دعواتكم لزميلنا المفكر د.الباقر العفيف بالشفاء العاجل
|
|
 انا ....قاااااااااااءعدة
|
قاااااااءعدة...زى الهمزه على السطر الشايفنها دى
قاااااءعدة ومتمحنة..فى عهرى وانطلاقتى وانطلاقة بتى..وسقوطى
حتى قالوا دنقرت وشهم...
صبرت قلت امكن وشهم يترفع ويكفوا عن الابتزاز والتهديد وانتهاك الخصوصية..
ومستغربة من حرامى ينط من فوق للقفص الصدرى..بتاع انسان تانى ..ويقول للناس لقيت عنده قلب..بيدق؟
ولو فى زول بفتش فى ملابس الناس الداخلية...حيلقى شنو؟؟
صبرت عليهم ..وقلت بيرجعوا..للحق..
لكن
مازادوا الا غيا..
اتذكرت شخصية شايكوفسكى . الرجل...المعدم الكان ماشى فى الشارع مطأطىء راسه ..من شدة املاق..فعثر على قرش ..ومن يومها لم يعد يرفع راسه عن الارض..فالذى يبحث عن كل ماهو (اسفل) وشو بدنقر...
لكن يا اصدقائى الافاضل..
قول ليهم قسما عظما
وحياة الله المعبود بالحق
وحياة ناسى..الامنوا بشخصى المتواضع ووقفو معاى
ولما اقول ناسى بقصد ناس بسكنوا فى ارجاء الارض واركانا
ناس بحملوا فكرة بتؤمن بالانسان..وكرامتو محل ماكان
وحياة بوسة يسرى ..ذات العشرة سنين..بترسلها لى من اسبانيا وما بقدر افرد طرف رئتى واتلقاها
وحياة الغم.. القسمنا.....الاتسرب فى اطمئناننا ..
وحياة سيرين التوزن مليون من نوعهم..لو فيهم حاجة بتوزن..
وحياة اهلى الدم ..واهلى..المن تالا الهم
وحياة قبر امى الماتت بى شوقها...علينا..ماتت دمعتا فى عينا..
وحياة فخرى البيك يا شيخ الدين..
وحياة العرق البخدم بيه كرامتى وانسانيتى ..واولادى
وحياة الحب..والخير والتكريس العايشة عليه للفن..والناس والحب والخير
وحياة السودان العايش جوا..الشريان...بعد ربانى
وحياة اطفال دارفور..
وقضية كل كريم ..فى وطن المليون جرح مربع
.....
...
..
وحياة..الله واسمو الاعظم..
انا مابسقط..يسقطوا هم...
وانا ما مطلوقة..ولا "طلقانة" ...
بسقطوا هم..
اى ..امكن اموت..
واصلى بموت...
امكن يقدروا يهزموا ...جسدى الفانى
لوبمقراض.. بيوت اشباح "النت" ينتفوا جلدى...ويمصوا الدم..
لكن ما بسقط..يسقطوا هم..
انا.. كل الناس المتراصة فى صف المستقبل..
انا... كل الناس الجارة الدنيا على قدام...والهم دايرنها تحتل
انا كل الناس الواضحة..وناصحة ...وتتفتق فكرة وصورة وغنية ومسرح ..وضو
انا كل الناس الشايلين بطاريات فى كهف العصر الحجرى ..ودايرين يقطعوا بهناك...
حيث الوعى ..
حيث حقوق الناس محفوظة..
وحيث ..عيونهم مفتوحة..وحيث رؤوسهم مرفوعه وشامخة
زى اعلى التل
وحياة اسم الله الاعظم انا ما ساقطة ..ولا عاهرة ولا مطلوقة
ولا بسقط..
...
واخيرا اقول ليك يا مجرم
انا وانت ..زى .. العصفور والبصقة
لو فكيت عصفورة وبصقة ..البمشى لاعلى منو.
ومنو البسقط لى .. اسفل؟
_____
اعزائى اعضاء وقراء سودانيز اون لاين...
تحياتى الحارة
اشكركم على سؤالكم عنى
وانا ما بعتزل
ها انذى اعود.. صفا واحدا معكم...انا وانتم نسورا فوق صخرة شماء
وانا فى حل عن كل رسائلى الخاصة...التى عبثت بها اياديهم الدنسة...وعقولهم الخاسرة
ارجو الا تستجيبوا لاى رسالة تجيئكم من ايميلى "الكان" فى الياهو او الهوت ميل...
ارجو الا تصدقوا هذه الرسائل المنشورة..فهى لا تمثلنى...ولا تعبر عنى..ولا املكها...
وما حادثة رجاء العباسى ببعيدة عن الاذهان
وبعد ان سمونى بالنعوت التى سمونى بها..ماذا يهمنى منهم
؟؟؟؟؟؟؟؟
تماضر شيخ الدين
ام سيرين
وانا امك يا سيرين
وانا اختكم ياشرفاء واختكن ياكريمات...السودان
_____________
نقلته هنا من بوست ود العباسية...تماضر شيخ الدين تعتزل البورد ...وحقوقك محفوطة وحقوق الاستجابوا ليك
شكرا ليكم لا تنفد
|
|
 
|
|
|
|
|
|
|
|
Re: انا ....قاااااااااااءعدة (Re: Tumadir)
|
مرحب بعودتك
تكونى ما تماضر لو ما قعدتى
وانت لم تخيبى ظنى فيك
ناس منظمة كير وافقوا مبدئيا على رعاية الحفل و سنناقش معهم التفاصيل بعد عودة الموظفه المسؤؤله بنهاية الاسبوع القادم و ساوافيك لاحقا بالهاتف .
اقعدى و ما عدمناك
| |
|
|
|
|
|
|
|
|
|
Re: انا ....قاااااااااااءعدة (Re: Ahmed Al Bashir)
|
Quote: وحياة اهلى الدم ..واهلى..المن تالا الهم
وحياة قبر امى الماتت بى شوقها...علينا..ماتت دمعتا فى عينا..
وحياة فخرى البيك يا شيخ الدين..
وحياة العرق البخدم بيه كرامتى وانسانيتى ..واولادى
وحياة الحب..والخير والتكريس العايشة عليه للفن..والناس والحب والخير
وحياة السودان العايش جوا..الشريان...بعد ربانى
|
تماضر...ارفعي صوتك هيبة وجبرة...
الحق يعلو ولا يعلي عليه....
| |
|
|
|
|
|
|
|
|
 Re: انا ....قاااااااااااءعدة (Re: Tumadir)
|
الرائعة تماضر
اقعدي كيتا علي قلوبهم ومصارينهم
يخلويهم يموتوا بي مغصتهم
ونحنا قاعدين هنا
ومعانا الكتيرين
منتظرين العرض القادم
بعدين يا تماضر
اعترافك انك قاعدة
بتوديك في داهية مع جماعة بن لادن
تسلمي وواصلي ابداعك
وانطلقي كعصفورة
ولا تلتفتي للبصاق
| |
|
|
|
|
|
|
|
|
|
Re: انا ....قاااااااااااءعدة (Re: ahmed haneen)
|
تماضر
الفنانة المبدعة
والانسانة الرائعة
انت قاعدة في قلوبنا
وقلوب محبيك في كل مكان
لك كل الود والمحبة
وعبرك التحايا لعرائس النيل
اللواتي يقتطعن من وقتهن ومن طاقتهن ليقدمن لنا هذا الفن الراقي
شكرا لك ولهن على كل شيء
| |
|
|
|
|
|
|
|
|
|
Re: انا ....قاااااااااااءعدة (Re: ahmed haneen)
|
أبشــرى بالخيــر يا أختى تمـاضــر..
ولا تلتفتى إلى هـؤلاء، فهـم لن يفلحـوا إلا فى سـرقـة الإيميلات ونشـر الخاص منهـا للعـامـة.. كما كان إمامهـم النميـرى يتسلق الأســوار على الأمنين الأبريـاء.
هـذه قصـاراهـم وليس لهـم شئ أخـر.
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
انا كل الناس الواضحة..وناصحة ...وتتفتق فكرة وصورة وغنية ومسرح ..وضو
انا كل الناس الشايلين بطاريات فى كهف العصر الحجرى ..ودايرين يقطعوا بهناك...
اه لو تاتين اه
كالرحيل
كالترقب وانتظار المستحيل...
يستحيل ان تهزمي
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
كلام من القلب تحول إلي لوحة فنية رائعة
مستوي حديثهم يدل علي أصلهم لأنو والله وصلوا إلي درك سافل...
لكن لي رجاء..ألا تجعلنا الأستنتاجات والعداءات السابقة أن نظلم أحدا ونبني مواقفنا علي ذلك
من الواضح أن هؤلاء ( أو هذا) السفهاء قد حاولوا الزج ببعض الأسماء لإخفاء شخصياتهم ومرمغة الأخرين معهم في الوحل.....
أرجو لهم الهداية ..فمن الواضح أن السم الذي لا يقتل يزيد من يتلقاه قوة ..وهكذا فعل معك يا تماضر...
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
قاااااااعدة ومتربعة فى قلوبنا
وجوووووووه احاسيسنا وجوارحنا
وانتى ان شاء الله
لا تفوتى لا تموتى
وتسلمى لينا يا ام سيرين
يا بت الرجال واخت الرجال
اشهد الله يا تماضر لم اٌقرأ ولا حرف يسىء اليك انت وبنتك هذه شيمتى لا استطيع ان اقرأ اساءة من احب ، وذهلت مما قرأت الان وحمدت الله انى لم ادخل فى هذا البوست .
ماذا تعنى اساءت اللئيم للكريم ،،،،،،،،،،
واذا اتتك مذلة من ناقص فهى الشهادة لك بانك كاااااااملة ،،،،،،
ووالله انك كاملة والكمال لله وحده
وتسلمى يا بت شيخ الدين ويا ام سيرين واخت هشام الدين
ولك الحب
ولك القيام
والاحترام
ام وضاح
| |
|
|
|
|
|
|
|
|
 Re: انا ....قاااااااااااءعدة (Re: abas)
|
رفيقة الدرب تماضر
مرحبا بعودتك وبالمناسبة ذكرتينى بكلمة انا قااااعدة ايام
المعهد التى لن تعود وبرضو خالدة الجنيد كانت بتكرر الجملة ولو إنى
ما متزكر تفاصيل قصتها شنو
بعدين بسألك إنتى ويييين المقداد؟ من سجل ما شفناهو تانى
مع تحياتى القلبية الخالصة
| |
|
|
|
|
|
|
|
|
 Re: انا ....قاااااااااااءعدة (Re: ابو عثمان)
|
وأنا وحياة (تماضر) ، ستظلى رغم أنفهم (تماضر) التى لا تطأطىء راسها لغير خالقها
تماضر الفضيلة
تماضر الأخلاق
تماضر الشرف
تماضر المبادىء
تماضر الطيبة
تماضر التواضع
تماضر الفن
تماضر الفرح
تماضر الأمومه
تماضر شيخ الدين
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضر البهية الأبية
أعجبني هذا القسم المغلّظ ، وأعجبني أنك كنت عند حسن من أحسنوا الظن بك ،، وأتحداهم أن يكتبوا سطرا مما تكتبين ،،
هؤلاء السفهاء سيظلون يمارسون عهرهم ، وسيستمرون في غيهم ، وأسوأ العهر عهر الجبناء ، وأسوأ الغي غي الأغبياء ،، فهم لا يجيدون اختيار الفريسة ، ليس كل من مشى على الطريق هو صيد سهل ، وليس كل من وجه اتهاما لشريف وجد من يصدّقه ،،
أرسلت لي إحدى الصديقات موضوعا كتبه هؤلاء السفهاء عني ،، وكانت تلك الصديقة في منتهى الحزن والضجر مما كتب عني ،، لكني حين قرأت الموضوع انطلقت مني ضحكة ساخرة بكل كلمة وردت فيه ،، إنه خط الجهلاء وخط المعدمين فكريا وخط الساقطين ،، أخذت الموضوع وأطلعت عليه زوجتي وأولادي فكانوا كلهم يسخرون من ما ورد فيه ،،
ما أراه أن ( تقعدي ) ونقعد معك كلنا ، ( قعدة رجل واحد ) ونتفق على أن النور فقط هو الذي يهزم الظلام ، وأن علينا أن نشعل شمعاتنا في كل الأنحاء ،، وسيتساقط الساقطون حين يعم الضوء كل الأرجاء ،
أنا من أهلك ، وأنت تاج راسنا ،، سلمي على سيرين ، ويسرى وأمها ،،،
| |
|
|
|
|
|
|
|
|
|
Re: انا ....قاااااااااااءعدة (Re: ودقاسم)
|
تماضر شيخ الدين
تحياتي
عودا حميدا
(واخيرا اقول ليك يا مجرم
انا وانت ..زى .. العصفور والبصقة
لو فكيت عصفورة وبصقة ..البمشى لاعلى منو.
ومنو البسقط لى .. اسفل؟)
سؤال بليغ و عميق
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
و أنا جماعة سلفية !! تجي ننسق مع بعض ونختطفهم رهائن ونجز منهم الرؤوس الصدئة ،وللزوم التنسيق ،إنتي قااااعدة ناس وين ، أي {القواعد} نزلزل بالثبات وقارها!
وناشدناك بكل الوعي الفيك ،، وخصمناك برسل المحبة أن تتجاوزي وتصوبي جهدك المقدر نحو المفيد
{ عندما قعدت في مقعد الغياب ، إجتررت تواجدك الدائم في نبضي كسائر الأغنيات التي افتتح بها يومي }
| |
|
|
|
|
|
|
|
|
|
Re: انا ....قاااااااااااءعدة (Re: أبو ساندرا)
|
أيتها القامة السامقة الشامخة شموخ نخيل بلادي لك التحية والتجلة وكثيف الاحترام
حقيقة لقد اثلجت صدورنا عودتك القوية هذه وهكذا هم دوماً الأفذاذ من مبدعي بلادي
فدائماً ما ترمي الأشجار المثمرة النضرة بالحجارة وما تسقط إلا رطباً وثمراً يفيد الجميع
لكي مرة أخرى أجمل التحايا ومزيد من الابداع ومزيد من التطور ومزيد من الصمود والتحدي ضد نوائب الدهر والازمان
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
اصلك قاعدة
في نبضة قلب البحبوك / البحبنك
وفي لهفة حلمنا للتحقق
في شاهق احزاننا النبيلة
ورفقة خطاوينا لبكرة
يا جميلة
حتمشي وين؟
اغلقنا عليك ابواب القلب
فلا مهرب
تلفونك خبارو ؟
وصينا ليك الحبايب
محبة
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
Quote: انا... كل الناس الجارة الدنيا على قدام
|
جرى جرك..ونحن بعاد لحقينا القيفة...وانشاء الله يا اختى شديد
هم يسئوا ليك وانت تدينا وتديهم الحصص..علنا وعلهم نستفيدون
نستفيدون دى جمع تكسير عشان جماعة( التكسير والفقره)
واصلى يا شفيفة يا عبقة يا اختى واخت باقى الرجال..التيوس يمتنعون،،،،
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
العزيزه تماضر
ام سيرين
تحياتي
Quote: ومستغربة من حرامى ينط من فوق للقفص الصدرى..بتاع انسان تانى ..ويقول للناس لقيت عنده قلب..بيدق؟
|
لا استغراب ياتماضر هؤلاء كما وصفهم حميد
ديل لابخافو من الحساب لابشبعو لابختشو
هزمتيهم بصمودك واصلي دربك ياام سيرين فشعبنا ينتظر منك الكثير ثقي بان هذه الزوبعة ستزول فقط بصمود الجميع وبتماسكنا سنهزمهم
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
Quote: وحياة الغم.. القسمنا.....الاتسرب فى اطمئناننا ..
وحياة سيرين التوزن مليون من نوعهم..لو فيهم حاجة بتوزن.. |
| Quote: انا كل الناس الواضحة..وناصحة ...وتتفتق فكرة وصورة وغنية ومسرح ..وضو |
صدقت عزيزي ابو جهينة ...كلا بليغ بجد..
الغالية بت شيخ الدين...رجاء لاتطيلي الغياب..
| |
|
|
|
|
|
|
|
|
|
Re: انا ....قاااااااااااءعدة (Re: tiger18)
|
الفنانة الراقية جداً
الانسانة الجميلة جداً
والمناضلة الشرسة جداً
تماضر شبخ الدين
مرحباً بعودتك القوية ، ومرحب ببوستاتك الرائعة ،،
لك كل الود والاحترام
ولأعداءك كل الخزي والعار والسقوط في مستنقع القذارة .. واللعنات
| |
|
|
|
|
|
|
|
|
|
Re: انا ....قاااااااااااءعدة (Re: tiger18)
|
: انا ....قاااااااااااءعدة...بس الأمريكان ما يقروها.....!!!
نصيحتى ليك انصحينى بيها،من تابع النت مات هماً ،حليل زمن الحمام الزاجل ...الماعندو جنك ميل...ولا فى ايدو قلم هكر...دائما توقعى الأسوأ فى زمن لايصح فيه الصحيح...دعى قوافلك تمضى ..عابرة للكبارى..الفيها العساكر تفتش قلوب الجهال..القلوبهم هوية...خمج..
واقعدى كما انت على بنبر المنبر ..وعوسى لينا كسرة الزمن الرهيف.
تحياتى
ودعزة
| |
|
|
|
|
|
|
|
|
|
Re: انا ....قاااااااااااءعدة (Re: democracy)
|
الأخت تماضر
مرحب بك بيننا ..
أختاً كريمة .. وبنت كرام ..
واثق الخطى يمشي ملكا ..
فكوني كما عودتينا ..
تماضر الإنسانة ..
تماضر الفنانة ..
تماضر الإبداع ..
لك خالص محبتي ..
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
البيت بيتك
اسرحي وامرحي فيه ذي ما انتي عايزة
واذا ماشالتك البيت نشيلك في حدقات عيونا
وارقصي وزيدي الساحة سماحة وهاتي شبالك
ونحن اخوانك عكاكيزنا معانا وسكاكينا في ضراعنا
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
الرائعة تماضر..
تعلمنا منك كيف يمكننا أن نحب ونُحب
فالطفل يصله الحب حين نربت بحنان على كتفه أو نتلمس شعره و نضمه أو نبتسم له ابتسامة صادقة أو نغني معه أو نندهش مثله أو نلعب معه ما يحبه من ألعاب أو نرقص معه.
فكنت انت وكنا نحن ذاك الطفل وكم نحبك
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
اقعدى ونورى البورد وارفعى اسم السودان فى الشتات ومشوار المليون خطوة والذى تجاوزت فيه كل تلك السنين التى مرت وانت تزداديى بريقا ورونقا حتما ستجدين من المتاريس ولكن عزاؤنا انك تماضر شيخ الدين هرم فى دنيا المسرح .
وعلى منوال اغنية الاستاذ كابلى اقول
يا بنية تنورى فى (البورد) تنورى
تحياتى
| |
|
|
|
|
|
|
|
|
|
Re: انا ....قاااااااااااءعدة (Re: بلدى يا حبوب)
|
مبدعتنا : تماضر
الا تعلمين يا سيدتي ان للابداع ثمنا باهظا ؟؟؟
انت لست اول من تعانين من أمثال هؤلاء ..
كلا ولن تكونين آخرهم ..
فالتحيةلك يا شمس الضحي ..
ورزازنا في الزمن اليباس
فانت يا عزيزتي صحيح قاعدة قاعدة !!
ولكن وين ؟؟؟؟؟؟ظ
في كل موجة تسري من نيلنا الخالد .. وفي كل رفة شجرة على امتداده من فكتوريا وحتى الاسكندرية
تعيشي عطاءا بلا منتهى
ولك المحبة والعشق النبيل .. يا نبيلة
خضر
[email protected]
| |
|
|
|
|
|
|
|
|
|
Re: انا ....قاااااااااااءعدة (Re: بلدى يا حبوب)
|
تمااااااااااااااااااااااااااااااااااااضر اقول تقعدي في شنوا نان؟؟
بدور اقول لك كل زول شقوا البريحوا في رقادوا بخبرو
وقعادك معانا بريحنا وبخلينا نحس بانوا الزول السوداني لسه
فيه نكهة الدوم الطيب الجميل ومرارة العرديب المعذبة الممتعة
سبق وقلت ليك يابت ياااااقدام وابشري بالخير
وانشا الله القعدة التانية يايما يوم حنتي في ( بوسطن)
ههههههه
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
العزيزه تماضر
حملنى الأخ فرحات من مدينة فلادلفيا رسالة لك يقول
نحن نؤمن بأنك تقومين بعمل جليل لنا وللسودان لدلك نحب ان نراك قويه وصامده
ولا تكترثي لما يقولون ... ونتمني لك المزيد من الإبداع والمزيد من التطور
وشكرا
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
1
ان القتيل مضرجآ بدموعه//مثل القتيل مضرجآ بدمائه
المتنبي
2
وخرجت مثل طائر الفينيق
من بين الرماد الذي ظنوا
انهم اهالوه عليها
3
وبذلك تذكرت بيتآ من الشعر
قالوه في نادي الخريجين في
الاربيعينات
وما حطموك//ولكن بك حطموا
4
يحكي ان صبيا حبس قطة في غرفة
واخذ يطاردها ويستفزها..فاستجمعت
القطة قواها....واندفعت نخو عنقه
فاذا هو قتيل...والابتزاز علي وضاعته
فيه فنون ...وهم لايجيدون حتي الابتزاز
4
صدقيني
سيهزم الجمع ويولون االدبر
| |
|
|
|
|
|
|
|
|
|
Re: انا ....قاااااااااااءعدة (Re: omar ali)
|
تماضر...
انتي زولا ليه قيمه!عيشي نسمه... او مع الايام سحابه
اشقي ادي الدنيا بسمه...واروي وادي واسقي غابه...
وشوفي كم من طفل واعد لم يعرف الكتابه...فعلميهم تماضر.... الفن رساله...
اقعدي وادي اكثر!!
غربه
| |
|
|
|
|
|
|
|
|
|
Re: انا ....قاااااااااااءعدة (Re: منعمشوف)
|
ذهبت الى احدى الوصلات
وهالنى ما قرات
شئ غير مقبول، وغير قانونى..
لايوجد خلاف مهما كان، يبرر مثل هذا المنحى اللئيم
تضامنى مع كل انسان تناوله هذا السقوط والاسفاف
| |
|
|
|
|
|
|
|
|
|
Re: انا ....قاااااااااااءعدة (Re: منعمشوف)
|
كثيرا ما احس بالاجحاف فى حق المساهمين عندما اجمعهم كلهم فى قائمة واحده واقول ردا واحدا...
سافعل ذلك ...
بيس من اجحاف..
ولكن من ضيق فى الوقت ..
اريد ان اخبركم ان كلماتكم تعنى لى الكثير..فى هذا الوقت بالذات..ودائما...
فالسمعة لا تعنى لصاحبها شيئا ...اذا لم يبصم عليها الاخرون...
انا اشكركم من اعماقى على خياركم الذى ... هو الان ...يعنى كل شىء..
احمد البشير
مريم محمد الطيب
سلوى صيام
احمد حنين
سمبتيكو
ابو الريش
السهيلى محجوب
دكتوره ايمان احمد
اسامه ميرغنى ..ونصيحتك على العين والراس
ابوامنه
شرنوبى
عصام وامالزز.شكرا على عدم تتبعك لعورات الناس ...يا امال...هذه حكمة..ما هينة
عباس
ترهاقا
مقداد ...كلمة مشغول دى شوية عليه
ابوعثمان
متوكل توم
قرجة
نزار حسين
يازول
ودقاسم
ابوجهينة
ابوساندرا
ابراهيم على
الجندرية
صديق الموج
مراويد
راوية
خضر حسين على
تايقر 18 (انت عارفنى انا تايقر كم؟؟)
اميرى باراكا
فرح
ودعزة (جيت من وين انت كمان؟؟)
ديمقراسى ناو
معتصم دفع الله
ابراهيم الجريفاوى
سجيمان
انا ذاتى ام در
غربة
انور احمد
منعم شوف
شمهروش ... الله يقبل
كمال عباس...قريت مقالك الاول ...فى ايام سوده شديد...طيب خاطرى
سلوى صيام...شايفاكى وداخراك ...
حمزاوى
كبسيبة
تولوس
يلدى يا حبوب
خضر عطا المنان
ابوقصى
عمر على..
خليكم جنبى...بتضارى بيكم من الجور...والبغى...
شكرا لا تكفى...
شكرا لا تكفى..
اعلم ..لا تكفى..
هاكم معها ... شغاف القلب...
وشكرا
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
يا فرّة سن الفال غناية
يا الرافع صوتك
لينا الراية
كلماتك جاية
تقش الخوف السكن الجوف
تنادي الشفّع لي الحجوات
بعد ما الكسرة الباقية عشايا
أريتك بنتي وتبقي جنايا
حس خطواتك باقي ضرايا
عشم الفكرة الباقي حدايا
ما بسرقوا منك عشق الطين
كيفن ببقي المغني حزين؟
يا بنت النيل وشيوخ الدين
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
Go ahead Tamadur, you are the right... we all support you
Any one reads and think on it will find easily who is right and who is wrong... who is good and who is bad and ugly... they are just sick people.
Adil Gasmelkhalig Ibrahim
| |
|
|
|
|
|
|
|
|
|
Re: انا ....قاااااااااااءعدة (Re: mohammed alfadla)
|
Quote: وحياة ناسى..الامنوا بشخصى المتواضع ووقفو معاى
ولما اقول ناسى بقصد ناس بسكنوا فى ارجاء الارض واركانا
ناس بحملوا فكرة بتؤمن بالانسان..وكرامتو محل ماكان
وحياة بوسة يسرى ..ذات العشرة سنين..بترسلها لى من اسبانيا وما بقدر افرد طرف رئتى واتلقاها
وحياة الغم.. القسمنا.....الاتسرب فى اطمئناننا ..
وحياة سيرين التوزن مليون من نوعهم..لو فيهم حاجة بتوزن..
وحياة اهلى الدم ..واهلى..المن تالا الهم
وحياة قبر امى الماتت بى شوقها...علينا..ماتت دمعتا فى عينا..
وحياة فخرى البيك يا شيخ الدين..
وحياة العرق البخدم بيه كرامتى وانسانيتى ..واولادى
وحياة الحب..والخير والتكريس العايشة عليه للفن..والناس والحب والخير
وحياة السودان العايش جوا..الشريان...بعد ربانى
وحياة اطفال دارفور..
وقضية كل كريم ..فى وطن المليون جرح مربع
.....
|
.
.
عن أمير المؤمنين عمر ابن الخطاب رضي الله عنه أن النبي صلى الله عليه وسلم قال : إن الله ينهاكم أن تحلفوا بآبائكم فمن كان حالفا فليحلف بالله أو ليصمت
.
.
عن أبي هريرة رضي الله عنه أن النبي صلى الله عليه وسلم قال : من حلف فقال في حلفه باللات والعزى فليقل لا إله إلا الله
.
وخرج أبو داود من حديث بريدة بن الحصيب رضي الله عنه أن النبي صلى الله عليه وسلم قال : من حلف بالأمانة فليس منا
.
عن ابن عمر رضي الله عنهما أن النبي صلى الله عليه وسلم قال : من حلف بغير الله فقد كفر أو أشرك
.
وعن أبي هريرة رضي الله عنه أن النبي صلى الله عليه وسلم قال : لا تحلفوا بآبائكم ولا بأمهاتكم ولا بالأنداد ولا تحلفوا بالله إلا وأنتم صادقون
.
.
| |
|
|
|
|
|
|
|
|
|
Re: انا ....قاااااااااااءعدة (Re: dreams)
|
الاخت الكريمة تماضر
أعجبني صمودك ورجوعك القوي
ما تعرضتي له كبير بكل المقاييس
أقول كما قالت الاخت "أيمان"
علي صوتك علي صوتك بالغني
لسة الاغاني ممكنة
ولسة ياما
في عمرنا
ولو في يوم راح تنكسر
لازم تقوم
كما النخل
باصص للسماء
ودمتي اختي الكريمة
| |
|
|
|
|
|
|
|
|
|
Re: انا ....قاااااااااااءعدة (Re: farda)
|
مرة أخري...إغتيال الشخصية والسمعة والكبرياء55
ذبح من الوريد وحتي الوريد
لم تفارق أذناي أبدا تلك الكلمات التي تفوهت بها إحدي قريباتنا عن خالتي والتي كانت ناشطة سياسية في الستينات...تخيلوا ماذا يمكن يمكن أن تسمع عن إمرأة تنشط سياسيا في الستينات...بالحق أو الباطل أو
المهم في الأمر أنني كنت حينها ابن السادسة لم أفهم معني ما قيل حينهارغم حدة ذكائ..... لكن الكلام سكن مع بعض الرهبة في دماغي لأسأل والدتي عن معناه بعد سبع سنوات أخر....قالت لي والدتي أن جدي كان رجلا واعيا لذا لم يركن لضغوط أبوات شنبات في العائلة وشجع خالتي علي ممارسة السياسة مما جلب لنا كلاما كثيرا حاولنا قطع أضنينا لتجنبه...لقد نجحت في نهاية الأمر خالتي في حياتها وأصبح من كان يتحدث عنها بالأمس يتذلف لها.... لكن كانت ضريبة النجاح كبيرة...والمشكلة أحيانا يشترك في دفعها حتي ابن السادسة...ومن منا بلا خطيئة.... إن كان من يكتب عن الآخرين معصوم والله لسلمناه أعناقنا لكن تبقي بعد ذلك الفتنة أعظم من القتل عند الله ، لقد تخلي الرسول(ص) عن زوجته عائشة ، فرجعت لأبوها و أمها الملاذ الأخير كي يقولا لا ، ولكن حتي أبوها وأمها خذلاها فقد كانت الفضيحة كبيرة أكبر من طاقة البشر..بكت عائشة فنزلت دموعها قرآنا وبراءة......والتاريخ يعيد نفسه كل يوم ينشر ابن سلول الفتنة وتذبح عائشة..نعم تماضر ليست عائشة زوج الرسول ولا قرآن سينزل لكنهانفس النصوص والمعاني والتاريخ الذي يجتر نفسه، وفوق هذا وذاك هي خالتي واختك التي لن تأمن أن يأتيك بخبر عنها من لم تحدث فماذا انت فاعل غدا
| |
|
|
|
|
|
|
|
|
|
Re: انا ....قاااااااااااءعدة (Re: zola123)
|
الأخت تماضر
الوقوف مع قضايا الجماهير الأساسية فى حياة حره كريمة والأنحياز التام للمشروع الوطنى لابد يجد معارضين من اصحاب النفوس المريضة ويستغلون التكنلوجيا ابشع استغلال,من سرق خصوصيات الأعضاء انهم سرقوا لقمة العيش من اطفال السودان,فبدلا من مقارعة الحجة بالحجة يلجئون الى الصراعات الشخصية البعيده كل البعد عن عاداتنا وتقالدينا السودانية انهم الساقطون , واصلى فى المسيرة من اجل غدا لمستقبل السودان
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
العزيزة
ابو التــــــــــــــــــــــــتاء
اولا : انت قاعدة .....وقاعدة..... وقاعدة
ثانيا احب اعتزر عن عنوان البوست وعارفنك قوية قوة الجبابرة
قدام الطوفان بس فقدناك وحبينا نعمل خبر زي بتاعين الصحافة كدا
علشان يطلعك لينا ونسمع منك الكلام الجميل دا ...
مرحب بيك والبورد نور من جديد
| |
|
|
|
|
|
|
|
|
|
Re: انا ....قاااااااااااءعدة (Re: أحمد أمين)
|
لك العزم والسؤدد
Quote: سلامات
وعوافي
شكرا ياتماضر علي مواقفك الشامخ وشكرا لصمودك وتاكدي تماما ان ذوو المقاصد النبيلة دائما تواجههم العسرات والعثرات والعشرات من الغوغائيين انا لم اري العرض حتي اللحظة ولكن مؤمن تماما بانك بذلت جهدك من اجلنا نحن ومن اجل وطن سامق تليد
دمتي يااختي الحبيبة ولك وافر الود والاحترام |
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
Quote:
ها انذى اعود.. صفا واحدا معكم...انا وانتم نسورا فوق صخرة شماء
|
تماضر
تعيشي وتعيش ايامك زاهيات وجميلة..
ودمتي تنشري عنا ما تستطيعينة من جمال النيل والبلاد
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
Quote: الاخت تماضر اتالم كثيرا لما يحدث واعرفك قويه الشخصيه وقادره علي مواجه الصعاب
اتمني ليك التوفيق .
انور احمد |
نصيحة يا بت الشيخ اقري كلام الزول ده تاني
ولو في شي اضيفو عليهو ما تتلفتي وراك وواصلي مشيك
حصل شنو في الإيميلات ؟ لسة منتظر
أبنوسي
| |
|
|
|
|
|
|
|
|
|
Re: انا ....قاااااااااااءعدة (Re: tabaldy)
|
( كتبت هذا المشاركة في بوست ود العباسية : " تماضر شيخ الدين تعتزل المنبر " قبل أن ارى هذا البوست )
تماضر قااااااااااااااااااااااااااااعدة . ويذهب الزبد جفاء .
****
كنت أريد ان اكتب هذا الرد واكتفي به في هذا البوست ، ثم لقيت رد تماضر .
غلبني البكاء فبكيت ، وكان حولي أبنائي يسار ( 10 سنوات ) ومحمد ( 7 سنوات ) مسحوا دموعي وسألوني : مالك يا بابا بتبكي ، معليش .
قلت ليهم ببكي عشان في ناس ما كويسين آذوا تماضر وناس حلوين تانين .
بدأت أقرأ لهم في كلمات تماضر ، وأنا واثق انهم لا يفهموها، ولا يعرفون خلفيتها ، كنت فقط أعيد القراءة لنفسي بصوت مرتفع ، لكن نشيجي كان كافياً ليدخلهم في حالة بكاء حاد، لا زالوا يبكونه وأنا أكتب هذه الكلمات . وينشجون ضمنه : والله الناس البيأذوا تماضر نحن ما بنخليهم... تماضر
لا تقسمي . ولا تحلفي . فأنت لا تحتاجين ذلك أبداً . والحديث موصول لبقية الأحباء الذين طالتهم الأذية .
| |
|
|
|
|
|
|
|
|
|
Re: انا ....قاااااااااااءعدة (Re: تراث)
|
الرائعه تماضر
الشمس لو طال غيابا
ما بتقصد دابا تطلع
بس بتتاخر شويه
الوعى قادم ولن يستطيع كائن من كان الوقوف ضد ارادة شعب
تمثلين حاضره وموروثه الثقافى . دعيهم ينفثون ما بداخلهم
وهل تحمل الافاعى غير السموم
| |
|
|
|
|
|
|
|
|
|
Re: انا ....قاااااااااااءعدة (Re: osly2)
|
الأخت تماضر
تحيّة طيّبة
هذه مشاركتي الأخيرة في بوست فرقة عرائس النيل... (عكس) الثقافة السودانية :
(أرفع هذا البوست لتأكيد استنكاري لحملات التشهير التي يقوم بها البعض ضدّ الأخت/ تماضر، نعم أختلف كثيرا معها ولكنّي أربأ بنفسي عن المساس بالأشخاص والطعن في أخلاقهم، ليس من مكارم الأخلاق في شيء انتهاك خصوصيّة الغير بالسطو على بريدهم الالكتروني والاطلاع على أسرارهم وأسرار غيرهم، ولا يسرّني بأيّ حال من الأحوال أن ينال أحد من خصمي بطريقة لا أخلاقيّة، وأؤكّد أنّي لم أقصد باعتراضي على عرض فرقة (عروس النيل) إلا طرح وجهة نظري بالطريقة التي رأيتها مناسبة ولكنّها لم ترق للبعض وهذا شأنهم، وأعيد تبيان مقصدي من هذا البوست: الاعتراض على عرض فرقة عروس النيل من الناحية الدينيّة والاجتماعيّة فقط، أمّا ما يقوم به البعض من قذف وتشهير فهذا أرفضه جملة وتفصيلا،
بذلت مافي وسعي لإيصال قناعاتي لأعضاء المنبر وزوّاره الكرام، والآن أوقف الكتابة في هذا البوست تضامنا مع الأخت/ تماضر ورفضا للأساليب غير الحميدة في معالجة الخلافات الفكريّة).
أحمد الريّح
| |
|
|
|
|
|
|
|
|
|
Re: انا ....قاااااااااااءعدة (Re: تراث)
|
بشكلة ...بااااااااااافى
بافى بشكلة يا شباب...
حبيب نورة: اقترح تحول قصيدتك الرقيقة دى ..لبوست الخواض..
هاهاها قال المثل يقطعوا فى اضنينها تقول خلو لى محل الفدو..
لكن شكرا على جمالها وصدقها...وحزنها الشامخ..
عادل كدايس ..مفهوم
جنى .. نشاز قمردين؟؟
محمد الفاضلابى ..انت اسلو ثرثار كده؟؟؟ ما كملت الباندوث
صدوح ...شكرا ..والله....لكن ما ملاحظ انى اقسمت بالله اولا واخيرا...؟
دريمز ..فاضلابى كلامو كلو وصل..وانتى لو ما قلتى كلام برضو وصل
اسعد ...ثناءا وفيرا على وقوفك الجميل الى جانبى
فردة ..والاحترام الذى تعرفه..هنا ....لك دوما.
سنارى .. القصة مؤثرة ...وانا الان قادرة تماما على تخيل الالم والحزن الذى مرت به هذه المراة الجسورة..والمهم انها قدرت وعبرت ونجحت ..وانا الله يقدرنى..
زولا ...(حلاتا البتولة)..حبك دة صدى ..للحب الهنا..عارفه مش؟؟
الشريف...انا اعتبرتها ضريبة النجاح..نجاح الوجود...والفعل...شكرا لحضورك الى هنا..
ود العباسية...دة كلو منك (هاها) شكرا على شمارك الذى تفجر حقلا من مشاعر.
احمد امين..لك كل الاحترام
ود رملية ...معزتى الصادقة لك
دكين .. الحمدلله القلت كده (قلبى طار لما شفت اسمك طبعا انت ما مضمون) هاهاها...لك كل الحب.
تبلدى ...قريتو..فهمتو..وحاحاول اعمل بيهو
احمد الريح ...لم تساورنى الشكوك فيك لحظة ...خليك كما انت على مبادئك..وانا احترمها واختلف مع بعضها..لك كل الصدق.
دوما...الف شكرا يا صديقتى على وقوفك الطيب الى جانبى والى جانب كل امراة او رجل مظلوم.
تراث..
دموعك؟
ودموع بسار ومحمد؟؟
دين على عاتقى...
انفجرت..بكيت وصحيت النجيمات البعيدة الما بتضوى الا بهيم الليل يزيد...الاصدقاء..
وبالمناسبة تعبير الاصدقاء نجيمات بعيدة ما بتضوى الا الليل يزيد حلكة..دة من جميلتك جندرية الخلتنى بيه اجهش..وانفعل بفرح حزين...
شكرا لحبك ...ودموع محمد ويسار ..وتعبير امانى ..القلب..
بيان:
شكرا..
كنت افتكرت فهمتى فى البوست داك انى ما بقدر اتعاون معاك عشان ما عندى ايميل ...وبحد تعبيرى قلت ايميلى فى يد غيرى..
تعبير هكروك اهلك كانت سربعه لانو نزار حسين قال عن بوست (هنا تماضر شيخ الدين) ..نعرف كيف انتى تماضر ...تماضر دى عندها ملح خاص لو ما كتبتو ما بنعرفها...حاولت (اكب ملحى) وقلت هكروك اهلك...كيف اقصدك انتى؟؟
حقيقة يا بيان انا تساؤلاتى كبيرة ..هنا ...زى عثمان تراث ده دايرة اعرف ليه البورد الهناك ده هو صدى دقيق جدا للبتقوليه ...وليه بظهر كانه برد بالنيابة عنك؟؟ مثلا من البداية الابتزاز لى بدا بانه قال (عشان ابيتى تتعاونى مع بيان)...وده كان مباشرة بعد ما رديت عليك وقلتى لى ما معناه ده رد دبلوماسى يدل على انك ما دايرة معاى .. وتاني استمر فى النشر والاساءة والتعريض .. لغاية ما اخيرا يقول الشكلة بدت وجاب بوستك يا بيان بتاع طابخ السم واعلن الحرب.. وقال تانى ما حيخلينى...نصدقى رسل لى وسيط يقول تصالحى بيان..او تخلى البورد وانتى قلتى ما عندك صلة بالهاكر..... لكن انا اصبت باذى كبير ...باسمك يا بيان..ومحاولة انفى عنك البحصل ...ارجو ان توضحى..لى الهاكر ببتزانى باسمك وبسيئنى وبغتال شخصيتى وبنتهك خصوصيتى باسمك ليه؟؟ وشنو قصة الدكتور ..حيدر بدوى والالف وخمسمية دولار دى؟؟
هل نحن فى حالة حرب خفية وانا ما عارفاها؟؟اصالحك ليه ...انا حاربتك متين؟؟ واخر مرة فى اتصال غير مباشر قلنا العفو.. نحن زى ما قلتى انتى فى نفس البوست الكاتباه انتى (الاخت تماضر شيخ الدين)بنتناقر هنا...وحقيقة الامر انا حتى .. ما بتناقر معاك..بتحاشى اخش معاك فى مواقف واحتكاك وبرد على النقاشات بحياد تام ...وعلمية..لانو حصلت مناقرات فى بوست الحجاب ..كانت درس لى..انا ما بنساه .. انا قطعا..ما حصل اسات ليك ولا لى غيرك..وراجعى بوست عمر الماحى..هؤلاء لم يسيئوا الى احد..
؟؟؟
سؤالى: علاقة الهاكر بيك شنو؟؟ وبحاول ينتقم ليك منى ليه؟؟؟ وبالبشاعه دى؟؟ وهل بتقدرى تنفى صلتك بيه بوضوح ..وتخلى طرفك منه..قدام الملا؟؟
وليه داير الهاكر يسكتنى بالاقاويل والفتن؟؟
اها دى كل الناس ...واقفة معاى..وبتحبنى اكتر مما اتوقع واستحق.. وما مصدقين غير انى انسان..بحاول يكتمل..وبلتزم باخلاق كريمة..
كل التلفونات بتقول لى البتقال هنا..قالوا ضريبة نجاح ..قالوا (فهى الشهادة لى بانى كامل)
يعنى المفعول جه عكسى...لكن الثمن ده غالى..
بيان: جاوبى على اسئلتى بصراحة هنا...لانه اجابابتك بتعنى الكثير..
تحياتى ...واحترامى.
وللجميع.
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
salam al3ziza sista tamador
we all love you
rabna yhzfik
really your words means alot of 2 us
keep going and never give up
akhooki
omar ragab
love u tamador
love u all
| |
|
|
|
|
|
|
|
|
|
Re: انا ....قاااااااااااءعدة (Re: Abdalla Ali Abdalla)
|
الاخت تماضر
الف حمدالله على سلامتك
احس ما تمرين به
ما اسؤ ان تغتال شخصياتنا
وما ابشع القتل المعنوى
اتمنى ان نستفيد كلنا نحن نساء البورد
من هذه التجارب..
ودائما منذ البداية نوقف كل مارق او مسئ
حتى لا يكون لسان حالنا..
اكلنا يوم أكل الثور الابيض
كنت قد وجهت لك بوست أطلب منك ايميلك ورفضتى انت التواصل معى
ولكن..
لانك امرأة من بلادى لا ارضى لك الذل او الفضح او الابتزاز
وانا ااكد لك للمرة الثانية انه لا يد لى فى سرقة ايميلك
واذا ارتايت ان تصدقين ما اقوله كان بها واذا ارتايت غير ذلك
فأنت حرة..
مرحبا بك فى حوارات مثمرة
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
| Quote: تايقر 18 (انت عارفنى انا تايقر كم؟؟) |
الغالية بت شيخ الدين ...
ماشاء الله عليك ...رغم ازدحام افكارك وتشتتها هذه الايام تذكرتي تلك العبارة ....
معناها اكيد انتي tiger17
لك مودتي ...ولاتنسي تحياتي الي يسري وسيرين....
| |
|
|
|
|
|
|
|
|
|
انا قاعدة (Re: Tumadir)
|
ردا على الرهبوت
قررنا منح تماضلر شيخ الدين
وسام المحبة من الدرجة الاولى
صدر تحت توقيع غالبية البورداب
فى الثالث عشر من يوليو 2004
سوف يتم تسليم الوسام فى احتفال كبير يقام فى حديقة الصفا
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضر ما اصابك ضر, تماضر أقعدى في حلق العدو حنضل وفي روح الصديق بلسم, وفي قلب البيعرف قدرك السامق شفا للروح.
الله يخليك لبنياتك من دمك وبنياتك وأولادك وأخوانك وعشاق فنك الباهر والما ليهم عدد!
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضر
عايني "خليني من همزه وعلاء الدين"
أنا جبت ليك المنهج بتاعك من بشير واسه هو معاي في البيت مفروض اعمل شنو تاني أنا
مع العلم انو انتي (وي وي وي ) ايميلك سرقوه !!!
وتلفونك بالقروش الكُتار
داير دبارة
وسلام
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضر
عايني "خليني من همزه وعلاء الدين"
أنا جبت ليك المنهج بتاعك من بشير واسه هو معاي في البيت مفروض اعمل شنو تاني أنا
مع العلم انو انتي (وي وي وي ) ايميلك سرقوه !!!
وتلفونك بالقروش الكُتار
داير دبارة
وسلام
| |
|
|
|
|
|
|
|
|
|
Re: انا ....قاااااااااااءعدة (Re: Ibrahim Algrefwi)
|
بيان
شكرا
الان...
يبدو ان هناك ضبابا كثيرا يحيط بهذا الامر..خارج من يدك ومن يدى...
يبدو ان كثيرا مما لا افهم انا...لا تفهمينه انت ايضا...
وان الاوراق مخلوطة وملعوب .. بها...
ويبدو ويبدو...
هل ترين شيئا من ذلك؟؟
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضرنا بت شيخ الدين
Quote: .بشكلة ...بااااااااااافى
بافى بشكلة يا شباب...
|
بالله عليك أم المعارك الشنوها عليك دى كلها طلعتى منها بزكمة بس ؟
والناس منتظرة نعشك القتيل ........فقط زكمة ....من عفنة وتخمر المكائد نخيرك أتقفلوا كدا ؟؟
قالوا يا تماضر المهلة أنتهت ببوست عمر الماحي .....الهكر ما دينه ؟؟...يعنى أنا السبب.
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
الكريمة تماضر
نعم احس بذلك
لقد حدث لى نفس هذا الشئ مع اختى الحبيبة دومة
عندما ذكرت احداهن كلاما كذبا وزورا.. واشهدتها عليه
حزنت حتى كاد ان يعصف بى الحزن.. ولكن لاننى اعرف دومة وأثق فيها كثيرا.. لم اصدق ما قيل وبالفعل.. لان هذه الشخصية تعيش بالكذب
التقيت بدومة.. وتحدثنا وعرفنا مصدر الكذب الذى مستعدة ان ادفع نصف عمرى القادم.. اذا لم يكن هو نفسه مصدر معلوماتك.. التى جعلتك تحسين هذا الاحساس.. وانا اعذرك وأجد لك العذر يا اختى.. لانه لو كنت فى مكانك لربما فكرت بنفس الصورة..فنحن بشر ولا نرى اكثر من حد رؤيتنا.. ولكن عشمى ان ترجعى وتذكريننى عندما كنت زميلتك.. هل ابدا تحريت عنى الكذب او ضعف الشخصية او الخبث.. لقد كنت طوال عمرى شجاعة ولا أخشى فى الحق لومة لائم ولا اخاف من أحد..فلماذا يا اختى اعاديك هذا العداء الذى يجعلنى اسرق ايميلك..وأنا لا أحتاج لاحد ان يخوض حروبى اخوضها هكذا علنا.. ولا احتاج لاسم خفى ولا ادير المؤامرات. ولا اتصل بالناس لتاليبهم على البعض ولا اثير الفتن بين الاصدقاء والاخوان.. ولكن البعض يفعل ذلك..
فيا اختى
اعلمى فى هذا النت ليس كل من يضحك معك صديقك.. وليس كل من يتظاهر بانه صديقك صديقك هذه هى الشاشة الغشاشة..
ابعدى عن مصدر الفتن تسلمى.. تحياتى للاخت مريم التى اتمنى
ان تتشاورا فيما قلت.. ويمكنها ان ترسل لى ايميل من ايميلها
حتى نعيد ترتيب الورق.. ونرى من هو المخطئ.. واذا ارتأيت ان اعتذر لك لذنب ارتكبته سافعل دون تردد ولكن لا استطيع ان أعتذر لذنب لم ارتكبه.. ولا املك الا ان اتعاطف معك كاخت كريمة فى محنة.. وليت بيدى
ان امسح حزنك و ان ارفع عنك البلاء والظلم لما ترددت للحظة..
لا لانى اعرفك ولكن لان هذا مبدئى فى الحياة..
وحفظك الله ورعاك
حاشية:
يمكنك أخذ رقم هاتفى من الاخت دومة.. فى حالة تعذر ان ترسل الاخت مريم أيميل.. فرق الزمن 12 ساعة
الاميل فى البروفايل
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
خوفتينى يا تماضر
اول ما شفت عنوان البوست ما شفت اسم الكاتب فافتكرت انو كل الشتائم والنبذ ما كفى وفضلوا يضيفوا ليك واحدة جديدة الامريكان يجيبوا بيها اجلك فاتهموك بانك قاااااعدة تبع بن لادن بس جات سليمة وطلعتى قاعدة فى نفسم
تسلمى ايتها الفنانة .
شبشة
| |
|
|
|
|
|
|
|
|
|
Re: انا ....قاااااااااااءعدة (Re: doma)
|
ردا على الرهبوت
قررنا منح تماضلر شيخ الدين
وسام المحبة من الدرجة الاولى
صدر تحت توقيع غالبية البورداب
فى الثالث عشر من يوليو 2004
سوف يتم تسليم الوسام فى احتفال كبير يقام فى حديقة الصفا
صحي يامحمد كلامك مظبوط 100%
| |
|
|
|
|
|
|
|
|
|
Re: انا ....قاااااااااااءعدة (Re: شندى)
|
بيان
شكرا على مشاعرك الطيبة دى...
والحقيقة انا الوسطاء ديل بالنسبة لى ناس مجهولين ...ما عارفة اساميهم...
يازولة ..قولى ان شا الله الخير...
دوما شكرا على ساعيك للتسامح..برضو بقول ليك ان شا الله الخير
ودشندى ...مفاجأة..
.......
I wanna go home
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
شكرا بيان شكرا تماضر
ليس هناك اجمل من الحب والسلام بين الناس
.
اتمني يتم الخير دا ياتماضر ويا نجاة
واحده فيكن تاخد الفضل
وتتصل علي التانيه بالتلفون
ونبقي كلناتماضر ونبقي كلنا نجاة
يلا سمعوني الخبر الجميل دا
| |
|
|
|
|
|
|
|
|
|
Re: انا ....قاااااااااااءعدة (Re: Tumadir)
|
تماضر العزيزة جـــــدا
صدقيني زي ديل ما بيستحقو رد زي ده ولا كلام كثير
لأنهم ما بيفهمو حاجة وما بيعرفو قيمة الزول شنو
كم زول بسببهم راح شمار في مرقة
وكم زول بي سببهم هاجر من وطنه وفارق اهله واحبابه
ويبقى الحل (في نظري) مزيد من التواجد في كل المحافل
وأنا سوداني أنا
ولنصبح جميعنا مرايا لعكس ثقافاتنا الاصيلة المتعددة ليعرف العالم هذا البلد القارة ارض المليون ميل بعيدا عن الحروب والقتل والجوع
لك التحية
جمال
| |
|
|
|
|
|
|
| |
Tumadir
Ahmed Al Bashir
مريم الطيب
ahmed haneen
Abureesh
Elsuhaili Magzoub
إيمان أحمد
Osama Mirghani
Abo Amna
sharnobi
essam&amal
abas
ترهاقا
ابو عثمان
garjah
nazar hussien
يازولyazoalيازول
ودقاسم
ابو جهينة
أبو ساندرا
ebrahim_ali
الجندرية
صديق الموج
Rawia
خضر حسين خليل
فرح
معتصم دفع الله
Ibrahim Algrefwi
سجيمان
تولوس
بلدى يا حبوب
خضر عطا المنان
ABU QUSAI
شمهروش
kamalabas
omar ali
منعمشوف
Ahmed Elmardi
حبيب نورة
jini
mohammed alfadla
SAdo7
ASAAD IBRAHIM
farda
Sinnary
zola123
elsharief
ودالعباسية
أحمد أمين
ودرملية
تراث
osly2
bayan
omar_ragab
doma
mohmmed said ahmed
Abdel Aati
mustadam
omer almahi
Kostawi
جمال السنوسي
فيس بوك
تويتر
انستقرام
يوتيوب
بنتيريست