|
دعواتكم لزميلنا المفكر د.الباقر العفيف بالشفاء العاجل
|
|
 Re: لاتصدقوا هذا الخبر: السفر عبر الزمن (Re: بدرالدين شنا)
|
اها يا بدر الدين شناة انت بالذات حاستعمل معاك "ستانسلافسكى" وبالذات باب "لو السحرية"
خليك راجع...ثلاثة سنين .."لاحظ الجضوم بتهضلم" سبعة سنين ..الجضوم..ماشة كاشة...عشرة...الجضوم والكدارين..والعراقيب..بدوا يسيطرو على المشهد..خمسطاشر سنة ..الجضوم نفسو..تسسسسسسس....عشرين سنة...بدرالدين شناة "مرة"...
اااخ يا بدر الدين...حليل الزمن الفات ...انا بعد ابوى ده مشى بقيت احس ..ب "التماهى" ولا "الاندياح" مابعرفو...بس بحس بى حالة من انعدام الوزن مبالغ فيها كنت قايلة امى هى اخر حزن..."غور" فى الجوف...
اضحك براك انا ماشة..
| |
 
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Tumadir)
|
تماضر
اظن ان الرجل متأثر جدا بالرواية الشهيرة
"آلة الزمن" للكاتب الانجليزي المعروف
هـ .ج. ويلز..وهي من روايات الخيال العلمي
الفها سنة 1895 ..وهي عن مخترع تمكن من
اختراع آلة تستطيع ان تسافر بك الي الزمن
الماضي او الآتي حسب رغبتك وتعود..في الماضي
لمعرفة اخبار القرون البائدة وفي المستقيل
لمعرفة ما ينتظرنا من احداث...اها لو ليقيتي
الآلة دي حتسافري لوين للماضي ام للمستقبل
وعشان تعرفي شنو
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: omar ali)
|
"خيال علمى " وين مع انسان امريكا الما عندو حد ده...بيأكدوا انه الخيال العلمى ده تغطية للتعبير..من صدمة الانسان محدود الذكاء..البسيط...وانها حقيقة علمية..."بختهم" نحن احلامنا وخيالنا ما بتحققوا الا فى الشعر..
سالتنى؟
برجع خمسطاشر سنة..واشوف امى تانى محننة ولابسة توب سمح..وابوى كاجمل ما يكون...وضحكة عامرة بالمحبة ..فى نص بيت السابعة...
وعشة مبارك جات تزورنا
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Tumadir)
|
سلام يا تماضر
كل يوم و انا سايق العربيه بسمع برنامج اذاعى اسمه Coast to Coast Am و هو يذاع على كل المحطات فى امريكا و كندا,و هو برنامج متخصص فى الظواهر الغير طبيعيه,, قد ذكرت ماكينة الذمن عده مرات و تم وصفها
و بالمناسبه ..هل سمعت بلعنه البامبينو التى تطارد فريق ال Red sox لاكثر من 86 عاما...كثير من سكان نيوانغلاند يومنون بهذه اللعنه خاصة و ان فريقهم لم يتحصل على الكاس منذ 1918 ,,هذه السنه يقال ان بعضهم ذهب لفكى كارب لفك الكتابه ,,و فعلا استطاع الفريق و بطريقه اشبه للخيال من التغلب على اليانكييز فى ملحمه كرويه لم و لن اشهد مثلها ابدا.ولكن عليهم التغلب على الكاردينال لاذاله اللعنه الى الابد...قلوبنا مع الكاردينال.
تحياتى و رمضان كريم
النصرى امين
مشجع يانكى
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Elnasri Amin)
|
تَماضــــــــــر
انا ايضا لم اصدق اننى سوف استمع .... الى صوتك ...فى مذياع فى طريق عودتى ....للمنزل ....فجاة ...انتبهت ...على كلمة عرائس النيل ....وجواب للبلد ..ومرثية للوالد ...
من تماضر شيخ الدين ....امريكا
الخرطوم الساعة 4 وربع مساء ...راديو ام در
.....
أقر واعترف ..اننى تزكرت هذا البوست ...ومداخلتى فيهو البارحة ...
وابتسمت ...
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Elnasri Amin)
|
النصرى امين
ايوة انا برضو مرات كتيرة بسمع البرنامج ده ..شفتهم ما بخافو من ارتياد الخطر كيف؟؟ لكن مرات كتيرة مشعوذين ..بس المهم الجرأة فى تناول الاشياء المسكوت عنها يا عملات البورداب قبل شهرين..
مع انى ما بحب الكورة ام كتافين دى لكن شايفة الهلولة..
السؤال الفكى ده ما بفك "عمل" السودان ..
انادى مستعدة البس "كوتى" وامشى ليه
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Tumadir)
|
الملك تانى: بالله سمعت اللقاء
كتر خيرها نهى كرار..اتصلت بى من اذاعة ام درمان تعزينى ...وطلبت منى كلمتين..
للوطن!
اهو ده العرفت اقولو فى تلك العجالة..كدى ورينى كان كيف..الصوت واضح؟ الفكرة واضحة؟؟ وطبعا بكيت بدون ما اشعر لما اتكلمت عن ابوى
ياحليلو الظريف..الحنين اللذيذ العالم الفاهم الجميل الوناس القيافة..
انا حامشى السودان قريب
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Tumadir)
|
انا سمعتو ....
لكن ما براى ....قمت على حيلى ورافع الموبايل ....
فوووووووووووووق ....اتصلت على هشام ...قلت ليهو ....سمعتا الصوت ده وين ....
غايتو الحافلة الراكبها كلها عرفت انى ود عمك 
............| Quote: انا حامشى السودان قريب |
حتجى ......؟؟؟؟
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: Tumadir)
|
العفيفة تماضر
سلامي وإحترامي
| Quote: اضحك براك انا ماشة.. |
أضحك كيف وإنتي حاسة ليك بي شئ لا عارفاهو "تماهي" ولا عارفاهو "إندياح"
تماضر والله أنا متألم زيك وحاسي بي الإنتي فيهو تماماً بس أوصيك بالدعاء لهما ولجميع المسلمين
قبل يومين تحازنَّا أنا وعشة مبارك بالتلفون وحدثتني كثيراً عن والدك وعن خصوصية علاقته بك
له الرحمة والمغفرة ولوالدينا جميعاً
| |
|
|
|
|
|
|
|
|
|
Re: لاتصدقوا هذا الخبر: السفر عبر الزمن (Re: بدرالدين شنا)
|
تماضر
الهنود عندهم عقيدة بتقول اى انسان بكون عاش قبل كدا لو كويس رحو بتجى فى انسان كويس ولو رحوه خبيثة حتجى فى كلب وخنزير...
احد مشايختهم بقول لو دخلت فى غرفة مظلمة واستلقيت على سرير وحاولت ترجع بالزمن للوراء..حتصل لاخر مراحل الادراك عندك...وبعد محاولة ومحاولة تلقى نفسك انحدرت الى عالم اخر عشته فيه..لك بنات اولاد واملاك....هم يؤمنون بهذه المقولة ..ويعملون لهاالف حساب فى معاملاتهم الخاصة من امانة وصدق واخلاص..ودا كله مش خوفا من عذاب او عقاب فى الاخرة ولكن خوفا من ارواحهم ما تجى كلاب او خنازير....
اسى حسن مكى سافر عبر الزمن 50 سنة وقال سوف يجى جيل ينعدم فيه العنصر العربى لان ارض الجنوب البتروليه سوف تهاجر ليها بنات الشمال ويتزوجن جنوبين ...اها يادنق شفت الكوز حسن مكى دا عنده رؤية مسابقة الزمن كيف
شكرا تماضر
وانا ماشى
| |
|
|
|
|
|
|
| |
Tumadir
Adil Isaac
علوبه
Kostawi
طلال عفيفي
محمد اشرف
mohammed alfadla
بدرالدين شنا
عشة بت فاطنة
omar ali
abuguta
فيس بوك
تويتر
انستقرام
يوتيوب
بنتيريست