|
|
 اكوى يكتب من اسبرنق فيلد: الوحدة التى تريدها الجلابة
|
أخونا أكوى يكتب لكم
الوحده التى تريدها الجلابة
كما سبق فى اتفاقية اديس ابابا سنة 72 وأبوجا 89 والخرطوم للسلام 94 وفشودة وما سبقهم من الاتفاقيات. اذا نظرنا
على هذه الاتفاقيات نجدها لا تعطى الجنوب حق الاستفتاء، أما شروطها هى الوحده المرغومة على الجنوبيين تحت سيادة
الجلابة وهى الوحده التى تريدها الجلابة.
لكن نيفاشا الكينية 2005 غير ذلك، فقد ضمنت للجنوب هذه المرة حق تقرير المصير وفيها ضمانات اقليمية ودولية وقبل
تلك وذاك هنالك ضمانات من الحركة الشعبية والجيش الشعبية التى نعتبرها صمام الامكان لهذه الاتفاقية، وثقة الشعب كبير
فيها كما هتفت الجماهير مرحبين بأبنائهم الابطال الاشاوس اثناء دخولهم عقر دارهم مدينة جوبا بعد التوقيع النهائى على
الاتفاقية هتف الشعب لابنائه مرحبا: نعم نعم حقا الحركة هى حريتنا.
تعود الجلابة دائما فى الحديث بما لاحق فيه والكتابة بما لاغير فيه، فقد ظل لفترة طويلة ليجعل ظلمه للجنوب عدلا وانهيار
الجنوب بناءا وقتل الانسان فيه حياة وتدمير البشرية ازدهارا والانتحار نصر وخراب الجنوب انتعاشا، هكذا هى الوحدة التى
تريدها الجلابة.
نعود لرؤية الاتفاقيات التى تريدها الجلابة، أولا نمسك اتفاقية اديس ابابا سنة 72 بين حكومة مايو مع الانانيا 1 وهى
الاتفاقية التى جاءت بالسيد جوزيف لاقو نائبا لرئيس الجمهورية دون صلاحيات ومنح الجنوب الحكم الذاتى فى مديرياته
الثلاثة ولاشيئا فى يدها غنى الشعب سويا فى وهم:
انا واخوى ملوال
نميرى قال كلام
مافى شمال بدون جنوب
مافى جنوب بدون شمال
كلنا اخوان
ثم صفق الشعب للرئيس وهتف ابوكم مين نميرى ابوكم مين نميرى لكن يا خسارة
على روح الشعب الوطنية اخيرا ابوهم قلب عليهم الطاولة ونقض الاتفاقية
مستخدما كبرياء الجلابة مستشهدا بعباراته العجيبة: هذه الاتفاقية ليست انجيلا ولا قرآنا ، لا جنوب ولا ملوال، هذه الوحده
هى التى تريدها الجلابة.
ثانيا اتفاقية ابوجا سنة 89 بين حكومة المهدى والحركة الشعبية والتى لم تكمل بعد ورغم عدم الاكتمال الا انها كانت
معروفة فى اجندتها التى لا تعطى الجنوبيين حق الاستفتاء ومن أين يأتى حقوق الجنوبيين وحزب الامة فى رئاسة
الوزراءفى ذلك الوقت، وحزب الامة أضر بالجنوب قبل المؤتمر ومليشيات الجنجويد التى تنفذ سياسات المؤتمر الوطنى فى
دارفور الآن كانوا أتباع حزب الأمة من قبل وحتى اليوم وتطلق على تلك المليشيات فى الجنوب اسم المراحيل، والمذابح
التى حصلت فى الجنوب من فترة حكم السيد الصادق المهدى دليل على ذلك.
ثالثا: اتفاقية الخرطوم للسلام بين حكومة الانقاذ والفصائل المنشقة من الحركة الأم ولا جدوي من هذه الاتفاقية بل الحكومة
أرادت فقط الاستفادة من انشقاقات الحركة بقصد انهيارها. كانت أطروحاتها أمام المنشقين هى التوالى والتبعية، فجاء السيد
رياك مشار مساعدا لرئيس الجمهورية ورئيسا لتنسيق الولايات الجنوبية ول يحسب الانقاذ ان العلماء والاقوياء ليسوا
اتباعا بل يمدون الشعب بالقوة ويكونون له قدوة فكانت عودة مشار الى الحركة الأم مباركا ليواصل مشوار الكفاءة
والنضال من أجل الحقوق والحرية .
أما سلام فشودة الاضافى بيم د. لام أكول والحكومة فقد كانت عبارة عن عملية ضياع لوقت النضال الغالى ولا يمكن حدوث
استقرار جزئى للجنوب دون الجزء الآخر.
ولام أكول والانقاذ لا يعنيهم أمر شعب الجنوب. جلس السيد الدكتور على كرسى وزارة الدفارات والرقشات والعملاء يقبلون
بأى نصيب من أجل الحياة والعمر الطويل وهذه هى الوحدة التى تريدها الجلابة أن يصبح الدنوبيين فى ذيلية ولكن يا جلابة
هذا للضعفاء فقط.
وجاء دور الحق فى نيفاشا الكينية سنة 2005 الذى وقع عليها الزعيم الفذ والمناضل الراحل العقيد الدكتور جون قرنق دى
مبيور، الزعيم الذى قدر أن يثبت أن الفرد يرمز للزوال وأن الامة ترمز للدوام والاستمرار.القائد الذى وقع الاتفاقية بقلمه
وختمها بدمه وترك لمن خلفه من القادة المناضلين وعلى رأسهم سلفاكير، باقان اموم، ياسر عرمان، مالك غفار، د. رياك
مشار، د. منصور خالد هذه الاتفاقية لم تكن ولن تصبح كما يريدها الجلابة.
أكوى مجوك أكوى
_____________________________
أكوى مجوك أكوى ولد عام 79، درس فى جامعة الخرطوم كلية العلوم الادارية قسم الدراسات الاضافية
خرج من السودان عام 2000 الى مصر حيث قضى فيها ما يقارب الخمس أعواما وقدم الى امريكا عام 2006، كان عضوا ناشطا فى تنظيم الجبهة الوطنية الافريقية بجامعة الخرطوم
ويسكن الآن سبرنق فيلد ...يعنى جارنا ....
يقول أكوى للقراء أنه يرحب بالنقاش ويتمنى الانضمام لسودانيز اون لاين ..فيا بكرى ارجو الاستجابة لهذا الطلب.....
|
|
 
|
|
|
|
|
|
|
 Re: اكوى يكتب من اسبرنق فيلد: الوحدة التى تريدها الجلابة (Re: عبد المنعم سليمان)
|
اكوي أكوي أكوي ...
مثال طفل جنوبي عاش وتعلم في الشمال !!!!
شايفين الذي يعرف الشمال كويس هو اول من يطلب حق تقرير المصير لجنوب...
ربما اكثرهم من ولد في الشمال وبعد دراسة الاحوال هناك اثبت انه لا جدوى في وحدة
غير دولة جنوبية منفصلة بعيدة عن الهوس الديني والهرطقة العروبة التى ترى نفسها
اعلى مقام من الاخرين...
أرحب باكوي ونرجو من بكري اعطاءه فيزا الدخول.
جوك
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: tmbis)
|
| Quote: مثل الحق للبقية يجب أن يكون مكفول .. وعندما يعبروا عن افكارهم .. يجب أن لا تاتينا الاستاذة القديرة تماضر شيخ الدين .. بي دروس العصر .. ولا بالواجبات المنزلية .. |
يا تمبس ياخ إنت محموء مالك؟؟  ..
عندما تأتي ممثلتنا الكبيرة بأي زول أو تفتح ليها عنوان موضوع وتمشي، إنت ما تكتر كلامك وتقعد تتحمئ كده !!! .. مفروض بس طوالي تمشي تحمس دلوكتك وتجيبها وتقعد تطبل وترفع البوست وترفع وتظل ترفع وترابض فيهو وتشيله فوق كتفك لغاية ما الاستاذة القديرة تعود وترمي ليها كلمتين تاني وترجع لأشغالها .. وخليك بس حارس البوست زيك وزي اصحاب الدلاليك التانيين .. الفلهمة العليك شنو؟؟.. ما تقعد تنطط وتجوط في البوست ساكت .. ولو ما عندك مروة للتطبيل خلي العيش لخبازينه ..
أوكي؟؟  ..
| |
|
|
|
|
|
|
|
|
 Re: اكوى يكتب من اسبرنق فيلد: الوحدة التى تريدها الجلابة (Re: Munir)
|
والله يا دكتور منير أنا ما محمووء . لكن في شوية دهشة..
يعني التعبير عن الشعور في حتات كدا بيكون عايز ليهو حذاء رياضة الباليه .. عشان تقيف على امشاطك ولما تجي ماشي في البلاط ما تعمل ازعاج .. والناس ما تسمع صوت خطواتك ..
لانو في المحل دا الواحد لازم يحسب خطواتو كويس .. عشان ما يترزع بي اي لافته من اللافتات..
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: tmbis)
|
Quote: عندما تمشدق الطيب مصطفى بإنفصال الجنوب .. ظهرت علينا جحافل الفتح والمد والجذر لانصاف المثقفاتية الذين هم آفة الشعب السوداني البسيط .. ظهروا لنا هنا واقاموا سرادق الشتم والتشهير ما كفت مكبرات صوتهم عن المجاهرة . كلهم حينها كانوا دعاة وحدة سودان .. عدا هذا الـ JOK BIONG الذي ما فتي يرسل عباراته الحقيرة جدا عن تمنياته العراض بموت كل ما هو يحمل الدم العربي بل ويتمنى ان يقذف بهم إلى ما وراء الشمس وكان سصفق له حرامي النت خالد الطيب في متعة.. ولا يجد من انصاف المثقفاتية ما يقرعه .. ويقول ليهو بالحرف الواحد .. هووووي يا هــا دي شنـو الخرمجة دي ..؟
اليوم تاتين ( النبيه الجديدة ) تماضر تبشرنـا من جديد بإنفصالي جديد ... تحمل رسالته .. وربما في لحظة تجلي تكيل له المدح .. ولا ينسى أن يأتي JOK BIONG .. بكل ما يحمله من حقد لآل الشمال ليطرشه هنا .. هذا حق من حقوقه .. يطرش كما شاء له الطراش .. مثل الحق للبقية يجب أن يكون مكفول .. وعندما يعبروا عن افكارهم .. يجب أن لا تاتينا الاستاذة القديرة تماضر شيخ الدين .. بي دروس العصر .. ولا بالواجبات المنزلية ..
مثلما هنا دعاة انفصال نسخة مطورة من الطيب مصطفى تتجسد في JOK BIONG وهذا القادم الجديد .. الذي تبشرنا به رسولتنا للانسانية .. فهناك أراء مختلفة .. والمكان دا بشيل اي زول .. وبراح .. لكن بس انصاف المثقفاتية ما يجو يعملو لينا هنا منقطنها..
مرحب بي ـ JOK BIONG من جديد .. ومرحب بي أكوي .. ومرحب برسولتنا للانسانية .. في ثوبها الجديد القشيب.
(عدل بواسطة tmbis on 09-12-2007, 07:25 ص)
|
tmbis
تمبس
اذا كان هنا تنصيف بين المثقف وانصاف المثقف فانت ستكون على قمة مجموعة انصاف المثقفين...
قول الحق فيه وجع وحسرة ماثلة فيك ..لانك من الذين شاركوا في زرع الحقد والعنصرية
وتحويل اسم العروبة والاسلام في عيون الاخرين بما فيهم انا عبارة عن ثقافة وحشية وبربرية عشوائية لا تقبل بغيره الا حروب وصراعات دامية منذ 1956...
لا ترحم ولا تعرف لانسانية مكانة وتجلي العنصرية العميقة في ما حلت بشعب دارفور وقبلهم الجنوب.
لست ضد كل ذي دم عربي او الذين في دمهم قطرة دم عربي بل هم مواطنين سودانيين لهم حق في كل
شئ..
| |
|
|
|
|
|
|
|
|
 Re: اكوى يكتب من اسبرنق فيلد: الوحدة التى تريدها الجلابة (Re: JOK BIONG)
|
Quote: تمبس
اذا كان هنا تنصيف بين المثقف وانصاف المثقف فانت ستكون على قمة مجموعة انصاف المثقفين... |
.. انصاف المثقفين .. ؟
دي كتيرة جدا على يا بيونق .. ولا بطمع اكون مثقف في بلد الثقافة فيه لا تخدم اغراض توعوية .. ماذا قدم الكثير من المثقفين لي نوعيتك هذه .. أو حتى انصاف المثقفين ..؟ ذنبك على رقاب هؤلاء النخب المثقفة .. أما انصاف المثقفين وادعاء الثقافة فلا غبار عليهم فجميعهم يتساؤون معك في مرتبة واحدة وإن كنت تتميز عنهم .. بدعواك النتنة .. وحقدك الأعمى وتخبطك .. وجهلك وعنصريتك التي تسبقك رائحتها حال ما نويت ان تقصد اي من البوستات .. هنيئا لك ولامثالك بثقافة الانفصال هذه .. وبمحاولاتك لزرع الفتنة والكراهية..
| Quote: قول الحق فيه وجع وحسرة ماثلة فيك ..لانك من الذين شاركوا في زرع الحقد والعنصرية وتحويل اسم العروبة والاسلام في عيون الاخرين بما فيهم انا عبارة عن ثقافة وحشية وبربرية عشوائية لا تقبل بغيره الا حروب وصراعات دامية منذ 1956... |
.. طبعا نوعيتك دي ما بتستحق الرد.. عارف ليه لانو كل العندها عبارة عن مجموعة بتاعت شعارات سمعته وورمت جواها .. وجات هنا عرفت في محل بتلاقو فيهو الناس وهاك يا طراش .. نوعيتك دي قاعده تطرش هنا في كلام ساكت بره الراس في لحظة غيبوبة .. ياتو حق البتتكلم عنو دا ..؟
بعدين شوف إنت زول موتور .. دين شنو البتتكلم عنو ها دا ..؟ دا الهوس الجايط ليك في راسك ..؟ وياتو عروبة الجاي تفتي عنها .. والله الظاهر لي لام تقول كلمة عروبة دي جسمك كلو بيقوم فيهو حبوب .. عروبة واسلام مع بعض كمان .. انا قلت ليك انت بوق بتاع حرب .. يعجبك انو الناس تموت ومستعد اجيب ليك الكلام القلتو هنا دا البيثبت وجهة نظري .. حسع شنو شابكني عروبة واسلام ولف ودوران معاك ..
بلاي من 56 القريبة دي ؟
يعني حسع دي اي واحد بعيد من الجنوب دا تلاتة بوصات معناته من 56 ولي جاي بربري ، وحشي ، عشوائي بتاع حروب وصراعات ..؟
طيب إنت ما كنت كل يوم الصباح بتجي هنا تكورك .. اقتلو الناس .. وح نسوي اي حاجة لي اي زول .. وبعداك تقع هنا تطرش يجو يكبو فيك موية بارده ..
الجا قال ليك إنت زول وحشي منـو ..؟
كل القلتو ليك إنك عنصري نتن .. وحاقد حتى على نفسك .. وفصيلتك دي ح تتكنس زيها وزي اي بيت عنكبوت مبني في خرابه قديمة .. عشان كدا نخليك تكورك وتصيح هنا كلما تلقى ليك فرصة زي البوست دا .. تجي تفرغ شحناتك دي وتتوكل تخارج نفسك.. بس بعدما تخد الفيها النصيب.
| Quote: لا ترحم ولا تعرف لانسانية مكانة وتجلي العنصرية العميقة في ما حلت بشعب دارفور وقبلهم الجنوب.لست ضد كل ذي دم عربي او الذين في دمهم قطرة دم عربي بل هم مواطنين سودانيين لهم حق في كل شئ.. |
.. شعب دارفور قلت لي وقبلو شعب الجنوب ..؟ إنت تبع وين عشان نرسى علي بر .. لانو محتاج انك تزاكر كويس قبلما تجي تتكلم ..
| Quote: لست ضد كل ذي دم عربي او الذين في دمهم قطرة دم عربي بل هم مواطنين سودانيين لهم حق في كل شئ.. |
كضاب ومنافق .. إنت نساي واللا عندك مشكلة ف الذاكرة بتاعتك ..
اي واحد هنا دا يشوف اسمك بتوقعك ح تكتب شنــو ...
نوعيتك دي مصممة اساسا على نشر الكراهية .. كراهية مش بين الشمال والجنوب كراهية حتى داخل البيت الواحد ..
اتخارج ياخ بلاش فقر معاك .. نوعتيك دي مهما اتجملت بتظل نفس الريحة العنصرية النتنة فائحه منها..
قال مواطنين سودانيين .. حسع دي بقو كيف مواطنين سودانيين وقبل كم يوم عايز ترجعهم الحبشة ..
يا دجــــال .. دجـال إنت يا ابو العريف.
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
كتب الأستاذ /أكوي .... في بوست من حوالي 40 سطراً..
| Quote: الوحده التى تريدها الجلابة |
| Quote: الجلابة وهى الوحده التى تريدها الجلابة. |
| Quote: تعود الجلابة دائما فى الحديث بما لاحق فيه والكتابة بما لاغير فيه، |
| Quote: هكذا هى الوحدة التى تريدها الجلابة. |
| Quote: نعود لرؤية الاتفاقيات التى تريدها الجلابة، |
| Quote: مستخدما كبرياء الجلابة |
| Quote: هى التى تريدها الجلابة. |
| Quote: ولكن يا جلابةهذا للضعفاء فقط. |
| Quote: ولن تصبح كما يريدها الجلابة. |
بداية موفقة جداً ... ومرحباً به ....
__________
التوقيع :- جلابي نبطشي .. حتى قدوم كبار جلابة المنبر (جني ودوما)...
-
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
Quote: أكوى مجوك أكوى ولد عام 79، درس فى جامعة الخرطوم كلية العلوم الادارية قسم الدراسات الاضافية
خرج من السودان عام 2000 الى مصر حيث قضى فيها ما يقارب الخمس أعواما وقدم الى امريكا عام 2006، كان عضوا ناشطا فى تنظيم الجبهة الوطنية الافريقية بجامعة الخرطوم
ويسكن الآن سبرنق فيلد (الولايات المتحدة الامريكية) |
ارحب بالاخ اكوى مجوك
واشيد بتمكنه من اللغة العربية. أين درس اكوى اللغة العربية؟
المقارنة بين اتفاقية السلام الشامل 2005 وبين اتفاقيات السلام السابقة مقارنة تحتاج الى توضيح اكثر.
لماذا يعتقد اكوى ان اتفاق السلام الشامل (نيفاشا) حظه افضل من سابقيه؟
هل سيصوت اغلبية الاخوة فى جنوب البلاد لصالح الانفصال فى استفتاء تقرير المصير عام 2011؟
اكوى عاش 5 سنوات فى مصر قبل هجرته الى امريكا. هل واجهته عنصرية فى مصر؟ وماذا عن الحياة فى امريكا كافريقى اسود؟
ارجو ان يحظى اكوى بعضوية سودانيز اون لاين.
مدينة حقل الربيع ( اسبرنقفيلد) فى ولاية ماساشوسيتس فى امريكا.
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
اولا أرحب بكل من ساهم فى الترحيب أو عدمه للاخ أكوى ...
حقيقة أتمنى أن يجد الفرصة ليكون أحد أعضاء المنبر ...
واسمحوا لى جميعا أن أوضح أننى نشرت مساهمته هنا بغير تدخل أو تعليق لأننى
وعدته بمساعدته فى هذا الأمر..
لم أعلق على رأيه ولم أوافق او أعترض على أفكاره لأن ذلك يتنافى "اخلاقيا" على الأقل بالنسبة لقيمى الشخصية مع مبدأ عدم عضويته أو مرحلة تقديم الطلب التى أرادها أن تكون
بمساهمة منه.
فيا تمبس يا صديقى الذى كان، هون عليك.
كنت أظن أن الذى بيننا لا يحتاج الى كل هذا الشرح ...ولكن ها أنذا على ألف خطأ ...فكيف أكون نبية؟؟؟
يسامحك ...الله. "تانى" ...فقد تمنيت لك السماح فى سرى بعد أن اطلعت على رأي مثيل "عنى" لك فى بوست آخر هجرته تماما غير مصدقة ما يمكن أن تتفوه به أنت تمبس شخصيا "ضدى" ...
فيا صديقى الذى كان تنحى قليلا عن كاهلى ..فلا أنا نبية ولا مبشرة ... أرجوك أن تحاول ألا تناقش من أكون "انا" وماهى كينونتى هذا لا يهم أحد ..."اعتقد"
أمامك الرجل فناقش فكره واتركنى وحالى، وأنا شخصيا كما ذكرت لم أبدى رأيى فى وجهة نظره وأى شرح أكثر لأبعد من هذا أراه غير ضرورى ..
الشكر موصول للجميع ..وأتمنى أن تسمح يا بكرى لأكوى بالانضمام الى المنبر مع كامل احترامى ...
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
Quote: اكوي أكوي أكوي ...
مثال طفل جنوبي عاش وتعلم في الشمال !!!!
شايفين الذي يعرف الشمال كويس هو اول من يطلب حق تقرير المصير لجنوب...
ربما اكثرهم من ولد في الشمال وبعد دراسة الاحوال هناك اثبت انه لا جدوى في وحدة
غير دولة جنوبية منفصلة بعيدة عن الهوس الديني والهرطقة العروبة التى ترى نفسها
اعلى مقام من الاخرين...
أرحب باكوي ونرجو من بكري اعطاءه فيزا الدخول.
جوك |
أنتو وقت مافي جدوى بتبارو لي في الجلابة مالكم
خلاص لقيت ليكم حل أيه رأيك تبقى لي Admin في المنبر الجديد (تحت الأنشاء) www.southernsudaneseonline.com
أكوي دا تفل جنوبي بيكره شماليين مش 
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
Quote: يا تمبس ياخ إنت محموء مالك؟؟ ..
عندما تأتي ممثلتنا الكبيرة بأي زول أو تفتح ليها عنوان موضوع وتمشي، إنت ما تكتر كلامك وتقعد تتحمئ كده !!! .. مفروض بس طوالي تمشي تحمس دلوكتك وتجيبها وتقعد تطبل وترفع البوست وترفع وتظل ترفع وترابض فيهو وتشيله فوق كتفك لغاية ما الاستاذة القديرة تعود وترمي ليها كلمتين تاني وترجع لأشغالها .. وخليك بس حارس البوست زيك وزي اصحاب الدلاليك التانيين .. الفلهمة العليك شنو؟؟.. ما تقعد تنطط وتجوط في البوست ساكت .. ولو ما عندك مروة للتطبيل خلي العيش لخبازينه ..
أوكي؟؟ ..
|
منير ...
اتلومت فى حقى وفى حق أكوى وفى حق المتداخلين ...
وتغولت على النزاهة التى اتوخاها ويتوخاها الكثيرون ..
وتغولت على حريتى فى الوقت الذى أهبه للمنبر وكأن حياتى هى ملك لأشخاص آخرين ،وكذلك وقتى ...
وتناسيت أننى أكتب هنا -كما الكثيرين- بارادتى الحرة وفى وقتى الذى يتاح لى ولا تملى "بضم التاء" علّى الافكار أو المواقف ...
يكفى أنك أذنبت فى حقى ...
لن أطالبك بالاعتذار لى أو للمساهمين بعد وصفك لهم بالدلاليك ...
"لأن وقتى ضيق جدا ولى أشغال عديدة تنتظرنى" ...ولان الذى لا يعرف أنه أخطأيجب لفت نظره ربما تعلم
من اخطائه...ويكفي أن يحسن التصرف او القول فى مرة قادمة ...
ولك كامل الاحترام .....
| |
|
|
|
|
|
|
|
|
 Re: اكوى يكتب من اسبرنق فيلد: الوحدة التى تريدها الجلابة (Re: حيدر حسن ميرغني)
|
Quote: الاخوة منير وتمبس
خلو الزول ينال العضوية وبعدين ناقشوه فى ما يطرحه من مواضيع |
. يا استاذ حيدر .. سلامات
للتوضيح انا ما ضد أن ينال هذا الشخص عضوية هذا المكان
وبالمقابل لا يهمني من يكون هو .. ولا اعتقد أن منح العضوية او عدمها لابد أن يمر من خلال مداخلتي في هذا البوست لانو انا ما طالبت هنا بعدم منح هذا الشخص العضوية ..
كل ما قمت به عقبت على كلام مكتوب هنا وفق ما طرح .. فقط وفق ما طرح .. تفتكر لو كان اترسل لصاحب الموقع في بريده الخاص نفس الموضوع ..
أو
طلب العضوية كان ممكن اعلم بالمسالة دي بي طريقة ما .. وأجي اعلق عنها هنا ..؟
كل ما في الأمر الكلام مكتوب هنا قدامنا انا وإنت وغيرنا يا استاذ حيدر .. ولينا الحق نقول ما نقول .. ولا اعتقد انو كلامنا ح يؤثر سلبا أو إيجابا علي منح هذ الشخص العضوية.
تحياتي ..
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: yasiko)
|
Quote: وتانى مافى جلابه
ولا انانيا فى غابه |
قضيتنا مش الجلابة!!!
بس دايرين سودان جديد ...
سودان الذي لا يديره الهوس الديني ...
سودان يحترم الناس كل ناس...
سودان لا يفرض فيه العروبة والاسلام..
سودان جديد بمنهج جديد بعيد عن العنصرية نا تمبس...
غير ذلك
فان الانيانيا مستمرة في النضال ومرة القادمة داخل الخرطوم وفي كل انحاء السودان
سيتسع مناطق العمليات بتاع الانيانيا..
الانيانيا وحييي
تكوين الانيانيا 3 قادمة لا محالة...
| |
|
|
|
|
|
|
|
|
 Re: اكوى يكتب من اسبرنق فيلد: الوحدة التى تريدها الجلابة (Re: JOK BIONG)
|
Quote: سودان جديد بمنهج جديد بعيد عن العنصرية نا تمبس...
غير ذلك |
.. حرر نفسك من العنصرية الجواك اولا .. وفتش عليها بعداك في السودان العايز تحولو لي كومة من الكراهية بمجرد أنك تحمل الوهم الجواك دا ..
بندقيتك الشايله لافي بيها دي .. ما بتطرد بيها مواطن من السودان دا .. ولا بتغير بيها عنصرية .. المسالة محتاجة وعي شديد ما محتاجة زي هرطقتك دي ..
إنت قاعد تهرطق .. بتلقى ليك زمن وكمبيوتر بتجي تهرطق ها دا..
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
الفضلى تماضر والافاضل الاعزاء المتداخلين
تحياتي
مادام هذا المنبر اداة من ادوات التعبير عن الوطن السوان
والمواطن السوداني فمرحب بكل سوداني يرغب في الدخول
تاني حاجة: الاخ اكوي في طلبه طرح رايا
لذا بات من الواجب مناقشته عبر الفضلى تماضر
ذكر الابن اكوي
Quote: نعود لرؤية الاتفاقيات التى تريدها الجلابة، أولا نمسك اتفاقية اديس ابابا سنة 72 بين حكومة مايو مع الانانيا 1 وهى
الاتفاقية التى جاءت بالسيد جوزيف لاقو نائبا لرئيس الجمهورية دون صلاحيات ومنح الجنوب الحكم الذاتى فى مديرياته
الثلاثة ولاشيئا فى يدها غنى الشعب سويا فى وهم:
انا واخوى ملوال
نميرى قال كلام
مافى شمال بدون جنوب
مافى جنوب بدون شمال
كلنا اخوان
ثم صفق الشعب للرئيس وهتف ابوكم مين نميرى ابوكم مين نميرى لكن يا خسارة
على روح الشعب الوطنية اخيرا ابوهم قلب عليهم الطاولة ونقض الاتفاقية
مستخدما كبرياء الجلابة مستشهدا بعباراته العجيبة: هذه الاتفاقية ليست انجيلا ولا قرآنا ، لا جنوب ولا ملوال، هذه الوحده
هى التى تريدها الجلابة.
|
اولا ان اتفاقية اديس اببا من الالف للياء صناعة جنوبية
وعرابها د. منصور خالد الموجود الان ده ما غيرو
كل الاخوة الجنوبين الساسة في ذلك الوقت وافقوا على الاتفاقية
الاستاذ ابل الير موجود وحيا يرزق شاهد عصر هناك مجموعة قليلة رفضت
واستمرت في الغابة باسم انانيا 2
ثانيالم يلغ نميري الاتفاقية ولم يقلب الطاولة يابني
ضغطت مجموعة من ابناء الجنوب (من قبائل الاستوائية)
وطالبوا بتقسيم الجنوب الى ثلاثة ولايات
وخطا نميري انه استجاب لهم يعني الموضوع لا جلابة لاغيرهم
ثالثا قرنق كما هو معلوم عاد مع اتفاقية اديس اببا
واستوعب في الجيش بناء على نصوص هذه الاتفاقية
وفي عام 1983 وعقب تقسيم الجنوب مما يعني الخروج من اتفاقية اديس
اعلن قرنق تمرده يعني المسالة رفض للتقسيم وليس رايا في الاتفاقية
رابعا في 1989م وفشودة واتفاقية الخرطوم لم يطرح تقرير المصير
على طاولة المباحثات ودونك المفاوضين وهم موجودين
في مباحثات قرنق الصادق وقرنق المرغني لم يطالب قرنق
واقول لم يطالب بتقرير المصير
حق تقرير المصير يا بني ظهر في اجندة الحركة بعد مجيء الانقاذ
نعم هناك من يري الانفصال داخل الحركةمنذالبداية وليس تقرير المصير
لكن اصول اللعبة السياسية تتطلبت فرضت اساليب اللعب
ان صغر سنك قد يجعلك غير ملما بما جرى فلك العذر
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
محمود بكر والمتداخلين الكرام ...
أنقل لكم شكر أكوى على مداخلاتكم القيمة .
أكوى يريد أن يناقش مع الآخرين نقاط الاتفاق والاختلاف ....لكن هنالك عامل عدم العضوية وعوامل أخرى تحول دون ذلك ...
اتصل بى مساء بالامس وقال انه ايضا يريدنى أن انقل ردوده للمتداخلين ، وأتفقت معه على ان أفعل ذلك ..ظروف عمله وظروف عملى ستقف قليلا بين ذلك وذاك ...
لن يطول انتظاركم ...ان شا الله
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
ارحب بالاخ اكوي
وحقيقة الوان الطيف بالمنبر ضرورة من شرق وغرب وشمال وجنوب
اصحاب اديان او بعض اصحاب اللا دين
كل الون هذا السودان لا تتحقق الابوطن خير ديمقراطي
خالي هوس ديني ودي اشبه بالخلو من الكلسترول
لان الهوس الديني يعطل العقل ويبث الكراهية
ايد في ايد لمحاربة الهوس الديني والدولة الدينية
ايد علي ايد من اجل الديمقراطية وفصل الدين عن الدولة
ايد علي ايد من اجل اشاعة الحريات والمساوة
ايد عليايد من اجل ثقافة حقوق الانسان وتدريسها بالمدارسوالمعاهد والجامعات
ايد علي ايد للتنمية والعمران وتحرير الانسان
ايد علي ايد من اجل ثقافة تبرز التعدد ةالتنوع
ايد علي ايد من اجل التوزيع العادل للثروة
ايد علي ايدمن اجل سياسة جوار جيدة وعلاقات خارجية محترمة
شكرا تماضر ويا الفي الجنوب حي الشمال ال
ويا الفي الغروب هاك لحني قال قال ال
والشروق و الفي كل مكان اهلا السودان للسودانيين
كفاية مسخرة عقل ديني مهووس وكفاية تفرقة من عربوبون صيقي الافاق
السودان للسودانيين
اهلا اكوي اقف من اجل منحك العضوية
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
Ustaza Tumadir
You are indeed a very patient person. What got you lectured and ganged-up on are not the man's ideas, that is a Much Ado about nothing. It is the subject you brought to the Board. How dare you, is what the bruhaha all about.
My apologies on behalf of our friend Akoy.
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
من ظـن انه ذو غبينـه لا تـحل عليـه بالانفصــ ا ل !.
لكننــا نفتح كل اظـابير التـاريخ و تـراكم الخبرات الدوليه ونقول بفــم مليـان متى كان الانفصــال قوه !??.
التشرذم ضعف و الوحـده العادله قـوه .
ومن اراد بيع الوهم و العنصــريه الفجــه فليفعل فللضعف الف سبب !!.
حبـابكــم .
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: شهاب الفاتح عثمان)
|
Quote: طبعا أنا ضد العنصرية يا تمبس ...
ولك الاحترام |
لا اعتقد يا استاذة تماضر ..
هذا البوست يوضح ذلك .. وكنت أتوقع أن من يقف موقفا ضد أي فكرة لا يسعى للترويج لها تحت أي فهم كان .. أو تحت اي مسمى ,
اكرر ليس ضد عضوية هذاالشخص .. لكن ضد فكرته هذه التي تروج بالاصالة عنه الاستاذة القديرة تماضر شيخ الدين.
هذه عنصرية واضحة ومشروع انفصالي يصب في معين امثال بيونق يانق والطيب مصطفى وعلامة الاستفهام الكبيرة الذكي .. عمر علي.
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: tmbis)
|
الحديث عن الوحدة او الإنفصال هو حديث مهم و جارح فى نفس الوقت لكل الطرفين – الجنوب و الشمال - و يجب ان يواجه بكل شجاعة و بكل مصداقية. لماذا الوحدة و لماذا الإنفصال؟ ماذا يخسر الجنوب إذا صوت للإنفصال و ما هي مكاسب الوحدة خلاف سودان واحد يحكمه الاسياد و يظل الجنوبي كما هو –جنوبى لا يزيد ولا ينقص.
الحديث عن الإنفصال حديث جارح لان الإنفصال لا يحدده لإنقاذ بتاريخه الاسود كما يحلو لبعض منا ان يصدق، إنما يحدده تاريخ طويل من الذل/القهر الذي عاناه الجنوب على ايدي الحكومات السودانية باجمعها.
الإنفصال، بكل صراحة، حدده منذ زمنٍ بعيد الشارع الشمالى برفضه القاطع لكل ما هو جنوبى – إنساناً و ثقافةً. . لذلك يحس كل جنوبي بعدم الإنتماء إلى المجتمع الشمالى – يحس بالنقصان – فهنالك فجوة كبرت بداخله و كبرت معه و هى نفس الفجوة التي يطل عليها الان لإتخاذ قرار مصيرى – الوحدة ام الإنفصال؟
الاصوات التى تعلوا بسودانيزاونلاين من اجل سودان واحد يتسم بالعدالة و الديقراطية و يسع للجميع قد تكون اصوات صادقة و لكن هل هى كافية لضمد الجراح التى ما زالت تنزف او لإذالة هذه الفجوة؟
And thanks Tumadir for sharing. This is the right time for all of us to say what we think and how we feel and we really need to show some tolerance because being up in arms against any voice that voices concern about unity or secession shows our unpreparedness to deal with the consequences regardless of where we stand on this matter.
Lily
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
مازلت أرحب بالاقلام المشاركة ...
وما زلت أنتظر أن ينضم أكوى لهذا المنبر حتى يستطيع الدفاع عن آرائه أو يقتنع بالآراء المقابلة ...
وما زلت أقتنع أن الرأى الآخر هو أهم من الرأى الذى يعتنقه الفرد منا ...خاصة فى حالة وحدة السودان هذه التى نحلم بها ...
حتى أكوى نفسه وأعذرنى يا أخى أكوى فى طرح هذه الجزئية من فكرك دون أن ان تكون قد عبرت عنها فى كتابتك، أكوى نفسه قال
كلنا نحلم بسودان واحد، ولكن هل هذا ممكنا مع كل ما هو مطروح اليوم وما طرح عبر التاريخ
...لا أريد أن أمضى فى الحوار الجانبى مع تمبس ...
ولكن هذا القول منك يا تمبس
Quote: لا اعتقد يا استاذة تماضر ..
هذا البوست يوضح ذلك .. وكنت أتوقع أن من يقف موقفا ضد أي فكرة لا يسعى للترويج لها تحت أي فهم كان |
يعبر عن تجريم ناتج عن سوء فهم أو سوء قصد لا أعلم ..
انا ضد العنصرية وأنا ناشطة فى جمعية لحقوق الانسان
ومنذ دخولى لهذا المنبر ومعروف أننى أقف فى صف الانسانية ..كلها ...وخاصة المهضومة الحقوق
هل تذكر هذا البوست الذى طرحته هنا عن لقاء نساء من مختلف أقاليم السودان وأسميته "الحوار القاسى بين نساء الجنوب والشمال يبدأ اليوم فى بوسطون"؟ ما زلنا نواصل الحوار هذا القاسى ...لأن المرارات التى يحملها أهل جنوب السودان ضد هذا الوطن والظلم الذى تعرضوا له هو جرح
ما زال نازفا ...
لعلنى أكثر قابلية للأستماع لأصوات الانفصاليين فى هذه المرحلة ..لأنهم الأكثر غضبا منا جميعا ..ولأنهم يستبطنون غبنا خاصا لم يخلص النقاش
من مداواته ...ولم تنجح الاتفاقيات فى مسحه ....
أنا أملك من الايمان ما يجعلنى أرغب فى جعل هذا الحوار عاما ..وأن تسمع هذه الاصوات بجدية أكثر، خصوصا بعد حادثة بوسطن ....
ما دار بينك وبين عمر على لم أطلع عليه ..ولا أعرف الكثير من حواراتكما السابقة ...فأرجوك لا تزج بهذه الاشياء فى طريقى وأنا لا أمتلك حق الرد عليها ...
تمبس ...قول بسم الله ...انا ما عنصرية ...ووصفك لى بذلك هو موقف محبط وجائر ...ومتجنى ....كل مساهماتى تشهد لى بنفورى من العنصرية وكل مجهوداتى فى العمل العام تشهد لى بالايمان بضرورة تقويضها والانتهاء منها من كل العالم ناهيك عن وطن أنتمى اليه كالسودان ...
وكان انا عنصرية تانى الفضل منو؟؟ والله ياهو
نرحب بكم مرة أخرى ..وقريبا سيأتى أكوى للرد عليكم ...
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Tumadir)
|
Quote: ...لا أريد أن أمضى فى الحوار الجانبى مع تمبس ...
ولكن هذا القول منك يا تمبس يعبر عن تجريم ناتج عن سوء فهم أو سوء قصد لا أعلم .. |
أنا ايضا اكره الحوارات الجانبية التي لاتقود إلى وضوح رؤية تساهم في حل المشاكل الاساسية .. ما طرحته هنا من وجهة نظر لا تجريم فيها حسب رؤيتي .. كل ما وصلني هنا هو نقل مادة محددة .. فيها ما فيها حسب ما تم السرد .. تعاملت معها وفق ما جا فيها لعدم معرفتي بصاحبها لكن اعرف صاحب المداخله التي امامي .. فهنا ظهر التبشير بهذا الطرح واهتماماتك كما ورد في مداخلتك: | Quote: لعلنى أكثر قابلية للأستماع لأصوات الانفصاليين فى هذه المرحلة ..لأنهم الأكثر غضبا منا جميعا ..ولأنهم يستبطنون غبنا خاصا لم يخلص النقاش من مداواته ...ولم تنجح الاتفاقيات فى مسحه .... |
كل ما ذكرته لك أن هذا الشخص انفصالي . وانت تتبنين فكرته .. في حين أن لي الحق الكامل في عدم تصديق من هو هذا الشخص .. لا احب الخوض في اهتماماتك الأخرى ونشاطاتك .. كلنا لنا من الهوايات الإنسانية .. وإن اختلفت المسميات .. ونعمل دائما على ان ننشر الكثير من القيم الجميلة التي تقرب بين الانسان وأخيه لا عن طريق الانحياذ لجهة ما .. يغلب عليها طابع الانتقام والترويج إلى قتل حتى من ليس لهم ذنب جنوه أو حتى يتساوون في معدل الظلم الذي حاق بالجميع .. لن ادعم امثال هذا المدعو جونق بيونق .. وكل من يأتيني بمفدرة انفصال .. أو يأتيني مهددا بالويل .. والهلاك وطول اللسان في الفاضي .. Quote: هل تذكر هذا البوست الذى طرحته هنا عن لقاء نساء من مختلف أقاليم السودان وأسميته "الحوار القاسى بين نساء الجنوب والشمال يبدأ اليوم فى بوسطون"؟ ما زلنا نواصل الحوار هذا القاسى ...لأن المرارات التى يحملها أهل جنوب السودان ضد هذا الوطن والظلم الذى تعرضوا له هو جرح
ما زال نازفا ... |
للاسف احجمت عن متابعة الكثير من البوستات .. والاسماء .. بعد أن خدعت في معظمها.. واصبحت الكثير من البوستات تشبه في فكرتها محطات العرض التلفزيونية .. فقط للشو .. والاضواء الكاشفة .. هذا لا ينفي أن هناك عمل يقوم به البعض يصب في مصلحة الجميع .. وتقديم كل ما هو جيد للبشرية .. وليس انسان السودان فقط ..| Quote: أنا أملك من الايمان ما يجعلنى أرغب فى جعل هذا الحوار عاما ..وأن تسمع هذه الاصوات بجدية أكثر، خصوصا بعد حادثة بوسطن .... |
وأنا مثلك املك من الايمان ما يجعلني اكثر مقدرة على محاربة الكثير من الأفكار الهدامة من شذاذالأفاق ومحدودي النظر الذين ينظرون بزوايا مصالحهم الذاتية .. التي تكفل لهم المحافظة على مكتسباتهم أو تبقيهم على قمة ما هم عليه .. حتى لو ادى ذلك إلى فناء غيرهم أو تشريدهم أو تجويعهم .. كما يحدث الآن .. واضعف الايمان أن تكون البداية من هنا فهي الوسيلة المتاحة أمامنا جميعا .. مقابلة أي فكر وطرح بفكر وطرح إما أن يتساويان أو يحافظان على نقطة توازي تكفل لهم الحق المشروع لا تنميط ولا سلطة مفروضة على أحد دون الآخر .. ولا اتهامات جزافية ولا وصايا ولا قمع لرأي مختلف. | Quote: ما دار بينك وبين عمر على لم أطلع عليه .. ولا أعرف الكثير من حواراتكما السابقة ...فأرجوك لا تزج بهذه الاشياء فى طريقى وأنا لا أمتلك حق الرد عليها ... |
ليس بيني وبين علامة الاستفهام الجزار عمر علي .. ما يدعو للحوار .. فقط محض اتهامات يمكن أن يحاسب عليها القانون .. حال توفر مثل هذا النكره علي العلن .. هذا ما وجب تثبيته بالنسبة لهذا النكرة ..
أما
ما يتعلق بزجك في هذا الأمر .. كان نتاج ما اوصيتي به في البوست المحذوف بعبارتك الاستفزازية .. ( اقرو كلام عمر علي دا .. وعندي ليكم هوم ويرك ) فكأن ما عمر علي رسول جديد .. وكل ما في الأمر أنه اكبر كاذب ومتخفي .. ما فعل شئ بإستثناء أنه نسخ ولذق لمقال .. من جريدة .. واثبتته لك السيدة الشجاعة تصنيفاً تراجي بأن زوردتك باللنك الكامل للمقال ..
تفتكري كان ممكن اجيب ليك سيرتك واربطه مع سيرة هذا النكرة عمر علي .. واقول ليك تعالي وريني رايك شنــو .. في كلام الزول دا .. لو ما فعلا إنت ورطتي شخصك وربطيتهو بالشخص دا ..؟
إن كنتي لا تحبي التجريم يا تماضر .. ما تجرمي حد .. الاتكتب في البوست داك ما بتمحي بسرعة .. وانا احتفظ بنسخة من البوست كاملة .. وإذا حبيتي اثباتات للكلام القلتو دا ما عندي مشكلة .. لتأكيد حقيقة زجك لنا مقرونا بإسم نكرة الانترنت عمر علي .. وما ذكرتيه من كراهيتي لشخصية تراجي .. وما ذكرتيه من مطاردتي للكثيرين الذين تعتقدين انهم يقومون بأعمال جيدة في حين أني ارى انهم في قمة الانحطاط ويتضح ذلك في اطروحاتهم Quote: تمبس ...قول بسم الله ...انا ما عنصرية ... ووصفك لى بذلك هو موقف محبط وجائر ...ومتجنى ....كل مساهماتى تشهد لى بنفورى من العنصرية وكل مجهوداتى فى العمل العام تشهد لى بالايمان بضرورة تقويضها والانتهاء منها من كل العالم ناهيك عن وطن أنتمى اليه كالسودان ...
وكان انا عنصرية تانى الفضل منو؟؟ والله ياهو
نرحب بكم مرة أخرى ..وقريبا سيأتى أكوى للرد عليكم ... |
..بسم الله يا تماضر الواحد بقوله في السر وفي العلن وبيشكر الله علي الكتير من النعم .. لكن لو عملتي السبعة وذمته ما جيتي به من طرح لشخص عنصري مستخدما مطية الجلابة والشمال والجنوب .. ايماني المطلق حسب معرفة قديمة بك هو ما دفعني أن اقف هذا الموقف أمامك .. أو أن اكتفي بالمراقبة عن بعد كما فعل الكثيرين وتحسروا في ندم على ما طرحتيه هنا وهناك ..
هناك الكثير من البوستات التي تحمل نفس الفكرة .. من اشخاص ما تعودنا منهم إلا هذه النوعية .. نقف في وجههم في الكثير من الاحايين .. كان بأمكانك تجنب هذا الموقف بأن تطالبي فقط بعضويته اسوة بالكثير من الزملاء .. لكن وضعتي العقبات والخطوط الحمراء بمثل هذه الكتابة التي لم ترق للكثيرين من ضمنهم شخصي الضعيف وراقت للكثيرين الذين يحملون نفس الفكرة امثال بيونق يانق المتطرف .. فدحرجها في طريق مصلحته .. بينمااحترم البعض شخصيتك من كونك اتعرفتي بالكثير من ما هو جميل .. اصبح على حسب وجهة نظري في مهب الريح على الاقل يمكن أن يتحس في مداخلات البعض .. واصعب فكرة أن يفقد أحد ما مكانته في قلوب الآخرين فقط .. بمحض مجاملة لبعض آخر على حساب اشياء جميلة فيه ..
ارحب بكل ضيوفك .. وارحب بألأخ أكوي في انتظار أن يكون بيننا .. واعتذر عن كل ما اثقل لكاهلك .. واعتذر مرة أخرى لعدم مقدرتي على الرد لشخصك حال ان توفر لك الرد.
| |
|
|
|
|
|
|
|
|
|
Re: اكوى يكتب من اسبرنق فيلد: الوحدة التى تريدها الجلابة (Re: Deng)
|
Quote: الاصوات التى تعلوا بسودانيزاونلاين من اجل سودان واحد يتسم بالعدالة و الديقراطية و يسع للجميع قد تكون اصوات صادقة و لكن هل هى كافية لضمد الجراح التى ما زالت تنزف او لإذالة هذه الفجوة؟
|
شكرا لك اخي اكوي نيابة عن اسرة سودانيز علي ما تفضلت به من اشارة صادقة
أمل ان تعمل من جانبك متضامنا مع الاصوات الصادقة...وفي نهاية الطريق..
لن يكون الامر الا خيارا حرا صادقا...
| |
|
|
|
|
|
|
| |
Tumadir
جمال السنوسي
Hatim Salih
Zakaria Joseph
عبد المنعم سليمان
JOK BIONG
MAHJOOP ALI
omar altom
tmbis
Munir
Hatim Yousif
Tragie Mustafa
فيصل نوبي
Adil Osman
حيدر حسن ميرغني
yasiko
nazar hussien
عاصم ابوبكر حامد
Adil Isaac
شهاب الفاتح عثمان
Deng
فيس بوك
تويتر
انستقرام
يوتيوب
بنتيريست