دعواتكم لزميلنا المفكر د.الباقر العفيف بالشفاء العاجل
|
|
 ليه كده يا لؤى ولنا المهدى وتمبس؟؟
|
كل ما احاول ادخل بوست
ماتطلبه المستمعات..عشان اطلب...
اليوم عيد زواجنا ...عشان اهنى
رجاء العباسى ...عشان اناشدها بالعودة
البورد بقفل..فى كمبيوترى
فهمنى احد الاصدقاء ان بهم اغانى ومعناها ان ميديا بلير بتاعى قديم..
قمت باللازم وعملت ابديت
والليلة برضو نفس الكلام..
عموما
اهنىء لنا المهدى وزوجها بعيد زواجكم..واتمنى لهما وطنا حرا وجميلا..وسعدا لا ينقطع
واطلب اغنية ...النفوس الطيبة ما كانت شريرة واهديها الى اعضاء سودانيز اون لاين.."المتناحرة"
واناشد رجاء العباسى بالعودة الى البورد...رغم تعاسته
كما اطلب من العارفين الافادة والتشخيص..
|
|
 
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: hala alahmadi)
|
ha ha ha ha ha
فعلا انتى جميلة وذكية يا هلولة..
اشتاق اليك كثيرا..
كل عام وانت بهذا العطاء
واجمل الاعوام..هى اعوام باجمل الاوطان
انقطعتى ..مالك؟
قريت اخبارك وادائك الموفورتجاه نساء دارفور..يعبر عنك تماما...وعما اعرفه فيك..
لك محبتى الدافئة..
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: lana mahdi)
|
abdalla BABIKER
»Abdel Aati
»Abu Mariam
»Abutalib Elgorashi
»Adrob wad Elkhatib
»Ahmed Mahmoud
»khider
»lana mahdi
»luai
»Muna Khugali
»nagla abshar
»Raja
»saif massad ali
»Shams eldin Alsanosi
»THE RAIN
»Tumadir
»zola123
»حبيب نورة
»خال فاطمة
»رانيا بابكر
»سارة حمزة
»سجيمان
انتى فى لذاذتى ولا فى رجاء الدخلت البورد؟
يا مراحب برجاء العباسى
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
تماضر العزيزة
بمجرّد قراءتى لكلماتك شككت فى أن مابداخل البوست من عدد كبير من أدوات تشغيل الملفّات الصوتيّة قد يتجاوز الحد الذى يسمح لجهازك بإستقباله ، وقد يعود ذلك للكثير ، على سبيل المثال محدودية المساحة فى جهازك ..
اللينك الذى أرفقته يقوم بفتح المداخلة الأساسيّة فقط فى البوست دون الحاجة لفتح كل المداخلات الأخرى والمشحونة بأدوات التشغيل ، والتى تقوم بإبطاء أو إفشال عملية فتح البوست ، ولذلك أمكنك الدخول ..
بالطبع نفس الشئ يمكن عمله مع بقيّة البوستات التى تواجهك مشكلة فى فتحها ..
أرجو أن أكون قد تمكّنت من شرح فهمى للمسألة .
وُدّى
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: لؤى)
|
لؤى...
طيب اللنك دى مش انت عملت ليها اجراء..خلاها تكون..بتخبى منها الجزء التقيل الكمبيوترى ما بستحملو؟؟
الاجراء دة شنو؟؟
اما كمبيوترى فهو الجايب لى النكت دى..
كل ما امشى الشغل واجى القاه بتكلم معاى لغات....
الاولاد ينزلو فى البرامج ...والكمبيوتر يرطن معاى....
انت قايل النكت دى من شنو؟
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
تماضر
فقط ادخلتني هنا" روحي
لاقرئك سلام العيد وامنياته "الشرقية"
واتني لك حجاً في العام القادم(مِنن) انشاءالله
ثم ابلغكي حُبي الشديد
.............
.............
ربما اتصل في العيد ,
ربما انتظر هاتفك
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: A.Razek Althalib)
|
يا تماضر انا هنيتك بالعيد في بيت ناس عادل عبد العاطي
غايتو الا ادخل اشوف ملاياتكم لونهن شنو....والله اتلقي سمحات
سماحة....ملايات امريكية متحده ...يا قول....يا ربي منو؟
كل سنة وانت طيبه ومرحه ومتعافية واعفي مننا وعافين منك لله
والرسول...باقي نحن في عطلة العيد...النت بي عينا ما بنشوفو
مرارات سااااااااااااااااكت.....
وفشفشاشنا الا نديه الكلاب....انهرد....
وخايف اجي راجع بعد العيد....الاقي البورد زي بيت حاج الامام
كراسيه سافيه فيها السفاية.....
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
طيب ياستّى القصّة دى شرحها طويل ، حا أشرح ولو فى شئ ماقدرت أوصّلو قولى لى ..
أى بوست لمّا تفتحيهو بيفتح بالشكل الطبيعى ، يعنى صدر الموضوعات وبعدها المداخلات ، وعشان تتجنّبى الشئ دا مع البوستات المابتفتح تقومى تفتحى أى بوست ، يعنى زى البوست بتاعك دا ، لأنو بيفتح قصدى .. وفوق تحت كلمة (( الرئيسيّة )) بتلقى مكتوب (( أقرأ المشاركات فى شكل سلسلة )) لو دُستى عليها بتجيب ليك البوست فى صفحة الموضوع الاساسى ، والمداخلات مابتظهر ، بس بتظهر قائمة تحت بى إسم المشاركين/ات وقدّام الاسماء المشاركات ، ولمّا تدوسى على المشاركة القدّام الإسم بتفتح معاك هى وبس ..
تقومى ياستّى بعد العمليّة دى تقفلى البوست بتاعك العملتى فيهو التجربة دى وترجعى للرئيسيّة وتفتحى البوست المابى يفتح وحايفتح معاك بس فى الصفحة بتاعة رأس البوست ، وبالطريقة دى ممكن تقرى بس المشاركات العاوزة تقريها بالضغط على المشاركة القدّام إسم الشخص ..
دا كلّو بيحصل بس مع البوستات التّقيلة .. لمّا تخلصى ممكن تدخلى أى بوست وتدّوسى على (( أقرأ الشاركات فى صورة مستقيمة )) ..
بعد الكلام الكتير دا عاوز أهديك أغنية تواصُل اللى طلبتيها ..
تواصُل
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: لؤى)
|
عبد الرازق ابو طالب اهلا فى البوست..مع انك ما اتكلمت معاى انا ..
نزار حسين..
كل عام وانتم بخير..ملاياتكم بتكون اسمح من ملاياتنا..
لانو نحن ما بنشترى ملايات للعيد..نحن يادوب بنغسل..هههههه
وكل عام وانتم بخير
لؤى ...
عرفت كلامك..ليه كنت قايلنى ما حافهمها...عشان..مفلسة..؟؟
ههههههه
لك التحية على شقشقت...
وبمشى اشوف البوست التانى..
وكل عام والكل بخير
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: لؤى)
|
المهم استحمت موجة فى خاطر العشية
(فى السقط دة؟)
تصور نحن درجة حرارة زاتو ما عندنا...
من البرد والشمس عاملة فيها فاقعه ضو بس ..زى نور التلاجة ..
قالو السودان زى دكان المكوجى...
غايتو الله كريم..
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
| Quote: من البرد والشمس عاملة فيها فاقعه ضو بس ..زى نور التلاجة .. |
| Quote: قالو السودان زى دكان المكوجى... |
Quote: سودانيز اون لاين موقع معارض..
بفتح الميم والراء |
Quote: خلاص ادينى الف لامى ديل بعرف بيهم تمبس اصلو هو "فقير" عن التعريفة..هاهاهاها
|
| Quote: وبتتكلم معاى باللغه العربية ليه انت محاربنى؟؟؟ هاهاهاهاها |
Quote: الاولاد ينزلو فى البرامج ...والكمبيوتر يرطن معاى....
انت قايل النكت دى من شنو؟ |
| Quote: عبد الرازق ابو طالب اهلا فى البوست..مع انك ما اتكلمت معاى انا .. |
Quote: لانو نحن ما بنشترى ملايات للعيد..نحن يادوب بنغسل..هههههه
|
| Quote: تصور نحن درجة حرارة زاتو ما عندنا... |
دا القدرتو اشوفو بس .. غايتو الليلة بالغتى عدييييييييييل 
كل سنة وانتى طيبة
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
الله ياتماضر .. والله انا عاوز اقوم من قدّام الجهاز دا لى ساعة ، كل ما أجى اقوم القاك كتبتى رد فى حتّة أمشى أقراهو ، أضحك لمّا أقرّب أقع .. فقرّرت أقعد اباريك كدا ، الليلة دا يوم الضحك باين فما حاأفوتو ..
قلتى لى بتتمّروا التلفون وتنضفوهو وتقعدوا تعاينو ليهو ؟؟ ليه يعنى ؟؟؟؟؟ الفكرة شنو ؟؟
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Kostawi)
|
اليوم اتقسم نصو..وانا لقيت روحى مسمرة اعمل لى لفة سريعه واجى راجعه القى لؤى...
المهم
اشرح ليك قصة التلفون:
مش الزول يوم العيد بلاقى اهله واصحابه ويهنيهم بالعيد
ومش نحن مقطوعين من شجرة هنا وما عندنا اهل ولا اصحاب..
ومش التلفون ده الوسيلة الوحيده النصف المشاهدة؟؟
"وتيب"؟
كوستاوى..مازال طناشكم مستمرا..
اهو ده الخروف متجمد تحت الشجرة..مش قلتو جايينا؟
داير لما يسألوك يقولو ليك ما جيت ليه تقول كنت حارس البوست؟
ههههههه
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: لؤى)
|
بى باااع دى ذكرتنى قصة المره والراجل
اشتروا خروف قبل شهر من الضحية وياكلو فيه ويشربو فيه..القش داخل مارق الجرادل تتضارب..
المهم اخر يوم..يوم الوقفة بالليل
الخروف بقى خاتى رقبتو وقدومو فى الواطة ومعمش
الجماعه حاولو يرفعو روحو المعنوية باى طريقة وهو مدندن ومنبطح..ومعمش
جات المرة صنقرت..قدامو وبقت تتبن فيه..
وراجلها راقد بعيد يعاين للمناظر دى..وفاهم الخروف دة ما زول بكرة...
المرة جابت وشها قربت لى وشو ..وقالت ليه: باع؟
باع؟؟
الراجل قاليها..ناسيها يعنى؟ ما بس ناوى يموت..
هههههههه
والله القصة دى حصلت جد جد ....
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
| Quote: الغريبة اقدر ادخل بوست ودالعباسية |
طيب ماالسبب واضح يا تماضر
كمبيوترك عاملين ليهو عمل
وما بتفكا إلا تزوريهو مرفعين الفقرا
أو بالعدم
تطلبي من لؤي غنية من أغاني زيدان
وتهديها لي
ورغم إن الهدية لا تهدى ولا تباع أنا بدوري أهديها لرجاء بمناسبة العودة
| |
|
|
|
|
|
|
|
|
 Re: ليه كده يا لؤى ولنا المهدى وتمبس؟؟ (Re: لؤى)
|
يا سلالالالالالالالالالالالالالالالالالالام ياااااااااااااخ .....
ليه كده ياتماضر ؟؟؟ناقعة داندرمه وطرافه.....
تلغي تعسيلة العصـــــــــــــــــــــــــــــــــــــــــــــاري ..
وليه كده يالؤي ؟؟ قاعد تعرف تجيب الحاجات الحلوة حسع انا اعمل معاك كيف ؟؟
حمزة يا فنان ...يا فنان ..
لنا المهدي .. ان شاء الهل دائما سعدية يا زولة يا طيبة ..
تماضر كلام سر ..
روحي محرقاني من البورد لي فترة .. كل ما ادخل ارد .. الحروف زي اول ( بتتشبككده معبعضه).. ببقي اشتر .. وكان دخلت اي بوست ببوظو طوالي اهابزووووغ امشي الارشيف ..دافي ، ومصطفي مدثر ...وحاجات اطعم وخايف اجي اسالكم البورد ده مسيخ كده لييه بقى ؟؟ ما اللقي زول يرد لي ..
مش البوست بتاعك ده قديم وبايت واي حاجه ؟؟؟ جابو لي خبرو من السودان ..وحسع قاعد اضحك لحدي ضرس العقل..
انا مش قلت ليك زمان ؟؟؟
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: سمندلاوى)
|
محمد السر
ود العباسية
لؤى
وتمبس وسمندلاوى
تتجازوا ياناس الله ... انتو رفعتو البوست ده متين
انتو عارفين مما نفسى مرقت من البورد ده بقيت اصلو ما ببحبت لى صفحة تانية
ولا بشوف اخر بوست اتقال فيه شنو بس باكل من الصحن القدامى " حتى لو الملاحة" زى ما قالت مريم محمد الطيب...قالت ابوها اصلو ما بمد ايدو للصحن البعيد منو بس ياكل من الصحن القدامو حتى لو الملاحة ههههههه...
والله ياجماعة بصراحة فى حاجة جواى كشششش انكسرت وما بتتصلح تانى "سمع اضانى دى"
ليه كده الدنيا دى؟؟؟ وليه كدا السودانيين ديل؟؟ مش بقولو عليهم "شعب طيب" واهلنا الطيبيبن" والكلام الزى ده مشى وين؟ وفى الحقيقة هو جة من وين؟؟ كاسورى كاسورى كاسورى
فى السياسة وفى الفن وفى الشمار حتى فى الكتابة المسيييييييخة دى كاسورى؟؟؟
بمشى العجلاتى بصلحها....وبفرح تانى..."ياريت" وماااااااظنيت
بس شكرا على وجوهكم المشرقة وكلامكم المعطر
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: Tumadir)
|
Quote:
تتجازوا ياناس الله ... انتو رفعتو البوست ده متين
انتو عارفين مما نفسى مرقت من البورد ده بقيت اصلو ما ببحبت لى صفحة تانية
|
تماضر العزيزة
إزّيّك
انا "أب راس" دا البرااااااي مشيت بحتَّ ونكتَّ البوست دا ، الناس التانيين ديل كلّهم أبرياء من دم الخروف .. وتعرفي ؟ انا مشيت فتّشت البوست عشان أسألك من موضوع البوست ذاتو قصّة بوستات الصور والأغاني الكنتي مابتقدري تدخليها ، ولمّا جيت أكتب الموضوع طار ، قُمتَ عملتها كلّها خروف وعيد ومرقتَ ..
هسّه فجأة إتذكّرت الموضوع قلت إلاّ أجي أسألك كمبيوترك لسّه محاربنا انا ولنا وتمبس ولا إنستر معانا ؟
| |
|
|
|
|
|
|
|
|
|
Re: ليه كده يا لؤى ولنا المهدى وتمبس؟؟ (Re: لؤى)
|
| Quote: والله ياجماعة بصراحة فى حاجة جواى كشششش انكسرت وما بتتصلح تانى "سمع اضانى دى" |
ليه كده يا تماضر؟؟؟؟
فقد آلمتينى غاية الألم حتى شعرت أنا كمان الجواى بدت تتشقق
شوفى كمية الفرح القاعده تنشريه ده ، ما هو ده صدى الكسير السمعتيه
ربنا يحفظك يا تماضر ، فكلنا محتاجين ليك
| |
|
|
|
|
|
|
| |
Tumadir
lana mahdi
لؤى
Raja
Ibrahim Algrefwi
A.Razek Althalib
nazar hussien
Kostawi
ودالعباسية
tmbis
سمندلاوى
يازولyazoalيازول
فيس بوك
تويتر
انستقرام
يوتيوب
بنتيريست