكى لى صوت
احمد الجابرى
خليل اسماعيل
ابراهيم عوض
الكابلى
الخالدى
وصلاح ابن البادية
واجمع الكراسات
ودة بدخل فى تمارين استخداماتالصوت، والحالة الشعوربة للمغنى،
لما مثلت لمن بقيت بطل فيلم، وانت الموصلى انا حاعلمك شنو؟؟؟
العفو
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
ســـــــــــؤال:
في فرق بين الشخصية والدور؟؟
يعني بنسمع انو فلان اتقمص الشخصية ، وفلان ادى الدور حلو ، عايز اعرف ده شنو وده شنو ؟
انا ناوي اطلع الاول على الفصل ده.وشيلو شيلتكم يا محمد وعزة!!
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
طبعا النقاط الستة دي قيمتهم زي ستة أصفار جنبهم واحد ..
( قصدي مليون دولار للناس اللي ما وصلهم القصد )
أشكرك فعلا ... لكن بالنسبة للتدريب ذكرني بي تدريبات اليوجا .. صعــــــــــــب شديد لكن حأعملو .. بالمناسبة أنا لسه متماسك و ما اتخليت عن الشخصية ديك قدام الناس
لك كل الود
* ملاحظة : أشكرك علي مصافحتنا أنا و عزة
محمد
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
بسم الله الرحمن الرحيم
المتفردة/ تماضر
لك تقديري
فكرة رائعة يا استاذة تماضر ولو ماعندك مانع أنا عايز أعيد من سنة أولى لأني في أمس الحوجة وخاصة للمحاضرات النظرية .. أما زملائي الطلبة البساعدني في النظري بساعدو في العملي .. ولكم حبي وتقديري
عاطر التحايا
بدرالدين شنا
| |
|
|
|
|
|
|
|
|
|
Re: تعالوا نلعب....مسرح ...مسرح (Re: بدرالدين شنا)
|
كحلوش احتفظ لى بذاكرة المظاهرات دى للتمارين الخيال
الخيال الجماهيرى الما بجيب اى نتيجة،
بدر الدين شناة انت استاذى وشن بلم القمرى على السمبر
موديك يا طالب يا نجيب
كنت متوقعاك تورينى بالتفصيل التطور الحصل قبل اليوجا وبعدها عشان الفصل يستفيد، وهو الفصل مشى وين؟؟؟ ياربى انا بدرس فى الهواء؟؟؟ وين الطلبة الباقيين، ياناس قرجة وعادل والطاهر وهشام والزارونا وتاوقوا ومشوا؟؟؟؟
انا باذن فى مالطة
ورونى انتو فى صفحة كم؟؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Modic)
|
تمارين التسخين والتنفس والاسترخاء بقت تلجا ليها كل المؤسسات والشركات عشان تعلمها لموظفينها،
كل المجلات البتهتم بالصحة لانها بتساعد على الرشاقة ومرونة الجسم
كل المؤسسات التعليمية لانها بتساعد على الاستيعاب والتحصيل
ولما اقول بتكلم عن العالم الاول
وفى الفن، كل الفنانيين بيلجاوا للتمارين دى ، لانها بتساعدهم على الصفاء الذهنى
اغلب المصحات لامراض العصر العصبية والنفسية بنصحوا بيها ، لانها بتنشط خلايا المخ وبتخلى الانسان قادر على تحمل الضغوط النفسية البتقع عليه من جراء المدنية واالتعايش مع العالم المتطور صناعيا
اما الفلاسفة والبيؤمنوا بوحدة الجسد ، بيعرفوا انه امكانات العقل وشحذ الخيال وصفاء التفكير ما بتتاتى الا بالتنفس العميق واسترخاء العضلات
التمرين بعتمد على تلاتة مراحل
1-التسخين، وهو تحريك الجسد حتى العرق، باى وسيلة مناسبة، لعب الكورة ، نط الحبل،الرقص، الاعمال المنزليه العنيفة .... الخ
2-التنفس العميق من عشرة الى خمستاشر مرة، ويتم بادخال الهواء الى اعمق منطقة مستطاعة فى الرئتين عن طريق الانف، واخراجه ببطء شديد عن طريق الفم، فى وضع الوقوف المستقيم .وهوالتمرين الاساسى
3- ،الاسترخاءعن طريق الاستلقاء واغماض العينين وطرد الافكار المزعجة واستجلاب الافكار المريحة المفرحة
كثير من انواع الموسيقى الهادئة، الكلاسيكية ، الاليه يعنى ما بصاحبها صوت مغنى، ولا ايقاعات سخنةن بتساعد على الاسترخاء.
التمارين الثلاتة دى غير منفصلة عن بعضها البعض
وكما >كرت لها ايجابيات على كل مناحى الحياة وهى صالحة لكل الافراد وما بالضرورة بغرض التمثيل، لكن للممثل هى بداية لابدمنها،
شكرا مجحمد على
feed back.
ونواصل
دايرة اسمع من التانيين لو امكن
محمد خليك معاى ما تقيف وتكسل
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
بسم الله الرحمن الرحيم
المتفردة تماضر
سلام وإحترام وإنزال قبعة
في المعهد قدامي وفي برنامج المحطة الأهلية قدامي في العرس قدامي في الولادة قدامي وفي الغربة قدامي أنا فايتك في العمر بس .. أبقى أستاذك كيف ؟
غايتو على كيفك كان ما قبلتيني طالب معاكم برجع تاني للتمباك والشنا
عاطر التحايا
بدرالدين شنا
| |
|
|
|
|
|
|
|
|
|
Re: تعالوا نلعب....مسرح ...مسرح (Re: بدرالدين شنا)
|
بخليك ترجع للتمباك، لكن الشناة لا
خلاص خش يا بدر الدين حتكون طالب طويل وعوير واقعدك فى ىخر كنبة واقعد ارمى عليك اسقاطاتى كلها،
ياناس الكنبة الورا، الليلة التسميع
صم بكم؟؟
عامل كدة زى العمود
محمد قسم البارى قوم اديه كف...
ونوع الحركات الاستفزازية البعملوها الاساتذة ديك
مخيــــــــــر غايتو
| |
|
|
|
|
|
|
|
|
|
Re: تعالوا نلعب....مسرح ...مسرح (Re: كحلوش)
|
محمد ود عزة كحلوش
العزيز
اشكرك على افادتنا بعرض العرض المسرحى هنا فى حصة التمثيل، وكويس انو
نتناول عناصر تانية بتحيط بعالم التمثيل العريض الما عندو حد،
وهو العرض المسرحى
وزى ما شايف المكتوب دة هو عبارة عن العرض
يعنى لما اقول عرض مابقصد النص المسرحى بس، ولا رؤية المخرج بس، ولا عناصر الاخراج الشاملة للموسيقى والاضاءة والديكور والازياء والمكياج والملحقات، بما فيها حركة ووجود الممثل فى الخشبة، ولا تاثير الواقع على الجمهور او فى الحالة دى الناقد وهو جمهور من نوع منتقى،
انما العرض هو كل ه>ه الاشياء مجتمعة،
نحن فى دروس التمثيل لما نقرا المقال دة بكون بهمنا الممثل ، النص الدور المكتوب ليهو والشخصية الهو بتقمصها،
وانت افتكر سالت السؤال دة قبل كدة، الممثل بتقمص شخصية ، بالاطلاق دة لكن لما تكون داخل نص مسرحى ، بنقوم قام باداء الدور يعنى زى الكلمة المعروفة فى اللغة العادية،
شكرا يا كحلوش وماعارفاك انت بتعتنى بالواجب المنزلى ولا بتجى ت>اكر ىخر السنة للامتحانات وبس؟؟؟
ورينى عملت شنو وبجيبك الاول ما تخلى الباقيين يسمعوا
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
بسم الله الرحمن الرحيم
يا أستاذة في ناس بلاقوني في الشارع ويقولوا لي إنت الشيب الفي راسك دا ديكور؟ وطبعاً هم بخلطو بين الديكور والمكياج .. كدي عليك الله بس إتخيلي معاي ديكور مسرحية تخرُجك وردحي ناس الشبلي فوق راسي دا.. فياريت توضحي لينا الأشياء دي وكمان متين السيف بيكون ديكور ومتين بيكون إكسسوار؟
عاطر التحايا
بدرالدين شنا
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
مشهد
حضرت مثقلا بالغربة ... أخذت مقعدا وجلست بجانب أحزانى ... أتقيأ ذكرى ... أتنفس قرفا ... وبعضا من أنواع التبغ الفرجينى الفاخر ... وفى الآخر ختيت سفة ... ونزعت نسيج الشوق العصبى ... ونظرت بعنف ... أتلمس شيئا يجمعنى في شئ ... والأشياء ليست شبيهة بعضها وإن تقملصت برداء التشئ ... الوهم قاموس الضياع ... بئر نفضت ماءوها وتعمقت ... وكان الزمان لولبة النزول الى الخياريين ... أن تستطيل قامتك حتى يصعب تبادل الدم مع أخمصك أو أن تتقزم وتصبح بححم الكف ... لا عليك انه النشيج كما نسميه فى نوبات النواح الضاحك ... والسفه جهجهتنى ودمرت كل الاسباب الموضوعية للشقاء ... إتهمتنى بالغباء والمهاترة ... حزت فى نفسى ... فخرجت ... وتخلصت منها ببشاعه ... ورجعت ألعن فقرى وأحتشد من جديد... والزمن سهم يخترق أروقة الصدرالمكبل تحت وطاءة الصبر ... ذلك المزيج من التحفز والترقب والانتظار...... أحدق نحو المسرح .......
رفع الستار
انفجر المسرح نيلا ... وهجمت أشاهد أهلى وأبحث عنها ... كنت هزيلا ... كانت شرسة ... عاثت فينا جمالا بحجم بلادى ... إنتهرت فينا العزله ...وإحتلت خشبة كل الموجوديين ... وأقتحمت فينا الخرطوم... ولزمن يطول أو يقصر إنسحبت ... وتركت فينا السودان و بعض ثمار اللالوب ... بعدها أسدل الستار ... وأقسم بالله لا أستحضر ماهو النص
لكنى أتذكر جيدا أننى تمسرحت وخرجت أمثل فرحى
هكذا كانت تماضر شيخ الدين ... لربما كانت سنة خمسة وتسعين فلست فى يقين ... فى حتة ما بجورج تاون ... واشنطون
يتبع مشهد2
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
أنا استسلمـــــــــت
وقفت التقمص لليومين الفاتو ديل لظروف كده عارفاها عزة .. و بعداك بقت ما عندي رغبة أواصل فيها .. علي كل أنا صمدت كتير و غيرت شخصيتي و ناس كتار جدا لاحظو .. لكن كان عندي موعد .. و حضرت ندوة .. و حضرت تأبين مصطفي سيد أحمد اللي ما قدرت أتعامل فيهم الا بي شخصيتي العادية لأنو كان فيهم ناس لاقيتهم لي أول مرة و ما كان ممكن أديهم انطباع الا شخصيتي الحقيقية .. غايتو الحاجات التلاته دي كانت بالنسبة لي تدريب لي اني أرجع لي شخصيتي العادية .. و حاليا أنا مودك .. لكن دي كانت ألذ تجربة ..
غايتو بانتظار الدرس التاني .. و فعلا أنا مستمتع بالفكرة 
لكم حبي
مودك
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Modic)
|
الدبيب:
طالب مسائى؟؟
هاك طبشيرتى
وكراس الاخراج
وكرسى المخرج
والانحناءة دى
والاعجاب الشديد
ودرسنى
قريت شعرك المحفوف بالمفاجاة والعادية والنوح والانسياب، تمانين مرة
وغلبنى غير اصنفك فنان، مليان غربة حنينة وشجن مكلوم وخيال مدرار ولغة لاوية زى العصار وقلب كبير ودمك نيل احمر، وبترسم شجرغنابشعرك وبتحب
وما اكضب عليك شعرت بفخر لانك كنت قاعدمع الجمهور فى مسرح ديوك الينجتون فى جورج واشنطن اليوم داك، لانو شوفك ناجز وتعبيرك عن المسرحية اقيم من المسرحية وامضى سلاحا
الفصل حيبقى مسائى يا دبيب وانا حاكون اول طلابك... مرحب
وزى ماقلت عنك يوم دخولك المنتدى انت سام
وسمك زعاف
بى بت خالتك وسفتك وعرضحالك ونيلك
اهلا
لز الباب وراك الحصة بدت
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Elkhawad)
|
خواض،
من بداية تخريج دفعات اكتر من طلبة المعهد، وظاهرة دروس المسرح والموسيقى انتشرت وفى طلبة كتيرين فى المدارس اكتشفوا مواهبهم فى التمثيل والغنا والموسيقى او حتى الكتابة والشعر من جراء الدروس دى وانا بعتبرها محمدة كبيرة من عمايل المعهد.
ادخل ياخواض وجيب جيوبك الملانات نبق ولالوب ديل، فضيهم هنا فى التربيزة دى، وبطل الهرجلة وقنب مع اصحابك ديل،
جبت لينا معاك تكنلوجيا؟؟؟؟
ادينا التكنولوجيا دى هنا حنوديها مكتب الناظر
ونعتبرها تبرع منك لفصل المسرح
عشان حنحتاج ليها فى المشاريع الحنعملها اثناء الدروس دى طيب؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
بدر الدين شناة
الشيب الفى راسك دة اكيد ديكور.
والله يابدر الدين وكيمو ومحمد قمت من الصباح ارد عليكم ، مليت السهلة دى كلها كلام وطج عصرت لى مفتاح وفرررررررر البوست طار مشيت مغبنة وحردانة، واهو هسة جيت ارد الله يكضب الشينة
كدى النرسل دة قبل ما امر الله ينفد،
منعم شوف شايفاك بتهبش فى المفاتيح الحرمة ، بتطقك كهربا اعمل حسابك
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
محمد موديك
الشخصية فكها شوية لغاية ما نتدرب على حاجات جديدة وتانى ارجع
الديكور والمكياج حاجاوب باختصارعشان نواصل الدروس وبعدين لما يجى الوقت المناسب حنسهب
الديكور هو المنشأالمبنى البرمز للمكان، فى المسرح
والمكياج هو الاضافات اللازمة لتغيير( تظهير او اخفاء) ملامح الممثل.الاكسسوار هو القطع الملحقة التى تتحرك داخل المسرح، فربما تكون ملحقة بالممثل او بالديكور
اما الازياء فهى الملابس
ومرات بتتداخل الاكسسوارات فى تعريفاتها حيث انها تتبع مرات لازياء الممثل خارج الازياء (اقراط، عقود، قبعة...الخ) او القطع والادوات التى تستخدمها الشخصيةخارج عن كونها ازياء(منديل، سكين، قلم... تلفون، سيف) او تتبع للديكور (كرسى تربيزة...الخ)فهى ملحقات الديكور.
خت سيفك دة تحت التعريفات البادية لك ، وامكن الناس بلاحظوا التمعن فى التعريفات دى لانها مهمة لمساعد المخرج فى تنفيز العرض، خصوصا فى العروض الضخمة.
قوة الملاحــــــــــــظة:
الفن عموما يهتم بالتفاصيل
مثلا
الرسام مفرداتو وتفاصيلو فى اللون والخط والضوء والظل فى مسحات وفراغات وكتل فى الابعادالتلاتة وايقاعات المفردات وتناغمها وانسجامها وتنافرها فى مساحة اللوحة
بالخامة المستخدمة هو مكان اعادة الصياغة للمبصر المسماة بالرسم
الموسيقى
مفرداتو
هو الصوت بموجاتو وابعادو ودرجاتو
ونقيضو السكون
وتانى تجى فكرة ايقاع الصوت وتوزيعو على الزمن تناغمو انسجامو تداخلو مع الاصوات الاخرى
لما نتكلم عن المعمار، بنلقى نقاط تشابه فى المفردات زى كلمة ايقاع كتلة انسجام تناغم الشىء ونقيضه
وكل الفنون بتلتقى فى التفاصيل الدقيقة دى
والتمثيل هو فن تفاصيل الشخصية، يعنى مادتنا الخام هى الانسان بابعادو التلاتة
البعد الفيزيائى: جسمو حجمو وزنو صوتو حركة اطرافو طولو عرضو
الخ
البعد النفسى: ودى مزيج من حالات عقلية وسلوكية وشعورية بتعكسها الشخصية اما بصورة ثابتة وهى ما يتعارف عليه بالطباع، او صورة متقلبة وهى ما يعرف بالحالة الشعورية التابعة لموقف، مووووووووود تتزكروا؟؟؟
البعد الاجتماعى: ودى بتعكس علاقة الشخصية بالشخوص المتاخمة ليها فى السلم الاجتماعى وما تمليه عليها من سلوك ، مثلا الابن الاب، الزوج الزوجة ، المدرس الطالب، البوليس الحرامى، القاضى المتهم،
يعنى البعد الاجتماعى بمعناه البسيط دة بخلق بالضرورة تعقيد ما بحكم الدوافع البى موجبها بتتصرف الشخصية التصرف الاتصرفتو وتسلك السلوك السلكنو، ولو انه العلاقات الانا ضربت بيها مثل دى كلها بسيطة لكن تتعقد وتتبسط حسب خلفيات معينة
الخلفية الثقافية
الخلفية التاريخية
الخلفية الاجتماعية
وعشان ما تتعقد لينا القصة هنا الامثلة بتنفع
لو مسكنا علاقة التلميز والمدرس
فى امريكا فى السودان هسة زمان فى حى ناس غنيانين حى ناس فقراء
هسة كدة عندنا بالحساب كدة تمانية نمازج مختلفة،
ما علينا....
التفاصيل البنحتاج لتجميعها عن الشخصية، ولانو الزمن ما بسمح بتجميعها كلها بالحرفية دى، الفنان هو البقدر يجمع المعلومات دى من الملاحظة
او من اختزان الملاحظات فى الزاكرة
وبس
تمارين قوة الملاحظة بتخلى الممثل يعرف "يلاحظ" اكبر كمية من المعلومات عن الشخصية فى زمن وجيز ومن ثم يستخدمها "لاعادة الصياغة" المتداول فى الفنون التانية فى اطار خامة الجسد والمكونات التانية الملحقة بيه فى الانسان.
واضح؟؟؟؟؟ انا قلت شنو؟؟؟؟
عشان عدم التطويل اعمل البوست الجايى للتمارين بس
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
تمرين بسيط: ابدا شيل ليك ورقة وقلم فى الشوارع وما تخلى زول يتهمك بالجنون، ولما تلقى فرصة اكتب ملاحظاتك ، لو >اكرتك قوية ما تكتب
اعزل زول من الناس البلاقوك فى محل عام او فى الشارع وعاين ليه لمدة 10 ثوانى وووقف ، يعنى عاين بعيد منو
عدد الحاجات الشفتها من اوصافو، ملامحو ، لبسو، حركتو
ارجع بعد اللستة وراجع الشفتو؟؟؟
مالاحظت لى شنو؟؟؟؟ دة المهم
الناس بعاينو للوش، العيون
فى كتير من الاحيان الملابس بتلفت النظر قبل الوش،
لو فى زول بتكلم، حركة شفايفو وصوتو بخطفوا النظر،
ما بتكون شفت الزول دة لابس شنو؟؟؟ او ايدو فيها خاتم ولا فاضية، ولا شبطو اكبر منو؟؟ او توبها بالقلبة
اعمل التمرين زاتو مع زول تانى وحاول ركز بعد الحاجات البتخطف نظرك على الحاجات الما بتخطف نظرك، الحاجات المابلاحظوا ليها العامة،
التمرين دة ممكن يتعمل مع البيوت والمناظر الطبيعية وواجهات المحلات والشوارع وداخل البصات ، يعنى عاين لمبنى وحاول وصف الشفتو لى نفسك وارجع عاين تانى شوف نسيت شنو؟؟؟
الحاجات الما شفتها اول مرة دى هى الاهم،
لنه من مستوى شوف لى مستوى شوف تانى بتتعلم تتعلمى تشوفى
تلاحظى
الاشياء الخفية للاشياء والاشخاص
2-تمرين متقدم
العب اللعبة دى
مع المعاك، واحد فيكم يلملم عشرة حاجات صغيرة
زى حجر سكسكة حلاوة براية استيكة حبة من حبوب حبوبتك حقة الضغط كستبانة دبوس ضغط برضو بينسة حجر بطارية
ودعة نبقة ، مثلا يعنى
ويخلى التانى يعاين ليها مجتمعة زى عشرة ثوانى
بعدين يعددها
شوف بتشوف كم من عشرة
لو لعبت عدة مرات نسبة ملاحظتك حترتفع وتقترب من العشرة من عشرة
لما تقفلها العب تمرين متقدم اكتر
3- عاين لزول بعمل فى حاجة لمدة دقيقة
خباز؟؟؟ عمل شنو فى المدة دى، رفع العجينة فى الهوا دردمها كرضمها بيدو اليمين فرشها فى التربيزة جاب النشابة طرحها
المهم فى المسافة دى لازم تلاحظ لى ملامحو وحركات وشو وفعلتو العملها مجتمعة،
طبعا اعادة التمرينين الاوائل وتنوعهم بعلموك تشوف اكتر وبتلقى انو معدل ملاحظاتك بيزيد فى كل مرة
بالله البعمل التمرين دة يكون صادق فى رصده لتطوره ويورينى قدر شنو استفاد منو
فى مجلات التسليه فى تمارين قوة ملاحظة، دى مفيدة لكن لما تعاين للحاجات والناس على الطبيعة بتستفيد اكتر لانو مخ الانسان فى الظروف الطبيعية بكون مشتت بالمشاهدة وما بعرف روحو شاف شنو وما شاف شنو
يللا
الواجب
جيب تمرين جديد لقوة الملاحظة
كيف تربط بين التمرين دة وبين تقمص الشخصية الفى الحصة الاولى
على طلاب الفصل المسائى البيتان مع الغفير
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
ابلة تماضر او ام الشباب
شنو نازلة فينا برى عندنا اسئلة كتير عاوزين نسالك ليها بس خايفين من العصاية الفى يدك
وخايفين تقومى تقولى للناس الكنبة الوراء تعالوا شدو الولددا
لاكين انا برضى حا اسئلك
كم سوال
1-هناك مصطلح فى المسرح اسمة النص الارتجالى ماهو وهل المراء ممكن يكون عندها نص ارتجالى
2- انتى ذاتك الشبكك فى التمثل شنو ويتين اول مرة مثلتى وما هى اكتر شخصية فى الطفولة او فى البدايات اتغمستيها
3-هل الخروج عن النص يؤثر على العمل
4-ما هى عناصر تكوين المسرح الكامل
5- هل هناك انواع للمسرح يعنى ممكن نقول فى مسرح سياسى او مسرح كذا
وكفاية عشان جرس الحصة ضرب
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
الأستاذة/ تماضر شيخ الدين
والله العظيم كلامك طيب الخواطر
وأقسم أننى لاأدعى النبوة لكننى أميز فقرى أدامها الله علينا نعمة لنحتفظ لكم بالدهشة, ونكتب ما نكتب فقط لنتواصل
يكفينى أن أكون تلميذك وبالمساء...
وأغرفى منى بشارة زمنك ...
تسلمى يا طيبة
وعلى مقولة أبو حراز
قال هاك التبشيرة قال
ومع انى بليد وطالب بالمساء لكن عرفتا حاجة
وحكاية نبيت مع الغفير دى ألذ حاجة ...الغفير ما فردة ... وتوفر لينا قروش المواصلات من هنا للدروشاب
والتحية لكل الجميليين فى هذا البوست
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
لا حولة ولا قوة الناس ديل خلاص قرضو السنة بس اوع يقوم اربتونة
يااستاذة انا والله كنت منفسة صاحبتي
صاحبتي الهام ما عارفاها
لا لا ما انا
انا باقي لي شهرين
هي كحلوش اوع تضحك علي
انا عارفاكم انتو وعزة مقاشرني
بكلم ليكن عادل السعيد صاحبي
معليش تماضر اقصد استاذة تووووووووووووووووووووووووبة
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
كحلووووووووووووووووش وينك ما خليت لي ملف ما دخلت في وما لاقياك
يا حليلكم بكرة نحنا ما عندنا تلفون عشان
الرحيل
الرحيل
وعدم الاستقرار
مع السلامة
وابقى زي ما قت ليك
حتوني
والله
 
| |
|
|
|
|
|
|
|
|
|
Re: تعالوا نلعب....مسرح ...مسرح (Re: عشة بت فاطنة)
|
صباح الخير يالحيطة
قيام ...جلوس
قيام ...جلوس
الحيطة الورا اقعدى تقعد فيك الحيطة
وانت يالحيطة المطرطشة دى ن ماشايفة؟؟؟ بتعفصى ما لك فى مزاير الناس؟؟؟
ويا حيطة الزبالة انتى ، تعاينى لى شنو لى ضلك؟؟
وانتى حليتى الواجب يا طوب انتى؟؟
نبدا درسنا الليلة
طبعا يالحيطة عارفانى بدى الحصة دى للحيطة ليه؟؟؟
لانه الطلبة الفالحين ما بحلوا الواجب وما بشاركوا، احسن الزول يدرس بدلهم شنو؟؟؟؟
الحيطة،
يا سلام يا حيطة انتى امال بقولوا عليك كدة ليه؟؟؟؟
طيب...
درس الليلة حيكون،
كدى دقيقة نشوف الفى الباب دة منو؟؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
مساء الورد عليكم بتوقيت الخرطوم
سجلينى يا استاذة لكن بنزل بعد 1 فبراير
بس اول شئ اشرحى لى الحالة دى
There are 0 users online, » 0 Members, 0 Guests
وانا قااااااااعدة فى نصه بتحاوم جاى وجاى ..قصدو شنو البورد ده
ولا ياربى ممتقمص شخصية الكاميرا الخفية؟
تسلمى
| |
|
|
|
|
|
|
|
|
|
Re: تعالوا نلعب....مسرح ...مسرح (Re: عشة بت فاطنة)
|
يللا درس الليلة عن التركيز
والانسان "المغبى" الما مركز هو اشتر
يعنى الايقاع نوع من انواع التركيز، والحفظ تركيز ، والرقص تركيز ، وحل الالغاز والمسائل المعقدة تركيزوالتمثيل تركيز،
الممثل بحتاج للتركيز عشان يكون قادر على تشغيل دماغه وجسمو وبقدر يؤدى حوار او شعر وسط ممثلين تانين فى فراغ المسرح قدام الف عين من غير ما يرتبك ويفقد قدرته على الاداء.
فى مئات التمارين البتساعدعلى تطوير آلية التركيز فى الانسان، وبعضها متعارف عليه زى العاب الاطفال زى البيضة فى المعلقة والطاقية والكيشة غيرلو والالعاب السحرية زى تحريك يديك فى اتجاهين مختلفات او تشبيك الاصابع ومحاولة معرفة ياتو اصبع يكمين ولا شمال، ولعبة المراية ، انت تكون مراية زميلك وتتابع حركته بنفس السرعة والاتقان البحصل فى المراية
والعاب متقدمة فى التركيز لغويه زى الغلوتيات
وترديد كلمات حروفها متشابهة وصعبة لمدة طويلة وزهنية بحتة زى الشطرنج والالغاز الرياضية،
نا بطلب من عشة تخت لينا تمرينين تلاتة بصورة ايضاحية بحيث يستطيع الطلبة اتباعها وممزاولتها، بدل ما تقعدى تناكفينى من بوست لى بوست،
طيب يا بت امى؟؟؟؟؟
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Tumadir)
|
انا غايتو مركز تركيز ..
زيدو لي جك موية
واشربوني بنكهة الطبيعة
.
.
خالتو تماضر
الشوق ماسورة محلوجة
.
حليلك يا عشووووشة
الاستاذه قالتليك ادينا امثله
ماقالت ليك زوغي زوغة مركزة زي دي
دمتم لي
| |
|
|
|
|
|
|
|
|
|
Re: تعالوا نلعب....مسرح ...مسرح (Re: Elkhawad)
|
كحلوش والخواض
مدير المدرسة قال الميزانية محدودة والمواهى الشهر دة ما كفت ، ودايرين يوقفوا حصص النشاط فى المدرسة
قلت ليه يعنى توقف النشاط وتخلى الكسل؟؟؟
قام زعل وشايفاهو شايل الكرسى وفى ناس ماسكنو ويقولوا ليه خليك عاقل ، ما عارفة ليه ، المهم انا كنت بى ورا الباب الزمن دة كلو مستنياها تصن
عسة بعد صنت
حاتدبى براااااحة وامشى الفصل ، لانو لو شافنى حيشيل الكرسى طوالى،
انتو امشوا قدامى
امشوا براااااحة
زى مشية الناس فى القمر،
حس بى جسمك خفييييف زى الريشة، اتخيل انو وزنك نص وزنك دة ، وامشى خفيف رشيق ما داير تطلع صوت من خطوتك ، حذر ، خايف
ولما تصل نص المسافة اتخيل نفسك العكس تماما، دب ، فيل، تاجر مواشى ، سمين بدين واثق من نفسو ، تج تج تج جسمو تقيل وحركتو واثقة من نفسو
التركيز بكون فى الاتى:
حركة الجسم، اليدين (متنيات لاعلى محور حركتهم حركة الصدر صاح؟) الرجلين وتبادلهم للحركة مع الاقدام ، التقديف دة، البطن والجذع بتبادلوا المواقف ،
شايف؟؟؟
فى حالة الخفة وحالة التقل، انت بتستعمل نفس اعضاء جسمك بروح مختلفة ، بلعب فيها العقل دور هام جدا ، هو البملاك بالشعور والاحساس لما تركز فى الفكرة كويس
ودة بنسميه الايهام
الايهام انك بهيمنة منك على الحالة الشعورية بتاعتك بتدى احساس خارجى بالحركة والتعبير ، توهم بيه المتفرج بحاجة تانية
ودة بتم بالتركيز
يعنى حالة عقلية اولا بعدين جسمانية
يللا ياكلحش يا مكلحش انا اوهمنى بانك ماشى فى طريق مضلم بالليل وشفت دهمة زول فجاة فى وشك قايلو مجرم وفجاة لقيتو قريبك وبعرفك
وانت يا خواض اتخيل نفسك مشيت تفتح الباب لى بتاع البوسطى ، لقيتو جاب ليك طرد تقيل جدا جدا ، لما فتحتو لقيت فيه اكتر حاجة متمنيها تجيك فى الدنيا ، حاجة فى الكمبيوتر
القصة لما تتقال كدة بتتشاف فيها اجزاء كتيرة لكن لما تقيف على حيلك وتدور تعملها بتلقى ما فى حاجة ، حاجة تبدا بيها مافى
اول شى داير ليك "شخصيه"
الزول الحاصلة ليه الحاجة دى ، دة انا؟؟؟؟ (كحلوش الخواض) ولا زول تانى؟؟؟
ابدا التمرين بنفسك يعنى الزول دة تكون انت بتكوينك البتعرفو
طيب لو جودت الشغلانة امشى اختار شخصية مختلفة منك، يعنى لو انت زول عاقل ورزين اختار شخصية زول احمق وخفيف، او زول اهبل شوية ومبالغاتى ، او شخصية زول مستهبل وكضاب،
وجرب
كدى ادونى معاكم فيد باك
لو عدتم عدنا
وواللع لو ما عدتم ولاشغلتنا بيكم
انا حرييييييدة بالمناسبة معذبة اهلى عذاااب
| |
|
|
|
|
|
|
| |
Tumadir
يازولyazoalيازول
Elsadiq
garjah
Adil Osman
albagir altahir
منعمشوف
Modic
altahir_2
عشة بت فاطنة
willeim andrea
Dafi
adel alsaed
Elmosley
بدرالدين شنا
فيس بوك
تويتر
انستقرام
يوتيوب
بنتيريست