|
|
|
 Re: هدية إلى تماضر شيخ الدين - بس أوعى تبكى (Re: Tumadir)
|
كان ما بياها اشحدا ...
"برى تبرى تديها"
هشام انت متذكر الحكاية دى؟ انو انا ببكى فى الغنا..وخاصة دى؟
شكرا ياخ
انت أخو جميل وحنين ...الله يخليك لي
لكن الغريبة لما سمعت الاغنية تانى ..بكيت تانى ..بعد السنين دى كلها ..
كنت قايلة "بكرة ياقلبى الحزين تلقى السعادة" ...
أكتر زول حزين وما سعيد فى الدنيا حسة أنا ...
أحزانى بقت من العيار التقيل
زمان بيكون ناقصك زول ..حسة ناقصنا بلد بى حالو ..حلة وشارع وسوق ومدرسة ومكتبة ونهر قاسم القارة لى نصين وقاسم التاريخ لتلاتة ..ناقصانا الدنيا ..يا هشام .. بكانا بقى ما بكا ..بقى أنين وصمت ووحدة وقسوة ..وصبر طويل..
بكرة يا قلبى الحنين تلقى السعادة؟ بكرة جات ومشت ..نحن فى الزمن الضايع با هشام
البنريدهم كلهم مشوا ..البنحبهم مشوا البنعزهم مشوا ..الناس فاتوا زى السحاب الكضاب ...يغش بى ضلو وقبل ما يتثاءبوا ويستعدوا للغفوة ...ينسحب ورا التلال ..وتتسلط عليهم شمس الهجير الحارة ويعدمو جرعة الموية التبل الريق
السنين عصفت بيها رياح هوجا وجافة وزعلانة ...زى رياح الصحرا ...وزحفت رملة عمرنا بعيد ...تلال...
مترامية فى طرف الزمن ...ذكرى وحنين وشوق وغنا وكلام وسلام ..مشوا مشوا مشوا
يا حليلك ياحليكم ياحليلهم يا حليلنا .....
شكرا على الاغنية
| |
 
|
|
|
|
|
|
|
|
Re: هدية إلى تماضر شيخ الدين - بس أوعى تبكى (Re: يازولyazoalيازول)
|
الزول الرائع ..
حكايتك شنو معانا؟؟؟
# هديتنا تسجيل خطيييير للكاشف
# تسجيل للعميري
# الهيلاهوب
# وهسة تسجيل كلو بكاء؟ لكن الجميل فيهو إنو مليان أمل و ...... بكرة
غايتو الما بكتو الأغنية .. بيبكيهو رد تماضر.
أولاد شيخ الدين .. ألله يديكم العافية .... وبالمناسبة .. رايح لي زول إسمو الصادق شيخ الدين .. شفتوهو لي؟
| |
|
|
|
|
|
|
|
|
|
Re: هدية إلى تماضر شيخ الدين - بس أوعى تبكى (Re: يازولyazoalيازول)
|
ود شيخ الدين الكبير ...
جمعتني بالأخ الصادق أيام جميلة .. بدأت بكورال كليتي الهندسة والإقتصاد - جامعة الخرطوم. هو متعاون من المعهد العالي للموسيقى والمسرح كعازف جيتار وموزع للأعمال المقدمة. وشخصي كعازف على الساكسفون.
بعدها تلقيت دعوة من شباب بالمعهد لتأسيس فرقة كورالية أذكر من الأسماء الأساسية فيها الصادق شيخ الدين وإبراهيم الماحي. إنتقلت من السودان قبل أن نتفق على إسم الفرقة في العام 1990 .. وانقطعت عني أخبارهم. ربما انتهت الفرقة إلى (ساورا) لست متأكد.
مودتي
| |
|
|
|
|
|
|
| |
يازولyazoalيازول
محجوب البيلي
ALGARADABI
abubakr
محمد عادل
محمد سنى دفع الله
رأفت ميلاد
mamkouna
احمد العربي
عبد المنعم سليمان
Mirghani Ali AlAmin
Tumadir
Kostawi
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست