دعواتكم لزميلنا المفكر د.الباقر العفيف بالشفاء العاجل
|
|
 حالة كون المرء: أخت العريس
|
جانا عرس فجأة
تبارك شيخ الدين ..
عقد قرانه على الطبيبة الخريجة "حديثا" عائشة بت عبد الباسط . او قل عشة بت عمتى هدى بمنزلهم "الكائن" بالدويم ...
وكان جينا للنصيحة هو تبارك ده زاتو "كائن" ..
المهـــــــم ... جاتنا الأخبار عبر أسلاك التلفون
.اليوم أقصد "الآن" ....
وزغردنا قليلا ....عشان ( الالارم ما يصفر)  الالارم ده يعنى انزار مغزوز فى حيط الخواجات ..لما يكون فى دخان وبينذر عن الحريقة وذلك لمن لا ألارم له...
وفرحنا كثيرا .....
فتهنئة قلبية للشقيق تبارك على عقد قرانه الميمون "اخو ميمونة" ...ولعروسته الطبيبة الراقية عشة ...
وعقبال الفرح الكبير التى سيتم فى أوائل العام الجديد .....
محبتى يا تبارك الذى ......بيده الريشة ...وعشة التى بيدها القشة .....
|
|
 
|
|
|
|
|
|
|
|
Re: حالة كون المرء: أخت العريس (Re: Tumadir)
|
العزيزة تماضر بت شيخ الدين الفنانة أخت الفنانين وأم وربما قريباً حبوبة الفنانين الجايين..
مبروك للأخ تبارك
(تبارك) الله (تبارك) حا يعرس؟؟ عديلةً لبنها يتشتت.. عديلةً تقدمك و (تبراك) يا (تبارك)
(تبراك) بري شديد زي ما بريتنا زمنك البتقرا فوق كلية الفنون الحبيبة..
لكن والله يا تماضر الجنا عزال خلاس.. دكتورة حتة واحدة؟؟
أحكي ليك قصة بتاعة واحد صديقنا فنان تشكيلي قام عرس ليهو واحدة خريجة آداب...بعدين كان قاعد يرسم ويلون ومنهمك خالص لدرجة التوهج... قام الله يكرمك قال عايز يمشى الحمام..العروس قالت ليهو خلاص أمشي الحمام أنا بواصل ليك في الشخبتة دي..
أها دحين آآآ عشة لا تشخبتي لا تخلي تبارك المفلكب يدي ليهو زول إبرة...
مبروك خالص يا تماضر... أشوف فيك يوم وحالة كونك أم العريس والعروس واللول لالك..
| |
|
|
|
|
|
|
|
|
|
Re: حالة كون المرء: أخت العريس (Re: نصار)
|
سلامات
وعوافي
تماضور ..
الف مبروك لي "تبارك" ..
وبيت مال وعيال ..
اهم شي ريح نفسو من كشف العيادات البقا في السما دا ..
بعدين انتي وبقيت الاسرة ما تتلحو عشة دي يعني عشان "مرت اخونا وبت عمتنا" ..
خلو الشباب يكون مستقبلو وسيبو "التتلح" ..
تهانينا لعموم آل شيخ الدين ..
وتهاني خاصة جدا لاختي الحبيبة تماضور ..
وعقبال نفرح بي بقيت الشباب كلهم يارب ..
تسلمي يا اخت العريس ..
| |
|
|
|
|
|
|
|
|
|
Re: حالة كون المرء: أخت العريس (Re: Nasr)
|
تبارك اسم جامع القلوب
ما شاء الله
ألف ألف ألف مبارك
لتبارك و لعائشة
و ألف مبارك كون
المرء " و في رواية الزولة" أخت العريس
و إن شاء الله بيت مال و عيال و غلبة شديدة
( تغلبه بالعيال و يغلبها بالمال)
| |
|
|
|
|
|
|
|
|
|
Re: حالة كون المرء: أخت العريس (Re: wesamm)
|
المهنئين الافاضل
معليش انا كنت برمى فى الفطير بهناك "وشلوخى عرقانات وريحتى حطب حطب من العواسة" عشان كده مارجعت ليكم سريع
http://www.youtube.com/watch?v=RWqTSyB50XY
عبد الله الشيخ..كارلوس الله ما ضراك
معروف سند عقبالك
محمود مصطفى ..شكرا وقد قطعت مصارينى بالضحك
نصار العريس الزمان
ودرملية الممثل المنافس
سيف "الجامعة" ..العريس الزمان برضو
الخير محمد عوض "يسأل منك الخير"
موديك ..بالله انت رجعت البورد وماقلت عوك
صباح حسين ..خليها بينى وبينك تبارك ولدو عمرو 8 سنوات ..واسمه أمجاد يعنى تانى عرسة ..يباركو ليك السمح وعقبالك (؟)
محمد عباس ..العقبان عندك
ابو عسل جارنا العسل ..هى اصلها غلبتو اتنين صفر قبل مالعرس يخلص فخليك مطمئن .. شكرا ليك وعقبالك (؟)
محمد محمود ..روميد العريس ... ما بتقصر
دى معاها انفناسة وزغرودة طويلة ...بطول الصمت والزهج ...
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
حالة كونك اخت العريس...
وحالة كوني زميلة مهنة للعروس...
وحال كون الجميع اخوان وحبان هنا...
نبارك ونهني ونزغرد لعشوشة وتبارك...
وربنا يهدي سرهم ياختي..
ويجعله بيت مال وعيال...
وموضة الدكتورات البيعرسوا التشكيليين دي شنو كمان؟
صاحبتي برضه عرست واحد طايرة ليهو من ناس كلية الفنون ديل
وين الدكاترة؟
وين المهندسيين؟
وين الوزراء؟
وين اولياء الله الصالحين؟
عشوشة دي دايرة تلخبط دم الدكاترة الآري بدم عامة الشعب ولا شنو؟
| |
|
|
|
|
|
|
|
|
|
Re: حالة كون المرء: أخت العريس (Re: رشا سالم)
|
| Quote: عشوشة دي دايرة تلخبط دم الدكاترة الآري بدم عامة الشعب ولا شنو؟ |
حلوة يا رشا سالم ..دى
وحالة كونك صاحبة العروس او زميلة مهنتها وصاحبة أخت العريس ..دى براها نسابة جديدة ..والنسب قشة فى العين ..
لك المحبة وأعملى لى عملية مرقة قشة من عينى دى بالله وكت اصلك دكتورة وكده ..
انا عندى ليكم سؤال يالدكاترة: بتمشوا وين؟
الزول يتلطع عشرين ساعة ويقولو ليك: الدكتور ماجة؟
مالو ما جة؟
المهم حسة نحن فى حالة عرس وكده ..الجواب ده خليه لى قدام
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
تهانئنا للعروسين ودامت الافراح
اها ودا قدحي اكتبي يا بت
دومه بت اب جيبين
Quote: نا عندى ليكم سؤال يالدكاترة: بتمشوا وين؟
الزول يتلطع عشرين ساعة ويقولو ليك: الدكتور ماجة؟
مالو ما جة؟ |
وحات ربي ديل الا دكاتره السودان
هنا الدكتور يجئ قبال المريض تلقيني اركض ونفسي قايم لما ادخل
عوضه الكشف برضو القاه قدامي
| |
|
|
|
|
|
|
|
|
|
Re: حالة كون المرء: أخت العريس (Re: شهاب الفاتح عثمان)
|
العزيزة تماضر ..
مبروك .. ألف مبروك .
تهانينا للعروسين .
و عقبال حالة كون المرء ( أم عروسة ) و كده ..
.. و الظاهر أنا ح أسبقك على العكة دي ..
حالة كون المرء ( أبو عروسة ) ..
تهانينا لتبارك و عروسته ..
و ربنا يسعدهم .
| |
|
|
|
|
|
|
|
|
 Re: حالة كون المرء: أخت العريس (Re: محمد عادل)
|
السلام عليكم ورحمة الله وبركاته
الحبيبه تماضر, أخت العريس
الف مبروك للاخ الكريم تبارك شيخ الدين
وللاخت الكريمه عائشة بت عبد الباسط وربنا يتمم ليهم على خير
بارك الله لهماوبارك عليهما وجمع بينهما على خير
لكى وللعم الفاضل هشام الالاف التبريكات
وربنا يجعل ايامكم كلها افراح وسعاده وسرور
محبتى دوما
وفى امان الله
لا اله الا الله
| |
|
|
|
|
|
|
|
|
|
Re: حالة كون المرء: أخت العريس (Re: bint_alahfad)
|
أولا مبروك لأخيك يا أستاذتي وعقبال البكاري.
ثاني هام ما تزعلوا لو قلت ليكم رسبتم في الامتحان للمرة الثانية. في يوم واحد تداخل مع تماضر 39 ولكن في بوست أولاد جبال النوبة الماتوا كلكم ما شفتوه وذلك بعد 5 أيام. مش ياهو دا الكيل بمكيالين.
على الفارغين منكم تحويل الموضوع كأنه بيني وبين تماضر. أنا قاصد الفارغبن المتنطعين الذين لايعرفون الفرق بين همزة الوصل وهمزة القطع وماأكثرهم في هذا البورد.
عمكم كانتونا
كباشي الصافي
| |
|
|
|
|
|
|
|
|
|
Re: حالة كون المرء: أخت العريس (Re: cantona_1)
|
Quote: ولا مبروك لأخيك يا أستاذتي وعقبال البكاري.
ثاني هام ما تزعلوا لو قلت ليكم رسبتم في الامتحان للمرة الثانية. في يوم واحد تداخل مع تماضر 39 ولكن في بوست أولاد جبال النوبة الماتوا كلكم ما شفتوه وذلك بعد 5 أيام. مش ياهو دا الكيل بمكيالين.
على الفارغين منكم تحويل الموضوع كأنه بيني وبين تماضر. أنا قاصد الفارغبن المتنطعين الذين لايعرفون الفرق بين همزة الوصل وهمزة القطع وماأكثرهم في هذا البورد.
عمكم كانتونا
كباشي الصافي |
الاخ الكريم كباشى الصافى
ليك ألف حق تزعل على كيانات مهمشة زى جبال النوبة فقدت ارواح كثيرة واتنشر الموضوع هنا ..ده مافيه اتنين تلاتة
لكن ماليك أى حق تفسد على أخوى فرحتو أو فرحتى بأخوى ..والبورد ده فيه وشائج وعلاقات اجتماعية وصداقات لا يمكن تحدها لوائح ولا قوانين
أنا شخصيا ما شفت البوست البتتكلم عنه ولا أظنى لو شفتو كنت حأقوم بأى تحرك غير المؤاساة والوقوف مع اهل المأتم ..وأظن نحن هنا فى المنبر
كلنا لا نتوانى عن الوقوف ومساندة بعضنا البعض فى الافراح وفى الاحزان ويستوى فى ذلك كل الناس بكل مشاربهم والارشيف شاهد على هذه المواقف النبيلة.
فاذا كان هنالك بوست لم يجد من البعض الاهتمام ، فهذه ملاحظة جديرة باثارتها ومناقشتها، لكن أن تختار ضيوفى وضيوف زواج أخى فهذا كثير منك
أنا شخصيا أتقدم بالاعتذار لكل من تضرر من هذا التوبيخ، ولكم أسفى البالغ على هذه الاساءة الجماعية ، وأشكركم جزيل الشكر على تقدمكم بالتباريك والتحايا لتبارك وأسرته الجديدة المرتقبة.
ولا يفوتنى أن أعزى أبناء جبال النوبة فى المفقودين ..وسأبحث فى أرجاء المنبر عن هذا الحدث لأقدم واجب العزاء اللازم.، وأتقدم ببالغ اسفى لعدم متابعتى لهذا الخبر، فمشغولياتى لم تسمح لى بمتابعة المنبر فى الآونة الأخيرة، كما يحدث مرارا وتكرارا.
| |
|
|
|
|
|
|
|
|
|
Re: حالة كون المرء: أخت العريس (Re: انعام حيمورة)
|
Quote: عقد قرانه على الطبيبة الخريجة "حديثا" عائشة بت عبد الباسط . او قل عشة بت عمتى هدى بمنزلهم "الكائن" بالدويم ...
|
والله اتلقي فيه حلات سيرة....وحافلات السيرة فيهن سماحة بنوت...والبنوت لابسات
سماحة هدوم...واتلقي وصلوا فترانين فتر...والشفع...يكاردوا في الحافلة...
والحافلة ناسا يزغردوا وسواقا يلف في الهواء ...وبواريه في السماء
وتبارك الذي بيده العروس...فالف مبروك لتبارك ودكتور عشة ...ولك يا تماضر
يا اخت العريس...
دقي ليهم الدلوكة اونلاين...وزغردي ليهم اونلاين...
يا تماضر
| |
|
|
|
|
|
|
|
|
|
Re: حالة كون المرء: أخت العريس (Re: حبيب نورة)
|
أولا
مبروك كبييييييييرة "لإخـوانك" تبارك وميمونة..
ثانيا..
ماخصانابالألارم alarm اربطيه بكيس نايلو ..
ثالثا..
عايزين حفلة ...
وبعدين الله المرء يكون أخـو عريس أرحم برضه من انه يكون أم عروس!
عقبـال اللي فبالي!
مني
| |
|
|
|
|
|
|
|
|
|
Re: حالة كون المرء: أخت العريس (Re: Muna Khugali)
|
يااخت العريس
الزول لو كتب مداخلة ومباركة هنا وجاء مالاقاها بتكون مشت وييييييييين ؟؟؟؟
يازولة نبارك تانى والف لتبارك اخو تماضر اخت العريس .. الف الف مبروووووووووووووووك
وعقبال كل احبابك تفرحى بيهم يارب
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
بمناسبة زواج الكينونة دا
احب ان اؤكد لتماضر بانها فى هده الحالة ستكون كائنة كبيرة
واخت شقيقى العريس الكائن..وبالشقيقية دى نفسهاممكن اتحول من كونى كائن بالقاهرة الان ومتمنيا ان اكون كائنا مع تحولات عشه طيور من كيانتها بالدويم الى كائنة بميرلاند..وفى هدا تتكون لنا كينونة مخالفة لكون صلاح الزين متكونن مسنمرا الى اوحتى ان يتداخل تكون دلك التاريخ مع جدليةالجغرافية المتكونةمن دوات
ظاعنة وكائنة كونونه\ضد حالة التكون..الكبرى
شكرا على وامانى
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
الصديقة تماضر
سلامي وإحترامي وتبريكاتي للكائن تبارك
| Quote: حالة كون المرء: أخت العريس |
إتخيلي أنا عندي نفس الأعراض لكن في أختي هويدة ولو ما كدا كنت أمشي معاهم لغاية الدويم وأهجج معاهم ونعيد أيام زمان وأعراس القضارف
غايتو الجاتك في عرس أخوك فرَّحتك
لك خالص مودتي
| |
|
|
|
|
|
|
|
|
|
Re: حالة كون المرء: أخت العريس (Re: mamkouna)
|
تهانئنا للعروسين ودامت الافراح
اها ودا قدحي اكتبي يا بت
دومه بت اب جيبين
Quote: نا عندى ليكم سؤال يالدكاترة: بتمشوا وين؟
الزول يتلطع عشرين ساعة ويقولو ليك: الدكتور ماجة؟
مالو ما جة؟
وحات ربي ديل الا دكاتره السودان
هنا الدكتور يجئ قبال المريض تلقيني اركض ونفسي قايم لما ادخل
عوضه الكشف برضو القاه قدامي
| |
|
|
|
|
|
|
|
|
|
Re: حالة كون المرء: أخت العريس (Re: ملكة سبأ)
|
فوق حتى نرجع عدة الجمعية ونكرش حلل القيزان
ياجماعة فى ناس فيكم هنا متفائلين خلاص
أول حاجة تبارك فى واشنطن ..
تماضر فى ماستشوستس...
عشة فى الدويم
وكيل العريس فى الخرطوم
يعنى العرس تلاقيط ..مافى زول "سار" ولا فى زول شاف دلوكة .....
الفورة الوحيدة ياها البوست ده ..فأرجوكم "تحرروه معانا" وكده
قريت كلامكم كله ...
وأى زول عندى ليه كلام "مضاد" ....بس اعذرونى فى حكاية الزمن وكده .........وعارفاكم اصحابى وما بتلومونى ...وأنا افاخر بكم الجبال ....
دايرة انزل ليكم "صورة تبارك" وما قادرة ....
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
حالة كون المرء عايز يقول " ألف مبروك " لتبارك .. و لتماضر .. و ناس الدويم " بقدر ما حببنا فيهم أبي عزالدين البشرى " و الناس الأصيلين العاشرناهم في الغربة .. و كتري من الزغاريد الكتامي يا أخته .. و بيت مال و عيال.
رب اجعل هذا بلدا آمنا وارزق أهله من الثمرات
مكسب
| |
|
|
|
|
|
|
|
|
|
Re: حالة كون المرء: أخت العريس (Re: تراث)
|
والله دي عايزة ليها زغرودة ، بالسماحة والبراحة انشاالله يا تبارك والفال السمح مبروكة عليك عشوشة ، ومبروك علي تبارك يا تماضر أنشالله كلهن تشوفي جديدهن وتحضري عيدهن ..
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
الكائن تبارك
ألف مبروك
ضربنا ليك وما رديت
نشوفك فى السودان يامان ..حيث الحسان الغيد والكابلى والزغاريد..
عقبال الفرح الكبير الذى يتم فى اوائل العام الجديد
تانى شنو؟؟
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
بمناسبة الالارم :
عندي خالتي (الاستاذة/ سعاد حيمورة) عنده صاحبتها وجارتها مشت امريكا ولما جات راجعة مشت تسلم
عليها صاحبتها دي ختي الشاي في النار وبعد شوية الكفتيرا صفرت -
قامت نعمات صاحبة خالتي قالت ليها ما تتخلعي دي كفتيرا لما الموية بتفور بتصفر -
خالتي ما قدرت تعلق اي تعليق واكلت الموضوع في حشاها لما جات راجعة البيت اتفشت القصة دي في راجلها المسكين طول الليل هي تنبح ...
لما جات نعمات زارت خالتي بعد كم يوم كدة خالتي ما صدقت طوالي مشت ختت كفتيرتها البتصفر المخمج !!
وأول ما صفرت خالتي قالت ليها ... ذي حقتك مش ..
ومن ذاك اليوم صارت تعرف نعمات بنعمات امريكا بيننا وبين أهل الحي !!
| |
|
|
|
|
|
|
|
|
|
Re: حالة كون المرء: أخت العريس (Re: انعام حيمورة)
|
دومة نحن زيكم كمان؟ فى فرق بين العامة والخاصة وانتى خاصة الخاصة
ههه شكرا ليك يا حبيبة
...
يأحمد العربى قاوم ..
يا أحمد العربى اقعد قاوم كده لمن قطرك يصفر
.....
شروووم
انت بتمشى وين وتظهر فى "العقد" والخيمة والحاجات الزى دى؟
المهم نهانيك مقبولة وعقبال الفى بالك
......
ابو العزايم
قلت لى: أشوف فيك يوم يا تماضر وتبقي (حبوبة العريس)
ما تخلينى ابقى امه اول..الحسادة دى شنو؟
شكرا "يباركو ليك السمح"
......
ابقوتة
اها ما كلمتنا ..العرس حار؟
زى ما سأل الراجل اخوه الماشى الحج، قاليه الصورة حارة؟ يعنى زى الحقنة مثلا؟
تشكراتنا
........
ابو جهينة
أبو البنية الما هينة
لا هو "بعير عزوبية تبارك" ده مافى قشة بتقصم ضهرو ..مش كان بقت من الدويم ...ماقلت ليك هو كائن
......
عواطف الطيب حسن
الله يبارك فى عمرك ..شكرا ليك
.......
بالله يا معتصم الطاهر انت من الدويم؟ والله
good to know
بالله سلم على نسابتنا الكانوا أهلنا
وربنا يسمع منك ..ويكون عريس "البوست الجايى" سارية
.......
ناذر محمد الخليفة
الله يبارك فيك ..
قلت لى حفلتك بى كم؟؟
.........
عادل عثمان ..حلوة "حمأة الفرح والمسئولية " دى وشكرا على الكرت الجميل ..وعقبالك
.....
عادل سمييييير
وعقبالك انت برضو وشكرا ليك يا ظريف
.......
سارة حمزة
يباركوا ليك جديدك
........
سيد بيكاب
عقبال البت الفى اللفة ديك
تقولوا صغيرة ..حسة تسمعوا بيها
محبتى يا جار
......
شهاب الفاتح عثمان
يباركوا ليك البتدورو
.....
عمر الماحى
شكرا وعقبال عندكم
......
عماد عبد الله
خلاص دايرين يعرسوها؟
والله ألف مبروك
أما أنا فجاهزة ..بعد مهيار ود عوضية عرس
النبل راسى
شكرا ياخى
......
عبد المنعم
ههههه
شكرا ليك يا عزيز
وعقبال محمد
......
معتصم ود ضفع الله
قريبى العزيز
ألف شكرا ليك وعقبال الفى بيتكم ..حتى لو انت زاتو
........
محمد عادل
ان شا الله عقبالك انت برضو وشايفاك مركز على استاذة دى
وهشام مالو ماجانا زارنا فى البوست؟
..........
بنت الاحفاد
ولك محبتى ايضا وربنا يسعدك انتى ايضا فى زواجك الميمون
وان شا الله بتصحى براك للصلاة ومافى داعى لحكاية الجرادل دى ..
ههههههههه
شكرا لك وتحياتى للعريس
.......
الاستاذة الكبيرة العزيزة اسما
مافى وصف
تجى بى ياهو ولا بى مابكويست؟
نحن فى ماس...ههههههه
لك المعزة والمحبة الصادقة
....
منصور المفتاح
حلوة من اسمو وفتلو دى ..والله قنقشتنى بالضحك
لك الود الجميل وعقبال العندك
(بقيت ما بتقول لى عقبالك خوفتك مش؟ هههه)
...
انعام حيمورة
انت دى الحلوة
وعقبال أفراح آل حيمورة ..
.......
نزار حسين
شفت روحك شفقان كيفن على "المحافل والمراسم"؟
الولد ده شغال مترجم محاكم فى واشنطن
ما اتحرك منها شبر
هههههه
يارب اوعدنا بالبتدورو لينا
.....
حبيب نورة
بعجبك والله
ان شا الله نسمع بى افراحكم
وحب نورة الكتير ده "ينتهى" بالزواج
.........
منى خوجلى
قلت لى سيرين
انتى برتى
بت منى عرسوها ..سارية قاليها بنات البورد كلهم عرسوهم الا انتى
هههههه
عقبال اللى بال بالك
هههههه
شكرا يا منن
.......
نادية عثمان
شفتى نحن كنا وين وبقينا وين
ماشاء الله انتى وسط الناس وبتهنى
عقبال تنقلب كل احزانك أفراح
......
عبد المنعم سليمان
ياهلا
وألف شكر
......
عمر عبد الله
تقبل سلام وشكر الاسرتين ..
وعقبال الفى الخاطر
....
على تروس
هههههههههههههههههههه
حتى آخر السطر
........
صلاح موسى
كيف تقول عليه من البايرين
يعرسو فيه الصباح الصباح؟
ههههههه
تحياتك لى عشة وصلت وللصادق مفروض تكون
وشكرا على التهانى
.........
منى أحمد
ويسعدك
...
وألف شكر لك يا مفجر الفرح الاكبر.. محمد خضر الغامدى ..
........
الطيب بشير
بزيارتك بيتنا نور
....
عمر على
يا هلا بأهل الكرم والنضال المستمر
عقبالك
.....
عمر ادريس
وألف شكر ليك وعقبال المجوجوات ديك
صحبة شديدة وونسة كل يوم
ويسرى مصرة انه نرحل فلادلفيا عشان نكون جنب ناس نهال
وشكرا للورده الجميلة
......
نادر
اقول ليك عقبال محمود عاد؟ ان شا الله تفرحو بنجاحو وفلاحو
.....
بدرالدين شناتى
بالله قام ليكم عرس فى هويدا وما كلمتونا؟
ههههههه
الف مبروك ليها ..لكن العرس ده الا يجيبو لى الدويم والقضارف ديل بالدى اتش ال حتى احضرو
"ياكافى البلا"
المهم عقبال غادة
.....
ممكونة اللذيذة
يتخيل لى حتبقى صاحبتى لو كنتى ساكنة قريب
ههههه
شكرا على ورودك ..والتحية من جميع التماضراب
......
دومة
دحين مداخلتك دى ما رديت عليها قبل كده؟
براى متهمة روحى بالخرف مالك على دايرة تزلعينى زيادة ؟؟ ههههه
تسلمى
.....
عزاز الشامى
صديقتى الجميلة الصغيرة
عقباااااالك يا ست البنات
......
ملكة سبأ
الملكة الكامل جمالك ..الف شكر واللهم آمين
......
مكسب
برضو مكسب
وعقبالك
.....
القلب النابض
يزغردوا ليك تلاته نسوان مشلخات فى افراحك يارب
.........
لؤلؤ
قطعت مصارين العريس بالصورة دى
ههههه
خلى الجهجهة والحركات وأركز وعرس ...
ألف من تتمناك
.....
نهال كرار
وعقبالك ياصبية "العطر يشتهيها" نفرح بيك قريب
.......
والله ياتراث بالاكتر
اها وهبوية كيف ما "زاهبة" للعرس خلاص؟
دايرين نكبر الجندرية دى وماعارفين كيف؟
مودنى
......
عشة بت فاطنة
السمحة
أم البنات السمحات
عقبالهن وعقبال على
وياما جيتك فرحتنا
....
ود زينب
كل ما أشوفك اتذكر البوست الماعملت ليك فيه أى حاجة داك
طبعا براك شايف ..عندنا عقد فى تلفوننا
هههههه
شكرا وربنا يستجيب لدعواتك الجميلة
.......
صدقدق
عشا الفنانين عليك
ههههههه
.......
عادل اسحق
عقبالك وشكرا
...
لؤلؤ تانى
الصادق أبى ..نسوى شنو
ياخى نزلها
البيت كله فنانين والبوست صانى
ليه كده؟
......
انعام حيمورة
انفقعت بالضحك
لذيذين انتو ياخى
الواحد ممكن يقدم طلب يبقى "حيمورى" ولا العضوية مقفولة؟
فى أفراحكم يا جميلة
......
| |
|
|
|
|
|
|
|
|
|
Re: حالة كون المرء: أخت العريس (Re: Tumadir)
|
Quote: نزار حسين
شفت روحك شفقان كيفن على "المحافل والمراسم"؟
الولد ده شغال مترجم محاكم فى واشنطن
ما اتحرك منها شبر
هههههه
|
ما داير ليه سواق مترجم محاكم؟ عندي خبرة خمستاشر سنة في السواقة للمحاكم زاتا..
ان شاء الله يديني حق الفطور...
ما شاء الله ما شاء الله....
| |
|
|
|
|
|
|
|
|
|
Re: حالة كون المرء: أخت العريس (Re: مصدق مصطفى حسين)
|
 
هذا الرد مكتوب بواسطة العريس: تبارك شيخ الدين مستخدماً إسم الروميد "وسام".
مساعدة لتماضر لإنزال صورنا أنا و عشة طيور
ومناسبة لأن أشكر الجميع على التهانى الرقيقة والحميمة والمفرحة.
والعاقبة عندكم فى المسرات و دامت أفراحكم.
| |
|
|
|
|
|
|
| |
Tumadir
abdalla elshaikh
Marouf Sanad
ALGARADABI
Mahmoud Mustafa Mahmoud
نصار
ودرملية
saif massad ali
الخير محمد عوض
Modic
Sabah Hussein
Nasr
ابوعسل السيد احمد
wesamm
رشا سالم
doma
خالد العبيد
mohmmed said ahmed
احمد العربي
شرووم
محمد أبوالعزائم أبوالريش
abuguta
ابو جهينة
معتصم الطاهر
ناذر محمد الخليفة
Adil Osman
Adel Sameer Tawfiq
Sayed Bekab
شهاب الفاتح عثمان
omer almahi
Emad Abdulla
عبد المنعم سيد احمد
معتصم دفع الله
محمد عادل
bint_alahfad
cantona_1
Yasir Elsharif
Asma Abdel Halim
munswor almophtah
انعام حيمورة
nazar hussien
حبيب نورة
Muna Khugali
عبد المنعم سليمان
Omer Abdalla
على عمر على
Salah Musa
الطيب بشير
omar ali
عمر ادريس محمد
بدرالدين شنا
mamkouna
ملكة سبأ
القلب النابض
لؤى
تراث
عشة بت فاطنة
Abu Mariam
Adil Isaac
رأفت ميلاد
بكرى ابوبكر
Elmoiz Abunura
خالدة البدوي
عواطف ادريس اسماعيل
فيس بوك
تويتر
انستقرام
يوتيوب
بنتيريست