|
التجربه دى...ما ليها مثيل..وما طالها خيال...يا على السقيد
|
وجانا المقداد شايل الشريط00
كلامك لى...
هديه لى من الفنان على السقيد ...
صورة الغلاف...مدروسه بعنابه..انسان والة عود..يلهم احدهما الآخر.. وتصميم تاج السر الملك ...بدعو بذوق متحضر ..الى عمل...مدهش
ونفتح العلبه ...السحريه...لتنقلك الى عالم على السقيد..العميق..الطروب..المنتقى.. لاتكاد تخطىء اذنك...عملية المكساج..المتقدم.. فعلى السقيد فى واشنطن ...وحاتم المليجى فى السودان..وشريف شرحبيل..قام با لمكساج والتسجيل ... وكلمات مدنى النخلى وسعد الدين ابراهيم وعماد الدين ابراهيم ومحمد ود الرضى والحان من عبد الطيف خضر ومن على السقيد ...ومن التراث ...ومشاركة من هاديه طلسم فى ارض الطيبين...
وعالم من الاساطير...والحدائق ..وعزف على السقيد المتمكن على العود...وصونه الدافىء ..الحنين...المثقف..وكبرياء الاداء...و....و .
وعندما يتوقف الغناء.......تبدا انت ...فى التجدد...وتمتلىء دما..نقيا...واراهن ان ستصبح نفسك نغما.. وستتردد فى الاصداء...لحنا وليدا
تم التسجيل باستديو سودانيز ساوند الخرطوم 2... وتم الطرب هنا...فى القلب
استمعوا الى على السقيد فى "كلامك لى" ..ويصير عمركم...سرمد .....
لك الشكر يا صديقى الوفى ...على الاهداء.....
وشكرا لزما ن ....يكون شادينا فيه ...على السقيد ...
|
|
|
|
|
|
|
|
Re: التجربه دى...ما ليها مثيل..وما طالها خيال...يا على السقيد (Re: Tumadir)
|
العزيزة تماضر
تحية ود وتقدير
لقد عايشت الأستاذ علي السقيد في قصر الشباب والأطفال ولا زلت أتحسر على رحيل النوار خلسة إلى سجن المنافي وبوار أرضنا الطيبة من المبدعين إلى حين الرجوع ، كلامك دا شوقنا نسمع هذا الشريط ومن بكرة هاك يا تفتيش ونحمد الله اننا لا زلنا نحتفظ لعلي السقيد بكثير من الروائع ، ونشكر لك بحثك الدؤوب عن الإبداع والمبدعين يا مبدعة يا رائعة . متعك الله بالصحة والعافية
| |
|
|
|
|
|
|
Re: التجربه دى...ما ليها مثيل..وما طالها خيال...يا على السقيد (Re: haleem)
|
يا تماضر بلاي ما تحرقو روحنا
بيعوا لي شريط علي السقيد
واللا وروني القاه وين
انشاء الله بي الدوت كوم
علي السقيد عندو طريقة تيجانية لعزف العود غارقة في التصوف وتر حاااااااااااااد جواه صول وقبل ما الصول ينصرف تجيك حزمة اوتار لاداء التحية لنغمة الصول... حكاية كدا بعرفها هو وبس
انتو عايزين تخلولنا الغربة وبس؟؟؟
والله لو ما لقيت الشريط ده روحي ما بترقد وبكون مشحتف شحتفة
| |
|
|
|
|
|
|
Re: التجربه دى...ما ليها مثيل..وما طالها خيال...يا على السقيد (Re: dreams)
|
الطيب بشير نزار حسين الجندريه ود امى دريمز
والبسالوا فى الماسنجر..والمترقبين...
انا قلت بكلمكم "لاحقا"..اهى دى لاحقا جات وانا ماجهزت المعلومه....لامن اتقلبت "سابقا"
لومكم على....
الواطه تصبح ..وتجى "لاحقا" البعد " سابقا" ديك . واجيب ليكم الاكيده...
فى الوكت ده اتصبروا بالشرايط العندكم...
وبالحب..المرابض.. فى الحواشى..وبين مسارب ..شوقى ليكم..والمماشى..و..وموسيقى فى الخاطر ..بتشدو ...لاحقا
| |
|
|
|
|
|
|
|