|
|
|
 Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
تماضر
قولي ليهو أن بلاد النيل مملوءة بالعرائس ، وأن عرائس النيل ارتوين من ماء النيل وهو نهر من الجنة ، وفي الجنة لا مكان لظلم ولا قهر ، ومن ارتوى بري الحرية لايستسيغ ريا غيرها ،،
وفي بلادنا حاول الظالمون أن يقطعوا كل شرايين الحرية ، قطعوها عن سكان المركز والأطراف سواء بسواء ، أشاعوا قيم التدمير والتخويف والخنق ، لكن عرائس النيل ظللن يتحسسن نفس الحرية داخل وجدان الشعب ، شعب لا يستطيع أن يعيش إلا حرا ، فبحثت عرائسه عن مكامن القوة داخل النسيج الوطني ، فكان الفن المنبثق من هذا الوجدان المتدفق ، وكان التنوع المضفي إلى الوحدة ، وكان هذا الجمال الداعي إلى استمرارية الحياة ،
ونحن عرائس النيل نسعى لوصل شريان الحرية الذي انقطع ، وسنوصله ببذلنا وعطائنا المتواصل وبمساعدة أصدقائناالذين يؤمنون بأن الحرية قيمة لا يمكن للإنسان أن يعيش بدونها .
وللا أقول ليك ، قولي براك ، هو في زول بيقول أحسن من قولك ؟
| |
 
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
لذا لا تستغرب ان الاغنيه الثانيه من الحاني في الرق
فيها مديوليشن مع بداية الكوبليه الاول بعد المذهب
مباشرة عملتو كيف ليس لدي اي معرفه
الحبيبة بت الشيخ000
دة خليهوا لانه بتاعنا كلميهوا بالقمع00 بتكميم
الافواه 000 بالتعذيب0000 بي مشاكلنا00000
والله دي فرصة ما حا تلقيها تاني أستثمريها لينا
ويديك الف عافية
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Abd-Elrhman sorkati)
|
جميل جدا
تماضر الانسانة المبدعة
في وسعك أن تقولي له ، أن اردت ، أن الشعب السوداني غير راض عن ما تم في هذه الاتفاقية التي تكرس لاستمرار نظام شمولي ذي طبيعة اصولية شاذة وان امال السودانيين في التحول الديمقراطي الحقيقي قد ذهبت ادراج الرياح وانهم يخشون أن تكون الادارة الاميريكية عقدت صفقة ما ضد مصالحهم وتطلعاتهم المشروعة
أو لا تقولي ذلك أن اردت
ولك المحبة الدائمة دائما
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Abd-Elrhman sorkati)
|
قولى ليه ياخناس
السودان دا فيه امخاخ دمار شامل
وفى كمان امثال الجلبى كتيرين
يريدون ان يحكمون..بالوشايات
فرجاء خلونا فى حالنا..ونحن نخليكم فى حالكم
ما دام الناس ديل اتفقوا..مافى داعى تجيبوا
لينا قوات حفظ سلام..تشفط عائد البراميل حقنا دا..عسكرين من ناس الحركة وثلاثة من شباب الوطن الزمان ممكن يحرسو عازة..وهى مشغولة
فى الكبرته والبنات ركبن قطر الساعة واحدة
ومزيد من الابداع لعرائس النيل
ولك ودى
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: ShiningStar)
|
سمارت انا
موصلى
العروض يوم
16شهر سته العرض فى مبنى ناشينونال جيوقرافك الساعة 12 ظهرا ده فيه كولن باول
فى كينيدى سنتر الساعه 6 مساءا يوم 18 وده عرض كبير ومدته ساعه وفيه اصدقاءنا الموسيقيين
ناشينونال جيوقرافك تانى بين 2:30 و3:00 بعد الظهر يو م 19 وده فيه الفرقه الصغنتوته من واشنطن..
شايننق ستارز ..تعالى اركبى معانا فى حافلتنا..بنسكنك معانا فى هوتيلنا...وتشيلك رموش عينينا
الجميع:
برجع ليكم بعد المعايش...
شكرا كلكم
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
قول ليهو
لانك ود خالتنا نحن فرحانين بيك ...لكن المقعدك مع صقور الادارة الامريكية دي شنو....
قول ليهو امريكا ضرت العالم وناس بوش ديل بلاوي زح منهم ..
قول ليهو الكفوة العندنا في السودان امريكا بتتحمل جزء منها...ونحن شعب اسطي والشايفو ده من طرف الدولاب لكن كفوتنا الهناك خلتنا سفرنا دولابنا كلو بره السودان لانو خايفين عليهو ...وقطع شك راح نرجعو بس الشعب الاسطي يرمم البيت ..
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: smart_ana2001)
|
Tamador: salam , wish u luck in the show , im eager to see you and the group on the stage but you know , the problem of " al-moaslat" cant attend the show and get back to catch my share in the "nothingness" we are growing here , so , please , tell him ,in details, about the creativity of the Sudanese people , he wouldn’t believe but show him that they have invented a local meal and call it after the family name of his president , “al-boash” , and make it clear that it is the poorest thing in the world , consisted of bread and soup , sorry , " water" of " Alfoul" , a terrible popular meal in Sudan , and if he ask you " Mam ,what is this all about ?" please ask him to go to the dictionary and search for some bizarre " words" as poverty , inequity,power abuse , fallacy of globalization , war , malnutrition, false democracy , discrimination and lost dreams of a whole continent. Tell him that his country is so great, it is extremely great, awfully strong, mighty and Eternal, but there is a funny queer disciplinary called History , it says, this excellent combination of tyrannical elements are not An American Discovery, they are there from the very first existence of humanity , and it works out for decades , for centuries , it will do , but not forever . your words , tamador, will sound odd , to him , so if you wish , try to find a brief summary of " The Collapse of the Roman Empire" , or , let him see a videotape of Tom & Gerry ! Power is everything , blind power is nothing
(عدل بواسطة نجلاء التوم on 06-04-2004, 07:04 PM)
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
الاخوة والأخوات.
الأستاذة تماضر شيخ الدين مشهود لها بالفن والإبداع ولكن الذي أريد أن أشيد به هو التزام الأخت تماضر بقضايا وهموم الوطن التي لا تنتهي أبداً. الأخت تماضر معروفة بالمشاركة في كل أنشطة السودانيين المختلفة بالولايات المتحدة بدون مقابل أو أجر, التحية لتماضر شيخ الدين والتحية لجميع أعضاء الفرقة. كما أرجو لكم بتقديم عرض جميل يشرف مقامكم ويعرف العالم بثقافة السودان المتنوعة.
أما لقائك بوزير الخارجية الأمريكي يعتبر لقاء تاريخي, نصيحتي لك, لا تضيعي الفرصة وقولي له ما تريدين فهو رجل مرح وخفيف الظل ويحب النكتة دائماً رغم جدية عمله. الشيء الملفت لنظري في هذا البوست هو رأي بعض الاخوة بأن تذكر الأخت تماضر الوزير الأمريكي ودورهم في العراق. سؤالي لهم, هل أنتم تهتمون بالعراق أكثر من بلدكم السودان؟ أنا شخصياً لا أتذكر بأنني في يوم من الأيام قابلت شخصية مهمة لها دور بما يدور في العالم وناقشت معها مشكلة غير مشكلة السودان. فهل نحن لنا أولويات مختلفة؟
دينق.
| |
|
|
|
|
|
|
|
|
 Re: ماذا اقول بالنيابة عنكم لكولن باول: سيشاهد عرضنا (Re: Deng)
|
الأستاذه تماضر لك الود
قولى له أن الديمقراطية والحرية وحقوق الأنسان ، كنتم رواد لتحقيقها
كدولة محترمه ، لكن الأرهاب لن يتوقف بفرض تلك القيموحدها فى شرقنا وأنما بالنظره العادله فى كل المشاكل المحليه والعالمية أعنى فى مشكله مثل مشكلة جنوب السودان ودارفور ومشكله أقليميه مثل مشكلة فلسطين.
لابد ان تتخلى الولايات المتحدة من النظرة الماديه الضيقه الى العدل والحق والمساواة.
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: مارد)
|
الاستاذة القديرة تماضر
تحايا وسلام
اولا اتذكرينا كويس قبل ما تقولي اي حاجة
ثانيا قولي له اذا راهنو علي ناس الجبهة حيخسروا
كثير ونحن ادري بناس الجبهة.
نعم همنا دارفور والسلام في بلدنا ونتارق جدا لشعب فلسطين والعراق لاننا نعشق السلام ونحلم بسلام العالم.
تحياتي لكل الفرقة وجميع المشاركين.
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Muhib)
|
أخت تماضر
تحية طيبة
ما كنت أود أن تمثل فرقة عروس النيل السودان لأسباب لا تخفى على أحد لكن معظمنا لم يتعود على إسداء النصح خوفا من الاتصاف بما لا يحب ولا يرضى، فرقة عروس النيل التي شاهدت لها عرضا -لم أكمله- في ولاية فيرجينيا لا تمثل السودان في شيء ولا يصح أن تمثلنا أمام كولن باول أو غيره، أحسب أنّ ما أعنيه واضح لا يحتاج شرحا أو تفسيرا وكم كنت أود لو واتت أحدهم شجاعة قول الحق وجنبني عناء الاختلاف الدائم في الرأي مع الكثيرين هنا.
احترامي،
أحمد الريّـح
| |
|
|
|
|
|
|
|
|
|
Re: اليتيم ما بوصوه علي البكاء (Re: Tumadir)
|
الاستاذة تماضر:
لك التحيات الطيبات ..ومزيدا من النجاح..
ساحاول ان اكون من الحضور المزدهي بكم دوما..
للتشجيع وكدا...
قولي ليه كل الفي بطنك وكاتماه جواك واليتيم ما بوصوه علي البكاء..
وفي رأي قولي ليه قدم استقالتك ,,,,,
تصبحين علي نيل...
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
اتقدم ليكي بالشكر على هذه اللفتة الكريمة كونك تأخذي رأي ناس المساطب. وده دليل على وعيك واحساسك بدورك كفنانة وانسانة في مقدمة الصفوف. لم يستشرني اي سياسي في اي موضوع ولذلك منذ عشرين عاما انا خارج القطيع. لو كنت قريبا منكم لانضممت اليكم لكي اصفق حتى تتورم اصابعي . مثلك نحتاجها في كل موقع. ليت رجال بلادي مثلك.
اتمنى لك وللفرقة كل نجاح وتوفيق ( رغم عدم معرفتي بما تقدمينه الا ان ثقتي فيك بقت كبيرة.
اما ماذا تقولين للوزير فقد تذكرت ان الله حين ارسل سيدنا موسى واخيه هارون عليهما السلام قال لهما قولا لفرعون كلاما لينا. فاذا كان الله يامر انبياه بالقول اللين، فما احوجنا نحن ضعفاء العالم الثالث لكلمة رقيقة نرفعها لاولى الامر. اعذريني ان اهمس في اذنك بانك لست مسئولة عن العراق ولا اسرائيل ولا غابات الهملايا. هل سمعت في عمرك - امده الله - مسئول عراقي او فلسطيني تكلم في منابر الامم المتحدة او غيرها عن قضايا السودان؟ هل كتب علينا ان نبكي جراح الآخرين ولا نبكي مآسينا. لا تشتتي الجهود ، ركزي علينا فليس لدينا صوت يصل الى تلك الاماكن، كوني صوتنا طالما للاخرين دولا ومنظمات وعالما بحاله يتكلم عنهم.
انني اطلب منك ان تتقدمي لباول والحكومة الامريكية بالشكر على جهودهم وصبرهم على توقيع السلام وعبري عن سعادتنا كشعب ضعيف على ما تحقق واطلبي منه ان يتواصل الجهد لتطبيق الاتفاق ولاطفاء حريق دارفور والشرق.
لك الشكر مرة أخرى
أبوحبو
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: alsngaq)
|
تماضر
قولي ليه نحنا ما راضيين من العملتوه في العراق باسم "الحرية والديمقراطية" وعندنا مثل بقول "دق الجراب خلى الجمل يخاف" ... غايتو ترجميه بمعرفتك يعنى نحنا خايفين من التدخل "الغير شفاف" والإتفاقية الفي طريقها للتوقيع فنحن نحلم بســلام مستدام (الدايم الله) - سلام يضاهي احلام كل المطحونين في الجنوب والغرب والشرق - هل يعقل ان تكون تلاته جهات من اربعة تنوم على جحيم وتصحى عليه- وبعدين كلمة الشفافية دي تنمحي من القاموس (العالمي الجديد للسياسة)- وغايتو يا تماضر الله يعينك في الايجاز والافادة - وعن ذات نفسي لم تعد امريكا من أعول عليها في الحلول فيكفي "العكات" في افغانستان والعراق وهلم جرا (وهذه الاخيرة) أتمنى الا تكون نحن... وحقيقة قلبي معك ودعواتي الصادقات بالتوفيق... حتماً مثلك قادر على توصيل رسالته.
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
بت الشيخ الرائعة تماضر
بأمثالك يحق لنا ان نرفع روؤسنا فخرا وعزا
ببنات عزة وعرائس النيل،، والي الأمام
بعدين يا تماضر الوصية يالمهلة
قولي ليهو
نحن في الشمال عانينا الكثير وسوف نعاني
اكثر تحت حكم الأسلام السياسي الذي يمثل خطرا
علي وحدة السودان
وقولي ليهو ان دارفور تعاني من مذابح جماعية
وتطهير عرقي والشرق يعاني من الجوع والمرض والسل
اخيرا لك الود والحريص ما بوصوهو
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: ahmed haneen)
|
يا تماضر قولي ليه...
ســــــــــــــــــاعيدو ــ نــــــــــا
.....يا جمــــــــــــــاعة....الرسول فوقكم
كان ضريتونا...باقي عندكم ناس معيقين خلاس
ما تخلوهن يجونا...كان دايرين تجوا...تعالو لابسين
قمصان وبناطلين...بتلقوا ناس كتيرين يصاحبوكم....
وقفونا حروبنا دي والبمدها بي سلاح اقطعوا رقبتو
الناس ديل ماهن ناسا هينين...ما فيهن جلبي
ان خاويتوهن هسع حالا سريع يوروكن بن لادن في ياتو جحر
وتكون حربكم علي الارهاب انتهت بدون حوجة لي ام القنابل والله قتل جندي امريكي والله انفجرت دبابه....
خاووهن وارفعوا الظلم عن المظلوم في اي بقعه من بلادي بس مش بالقوه
بتلقوهن من ايدكم دي لي دي...والناس الشايفاهم عينكم دي كلهم اهل
وانا زاتي تماضر بت شيخ الدين...كان جيتو لي الشرق بتلقو اهلي وكان مشيتو الغرب بتلقوهم...وبعد كتلتو نار الجنوب ...بس قولوا
اوف نار الغرب بتنطفي...البلد غنيانه بس ابعدوا منها المشاكل
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: سارة منصور)
|
أستاذتنا البنت الحديقة المبدعة المترعة
تماضر ام سارية وبنت شيخ الدين
أمنياتنا لكم بالتوفيق والنجاح
فأنتم خير من يمثلنا ويرفع اسم سوداننا عاليا
وقولى للعم كولن ود باول
كما قال عمنا الحلفاوى لوالدنا أستاذ محمد توفيق رحمة الله عليه
عملتوا لينا فى السلام فى السودان شنو
على وزن رمضان
أمنياتنا ومحبتنا وسلامنا للجميع
لكل الاخوه الزملاء الاحباء
أخوكم عبدالعزيز خطاب
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
تماضـــــر ،،
بإعجـــاب و بتصرف - ربما بتشويه - أترجم مداخلة نجــلاء التــوم:
تماضر سلام. ليتني أكون معكم. ولكن إذا حضرت فلن أتمكن من اللحاق بأداء دوري الهام هنا. ماذا نفعل هنا؟ نقوم بتشييد صرح "الخواء و اللاشئ".
أخبريه يا تماضر عن كم هو عظيم شعبنا. قللي و دللي. لا تسهبي فهؤلاء هم أمة الفاست فوود FAST FOOD الذين يفاخرون بإختراع المكدونالدز. تفاخري أمامه بـ"البوش". أثبتي له كم هو خلاق شعبنا العملاق الذي إبتكر "البوش" أشهي الأكلات في تاريخ البشر. قولي له إنها خبز وماء. سيدهش حتما. لا تحفلي بنظرة البلاهة التي سيشيعك بها. واصلي بكل ثقة و أكدي له أنها سميت علي إسم رئيسه "بوش" وأن ماء الفول يباع بالدولار وبالكمشة وبالصف و باليل و النهار. وأن البوش يؤكل بالأيادي و بالعزة و بكل الفخر. سيسألك معاونوه
Just water?
قولي لهم : له طعم شهي ومبارك وتكثر فيه الأيادي
وعندما تنكشف عن وجهه الدهشة و البلاهة: سيدعي أنه ما فهم شئ مما ذكرت.
هنا أسأليه إن كان قد فهم في حياته يوما لهذه الكلمات معني:
الفقر ، الظلم ، الحرب، سؤ التغذية، الأضطهاد، أكذوبة العولمة و خداع الديمقراطيات المزيفة. أسأليه هل شاهد فيلما بعنوان "الأحلام الضائعة للشعوب"
و قبل أن يجيبك ، وهو لن يجيب – قولي له بكل شجاعة: هنالك يا سيدي حقائق كثيرة في هذه الدنيا لا تدرس في مدراسكم ولم يحدثك عنها أجدادك، هل حدثك أحد عن بعانخي و مهيرة و علي عبداللطيف وود حبوبة و محجوب شريف؟" . سيعاونه مساعدوه علي الفهم، سيهمسون في أذنيه من جهة اليمين و اليسار، وسيحاول فتح فمه ليسمعك صوت الإدارة الأمريكية أو إذاعة "الحرة" فلا تدعه يفعل. قبل أن ينطق كلمة واحدة قولي له:
لا يا سيدي لا . إن التسلط و القهر و إستبداد الحكام ليس إكتشافا أمريكيا مسجلا بإسم بوش. إنه موجود منذ وجدت الإنسان. إنه أحد و جهين ولدت بهما الإنسانية. أما الوجه الآخر ... الذي لا تعرفه أنت ولا رئيسك لأنكم لم تجربوا أكل "البوش" .. فيعرف عندنا بإسم إرادة الشعوب.
ثم قدمي العرض وتعالي إلينــــا.
(ترجمة بتصرف لمداخلة نجلاء التوم في هذا البوست).
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
العزيزة تماضر
لك التحية وتمنياتي لك بالتوفيق
كولن باول ده قولي ليهو بس يورينا ما هي نوعية الديقراطية التي يستخدموها يعني الماركة بتاعتها بلد الصناعة وتاريخ الإنتاج وتاريخ إنتها ءالصلاحية والوصفة بتاعتها عشان نقدر نبطخها كويس وأهم حاجة المكونات والمقادير وكمية النار لأنو شايفهم مرة بختوا الحلة فوق نار هادية ومرات بشعللوها لما نقول الطبخة خلاص ليها العوض وكمية اللحوم المستخدمة وأهم حاجة عمر الضحية وبالله أساليه ما هو السبب في حبهم الكبير للحوم الشرق الأوسط وما هي الميزة التي فيها وأنواع البهارات المستخدمة في هذه ... الحلة المدنكلة.
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
اذيك اسمعي هنا ده نحنه ما ناس ما كمان اذكرينا معاكم
قولي ليهو حبيبك أمسك المجنون الليله وين ياعيني
بعدين قولي ليهُ الا يكفيكم كُل مافي الارض من موتي واطفال يجهضون ورؤوس تطحن الاطفال وتدفن الطحين , اوليس كفي , او لن تتركو قوة الاشياء للاشياء ,,اولن تدعونا نبحث عن شليلنا بايدينا لا بمصابيحكم التايوانيه الصنع الرديئه انعل ابوك لا ابو اهل امك وبعدين رسلو لينا صلاح الزين نشوفو ونرجعو ليكم
وقولي ليه أُمبارح ما جيت ليه
| |
|
|
|
|
|
|
|
|
 Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
تماضر
سلامات ومشتاقين
أتمنى لكم النجاح..
قولي له أنكم تحاولون صناعة السلام بواسطة الفن الذي يتوحد عليه معظم السودانيين أصحاب الفطرة السليمة..
لكن لازم كوفي عنان يكون حاضر لأن المناسبة تخص الأمم المتحدة واللاجئين.. قولي لكوفي عنان أن السودانيين يشكرون الأمم المتحدة التي بدأت تفهم مسألة السودان ويتمنون لها النجاح في إحلال السلام والعدل والمساواة وحقوق الإنسان بوسائل حضارية غير عنيفة..
لقد شاهدت اليوم برنامج تراثيات الذي يقدمه جراهام عبد القادر وكانت به رقصات شعبية من كل أنحاء السودان.. فقلت الحمد لله.. وقارنت بين هذا الواقع الجديد الذي بدأ يفرض نفسه، وبين الأحداث العنيفة التي قادها الأخوان المسلمون في الجامعة بسبب رقصة العجكو في أواخر الستينات.. عاش الشعب السوداني محطم الأكاذيب والقهر والعنجهية.. والسايقة واصلة.. طبعا تذكرتك وتذكرت فرقة العرائس وقلت متى يجيء اليوم الذي نرى عروضها من التلفزيونات العالمية؟؟ لا أظن أنه بعيد..
الله يديكم العافية ويوفقكم كمان وكمان..
وتقبلي سلام إلهام..
ياسر
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: بلدى يا حبوب)
|
قولي له
انتم لم تجدوا اسلحةالدمار الشامل في العراق المحتل بعد
ولكنكم جعلتم العراق في حالة دمار شامل
والسودان جدير بحل مشاكله من الداخل دون محتلين او مغتصبين لارضه وعرضه وحقوق انسانه كما فعلتم في ابو غريب وغيرها باسم التحرير والديموقراطية
_____
أتق الله حيث ما كنت واتبع السيئة الحسنة تمحها وخالق الناس بخلق حسن
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Frankly)
|
قول ليهو ..
حميده بسلم عليك ..
وبالانجليزي عليك الله ..
والله يا استاذة ..
عارفة دي مشكلة ..
هسع زول ذي دا يقولو ليهو شنو ..
رأس مليان اسلحة دمار شامل .. وتفجيرات ..
وشارون .. وابو غريب ..
افضل حاجة ..
تقدمي ليهو صورة ..
وتخليهو يتأمل علي راحته ..
اصلو ديل شغالين بنظرية ..
الري بالجاذبية ..
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
عفارم ياتماضر
باقي لي كرهتي اليوم الفتحتي فيه البوست ده!
يعني لو قلنا ده يا هو ذاتو خاتم المني، برضوا السودان البلا وجيع كان طلع من المولد ده بلا سمسمية!
حيث الاولوية وكالعادة والي قيام الساعة، للفلوجة او فلسطين، وحتي اوربا!
لاحظي لاذكر ولو طق حنك ساكت للموت الفي زائير ولا الصومال مثلا!
طبعا وكالعادة ومن باب تزيين الباطل او تبرير حالة الاستلاب والاغتراب عن الذات، نفس الالية حتصور ولع مريض بهموم الغير، كهذا، كعبقرية جديدة تضاف لي قائمة عبقريات شعبنا "العملاق"!
ياربي قاصدين "عمبلوق" مثلا، ولا وجه العملقة الغابياني دي شنو يالله؟
شعب لازال يتوكأ علي عكازة هوية الغير من فرط احساسو المفرط بعار هويتو، وهوان انسانو الاسود المسفوح دمو مهدور في جنوبو او غربو، برضو شايف روحو عملاق!
يا للعمبلوق!
قولي لاخي كولن باول:
بفضل تضحيات، دموع، ودماء امثالك، ولمئات السنين، من اهلنا الافارقة الامريكان- تأتي لامثالنا عبور الاطلنطي بجوازات مرور، احرارا، لا في اغلال العبيد، مكدسين في سفن البضاعة البشرية!
واعلم يا اخانا باول واخانا جسي واختنا كوندليسا، ان انهار الدم في بلادنا، لا تختلف الا من حيث الكم والكيف عن الدم المسفوك في واتس وكامتون ودي سي، مابين السود انفسهم، كثمرة مرة لذات شجرة عبوديتنا، عربا كانو مستعبدينا، او غربيين- مسلمين كانوا ام مسيحيين.
ينبغي علينا كقوم سود او سودان، ان لا نلومن احدا، غير انفسنا علي الاطلاق. ماحدث لنا، حادث، او سيحدث في المستقبل مسؤليتنا نحن، وحدنا لا شريك لنا!
في الختام التحية عبركم للشعب الامريكي الخلاق والعملاق، والتحية للرئيس بوش وادارته لحقنهم دماء المعذبين والمقهورين في ديار اجدادهم، ديار السود اين ما كانو، او The Heartland of All Blacks كما قال المصادم Chancellor Williams
توقيع
تماضر شيخ الدين.
An African American
الكوز احمد الريح
قلت لينا فرقة عرايس النيل لا تمثل السودان؟
غايتو في دي صدقت!
يستحيل سودان الكيزان او ناس حماس يكون سودانا!
لو بقي علي عندي الكيزان ما سودانييين زاتهم!
مش كتر خير امريكا الخلتنا نسوي الماقادرين نسوي في بلادنا؟
كمان احمد الريح، بيعترف، انو بيختلف عن معظم السودانيين!
ما عشان كده مقولة "من اين اتي هؤلا" سارت بيها الركبان!
او يا خسارة عيشنا ما اكلو جراد الكيزان!
| |
|
|
|
|
|
|
|
|
 Re: ماذا اقول بالنيابة عنكم لكولن باول: سيشاهد عرضنا (Re: Bashasha)
|
الخاله العزيزة الفنانة القديرة تماضر سلام وود
الف مليار مبروك كل النجاحات التي حققتموها لاسم السودان الحبيب
ارجوا ان تبلغي مستر كولن باول
باننا شعبا عملاقا كبير ونفتخر بثقافاتنا المتعددة التي تفوق تعدد ثقافة شعبكم المصطنعة
حاجه تانيه
بلغي تحياتي وسلامي الي قريبي محمد طاهر (ادروب)
وقولي ليهو قريبك بيسلم عليك
مع ودي واحترامي
alii ahmed
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: hamam)
|
تحضيرات وانشغالات واتصالات...
ارجو ان تعلموا اننى اقتطع من وقتى الضيق..ما يسمح لى بمتابعة ارائكم القيمة..
وحقيقة قيمة...فقد ادهشنى الكثيرون بمقدرتهم على التعبير..وارى نفسى اتفق مع معظمكم..
وخفة دم بعضكم...اضحكتنى..وهى ايضا ساحاول نقلها..(والله)
ولاحمد الريح جزيل شكرى على رايه فى فرقتنا..نتمنى ان تجد ما يروق لك فى مجال اخر...
ابادلكم جميعا الحب الجميل ..واحملكم فى خاطرى..فى الحل والترحال.
وساعود حتما..كل مره
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
العزيزة تماضر
كولن باول هو البقى مهم علشان كدة سيتشرف بحضور العرض بتاعكم!
كتبت,
| Quote: سادلى ببعض اقوالى كما يحدث دائما قبيل تقديم الفقرات..والتى من المتوقع عندما يكون باول هو احد الحضور ان تحتوى على رسالة قوية ...ومختصرة..ولا تخفى علي احد كارثة عدم استقرار الامن فى كل اتجاهات السودان خاصة ..دارفور. |
وهل هناك اكثر من هذا؟
لك التحية و الود
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: nada ali)
|
الى من يهمهم الامر..
عرضنا يوم الخميس 16 يوليو سيكون فى الساعه 10:30 الى 10:45
وستكون مجموعتنا هى المجموعة الوحيده التى ستقدم عرضا فى هذا اليوم..وسيقدم العرض مباشرة بعد كلمة السيد باول..
المرجو حضوركم المبكر..ففى وجودكم قوة لوجودنا...
والحاضر يكلم الغايب..
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: Tumadir)
|
التهنئة القلبية يا تماضر وقد وصلتم من زمان .امنياتي لكل فريق الفنانين بالنجاخ وغن جاز لك ان تشيري لشىء فيجب ان تشيري لوضع المرأة في بلادنا على الرغم من نضالات قطاعها الحي وخصوصاص اشيري لختان البنات وطلب المساعدة الدولية لاستئصاله من ثرى بلادنا مرة وإلى الابد كما يجب ان تشيري غلى ان الجهود المبذولة دوليا وامريكيا للقضاء على الايدز ضعيفة.أتمنى يا تماضر ان يرفرف علم فرقتكم في أعلى قمم جبال الفن الامريكية والعالمية حتى غذا جيئتم إلى السودان بحثنا لكم عن قمم تليق بكم عبثاً وربما تغدو الجبال في حضرة البعض سفوحاً واراض منخفضة.
| |
|
|
|
|
|
|
|
|
|
Re: ماذا اقول بالنيابة عنكم لكولن باول: سيشاهد عرضنا (Re: ثروت سوار الدهب)
|
التحية لجمعية المراة السودانية بواشنطن..لاهتمامهم بمقدمنا ..ودعمنا المعنوى والروحى
Greetings to All:
We are pleased to invite all of you to attend the UN Refugees Day Cultural Event in which we are proud to announce that our Sudanese Artist Tamador Sheikh Eldin's group, "Brides of the Nile", (in addition to Awtar Elneel, Adarob, and Mahaisn Children's Group), will participate.
1. Bride of the Nile : will participate on the 3 days June 16,18, 19.
2. Awtar Elneel: will : join in on June 18th.
3. Mahasin's Children's Dancing Group will join in a brief performance on June 19th.
Schedule as follows:
DATE: TIME PLACE
Wednesday 6/ 16/ 2004 (Approx. 10:45 AM) National Geographic Society
(Straight after Col.Powell's Speech) (Explorer's Hall)
1145 17th St.
Wash. DC NW
Friday 6/18/2004 6:00-7:00 PM Kennedy Center
(Awtar Elneel & Adarob) (Millennium Stage)
6/19/2004 2:30-3:00 PM National Geographic Society
(Mahasin's Group will participate) Grovesnor Auditorium)
Kindly note that Tamador has so graciously allowed some minutes for our group of young girls (The Sudan Children's Dancing Group) under Mahasin Ahmed supervision, to take part during her performance of June 19th .
Lets all show our support to Tamador and her vibrant group of talented and energetic young ladies and for her continuous efforts to promote Sudanese traditional culture in this International forum, in the US, and to all our dedicated Sudanese artists .
Kindly circulate this invitation. Free attendance
Nadia M. Osman
Gen Sec
SAWO
الســــــــــــــــــــــــــلام للكل...
لمن افضى...
| |
|
|
|
|
|
|
| |
Tumadir
Abd-Elrhman sorkati
smart_ana2001
ودقاسم
فتحي البحيري
abuguta
Elmosley
alfatih
yasiko
Deng
الجندرية
حبيب نورة
ملكة سبأ
abdelrahim abayazid
omar ali
اسامة الخاتم
Muhib
Ehab Eltayeb
garjah
alsngaq
ahmed haneen
nazar hussien
Nagat Mohamed Ali
عزيز
HOPEFUL
هاشم نوريت
خالد الأيوبي
Ibrahim Algrefwi
mustadam
Yasir Elsharif
بلدى يا حبوب
Frankly
humida
Adil Osman
بكرى ابوبكر
Bashasha
degna
خضر حسين خليل
nada ali
Bushra Elfadil
تولوس
hamid hajer
أحمد أمين
ALZOLZATOO
ثروت سوار الدهب
brakat
omar_ragab
صديق الموج
فيس بوك
تويتر
انستقرام
يوتيوب
بنتيريست