دعواتكم لزميلنا المفكر د.الباقر العفيف بالشفاء العاجل
|
|
 سالى خطاب وحافظ خير ...عقد قران ...شددديد
|
وجاءتنا عصافير الفرح بزغاريد الفرح ..
"عقدوا"....
بالله عقدوا...
وسالت دموع ...وتطايرت الابتسامات ...والنكات الحلوة ...فى الاثير
مريم فى كليفورنيا تضرب لى تماضر فى ماستشوستس وتماضر من ماس تضرب لى عشة فى رود آيلند
وسالى العروس وعزة اخت العروس فى سانت باربرة ...وخطاب فى فرجينيا وسيرين زايرة من فرجينيا فى ماس
ومقداد فى فرجينيا وحافظ خير فى السودان وامه زايرة ناس فاطنة اخت مريم فى برى وخيلان العروس بسلامتهم ..وأعمامها اخوان خطاب حسن احمد من الثورة ..
ده ياسالى وحافظ عقد قران ولا مقرر الجغرافيا
محبتى لكم فاضت وزغاريدنا فضحتنا مع شركات التلفونات
والله فرحانين بيكم فرح شديد
وبنتمنى ليكم كل السعد وكل الهناء
سالى شاعرة رقية وجميلة ..حافظ خير سينمائى ومسرحى وشاعر ...
...المهم فايض بينا الجمال ..
تغلبونا بالخيال ..وحسن المقال..
تغلبوا العالم بأحلى الفعال ,..
وسماح العيال ..
...وخطاوى الفال ..
ألف مبروك
|
|
 
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: صديق الموج)
|
بهدي ليكم اجمل قصايد سالي خطاب بمناسبه العقد والف الف مبروك ياتماضر
غمام ,,
جاييني شارق للغُنا
داهش هديل كُل الحمامات
البتحرس للخواطر
جاييني سارق للمعاني من المداين
مديني ليها بدون غبار
بدون حواف تجرح سماها
بدون عيون تكمل الشوق في الحواس
تديني باقيا خوف و شوف
جايني مُنساب الفرح
مترقرق الضحكات ,, متاكا ألإزدهار
مارقني من جواك قُزح
عارفني .. جاياك يا غمام
ما أمطرك !
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: Tumadir)
|
حافظ على سالي لو سمحت
حافظ خير بريدو الليلة يوم جديدو
مبروووووووووووووووك يا صديقي خطاب
مبروووووووووووووووك يا صديقتي مريم
عقبال سيرين وعزة يا صديقتي تماضر
مبروووووووووووووووك يا الحبيب عبداللطيف
| Quote: يللا يا مريم بعد ده نمشى نشترى توب البنقالى .... |
كدا أنا ضحكت وأنبسطت وحضرت العرس
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: Tumadir)
|
الف مبروك لحافظ خير وسالى خطاب.
شعر ومسرح وسينما وترجمة وكتابة اجتمعوا فى مهرجان الفرح هذا.
بيت مال وعيال وابداع..
تهانينا لوالدة العروس مريم محمد الطيب المخرجة السينمائية والتلفزيونية المعروفة.
ولوالد العروس خطاب حسن احمد الممثل والمسرحى والاذاعى والشاعر المعروف.
ولوالد العروس عبد اللطيف على الفكى الكاتب والناقد واللغوى المعروف..
وتهانينا لاسرة حافظ خير..
والتهنئة لكم يا تماضر والاسرة وعقبال الباقين والباقيات الصالحات..
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: عصام عبد الحفيظ)
|
وأنا بس قاعده كده حارسه..كل مايقولوا فلانه ولا فلان هنا بته ولا ولده عرس أتكيييييف وارقص..
وعقبال كده ياطمطم حبيبتي نشوف سيرين عرست وبعدها جابت تيمان علشان يكون في اتنين بيقولوا
ليك حبوبه..جنس فرح هو!!
مبروك لسالي وحافظ..
ومبروك لمريم وخطاب..بيت سعيد ان شاء الله..
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: Tumadir)
|
.
.
في الليلة ديك !
أُمبارح يعني، حافظ كان عندو ندوة ، قراية شعر وعرض لجزء من تجربته مع السنما في قاعة محمد عبدالحي ، أنا مامشيت كنت مافاضي ، المغارب مشيت "أتنيه" محل الخميس والاصحاب لقيت الشعراء والمثقفين واصحابنا كُلهم مبسوطين من حافظ والفيلم وصادق الرضي وبابكر الوسيلة وبقولو الليلة خطوبة حافظ في بُري ، الليلة خطوبة حافظ في بُري، سالي بت خطاب حسن أحمد. مشيت لي عبدالله ابسفة ، عبدالله محمد الطيب ، ضربت ليه قال ماشي خطوبة سالي بت أُختنا في بُري ،إنتظرني ، لمن أتاخر ضربت ليه ، ضربت لي عبدالله أبسفة ، شنو ياراجل : قال لي الجماعة ديل عقدو؟ الف الف مبروك ياخال وعقبال الدنيا كُلها وكده المُحبين والعاشقين وعقبالي أنا ده براي. لكن انا متأكد إنو الموضوع ده متكتك من سالي وحافظ ، قال مشينا تعارف وعقدوا لينا ! بلاي ما تأسسوا لينا ثقافة عقدوا لينا دي لوسمحتو ! نحنه لسه شباب وتجارب وكده 
...
بعدين حافظ ده ذاتو شكلو فنان خلاص ، ولد ، وأوجه من محمد فاضلابي ذاتو؟
...
مبروك يامريم ، وتفرحي ببنات بناتها الفنانات ...
...
يعني تاني نحن نكتب لي سالي دي في المشاركات ،
مرحباً مدام سالي ، هذه الكتابة جميلة يامدام سالي وسلامي إلي مدام سالي ؟ ولاكيف؟
...
سُبحانك خالق الطير والماء والكاكاو:
والله ناس العرس ديل عندهم حلاة جكس ! أسه دي بت ولا رسم قلب !
...
تماضر ، وحياة دين أُمي مُشتاقين !
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: Tumadir)
|
البنت الحديقه فال الخير
أم العروس
ود حلتي وصديقي خطاب أبو العروس
والعروس My Patient
و أخت العروس
وسيرين بت خالة العروس
والأستاذ عبد اللطيف
والعريس حافظ
شلالات من الفرح لكم جميعا
بفرحكم نفرح
لهما السعادة والهناء
بيت مال وعبال
أخوكم د.متوكل
| |
|
|
|
|
|
|
|
|
|
Re: سالى خطاب وحافظ خير ...عقد قران ...شددديد (Re: Azhari Nurelhuda)
|
مبروك لسالي و حافظ و خطاب و مريم و تماضر و عبدالله ..
عقبال كل العيال بسلامتهم يا رب ..
و ربنا يفرحك دايما يا تماضر ..
لكن الفيك إنعرفت ..
أقعدي كبّري فينا كده ..
بت فلان عرسوها و بت منو عقدوا عليها !!
يعني إنتي و منى خوجلي متخصصين تجيبو للزول الشيخوخة المبكرة ..
و متلازمة داون ( داون داون يونس بيه ) 
تاني , مبروك ( إبنتنا ) سالي و ( إبننا ) حافظ , و أستاذنا خطاب و أختنا مريم ..
بيت مال و عيال .
| |
|
|
|
|
|
|
| |
Tumadir
الطيب بشير
طلال عفيفي
مريم الطيب
خالد العبيد
صديق الموج
Mohamed Ahmaed Olyesh
Khalid Kodi
ahmed khidir
Soumeta
osama elkhawad
بدرالدين شنا
معتصم مصطفي الجبلابي
Adil Osman
عبد الحميد البرنس
Inaam Saad
abdalla elshaikh
Abdulbagi Mohammed
عصام عبد الحفيظ
jini
Muna Khugali
امبدويات
Kamal Karrar
محمد سنى دفع الله
الملك
رشا سالم
محمد عادل
Ibrahim Algrefwi
Mutwakil Mahmoud
الفاتح يسن
سلمى الشيخ سلامة
Sidgi Kaballo
Raja
ناذر محمد الخليفة
Saifeldin Gibreel
إسماعيل التاج
Marouf Sanad
Osman Musa
الصادق اسماعيل
ترهاقا
Elbagir Osman
Elmosley
Imad Khalifa
Kostawi
HAYDER GASIM
Azhari Nurelhuda
Emad Abdulla
شهاب الفاتح عثمان
فيس بوك
تويتر
انستقرام
يوتيوب
بنتيريست