استلم المقداد شيخ الدين وزوجته منى بالامس القريييب ده كل من رشا وعلوية بتها وعفشها من مطار بلتيمور فى ميرلاند ...
ونحن حسة فرحانين
مع اننا فى ماستشوستس ...لكن الحى بلاقى ..
اسنقدمها المهندس أحمد زكريا فى كليفورنيا وستقيم لهم حفل فى يوم 29 ديسمبر
منظمة السند ...وهى منظمة بها مدرسة سودانية قام المهندس بتشييدها مع بعض الناشطين الاوفياء هناك...
المهم هذا البوست هو عيدية للجميع
ترجيب برشا وبتها
فيه حث للجاليات والمعجبين بفن رشأ للاستفادة من وجودها الذى يطول حتى الخامس عشر من يناير ..اذا أرادوا ان ينظموا لها حفلة حفلتين حتى يستمع لها أكبر قدر من المستمعين قبل ما تمشى مننا يا حليلها بت امى ...
الحقيقة كنت داير أكتب بوست تانى اسميه
انا نباتية فبماذا اضحى هذا العام ...
لكن قلت احسن اكتب عن رشا ..
ونناقش موضوع الضحية النباتية ده جواه ...ههه
لا والله بس فرحانة بى جية اختى ...
شاركونى الفرح ...
"ده كان فضيت للفرح زاتو" ...
الله كريم
تحياتى وشكرا
12-18-2007, 01:17 PM
HAYDER GASIM HAYDER GASIM
تاريخ التسجيل: 01-18-2005
مجموع المشاركات: 11868
مرحب برشا فى شمال أمريكا, وأتمناها إقامة طيبة بين أهلها وجمهورها وأبناء وطنها.
وليتها تعرج علينا فى كندا, إذ نحتاج هذه الأيام أن نفرق غمة الجليد بإطلاق صراح بعض الأشواق والمشاعر السودانية الدفئية والمحتبسة لزخات الصقيع وأحاسيس الغربة.
شكرا تماضر ... وبختكم
12-18-2007, 01:25 PM
Deng Deng
تاريخ التسجيل: 11-28-2002
مجموع المشاركات: 52687
تماضر يا عسل بركه يختي الشفتي اختك وبنيتها ويا بختهم ناس يسرى وعيال مقداد بجية خالتهم وبنيتها واعيادكم ورد السنه دي ...يا بختكم وان شاء الله دائم تامين ولامين وفرحانين ومتعافين.
اما حكاية نباتيه دي انت هينه الوليدات و البنيات الحلوين دي حارماهم اللحم وحبه ليه؟؟؟ما اكلتي لحم لما قلت بس وشربتي شروبت لما اتكيفتي في عمرك ده على دورهم بقيتي نباتيه؟؟؟
12-18-2007, 01:48 PM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
نباتية دى أجبرتنا عليها ظروف جنون البقر وقلة ادب الخرفان والسعال الديكى ..ونطيط القرود ..المهم سلسلة النصايب البتظهر دى ...
انا طبعا نباتية الا من "الكمونية" ..."ما تكلمى زول" ...
شفتى فى بت صاحبة اميمة لذييييييذة اسمها انشراح وبدت تقول زى الكلام ده بتاع انا نباتية وانا خضرجية ..المهم مرة بياكلوا هى واميمة وفى فراخ ضمن الاكل ..أميمة اختى تشوف ليك الزولة تزعط فى الجكن ...قالت ليها انتى مش قلتى نباتية.؟ قالت ليها ده ما جداد ساى ناخدو قدر عقلو ... أها أنا كان لقيت لى خروف مربى فى ضهر بيت مرة نضييييفة كده ...باكلو ما باباه ...والله يبارك فيك ...الله يقدرنا على سواقة النايتى فايف ...
اما انت يا قرادابى ، وبعد التحية والاحترام، حاحكى ليك تعليق أم الخير كمبال القالتو فى اسم الولاية دى وبعتبرو ألذ واحد "ما أفضلو عليك" قالت لى نحن الولاية دى ما حنتعلم اسمها لمن نرجع السودان ...هههههه
مافي زي الخوة ربنا اخليكم لي بعض وتحياتي لي اولاد وبنات شيخ جبريل الحلوين ربنا اغتيهم في الدنيا واخليهم لي بعض ويوم العين تلاقي العين بوسي لي علوية انتو البنات ديل بعد الحبوبات بقن تماضر وداليا دايرين ارجعونا لي علوية وستونة محبتي
12-18-2007, 02:46 PM
khatab khatab
تاريخ التسجيل: 09-28-2007
مجموع المشاركات: 3433
.. .انا عاااارف .بس كنت مس ..تنى الجيه . ..رشا مراحب ..يافنان .وفى روايه ..يا كحيل .الخبر سرانى .. .تماضر..نباتيه دي لذيذه .هيجت علي الكمونيه.. .لاكين قلت كلامك يا ابو الخط , ما وقع واطه . من زمان البت دي بتقول ليها.. .طماطم..بالله شوف .ّّ! .. .منى و مقداد .مبروكه الاعياد .. .
12-18-2007, 02:44 PM
Tumadir Tumadir
تاريخ التسجيل: 05-23-2002
مجموع المشاركات: 14699
ازيك والله يخلى ليك ناس سوسن وسعد يا احباب الزمن الجميل "كل ما أشوف كلمة الزمن الجميل دى امص العرديب" : (بتعرف التعبير ده ولا بقيت حنكوش بى وراى؟) عليك الله السودان ده من الله خلقو مر عليه زمن جميل؟ بس نحن الشينين ...المهــــــــــــــــــم
Quote: انتو البنات ديل بعد الحبوبات بقن تماضر وداليا دايرين ارجعونا لي علوية وستونة
علوية سمتها رشا الطيبة الحبيبة على والدتنا الحبية ...الله يرحمها "وان شا الله تبقى متلها ...
وانت اهلا بيك ..
12-18-2007, 02:57 PM
hanouf56 hanouf56
تاريخ التسجيل: 06-02-2002
مجموع المشاركات: 1776
رغم أنني لست من ناس أمريكا المعنيين بهذا النداء إلا إنني أرحب بالأخت الفنانة رشا شيخ الدين وكريمتها علوية فقد أعجبتني فرحة تماضر بلقاء شقيقتها حتى ( إنشرقت ) و ( خنقتني العبرة ) " أها يا تماضر إنتي زاااتك بتعرفي التعابير دي ولاَ إتحنكشنتي من وراء ظهر السنى ؟؟ "
أدام الله أفراحكم
وكل عام وأنتم بألف خير
تخريمة
عليك النبي .. من كل ولايات أمريكا الكم خمسين ديل ما لقيتي ليك ولايتن إسمها أحسن من دي عشان تسكني فيها و ( تقشري بيها ) ويقدروا أصحابك يرددوهو ؟؟؟
12-18-2007, 03:09 PM
Tumadir Tumadir
تاريخ التسجيل: 05-23-2002
مجموع المشاركات: 14699
تمادوور امي ستونه ربنا اديها العافية مابترضى واحد اسمو عليها وعلى ابوي والسموه على ابوي بنقول ليهو جدو عشان ما بترضى انبزوه اها صلاح اخوي سمى ولدو الأول محمد السني بقى النبز عليهم والكسوة على عارف مصاص العرديب عملت شخصية اسمها قرضة مصاص العرديب تقول ليهو شفت ياقرضة تماضر ما عملت ليعا فرقة رقص تهز وترز وحامت الدنيا كلها طوالي قرضة امص العرديب واقول شن عرفة بالفرق والرقص دي ما فكرتي بس حظوظ وافرقع صوت مصة العرديب وهي التمثيل بتعرف ليهو كان كدي بعد ده التخرج هي بتعرف تخرج واخرجت مسرحيات شن عرفها ما اخرجو ليها شن عرفها وامص العرديب زمن نفسي نقيف في خشبة مسرح ونهجرها مشتاق ليك
12-18-2007, 03:20 PM
Tumadir Tumadir
تاريخ التسجيل: 05-23-2002
مجموع المشاركات: 14699
Quote: فقد أعجبتني فرحة تماضر بلقاء شقيقتها حتى ( إنشرقت ) و ( خنقتني العبرة ) " أها يا تماضر إنتي زاااتك بتعرفي التعابير دي ولاَ إتحنكشنتي من وراء ظهر السنى ؟؟ "
احيييييا ياود أمى حليل زمن المحنة والناس تشرق من البكا وتخنقهم العبرة ...
يات من كان يجى دماعو مبهولة ...
بركة العرفتنى على رقة قلبك ورهافة حسك ..
تانى حأهريك هرى ...نحن 19 اخت واخو
لا والله انا ما حنكوشة نحن من زمن تتى ...ههههههههه سمعت بالنكتة دى طبعا مش؟؟
شكرا على ترحابك الدافىء ..والله يجمع شمل الجميع
12-18-2007, 03:26 PM
Tumadir Tumadir
تاريخ التسجيل: 05-23-2002
مجموع المشاركات: 14699
فى مشوارى الصباحى على الأقدام كل يوم من البيت للمستشفى كنت أبدأ بآيات من الذكر الحكيم لمحمد عبد الكريم ، ومن ثم مدحة لرشا ، وعدد من أغنياتها الجميلة التى أحتفظ بها فى الmp3 خاصتى . . يا تماضر ، رشا أختك دى أنا بريد غناها ريدة . . وأنا مفروض أكون شغال فى بالتمور وساكن قريب من واشنطن . . بس ورونى وين ومتين . . ضرورى يا تماضر . . ذممتك . .
(عدل بواسطة عزان سعيد on 12-18-2007, 03:43 PM) (عدل بواسطة عزان سعيد on 12-18-2007, 03:52 PM)
12-18-2007, 03:44 PM
Mutwakil Mahmoud Mutwakil Mahmoud
تاريخ التسجيل: 04-13-2002
مجموع المشاركات: 470
تلقينا نحنا يانا نحنا بنحب جنيات عمنا شيخ الدين ربنا يخليهم لى بعض ويكف عنهم العين الحارة يارب حمد لله على سلامة رشا وعلى سلامتك انتى زاتك ياطمطم العسللى ..سلمى على رشوية وعلويتها سمح ؟
12-18-2007, 06:34 PM
ترهاقا ترهاقا
تاريخ التسجيل: 07-04-2003
مجموع المشاركات: 8871
كنت محظوظا للاستماع لرشاء في ابريل من العام الماضي في النرويج مع كوكبه من العلماء والباحثين السودانيين المشاركين في مؤتمر الدراسات السودانيه. لقد كانت ليله من تلك اليالي التي تظل عالقه في وجدان الانسان الي اخر حياته.
عثرت اخيرا علي اسطوانتها سودانيات في موقع (eMusic)... واعتقد انها تفوقت في اداء ( عذاري الحي) حتي علي طيب الذكر مطرب السودان الاكبر الراحل المقيم ابوداؤود... ويا بختكم ياناس امريكا وياله من صوت متفرد واداء لا يوصف... خاصة محبي الحقيبه من ( الجلاكين) امثالي...
[object width="425" height="355"> هديتي لكل من عرف ولم يعرف رشا شيخ الدين
كنت يا تماضر سعيدا بتنفيذ اغنية(امي ) للفنانه رشا وهي اغنيه جميله تحكي عن مدي حبنا للام السيناريو لبهنس الاخراج لناصر يوسف اشترك بالاستعراض فرقة الاوان الطيف كنت مخرجا مساعد كانت تجربه اولي لها بعد اولي زيارتها للسودان واول فيديو كليب لها انتاج سوداني التحيه ليك وللفنانه رشا محمد عليش
12-18-2007, 11:32 PM
Saber Abdelhadi Saber Abdelhadi
تاريخ التسجيل: 07-15-2007
مجموع المشاركات: 1397
مش قت ليكم برجع بعد خمسة ونص .. أحكى ليكم الساعة الما كتبت ليكم فيها دى عملت فيها شنو ...ولا بوسخ ليكم جلابيتكم؟؟ خلوها ساكت بس ....فيها حاجة أولها عدة وآخرها مشكلة
هههههههه
عسكورى وعليش نورتو البوست بمعلوماتكم واضافاتكم الممتعة وأول مرة أعرف يا عليش انك انت كنت مشارك فى الفيديو كليب ما تشوفونا ليه يعنى ...ودكتور متوكل متوكلين عليك فى الموضوع ده ودكتور عزان سعيد ...الذمة حااااارة كان فى شى بكلمك ما عليك مدسة وطرهاقا "ده اسمو أحمد ساطور ما يغشك .. يا رشا بتكونى قريتى البوست عند ناس مقداد ..." وندوية بركة البقيتى تكتبى تانى ..اظنك طولتى وانا ما جايبة خبر ...نصر كيف حالك وانت مش فى كليفورنيا؟ انا بمشى ولاية واحدة بس فى اجازة الاسبوع يا حتكون واشنقى ... طون ...أو كليفورنيا ودى حننوم ليها بالخيرة ...والكريدت كارض .....ههههههههه
والسنى مصاص العرديب الاكبر الناس طالعين جبل عرفات انت داير تطلع لى خشبة مسرح ....المسحة دى شنو ياولد ..
عجبتنى قصة النبذ ليهم والكسوة ليك دى شديد ...
المهم يا جماعة نورتو ....
فهل من مزيد ؟,,,,,
12-18-2007, 11:44 PM
Tumadir Tumadir
تاريخ التسجيل: 05-23-2002
مجموع المشاركات: 14699
والله يا تماضر بتذكر رشا دى لمن كانت بتجيكى فى المعهد سغنونة وكمان مسرحة ضفاير نوع التسريحة للبنات الصغار دييك ، لكن كانت بتنظر للمعهد بعيون فاحصة وكأنها كانت متنبئة بإنها حتكون نجمة
زمن والله والعيال كبروا ، نتوقع وجودها فى مدينة مونترية
وآآآآآآفيلقو بالمحسى
12-20-2007, 00:52 AM
Tumadir Tumadir
تاريخ التسجيل: 05-23-2002
مجموع المشاركات: 14699
كل سنه وأنتى بألف خير وكل آلك وذويك وزياره سعيده لرشا وتحايا لأحمد زكريا بكلفورنيا فهو زميل وشقيق لصديقى وزميلى المهندس محمود زكريا لهم ولآلهم الأمانى وكل سنه وجميعكم بخير..............
منصور
12-20-2007, 02:15 AM
Abomihyar Abomihyar
تاريخ التسجيل: 03-19-2002
مجموع المشاركات: 2405
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Tumadir
HAYDER GASIM
Deng
Hussein Mallasi
Tragie Mustafa
ALGARADABI
محمد سنى دفع الله
khatab
hanouf56
نادر السوداني
عاطف عمر
عزان سعيد
Mutwakil Mahmoud
ترهاقا
Nasr
Asskouri
Mohamed Ahmaed Olyesh
Saber Abdelhadi
Elmosley
munswor almophtah
Abomihyar
Saifeldin Gibreel
Marouf Sanad
نادر الفضلى
Kostawi
فيس بوك
تويتر
انستقرام
يوتيوب
بنتيريست