دعواتكم لزميلنا المفكر د.الباقر العفيف بالشفاء العاجل
|
|
 تماضر تمثل السودان فى الشارقة
|
الاخت الصديقة عضوة البورد الفنانة تماضر شيخ الدين
تمت دعوتها من قبل دائرة الثقافة والاعلام بالشارقة ياسم السودان ضمن كوكبة من الاسماء المعروفة فى المسرح العربي للمشاركة فى ايام الشارقة المسرحية فى الفترة من 19-29 مارس
نهنىء الاستاذة تماضر بهذا الاختيار ونتوقع ان تكون مشاركتها اضافة للايام
بورداب الامارات على اهبة الاستعداد للاحتفال بالفنانة تماضر
|
|
 
|
|
|
|
|
|
|
|
Re: يا يورداب (Re: mohmmed said ahmed)
|
الأخ محمد سيد أحمد
تماضر وجها سودانيا مشرف
وياريت لو كل الفنانين زي تماضر حاملين الهم الوطني
ومدركين لنبض الشارع.
لبي يا تماضر وشرفينا.
فاكر لما قلت ليك أحسن الواحد يمشي بيتو ينوم بدل متابعة تأبين علي عبدالفتاح والتسويق للمؤتمر الوطني ؟؟
| |
|
|
|
|
|
|
|
|
|
Re: تماضر تمثل السودان فى الشارقة (Re: عاطف عمر)
|
خالد عويس
شقيقى الجميل
يوسف الولى ..الكريم
على اسماعيل "الاديب"
نشأت الامام
"انت الكاتل الجدادة وخامى بيضا" ههههه
وعاطف عمر
تمنياتكم لى بالتوفيق..هى نصف ذلك التوفيق
والباقى شوف العين
متعنا الرب بصحبتكم الكريمة قريبا
| |
|
|
|
|
|
|
|
|
|
Re: تماضر تمثل السودان فى الشارقة (Re: Ahmed El-Neel)
|
طم طم ..
النخلة القُنديله .. الطاعمة
مبروك ليهم .. بيك
يا الدايماً فووووووق ..
وبيسحروك يا نخلة بكل ضيّك ده ..
عصام عبد الحفيظ مدعو إلى النادي السوداني في الإمارات الأسبوع الجاي لإقامة معرض .. طبعاً بالتنسيق مع حمزة سليمان .
و ح يجي الدوحة من هناك .. و يمكن معاهو محسن خالد .. ( وفي بحر وكورنيش و .. - سنديهات - كتيرات ... قولي ليهو ) ..
و طبعاً لو إنتي ما جايه .. عصام و محسن خليهم يقعدو قبلم ( ناقصين بلاوي نحنا !!!! )
هههههههههه
تماضر .. ونسة عمك ( خالد جبريل ) اللله يرحمو كانت ممتعة ..
وسمية الفنانة .. و نادرة .. محمد ..
و الوحيدة الكنت بتكيف لمن تدلعني هي ( الله يرحمها ) عشة زيادة ..
أها .. طلعت قريبك ولا لأ ؟
هسي أقوم أكورك ؟؟؟؟
..........
سمعت أمس في الليل عامر الجوهري في تسجيل من جلسة لذيذة في بيتي في الرياض
غنى : ( نحن حافظين لودادك ) لأم بلينه السنوسي
يا الللللله يا تماضر ..
شفتي الزول ده بينكت الدهب المدسدس ..
و يلمعو يلمعو يلمعو ... لمن يبقيهو حاجة بلورية وشفافة ..
وبعدين ... يلحقنا أمات طه بجرعة جن أحمر زي دي
.........
مبروك للشارقة و أيامها ..
و لينا ..
| |
|
|
|
|
|
|
|
|
|
Re: تماضر تمثل السودان فى الشارقة (Re: Emad Abdulla)
|
تماااااضر والله تستاهلى
اختيار موفق مليون بالميه
عارفه يا تماضر نحن بينا وبين الشارقه دى خور بس
عارفه يعنى شنو خور ؟ يعنى ممكن تنطى وتتلبى بى جاى
واهو احمد العربى ده متعود على الطلاات البترد الروح
ولو ناس الشارقه عرقهم بقى قوى ومسكوك
بنتلب انا وصفيه وحات الله نجرك جررررررررررررر
لك الحب والمحنه .. ومن دربى ده ماشه ابشر صفصف
اوعك تعتذرى بنطققق عديــــــل
| |
|
|
|
|
|
|
|
|
|
Re: تماضر تمثل السودان فى الشارقة (Re: soma)
|
نرحب بالأصيلة تماضر في ارض الإمارات
ويسعدنا أن نلتقي بسفيرتنا الفنية
ونتمنى لها التوفيق في مهمتها
مع شكرنا وتقديرنا لأصدقائنا في الشارقة
رغم الظروف الصحية التي حرمتنا من حضور نشاطاتكم نحييكم وننقل لكم إعجابنا
| |
|
|
|
|
|
|
|
|
|
هوى (Re: mohmmed said ahmed)
|
هوى
يا ناس قطر والدوحة ومسقط والبحرين
كدى روقوا المنقا تماضر دى اول بالتبادى تشرفنا وتحسن تمثيلنا فى ايام الشارقة المسرحية
وبعدين نحتفل بيها
وبعد داك ينظر ويفاد
| |
|
|
|
|
|
|
|
|
|
Re: هوى (Re: mohmmed said ahmed)
|
Quote: يا ناس قطر والدوحة ومسقط والبحرين
كدى روقوا المنقا تماضر دى اول بالتبادى تشرفنا وتحسن تمثيلنا فى ايام الشارقة المسرحية |
الشارقانا في الشارقة ؟
يا ألف مرحب بي ست الناس ..
من هسي يا تماضر أول غدا ليك في الإمارات علي ..
(عن إذنك يا محمد سيد أحمد) 
| |
|
|
|
|
|
|
|
|
|
Re: هوى (Re: تيسير عووضة)
|
تيسير و محمد ...
الشفقه طايره ..
و بعدين الزولة دي طلعت من ( أندنا ) ..
يعني دونقولاوي ..
روقو اللعب شويه
تماضر لينا .. تماضر لينا .. تماضر لينا ..
down down USA
| |
|
|
|
|
|
|
|
|
|
رد (Re: mohmmed said ahmed)
|
صديقى هشام خلاص من هسا نسق لناس ابوظبى يشاركوا كيف فى الاحتفال بتماضر
جهزنا الفنان باقى الخروف
تيسير يفاد بقبول دعوتكم وتسجل فى القائمة
عماد اها كدة فتحتنا لينا باب الدناقلة
يعنى عشا ابناء الخندق وفطور ابناء السير وشاى ابناء ناوا
يازول تماضر دى ثروة قومية
وكل الاقاليم تطالب بيها
| |
|
|
|
|
|
|
|
|
 Re: رد (Re: mohmmed said ahmed)
|
Quote: تيسير و محمد ...
الشفقه طايره ..
و بعدين الزولة دي طلعت من ( أندنا ) ..
يعني دونقولاوي ..
روقو اللعب شويه
تماضر لينا .. تماضر لينا .. تماضر لينا ..
down down USA |
ألف مرحبا بالحبيبة الفنانة
مشتاقين نشوفك
شكراً أخي الحبيب محمد سيدأحمد
| |
|
|
|
|
|
|
|
|
|
Re: رد (Re: lana mahdi)
|
كان كدى النفلفل لى رز............
ودى مقولة بتتقال لما زول يتفاجأ بى وجود ناس كتار ..وهو ما جاهز ليهم كويس
واصل الحكاية انو صديقنا مهلب "الفى السعودية الحى وموجود ده" قال انه قريبتهم وهى ساكنة فى الخرطوم و ميسورة الحال
وكانت يوم ما طابخة ومشت مع جارتها للاسبتالية والبكيات ..ولما حامت زين وجات راجعه البيت لقت ليها راجل يتوضا فى الماسورة البرة
وفى النجيلة راجل فارش التبروقة بيصلى ..وقدام البرندة فى مركوبين تلاتة ..كدى وجوه فى مرة نايمة فى السرير التحت المروحة ..وفى مرة تانية بتصلى فى مصلاية جنبها ...وشفع بتجاروا ..وكلهم اهلها وجايين من رفاعة....
بس بقى السيناريو كالآتى، مع ملاحظة انه المرة لجنة وبتنطق الحروف بطريقة "مختلفة" يا عملات نادية العسولة "الشارع ده نحن بنحبو" اها ما اطول عليكم السيناريو بقى كما يأتى:
ازيكم الله يسلمك الله يبارك كان كدى النفلفل لى رز، تسلمى حمد الله على سلامتك بركة الشفناكم طيبيبن ، الا كان افلفل لى رز، الجيتو منهم.؟ ان شا الله طيبين، لا بفلفل لى رز، ............الخ الضيوف.
اها معكم سوما وتيسير وبيناتكم خور كان كدى النفلفل لى "نص" وهشام المجمر والمساف الله يبارك فيكم علا كان افلفل لى "نص" وعازمننا غدا ؟؟ عاش من شافكم يا ناس النيل واحمد بابكر وعماد عبد الله طلع قريبنا لا بس حسى بمشى أ فلفل لى "نص" وكمان لنا مهدى هناك لا لا بفلفل لى نص.................هههههههه
والله يجازى محنك يا ملهلب.....
محبتى لكم جميعا ...ولو يا تيسير جيت راجعه امريكا دى زايدة نص رطل ..وزن ...الكلام ده بعدين بتابيهو....."من حسة شايفة صفرتك" ههههههه
حب شديد....
يللا لمن نشوفكم
| |
|
|
|
|
|
|
| |
mohmmed said ahmed
ALGARADABI
الزنجي
بكرى ابوبكر
Tragie Mustafa
عبدالرحمن الحلاوي
abas
Tumadir
يوسف الولى
nashaat elemam
عاطف عمر
احمد العربي
خالد الأيوبي
Ahmed El-Neel
Emad Abdulla
المسافر
هشام المجمر
تيسير عووضة
lana mahdi
فيس بوك
تويتر
انستقرام
يوتيوب
بنتيريست