دعواتكم لزميلنا المفكر د.الباقر العفيف بالشفاء العاجل
|
|
 البلابل .. فى البورد
|
جمع بلبلة... بفتح البائين الاتنين..
كل البلابل الحصلت فى البورد ده سمعت قالوا فى عناصر من حكومة البشير رسمية ..بترسل ناس عشان يجوا يفتحوا مواضيع من شانها تثير الفتن ... وتفتت وحدة الراى والفكر المناوىء ليها...
اها ياخوانا نكون شجعان ... حسة دى وتورونا العناصر دى منو؟؟
واى زول " عنصر" وعارف انه " عنصر" يكشف عن عنصرته دى ويورينا المرسلو منو؟؟
والعود كان ما فيه شق ما بقول طق.
وكفاية ... بلابل..بفتح البوء.
كـــــــــــــــلام واااااااااضح.
|
|
 
|
|
|
|
|
|
|
 Re: البلابل .. فى البورد (Re: Tumadir)
|
أستاذه تماضر ، لك الود
كنت فى حاطرى أمنى النفس بموضوع عن (البلابل) ، ( وليس) البلابل ، - كيت كيت - مش كيت
وقعدت أتخيل ياتو أغنية يارب، هل (بتعرف .. أنت ما بتعرف ) لى ألاستاذ / سيف الدسوقى ، أم شنو ياالله، لحدى ما بان أنه الموضوع ، حاجة تانيه،،،،،،
عموما فليبقى السودان أولا
أخو البنات ( أنا اسمى مكتوب)
| |
|
|
|
|
|
|
|
|
|
Re: البلابل .. فى البورد (Re: lana mahdi)
|
ما اخدتنى خمسة دقايق عشان اعرفهم كلهم وكل كضباتهم الكضبوها على الاعضاء الما عناصر اتكشفت...
لمن نجرت لى مثل براى حسسسسسه دى: اذا عرفت العناصر ...وقفت البلابل...
بساعدكم ...
اما صديقاتى ندى وندى ولنا...
والاصدقاء وليد صفوت وتاج السر ... فطلعوا كلهم للاسف " عناصر" ساى...
| |
|
|
|
|
|
|
|
|
|
Re: البلابل .. فى البورد (Re: Tumadir)
|
انا عنصر......
طالعينى....لو راجللللل
تعرفى يا تماضر انا ما بستغرب فى بلابل النوح دى..
بستغرب فى الناس البتتجرجر وراهم...خاصها انو ريحتم نتنه و واضحه مهما كبو فليل دمور و لا ريحة الصاروخ ما بتنفع....
لو الناس التانيه ركزت فى المهم... العفن ده ما عندو فرصه
اها لقيتينى كيف..كعنصر يعنى
| |
|
|
|
|
|
|
|
|
|
Re: البلابل .. فى البورد (Re: مراويد)
|
مراويد: بتذكر فى دعاية معجون بقول الولد لي ابوهو وكاهو الفلورايد..الابو بقول ليه عنصر منظف للاسنان ومغذ للثة.. ففى زول لذيذ كده بسمع قال ليه: وما هو العنصر؟؟
لقيتك كعنصر .. كبنصر... ههههه
شكرا على الكلام " الصاح" الفوق ده ... وخاصه فليل دمور..
| |
|
|
|
|
|
|
|
|
 Re: البلابل .. فى البورد (Re: Tumadir)
|
انا ماعارفه غايتو ياتماضر
لكن مقتنعه جدا بعد الحصل للتجانى المشرف
هم تانى ما بقدروا يجو بى وشهم واساميهم البعرفوها الناس عشان كدا ممكن يجو باسماء تانيه عاديه
ويندسوا وسط الناس
| |
|
|
|
|
|
|
|
|
|
Re: البلابل .. فى البورد (Re: zumrawi)
|
زمراوى... بور ليهم مواضيعهم ان شا الله عقبال تجارتهم..
راوية ... انتى ما عندك يقين فينى ولا شنو...والصحبة دى كلها؟؟ قلت ليك فى الخمسة دقايق الفاتت دى جاتنى العناوين وتواريخ الميلاد ذاتها..
خليكم اعتياديين...
| |
|
|
|
|
|
|
|
|
|
Re: البلابل .. فى البورد (Re: Tumadir)
|
تماضرنا..أول عندي عمة لي ماتت الله يرحمها..عندما تتعجب من أمر تقول ( يكفينا شـر العجايب.. والنمر الشايب) دحين كلنا جينا هنا على اساس انو( البلابل اصبحن عضوات في البورد) وكم تمنيت ذلك ناس هادية وأخواتها.نشأنا على اغانيهم ونحن طلبه.. جيت لقيت ليك الحكاية تانية..الله يجازي محنك..مالنا ومال القرايي( القراية) أم دق نحنا...( مالنا ومال القراية أم دق)
| |
|
|
|
|
|
|
|
|
|
Re: البلابل .. فى البورد (Re: PLAYER)
|
خناس
الحلوة بت الناس
بوستاتهم بتموت براها لأنو الريحة ظاهرة
لكن كونو ينكروا القصة بي حالا دة ما دليل شناتا؟
أنا عارف إتنين بس منهم
أقوووول؟
| |
|
|
|
|
|
|
|
|
|
Re: البلابل .. فى البورد (Re: kamalabas)
|
اسعد.. بتفتكر كده؟؟ المهم لو عرفوا انهم معروفين.. دى ما كفاية طبعا.. بعرفوا انهم منبوذين وغير مرغوب فيهم..
منصورى: هجمتك؟؟ كر يا يمه... اعفى لى..
بليييير... انت الانضف... وطبعا محتاجين لمساعده ... خليك قريب..
الطيب بشير..... قووووووووول قوووول .. قول صباح الخير..
| |
|
|
|
|
|
|
|
|
|
Re: البلابل .. فى البورد (Re: Tumadir)
|
يا تماضر
عارفة لمن حصلت مداخلة ندي علي انا ما فهمت معني الكلمة، ذي عارفة اخوكي اللغة العربية عندو لغة "اعجمية"، فما تطلعوا بينا العالي زي ده، يا بت الناس.
من جانبي انا واثق ناس "الاتجاس الاسلامي" في النشاط ده ماقاعدين ساكت، بالمرة!
| |
|
|
|
|
|
|
|
|
 Re: البلابل .. فى البورد (Re: Tumadir)
|
اتخيل يا كمال يا خوى
انا كتا قايلة
انو الامام المهدى زاتو
كان فى البدايات خالص صوفى
واختلف مع الصوفية
وبعدين قتا انتظر
امكن غيرو التاريخ
هم غيرو التاريخ؟؟؟؟
| |
|
|
|
|
|
|
|
|
|
Re: البلابل .. فى البورد (Re: Tumadir)
|
اطلع يا عنصر/ه (مع الاعتذار للغه العربيه)
انحنا مفتحين هنا وهناك
حنتابعك...حنضيقا عليك
حنحاربك بالوعى...بالتنوير....بالحوار مع بعضنا
حنفتش على حلول لينا ولكل مقهورى الارض
حنحاربك بالحب...ده ما بتعرفو انت
بالشعر...بالغنا...بالمسرح...بالصلاه الطاهره وبالدعاء
حننهز سياسيينا عشان يصحو..و لو ما صحو..عزه ولاده..
بجو الاطفال الاجمل...
و وقت ما يكون الدواس ...بنزح الضريسه..ونتصارع صراع نوبه...ما تحقرنا..انحنا مكتفين الليله..لكن بكره بجى...و مافى ليل الا تبعو صباح
يا بائس/ه
| |
|
|
|
|
|
|
|
|
|
Re: البلابل .. فى البورد (Re: مراويد)
|
مراويد
قلت
لا تشغل بالك بتصحيح اللغة
الجاسوس الموجود الآن محسوب على قبيلة {الذكران}
لا أستطيع أن أقول رجل لأنه بتقديري لايستطيع تحمل تبعات الكلمة بالفهم السوداني.
يكذب و يتحرى الكذب حتى يكتب عند القاريء دبلوماسيآ!!
| |
|
|
|
|
|
|
|
|
|
Re: البلابل .. فى البورد (Re: Tumadir)
|
الطيب
لازم نعيد تعريف معنى الرجوله عشان النوع ده ما يتحسب على البشر ولو من باب انو ذكر
اسعد
انت عنصر قديم ومعروف..ما تقعد تنطط لينا كده
العناصر الجديده خرتوك...لسه انت كيشه
| |
|
|
|
|
|
|
|
|
|
Re: البلابل .. فى البورد (Re: Tumadir)
|
أسعد إبراهيم
كيف حالك يا حبوب
قلت كيف
Quote: الطيب بشير ما تنسي المتعاونين معاهم
والادوهم المعلومات ووروهم الحاصل شنو |
حتبقى حالة سعبة يا أسعد
| |
|
|
|
|
|
|
|
|
|
Re: البلابل .. فى البورد (Re: اسامة الخاتم)
|
رجاء يا كادر يا خترى انت.. الف مبروك الحروف الهجائية الجندرية.. وعقبال الديمقراطية...
اسامة الخاتم....رسل قوائمك وخلينا نقارن
مراويد اسعد والطيب بشير
فى حد عاوزنى؟؟؟؟
| |
|
|
|
|
|
|
|
|
|
Re: البلابل .. فى البورد (Re: اسامة الخاتم)
|
اسامه الخاتم والله احسن ترسل السته لانه نحنا لينا زمن من البوردلظروف صحيه ومافاهمين حاجه ويظهر انه نحنا لحدى الان خارج الشبكه والتغطيه ارجو الافادة مع تحياتىللعزيزه تماضر
مـدام شـامى
| |
|
|
|
|
|
|
|
|
|
Re: البلابل .. فى البورد (Re: Tumadir)
|
تماضر
هذه محاولة لتسيس البورد ، وإقصاء الآخر ، مين قال إنهم مندسين ، هم قاعدين علنا ومنظمين جدا ،، يبدو إنكم عندكم إحساس بأن لكم الغلبة ، العكس تماما إنتو مفركشين ، وما عارفين تسووا شنو ، بس هم عارفين دورهم تماما ،، بعدين إنتو شاغلكم الرزق ، وهم رزقهم من عضويتهم في البورد ، مش بكري بيدفع ليهم ، لا ، حكومتهم بتدفع ليهم لأنهم بيأدوا شغل مهم ،،
أيها الساقط انت!
وأنا ما جبت الكلام ده من فراغ ، أنا ذاتي عنصر ،، بس هم ما عارفين ..
| |
|
|
|
|
|
|
|
|
|
Re: البلابل .. فى البورد (Re: ودقاسم)
|
لكن يا تماضر أنا عندي سؤال
الناس ديل مالهم جنهم شكل ونبذ
والله أنا خايف يوم تجيني سيخة ناطة من الكي بورد دا تقوم تقلع لي عيني الفضلت ، أصلو واحدة قلعوها لي زمان.
وغايتو بقيت أول ما أفتح البورد أقوم أول حاجة أعملا إني أشيل شبطي في إيدي وأربط حزام الأمان وأكون جاهز لفك البيرك.
| |
|
|
|
|
|
|
|
|
|
Re: البلابل .. فى البورد (Re: Tumadir)
|
من حبة كيميا فاضلة فى الراس يا غالية يا تماضر[وطبعا العبدة لله امتحنت علمى]
العنصر فلزى او لا فلزى
الفلزى حبة نار بتطفش الشوايب و تخليهو عال العال
صاخ سليم
اما اللافلزى ف...ف....ف......ف
آآآآآآآآآآآآآآآآآخ نسيت
دقيقة امشى اتاوق فى كتاب الكيميا و اجيب ليك معالجتو بتكون كيف
| |
|
|
|
|
|
|
|
|
|
Re: البلابل .. فى البورد (Re: lana mahdi)
|
أكتبى عندك
أنا عنصر .. أكيد عنصر مالح لأنى مجدوع فى جزيرة صغنتتوتية .. محل ما تقبل تشوف البحر .. و الجايبنى حلاوتكم .. ريحة دعاشكم .. و يكتكم و ويكابكم المشتاق ليهو زمن .. جاييى أشوف فيكم أهلى المليانيين بالطيبة .. أشوف زراق النيل فى عيونكم .. جاييى أسكب عليكم بعض غربتى علها تخفف و حدتى
| |
|
|
|
|
|
|
|
|
 Re: البلابل .. فى البورد (Re: Ali Alhalawi)
|
ياتماضر .. مشتاقين شديدا جدا
والله انا كنت عايز اول اقول ليك ( بلال موسي ) لانو شايفك ليك فترة بقيتي جاده جدا وبطلتي التمثيل قلت اغمثل معاك شوية 
لكن لقيت لي بلبل جد جد
عليك الله في بلبل جديد لنج ..امشي شوفيهو .. ياوالله بجيبو ليك هنا ده ..
| |
|
|
|
|
|
|
|
|
|
Re: البلابل .. فى البورد (Re: tmbis)
|
ردود سريعه...
بت قضيم..قبل ما تتضقلمى.. ما عندك لى عنصر؟؟
نزار حسين...مجرم حرب؟؟ تبقى عنصر سرى..
كبسيبه السوس ماعرفتو.. لكن عرفتهاالموس..شان تفتح بيها الكرتونه..صاح؟؟
ود قاسم كلامك كلو صاح..انت من الطغمة البائدة ولا من الطغمة " العائدة"
شماسى ..لى سنين ما سمعت زول كان "شبطى" دى ... قل شبط اقول لك عنصر..
بشرى سليمان...اديها للبلولة..ههههه
على الحلاوى..ياخ اقول ليك عناصر تقول لى زراق النيل.. انا متنيل بنيلة..
تمبس ... بلال موسى للرجال خوسة...وانت قايل عناصرى دى كلها ما جديدة لنج؟؟ كدى جيبو نشوف النج هو ولا حقى..
لنا..المهدى.. ياسلام الفلزات دى فلزات الكبد؟؟ ههههه؟؟ كدى امشى افتحى لينا الكتاب..واعملى لينا عمل زاتو..
| |
|
|
|
|
|
|
|
|
 Re: البلابل .. فى البورد (Re: Tumadir)
|
جمع بلبلة... بفتح البائين الاتنين..و أنا عندي بلبل بضم البائتن نمنيته منذ أكثر من عام أن يشدو ولم يفعل!!!! أنا السبب لكنني نفخت فية الروح قليلاً فقال لي يا إف يا...
كل البلابل الحصلت لبلبلي دا سمعت قالوا لي منك إنت
اها يا بلبلي مفروض تكون شجاع ... حسة تعمل حاجة ؟؟والله حسع ماااااابقدر صدقني يا بلبلي
واى زول " عاصرك " وعارف انك " ....." حا يقول إنت الغلطان!
والعود فعلاً فيه شق عشان كدة طقطق لمن عمل لي صداع مزمن
وكفاية ... بلابل..بفتح البوء.قريب نتحل البلاوي
كـــــــــــــــلام مااااااااااضح.
لكن حا يوضح ويكون ذي عين الشمس
تمنينا أن نكون معكم ونشارككم وجهات النظر في الكثير لكنها الحياة يا صحاب .
ونشوفكم قريب بعد البلاوي تنحل مش البلية
| |
|
|
|
|
|
|
|
|
|
Re: البلابل .. فى البورد (Re: الكناري)
|
سؤال بريييييييء كلو كلو
لماذا لم يرد {العناصر} على هذا البورد و لو من قبيل العبط؟
مع أني رأيت على الأقل كبيرهم مرتين و البوست ملعلع!!
أتذكرون هتاف الكورنجية للمهزومين
الـجـمـاعـة ســكــتــوا
الـجـمـاعـة ســكــتــوا
الـجـمـاعـة ســكــتــوا
| |
|
|
|
|
|
|
|
|
|
Re: البلابل .. فى البورد (Re: مراويد)
|
إذا آخر العلاج الكي
مراويدك حمر يا مي
و إنت يا مراويد مرصود و مقصود و مستهدف كلو كلو و لازم تاخد ساتر و تقول يا ساتر
لكن المزعلني العنصر عامل فيها دمو خفبف و بيموه شخصية الجاسوس
*
صه يا ضئـيل
إخسـأ يا لعين
أخرج منها مذمومآ مدحورآ
خلينا ليكم السودان {لحين} جايينا هنا يا ضـئـيـل يا لعين؟
| |
|
|
|
|
|
|
|
|
|
Re: البلابل .. فى البورد (Re: Tumadir)
|
ياخ والله كان في واحد عنصر كده ......بس قام شنو اتعنصر ليك علي الناس لقاهم كلهم عناصر فعصر عنصانريته عصره قويه كده وعنصر ليك المساله كلها .!!!
عنصرني بلا زعل ياخي عنصرني بلا زعل!!!
ياربي ما بلقي عنكم عنصرايه صغيرونه كده احبها
| |
|
|
|
|
|
|
|
|
 Re: البلابل .. فى البورد (Re: Tumadir)
|
الرائعة تماضر
شوفي يا اختي
الناس ديل هسع قاعدين سينوا في سكاكينهم
وموس كبسيبة ما تنفعك
وخلي جاهزة للضبح،،،
وانا غايتو بعرف تلاتة بلبلات هنا في البورد
ومنتظر قائمتك احتمال يكونوا بيبلبلوا هناك
انتي يا تماضر البلبلة دي مش بتاعت الشعر البربطوها للأطفال
| |
|
|
|
|
|
|
|
|
|
Re: البلابل .. فى البورد (Re: ahmed haneen)
|
هو بالله المقصود عبد السلام الخبير .....
طيب المشكلة شنو ....
من كان منا بلا خطيئة .... فانا على استعداد للتبرع بلوري الطوب.
و من اليوم سيتم تغيير محطة البلابل باركويت لمحطة الخبير.
.
| |
|
|
|
|
|
|
|
|
|
Re: البلابل .. فى البورد (Re: Hussein Mallasi)
|
Quote: هو بالله المقصود عبد السلام الخبير .....
طيب المشكلة شنو ....
من كان منا بلا خطيئة .... فانا على استعداد للتبرع بلوري الطوب. |
الاخ حسين ملاسي
تحياتي
هذه وجهة نظري انا وقد افردت لها بوست كما تعلم
لا علم لي بقصد بقية المتداخلين ومن يقصدون بتلميحاتهم.
واصلا لم اتحدث عن خطيئة أو غيرها ، انما سردت حقائق حدثت ابرر بها ما خطته يداي اعلاه
حيث انني ارسلت كلاما معمما غير مباشر والان جعلته مباشرا
والله الموفق
| |
|
|
|
|
|
|
|
|
|
Re: البلابل .. فى البورد (Re: ASAAD IBRAHIM)
|
| Quote: من كان منا بلا خطيئة |
الاخ الفاضل اسعد
تحياتي
لاحظ عليك الله انا كتبتا منا و ليس منكم فهناك فرق
| Quote: واصلا لم اتحدث عن خطيئة أو غيرها |
انت لم تتحدث عن خطيئة و انا تحدثت عنها بل و زدت عليها تبرعي بلوري الطوب
الذي لم تتحدث عنه ايضا
و دام الاحترام
| |
|
|
|
|
|
|
|
|
|
Re: البلابل .. فى البورد (Re: bayan)
|
تماضر !!! البلبلة شنو يا أختي ؟
والله اول ما قريت العنوان
جريت حضرت سماعتي الماخمج
وقلت الليلة دة الطرب زاتو
هسة في داعي لي صمّة الخشم دي ؟؟
| |
|
|
|
|
|
|
|
|
|
Re: البلابل .. فى البورد (Re: حبيب نورة)
|
تماضر ازيك ،، وما تصلحيها وترجعي للموضوع الاصلي "البلابل" الما بتكرروا وحاجات زي
لو تعرف اني من اجلك مشيت مشوار الى الغربة
على الكلمات ودمع العين والبلابل الثانية يكفيها توقيعكم المختصر المفيد ... غايتو انا عاوزة تعويض لأنه العنوان لا يخلو من "ميس ليدينق"..
| |
|
|
|
|
|
|
|
|
|
Re: البلابل .. فى البورد (Re: WaD OmI)
|
اولا اعتذر عن سوء جدول عملى وطابع حياتى الجديد الذى ابعدنى من متابعة البورد..او البوستات التى فتحتها هنا والتى يلزمنى العرف ان استجيب لها.. وهذا الاعتذار شامل لهذا البوست ولبوستات اخرى يعرفها البعض.
بخصوص الحاصل هنا..
حسين ملاسى ذكر اسم شخص بعينه لم اذكره ولا اعرفه..
المتداخلون فى هذا البوست هم "اخرون" يحق لهم ان يقولوا ما يريدون.. و"العفش داخل البص على مسئولية صاحبه" ياقول بدر الدين شناة. لكن برعم ذلك ازعجتنى حكاية الاسم
اسم انا لا املك اى دلائل قاطعة عنه او عن انتماءاته الحزبية او السياسيه..وقد ازعجنى ذلك كثيرا...وقد تدارك الامر بعدان عبرت له عن انزعاجى ..بان وضح انه كان يعنى ما قاله اسعد....وقد اراحتنى هذه الاستجابة ..له الشكر.
بيان.. حقيقة ما عندى كلام كتير اقولو ويكفينى ان الانتماء الى النظام القائم هو "كالجرب" صار..مخجلا..ويعد تعريضا.. واشانة سمعه وتلطيخ شرف.... لكن البورد فيه هاكرز برضو وفيهو كلام نابى..وانا يحق لى ان اتساءل..او اشير الى مواضع الالم...منطلقة من حرصى على وحدة وتماسك المنتدى,,,
لا اعرف من اين اتيك يا بيان..
فقد لمحتك هنا وهناك..لعله الطيب بشير هو الذى اثار غضبك ..ولكن سهامك الطائشة فقأت عينى كالمعتاد..لا اطيل و
تكفينى منك هذه الكلمات:
Quote: شكرا الاخ اسعد
لان فى ذلك البوست حدث تراشق ومطاعنات
واستخدامات لمفردات استخدمها
انا شخصيا (حالة سعبة و خترى)
وتدخل البعض للاصطياد فى الماء العكر
وانا شخصيا لا يهمنى هؤلاء الناس الوهمين الوهم
من ناس البورد..
ولا يهمنى ان يحبنى ناس البورد
او يظنوا اننى مناضلة عظيمة
لانها فى النهاية شاشة غشاشة
فى النهاية عندما اغلق كمبويوترى اسأل من انا امام نفسى
ومن انا من هذه الهالة الكاذبة والوهم
لانك قد تخدع الناس ولكن لا تستطيع ان تخدع
نفسك..
بالله اطلعوا منها تحلو وخلو الناس فى حالها
--------------------------------------------------------------------------------
|
طبعا بعد ان حذفت منها كلمة: فنانة كبيرة...
كما حذفت من قبل اشياء اخرى..طبعا تعرفينها..
انا شخصيا ما عنيتك من قريب او بعيد بمضمون البوست.. ..ولم استجب للشمارات...لان ذلك ليس ديدنى..ولن اوضح معزى كلامى .. فهو واضح.
بيان سامحك الله...وعندما تغلقى كمبيوترك...ارجو لك نوما هادئا... .اما انا فتشغلنى هموم كثيرة منها مسئوليتى نحو اسرتى الجميلة... والفن الذى اعشقه حتى الالم..والسؤال الملحاح " من انا؟؟ وكيف افيد العالم قبل ان ارحل منه؟"...والحب..ذو الاقواس المفتوحه..للخارج...وانام بين عتمات الاجابة..
لكل الاصدقاء الذين شاركوا ..العذر..لهذه المنزلقات الخشنه...وعدم الوقت الكافى للمتابعه.. ووالله وما طالبنى حليفة .. لا اجد زمنا كافيا..للردود.
ولو كان عندى مليون دولار كان خليت الشغل.. وقعدت .. وطبعا كلكم ....مكملين.. من ناحية الجمال والاخلاق ولا تنقصكم سوى هذه " المليون دولار" اللعينه ...
ان شا الله تجينا ليلة قدر كبييييييييره وتدى كل واحد فينا مليون دولار... قولو ااااااااامين....
وكان طولت ما تشفقوا...
| |
|
|
|
|
|
|
|
|
|
Re: البلابل .. فى البورد (Re: WaD OmI)
|
الاخت الاصيله تماضر لكى التحايا
عن اى بلابل وفتن تحكين
ثم اين هى وحدة الراى والفكر التى تتحدثين عنها وتخافين ضربها
(اشير هنا الى ما ذكرته الاخت الفضلى د.بيان)
واين هى الحريه التى تسمى بها هذا المنبر, الذى نسميه مجازا وطننا
اونتمنى ان يكون لنا وطنا مثل ما يتسم به هذا المنبر من حريه وحميمه وموده.
الذى يحث الان فى الوطن يحدث وذى ما قالوا اهلنا الطيبين على عينك ياتاجر.
الان السودان الواقع والحقبقه يتفتت ويفكك ونحن نتحدث عن عن سودان
وهم خلقناه بانفسنا وضربنا عليه اسوار عاليه وجلسنا بداخله نتغنى
بقيم الخير والفضيله نقرب من نحب ونبعد من نكره . هل هذه هى الحريه.
ثم اين انتى من قبول الاخر..........
اتفق معكى على محاربت الظلام والظلاميين ولكن ليس باسلحتهم الظلاميه,
بالنور وحده نحارب الظلام ,كثفى من ضؤ الحريه واراهنك وحدهم سينذون لانهم اعداء النور.
ولكى اصفى عصير الموده
| |
|
|
|
|
|
|
|
|
 Re: البلابل .. فى البورد (Re: mohamed elshiekh)
|
كنت عارف ان هنالك "مظلوم" خلف السياج ..
اها ..من يصنع البلابل الان ياتماضر ..انت ياتماضر غير متاكده منذ البدء عمن يصنع البلابل في المنبر فعلي اي اساس تم نشر هذا البوست ؟؟
عندما نشر اسعد اسم بعضهم واخذ الطريق "الدغري" في الطرح اتتضح ان ذاك الشخص هو الشخص الغير مقصدود بهذا البوست فلقد نفت "نماضر" ودانت استخدام "الاسماء" ..ياتماضر ..استخدمت الاسماء لتوضيح الامور ولاجل المكاشفه وانا تابعت اسلوب اسعد وحضر الاستاذ الخبير ووضح الامور فلماذ لاتوضخي "لي" انا علي الاقل من هو يود صنع البلابل في البورد ومن خلفها ..البوست هذا ذكرني البوست "المحير" الاخر ..البوست الفزوره ..ايها الساقط انت ..مشيت بغادي وقلت من عو الساقط ياناس ..مفيش حد جاوب ..ليه مش عارف ؟ ..ياخي انا نوع العربي هذا لا اعرف ..انا اعرف ان واحد زايد واحد بتساوي اثنين ..
يعني بعرف اللغه هذا " فلان ايها الساقط" ..وكما الحال هنا ياتماضر ..تتحدثين عن "بلابل" ..اين هي ومن يصنعها ..الحكايه دي صعبه ياجماعه ولا انا جاي من "كوكب" اخر ..ولا انا وقح خالص وتربيه امريكا اثرت فيا ؟ ولا انا عربيكم دا انا لا افهمه؟
please break it down for me!
لانوا بصراحه مافي "صراحه" وحاسي ان الحديث "مغطغط" ..احينا كثيره بقراء في المنبر وبحس اني بحل في "الغاز
It is puzzling me >>
ليه ياجماعه ؟؟؟
ومن غير زعل ..
| |
|
|
|
|
|
|
| |
Tumadir
Walid Safwat
nada ali
ASAAD IBRAHIM
lana mahdi
Rawia
zumrawi
منصوري
PLAYER
الطيب بشير
kamalabas
صديق الموج
Bashasha
Raja
اسامة الخاتم
Hussein Mallasi
بت قضيم
ودقاسم
bushra suleiman
بدرالدين شنا
tmbis
doma
Muhib
Ibrahim Algrefwi
khider
ahmed haneen
عشة بت فاطنة
bayan
حبيب نورة
WaD OmI
mohamed elshiekh
فيس بوك
تويتر
انستقرام
يوتيوب
بنتيريست