دعواتكم لزميلنا المفكر د.الباقر العفيف بالشفاء العاجل
|
|
 تحية الى الجنس "اللطيف" ....رجالا ونساء
|
هاهى الشمس تجلس فوق سرير السماء كأم
وضعت شعاعا فى جيوب اطفالها
فانطلقوا منتشرين فى المدى ..افسح ما يكون المدى
وفوق سقوف الجبال .وعرض المحيط..وفى اليابسة
التحية لكم ....
التحية لكم...
التحية
لكم
|
|
 
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
لو كنت ساحكم هذا العالم
لجعلت الايام
كل الايام
اليوم الاول من اجمل موسم
ووضعت على عتبة كل امراة ...قمرا
قلبا حنوا ..فى تفاحة ادم
وترا..قلما لونا... للطفل..حتى يتعلم فن الحلم
البست الحرية ثوب زفاف
له اجنحة من ورق الصفصاف
وفرشت لها عشب العالم..
مدارا ..مدارا
قطرا قطرا..مدنا وقرى
قطبا قطبا
خطا ..جغرافيا تاريخيا ايدلوجيا
شوقا شوقا
حلما حلما
حزنا حزنا
لامتعها بالتطواف
وذبحت لها ...قربان "الخوف"
وزرعت على جنبى موكبها ..
سنان رماح البغض الانسانى عبر التاريخ
واسمد طينتها من عطر الانجازات الكبرى
وارش عليها..مطر سلام
حنى تتفتق احجية نبتا اخضر
يرتاح الشهداء على ظله
وازوجـــــــــــــها ...للحب
لو كنت ساحكمه ..لوضعت نقود العالم فى "صرة"
اربط معها عنقاء البغض وغول الشر
واضعها فى مركبة
واتوهها فى عرض فضاء مبهم
هذا لوكنت ساحكم
لكن اعلم انى اتنحى فى صبح اليوم التالى
من اجل عيون ...اهواهـــــــــــا
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: dreams)
|
يا سلااااااااااااااااااااااااااااااااااااااااااااااااااام
اهلااااااااااااااااااااااااااااااااااااااااااااااااااااان
و اعضّك في انف كل الشوق الكبير ليك
ياخ
مشتهي انضم معاك
و
جاي ليك .... بالجد جاي ليك
و
سلام حتي مطلع الامر
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: عبد الباقي الجيلي)
|
عاصم الحزين
كم كانت قراءتكم الشعرية انت ومحمد الفاضلابى "ذات غرفة فى البالتوك" مصدر امتاع للجميع ..ومصدر دهشة لى انا شخصيا
فنحن لم نتعرف على كنوزكم كلها بعد ...وتبا للمهاجر والشتات ...اعضك على انف الشوق ...وسلام حتى مطلع .....الامر..وما اجمللك!!!
عبد الباقى الجيلى
دعنى اشيد بالمرابضين والذين احرقتهم شمس الحرية فلم يلوذوا بظل ..طليل
من خلالك
وسياتى كل فى مقامه
لك الود المبتل
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: abuguta)
|
غسلوا مخي ........لكن... بديت أشوفك وأحسك بصورة أفضل
شفت فيك حاجات أكثر جميلة أكثر .....كنت بعد كل جلسة غسيل بنهض في مكان ... أقرب مني ليك
وابعد ...مني ليهم .........
لك ملايييين التحايا والود
...........................
يمكنك الإتصال بالأخ عمر عبد الله أو الأخ أبو الريش أو الأخت رجاء
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Bakhaf)
|
بخاف
شكرا..البورد والله حيحلى اكتر لما يرجعوا كل الناس الجميلين المشوا
وساكرس نفسى لدعوتهم وعودتهم
عمر الماحى ...لك التحية والانحناء
على كلامك
انا لسه معركة غسيل المخ دى ما انتهيت منها...
لكن حدها قرب...الدنيا فيها حراس..زى ما فيها حرامية
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
الغمامه عاصم الحزين كتب
الهكرز والحـــــــــــب
Quote: تعرف يا تراث
بعد اهلاً
و عضّي لك في انف حضورك الناصع هذا
بالجد بكييييييت حد الدمعة ارهقت عيناي بالضوء
انا معاك
و
تعرف
هنا في الوطن كلّما نجدع نشيد مليان حنين ينبت الشدر الحلال مليان وطن .
و يدي حين تكتب الحب ، لا تسمّي هذا ترفاً في زمان الحرقه و الموت و الذبول .
هنا لي اصدقاء يتجوّلون معي في انحاء اقاليم اليومي المليئة بالقيامة و الحسرة و الاسف و الندامه .
لا تهمّنا كل المعارك التي هنا لأنها لا تعبّر عنا .. او بالاصح اكثرها.. و لكن تهمّنا جداّ كلمة حب نطفئ بها ظمأنا للتسكّع في اراضي الحلم بغدٍ مناسب يسعنا جميعاً .
و اصدقائي يفرحون بيدي حين تكتب ، لأنها رغم القتامة و العويل قادره علي منحهم الابتسامه ... او الحزن بشكل مناسب حين الحبيبه .
للخيبة هناداخل الوطن طعم مختلف .
و لايام الفرح ايضاً .
قبل فتره كنت علي وشك ان اغادرهم ... و حين عدت معافي ليتك كنت هنا لتري شكل الفرحه بهذيمة الموت .
ايضاً نعرف كيف نتعارك ..و لكن بهدوء و بشكل معافي .
ما يحدث هنا يصيبنا بالغثيان ... و لكن نبرّر قعادنا بأن نفعل ما نراه مناسب ..و نعبّر عن الورده لا شوكاتها .
و ربما يصينا العطر ذات نسيم من جهة الحب .
تعرف
احترم ماركيز حين سألته ( مجلة الكرمل ) لماذا تكتب و قال :
( ليحبّني اصدقائي )
و ايضاً
ليحبّنا الاصدقاء نفعل كل هذا الضوء و نتنفّس احساسنا بروعة الحلم فينا و شموخه .
لك العافية يا وريف
و
سلام حتي مطلع الامر
و
( الوردة لم ينطفئ عطرها انما خيّل اليهم ) |
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
....
....
" , السلاةُُ والسلامو عليك يا مُهماااااد!!!
تماضر حته واحده , بعدين الكتابة قطعه منك !.
يامرة انتي تاني بيهكروك علينا , موش قالو ليك بطلي, وسوي واتركي خلاص "اتحجبي" باجمل الاشعار والاغاني والاقتراحات المضيئةوالمواقف ال كالعصافير الجارحه,والعمل من اجل وطن حُر ديمقراطي ومتعدد , هذا بالاضافة للمحْبه .وسلامالعالم
فوالله ثلاتُ ..!
ما يحُفك من نُبل مع المعرفة والجمال يعادل ما بجيش تحرير حزافيره
....
....
أنا كُنت عارفك انكي جايه جايه وما هتمشي "الا حُمار الوادي يهنق" ..!
والله لكم "لطيف" ما فعلت ,
التحية دخلت الروح يا ستي ,,يلا ابسطي
.......
.......
سلامي لدواخلك , وما يحيط بك و من ناس وشجر ونوافذ , كتب وكراسي وحتي المكنسة الكهربائية وكوب الماء , وسلامي للشباب الذين هُم اولادك ايضاً , واخص البنات بسلام ذايد شويه كده, وأتمني لكي العنبر,الموسيقي , والهدؤ , والف خمسمية تلاته وعشرين ضحكه في الساعة..!
| |
|
|
|
|
|
|
|
|
 Re: تحية الى الجنس "اللطيف" ....رجالا ونساء (Re: Tumadir)
|
جرانى احساس الجمال
جابنى للوردة الشذية
ختا جوايا الاحتمال
وشان لقيتك ببقى فرحان
ياالسمحة ست الخصال
تعالى يا تماضر زيدينا عطرا
كتبت فيك قصيدة زمان وكت كنت متواصل
سميتا تماضر بت عمى شيخ الدين ما عارفا مشت وين هسع
ليك جرادل جرادل من عطر الصندل بمقدمك
جيت الليلة بعد غيبة صيفية
| |
|
|
|
|
|
|
|
|
|
عودة (Re: Tumadir)
|
ندخل فى المحرقا
ونطلع متل اللقا
ليك رقصة حلفاوية
وزفة مصرية
وكمبلا غرباوية
| |
|
|
|
|
|
|
|
|
|
Re: عودة (Re: عبد المنعم سيد احمد)
|
مرحبا
ايها المحرك اللغوي النفاث تماضر
هنيئا لنا بك
ولمنبرنا بك
ولعالمنا أيضا
... كدت أمر ، يا لكثافتي ، على العنوان مرور اللئام
ولكن الله (لطف)
متعينا بهذا الضياء الابداعي مليا
| |
|
|
|
|
|
|
|
|
|
Re: عودة (Re: فتحي البحيري)
|
ابنوسة
ومن لى بهذا اليقين
لك المجد ولنادوس الشرفات الجميلة
ود قاسم
ومنو القال انا ما حانة " اليكم" ؟؟ كلى حنين
والهاكر والمهكور كلاهما ...فى النت
مراويد
لك ولتراث الاصيل وللحزين الحنين ...عشقى المؤبد
سجيمان.... وسهلا...
يعنى بعد فصاحة لسانك دى كلها...غالبك التقولو ؟؟ ههههها
الجريفاوى
وصلنى نبضك ..وعلية اشكرك عبير الشكر...والسلام عليك يوم ..تجىء ويوم تغيب ويوم تكتب ...ليا
عمر على
مع جزيل التحيات ...خبرنى كيف يمكن ارسال ايميل لك..بعثت لك برسالة واطنها شابكة فى عمود تلفون جنب جبل فى الشرق الادنى
حقيقى عندى موضوع هام يتطلب اهتمامك ..ولك الشكر
زولا..ورده اجمل منك؟؟؟ اسعدتنى مواقيتكم الطيبة فى البالتوك ..ولولا تلك الامسية الدافئة ..لما كنت ساقدم على خطر العودة الى هنا..لك
ولجميع الاصدقاء ..كل انسام البحار...
دقنا ..يا اخا الهدندوة..لك التراتيل الشجية واجمل الاحلام
ايمان احمد ..يا مهجة البورد المتوقدة
جاء بى اليكم الدفء..وكل الحنين...فلكم انفاسى واشجان الحروف
كوستاوى
كرمبة ولا ككل الكراميب
محمد سيد احمد ..يا شيخ جيلو..لك الوقار والسكينة ...وهمس النهر وجهر البوادى
عبد المنعم سيد احمد
مش عيب ما تورينى انت منو؟؟؟ كنا فرشنا السكة ورود
فتحى البحيرى
يا مرابض
لك احلام الصبايا ...والثناء الوفير
| |
|
|
|
|
|
|
|
|
|
Re: عودة (Re: Tumadir)
|
الهكر هكرى براي
منو البقبضو معاى
........
يا الهكروك عليا
......
يا ساتر من الهكاكير
....
الهكر داخل الميل على مسؤلية هاكره
.....
هكرونى ليه ليه
سابونى اعمل ايه هنا
....
اذهب للبورد كاتبا
وساذهب للياهو مهكورا
.....
بينى وبينك والهكرات
قصة ميل طويله
.....
مرحب بالنسمه الخريفية تماضر
| |
|
|
|
|
|
|
|
|
|
Re: عودة (Re: Tumadir)
|
تماضر
| Quote: يعنى بعد فصاحة لسانك دى كلها...غالبك التقولو ؟؟ |
مندهش
من شجاعتك..ورباطة جأشك
| |
|
|
|
|
|
|
|
|
|
Re: عودة (Re: سجيمان)
|
نصار
مودتى
احييك وانت تحول ونسات البالتوك الى فعل ايجابى ومنابر
وتعطر الصمت بنسيم الهتاف...
ولك الشكر مدرارا
وانهارا
ناجى الزبير الملك
وشكرا مديدا لك
نيازى مصطفى
لن نتمنى عودتهم فقط ..ولكنا سنعمل على ان يعودوا بالنداءات الجميلة
فالنجوم لها موهبة الاضاءة..
الفاتح
وا خجلتى الما شفتها ..حافتشها وازركشها واتغتى بيها وافرشها...
واجيها ليك..عند حضرتك..
رايك شنو؟؟
اوسلى 2 ..... يا منضبط
مرحب بمجهوداتك المثابرة...(وان شا الله خير)
سجيمان...
برضو فيك الخير... ويا مراحب
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Adil Ali)
|
يا تماضر سلام
انا بحب النسوان المهكورات
عشان كدي احبك حقيقة واحبك مجاز
ياست الاعجاز شافوكي لابسة كل ثوب لي السودان سمح ماعجبهم , شافوكي شماليه شافوكي شراقية وغربية وجنوبية,شافوكي رمز لوحدتنا,شافوكي اصاله ارض غاليه عشان كده حاربوكي . لكن لقوكي دهب كلما يضربوه يزيد لامعان,
المعجب
ود عوج الدرب
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
Quote: نفد المداد ..فاعتلت القصيدة سقف المنازل
انحبس صوت المغنى ..فامتدت الاغنيات ..صارت شوارع خلف المنازل
ومهما تسرب حزن .بقلب محب..
يصير البكاء ..وشيكا.. منازل |
تماضر يا أيتها المهكورة..
حبا ..وشوقا.. وأبداعا يعجز عن الوصف..
لقينا الصف طويل ..قلنا نخت لينا طوبة نحجز بيها..
لك الشوق مدرارا ..والأمنيات بقراءتك من جديد بعد الهكر..
والله يكفيك شر هكرو,,,
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: salwa elsaeed)
|
سلامات
وعوافي
واخيرا احرقت استار الغياب .. ومددتي نشوة الحرف كفوف للتصافح والاباء ورونقتي التعابير النبيلة باقات زهر واقحوان ..وعلي شفاه الغيوم رسمتي لوحة الحضور النضر وطرزتي جيدك والجبين يالعزة والشموخ وعلي وقع خطواتك صوت خلخال من عتاد الصبر واليقين...
مرحي مرحي ياسلافة الوعي وياقربانة الحالمين..
والمحبة نيلين وشواطي ..وهموم..
عزة تضحك بي اباها وبي صباها
عزة شايلة ريد الدنيا منية ومبتغاها
....
والحنين كيمان كيمان
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: salwa elsaeed)
|
عادل على
حباب حبابك
والله ما يطفى لى حبيبا جذوة الق
سيف مساعد على
توعدنا وتخلف بالصورة
نسوانك عندنا مهكورة
مهكوووووووره
هاهاها
انا جيت مدرعه المرة دى ..كنت بتحاشى المحكات الخطيرة ..وبحتمى باللطف لكن يبدو انه ده لابد منه
والله كبير
شكرا ليك
عبد العزيز خطاب اخوى الجميل
بتقوى بيك وبى نداءك الجميل لى "ام سارية" انا جيت ..ابقو رقاق يا عملات واحد من الاعضاء هنا ضحكنى تعبيره دة ..معليش ما متذكرة الاسم
هههههها
ايهاب الطيب
تعبتكم بالحرد والرجوع؟؟
اها دى قعدة ...اقرب من حبل الوريد...فى الذمة..والف موكب من جمال ليك يا اصيل
والبهكرك بحدر ليك فى الضلمة
عادل عثمان وسلوى سعيد
يااااامراحب ..وتشكراتى العامرة ...
| |
|
|
|
|
|
|
|
|
 Re: تحية الى الجنس "اللطيف" ....رجالا ونساء (Re: Tumadir)
|
ياااااااا
أول حاجة نبدأ بالمواجبة. مبروك زواج الصادق وهالة.
ثانيا أعجبتني حكاية الجنس اللطيف رجالا ونساء، وأرجو أن نكون منهم
Quote: هاهى الشمس تجلس فوق سرير السماء كأم
وضعت شعاعا فى جيوب اطفالها
فانطلقوا منتشرين فى المدى ..افسح ما يكون المدى
وفوق سقوف الجبال .وعرض المحيط..وفى اليابسة |
وهاهي تماضر تجلس في قلب البورد وفلوب محبيها مثل الاهة من آلهة الأساطير القديمة.
يابومرووة. بالله واحد يخت لينا أغنية كوني الكلمة لصمت الليل وكوني النجمة تحية لتماضر
وتحية لكل الجميلات والجميلين هنا.
وننتظر الغائبات والغائبين، رجاء وراوية وهالة ويمنى قوتة ممن أذكر
| |
|
|
|
|
|
|
|
|
|
بدر الدين..الجندرية..سماح .. فيصل النعيمة وعالية (Re: Alia awadelkareem)
|
بدر الدين حلاة
ياخوى الهاكر عزو مستريح
ساو جككك!
ياحليلك ...
الجندرية
الاخطبوط انا البجيبو ...مترقباك..ومشتهية فيكى "مداخلة"
سماح اهلا بالسمحين الجايين من جيهة السمحين ...الما ببرد كراعك شنو؟؟
فيصل كل النعم.. ويا الف مراحب
دز ياسر الشريف
وهاهو الدر يتناثر منك كما المطر
الجنس اللطيف فى..فى الانس فى وفى الجن فى ... ما بقالو على ذوات ثدى
تحياتى العامرة ..لك ولاهلك الصادق وهالة
عالية العالية
انا كايسة ليك من امس ..داير الاقيك فى دارك العمرتيها بى..وهى عامرة بيك
ما لاقياها
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
سألونا: وين المحكمه؟
وشنو القضيه المولمه المرفوعه ضد المتهم؟
النيل رفض مرقت مياءهو على الارض
أبت السحابات النزول
نقصة فصول العام فصل
اتلمت الجهله وبكت عين البهايم وسرّبت فينا الحنين
جّلينا من حكماً قديم
ووقعنا فى حكماً اليم
اشمعنى ما بدت المداوس منم هنا ؟
اتلم فى اللون الغناء
وجواب دموع الغايبه بسأل عن ...
مزاد لوحه وطبق
ما....
كلنا الودران وواقف جوّه فيك
مستنى جيتك رسمى
شان
يتوزع............. السيف والدرق
لا اكلنا يوم
لا نمنا كوم
لا صحوه لا اتلمينا قوم
لا شفنا ضوء لا ضلمه شان نعرف نحوم
القاضى والجلاد
مكّتف فينا سرساراً يصوم من السكوت
من صباحاتنا البيض
الفاق كتل فينا النفس
الخايف المندس يحرّش فى الضياع
حاحا ويشّرك للضماير فى البيوت
محمد عبيد الفاضلابي
من الليلة ديك
وسلام كثير بعد الغياب
| |
|
|
|
|
|
|
|
|
|
المهندس ..عادل اسحق ... وعمر ابراهيم (Re: omer ibrahim)
|
المهندس
تعرف انا بفتش للمكان البسجلو فيه الاعجابات ...عشان اسجل فى سجل الفاضلابى...حبيت شعرو ولنبهرت بذخيرتو المعرفية واللغوية ...لما قرا شعرو فى البالتوك ...فى الليلة ديك ... فساعتبرها دى منك معزة خاصة لما تحتفل بى بكلمات فاضلابى ...لك دفىء الشعور
عادل اسحق
عادل وجودك بكملنى... وكلماتك بتطيب خاطرى ...الشكر مجدول... اليك
عمر ابراهيم
وانا الاشوق... صدق؟
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: MUNA OBIED)
|
العزيزة تماضر شيخ الدين
كنت أكتب بطريقة " إلتقاط الحروف"
ولهذا جاء ترحيبي ـ أعلاه ـ مقلاً في
عدد كلماته.
مرحباً بك ِ مجدداً . في إنتظار أعمالك ِ
الجديدة. هل طالعت ِ ما تركته لك ِ في
بوست الخواض الذي خصصه لك ِ
في فـترة غـيابك ِ الأخير؟
خالص الود والإحترام
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: MUNA OBIED)
|
الحاضرة فينا ألقا : تماضر
تخريمة : ( قسمينا زي ما عايزة يا ستي !!! ونحن قبلانين ).
واذا كانت ( الشمس تجلس فوق سرير المساء كأم وضعت شعاعا
في جيوب أطفالها ) كما تقولين ..فأنا نراك في خيوط مساءاتنا
الحالمة تتمخطرين .. لدروبنا تعطرين .. وفوق هاماتنا تسرحين
وتمرحين.. تغنين وترقصين .
عطر الله دروبك سيدتي الجميلة.
خضر عطا المنان
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Abdalla Gaafar)
|
عبد الله جعفر يا صاحب الحروف الخريفية
وما ادل على افتخارى بهذا المكان الا لانه يضمنى تحت سطح سايبيرى واحد مع من مثلك ومثل ابكر ادم اسماعيل ...ولنحلم بعودة كل الفراشات المسافرة..
اين ميرفت وسمندل ونجلاء وشيرى وبت قضيم ...واين النحيل...ليتهم هنا
لك تبجيلى على الاشادة بحروفى المتواضعة
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
انتظرناك بالحب طويلاً ولم نتعب
ننتظر جديد كلماتك الصادقة التي تضمد جراحات الوطن الغائرة وكنا في غيابك نقتات من الأرشيف ما تيسر من إبداعك فلم تغيبي عنا قط ولكن غاب الجديد من إبداعك...
فمرحي... ومرحب بالعودة الاستاذه تماضر فليكتمل العقد و أخواتك المبدعات في وطن الإنسانية الافتراضي لكي تزلنا غبار السنين من علي جباه أمهاتنا و أخواتنا و حبيباتنا...
يتها المبدعة
قدر المبدع ان يحتمل..كما الرسل من اجل إيصال رسالته إلي البشرية... وأنت لها ولا يدري الذين هكروا إنهم قد حكروك عميقا في قلوبنا... لك الود
| |
|
|
|
|
|
|
|
|
|
Re: تحية الى الجنس "اللطيف" ....رجالا ونساء (Re: Tumadir)
|
مامون خدر ازيك ..
رغم انو البوست دا تبع تماضر ..لاكين ..
تعرف يا مامون قالو النعام آدم(الله يرحمو) كان بغني في اغنية "مشتاقين انتا متين تجينا" ..
اها سمعو فراج الطيب (الله يرحمو) قال يا جماعة الكلام دا لغوياً كدة غلط ..الصحيح
أن يقول مشتاقون وليس مشتاقين..اها صاحبنا النعام آدم من الوكت داك بقى يغني:
مشتاقون.. انتا متين تجينا ..
سهرانون.. والليل طال علينا ..
دحين ياخوي مشتاقوون ..
اقعدوا عافية
قيسان
| |
|
|
|
|
|
|
|
|
 Re: تحية الى الجنس "اللطيف" ....رجالا ونساء (Re: gessan)
|
تماضـــــر
أول حاجه أنا كنت قايل البوست ده ( بايت )
لانو الايمات الفاتت كلما اللاقي ل يبوست معلق في الصفحة الاولي اللقاهو بايت احردو واطلع طوالي
اها الليلة فتحت ده .. وطوالي قلت كان لقيتو بايت .. والله تاني ما ادخل الا تجي تكتب بوست اعتذار .. اها الحمد لله لقيت البوست طازه .. لكن كمان قبلما الواحد يقوم يرحب بيك ساكت .. وترحيبو ده يروح شمار في بوست .. ورينا قاعده .. والا زايغة تاني ..
اااااي شان الواحد كمان ما يرحب ساكت
| |
|
|
|
|
|
|
| |
Tumadir
Abdel Aati
omer almahi
عاصم الحزين
عبد الباقي الجيلي
abuguta
محمد عبدالرحمن
Bakhaf
أبنوسة
ودقاسم
سجيمان
Ibrahim Algrefwi
omar ali
zola123
degna
نصار
نيازي مصطفى
alfatih
إيمان أحمد
Kostawi
mohmmed said ahmed
عبد المنعم سيد احمد
فتحي البحيري
osly2
تولوس
Nagat Mohamed Ali
Adil Ali
saif massad ali
عزيز
Ehab Eltayeb
Adil Osman
salwa elsaeed
ودرملية
بدرالدين شنا
الجندرية
Yasir Elsharif
Osman M Salih
ابو جهينة
و الإتنين من أغاني وردي ..
nour tawir
خضر عطا المنان
بلدى يا حبوب
أبكر آدم إسماعيل
Elmamoun khider
gessan
tmbis
Ishraga Mustafa
ملكة سبأ
فيس بوك
تويتر
انستقرام
يوتيوب
بنتيريست