|
دعواتكم لزميلنا المفكر د.الباقر العفيف بالشفاء العاجل
|
|
 Re: بوستات بايرة للبيع... (Re: Tumadir)
|
تماضر الظاهر بوستاتك دى حا تكون زى بيت هشام اخوك
وحاتك يا الغالية شهر تلاتين صباح نساسق على بيت هشام فى ام بدة
ولا طيب ولا باطل...اخر شى هشام قال للزول الساكن با اخى داير
اشوف البيت ده من جوه وبرضوا ما قدرنا..لان الراجل قال ما بعرفنا
واخر شىء هشام قال لى يلاك نوريك البيت الكانوا عايزين يبدلونى
بيه وداك برضو محله ما عرفنا..والنخيل تمشى وتضرب لى نوال وهشام
يقول بكرة نمشى لى محامى وانا اقول ليه والماشه معانا دى دلالية
(انتصار خالد) وهو يقول لى انا عارف ؟؟وانتصار تضحك وانا ما غتيت
بضحك بى بطنى والنخيل ماده قدومه..غايتو يا اولاد شيخ الدين
حالتكم تحنن...هو جنس بورة عاد...تماضر انا حا اسوق لى بوستاتك
دى لكن ما تنسينى من صالح العمولات،،،
البكى بحررو الجانجويد...علينا جاى اشترى بوست واخذ التانى هدية
وعليهم كمبيوتر قديم ...يلا علينا جاى بى قرش بى قرش الليلة بى قرش
| |
 
|
|
|
|
|
|
|
|
Re: بوستات بايرة للبيع... (Re: صديق الموج)
|
| Quote: حالتكم تحنن...هو جنس بورة عاد...تماضر انا حا اسوق لى بوستاتك |
فشررررررّ!
انا بوستاتى ما بتبور..
الليلة كان ما الانقطاع، مافى بورة واحده بتجيهن..
من ما الله خلقك سمعت قالوا تماضر عندها بوست بار؟؟ "معليش هى زاتها ممكن تبور لكن بوستاتها لا والف لا"..
واول مرة اسمع بى قصة بيت هشام ههههه
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
إخيتي تُماضِر
دحين البدل بينفع إن شاء الله بي كبابي شاي
باقي أنا عندي كميات من النوع الباير دا
كدي أعملي (سيرش) وشوفي جنس البوار الما خمج
خاصة:
أنا متابع حتي في مجلة الخرطوم
إسماعيل حميم
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
الأستاذة تماضر
أولا وقبل كل شيىء قد شدنى عنوان هذا البوست .. ثم غصت فى المواضيع " البايرة ".. على حد تعبيرك
الجميل .. فعلا .. هى أهم المواضيع وهى للأسف " بايرة ".. والسؤال .." كيف تحى العظام وهى رميم "
صحيح ان الخالق هو الذى يحى .. ولكن الخالق خلق لنا العقل لكى ما نفكر .. وخلق القلب للحكمة ..
ولماذا ننظر الى الى البعد .. والتخطيط للمستقبل .. فللأسف نحن نضيع الوقت والذى لا قيمة له بالنسبة
لدولنا الأفريقية والعربية .. فكفانا تعصبا وكسلا وتواكلا على الغير .. فلو كان كل حاكم يحب وطنه
لما وصلت تلك البلاد على ما هو عليه ..
هذا من جانب بوست الفقر .. والدول الفيرة .. والغريب البوست الخاص ب تيرى شافو التضارب بعينه
من حيث ما يحدث فى الدول الفقيرة وما يحدث فى الدول المتقدمة .. أناس يموتون من الفقر .. وأناس
يموتون من تنفيذ حكم الموت على الأحياء ..
فمثلا فى دولة كأمريكا .. انها عالم قائم بذاته .. التباين والتناقض .. القسوة مع العطف ..
على الرغم من أن قضية تيرى قد شغلت مساحات كبيرة على صفحات الصحف الأمريكية والتى كانت غالبيتها
تعارض حكم القاضى الذى حكم بنزع خرطوم الغذاء - الا انه نفذ الحكم على الرغم من كل الجهود
المبذولة .. وضرب بكل مبادىء الدين والعطف والحياة عرض الحائط ونفذ الحكم وماتت شافو ..
حقيقة كنت أود الكتابة عن صوت من الجنوب .. الا أننى وجدت من سبقنى قد كتب عبر هذا المنبر الكريم ..
هنا أود أن أنادى بصوت مرتفع .. اعجابا بشخصك الكريم .. وبالرغم من وجودك المتواصل على هذه
الساحة .. الا أننى واليوم فقط اكتشفت بعض المعلومات الجميلة والتى جاءت بمحض الصدفة عندما
ضغطت على اسمك بالخطأ فجاءنى " البروفايل "
عدد البوستات 9345 بوست
مكان الميلاد : القضارف .. وهنا مرت ذكرياتى القديمة بالقرى المحيطة بالقضارف .. لأن والدى كان
ناظر مدرسة أولية بقرية " القريشة " وكنا نمر على بعض القرى المحيطة .. شاشينة .. باسندة ..
دوكة .. التمرقو .. ثم حلة حاكومة على الحدود الاثيوبية ..
ومن ذاك " البروفايل " أحسست بطيبة أهل الريف وتواضع أهل الريف .. فهنيئا لك شخصك الكريم داخل
شخصيتك الكريمة .. ودمت ذخرا للسودان .. ولأهل السودان الطيبين ..
عمك العجوز
أرنست
| |
|
|
|
|
|
|
|
|
|
Re: بوستات بايرة للبيع... (Re: Sudany Agouz)
|
| Quote: عدد البوستات 9345 بوست |
كده ياسودانى عجوز اديتنى فكرة خطيرة: لما اقفل العشرة الف ببيعهم بالجملة واخد المعاش "الاختيارى" ههههه
شكرا يا صديقى على هذا المدح الوفير..واريتنى استاهلو
وشكرا على تكبدك مشقة مراجعة بوستاتى التى بارت...من شدة املاق..
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
الاستاذة تماضر ..
حقيقة .. كنت أنوى أن أعلق عن عدد البوستات .. ما شاء الله ..الرب قادر أن يزيد ويبارك ..
وفعلا .. كنت أود أن أقول .. عندما يصل العدد الى العشرة ألفا ، يجب على البورد تكريم
هذا المجهود الجبار ..
ولكن ..
ليس بغرض .. نزولك المعاش المبكر ..
المهم .. نحن بانتظار كل ما تجود به قريحتك من كتابات وتعليقات .. بكل شغف ..
ألف سلام .. من عمك العجوز
ارنست
| |
|
|
|
|
|
|
|
|
|
Re: بوستات بايرة للبيع... (Re: Sudany Agouz)
|
Quote: من ما الله خلقك سمعت قالوا تماضر عندها بوست بار؟؟ "معليش هى زاتها ممكن تبور لكن بوستاتها لا والف لا"..
|
طم طم
ازيك
موتيني بالضحك الله يخليك
يا خيتي مابراك
التجارة فيها كساد عالمي
لتدني مواصفات العرض
غايتو معولين علي الانتعاش الاقتصادي في عالم الاخر
بعد التغييرات السياسية الجديدة التي سوف تحسن من شروط المنافسة
وتقلل فائض القيمة..
محبتي
| |
|
|
|
|
|
|
|
|
|
Re: بوستات بايرة للبيع... (Re: Alia awadelkareem)
|
| Quote: لتدني مواصفات العرض |
"تفى" من خشمك هذه الكلمة المتواضعه يا عالية... المتدنى ده اى شى تانى الا مواصفات العرض..يمكن المتدنى هو مواصفات "الطلب"...
المهم الواحد لما يبور يبور بكرامتو...ولا شنو؟؟
ههههههههه
الاخت برضو من بارا؟؟
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
Quote: المهم الواحد لما يبور يبور بكرامتو...ولا شنو؟؟
|
طم طم انا التاجر
ما تنسي دي
هم البضاعة
دا اول درس في الجند ر
وعلي قول الكرامة دي ياختي روحي حرقتني منها....
تعرفي بتمني لو كنت مولودة من غيرة ...بالرغم انه لونة قوي جدا جواي
محبتي تبراك
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
تماضر تبرى من البورة ..
نحن لسه ما وصلنا مرحلة نبور ليك ( ليلة عروس النيل فى مركز كندى)
خلى البوستات الجديدة ..
وبناتى زعلانات عشان ما رديتى ..عليهن ..
كل يوم يشوفنها على النت وبس ..
ما دايرة تنزل ..
فالن ليك سارية ما عاوزنو .. امو طغيانة ..
| |
|
|
|
|
|
|
|
|
|
Re: بوستات بايرة للبيع... (Re: Tumadir)
|
لما قريت العنوان قلت تماضر عملت بحث وجابت أكتر بوستات بايرة في المنبر وحا تفضحني
قبل كدا كان عندي بوست بفكر فيهو تلاتة شهور وكتبتو في تلاتة يوم ويوم نزلتو أخدت ليهو إجازة من الشغل عشان أقدر أرد على الناس كلهم و...
لي الليلة زول واحد دخلو مافي!!!!
وكان ما أخاف الكضب بيكون نزل لي صفحة كم وتسعين
بالله إنتي عندك بوستات بتبور؟
العرسان ديل غبيانين ولا شنو؟
| |
|
|
|
|
|
|
| |
Tumadir
bushra suleiman
صديق الموج
Ismaeil H. Mohamed
Sudany Agouz
توما
Yasir Elsharif
معتصم الطاهر
محمدين محمد اسحق
فيس بوك
تويتر
انستقرام
يوتيوب
بنتيريست