دعواتكم لزميلنا المفكر د.الباقر العفيف بالشفاء العاجل
|
|
 شوفوا البت نجلاء دى... كتابه كيف..ياناس
|
تاقيت الباب
تاقيت الباب و استنيتك
صيفين و شتاء و رشة مطرة.
ما حسك كان صاحى و بي خير
..الوانك واضحة ومختصرة
وكتين ما جيت ....
ضايرت الخوف ,
حزّمت التوب ,
وصيت الغيمة تلاوح البيت وما تسد الباب .....
جايين راجعين .
متيمنة بيك وشاردة معاك ؛
ح افتش ليك:
براة الضل
جواة الدم,
ما بين النار وصراخ جمرة ......... ح اجيك ..ح اجيك .
وبراى هل كنت براى قايل ؟
رحيتك جواى
والفكرة الخاصة
المجنونة ,
ونستنا ف آخر الليل ,
والليل .
ومشيت .....
عديت كم ساحة .............. ح القاك .
سجمانة ورازة ونطاحة ,
متعكننة بشـتـنـت الساعات
ودقايق الروح المتراوحات
والزمن المابى يكون منحاز
ويلمنى بيك ....
رحيتو دقيق
نسوان السوق عاسنو فطير ميتان حيلو
ما زمنك لا بقبل غيرو ....ولا غيرك غير .
سكران بالهم ؟
ما وعّـيـتـك .
مطعون جرحك مسربل دم ؟
ما داويتك .
غبـيـت ...احترت ومرق الصبر الشايل حيلك مال بالحيل ....
ضللت عليك بى قولة الحق ,
ما عارف انى معاك بسواك
لكين وحدك ..........متغابى وطيب وغايظنى .
عدن كم حول ؟
مستنى اقول ....؟
ياخى بحبك ....
واتآمر ضدك انا والشوق ,
تسريحة بت الجيران ,
وغنا الصبيان ساعة المطرة ,
وريتم اسمك فى الشجرة ,
بى خط فرحان
منقوش اسمك
قوسين ..... وفلان .
حتكسر الليل ولا افوتك
للشوق والبيت ,
تاقيت الباب
استنيتك ,
صيفين وشتا
واول مطرة....
ذاعت اخبارك فى دمى... وانحسرت تواً لفحة حر ,
كبرت فجاة ضلالة البيت ...
يا هل طليت ؟
نجلاء عثمان التوم
الخرطوم 1997
شكرا نجلاء على المرسال السريع...
|
|
 
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Tumadir)
|
تماضر نجلاء عثمان
علم علي رأسه نار
كانت قصائدها ضمن تلك القصائد التي اكلت وشربت معنا ( حينما كان هنالك اكل ) ونامت علي الارض وشاركتنا احلامنا وافكارنا ...
كتابة كلمة لا تعطيها حقها
مرحبا نجلاء واظن انو دعوات نصار اثمرت
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Elmosley)
|
نجلاء
القمر الذى يضى ويدلنا على الرايحه رغم الدرب الذى دخل المويه
قصاصت اتر الفرح
لها منى التحيه الحميمه والشوق لرؤياها
كنا نلتقى وفى مره قالت هذا النص وهو معى منذ زمن بعيييييد
لحنت منه جزء وغناه كورال الاحفاد
لك التحيه يا شفيفه
ادعوا الله بان يحفظك
وشكرا تماضر
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: HAMZA SULIMAN)
|
استاذ حمزة ؟ ياخى سلامات وكل سنة وانت والعائلة طيبين . ياقيت الباب ما جديدة عليك ولازال احساسك بها طازج . انت فنان وهذه اسرار , لو سمحت ممكن تسمع ناس تماضر والبقية الحبيبة لحنك لجزء من القصيدة ؟ يا ريت واتمنى انو ما تكون منزعج من انو القصيدة بغنيها اكتر من فنان . عنى قلت لهم مرارا القصيدة مرقت منى لمن كتبتها وكل واحد حاسى انو الصيدة تورت عليهو مزاج لحنى ما فليكن , هل اتوق الى الحرية واحجر على قصيدة يشتهيها لحن ؟ لصالح من سيكون ذلك ؟
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Elmosley)
|
الاستاذ الموصلى : انت لو عارف قدر شنو بحب مزيكتك ما كان اوغلت كده فى الانطراب لتاقيت الباب . اول مرة افرح لانى كتبت حاجة . اول مرة القى بنفسى الى سعادات حضور الشعر واتجاهل نداءاته الجارحة . الله يخلييييييك .تانى مرة يا استاذ لانو رسلت ليك السؤال ده فى الميل : اين استقر السهم الطائش ؟
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: osama elkhawad)
|
العزيز اسامة الخواض :سلامات .انتظر محادثتك على الماسنجر لنتبادل الرؤى والافكار .اتفهم طلبك معرفة المزيد عن شخصى وهذا قصور تسببت فيه باهمالى لادراج معلومات كافية فى البروفايل . اعدك انى ساقوم بمعالجة الامر حالاً . لكنى اتصور ان ما ترغب فى معرفته ليس خاضعا لترتيب السيرة الذاتية وحشدها فى اسطر محدودة على الاقل بالنسبة لى اذ ان انجازاتى الملموسة ( من النوع الذى يدرج فى السيرة الذاتية ) جدا ضئيل فحتى الان لم انشر اية مجموعة وهذا حديث اخر لا وقت له الان . المشكلة فى هذا البورد انه لا وقت فيه لاى شىء وكلما وجدت فى نفسى ميل للاسترسال يقمعنى الوقت وضيق اظنه عائد لطبيعة المنبر و مع ذلك لا مدى لفرحى بلقائكم فيه وبنشر بعض اعمالى ايضا .شكرا
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Tumadir)
|
شفتي يا طمطم
بهرتني البت دي لمن نشر ليها سمبتيكو في البورد قبل اكتر من سنة
هي وهالة عبد الله خليل
هسي قدر ما القى اسمها في حتة
عيني تجري عليها
بالمناسبة قدرت ما فتشت لبوست سمبتيكو قلت اختو هنا ما لقيت ليه اثر
ديل بنات مدهشات
ميرفت
اشراقة
نجلاء
ليلي بت الدامر
ايمان احمد
وغيرهن
جيل يا تماضر جيل
طلع ونحن في كهوفنا ما جايبين خبر
بس البركة في البورد وبكري ابو بكر
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: مريم الطيب)
|
العزيزات مريم الطيب ورجاء والجندرية : انا ابتديت اخجل , يا شباب والله انتو الجميلين ويا جندرية كويس انك فتحتى الموضوع بتاع الكتابة والجندر انا رايى نهتم بمبادرة الاخ اسامة الخواض فى طرحه الجاد والذى يتطلب تناول مختلف ومتعمق للامر . عنوانى البريدى فى البروفايل لو حابين نتراسل .شكرا
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: الجندرية)
|
رجاء وشتات : ارى ان الكتابة اخذتنا من تلابيبنا والقت بنا الى هذه الورطة : ان تكون محاطا بالحب دون ان تعرف ما الذى عليك فعله حيال ذلك . انا فقيرة الى هذه المعرفة ومرتبكة كون نصوصى تملك الجراة لاختراق مناطق داخلكم ليس بوسعى ابدا وانا خارج الشعر المجازفة بالاقتراب منها . شكرا
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Tumadir)
|
جازفى
الناس دى كلها عايشه مجازفه (كما يقال فى الرندوق)
تعرفى يا تماضر انو انا ونجلاء اهل وجدآ كمان
عشان ما تقولو براكم اسرة فنانين 
و تماضر بتجازف بالمسرح...ومعها الاخريات/الاخرين بمحاولات جعل الارض مكان اكثر جمالآ...لذا لا يحبهم/ن من خلا قلوبهم من الجمال...الموصلى يجازف بالموسيقي وبكرى ابوبكر بفتح منبر كهذا..وتمبس بالاغنيات اللطيفه وابوامنه باسبوع الشعر ومعظمنا بالاحتفاء ببطولة الاستاذ محمود..او الجريفاوى بسربعات تحيي البسمه التعبى قليلا..او..او..
الحياه مشروع يستحق المجازفه لجعله افضل
يا نجلاء بت النعمه
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: esam gabralla)
|
عصام جبر الله
والله بركة فى الشوفة , تعازى ّ والعائلة فيمن لا عزاء فى الدنيا جدير بقسوة غيابه . شكرا لانك هنا واحساسى انو اهل الحوش كلهم اهلى اتعزز بيك جد . ما شفت فرح امى وبت التوم لمن قت ليهم عصام راسلنى فى الانترنت او " الخرابة ده " على حد قولهم . المهم انت كيف؟ الشباب ديل حابين يسمعوا صوتك فى التلفون , حاول شوف ليك قروش تلفون من اى حتة وسلم . الرقم عندك فى الماسنجر حق البورد . شكرا لتماضر لانها اتسببت فى هذا اللقاء المودرن . خليك دايما قريب .
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Tumadir)
|
الحزن ، يا تماضر ، لا نهاية لمشهديته في الدواخل
بس الحياة بتمشي ، صاح
وكل يوم بتمدّنا بعناصر الدهشة الجميلة
لو الدهشة دي بقت مافي ، الحياة بتقيف
انعدام الدهشة ، بس ، هو ما يعني لي أن الموت أقوى مننا
وطالما ليلى تركت لنا حصّتها مما يدهشنا
فهي حية ترزق بيننا
أما نجلاء ،، فهي واحدة من ( عناصر الدهشة الجميلة) ال قاعدة
تمدنا بيها الحياة .. وبالخصوص :الحياة السودانية ـ القالوا ماتت من زمان ـ
فعلا عاجبني شعر نجلاء . فعلاً بحبه
وتسلمي يا اقحوانة
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: nada ali)
|
اي والله يا تما ضر كتابة وصادقة وقريبةمن القلب ، وهكذا دائما الكلمة لمن تجي من انسانة تحمل صفة الانوثة ، كمان انتي يا تماضر ما هينة ، لانكدائمابتقيفي وتنحازي لبنات جنسك بدون حسد ولا ولا غيرة بل بكل الاعجاب والاحترام تناصري وتشجعي المبدعات ، .
قريت بوست قبل فترة فيه الكثير من التساؤل حول لماذا هي تماضر تاخذ اكثر من حيز في البورد ؟؟؟ ليتهم يعرفون ان سر هذا التفوق والالق والجازبية التى تميز تماضر هي قربها من الاخرين ودفن همها مع همهم ، اسفةلاقحام هذا الكلام لكنه يموج في صدري فكم واحد منا يستطيع ان يقدم غيره او غيرها وبكل هذا الفرح .
ويا نجلا انتي كتابة .
بت فاطنة
| |
|
|
|
|
|
|
|
|
|
شوفوا البت (Re: Tumadir)
|
نجلاء التوم
هل قراتى اكثر من مرة فى برنامج اصوات وانامل
غاتو لو دى انت كنت رايحة وفتشت عنك فى القرى النائية وبعيدة
وما عارف لقيتك ولا قربتا
| |
|
|
|
|
|
|
|
|
|
Re: شوفوا البت (Re: mohmmed said ahmed)
|
الاخ محمد : لم اكن ابداً من ضمن المشاركين فى اصوات وانامل ، اتامل الا يكون ذلك مدعاة لخيبة امل . عموا ها نحن نلتقى فى حوش بكرى الرحيب والله لا جاب الروحة تانى . شكرا على سؤالك عنى .
| |
|
|
|
|
|
|
|
|
|
Re: شوفوا البت نجلاء دى... كتابه كيف..ياناس (Re: Tumadir)
|
"ودقايق الروح المتراوحات"
it's an exquisite poem ya Najla, i have a very old poem for you that i printed out a few years back -can't remember from where- but today after reading Telal's article the name sounded familiar so i dig out the old one and what was so striking to me is how it's a different style, both poems are by all means strong this one being mellower and so sweet
one verse stuck with me until now although i don't have the poem's name
" فى كل مرة يبدأ العد من الجرح"
i can type it but it will take forever as i'm using the board's clicking method
wanted to add my voice to Telal's and the rest of the list.
Rabana yahfazik and please keep on going you are beautiful .
| |
|
|
|
|
|
|
| |
Tumadir
Abo Amna
Ibrahim Algrefwi
tmbis
Elmosley
HAMZA SULIMAN
osama elkhawad
Raja
الجندرية
مريم الطيب
nada ali
عشة بت فاطنة
mohmmed said ahmed
zumrawi
Nasr
فيس بوك
تويتر
انستقرام
يوتيوب
بنتيريست