دعواتكم لزميلنا المفكر د.الباقر العفيف بالشفاء العاجل
|
|
 لكل مهنة ....سردوب
|
معروف ان الوظيفة او نوع العمل يؤثران على المظهر الخارجى لمؤديهما..
خاصة اذا لم يتعهد الفرد ..جسمه بتمارين اللياقة اللازمة ..
فالاعمال التى تتطلب ..انحناءا كثيرا ..تؤثر على عضلات الظهر..ويمكن ان تنتج عن تقوسه..او تقوس الكتفين الى الداخل..
والاعمال اليديوية تخشن اليدين..
واعمال الزراعة تفلطح القدمين..
واعمال الجلوس الطويل ..تهدل الكرش ..
وأعمال الحسابات الكثيرة تضعف النظر..
والاعمال الذهنية ..تصلع الرأس ..و
حتى عضلات الوجه تتهدل وترتخى تبعا لانواع المهن
فمن منا ينسى (شلاضيم بتاعين الضرائب او كرش تاجر الجملة او كرفسة وش البوليس..)..أو انبهال جسد ست الكسرة..
اها يا جماعة ..الحكاية دى قد لا تكون ذات اهمية لدى البعض..لكن فى عالم المسرح، تعنى الكثير
فالبعد الجسمانى للشخصية ..هو ثالث ثلاثة ..من البعدين الهامين الآخرين:
البعد النفسى: وهو ما يبدو من الشخصية فى انفعالاتها ودوافعها "للافعال ورود الافعال"
والبعد الاجتماعى: وهو البعدالمركب الذى يجعل من الشخصية رئيسا او مرؤوسا تابعا او متبوعا..
فى المواقف.."يعنى حتى ادق المواقف"..
ويلعب البعد الجسمانى دورا كبيرا فى الحيز الذى تشغله الشخصية فى الفضاء..فضاء الحدث..مما يؤثر على "الدوافع" وتحريكها بعدا وقربا من "المبادرة" الى "المثول" من الايجاب الى السلب من الفعل الى رد الفعل.
طبعا فى عصر التكنلوجيا..صارت بعض المهم لا تترك آثار..واضحة على ممتهنيها..وذلك لوعى الكثيرين بفوائد الرياضة والتمارين اللازمة للمرونة..والتنفس الصحيح..والعناية بالصحة العامة ..والطعام الجيد..واتباع الغذاء المناسب..للشخص المناسب...والخ من قوائم الاهتمام.."بالروح"..
اها...
ورونا سردوبكم...
|
|
 
|
|
|
|
|
|
|
 Re: لكل مهنة ....سردوب (Re: Tumadir)
|
..
أنا قامت لي سردبــه في عيوني ..
..
ومن ما جيت البلد دي خايف من سردبــه في حتة تانية .. والحمد لله لحدي الآن تمام التمام ..
..
.
انــا حسع كان حرست البوست دهـ ممكن يجيب لي الخايف منو
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
| Quote: سردوب العيون ..ما مشكلة النضارة بتحلو.. |
طيب رايك شنو كان قلت ليك .. نضارتين سردبن معاي ..
..
قبل خمسة سنة قامت لي سردبــه في ( راسي ) .. في الجمبة الشمال سردبت بي شديد
رجعت بفتش لي السراديب الممكن تكون موجودة في شجرة العائلة .. لاني افتكرتها ممكن تكون سردبه فيزيائية .. لقيت نفسي متورط براي ..
حليت المسالة دي بي كم ( ابرة ) كــــدا.. وخنفسته .. وسردبته على كدا
بعد فترة اكتشفت أنو في كمية من الشباب هنــا مسردبه في نفس الحتة دي .. وبقيت شغال مرشد طبي ..
على العموم انا قاعد هنا منتظر سردبــة بدرالدين شنـــا اكيد حتكون سردبة ( عظيمة جدا )
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
تماضر
راسك فيه المحن
أما عن السراديب التى شيدتها أيدى المحن فإن ألعنها سردوب المخ
أتذكر جيداً عندما كان الخطأ فى القراءة مثلا نكتة تبعث على الضحك أما الآن فهو حدث يومى. أما النسيان فحدث ولاحرج. أحياناً أقول لولا أن سيارتى عارفة درب الجامعة بى وين لاحترت اين وجهتى.
وهذا السردوب له حيل وحركات وألاعيب يلعبها أحياناً يختفى حتى أظن أن ال IQ بتاعى ارتفع ثم يعود أكثر شراسة.
عندما كان الزمان زين والشعر مغطى الإضنين كان الخطأ فى القراءة جزء من ما نسميه خداع النظر.
دخلت مرة مكتبة الكلية ورأيت أمامى صحيفة مفتوحة تغطى وجه القارئ مما وضع المانشيت أمامى مباشرة وأرسلت حروفه البشارة (الرئيس القائد يستقيل) تلفت حولى ولم اجد استبشاراَ.
يا جماعة الخير كيف يمكن أن يستقيل نميرى ولا يهتم أحد؟ مشيت نحو الصحيفة وقبل أن أصل إليهاظهر العنوان (الرئيس القائد يستقبل) وفى السطر التالى بحروف اصغر إسم رئيس دولة مجاورة. الآن ظهر لى أن المسألة كانت بداية لسردوب كبير
دمت
| |
|
|
|
|
|
|
|
|
|
Re: لكل مهنة ....سردوب (Re: Asma Abdel Halim)
|
اسما ... سلام .افتقدنا كتاباتك والجمع الكثير في زمن ما في سودانيز وسودان ال .. وهكذا بعد سنوات البربري تعرب وهاهو يكتب عربي يعني كل شئ مقدور عليه حتي ان تتوجه عربتك بك الي الجامعة او اي مكان اخر بضغط علي جهاز الجي بي اي الذي صار من ملتزمات بعض السيارات مثل البي ام دبليو والرينجروفر و و ....حتي امنيسيا قهر السنوات ممكن بحبة او حدث قاهر والشعر الغجري برضو ممكن اما الذي غير مقدور ان يتغيير فكتاب الصحف في بلادي ومقدمي ومقدمات شئ يسمي برامج التلفزيون في بلادي ... البعض من القليل الذي يزورني- فهناعلم الاجتماع قد غفل عن تلك المناشط من زيارات وقعدات و و بالنسبة للذي يعمل- يسالونني هل انا "غاوي " ان اعذب نفسي بمشاهدة هذه المصيبة "اس دي تي في" ولدي من الخيارات المئات ان شئت بكبيل ودش وخلافه فاصر علي ان هناك شئ لازم ان ياتي وانا في انتظاره ... هذا حالي منذ ان غيب " الاس دي تي في" القمر في منتصف التسعينات وقبلها وصلنا الراديو وكان محتملا اما الذي اتي به الطيب مصطفي وحسن عمر فاجعص جعيص من اباليس جهنم لا يقدر عليه سواءة وشناتا ولجلجة في الكلام واصباغا في الوجوه واغلاط في النحو ونحو النحو والتعريب والمبتدا والخبر وان وكان وعشيرتهم .. وبعد ده كلو قولو برابرة ما بتعرفوا عربي خليناهو ليكم خمو وصرو ....
مودتي
ابوبكر سيداحمد
| |
|
|
|
|
|
|
|
|
 Re: لكل مهنة ....سردوب (Re: Tumadir)
|
تمادور
سلامات
خدي عندك يا ستي
10 ساعات عمل
مقابلة الكمبيوتر
منهم برمجة وسطور شبه بعض اللهم في الفواصل والنقط
غرفة سيرفر باردة زي سيبيريا
ايملات ترفع الضغط
و trouble shooting يمرق الروح
ترجمة كلام ما مفهوم باللغة الأصلية خليك يترجموه
بقيت زي رجل الثلج
كتوف محنية
ونظر تشاش تشاش
وتكشيرة
وتعميشة زي الواقف في فتحة فرن
صح!
نسيت
وزفرة من القلب حارة ممكن امشي بيها قارب شراعي لمسافة 5 متر عكس الريح
عندك لي حل؟
| |
|
|
|
|
|
|
|
|
|
Re: لكل مهنة ....سردوب (Re: عزاز شامي)
|
عزاز انتى نرسلك لى قسم "الساونا والحفلات "
تعملى ساونا وتمشى حفلة ..فيها ناس بيخلوك تضحكى لمن تقنبى فى ا########## ..
تصرفى الروشتة دى من اجزخانة السعادة...
الامضاء: دكتور شول.
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
تمادور العسل
ما قصرت تب وما قصر د. شول
انا بس دايرة لمة ناس وبضحك براي
دعم ذاتي وكده
البلد دي وهمتنا يا بت أمي
وبقينا نضاير لما نشوف زول جاي علينا
الزول ممكن يجيهو مرض التوحد على كبر؟
باقي لي جاني 
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
تماضر
ما عندي سردوب احكي عنو !!! ما فضل حاجة يقوم فيها سردوب
زمان كان الواحدة تقص شعرها ان تطلب الأمر ,,, مع التكنلوجيا اصيحت الواحدة تلبس صلعة باروكية او ترى الواحد يزيد من وزنه عشرات الكيلوجرامات من غير حمية ,,, في مجال الفن اصبحت الامور ايسر
البوست ده ما يكون فيهو خدعة مسرحية
| |
|
|
|
|
|
|
|
|
|
Re: لكل مهنة ....سردوب (Re: newbie)
|
| Quote: ما فضل حاجة يقوم فيها سردوب |
انت محول لى قسم "ابو القنفت" يا نيوبى..
الاقسام التانية كلها رفضت طلبك
ووالله ضحكت بأعلى صوت من الجملة دى..
بى صوتى "العورة" ده...
الله يفرحك..
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
عزاز الشامى عاينى للراجل ده واحمدى الله ...
على شقارة شعرك وعيونك العسلية ..
التوحد...آآآآآآآآآآه يا حبيبتى احكى لى عنه ..ماهو؟ لا أعرفه؟؟
"انعل ابوه كتلنا عديل كده"
ياخ انا بمشى السودان
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
صاحبة البوست الجميل
تماضر
سردوبنا...كشف سردوبكم!يقدر سردوبكم يكشف سردوبنا ..زي ما سردوبنا كشف ...و
هاك سراديبي
Quote: .
وأعمال الحسابات الكثيرة تضعف النظر..
والاعمال الذهنية ..تصلع الرأس ..و
|
ضعف النظر مامن الحسابات اصلا !!! من الشئ القاعد قدامي دة(كمبيوتر) ...وبيني وبينكم اصلو نظري خربان قبال اصاحبو...
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
سردبة لها علاقة بالعمر.. والمرض
حكى لى احد الاصدقاء زمان ان جواسيس جهاز الامن يتميزون عن باقى الناس بكبر حجم الاذنين. فالتصنت والتجسس عن طريق الاضان يكبرها. مثلما يكبر يد الفلاح العمل بالفاس والطورية.
| |
|
|
|
|
|
|
|
|
|
Re: لكل مهنة ....سردوب (Re: Adil Osman)
|
| Quote: (الرئيس القائد يستقيل) |
اسماء...
لأ
انتى سردوبك ده "حضارى"..وبعدين حالة نستعصية كمان.
انتى مفروض تمشى تقعدى شهرين تلاتة فى كهف..وحأكتب ليك "آلة زمان" ترجعك للعصر الحجرى اجازة وتجى
رئيس يستقيل..
احسن تمشى الجامعة بى عربيتك البتعرف براها دى ..لغاية ما نرسل ليك الاوراق .."اوراق التوت"
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
| Quote: حكى لى احد الاصدقاء زمان ان جواسيس جهاز الامن يتميزون عن باقى الناس بكبر حجم الاذنين. فالتصنت والتجسس عن طريق الاضان يكبرها. مثلما يكبر يد الفلاح العمل بالفاس والطورية |
exactly
الانسان ده حيوان
زمان كان ناطق..
حسة بقى حيوان بيتكلم فى الموبايل..
فعلا نحن بنتحور زى الكائنات التانية ..وبتكبر لينا اضنين ..وحاجات كتيرة ..حسب الطلب
شكرا
وبتوقع منك ياعادل عثمان مزيدا من المداخلات الصور فى هذا المجال..ان شا الله ماأكون بحلم ساى
| |
|
|
|
|
|
|
|
|
|
Re: لكل مهنة ....سردوب (Re: صديق الموج)
|
صديق الموج
هم ناس البورد ديل كلهم احسن ليهم يعترفوا بسردوب الكمبيوتر ده ويكونوا اعتياديين..
طبعا فى ناس مدمنين
وانت "أمير المدمنين"
السردوب واضح..
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
العزيزة تماضر لك كل الود
وكما قيل مسردبين ومقدريين وحا احكي قصة واحد سردبت بيهو امريكا بيحكي انو عند حضوره هنا كان يتمتع بشعر ناعم وتسريحة ابراهيم عوض والان لا توجد شعرة واحد فرد ليهو احد الحضور قال انت عارف انا شعري دفعت ليهو وزن زايد في المطار
الحمدلله انحنا لسه بي عقلنا ما طار مننا
مودتي
| |
|
|
|
|
|
|
|
|
|
Re: لكل مهنة ....سردوب (Re: Mutwali Malik)
|
| Quote: بعد فترة اكتشفت أنو في كمية من الشباب هنــا مسردبه في نفس الحتة دي .. وبقيت شغال مرشد طبي .. |
تمبس
ده "نحن العلماء" ما بنسميه سردوب
دى حاجة "عندنا" اسمها "كعبرات البوتاسيوم"
والكعبرة داء ليس له دواء
ابتعد عن الشواكيش ...
وخش كرنتينة عاطفية سريع
اما كعبرات بدر الدين شناة وسراديبه فكلنا فى انتظار على أحر من "الظهر"...
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
ابوبكر سيد احمد
السردوب بتاعك ده رسلناه لى ناس "ناسا"
"ياناس ناسا ناس ناسا ناس ناساااااا
"خلو الناسا والناس النسناسة" ههههه
المهم هم بيدرسوا فى نوع السردوب ده ..ولغاية الآن اتوصلوا لنتائج قليلة جدا لكن هامة انو ده سردوب عابر للقارات ..اسمو ""انقاذوووس" ...
لكن لسة البحوث جارية...
هههههه
وشرفت البوست
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
ياتمادور( تبع التصريح السابق من سودان فور اوول ) .. ده غير ( زي ما بقولو العروبيين هني ؟ ) ...ناسا شنو التسوليه حاجة ... دة بيجيك طالع لوحده زي التسونامي والهيريكيين عندكم ...حاولنا بخور التيمان والحجبات وملينا الجدران دعاء ولكن "اس دي تي في " ده شيطان عضم..
| |
|
|
|
|
|
|
|
|
|
Re: لكل مهنة ....سردوب (Re: Dr. Moiz Bakhiet)
|
| Quote: ده بقت عليهو كل الحاجات: كرش وقصر وصلعة. يكون شغال شنو؟ |
شنو يا عادل عثمان ..انتو قاصدين شنو..؟؟؟
قالوا اتنين ما بضقوا الراحة(تور الساقية وزولا شغلتوا مساحة)!!!!!
تماضر
سردبتي بقت سردبة عيون من (المتاوقة) في نظارات المساحة
والعيون الاثنين (بقن لفت)..وصلعة شاقة الراس لاتنين من رمال الصحراء...
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
تماضر ..
يا بتنا الظريفة .. كيف حالك ..
أنا سردبتي زول اسمه ( عماد عبدالله ) ..
وبصراحة أنا عندي سردوبة ( صلعة ) وما كنت شغال بيها لغاية ما بدأ عماد يستغلها للترويج لمصلحته .. في أي محل يقول صلاح ده أخوي الكبير ، رغم أني أصغر منه ( بكتير ) فأصبح سردوبتي ..
استغليت وجود أمي ( أمد الله في عمرها ومتعها بالصحة والعافية ) وبقيت أسوقها وأسألها قدام أصحابنا ( يمه أكبر أنا وألا عماد ) تقول لي :
( سجمي أنت البيجيبك لي عماد شنو؟ سغير وجاهل ) وتردف قائلة ( لكن برضو عماد كمان سغير بس ما أسغر منك ، وحتى لمن شالوا عبود أنا ما قدرت أطلع مع المظاهرات عشان عماد كان سغير ) ..
وآخرتها يا تماضر جابت ليها سردوبة ( نظر ) أها الدبارة كيف يا بت العم ؟؟ ( أعترافات في كرسي الطبيب النفسي ) ..
تمبس يا تمبس ..
بالله مش حرام عليك يكون عندك دوا لسردوبتي وما تكلمني ؟؟
اتلومت تب يا فردة ... وبرضو ( أنت ود ناس منو؟ ) .. تصدق انت تبعنا ؟ بس كده ، ليه ؟ ما عارف..
تمبس .. حلني من عماد ده ( أنا جاد جداً ) وريني دوا سردوبتي دي سريع ( عليك الله ) جرسة مبالغة ..
تحياتي
صلاح عبدالله
| |
|
|
|
|
|
|
|
|
|
Re: لكل مهنة ....سردوب (Re: Salah Abdulla)
|
| Quote: تمبس .. حلني من عماد ده ( أنا جاد جداً ) وريني دوا سردوبتي دي سريع ( عليك الله ) جرسة مبالغة .. |
ياصــــــــــلاح ..
زمــان في دافوري الحلة عندنا ود جيرانــا.. ( رجلينو الاتنين شمال ) ونظام ( بضرب بجلي بيقع ) بس إذا وقعت فيك بسردب بيك طوالي ..
المهم جله ليهو واحد في الدافوري .. وقام ( الانكل ) اتفصل .. قمنا خميناهو لعمي (الهادي )
عمي الهادي عندو خيارين:
- يا ( تشتشك ) بالنار ..
- يا ( فصدك )
المهم (التشخيص ) بتاعو قال لينا ( ده دم فاسد ) قام طوالي جاب موس ابو تمساح ونحن مسكنا ليهو صاحبنا دهـ .. ( فصدو ) زي الترتيب صاحبنا دهـ سردب علي كدا ولحدي الآن بيعتب زي ام قيردون
غايتو انا بعمل ليك العلي ..
لكن ( عمــاد ) امكانياتو كويسه ممكن ( يفصدك ) يا ( يكويك )
وكان ما خنفسته سردب علي كـــدا..
| |
|
|
|
|
|
|
|
|
|
Re: لكل مهنة ....سردوب (Re: Salah Abdulla)
|
الشلاضيم ..
عشان كده بكره توم أند جيري ..
و الكلب البولدوق صاحبهم داك الطوالي شلاضيمو مدلدلات .
من أنا صغير و أولاد الحلة فاكين فيني ألقاب تعقد ( وما ح أقولها طبعا ) ..
قمت لمن كبرت الشلوفة الفوقانية كبرت .. ( شفتو المصيبة ) ..
ربك رب الخير أداني شنب كبير .. طوالي عملت ساتر للهوت دوق دي .
كان بقت علي اتنين .. شلضمة و تلاشه !!!
أنا من زمن عبود يا صلاح عبدالله ؟؟؟
هسه أجيب آخرك و سردوبتك ديك ؟؟ ( طبعا ما الصلعة ) .
يعني تماضر زاتها بتاعت جلنكبات ..
هسه نكيش زي ده .. في ليهو داعي ؟؟
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
شفتي ياتماضر كنت مستني في صالة إستقبال المغتربين الجايين من السعودية وبعدين لاحظت انه كلهم يديهم طوال جداً يعني أي واحد يده واصله تحت الركبه وفي واحد فيهم وقعت منه الساعة ولا دنقر ليها، لفحها طوالي على الماشي، لكن عزيت المسألة دي لشيل الشنط وخاصة الشنطة اللعينة ديك الإسمها كرش الفيل .
| |
|
|
|
|
|
|
|
|
|
Re: لكل مهنة ....سردوب (Re: Hassan M Saeed)
|
تماضر
يااجمل سردبات بلادى
ازيك
السردبات الفيزيكال دى نوع من الدفاع عن الجسد
لكى يتمتع بقاعدة اعرض تمنعه من السقوط
اعتمادا على نظرية مركز التوازن
كذلك اى( عضو) بسردب عندما
بكون فى حالة دفاع عن النفس من اجل الاستمرار والبقاء
لانه اذا لم يسردب ستعصف به الرياح ذلك ينطبق على
عضو الجسد او عضو منبر او عضو فى
حزب والبقاء دائما للمسردبين،،،،،،،
اما السردبة المعنوية فهى دفاع عن النفس
ضد المحن عشان كده الناس البسردبوا للمصائب هم
اكثرهم قدرة على تجاوز المحن
اما السردبة العاطفية فحدث ولاحرج
واحد منكوب عشرة مرات ولا زال مؤملا
ان يصيب سهمه مرة
التحية لكل المسردبين والمسردبات بمختلف
اهدافهم ووظائفهم واحزابهم ومشاكلهم العاطفية
| |
|
|
|
|
|
|
|
|
|
Re: لكل مهنة ....سردوب (Re: Hassan M Saeed)
|
| Quote: أنا سردبتي زول اسمه ( عماد عبدالله |
ياصلاح
والله مافى حاجة سردبت بيك غير شنبك البشبه اسلحة الدمار الشامل
لو رفعتوا شوية كان السردبة راحت
ولو ازلته نهائيا رقبتك حاتبقى اطول من رقبة المذيعة فى قناة الجزيرة
اسمها حاجة كده (بنوره)
اما العمامة لايعلى عليها
تحياتى وانشاء الله ماتشوف سردبة
| |
|
|
|
|
|
|
|
|
|
Re: لكل مهنة ....سردوب (Re: بدرالدين شنا)
|
تماضر سردوبة روحي
البوست طاعم لكن شدة ما
مسردبة لمن
لاصقة رقبتي على الكرسي
واكتب ، بعيد عنك
سردبتي براها ، وكان
للشلدمة والكردمة
اسكتي ساي .. يا دوب
وقع لي كلام ايم لمن
تقول للزول
مالك داخل وشك العن قفاك ..
وبمناسبة القفا دي
قالوا الضفيرة بتكبر
القفا وكداوتخلي
الزول زي
علامة الاستفهام بالقلبةَ
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
تماضر ...
سلام شديد وتحيات اشده ...
والزرعتيهو قام وبتق وفتق وح يملي قلبك ودنيتك
كلها حياة وحب اكتر(ده خجل عشان جينا بي الحيطة).
والله السراديب عندك لكن ...
اصلاً يا تماضر سراديب (الأديب) (اديبه) كده من سنة حفروا البحر..
لكن المجنني (محسن صاحبي ده) هاهاهاهاها عندو اغرب سردوب
والسبب انو حبه 9 بنات وهسي هو وسردوبوا براهم (يدوبوا)هاهاهاها وبي سرية...
تفتكري ليه يا تماضر ؟!!
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
قبل سنوات عديدة كنت اعمل فى مركز لمساعدة طالبى اللجوء واللاجئين المتحدثين باللغة العربية. قالت لى زميلتى الانقليزية فى احدى الونسات (اصابع يديك طويلة وجميلة.. مثل اصابع الموسيقيين والرسامين.). وكانت هذه اول مرة اعرف ان للموسيقيين والرسامين اصابع طويلة.
هل تذكرون (احدب نوتردام) رواية فكتور هوقو؟
وقرأت مرة ان اليهود يتميزون بصفة جسدية. لهم انحناءة خفيفة (حدبة) فى اعلى ظهورهم. ولا ادرى صحة هذا الزعم! مثله مثل الحديث عن الانوف المعقوفة لليهود.
هل لبعض الاعراق او الشعوب او القبائل علامات جسدية يمكن تمييزهم بها، وتكون حصرآ عليهم خلاف الشلوخ؟
ولماذا يربط الناس بين الطول والزعامة وقدرات القيادة؟ والموقع الاجتماعى المتقدم؟
وفى علم النفس يربطون بين طبيعة الشخصية والتكوين الجسمانى. يقولون على سبيل المثال ان الاشخاص البدينين يتميزون بخفة الدم والظرافة. فى حين ان الاشخاص النحيفين عصبيون وقلقون! تصيبهم القرحة والمصران العصبى.
وفى الادب الشعبى السودانى يقولون (القصير يا حكمة يا فتنة!)
والتراث العربى يمجد المرأة البدينة. كناية عن خصوبتها وجمالها. قال الشاعر:
كأن مشيتها من بيت جارتها مرّ السحابة لا ريث ولا عجل..
و مجد الشعراء صفات الكسل ونوم الضحى، كناية عن دعة العيش والتنعم. وكذا الوصف الشهير الذى ورد فى (ودع هريرة ان الركب مرتحل.. وهل تطيق وداعآ ايها الرجل):
لا تسمع للحلى وسواسآ.. كناية عن غلظة ساقيها ويديها. (جقة) كما نقول فى العامية السودانية.
وكنا فى شبابنا نستعمل تلك اللغة المشفرة euphemism فى الكلام عن البنات والنساء. ومنها GMG اختصارآ ل( جقة مظبطة جدآ).. وكان بعض الشباب يصفون المرأة ملتفة الساقين، عظيمة الكواحل، بأن ساقيها مثل طفايات قاعة الصداقة المشهورة.!!
رأيت موسيقيآ مشهورآ بعزف الجيتار والعود. كانت اصابع يديه تتحرك على الدوام، حتى وهو لا يعزف.
ونذكر تلك النكتة المشهورة عن الانف. او النخرة كما نقول بالسودانى. فقد شاع ان هناك علاقة طردية بين حجم نخرة الرجل وحجم عضوه الجنسى. ففرحت امرأة حين تزوجت رجلا ذا نخرة كبيرة. وفوجئت حين لم تجد ما توقعته. فقالت قولتها المشهورة (نخرة كلام فارغ ساى!)..
ارجو ان تكون كتابتى هذه فى سياق البوست. والا تكون تطفلآ بائخآ. سائخآ. من كهل دخل البرد فى عظامه فصار يهرف بما ليس له دواء كالحماقة اعيت من يداويها!!
| |
|
|
|
|
|
|
|
|
|
Re: لكل مهنة ....سردوب (Re: Adil Osman)
|
اختي الفاضلة تماضر
كلما أقرأ ليك بوست ..تحضرني عنبر المجنونات وروعتك وحضورك الباهي
تعرفي قصة السردبة دي حتصبح عامة في السودان..وهي سردبة من نوع يخص " الإضنين" ..من الموبايلات والكلام الكتير والنقة..تشوف الناس كلها شايلاه وتنضم تقولي نحنا في احدث بقاع الأرض ..والشايله ويتكلم وهو ماشي بيقع في اول حفرة والتي تزخر بها شوارعنا ..غايتو سردبه وجاتنا وهي من النوع المزمن حيث الإستخدام في تزايد وحمي التنافس علي أشدها في عالم الموبايلات وكأننا "جننا" التطور والتقدم "جن"
| |
|
|
|
|
|
|
|
|
|
Re: لكل مهنة ....سردوب (Re: انا بنت النيل)
|
Hay
Wonderful People
I am far from my terroteries
Will reply to you when I am home
I read all the current contributions; some of them are funny, some have great visions to discuss
but all of them are nice.
I can't wait to get back to you.
I welcome everyone else to be part of this discussion
| |
|
|
|
|
|
|
|
|
|
Re: لكل مهنة ....سردوب (Re: اساسي)
|
اهدي هذه التخريمة لكل مسردب ومسردبة في البورد دا
جاهلة صغيرة دوب يادوب وماتحمل السردوب ياالله
الليلة دوب ومابنحمل السردوب ياالله
| |
|
|
|
|
|
|
|
|
|
Re: لكل مهنة ....سردوب (Re: Salwa)
|
Quote: انعل ابوه كتلنا عديل كده"
ياخ انا بمشى السودان |
يا تماضر
قبل فترة مشيت المطار مودع لي زول
لقيت واحد سوداني لابس بنطلون وقميص وعمّة صغيرة بدون طاقية
واقف قدام الكاونتر وعامل شمطة مع المرة الشغالة ,المرة بتتكلم معاهو وهو مديها ضهرو
, قالت ليهو عاين لي واتكلم معاي , قال ليها ما بعاين ليك داير منك شنو , قمت سألت
الجماعة الجايين معاهو قلت ليهم الزول دا مالو؟ قالوا لي الزول دا جاتو (النزعة)
وكجن البلد دي , قاعد ليهو 22 سنة , فجأة صحى الصباح وقطع تذكرة وقال مسافر ,,
أها زولك دا بكون سردب لمن عينو طلعت ,لحدي ما قال ما داير كلام مع زول
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
| Quote: I read all the current contributions; some of them are funny, some have great visions to discuss |
تماضر دا إنقليزي الولادة ولا قام ليك في أمريكا؟؟؟
| |
|
|
|
|
|
|
|
|
 Re: لكل مهنة ....سردوب (Re: mamkouna)
|
أنـا ياطـمطـم قصـة عجـيبة .....
أنـا سـردوبتي سـوده...موش بيهـددونـا في البيت ســاعات ويقـولوا لينـا وقعتكـم سـوده?
أهـو ده الحصـل علي بـحـذافـيره!!
طـيب ياتماضـر زمـان..عـارفة.... زمـان خالص لماكـنت صـغيرة يعـني...
كـنت شـقرا...لـوني كـان أبيض وعيـوني كـانت خضـرا...وخـدودي كانت زي التفاح!
لـكن بالزمـن وبياخته...أصـابتني سـردوبة عظـيـمة...وسـبحان مغير الأحـوال...صـارت عيـوني سـوده..وشـعري أسـود والغريبة لوني كمـان بقي أسـود!
| |
|
|
|
|
|
|
|
|
 Re: لكل مهنة ....سردوب (Re: خدر)
|
الفنانة تماضر
لك التحية
أول ما قريت العنوان اتذكرت واحد صاحبى
اسمو سردوب !!! بالمناسبة دا اللقب بتاعو
والظاهر عليهو صاحبي دا كان مسردب على طول في
أي حاجة وكل حاجة حتى صار سردوب أول حسب النظام العالمي
الجديد.. غايتو عندما سالتو عن موضوع سردبتة وتسميته
سردب للموضوع ورفض الرد ..
أما سردبتي أنا فلقد نسيت هذا الموضوع تماما
لانني أبحث عن من يساعدني في طريقة للتوقف عن السردبة
خلف وأمام الكمبيوتر واللهث وراء سودانيزأونلاين
وما زلت ابحث عن سردوبي العاجب البنوت
الذي ضل طريقه وتاه
مع مودتي ...
| |
|
|
|
|
|
|
|
|
|
Re: لكل مهنة ....سردوب (Re: عثمان سيد أحمد)
|
اها رجعنا البيت
والناس كلهم دايرين الكمبيوتر
خليكم مسردبين لما الصف يصلنا..
هههههه
تعليقاتكم حلوة
وانت يا بدر الدين شناة
ما سمعت بيقولو هنا
keep your gramma to your grandmma
your
grammar to your grandmother
ha ha ha
bye
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
اساسى
يعنى لازم تحرجونا
ماقلنا "الروح"
الروح لها سردوب يا اخى ..وهو اخطر انواع السراديب ..
يعشعش فيه السأم والملل..تتوالد فيه المخاوف ..وتتعشعش خيطانا على جدرانها..وكلما تباعدت المسافات وقلت الصلات..تبيض فيه وتفرخ الغربان..شىء كالح ظالم اسمه الغربة..له شقيق شقى اسمه الوحده..يسردبان الارواح..ويقتلان حيويتها..فلا تسلنى ..
ممكونه: حبيتى انتى عجزتى ولا شنو؟؟ ده ما سردوب مهنة ده سردوب الاولين والآخرين ...مالك جايبة سيرتو؟ الله يمسينا على خير من سيرتو
هههههه
سردوب القراية ده براه كمان ..الفار عرف الحكمة وبدل يقراها اللعينة ..يتغدى بيها وينعنش ..وفررررر يجرى ..ابقى زيو..
معروف سند: اها انا سردوبى ياهو النوع ده..محضرة ليهو قرقاب وكركب..يوم اجى ماشة ده..مافى زول يصادفنى ..
منى خوجلى: ولعى النور الاشقر..اظنك بقيتى ظلامية شوية ..
خدر انت سردوبك معروف..سببو صديق العواليق..بكرة بتكبر وبقوم ليك سردوب حقيقى ..
عثمان سيد احمد ..كضاب السردوب ما بعجب البنوت .."انا قبل كده كنت بت" ما تغالتنى..
دكتور معز ..لا ده سردوب ..نموذجى ..وبتاعة دكاترة ..من ما شفتو
ضهرى وجعنى ..اخخخخ
عبد الكريم المساح..لكن سردبتك مااااهلة ..انت "دمع البكا" اخوكم؟؟
صلاح عبد الله اول مرة اعرف انك اخو عماد بتصدق؟؟ دى براها ما سردوب؟؟ والله فرصة سعيدة ..حسة قلت لى الاكبر منو؟؟ انت ولا بتاع الهوط ضوق؟؟ هههههه لذيذين والله ...لكن امكم بالغت.."سردوبين من بطن واحدة ..؟؟"
حسن محمد سعيد ..ديل ايدهم "لاحقة" ..ياخوى يلحقونا "وينجضونا" ...
دى نفس نظرية عادل بتاعة اليهود دى ..
وطبعا العرب عرفوا علو "الفراسة" ..وفيه حاجات كتيرة زى دى ..يعنى اليدو كبيرة ده معطاء ..والجبهتو عريضة ..مفكر ..والحواجبو قريبة ومقرونة ..بيقولو غبى ..والانفو مفلطح ..احمق...والاصابعو طويلة فنان..والاصابعو ..مرنة ..برضو مبدع باليدين ..رسام .مثلا أو موسيقى زى ماقلت...لكن بعضها لا يخلو من عنصرية ..وتأطير لبعض الشعوب ..وحتى ناس الغرب كانوا بيدعوا ادعاءات زى دى ..وبيقولو ناس افريقيا اغبياء وحمق..مع انه نظرية الآى كيو بتاعتهم فيها انه لو حجم الفاخورة كبير معناها حجم المخ كبير وده دليل على الذكاء ..اها فى اكبر من فواخير الافارقة..
سيد احمد الخليفة بوافقك ..لكن ما بجاريك فى "المغارز" ضد ناس معينين..
الحاجات دى خليناها بدرى ..
نادية عثمان ..شايفة لواعجك ..وسراديبك..عليك الله انتى لما تشتكى ..ناس كتار تانيين يقولو شنو..الله يدى العافية غايتو "شايفاك زعلانه منى لكن انا بتكلم معاك لمصلحتك صدقينى"
نجوان شكرا للزيارة اللطيفة ..وماشايفة ليك سردوب..الله اداك ..ههههه
عشة حبيبتى ..انتى بس بالذات ما تتكلمى على السراديب..جاهلة وصغيرة ..وخفيفة ودمك شربات..البوست ده للناس "التخان" ابان سراديب..
ههههه
سفيان
الزول الحبا ما بتجيه الحبة ..خليهو دى حسادة منك بس..شوف سردوبك وين ..وشكرا على الكلام الظريف..والله ما جاب الخجل.
انا بنت النيل:
تقصدى بيت بت المنى بت مساعد؟؟
شكرا ليك يا حبيبة ..وفعلا اتفق معاك وكلام عادل عثمان ..عن كبر اضنين الشعوب فى السنين القادمة ..هو ما حيكون كبر اضنين بس ..بكون معاها "تكية" رقبة ..وسردوب فى الجهة التانية حسب نظرية التوازن ..بتاعة سيد احمد الخليفة ..يعنى السردوب حيوزن الموبايل ..وكل زول حسب موبايلو..
ههههههه
بن آدم ..الله يكافينا شرو
محبتى لجميع السراديب..من جزيرة سرنديب......
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
الأستاذة تماضر
لك التحية
بسبب العمل في مجال الإدارة ومجال الموارد البشرية عندي:
سردبة في الروح (وجع روح)
سردبة في الأخلاق (بشاكل ضبان وشّي)
سردبة في الذاكرة (هسي نسيت أنا ذاتي داير أكتب شنو)
وأسوأ سردبة فهي في الجيب
| |
|
|
|
|
|
|
|
|
|
Re: لكل مهنة ....سردوب (Re: سامي عبد الوهاب إدريس)
|
تعال نتفلهم شوية وندخل في مواضيع زي الجسد وعلاقتو بالزمان والمكان واستغلالو من قبل راس المال ، واجساد الفقراء والاغنياء .
ونبدا بأوبرا ونقارنهابفلانة بت خالتي( كمان ولدها ما يقوم فيني النمسح الاسم )وهي امرأة سودانية زوجها متوفي منذ ان كان عمرها 22سنة ورفضت الزواج من أجل تربية اولادها الثلاثة ، الان هي كم وخمسين بقت تخمينة وكرعينها بقن مكعوجات من الشقاوة ، ووزنها زاد من اكل النشويات التي يعتمد عليها السودانيين كوجبات اساية زي اللقيمات والسكر ، والمدايد والنشا ،واذا نظرت اليها تحلف أنها فوق الستين ، وشقوق الكرعين حدث ولا حرج !!
نقارنها بمثال مرتاح ومتحرك ومثقف , جسد ذكي مثقف يعني !! تمارين وساونة وعناية بالشعر زي أوبرا يعني ، عشان في شبه في الطول واللون والعمر ، اوبرا مقدمة البرنامج المشهورة فرق الليل من النهار اكل مضبوط وصحة عال العال مافي ضغط ولا سكر رشاقة وقيافة لمن عملت ميلادها الخمسين قبل سنتين تلاتة ، كان الناس يعتقدوا أنها في الثلاثينات من شدة الجمال والحياة الصاح ؟؟ وبت خالتي بقت جمب القبر الا سنة بكسر السين .. ممثلة امريكية في الستين ، قوام ممشوق وعبادة روح عايشة حياتها زي العجب ، يا قول حبوبة السرة العمر قزاز لو صانوه وسنفروه في حالو وكان اهملوه بتكسر !!
النسوان البسون الضفيرة عندهن شكل والببيعن في السوق عندهن شكل على قول تماضر الوش مكرفس ومصرور ومسود من الشمس .
العالم اليوم بقى خطير ما في مجال للناس المساكين ، بالدولا الناس يبقوا سمحين واطولوا روحن ، واغيرو تلاليشن ، واصغروا مناخيرون ، الجمال بقى ملك للبدفع اشياء مدروسة وثقافة جمالية مدفوعة الثمن ، يصغروا واكبروا الحاجات حسب الطلب ، غير ثورة الازياء وعجلة راس المال ، حتى الناس العاديين بقوا الهثوا وراء الاندية الصحية واشتروا الاجهزة الرياضية واركضوا والجمال بقا بقروش الما عندوا قروش بتكنجل وبتعولق وبتشلدم ، راجعة زز
| |
|
|
|
|
|
|
|
|
|
Re: لكل مهنة ....سردوب (Re: عشة بت فاطنة)
|
تماضر
حمدلله علي السلامة
أنا عندي سردبة في أعصابي من الزهج.
بشاكل مع البواب
ومع بتاع التاكسي
وبتاع البقالة.
في الجامعة عشان ما بقدر اشاكل الاستاذ بقيت بشاكل مع أقرب زول قاعد جنبي.
ولما أمشي الشغل لو المدير قاعد ما بشاكل زول.
والحالة لو تلفوني ضرب وطلع زول مكجنة..يادااااب كده بستعدل للشكل.
وفي النهاية لو ما لقيت زول بشاكل روحي.
بقيت ماشة وسردوبى فى بوزي.
والله يا دكتورة تماضر أنا ما كنت كده
حتى أسالي البعرفوني ولا طبعتي كده
أكون اتعاديت؟
الايام دي انفلونزا الزهج منتششششرة.
أها الحل شنو؟؟؟؟!!!!.
| |
|
|
|
|
|
|
|
|
|
Re: لكل مهنة ....سردوب (Re: Omayma Alfargony)
|
دكتورة تماضر
شهادة فى حق الاخت اميمة
Quote: والله يا دكتورة تماضر أنا ما كنت كده
حتى أسالي البعرفوني ولا طبعتي كده
|
فعلا هى ما كدة
زولة عسل
و لطيفة جدا
انا متابعة
ممكن نعرف الحاصل شنو؟
غادة
| |
|
|
|
|
|
|
|
|
|
Re: لكل مهنة ....سردوب (Re: سامي عبد الوهاب إدريس)
|
تعال نتفلهم شوية وندخل في مواضيع زي الجسد وعلاقتو بالزمان والمكان واستغلالو من قبل راس المال ، واجساد الفقراء والاغنياء .
ونبدا بأوبرا ونقارنهابفلانة بت خالتي( كمان ولدها ما يقوم فيني النمسح الاسم )وهي امرأة سودانية زوجها متوفي منذ ان كان عمرها 22سنة ورفضت الزواج من أجل تربية اولادها الثلاثة ، الان هي كم وخمسين بقت تخمينة وكرعينها بقن مكعوجات من الشقاوة ، ووزنها زاد من اكل النشويات التي يعتمد عليها السودانيين كوجبات اساية زي اللقيمات والسكر ، والمدايد والنشا ،واذا نظرت اليها تحلف أنها فوق الستين ، وشقوق الكرعين حدث ولا حرج !!
نقارنها بمثال مرتاح ومتحرك ومثقف , جسد ذكي مثقف يعني !! تمارين وساونة وعناية بالشعر زي أوبرا يعني ، عشان في شبه في الطول واللون والعمر ، اوبرا مقدمة البرنامج المشهورة فرق الليل من النهار اكل مضبوط وصحة عال العال مافي ضغط ولا سكر رشاقة وقيافة لمن عملت ميلادها الخمسين قبل سنتين تلاتة ، كان الناس يعتقدوا أنها في الثلاثينات من شدة الجمال والحياة الصاح ؟؟ وبت خالتي بقت جمب القبر الا سنة بكسر السين .. ممثلة امريكية في الستين ، قوام ممشوق وعبادة روح عايشة حياتها زي العجب ، يا قول حبوبة السرة العمر قزاز لو صانوه وسنفروه في حالو وكان اهملوه بتكسر !!
النسوان البسون الضفيرة عندهن شكل والببيعن في السوق عندهن شكل على قول تماضر الوش مكرفس ومصرور ومسود من الشمس .
العالم اليوم بقى خطير ما في مجال للناس المساكين ، بالدولا الناس يبقوا سمحين واطولوا روحن ، واغيرو تلاليشن ، واصغروا مناخيرون ، الجمال بقى ملك للبدفع اشياء مدروسة وثقافة جمالية مدفوعة الثمن ، يصغروا واكبروا الحاجات حسب الطلب ، غير ثورة الازياء وعجلة راس المال ، حتى الناس العاديين بقوا الهثوا وراء الاندية الصحية واشتروا الاجهزة الرياضية واركضوا والجمال بقا بقروش الما عندوا قروش بتكنجل وبتعولق وبتشلدم ، راجعة زز
| |
|
|
|
|
|
|
|
|
|
Re: لكل مهنة ....سردوب (Re: Adil Osman)
|
تماضر
| Quote: نادية عثمان ..شايفة لواعجك ..وسراديبك..عليك الله انتى لما تشتكى ..ناس كتار تانيين يقولو شنو..الله يدى العافية غايتو "شايفاك زعلانه منى لكن انا بتكلم معاك لمصلحتك صدقينى" |
تصدقى وتامنى بالله انا لمن كتبت ليم مداخلتى دى هنا كنتى انتى زاتك لسة ماجيتينى بهناك !!
يعنى لواعجى دى ماليها دعوة بلواعجى ديك فاهمانى ؟!!
وبعدين انتى ليه مصرة انى زعلانة منك .. ياستى الله لا جاب بينا الزعل يارب
بس برضو حيرتنى دى (عليك الله انتى لمن تشتكى ناس كتار تانيين يقولوا شنو ) !!
اقول ليك حاجة ؟
الشكية لى اب يدا قوية .. وفعلا الشكوى لغير الله مذلة !!
اها خليتك بى عافية وتأكدى انى مازعلانة ولا فى شئ بيزعلنى منك ياام سارية وربنا يعلم قدر ايه بعزك وبحترمك بس انتى ماعارفة ساى !!
| |
|
|
|
|
|
|
|
|
|
Re: لكل مهنة ....سردوب (Re: نادية عثمان)
|
شفتّ
الحالة يا عادل
وشفتّ صورك كيف
جات معبرة
مش في مثل انجليزي بقول :
Money talks and
walks
سامحونا في الازبلينق اوعّ تسوو لينا بوست
مافاضين ..
أها شفت يا عادل المثل دا قاصدين بيه الناس ديل
ذاتهم .
وبعيد عن سراديب تماضر المهنية حتى المكان عندو
سراديب ، فالناس العايشين في المناطق الباردة
، غير الفي المناطق الحارة أو المعتدلة كل حسب
حركته والطعام المتاح ليه!!
أذن الجسم بتشكل حسب الحالة والمناخ
، وتقسيم الارزاق
والقيافة غير متاحة للجميع
علم وقروش ، وتتبعها اختها
اللياقة ، اقصد اللياقة
البدنية ..ما لياقة القميص ولا لياقة
البني ادم وسقالتو ..
مشيتو وين انتو ؟؟
نادية وتماضر قتو هو هو ليّ
| |
|
|
|
|
|
|
|
|
|
Re: لكل مهنة ....سردوب (Re: عشة بت فاطنة)
|
اميمة فقيرى
حسن عثمان
وغادة عبد العزيز
منورين البوست بسراديبكم ..
وعشة فكرتك ألمعية ..طبعا ..
انا قصدت من البوست الناس تتحرك نحو الاتجاه العلمى ..والنكتة ..لكن الناس شطلها زهجانة وآثرت الجانب الخفيف ..
ماعدا القليل..
وكله مقبول ...
المهم صورة اوبرا ..وصورة ..المرأة السودانية ..والمقارنة ..
الخلانى ما ازوركم كتير ..
محمد
العمر 14 سنة
السبب..فيديو فى التلفزيون بالانترنيت
السبب الفنى ROUTER ما بيشتغل
النتيجة ...شووووووو يجر سلك الانترنيت لاوضتو ...ويتواصل مع اولاد الدنيا ديل كلهم لعب.
انحنا؟؟ الترابة التكيل "تواصلنا"
آخرتا؟؟
سردوب
واصلو
| |
|
|
|
|
|
|
|
|
|
Re: لكل مهنة ....سردوب (Re: Adil Osman)
|
وأنا بقرا في لكل مهنه سردوب مستمتع ومبسوط قومي يالمره ناديني
ماخلاص تعال نوم الساعه اتنين صباحا طوالي طلع لي سردوب ومزاجي اسردب واتقفلت سراديب الفكر قدامي وضاقت دروبي وفكرت بكرة اطفش من البلد انشاءالله امرق في سرانديب واغرق في ديب البحار زاتو لكن قلت مامرتك ومافي داعي ازعله وهي في غربة ووحيدة ((ماحنين))
لكن فكرت بي خباثة وقررت اسردب وما اشتغل بيها وسردب ليها زاتها ..انا ماشي اديها سسردوبي واسردب ليكم انتم زاتكم ...
نلتقي
| |
|
|
|
|
|
|
|
|
|
Re: لكل مهنة ....سردوب (Re: محمد سنى دفع الله)
|
ياتماضر
انت كده زدتي لي سردوبتى
اولا
أنا اميمة الفرجوني ما اميمة فقيري
يعنى دايراني اشاكلك مالك يا تماضر...
لكن معليش..
انا مقدرة انت الايام دي مشغولة بسردوب أحمد بتاع الGames
يا غادة...
شكرا كتير حبيبتي
كلامك مهدي للاعصاب
غايتو لو تماضر ما رجعت
ماعارفة اعمل شنو في سردوبي دا...
لو عندك حل...
ألحقيني بيهو...
أنا كان مستنية تماضر
وطاتي أصبحت....دا لزوم نكش وكده
| |
|
|
|
|
|
|
|
|
|
Re: لكل مهنة ....سردوب (Re: Omayma Alfargony)
|
Quote: أنا كان مستنية تماضر
وطاتي أصبحت.... |
صباح الخير يا أميمة فرجونى ..
ههههههه ضحكتنى مداخلتك ومعليش ياخى ...فعلا الحاصل هو نفس تفسيرك ..مشغولة بالاون لاين قيمس..والمباصرة بتاعة الولد واصحابو ...طبعا الاصحاب بجيبوهم ليك عشان يكسروا ليك عينك وما تقدرى تقولى لا ...
السنى بالله انت لسع بيكوركوا ليك؟؟
والله سردبتك ظاهرة من الصورة ..
طيب نرجع لسردبة اميمة الفرجونى ..
فى جاحة اسمها "هرمونات" ..دى ماليها علاقة بموضوع البوست ده، نحن بنتكلم عن حالة تحور جسمانى ..خارجية ..ترى بالعين المجردة وملموسة.. ..ههههههه
نحولك بوست بهنس ..اسمو حال البريد مشغول؟؟
الغريبة لسه ما شاركت فيه ..لكن كل ما الله يدى العافية بخشو..
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
| Quote: فى جاحة اسمها "هرمونات" ..دى ماليها علاقة بموضوع البوست ده، |
لكن شكلك نقشتيها
ههههههههه.
| Quote: نحن بنتكلم عن حالة تحور جسمانى ..خارجية ..ترى بالعين المجردة وملموسة.. |
ياتماضر
شنو كشف الحال دا
في ليهو لزوم ياخ؟؟!!!
عموما
مع أمنياتي بالشفاء العاجل لسردوب محمد
واصحابو المسردبيين بالصحيان.
أها
من دربي دا ماشه لى محمد بهنس
بقول ليهو حولتني ليك تماضر...شيلي شيلتك..
يلا اشوفك بهناك.
| |
|
|
|
|
|
|
|
|
|
Re: لكل مهنة ....سردوب (Re: Tumadir)
|
كنا أطفالا‘..و كان طاعنا‘ في السن .. جارنا ..عاملا‘ بالسكة الحديد.. فقد ابهامه نتيجةعمله ..لا تعويض !! ولا مطالبة بتعويض !!!
..سردبة حزينة ..
| |
|
|
|
|
|
|
|
|
|
Re: لكل مهنة ....سردوب (Re: tmbis)
|
انا في الحقيقه متابعكم لكن مش عارف سردوبي راح فين يعني?
..
..
تماضرنا
..
البوست حادي لحد ما تدخلي.
..
بت الفرجوني
..
انا ماش عليك بي دربي ده.
..
تحيه قلبيه
| |
|
|
|
|
|
|
| |
Tumadir
tmbis
Asma Abdel Halim
abubakr
Ahmed El Gasim
Adil Osman
صديق الموج
Mutwali Malik
Dr. Moiz Bakhiet
عبدالكريم الامين احمد
يازولyazoalيازول
Emad Abdulla
Hassan M Saeed
نجوان
بدرالدين شنا
عشة بت فاطنة
سفيان بشير نابرى
mamkouna
Marouf Sanad
Muna Khugali
خدر
عثمان سيد أحمد
سامي عبد الوهاب إدريس
Omayma Alfargony
غادة عبدالعزيز خالد
محمد سنى دفع الله
فيس بوك
تويتر
انستقرام
يوتيوب
بنتيريست