|
دعواتكم لزميلنا المفكر د.الباقر العفيف بالشفاء العاجل
|
|
 Re: منتمية..اشكو من المحبة الشاملة لى كل الفرق (Re: Tumadir)
|
Quote: ناسا تعيش لى يوما..
ناس تدسا كان بابا انطرق
ناسا تموت فى العنقريب تتغتى بى توب الطرق
وناسا مشايخ فى الطرق
ناسا طريقتا فى الحياة زاهدة وشفيفة
وناس خرق
وفى ناس بتخدم فى الضحى تتقلى بى نار الهجير
تتهد ..تتصبب عرق
ناسا بتاكلها بالبلاش
وناسا سمك جوه المحيط ..يامطفح يا غرق |
والله يا تماضر ماكي هينة..
ماكي هينة تب..
| |
 
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
| Quote: وماهوية الإنسان بلا إنتماء... |
راشد الحاج
انا مغبنة من يوم سمعت بحادثة الذبح المشئومة
وقريت كلام حميد الذى لا استطيع ان امسك من شعره محبتى
يقول الما عندو كيان اليشوف ليها كيان...
انا انتمى لهذا البلد ..جينيا وروحيا
لا استطيع ان اختار الا كله ..
ولا انتمى الا الى ذرات ترابه...
ويااااااااااااللحزن والفجيعة التى اصابتنا فيه.
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
Quote: مشيول على نور العيون ..شلال عشق
من يات كيان ..انا بس أكون؟
من يات فريق من الفرق؟ |
ربنا يحفظ الوطن .... و يحفظك ،
Quote: انا انتمى لهذا البلد ..جينيا وروحيا
لا استطيع ان اختار الا كله ..
ولا انتمى الا الى ذرات ترابه... |
تعظيم ســــلام ... و عاطر التحيات .
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: عبد المنعم سليمان)
|
up
up
dr Mariam is aragal from all the ingaz gang so called men all put together
dr Mariam is one of our sudanese heroes if the ingaz like or not
up up the umma party and all freedom fighters in the stolen sudan
dr mustafa
from ustaz zumrawi
يا صحاب...
الأيام في السلطة بقت معدودة
والأنقاذ تفرفر
وتضرب يمين وشمال
دائما تذكروا ان الطغاة لا يخافون الا من كلمة الحق
لذلك سيخيب فألهم فى عصر الأنترنت.........
عاشت الكلمة الحرة
dr mustafa mahmoud
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
Quote: من يات كيان ..انا بس أكون؟
من يات فريق من الفرق؟ |
انت من هادا التراب
من حزن الجداول
و الجروف الموعودة بالفرح
بشارة القرقراب
من نتح الوجع ..
يحرّك فيناالغضب
وأيديك تمسح مِنّا العذاب
انتى
من كيان البلد التريدِك
و الناس القُراب
اقبليهو
دا قطِع أخضر ..
جدا
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: معتصم الطاهر)
|
ثقافتنا
فقاقيع من الصابون والوحل
فمازالت بداخلنا
"رواسب من " أبي جهل
ومازلنا
نعيش بمنطق المفتاح والقفل
نلف نساءنا بالقطن
ندفنهن في الرمل
ونملكهن كالسجاد
كالأبقار في الحقل
ونهذا من قوارير
بلا دين ولا عقل
ونرجع أخر الليل
نمارس حقنا الزوجي كالثيران والخيل
نمارسه خلال دقائق خمسه
بلا شوق ... ولا ذوق
ولا ميل
نمارسه .. كالات
تؤدي الفعل للفعل
ونرقد بعدها موتى
ونتركهن وسط النار
وسط الطين والوحل
قتيلات بلا قتل
بنصف الدرب نتركهن
يا لفظاظة الخيل
قضينا العمر في المخدع
وجيش حريمنا معنا
وصك زواجنا معنا
وقلنا : الله قد شرع
ليالينا موزعه
على زوجاتنا الأربع
هنا شفه
هنا ساق
هنا ظفر
هنا إصبع
كأن الدين حانوت
فتحناه لكي نشبع
تمتعنا " بما أيماننا ملكت "
وعشنا من غرائزنا بمستنقع
وزورنا كلام الله
بالشكل الذي ينفع
ولم نخجل بما نصنع
عبثنا في قداسته
نسينا نبل غايته
ولم نذكر
سوى المضجع
ولم نأخذ سوى
زوجاتنا الأربع
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: معتصم الطاهر)
|
Quote: انت من هادا التراب
من حزن الجداول
و الجروف الموعودة بالفرح
بشارة القرقراب
من نتح الوجع ..
يحرّك فيناالغضب
وأيديك تمسح مِنّا العذاب
انتى
من كيان البلد التريدِك
و الناس القُراب
اقبليهو
دا قطِع أخضر .. |
قبلتو تب يا معتصم
قطعك الاخضر قبلتو ..وهمنا البات معتصم
دربنا الاخضر ..بنمشى خطاويه .. والناس تعتصم
وبكرة جاية وما بعيدة ..دليلنا رب المعتصم
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
اه يا تماضر اختي
. واعشق السودان الواحد الحر الديمقراطي؟ .. و مؤمن بان حركة الثقافة السودانوية الوحدوية هي دوما حركة في اتجاه المستقبل المتصل تواترا حضاريا بالماضي و من ثم لايمكن النظر للتراكم الثقافي السودانوي علي اساس دوائر ثقافية منفصلة و منغلغة عن بعضها البعض.. وهذا لاعلاقة له بالتطور الثقافي و ان وجد ضالة عند الساسة النفعين و المطبلين للفرقة و الشتات حتي يسهل لهم هرس عظامنا احادا(كما يفعل المركز الان) و مع العلم ان شعوب السودان تزاوجة و تشابك نسبها و صحب ذلك تشابك وو تلاحم و تتداخل تعبيراتهم لكوامنهم الطقوسية و اصبح بحمد الله من الصعوبة بماكان التفريق بين اهل الاسرة الواحدة تحت اي حجة ففي الاسرة الواحدة تجد الاصفر و الازرق و الابيض و القمحي و فكلنا لا ادم و ادم من تراب فافضلنا الاهل السودان هو الذي يراعي حرماتهم و يصون كرامتهم و يعدل بينهم و يطورهم و يضعهم في مصاف الدول المتقدمة . و بيعدهم من الاعانات و الاغاثات السامة و التسول اما سفارات الشعوب مقهورين مكسوري الخاطر، مقتلين في ميدان مصطفي القاهري، ومزبحين في اوطانهم غير آمنين
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: shahto)
|
اه يا ختتي تماضر الانتماء و جع حدقات ضرس العقل ، وانا عارفوا كلام الطير و لكن اي طير انها طيور ما تبقي من عقلي كان اطير،،، اخوتتتتتي ... سننعتق و نلملم شمل السودان .. لا ترتستلوا في الحزب القابع في الاكمات ... اخوتتتتي
اخوتي ما علينا الا ان ننظر في التقاليد السودانية الحية و الفاعلة في ثقافتنا الحالية و التي تواصلة فعاليتها عبر عصور الشعوب السودانية من قبل تكوين ممالكنا القديمة التي ماذلت تؤثر و بقوة في عصرنا الحديث مع العلم ان الشعوب تتفاعل و تنفعل بتليد تاريخا ... واننا نجد هذه القيم الجيدة من تاريخ شعوب السودان و تم قبولها لدينا جميعا و نجدها ممارسة في اشكال عدة و هذا مايميز السلوكيات السودانية من سلوكيات الشعوب المحيط بنا رغم التشابه في بعض السمات و هذا امر طبيعي ... و ان هذا التميز هو الديل لنا خصوصيتنا و باننا قبلنا بعضنا البعض و انفعلنا بسلوكياتنا الثقافية و هذا جاء بعد عهود من التراكم الثقافي المتلاقح والتاريخي الذي اختزن في فنوننا التشكيلية و اشعارنا الشعبية و رقصنا و كلها احدي سمات حيوة الثقافة السودانوية وو حدة مجتمعنا العضوية ... فان الثقافة المادية الظاهرة ماهي الاتعبير كينونة الفكر السودانوي و تواتر اخباره عبر الماضي السحيق و نراها تنعكس في شكل غناء ننفعل به كلنا (عريسنا مرق البحر ..يا عديلة و قطع جرايد النخل ) و رقص و نغم تهتز له اجسادنا في حركات قريبة التشابه و المماثلة برغم اختلاق المكان و المناسبات الشعبية و برعم ختلاف شكل النوبة من النقارة فكلاهما يؤدي و ظفية ايقاعية و احينا كثير نجد الصانع واحد و المواد و النغم واحدة و ان المؤثرات الثقافية متواصلة و مستمرة باقاع منسجم في طبيعتها المعتقداتية و الروحية حتي في في طريقة ادارة وحكم الناس هذا مماجعل من الثقاقة السودانوية و عاء حافظا للموروثنا الثقافي و ساعد علي بقاءها وبعدها عن الهزات الثقافية القوية و كل المؤثرات الثقافية الجدية (من تكفير و تهميش) انصهرة في البوتقة السودانوية بصورة انسيابية هادئة هذا هو حال الثقافة المسيحة حيث تلاقحة مع الكوشية و المروية القديمة بل اصبح السودان جزءا من التطور الثقافي المسيحي و الملاحظ ان للسودان مركزا هاما في الديانات القديمة و نجد ذكره في عدد من فصول الكتاب المقدس..(في كتاب اشعيا ، و في اعمال الرسل،? عند الحديث عن الكنداكة) و هناك الكثير نتعرض له في وقت لاحق
اما عن الثقافة الاسلامية نجدها انسابة بهدؤ فائق و اندمجة في الموروث الكوشي القديم و هذا ما اوجدته الصوفية الاسلامية من انسجام مع الثقافة السودانوية الافريقية الجزور فكان لللاقاعات الافريقية القدح المعلي لايجاد اذن سودانية تصغي وقلب ينفتح للتعاليم الدينية الجديد و لكن بعد ان توافقت القيم الاسلامية و نبيل القيم السودانية القديمة مما جعل للسودان طابعه الخاصفي التدين و التسامح و من تذهد و تصوف فكل هذه المجموعات الثقافية الوافدة من عربية و السلامية و افريقية حلت كلها و بنسجام تام بالمكون الحضاري القا ئم اصلا في المنطقة السودانيه منذ عهود بالغة القدم و ماذالت قادر علي الاستمرارية و العطاء و بطاقة ذاتية لاستيعاب الاخر و ترويضة ثم دمجه داخل منظومتها العتيقة و ابرازه كقيمة سودانوية ذات خصوصية محبة للاخر واحتضانا للقادم ، حيث اسمرة المسيحية لمدة طويلة من منتصف القرن السادس الي بداية القرن السادس عشربقيام مملكة الفونج ، و السودان ياهو السودان حتي جاء الجان ، اطلقوا البخور
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: shahto)
|
تماضر: وأنا أعطن خياشيم نفسى فى بحر هذا النفس الطيب .....,
وأشاركك هذا الصفاء , وجمال الإنتماء بهذا النص الحزين :
( كونى برداً وسلاما )
-----------------
( يا نار كونى برداً وسلاما )
على أهل المكارم.. والكراما
ثوبى تلطّخ نزفاً ,
والعُمامه ..
بالدم المسفوح غدراً,
والخيانه ..
نعىٌ أليمٌ يا وطن ,
وعزاءٌ إلى يوم القيامه!!
أن يُذبح الأبناء نحراً ,
كألعصافير الجريحة ,
كألحمامه !!
وأن يدوس هذا الوحش !!
هذا الوغد!! على جماجم الثكالى,
وأكباد النساء , وأسمال اليتامى..
وعلى صدور كل الناس ,
والمضامين القدامى :
العزه , والحريه , والسماحة ,
والكرامه ..
والرفق بالأحياء , والأشياء ,
والتسامح , والشهامه ..
والمحبة, والمودة, والتراحم ,
وأنوار الإستقامه ..
( يا نار كونى برداً وسلاما )
وأميطى الأذى , وأدران القمامه..
وضعى الطريق على درب السلامه ..
فعلى الأوحال والأهوال ,
قد طال المقاما !!
واستفحلت حمم المزلة,
والمهانه ..
نعىٌ أليمٌ يا وطن ,
وعزاءٌ إلى يوم القيامه ..
-------
مامون أحمد إبراهيم
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Abu Eltayeb)
|
هاهو أنت يا شحتو الفنان تضع اصبعك على جرح الانتماء الحقيقى ..انتماء العادات والتقاليد
انتماء التراث والفلكلور
انتماء الفن والثقافة
من من السودانيين لا يعرف طقوس القبائل كلها وينتمى لها فى الافراح والاتراح
منذ أزمان بعيدة والعارفين يحاولون ان يقربوا صورة الانسان السودانى من المركز الى أطراف نائية ..والعكس صحيح.
ان بحوث وبرامج الطيب محمد الطيب ..ودراسات كلية الآداب فى جامعه الخرطوم اقسام النقد و التراث .ومعهد الموسيقى والمسرح وكلية الفنون الجميلة .وجهد العاملين فى مركز دراسة الفلكلور والذين انتجوا فرقة الفنون الشعبية السودانية واشكال بحث وعرض كثيرة وأقصد الايجابية منها الواعية بدروس الشعوب وعلاقات انتاجها ..هى التى قربت الالسنة والاعراق والمعتقدات السودانية لبعضها البعض ..قربتها لبعضها البعض بأقامتها لهذا الحوار الدائم بين الماضى والحاضر والمستقبل وجعلتها تتجادل مع المستورد والصادر فيما بينها حينا ومع الشعوب الاخرى حينا لاحقا أن الثقافة لهو كائن حى يتحاور ويتداخل مع ثقافات الشعوب الاخرى .. ..
ينمو ويكبر اذا رعيناه وتعهدناه بالحب والبحث والنماء
ويقحل ويجف عندما نصب على طرقاته سموم الكراهية والفرقة..
فلا يجب لاحد أن يدعى ان حضارة أجداده او ثقافة عرقه كانت مستقلة تماما عما حولها ..هذا مستحيل ..فالتاريخ يعى عناصره وله قراءات لا تخطىء
التراث الشعبى الفلكلور والفنون والعادات هى مدخل متقدم لتنمية الشعوب وتقاربها وتعارفها .وقديما قال ارسطو: اعرف نفسك..هى التى تجبر اللغة وأوعية الفكر على التقلص والتكلس او الاتساع والازدهار ..وهى التى تقرب الامكنة والازمنة لبعضها البعض وتضرم نار المحبة وتطفئها ..ان اراد لها القوم ان تنظفىء او تشتعل.
الفنون هى وجه حضارة الانسانية قد أفلح من زكاها وقد خاب من دساها.
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: shahto)
|
عارفة ..
بحسدك ..
يا إنتي زولة قوية شديد .. يا حالمة شديد .
من وين بتجيبي كمية التفاؤل دي ؟؟
الخنقة الفي الروح يا تماضر شينة ..
وجع جوة .. حك ما تقدر تحكو .
في شنو بالله يدعو للتفاؤل وللا إنتظار باكر ؟؟
عايني كل شي حولك .. قبح وين ما قبلتي ..
إنتماء لشنو ؟؟
محبة لمنو ؟؟
فراغ مجوف كبير و شين و ضلمة ..
يا تو فرق ؟؟
منو بيكون أخوك ولا ود عمك عشان تقلدو وللا تناديهو يرفعك و إنت مطمئن ؟
منو البلد قالت يا أبو مروة قال ليها أبشري !!!
شوفي الكيل السجمان في خلال أسبوعين بس ..
مظاهرتين عرونا قدام نفسنا ..
قفانا أعوج ..
مافي سند إسمو السودان ولا يحزنون ..
شوفي كتل محمد طه رجّانا كيف ؟؟
شوفي الكيمان ..
كلنا شايلين تاراتنا لبعض .. كلنا .
و كلنا صاح .. !!!
وكلنا أكبر غلط ..
في اللحظة التقبل مني ح أغدرك .. كأنك ما ود أمي و أبوي ..
كلنا بروتوس ..
يدك في يدي .. أقلدك ..
و في اللحظة التانية أجرك لهاوية ما ليها قرار ..
و كلنا طُرُش ..
ما بنسمع غير صوتنا و بس ..
خذلان كبير يا تماضر .. و سقوط أكبر ..
شعارات و هتافات و كواريك و زعيق و وهم و ... بس .
نحن شعب اللعنة مبارياهو ..
و اللعنة بتاعتنا هي نحنا زاتنا ..
ما تشكري الراكوبة في الخريف يا تماضر ..
نحنا كعبين كعبين كعبين ..
بالونة كبيرة و ملونة و .. ملانه هوا ..
نحنا كذبة كبيرة ..
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
Quote: ( يا نار كونى برداً وسلاما )
وأميطى الأذى , وأدران القمامه..
وضعى الطريق على درب السلامه ..
فعلى الأوحال والأهوال ,
قد طال المقاما !!
واستفحلت حمم المزلة,
والمهانه ..
نعىٌ أليمٌ يا وطن ,
وعزاءٌ إلى يوم القيامه .. |
كنت قد اقمت سرادق العزاء على (هذى البلد)...
لكن من اليتم الذى اصابنى ..قلت اصنع ليها روح..
التقيك قبل يوم القيامة فى شارع طويل اخضر وجميل فى البلد ..
| |
|
|
|
|
|
|
|
|
 Re: منتمية..اشكو من المحبة الشاملة لى كل الفرق (Re: Tumadir)
|
أخاف الطريق اللي ما يودي ليك
و اعاف الصديق اللي ما يهم ليك..
صحي.. بناتك عيونن صفاهن سماي!
.....
و يا عماد كلنا في الهم شرق.. و الشئ المتحكر جوانا اليومين ديل
- لا بتحكا لا بتنشا ده - ربنا كفيل بيهو.. ما عندنا في الوقت الراهن
الا بعث تماضر ده و طائر فينيقك داك
ياخي انتا مرة قلت حاجة لطلال عجبتني كيف!.. قلت ليهو : عاين لي أنا
عمري كدا (..) ولسه فاتح صدري للحياة.. اها جنس الاكسجين ده كان
اتوفر لينا كشعب جوة وبرة.. الحبة ما بتجينا.
لكم شتلات محبة و احترام.
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: saadeldin abdelrahman)
|
Quote: و يا عماد كلنا في الهم شرق.. و الشئ المتحكر جوانا اليومين ديل
- لا بتحكا لا بتنشا ده - ربنا كفيل بيهو.. ما عندنا في الوقت الراهن
الا بعث تماضر ده و طائر فينيقك داك
ياخي انتا مرة قلت حاجة لطلال عجبتني كيف!.. قلت ليهو : عاين لي أنا
عمري كدا (..) ولسه فاتح صدري للحياة.. اها جنس الاكسجين ده كان
اتوفر لينا كشعب جوة وبرة.. الحبة ما بتجينا.
لكم شتلات محبة و احترام. |
شكرا لفضح الاكسجين ..يا سعد الدين عبد الرحمن ..
وفضح تفاؤل عماد ..وصموده فى الزمن الصعب
ونان بعد حميد ..فضل شنو؟ كان ما التفاؤل
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
لقد أحسنتِ نواحك يا بت الشيخ
يا بت الشيخ، حرَّم، أحسنتيهو
و برب القلب أحسنتيهو.
و ها أنت، أشلاء قمر
في الفلاة
تتجادعك الجهات
و تتجادعنا
و اللهيب قاهر
الخاسرون نحن
و البدر خاسر
و ها هي الصحارى
و ها، هي ذي الليلة ظلماء
و الليالي، ستفقد، ليلها، بل حتى هدأة الظلام
و ستفتقده، طريق النهار،
تماما، كما إنبهمت علينا
جهات الممكن
و غامت
جهة الصواب
تسلمي يا زولة
و يسلم ينبوع العشق
و يسلموا ناس بكاك الغنا، و ناس غناك البكا
يسلموا الناس
*********
و يا عماد عبد الله
يا ذا الوجعة فالوجعة ثم الوجعتين، يا السالم و جمع الوجعات مكسورQuote: و اللعنة بتاعتنا هي نحنا زاتنا ..
|
يا أخا الوجعات
يا اخي
يا أخا الغلط
ويا ابن أمي ويا ود أبوي
Quote: كلنا شايلين تاراتنا لبعض .. كلنا .
و كلنا صاح .. !!!
وكلنا أكبر غلط ..
|
ما تزعل يا زول و أحمد ربك، ما خلاص، عرفتها Quote: و اللعنة بتاعتنا هي نحنا زاتنا ..
|
Quote: نحنا كعبين كعبين كعبين ..
بالونة كبيرة و ملونة و .. ملانه هوا ..
نحنا كذبة كبيرة .. |
إذن...
هوّن عليك يا أخانا و هون علينا
و لتحفظك لنا من حزنك بعض حقد على القاهرينا، فلرب يوم نتفق أو نختلف، و ما بيننا من بروتس و لا نحن في | Quote: شعارات و هتافات و كواريك و زعيق و وهم |
يا رجل، يا لحزنك و الأسى، لقد كدرتني فوق ما أنا منكدر... تسلم، أسلم............
*******
و يا شحتو الباقي... عبد الباقي
سلام عليك في القارتين
وسلام على العاشقين
و على قارة ثالثة أخرى
و على الوطن
و
لقد علمنا المهر غال
Quote: اه ياعماد
ما ذلت احبه السودان |
إذن، فلنستمسك بعروة الوطن، و خلي بالك سلبة
و المحبة هتون عليكم و الشوق سلبة
******
أه ،
ما أحلى النزيف للوطن
و ما أقساه نزيف الوطن
ما أقساه الوطن
ما أقساه
من وطن
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: bayan)
|
كـياني هو ذات كيانك أيتها المرأة النخلة وكثيرات مثلنا، ولكن المرارة التي نلعقها في هذه الأيام من أصوات تنادي بالتشرذم والقبلية بشكل لم نشهده من قبل، يجب ان نتصدى اليها بوعينا...وقلبي على وطني!!!
شكراً تماضر وانت تهدهدي الروح الخائفة وتهدينا هذا اليقين في هذه الأيام العصيبة...
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Noon3)
|
Quote: كـياني هو ذات كيانك أيتها المرأة النخلة وكثيرات مثلنا، ولكن المرارة التي نلعقها في هذه الأيام من أصوات تنادي بالتشرذم والقبلية بشكل لم نشهده من قبل، يجب ان نتصدى اليها بوعينا...وقلبي على وطني!!!
شكراً تماضر وانت تهدهدي الروح الخائفة وتهدينا هذا اليقين في هذه الأيام العصيبة... |
ولك الشكر يا نون 3 وانت تنتمين الى كيان "ذرات التراب" ...معنا هنا
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
شكرا تماضر علي هذا النص المعبر....وعلي أنفتاح قلبك علي كافة ربوع الوطن حبا وأنحيازا..وسعيا لحريته وسلمه وتماسك نسيجه الاجتما عي والعيش الكريم لبنيه...
.....حاشية لابد منها في هذا الزمن الصعب: أفهم نصك في سياق الاحداث الاخيرة بالوطن وقصة الكيانات الجهوية والخوف علي البلد
كمال
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: kamalabas)
|
up
up
if
you do not mind i would like to put this post here
thanks in advance
ولكن تبيّن أنهم ما أتوا لرأي ولا لحوار ولا لنقاش بل أتوا لأجندات أخرى
from ustaza lana mahdi
1-التجاهل
2- التجاهل
3- التجاهل
for all posts written by ingaz gang
members in this board
for all who are supporting the ingaz gang mafia islamaist theives
dr mustafa mahmoud
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Mustafa Mahmoud)
|
عبد الباقي شحتو ..
سعد الدين ..
هاشم ..
تماضر ..
وكل من عبر بتماضر هنا ..
وهي تمسك إليها - بابتسامة باهتة - :
عبرتها و حنقها و حزنها.. و محبتها اليتيمة ..
عذرا منكم ..
ربما أنا ( عرّافة ) معتوهة ..
( وداعية ) خرقاء ..
( فكي ) أعمى البصيرة ..
لكنه القبح هناك ..
لا ريب ..
قبحٌ مقزز و عظيمٌ و متمدد ..
محتقن كل شيء ..
و حُبلى سمواتنا بالحريق .
غراب الشؤم أنا ..
و بومة نعّاقة ..
لا يهم ..
قالت الزرقاء :
ما للجِمالِ مِشْيُها وئيدا ..
أجندلا يحملن أم حديدا .
يا زرقاء البشارة يا تماضر :
ما للجِمالِ مِشْيُها وئيدا ..
أصُبْحنا يحملن أم صديدا ..
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
Quote: عذرا منكم ..
ربما أنا ( عرّافة ) معتوهة ..
( وداعية ) خرقاء ..
( فكي ) أعمى البصيرة ..
لكنه القبح هناك ..
لا ريب ..
قبحٌ مقزز و عظيمٌ و متمدد ..
محتقن كل شيء ..
و حُبلى سمواتنا بالحريق .
غراب الشؤم أنا ..
و بومة نعّاقة ..
لا يهم .. |
لا ياعماد ..انت ليس كما وصفت
اعرف عنك القليل ..ولكنه يكفى لأن ادعى بأنك ليس كما وصفت
انا مثلك تماما ..حزينة لا أشعر بالتماسك
مثلك لا أعرف كيف سنخرج من هذه الورطة التى أدخلتنا أعمالنا فيها
مثلك لا أرى المخرج ..
مثلك ..ان لم أكن أكثر منك عتامة
لكننى أتجمل
وأحاول أن أصنع من فسيخ الوضع ..شربات للأمل
لافرق بيننا الا التجمل الذى تراه ..
ولابد لليل ان ينجلى ..لا أدرى كيف سيفعلها لكنه لابد أن ينجلى.
تعال معنا نبشر أطفال المعدمة بأن مافى القدر بقول تغلى وهى حجارة ..
تعال معى ..مثل ذلك الرجل الذى قصمنه القاطرة الى نصفين ..وظل نصفه الاعلى ..صاح ..يلوح للناس بيديه ويصيح "ما تشفقوا انا الحمدلله بخير"
تعال معى نصنع من هذا اليأس ..أغنية للأمل ..ونشيدا للرجاء.
لك محبتى وكل الاحترام ..
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
الاستاذة تماضر تحياتى....
اسال نفسى ...لا اياك ..هل المغالاة فى الحنية ...تجاوز؟؟؟؟و هل ادمان البساطة شطط فى الطيبة؟؟؟
وما ذا عن الانتماء الراكد..؟؟أو لا يكون ال لاانتماء هو مطلق الانتماء..كمطلق ال لا شىء؟؟
تحياتى مرة أخرى لجهودك الرائعة ...ومثابرتك..
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: EL fahal Abdelatif)
|
Quote: هل المغالاة فى الحنية ...تجاوز؟؟؟؟و هل ادمان البساطة شطط فى الطيبة؟؟؟
وما ذا عن الانتماء الراكد..؟؟أو لا يكون ال لاانتماء هو مطلق الانتماء..كمطلق ال لا شىء؟؟
|
السيد الفحل
انا لا أجد الاجابة ايضا
ولكنى اعلم ان الحب وحده هو الطاقة الخفية التى تحرك هذا العالم
وأعلم اننا كلما ابتعدنا عنه ..ضلت بنا السبل ...
تسلم
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
الأستاذة تماضر
قصيدة حلوة.......
..... واحساس جميل بالأخرين...
كان أبو منصور الثعالبي صاحب كتاب فقه اللغة وسر العربية
يقول: ما كتبت شيئا قط الا وقلت في اليوم الذي يليه ليتني
ما كتبت تلك العبارة وليتني أبدلت تلك الكلمة بكلمة أخف
..أو أشد وقعا منها وليتني قلت كذا... وكذا... وأنقصت هنا
وافضت هناك...وقد ذهب مثله كثيرون من الكتاب والأدباء وأئمة
الشعر والنثر والفقه واللغة وكتاب دواوين الخلفاء.
لا تستعجلي التجربة دعيها حتى تنضج تماما
فأنت صاحبة موهبة حقيقية... واحساس عال
باللغة وانتقاء المفردة الشعرية واجادة
تكثيفها في صور شعرية باهرة الألوان
وحلوة الجرس والموسيقا.
ودمت مبدعة خلاقة
مع كل الود
فاروق حامد
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Abu Eltayeb)
|
Quote: عذرا منكم ..
ربما أنا ( عرّافة ) معتوهة ..
( وداعية ) خرقاء ..
( فكي ) أعمى البصيرة ..
لكنه القبح هناك ..
لا ريب ..
قبحٌ مقزز و عظيمٌ و متمدد ..
محتقن كل شيء ..
و حُبلى سمواتنا بالحريق .
غراب الشؤم أنا ..
و بومة نعّاقة ..
لا يهم ..
قالت الزرقاء :
ما للجِمالِ مِشْيُها وئيدا ..
أجندلا يحملن أم حديدا .
يا زرقاء البشارة يا تماضر :
ما للجِمالِ مِشْيُها وئيدا ..
أصُبْحنا يحملن أم صديدا .. |
انت الصادق يا عماد
لاشىء غير القبح
لا أرى الا القبح
لكم بقية الارض والاسفير وباقى الزمان وكل الازمنة
لكم وداعى الاخير
فلاخير فينا ......ابدا
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Ibrahim Adlan)
|
فاروق حامد محمد
ولك التحية على ملاحظاتك
وهى فى مجملها لا تعوزها الصحة ..فأنا أدلق شحنة الحب والشعر كلها فى وقتها ولا أعود لألم فتاتها من الارض ..ولا أعادوها ..لأننى اتعامل معى الشعر على أنه "قطع أخدر" اذا تجاوزت "خدرته"...وقت القطع فسيصير حرفة لا وقت لى لكى أنتمى لها
فتحى الصديق
والله لو كان ما املك من حب لهذا الوطن يعمل وحده ..لما وجدت شبرا منه يعانى.
جورج بنيوتى
ابراهيم عدلان
لكما مودتى واحترامى
د.محمد عبد الله تيراب
اظنك الجمت لسانى بوضع الاغنية الجميلة هذه اتمنى ان اكون بمقدار كلماتها
والقرد فى عين امه غزالة
عماد عبد الله
اناشدك بالعودة فلا نملك ان نغيب من هذا المشهد المعقد
انا والله ماعندى زمن طويل للمنبر ولكن لنا اجر المناولة ونضال الكيبورد
تحياتى للجميع
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: yasiko)
|
منصور المفتاح
والله لورأيت شجر الامس ..الامريكان ’سيويين بيض سود وهسبانك وشعوب عربية وافريقية يهود مسيحيين ومسلمين وبوذيين فئات ومنظمات وهى ترسل رسالة حب أرضى انسانى واحد لدارفور ..لعرفت ان ثمارى لا تسوى شىء
اخترت الحب ..اخترت الحب على الكراهية ورجحت عندى موازينه ..فلن ادين بدين غيره ..وشكرا لمحبتك.
| |
|
|
|
|
|
|
|
|
|
Re: منتمية..اشكو من المحبة الشاملة لى كل الفرق (Re: Tumadir)
|
| Quote: أول مرة يا أستاذة اعرف أني "ٌقردة ، وكمان أم" لك الود |
ياسيكو ..القرده اطلع انا
والغزالة هى الفكرة المغايرة
والام هى الشخص الذى يؤمن بك بغير شروط
فشكرا على الاغنية ...ولك التحية اينما حللت
بس ماعرفت النزلها منو افتكرته الدكتور
وله اجمل التحايا هو الآخر
| |
|
|
|
|
|
|
| |
Tumadir
lana mahdi
Rashid Elhag
محمد عادل
Mustafa Mahmoud
عبد المنعم سليمان
معتصم الطاهر
shahto
شهاب الفاتح عثمان
Emad Abdulla
ابوعسل السيد احمد
saadeldin abdelrahman
Haydar Badawi Sadig
هاشم الحسن
bayan
alsngaq
Mohamed E. Seliaman
nazar hussien
عبد المنعم سيد احمد
معتصم دفع الله
علاء الدين حيموره
kamalabas
فاروق حامد محمد
Mohammed Tirab
yasiko
munswor almophtah
نادر السوداني
AnwarKing
فيس بوك
تويتر
انستقرام
يوتيوب
بنتيريست