دعواتكم لزميلنا المفكر د.الباقر العفيف بالشفاء العاجل
|
|
 علوية بت رشـأ بت علوية
|
اهدتنا الشقيقة رشأ وعوضا عن فقيدتنا الام... فى عيد الام
علـــــــــــــــــــــــوية..
حلوه وبصحة جيده.. ودفقت امامها .نهرا من الدمع والشجون ...والمحبة
يا هلا ... يا علوية...
مين زيك؟؟
|
|
 
|
|
|
|
|
|
|
 Re: علوية بت رشـأ بت علوية (Re: Tumadir)
|
Quote: 19-03-2004, 08:16 PM
Rawia
.
تاريخ التسجيل: 23-11-2002
مجموع المشاركات: 1498
Re: مـــــــ21ــــــــارس كــل يــوم وأمــهــاتــنـا بـخــيــر (Re: Raja)
كل سنه وكل الامهات بخير
والف رحمه على الفقدناهم من امهاتنا
علويه الشيخ ,فاطمه عبد العزيز, وفديه قوته, وزينب على
زينب ابراهيم, فاطمه, علويه همرور, امنه همرور, امى امنه لطفى ,نوره عبدالله ادريس ,زينب كباشى, حياه سنهوري ,ســــــــــــــــــلمى( أم سلمه)
مبروك ياتماضر
علويه انشاء الله اسمها شايل
وانشاء الله رشا تكون بخير
عاوزين التفاصيل وزنها كم وطولها ولون العيون........... والصور
--------------------------------------------------------------------------------
مشاكلى بسيطه.... بالريده بتحل
(عدل بواسطة Rawia on 19-03-2004, 08:52 PM)
|
يوم البورد مقفول لقيت انك ما ممكن تكتب مشاركه لكن ممكن تضيف فى مشاركه اساسا موجوده قمت عملت التهنئه دى فى بوست رجا اختى شفتى كيف
تماضر وهالقوته النبى مافى واحده فيكم عندها كركار
والله مستعده اجى اشيله من عندكم
| |
|
|
|
|
|
|
|
|
|
Re: علوية بت رشـأ بت علوية (Re: Elwaid Osman)
|
حنينة الحنينة
راويه الكراوية
دومه الخاتية الحومه
سوميته البخيته
سمبتيكو العوعاى ديكو
وليد يوسف "الابيوسف" abusive
هاهاها... اهلا اهلا
ندى "طويلة المدى" ...ما تخافى نحن حاولنا نثنيها بعد فى ناس كتار افتكروها تخلف وانه نسميها اسم "قديم" وهى جديده عشان اسم امنا البنحبها... رشا قالت: هى لاقيه؟؟
المهم لو كبرت وزعلت بنتحايل عليه باللولوه... لوله ..لولو..وكده...
الجميع المهنئين ... الله يوريكم حلاة بت الاخت... والاهم يوريكم حلاة جنا الحشا...وعقبال كل العزابيات الهنا ...والعزابة ..
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
ياتماضر ...جيد لينا كلنا...وتشبه ابوعبيده لاعند العيون
والصورة متين رسلوها ليك ..طوالى نزلتيها.
الف مبروك ..على كده نقول السودان زاد مبدعه.
ربنا ياستى يحفظها ويقر بها اعين والديها.
| |
|
|
|
|
|
|
|
|
|
Re: علوية بت رشـأ بت علوية (Re: mohamed elshiekh)
|
ملايين التبريكات يا تماضر...خالتها..ورشا امّها
بقدوم اللولية الصغيرة...ان شاء الله ربنا يجعلها فأل خير
وسعد...علي كل اهلها...ونسمعها تشيل مع امّها عذاري الحي..
وحمدا لله سلامة رشا....غلبني اكتب حمدلّه...البنعرفها
وان شاء الله تتربي في عز والديها...وان تقر بها اعينكم
ويدينا شوية قرّة معاكم.....بضم القاف
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
مبروك قدوم علوية ، وإن شاء الله شايلة الأسم ، وربنا يخليها ليكم ويديها الصحة والعافية ، ونشوفها عضوا في قبيلة المبدعين ،،
ولو كنت في السودان كان لزمني خروف ، إن شاء الله كلو يتعوض يا تماضر ، وسلمي لي على رشا ، قولي ليها ودقاسم ود خالتك آمنة بيسلم عليك وبيقول ليك حمدا لله على السلامة ، والما شاف علوية الأصل يشوف علوية الفرع ..
| |
|
|
|
|
|
|
|
|
|
Re: علوية بت رشـأ بت علوية (Re: ودقاسم)
|
العزيزة تماضر سلامات
مبروك للفنانة رشا و الاخ سليمان المولودة علوية وانشاءالله تتربي في عزهم
ومبروك للخالة تماضر و كل الاسرة ونتمني لهم دوام الافراح و العطاء.
وحقو يا تماضر بالمناسة السعيدة دي تقنعي سليمان ورشا بالاشتراك في المنبر
ثروت
| |
|
|
|
|
|
|
|
|
|
Re: علوية بت رشـأ بت علوية (Re: nada ali)
|
مبروكة عليكم علوية بت رشوية وربنا اجعلها من مبدعات ومناضلات المجتمع وانشاالله اسم على مسمى ، ومبروك عليك جنا الحشا وكميل العشى يا رشاوركة الحقتي عشة.
| |
|
|
|
|
|
|
|
|
|
Re: علوية بت رشـأ بت علوية (Re: nada ali)
|
ود قاسم ود خالتى امنه..لك المعزه..والشكر طبعا انت ما عارف انه النفاس يقام باسبانيا ..ومافى السودان
ثروت سوار الدهب ..كل الشكر واعلم انه رشا لا تحب الكمبيوتر "خالص" وسليمان ابو جديد وفرحان بى بتو..كدى خليهم يتعودوا على الابوبه والامومه الطلع جديد دى بعدين نشاورهم فى حكاية البورد..
هاله الاحمدى ..لك كل الوداد والمحبة ..وقبل دقيقه كنت بتكلم معاهم..وبلغتهم تهانيكم ومشاركتكم ليهم بالفرحة
ووالله يهدونهكم اجمل الثناء ويبادلونكم المحبة.." والبت تبكى سااااااى"
ندى على شكرا على "افحام" العوازل بروعة الاسم ..وده لانك انتى الجميلة ..لك الندى...
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
تماضر
مبروك عليكم علوية وإن شاء الله تربى فى فنكم
وعلوية لمن تبقى عروس واُم... تقوم تسمى بتها رشا....وتبقى كدا..(رشا بت علوية بت رشا بت علوية) (عثمان حمد عثمان حمد)..يعنى ما ح اكون براى(اوضتين وبرندتين معكوسات).
بس سؤال برئ ذى حق رجاء...هى إسمها راشا وللا رشأ(بالهمزة على الالف)...ولو كان إسمها رشأ(بالهمزة على الالف )معناها شنو...وللا دى هفوة العظماء...وللا نحنا الغلطانين.
اكرر دا سؤال برئ ذى حق رجاء...لانو البورد اليومين دى فيهو حساسية شديدة...والواحد بقى خايف من إى فهم خطأ.
ولكِ شكرى وحبى....ملحوظة:- حب فى الله والرسول بس
لانو عشان الواحد يكتب اليومين فى البورد لازم يكون شايل فى يدو علامة (القوسين) وكلمات...اعنى واوضح وهذا ليس قصدى وملحوظة وتنبية وهلم جرا وانا فى الحتة دى بهزر وهنا انا جادى..عشان الناس ماتفهمو غلط
| |
|
|
|
|
|
|
|
|
|
Re: علوية بت رشـأ بت علوية (Re: Osman Hamad)
|
سجيمان..
رجاء.. فى عز الجميع وشكرا ليكم لتكبدكم مشاق الحضور الى هنا..
عثمان حمد عثمان حمد..والله فعلا انت حتعادينا بالبرندين والاوضتين ديل مع اننا نحن لسه فى مرحلة
as soon as
ودى ذكرتنى زول اسمو ازهرى..فى المعهد كنت مسمياهو
as hurry as possible.
المهم جيتنى فى حكاية الحمزه على الالف.. مع انى قلت لى حمزه ده خليك على السطر الا هو جنو يتشعلق على "القطر" لكن ما مشكلة ..
الحمزه على الف فى اسم رشأ صحيحه ميه الميه..واسأل فطاحلة اللغه لو شاكى فى انى فطحلة .... وانا راجياك هنا يافطح الله...
هههههه...الريده متبادله ولله فى الله...ومافى داعى تطقطق اصابعينك وتعتذر عنها دى ريدة يا"حمار" وما كراهية..خليكم اعتياديين...ههههه
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
تماضر أنا عايز ابارك لكن عايزك لمن تجي للردود تغرفي لي في صحن براي أنا ما بعرف آكل مع الناس
علوية مبرووووووووووكة وإن شاء الله تربى في عزكم وتطلع زي حبوبتها علوية بت همرور
وحمداً لله على سلامة أمها رشا
يعني رشا تاني إلاَّ توصف بي يد واحدة في الغناوبي صوت خفيض عشان علوية ما تصحى
وتحياتي لجميع أهل هذه الأسرة المعتقة بالجمال والدين والفن
| |
|
|
|
|
|
|
|
|
|
Re: علوية بت رشـأ بت علوية (Re: بدرالدين شنا)
|
تلو مهند حبابك عشرة والف شكر
الهام وياسر الشريف
عقبالكم
ولكم مودتى
تماضر حبيب الله ..تطعم حياتك
ابوجهينة..الله يقدرك على انهار الشجن المدفوقة ليك فى دربك .. والقبلة وصلت
الجندرية.. فى عز الجميع.. وكتر خيرك
عالية يبلغ..وكتر الف خيرك
بدر الدين ..
بمناسبة الغرفة دى الحلل فضن
فضن فضن.. فضن لعينى طفلة غازلت عيونها حديقة فى الخيال..
بس فى صلطط اسود..وكل عامن وانتن بخير..وطعمية غاتسة فى صلطط روب وباصطة..وجزاك الله عنا كل خير..وحاجات زى دى..دايرها ولا تتعشى برة؟؟؟؟
هههه...البت بتغنى..وبتشيل وبتصفق..رشا ما عندها مشكلة..
| |
|
|
|
|
|
|
|
|
 Re: علوية بت رشـأ بت علوية (Re: Tumadir)
|
الحنينة تماضر
انا فرحان قدر فرحى وكت اعرس واجيب لى بت امورة كدة
مبروك للحبيبة رشا وربنا يجعلها من الصالحات وتقول
ليك يا خالتو ماما قالت عايزاك تجينا هسع عشان
تسرحى شعرى
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
تماضر
ماجيت متاخر لكن صاحباتك زاحمات الحتة نفسى قام حتى لقيت طريقة أوصلك
الف مبروك ماما علوية..... البلح خرب لى سنونى خلينى منو
جنى الأخو طاعم يا تماضر ،وزكرتينى بنت أخوى ولدوها بعدى وعمرة 6 سنوات وما شافت عمها
أها تانى مبروك يا خالة يا حنونة .. النخلى الجماعة ديل يدخلوا
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
بسم الله و باسم الوالدين ( الوالدين هنا مقصود بيها سليمان و رشاء)
وباسم الاسر الكتيره العندها ضلع في علويه الصغيرة،
باسم مريم و هاله وشخصي والجميع
اتقدم لكم فردا فردا بالتهاني و الشكر ، التهاني بقدوم بنتنا علويه و الشكر على التعليقات الجميله دي، وشكر خاص مني لتماضر ام قلبا حاضر (كما كانت تناديها امنا علويه همرور عليها الرحمة) على نقل هذا الخبر لكم هنا عبر هذا المكان البرح،
مبروك يا رشاء و سليمان
واود ان انتهز الفرصه هذه لتحية وتهنئة الاخ انور عبدالرحمن (ابو غيداء) ورامى بقدوم المولود الجديد يحي، يتربى في عزكم انشاء الله،
خال علويه و ابو مريم
صادق ابدا....
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
الف مبروك لأختي العزيزة رشا ، ولعزيزنا سليمان ....
وألف مبروك لك يا تماضر ، ولأهلي في آل شيخ الدين ، ولكل بنات وأولاد علوية الأم بعلوية الصغيرة...
| |
|
|
|
|
|
|
|
|
|
Re: علوية بت رشـأ بت علوية (Re: Tumadir)
|
ألف مبروك يا تماضر قدوم الأبنة علوية ربنا يحفظها و مبروك للأخت رشا و الأخ سليمان .. و مبروك للأخ الصادق و شكراً للإطلالة يا الصادق و ينك يا راجل.
الصاوي
| |
|
|
|
|
|
|
|
|
|
Re: علوية بت رشـأ بت علوية (Re: elsawi)
|
اووووه، الصاوي،
وانا سعيد جدا باطلالة المفرحة ومن مده طويله جدا وانا في انتظارها،
شكرا يا استاذ ومبروك لنا كلنا فالبنت بنتكم جميعا زي كل اطفال البلد المولوده في غربتنا التي نرجوا ونسال الله ان تقصر.. قول آمين...
| |
|
|
|
|
|
|
|
|
 Re: علوية بت رشـأ بت علوية (Re: Abu Mariam)
|
تمااااااااضر الحنينه .. يا خالة البنيه ..مبروووووكه عليكم علويه الهمروراويه .. بت الراكوبه والقطيه والقيم المى منسيه وديمه مرويه بالحنان المتل حنان ناس علويه .. عليها رحمة الله الواسعه.. ( مش تقولى لى مولوده فى اسبانيا ).. طالما سميتوها على ست الاسم سلالة الجود والكرم .. تبقى ريحتها مارقه من جوف الشرق .. اهل المطر اهل البرق ..
الف حمد الله على سلامة امها .. والف مبروكه عليكم وتتربى فى عزكم وعز والديها..
لكن يا تماضر ما قلتى لى .. كيمان السمايه قسمتوهن كيف فى مدريد وشوارعها الملولوه دى ؟ ويا الوافر جيب لى معاك كومى .. بى مرارته على شرط ..
وتهنئه من الاعماق لكم جميعا..امها وابوها ..وخيلانها الحنان ..تماضر .. صادق العجوز لووول ..والعزيز المبدع الوافر ..وكل افراد الاسره الكريمه ..
| |
|
|
|
|
|
|
| |
Tumadir
haneena
Rawia
Soumeta
doma
ASAAD IBRAHIM
صديق الموج
mohamed elshiekh
nazar hussien
ودقاسم
ثروت سوار الدهب
nada ali
عشة بت فاطنة
سجيمان
Raja
Osman Hamad
Yasir Elsharif
ابو جهينة
الجندرية
بدرالدين شنا
alfatih
omer almahi
Abu Mariam
فرح
اسامة الخاتم
farda
elsawi
kamalabas
فيس بوك
تويتر
انستقرام
يوتيوب
بنتيريست