دعواتكم لزميلنا المفكر د.الباقر العفيف بالشفاء العاجل
|
|
 تم اعتمادنا رسميا...
|
بحمد الله تم اعتماد فرقة عرائس النيل رسميا ..فرقة للفنون الشعبية بمنطقة ماشتتوستس..
وذلك بالمجلس الثقافى للولاية ..
هذا وقد قامت الباحثة والمؤرخة "كيت" بالتفضل بالحضور الى منزلى "الكائن" ..وقد دامت عملية التوثيق ساعتين من الزمان.
وقد اجرى الراديو مع "شخصى الضعيف وبقى سمين اليومين ديل" ساعه على الهواء للتعريف به وبالفرقة ..على محطة 103.3 أف أم..استمع لهذا اللقاء المستمعين بنيوانجلند ..
واليوم وبعد 3 ساعات ..ستتوجه محطة WGBY بكاميراتها وطاقهما الى منزلنا "الكائن" ده زاتو ..لاجراء لقاء مع شخصى "الكان ضعيف وبقى سمين اليومين ديل" وسيدوم اللقاء لمدة تتراوح بين 4 الى 6 ساعات.. "طبعا اللقاء فى التلفزيون ما حيكون اكتر من عشره دقايق" ياجماعة انتو كمان ما تبالغوا.
المهم ازف اليكم هذه الاخبار ..وارسل معاها قبلاتى الحارة الى وطنى الجميل والذى باسم حبه سترنقى درجة واحده الى اعلى ..والعين ما بتعلى على الحاجب.
على الاهل والاصدقاء عدم الاتصال فى هذا الزمن المذكور "فلن نشتغل بكم" مهما عملتو وسنضرب منكم طناشا شديدا ..ولو مصرين اعملوا مس كول.
اما الحاسدين فما عليهم الا دوس الابنص والكسح ...الى اتجاه الشتات.. مع اننا نحب لهم الخير "برضو"
...
اعزائى الكرام ولا انسى ان اشيد بكم جميعا للانتباه الى النداء الخاص بالفاضلة نازك محجوب وهى تمر بمحنة المرض ..والاحتياج المادى من اجل العلاج.، وحاشاكم الفسالة.
عموما بعد ان نخلص من هذا الحدث العجيب..الملخبطللكيان ..سأعود لا تفق معكم على موضوع نازك ..وحالتها الصحية واحتياجاتها المادية العاجلة ..فأرجو ان تضعوها فى البال..
واحبكم جميعا ..
"لكننى ما فاضية ليكم" كما ذكرت آنفا .." ودى جاية طبعا من انف" 
ولكم حبى الكبير.. فأنتم دائما فى المخيلة........
|
|
 
|
|
|
|
|
|
|
|
Re: تم اعتمادنا رسميا... (Re: Tumadir)
|
مـبروك ياطـمطـم وتستاهـلوا اعـتراف في اي حـتة تانية كمـان..
الفـرقـة رائعة ومحـترفـة في أدائها وجميلة للغاية في كـل أدائها.... ربنـا يخليكـي يافنانة يا 'فـرحـانة' ويخلي شـباب الفرقـة ومعاهم ماجـدة ومحمـد القاضـي والموسيقيين..
ولا يفـوتني مـن باب 'الغتاتة' الا ان اعلمـك بوصـول طـائرتي الي منطـقتكم في نفس مـواعيـد التسجـيل...طـيب هاتقـدري تجـي تاخـديني مـن المطـار كيف?
وحـتي لـو فـرضـنا انك رسـلتي زول..لمـا أصـل بيتكم بشـنطـي الكـتيرة دي ماهاضـايقـك سـاعة التسـجيل?
قـلتي ماهاضـايقك?
شـكرا حـبيبتي ده برضـو كـان عشـمي...
في مشـروع ليه سـنين شـغال هنا في لنـدن عـن الموسيقي والفـن في دول الشـتات..وهـو مهرجـان سـنوي ينظـم دائما في الصـيف ولعــدة ايـام..
سـأحـاول ان ارسـل لكي عنـوانهم فقـد رأيت فرقـاتقريبا مـن كـل العالم الا السـودان,,
مـع حـبي..
مـني
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
الف الف مبروك الأستاذة تماضر وربنا يوفقك في تمثيل الوطن خير تمثيل
ما دام حتضربي طناش من المكالمات خلاص اكتبي أسمي في ورقة وخليها معاكي طيلة فترة اللقاء حتى أشعر بأني معك
الف تحية وتحية
| |
|
|
|
|
|
|
|
|
|
Re: تم اعتمادنا رسميا... (Re: aosman)
|
الأخت العزيزة تماضر شيخ الدين
تحياتي
حقيقة أسعد كثيرا لنجاح أي سوداني أو سودانية في دول الإغتراب .. فالنجاح هناك يمر بين شعاب كثيرة .. أقلها طعم الغربة الذي يحيل كل شيء إلى نوع من التقهقر النفسي ..
أبعث إليك بالتهاني القلبية الحارة لهذا الإنجاز السوداني الكبير .. و نعرف تماماً أنه نقطة في محيط القادم بحول الله.
| Quote: على الاهل والاصدقاء عدم الاتصال فى هذا الزمن المذكور "فلن نشتغل بكم" مهما عملتو وسنضرب منكم طناشا شديدا ..ولو مصرين اعملوا مس كول. |
إعتبري مداخلتي دي ( كول ) كبير لأنو تلفونك ما عندي .. و الغريبة كنت بتكلم مع الأخ هشام قبل شوية قبل قراءة هذا البوست ..
أرقدي عافية
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
الاستاذة /تماضر
لك التحية والتقدير
نثمن عاليا مجهوداتك ووقوفك خلف هذه الفرقة حتى رأت النور وهذا ديدنك منذ ان
عرفناك ونحن في سنيننا الاولى داخل تلك (الحيشان) التلاتة , الاذاعة والتلفزيون والمسرح
نتمنى لك مزيدا من التقدم ... والى الامام سر
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
مبروك لينا و ليك
الطناش سلاح سنقاومه بالكتابة بالفحم علي باب منزلكم ( الكائن) حضرنا و لم نجدكم ووجدنا كرنفالات الابداع ترعا و انهارا
مزيدا من الرفعة
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
كم انا تواق لمشاهدة هذا اللقاء فهل يتكرم لنا احد ويحدد لنا زمن البث وتردد القناة ..
بتكيف شديد لمن ممثل سوداني يعملوا معاهو لقاء في التلفزيون لييييييي ما عارف ..
والعجب لمن يكون بي التنجليزي ...
مباااااااااااااااااااااااااااااالغة ..
اهاهاهاهاهاها Yes .. اهاهاهاهاها No ... أهاهاهاهاهاها Yes ...
مرحباً بالسودان في الشاشات العالمية ولمدة عشر دقائق بكل تأكيد ستكون كافية حتى يتعرف علينا القاصي والداني ستعرفون في هذه العشر دقائق على فاطنة السمحة الأكلا الغول وشليل وين راح اكلو التمساح والفات وفات وفي إيدينو سبعة لفات وسيلعب الأطفال في امريكيا أم بعيرة والحجلة وحبوبتك وينا ويا حرامي مين نطاك ..
سيشاهد العالم ولمدة عشر دقائق اخيراً السكج بكج والحلو مانجلو وواحد لي أضرب لي...
وليت العالم يشاهد في هذه العشر دقائق الكرعين الممسحة بي زيت السمسم والغبشة فيهم من دافوري الصباح وليت التلفزيون الأمريكي في هذه العشر دقائق يشاهد فرحة طفلة بي عروسة المولد وفنجطة شافع إشترى ليهو حصان وحلاوة جوز هند ..
وليت العالم يشاهد في هذه العشر دقائق دسوسية وسكسك والكمبلت ...
وخوفي كل خوفي أن يتمثل الفن الشعبي لدينا فقط في رقيص العروس ورقصة الكمبلا والرقصة الحلفاوية ورقصة الطمبور..
كل التمنيات بالتوفيق والصعود درجة ..
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
يا زول يا زول :
Quote: يا عمر (نصيحة من زول أكبر منك سنا):
خلى ردودك عادية زى باقى الخلق
وياتماضر ، لى قدام |
نصيحتك مقبولة وعلي العين والراس وصدقني ردودي عادية جداً وما قصدت منها أي شي ويا زول حقك علينا لو فهمتنا غلط بس شكلك مشحون شوية ...
بالجد بنتمنى ليها التوفيق والكلام الكتبتو فوق ده انا جادي فيهو وعايزين الزولة دي تنقل لينا الكلام الفوق ده لأنو دي ثقافتنا ولو فهمتو أي شي غير كده فده موضوع بيخصكم ..
يا ناس لو عايزننا نخلي ليكم البورد ده كلمونا عشان ما تحرقو دمكم ساي وكان كمان عايزننا نقول الدايرنو إنتو برضو كلمونا ...
| |
|
|
|
|
|
|
|
|
 Re: تم اعتمادنا رسميا... (Re: عمر الفاروق)
|
لا يا عمر ما قصدى أنك تخلى البورد أو خلافه ، بالطبع ده قرار بيرجع ليك ،
عمر ، الناس دى كلها متابعة ، والناس هنا فاهمة شديد ، ما فى زول منهم عندو قمبور ، صدقنى الذى يحترم الآخرين يجد الإحترام (غصبن عنو) والذى يبغض الناس هم كذلك يبغضوه والذى يحاور الناس بأدب يحاوروه والذى يتعالى على الناس يستصغروه
يا عمر فى الأول والأخير نحن بشر ، ونتعامل ببشريتنا ، أنا شخصيا بحترمك وما عندى معاك مثقال ذرة من بغض أو حزازات ، لكن نصحتك كأخ كبير لما رأيت فى ردك شىء من (التريقة) خصوصا وقد تابعت حملتك الشرسة مع خدر ومحسن وتماضر وكل (التقدميين)
عمر تحياتى ، وما تفهمنى غلط
أخوك هشام ، وبرضو أخو تماضر ، والبوست بتاعها هى ، وهى كفيلة بالرد
شكرا
| |
|
|
|
|
|
|
|
|
|
Re: تم اعتمادنا رسميا... (Re: يازولyazoalيازول)
|
الأستاذة تماضر ..
ألف .. ألف مبروك .. والى الأمام ..
تماضر .. ما أحنا ناس أمريكا برضه .. ما تقولوا عوك .. عوووووك ..
لكن بالمناسبة الولاية اللى انت فيها دى .. مشكلة ..
.. شوفى كم سنة وأنا بأمريكا ولغاية
الآن لا أستطيع نطق اسم الولاية .. يعنى هم ما لقوا غير الاسم الصعب هذا ..
قال ماسيتشوسس ..
أصدقينى القول لا أستطيع نطقها أو حتى كتابتها .. الله يكون فى عونك ..
المهم ألف مبروك ..
عمك العجوز ..
ارنست ..
[email protected]
| |
|
|
|
|
|
|
|
|
|
Re: تم اعتمادنا رسميا... (Re: عمر الفاروق)
|
الأخت تماضــر بت شيـخ الدين،
الف مبروك ومن نجاح لنجاح..
لقـد انتصـرت على أعدائك أعـداء الوطن بإسـلوب الفن.. فلم تغلفيـه فى سلـوفـان التصفيق والأطعمـة المرصـوصـة والضحكات المجلجلـة الكاذبـة.. بل استعملتى ارقى الفنون كسـلاح لمحاربـة الهوس وقوى الظلام دون خـوف أو وجل.. ولم تلتفتى للأقـزام من زبانيـة إبليس، لأنك فى قلب كل سـودانى نظيف مخلص لوطنـه، وهـم دائمـا بالمرصـاد لكل من تسـول له نفسـه خنق فنان أو إغتيال كلمـة.
الشـئ المؤسف أن المؤسسـات الرسميـة تسعـى اليك فى منزلك، حين طردتك من منزلك المؤسسـات الوطنيـة فى بلدك، بل أنهـم يحاولون الكيـد لك هنا أيضـا، فى بلد لم يقيمـوا فيهـا إلا بالكذب والتلفيق.. ولكن لا ضيـر، فإن نجم نحسهـم إلى أفـول.. وهـذا هـو نجـم سعـدك الطالـع يعشـى نوره عيونهـم.
| |
|
|
|
|
|
|
|
|
|
Re: تم اعتمادنا رسميا... (Re: Osman M Salih)
|
قديما كانت عروس النيل تفدي شعبها بروحها.. وتلقى في النيل الذي يبتلعها(أو يحتضنها).. ويفيض..
وفي يوم ما.. تفدي عروس النيل شعبها بفن وصبر واحتمال أذى.. ويتلقى النيل منها الأخبار.. ويفيض..
ويا لهذا النيل الذي بذلت عروسه الروح والفن والصبر واحتمال الأذى.. متى يفيض؟
وطيف الحب في واد.. يطالع موعد الإنسان
ويحزم.. عازما سفرا.. ويدخل دونما استئذان
يفيض.. ويعتلي الساحل
يقبّل هذه الشطأن..
(والبذرة مهما يكون.. حا تبقى يوم شجرة..)
ومبروك!
قصي همرور
| |
|
|
|
|
|
|
|
|
|
Re: تم اعتمادنا رسميا... (Re: معتصم الطاهر)
|
تماضر مبروك
ولازم تتكلمي بانجليزي احسن
من بتاع جوليا روبرت
عشان ما يقولو ديل عندهم حروب ومجاعات وارهابين
وحرف(R)
ما اظهر في كلامك لازم تاكليهو
يعني قولي MY NAME IS TAMDU
والراء الاخيرة دي اكليها
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
تماضر لك التحية
لك التحية من قبل أن يتم
"اعتماد فرقة عرائس النيل رسميا ..فرقة للفنون الشعبية بمنطقة ماشتتوستس"
ومن بعد ودوما..
"فأرفعي راسي وراسك ينتهي عهد المناحات الحزينة"
لك ماتريدي..
ولنا أن نسعد بما تهدينا من نصر
دمتي...فخرا
للمرأة
للمسرح
والوطن
إنعام علي عبدالله
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
الفنانه تماضر
الوطن الذى تحبينه يبادلك الشعور ،
فهو يحس ... و يدرك ... و يفهم ...
و يتمنى لك التوفيق دوما ،
و نحن كذلك ،
و ننتظر النتائج الباهره إن شاءالله .
| |
|
|
|
|
|
|
|
|
 Re: تم اعتمادنا رسميا... (Re: Tumadir)
|
تماااااااااضر
جابنى الاعتماد على النفس ( شفتى كيف ) .. ياااااااه... جارى جرى الوحوش
ليكم مليون باقة انيقة زى روعتكم ..فى نص الحرف دا .. مشتاقييين شديد وشوق
فيهو كوفارة عديييل كدا ...
اجمل شئ انك وعرائس النيل جبتو تاج كبير ( اكبر من الهم ) وختيتوه فى جبين الناس
الناس الهمها ليكم وللنيل الشرد جواكم ..
ليكم وقفة بحجم الابداع الفيكم ..
مبروك ..
وتانى برضو مشتاقيين
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
العزيز تماضر
تحايا الورد
تستاهلي يا تماضر ةتستحقي اكثر
شكرا ياالشايلة همها وهم الناس
تمنياتي لنازك بدوام العافية
تحياتي
بعدين تلفونك ما برد ايه ؟
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
الاخت تماضر
لكى التحية اختنا
اولا الف الف مبروك واتمنى لكى التوفيق والنجاح ...
وانشاء الله الفرقة تاخذ مكانها فى امريكا وتكون احسن فرقة فى امريكا للسودانيين
تسلمى اختنا
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
مبرووووووووووووك ايتها الفنانة المبدعة وربنا يقدمكم كمان وكمان
والوصية في الذمة
أرفعي قامة السودان للأعالى وأبرزي الوجه المشرق لمبدعينا وروائعهم.
وإلى الأمام دائما
| |
|
|
|
|
|
|
|
|
|
Re: تم اعتمادنا رسميا... (Re: عبدالرحمن الحلاوي)
|
..
عمر الفاروق،..
كتب:
| Quote: بس شكلك مشحون شوية |
أما أنت يا عمر فمشحون كتير، وفَوَّتها التسعة شهور وتسعة يوم، وإنت قاااادل،..
شكلك إنو حقدك وحسدك دا، ناوي تلديهو ديناصور جاهز من مرقتو،...
حباب الحَمَّلك،..
وبرررضك، مواصل في نظريتك، اللهي:
"ناس السعودية تجر منهم واطئ"
عالم تخاف ما بتختشي،..
...
| |
|
|
|
|
|
|
|
|
|
Re: تم اعتمادنا رسميا... (Re: ahmed haneen)
|
ألف مبروك أستاذة تماضر
ألف مبروك لفرقة عرائس النيل
للأمام و مذيد من النجاحات و الإبداع
و أنتم تحملون إسم بلادنا
نيشاناً فى الصدور....
وربنا يكلل كل مساعى المبدعات/ين بالنجاح
الزاهى؛؛؛؛
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
المعتمدة تماضر
سلام "كائن" وفخر
نجاحك يخصني شخصياً
| Quote: وسيدوم اللقاء لمدة تتراوح بين 4 الى 6 ساعات.. "طبعا اللقاء فى التلفزيون ما حيكون اكتر من عشره دقايق" |
وباللنقليزي؟؟؟
لك الود ولعروساتك أجمل تحية
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
Quote: "ناس السعودية تجر منهم واطئ"
عالم تخاف ما بتختشي،.. |
شديـــــــــــــــــــــــــــــــــــــــــــــــــــــــــــــد..
حارقك وين ؟؟؟؟
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
عارفة يا تماضر
انا عينتك سفيرة للنوايا الحسنة
غصبا عن كوفى عنان
هو انتى أقل من أنجلينا جولى فى حاجة
بل فايتاها بهناك
فايتاها بالعلم والمعرفة
وبالإلتزام بقضايا وطنك المجروح
و كمان بالتهذيب والاخلاق
أيه رايكم فى القرار ده يا جماعة
| |
|
|
|
|
|
|
|
|
|
Re: تم اعتمادنا رسميا... (Re: Ibrahim Algrefwi)
|
الاخت اعتماد
ماعندهم خيار .. وإلا كُنا حانطعن طوالي
هذا و
تقبلي تباريكـ ناس سعاد و ام فرحين والبلوله
قالو ليكـ رفعتي راسنا بعد ما المريخ ختا لينا في الوطــة
وقالوا ليكي ..
العاقل ما بوصوهو
لكن
الوصية بالمهلة
لبسي البنيات ديل حجبات
قالوا العين شقت الحجر .. وربنا يحفظكـ و يحفظهم
والسلام ختام
اخوكـ المحطرم صِديق العواليق
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
تماضر ...
وأنا متأخررررررر ..
و فرحان ليك و عرايسك ..وفرحان لينا كلنا ..
وزي ما قال ( صلاح ) أخوي .. حسي يفرحوا الأمريكان ديل ولا تفرح تماضر ؟؟؟.. منو البيشرف منو ؟ ..
يا زولة يا مدهشة .. في كل شي تهبشيهو ..
تماضر .. نحبك
و ديشليووووووون تهنئة للنيل .. بعرايسو .
| |
|
|
|
|
|
|
|
|
|
Re: تم اعتمادنا رسميا... (Re: ابو مهند)
|
..
عمر الفاروق،..
شنو هو الحرقني؟
ح أعمل فيها برئ، وأفهم ليك إنك قاصد "نجاح تماضر"،..
(تماضر المخرجة/ الممثلة / الكاتبة/ والمسرحية الشاملة)
أها، الحرقو منو؟
شوف ديل قدّامك كم سوداني وسودانية نضيفين، كلهم قالوا "مبروك" "مبروك" وعجبنا ليك، ما عدا أنت يا "زمبار" زمانك،..
غيرك هنا وسط الأمة دي كلها، كدي شوف، الحرقو منو؟
وكان قاصد حرقان تاني، وحارق آخر،
برضو نمشيهو الدرب دا معاك، الما واثق من تكّة سرالو بثق في شنو تاني؟
أنا ما عندي حَرقَان، بل مجرّد آكولة، في طرف بسطونتي المضبّبة دي،..
من مغايصك وشدايدك علي النسوان،
زمنك يا الرخم علي الصقور تتخبَّت
ضكارة القدَّم الماسيات وبقفاهن كَرْبَت
كل ما الآكولة دي تقوم علي بسطونتي، ما عارف لي معاها صيبة غير أحكّها وأقول هـchـا هـchـا، و هـchـا هـchـا، أعضي إيدي، وأرجع تاني أحكّها،..
أنا كتّرت كلام الفروسية معاك، دا صحيح، وبعتذر للسودانيين المعاي في المكان ديل كلّهم، من قلّة أدبي،..
بس شغلتك دي يا عمر، شغلة بتاعة فتونة وبتاعة حنكوش مو عارف يصعلق علي غير النسوان،
وألا قول لي بس البدخلك البوست دا شنو، عشان تكتب كلامك دا،..
تماضر دي بهناك، ما قالت ليك أنا ما داير أتعامل مع زول شايل ضدي كل الحقد دا؟
ما تكون إنت راجل عندك نخوة وكرامة، وتسيب الولية "العجوز" دي في حالها،..
شنو بتكتب "أم بعيرة" وما "أم بعيرة"، وعليك الرسول قدّميها للأمريكان،
لو دايره تقدّمها للأمريكان، الكلام دا ما بيطلّب حضورك –شخصياً- في واشنطن دي سي،... يا أعظم أم بعيرة تعلّقت في دُبُر هذا البورد،..
..
| |
|
|
|
|
|
|
|
|
|
Re: تم اعتمادنا رسميا... (Re: محسن خالد)
|
العزيزة تماضر
معليش ما أخرتنا المواصلات لكتن والله أخرنا يوم تمانية مارس وقلنا نحيك فيهو هنا ممثلة لكل نساء السودان والبلد، فالتحية ليك وأن شاء يتواصل الإبداع ويتواصل النضال من أجل وضع افضل للمرأة في السودان وفي العالم.
الصادق
| |
|
|
|
|
|
|
|
|
|
Re: تم اعتمادنا رسميا... (Re: الصادق اسماعيل)
|
مرحبا
ادخلوها
هذه دارى
وانفضوا وعثاء هذا الحب عند الباب
اغسلوا اقدامكم من مائه الجارى
خذوا قسطا من الاشواق
..قد علقتها فى مشجب الترحاب..
قرب وريدى العارى
عشقا
ملأت لكم شرابا زنجبيلا فى اباريق من الفضة
وخبزت قلبى ..
كعكة للاوفياء
روحى فرشت على الاسرة كى تنام عيونكم
ويقر مقدمكم ..
بدار
..سهوا خلتها دارى
اجلسوا
ستجىء مائدة من الاشجار بعد هنيهة
فاسترخوا على بهو المودة
.مددوا احلامكم فوق الاريكة، اتكئوا..
ودعوا زوراقكم تسرى بأنهارى
اهلا حللتم اصدقائى ...
سهوا خلتها دارى
(محبتى لا تندمل)
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
ام سارى و سارية
انتى " لها "
و لنا منك الرحيق
بلحيل عجبنا و سرّ بالنا لهذا النجاح المستحق
و اقول المسؤلية الىن بقت كبيرة يا تماضر فانتى تمثلين " و تمتثلين " لوطن تطول له الهامات ... فالمزيد
و المزيد
المزيد ...من النجاحات
و " التألقات "
التى تسر الخاطر
فى زمن اصبح فيه " سر الخاطر " من : المخاطر
10000000 تبريكات
| |
|
|
|
|
|
|
|
|
|
Re: تم اعتمادنا رسميا... (Re: KOSTA)
|
الآتية اسماؤهم الافاضل
... Muna Khugali
نجود حسن عبد الرحمن
aosman
ابو جهينة
ودقاسم
... AMNA MUKHTAR
.. عصام عبد الحفيظ
... garjah
خضر الطيب
... Ibrahim Adlan
عبدالكريم الامين احمد
Elawad Eltayeb
عبد الله عقيد
عمر الفاروق
يازولyazoalيازول
ابوعسل السيد احمد
انعام عبد الحفيظ
...
... bayan
... Dr.Saeed Zakarya Saeed
...
... Giwey
... Sudany Agouz
Abureesh
بلدى يا حبوب
... Shams eldin Alsanosi
... Yassir7anna
محمد بهنس
نادية عثمان
... Sahar Abdelrahman
منعمشوف
... Afifi Mahamed
... kamalabas
... hatim
... Osman M Salih
... Yaho_Zato
معتصم الطاهر
... khaleel
... Inaam Saad
منصوري
مصدق مصطفى حسين
محمد السر
... alfatih
خالد العبيد
... bakri abdalla
القلب النابض
عاصم ابوبكر حامد
... Yassir Tayfour
عمار بيلي
برير اسماعيل يوسف
احمد العربي
... abas
... Ahmed El-Neel
... munswor almophtah
المسافر
... ahmed haneen
عبدالرحمن الحلاوي
محسن خالد
عبدالرحمن عزّاز
بدرالدين شنا
...
... walid taha
... msd
هشام المجمر
... shammashi
ديامي
... AnwarKing
... Hadia Mohamed
... elsawi
... Ibrahim Algrefwi
... Gafar Bashir
خدر
مهيرة
... hala alahmadi
.. Emad Abdulla
ابو مهند
الصادق اسماعيل
وكوستا
كان لوقوفكم بجانبنا ..اجمل الاثر على اللقاء التلفزيونى ..
فقد كنت اختلس النظر اليكم وتفرحنى تعليقاتكم وقد اخبرت المخرجة واسمها ميقان ميرفى ..بالقصة ..وصارت تتابع متابعتى لكم وفرحتى بكم
مما زاد الحلقة بهجا وفرحا وحيوية ...يعنى باختصار كنتو معاى ...
وحياتى يا محسن خالد تخلى عمر الفاروق ..فى حالو..انا لمست من حضورو الى هنا ..نوعا من التقرب والتودد ..او الاعتذار الضمنى ..وأنا عافية ليه لله والرسول..والمسامح كريم ..خلاص انت خليهو .. و"يقع في لسانك العدور الماصليح"
اهو ده هشام شيخ الدين ..برضو اتفاهم معاه..واتسامحوا ..يللا دورك انت يا محسن ....وحياة البيناتنا السمحة دى...
ومنى خوجلى اول زول خلانى اقرقر بالضحك ..وزالت عنى النرفزة بعد قريت مداخلتها...
وكنت دايره اكتب ليها "ماقادرة اضحك عاملة بن بالبيض فى وشى" ههههههههه....عندى قريبتى كده جنها "بن بالبيض" وتقول ليك بسوى الوش ده زى المراية ..يوم جربتو ..ماقادرة اضحك ولا ارمش ..ساعة لغاية ما مشيت غسلتو ..وطرت منه طيرة الريش من الدريش..حاجة تحميك الضحك دى تسوى بيها شنو.."وفى سماحة بعد الضحك" ...المهم دى اسرار مافى داعى الرجال يعرفوها فى يوم المرأة وكدا ..خلوها فى سركم ...
وبعدين كلكم عملتو لى شنو فى موضوع نازك ...
نازك عمليتها مكلفة ولو عملتها حسة والمرض فى بداياتو..نجاحها 100 فى المية ولو اتأخرت ..النتايج محزنة ..ليه ما نلحقها ..؟؟
بجيب ليكم معلومات نازك من بوست فرح...
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
الاستاذة والفنانة المبدعة تماضر شيخ الدين وحوريات النيل
لكم حبنا واعجابنا بانجازاتكم العظيمة لرفعة اسم السودان الواقع تحت احذية "الإنغاز".. انت معتمدة رسميا لدى بلاط المنفيين سفيرة لأحزانهم .. مقرك فى ماساشوستس ولكنك معتمدة رسميا لدى المنفيين فى مهاجرهم ممثلة لآحلامهم بالعودة لوطن فيه بقية منهم.. وطن جميل برغم جراحاته والخدوش التى اصابته من براثن وحوش الظلام.. رغم ابتعادك الجغرافى عن واشنطن فمازلنا نذكر " إندراوة" المنفى الما بتتداوى إلا بالعودة الى الوطن احياء او فى توابيت.. نتمنى لك وللرهط الجميل طول السلامة والابداع المستمر والعودة الى الوطن لإعطاء المنفيين بالداخل جرعات من التماسك الى حين بزوغ شمس السودان الجديد.. انهم يرونها بعيدة .. ونراها قريبة.. انها تختبىء فى دواخل المنفيين لتشرق عما قريب فى الداخل الكبير.. الوطن الواحد.. وطن عرائس النيل.. التهنئة مجددا وانت ترفعين هاماتنا عالية .. كالجبال طولا فى زمن الانكسار.. والإنكشار..
.......
وتحيات اسماء والشباب..
ٍٍٍٍٍِِِِِِِِنورى جليلة (نورالدين منان)
| |
|
|
|
|
|
|
|
|
|
Re: تم اعتمادنا رسميا... (Re: Tumadir)
|
جهودك و مثابرتك و إصرارك علي مواصلــة رســالتك الفنيــة برغـــم ظروف الغربــة و المســئولية الأســرية و العوائق المتعددة و الإحباطات من حين لآخر
هي مكان تقديــر كل من يعرف قيمة و معني الفن
و هي - بجانب مواهبك الكبيرة جداً و المتعددة - الســبب الرئيسي في حب الناس لك و وتشـجيعهم لك
فإلي الأمــام
| |
|
|
|
|
|
|
|
|
|
Re: تم اعتمادنا رسميا... (Re: محمد محي الدين)
|
العزيزه تماضر
ده نجاح عظيم وكمان بالانجليزى يا مرسى.
والله فرحنا ليك ويا ريت لو كنت عارف إنو يوم زى ده حايجى......كنت بقيت من أصحابك من زمان.
ولك كل التقدير، اخوك اسامه
| |
|
|
|
|
|
|
|
|
 Re: تم اعتمادنا رسميا... (Re: Tumadir)
|
تماااااضر
لا ادري لماذا تذكرت هذه الاهزوجة
انحنا تاني ماعندنااا شغل بالليل
انحنا تاني ماعندناااااااا شغل باللييل
انحنا تاني ماعندنااا شغل بالليييييييل
لك التحية
| |
|
|
|
|
|
|
| |
Tumadir
Muna Khugali
aosman
ابو جهينة
ودقاسم
AMNA MUKHTAR
عصام عبد الحفيظ
garjah
خضر الطيب
عبدالكريم الامين احمد
عبد الله عقيد
عمر الفاروق
يازولyazoalيازول
ابوعسل السيد احمد
انعام عبد الحفيظ
bayan
Dr.Saeed Zakarya Saeed
Giwey
Sudany Agouz
Abureesh
بلدى يا حبوب
Shams eldin Alsanosi
Yassir7anna
Sahar Abdelrahman
منعمشوف
Afifi Mahamed
kamalabas
hatim
Osman M Salih
Yaho_Zato
معتصم الطاهر
khaleel
Inaam Saad
alfatih
خالد العبيد
bakri abdalla
القلب النابض
عاصم ابوبكر حامد
Yassir Tayfour
احمد العربي
abas
Ahmed El-Neel
munswor almophtah
المسافر
ahmed haneen
عبدالرحمن الحلاوي
محسن خالد
عبدالرحمن عزّاز
بدرالدين شنا
هشام المجمر
AnwarKing
ولا كوامر !
elsawi
Ibrahim Algrefwi
خدر
مهيرة
Emad Abdulla
الصادق اسماعيل
Mannan
بكرى ابوبكر
خالد الأيوبي
محمد محي الدين
أسامة خلف الله مصطفى
عمر عبد الخالق سعيد
الواثق تاج السر عبدالله
فيس بوك
تويتر
انستقرام
يوتيوب
بنتيريست