وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 09:46 PM الصفحة الرئيسية

مكتبة الممثلة تماضر شيخ الدين جبريل(Tumadir)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

اعتذارك ما بفيدك ....يا تمبس

08-11-2005, 04:39 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
اعتذارك ما بفيدك ....يا تمبس

    لا انا قبلت اعتذارك لكن قلت اعمل ليك "صدمة عنوان" زى ما عملت لى صدمة عنوان فى بوست


    تماضر الشجاعة


    تعرف يا تمبس زمان لما كنت حساسة ...عنوان زى ده كان ممكن يشيلونى فيه بالنقالة


    حسة بعد شفت ربيكا بتهتف بوحدة السودان وجثمان جون قرنق راقد قدامها ........


    اتصفحت يا تمبس اتصفحت عدييييل كده..وهمى بقى واحد ومحدد ....اكتر من زمان



    ولا يهمك..
    .. للتوضيـــــح ..


    ممكن اقول حاجة تانية ؟؟


    عمر على:

    انا افتكر كلمة بيع العرض الوردت فى كلام العزيز عبد الرارزق...قاصد بيها العرض المسرحى ...هو بيفتكر اننا بعنا عروضنا المسرحية..


    ما تزعل منه..


    تمبس

    صافية لبن


    شكرا على العودة الى دماغك المدوقس ده...


    وبالله ممكن اطلب طلب؟؟

    فى بوست اسمو وبرضو تجو تقولو العرب شينين ولا شى بالشكل دة


    فيه بنات كويتيات برقصو رقص سودانى ..عجبونى جدا جدا..

    ممكن تجيبهم لى هنا هدية "بالقوة"؟؟


    شكرا على المشقة ...

    وارجع لى فنك زى ما قال احدهم ..خلى الحركات العجيبة دى......"الناس كلهم ملاحظين ليك"


    هههههههه
    لكن
                   |Articles |News |مقالات |بيانات

08-11-2005, 05:30 AM

Hatim Elhassan

تاريخ التسجيل: 05-11-2005
مجموع المشاركات: 576

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    تماضر الشجاعة دى اخت مريم الشجاعة ؟؟؟

    تتذكرى الجدادة الصغيرة الحمرا و لا الحمقاء
    تمبس لحق الجدادة و فاتا بهناك فى الحماقة، وفات ناس اساسي و بت الاحفاد فى الحردان،الولد يكون عندو مرض حامد او حامق؟

    Quote: لما كنت حساسة

    بلعب فى التراب

    يا تمبس
    هز راسك المدوقس دة و امشي الليلة الخميس اتفاهم مع نادر و ما تنسانى و بكرة بعد صلاة الجمعة تجى تسجل حضور فى البوست دة و الا حانسفك بسلسلة من نوادر قديمة لبوب مارلى كضاب لو عندك او سمعتها زاتو.

    و اخر الكلام:
    امرق من الكوشة الوداك ليها الجداد الباريتو دة

    عمك حاتم
                   |Articles |News |مقالات |بيانات

08-13-2005, 00:11 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Hatim Elhassan)

    Quote: وفات ناس اساسي و بت الاحفاد فى الحردان

    حردان شنو يا حاتم..
    الحردان ده مصطلح انهزامي خالص .. لمــا يجي من زول حديث ( تقدمية ) زيك بيكون مغري لي انفلاتات كتيرة..
    بعدين شنو الما بخلى الواحد نفسو تنقفل وبطنو تطمم ؟؟ ما كل الحاجات بقت مبنية على فقه المغالطات ( والمرازاة ) .. فاهمني ؟؟
    ..
    .
    Quote: و اخر الكلام:
    امرق من الكوشة الوداك ليها الجداد الباريتو دة

    والله يا حاتم قدرما قلبت كلامك ده بي جاي وبي جاي ما قدرت اعرف ياتو جداد ..
    ياخ انت زول قريت معاي فترة جميلة وفي مكان عريق جــدا تحت اشراف اساتذة مشهود ليهم بي تنشئة الجيل بشكل ممكن يديك مسافة كبيرة لي قدام تحترم فيها حاجاتك ومفاهيمك.. يعني ثوابتك مافي شي بيبدله ليك ..
    لكن بالجد ادهشتني زي مرتين كـــده..
    المرة الاولى لما قلت ليك انت بنفسجي .. قلت لي لا انا ازرق فاتح شديد قلت كويس الدنيا لسه بي خيرة طالماانو حاتم لحدي الآن ( مطاطي ) ..
    المرة التانية لما وديتني الكوشة.. ودي علشان احاول اوقعه ليك محتاجة يا حاتم درس عصر لمدة شهر وحصص صباحية ومذاكرة شديدة ..
    المهم يا زميل ..
    ..
    .
    انا قاعد امشي واجي بي مزاجي لما اقرف من المكان وبحس اني ما قادر اتعامل معاهو بكسح ولما احس انو في شي بيرجعني برجع .. علشان كده إذا حسيت اني تاني حردته .. ما تحكهــا شديد.. إتفقنـــا ؟؟
    بعدين نادر بعيد جدا مني .. لكن ممكن اجضم ليك كل الوصايا المتعلقة ( من وإلى ) .. وكدي وريني حاجات بوب مارلي دي نشوفه عامله كيف ؟!
    ..
    .
    الموضوع المهم ياعمو حاتم ..
    عندك فهم محدد أو خطة كويسة بتقدر تطلعني بيها من المرحلة ( الجدادية ) دي والا ح تخليني في كوشتي ؟؟



    خالك قرقور والاجر على الله
                   |Articles |News |مقالات |بيانات

08-11-2005, 05:30 AM

nasiradin
<anasiradin
تاريخ التسجيل: 06-01-2003
مجموع المشاركات: 1270

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    حلوه منك
    الله يقدمك كمان و كمان يا رب

    ناصر البطل
                   |Articles |News |مقالات |بيانات

08-11-2005, 06:17 AM

حريقة

تاريخ التسجيل: 11-26-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    Quote:
    انا افتكر كلمة بيع العرض الوردت فى كلام العزيز عبد الرارزق...قاصد بيها العرض المسرحى ...هو بيفتكر اننا بعنا عروضنا المسرحية..



    وانا بفتكر انو كلمة العروض العناها عبد الرازق هي حكاية الاغتصاب في دارفور اللافة في كل منظمات العالم
    حبيت اوضح من وجهة نظر اخري حتي لا نظلم الاخ عبد الرازق..علي الاقل لانو ما قادر يدافع عن نفسو الان
    ونتمني رجوعه

    ولكم معزتي
                   |Articles |News |مقالات |بيانات

08-11-2005, 02:17 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: حريقة)

    العرض مسرحى


    مافى شك
                   |Articles |News |مقالات |بيانات

08-11-2005, 03:02 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8207

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    العزيزة تماضر
    عايز أقول كلام محدد جا في راسي وانابقرا في البوست بتاعك دا، طول الفترة الجات بعد إستشهاد د.جون وأحداث الخرطوم الأخيرة والجوطة الحصلت هنا في المنبر، أنا كانت في راسي صورة واحدة للرجل العظيم القس ديزموند توتو، رئيس لجان المكاشفة والمصالحة بتاعت جنوب أفريقيا، دائماً بتذكرو وهو بيبكي وبيساهم مع الناس في التسامح وفي (غسيل القلب)، عارفة من اليوم داك وأنا ما قٍدرت أشيل تانى في قلبي كره لأي زول، وأولهم أعدائي.
    يا ريت لو في واحد بيقدر يجيب لينا (لنك) لأي جلسة من الجلسات ديك، يمكن نتعلم التسامح والحب منها أقول (يمكن).

    ولهذا أحببتُ درويش:

    إلي قاتلٍ آخر:لو تأمَّلت وَجْهَ الضحيّهْ
    وفَكَّرتَ، لو تَرَكتْ الجنينَ ثلاثين يوماً،
    إذاً لتغيَّرت الاحتمالاتُ:
    قد ينتهي الاحتلالُ ولا يتذكّر ذاك الرضيعُ زمانَ الحصار،
    فيكبر طفلاً معافي،
    ويُدرُس في معهدٍ واحد مع إحدي بناتكَ
    تاريخ آسيا القديمَ،
    وقد يقعان معاً في شِباك الغرام.
    وقد يُنجِبان ابنةً (وتكون يهودِّية بالولادةِ).
    ماذا فَعَلْتَ إذاً؟
    صارت ابنتُك الآن أرملةً،
    والحفيدة صارت يتيمةْ؟
    ماذا فَعَلْتَ بأسرَتك الشاردة؟
    وكيف أصَبْتَ ثلاثَ حمائمَ بالطلقة الواحدةْ؟
    الصادق
                   |Articles |News |مقالات |بيانات

08-11-2005, 03:03 PM

Marouf Sanad
<aMarouf Sanad
تاريخ التسجيل: 12-02-2004
مجموع المشاركات: 4835

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    Quote: اتصفحت يا تمبس اتصفحت


    اتصفحتي ياتو جريده ,,؟
                   |Articles |News |مقالات |بيانات

08-11-2005, 05:15 PM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    تماضر قريبتي ..

    تحياتي ومحبتي ..
    تعرفي لا زلت أتذكر كلام صهيب لما قلت ليهو ..
    ياخي أنا بحب تماضر دي شديد وبعدين إنت ما عارف إنها قريبتي ولا شنو ؟..
    قال لي كان كده نحن الإثنين مشتركين في الحب دا ..
    أها يا تماضر مهمتك بقت كبيرة أنا وصهيب مع بعض مشتركين في هذا الحب ..
    يعني حقنا في الحب دا أصلو ما بنخليهو ليك ..
    بعد داك إلا تتقسمي بيناتنا ..

    عزيزتي تماضر أحيانأً أحاول أتذكر قبل ما أنوم إذا كنت مخاصم لي زول أو في حد زعلان مني ..
    تعرف النوم بيطير من عيني وأحلف
                   |Articles |News |مقالات |بيانات

08-11-2005, 05:17 PM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)
                   |Articles |News |مقالات |بيانات

08-12-2005, 02:39 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: معتصم دفع الله)

    تعرفي ياتماضر ...
    يوم الخميس بالذات بجتهد إني اكون ( كائن بيتي ) ( اهل كهفي ) ومتبني فكرة التحول دي.. ومعظم النظريات الجدلية قاعدة تترسخ لي وانا نائم يااترسخت يا حلمت بي ( خدر مات ، أو حسين ملاسي مات ).. والكلام ده مستعد احلف ليك عليهو في اي محل بيقبل الحليفة أون لاين
    ..
    .
    عندي صاحبي منزعج من الفكرة دي خالص .. بتاعت محاولات التحول الخطير ده.. مع انو المسالة دي في سري ..بيقوم يصحيني في زمن معين كده ( بالتلفون ) في نص التحولات دي ..
    المهم
    ..
    .
    قام التلفون رن..قلت ليهو ايوة يا ( حسين ) .. لاحظي في اللحظة ديك انا كنت مشغول بي موت حسين ( ميتافيزيغياً) .. قام قال لي حي حي حي حسين مو مو منو ؟؟ قلت ليهو لالا مافي مشكلة عادي .. اها هنا تحديدا في المسافة ما بين ( حي حي حي حسين مو مو منو ؟؟ ولالا مافي مشكلة ) ضاعت فكرة ترسيخ التحول ..
    قام قال لي : تماضر فتحت بوست وقالت ليك اعتذارك ما بفيدك يا تمبس ..
    قلت ليهو تماضر قالت لي كده ؟؟ قال لي ااي قلت ليهو انت قريتو والا ساكت ؟؟ قال لي قريتو ..
    قلت ليهو .. انت قاعد ( تتمتم ليك كم سنة ) قال لي من ما ولدوني .. قلت ليهو خنقوك بي ( مصران الضحية كم مرة ؟؟) قال لي ناس منو ؟؟ قلت ليهو طيب ما عندك نظرية جدلية قاعد تحاول تثبته في الخميسات دي ؟؟ قال لي جدليات كيف يعني ؟؟
    قلت ليهو البوست ده بجوه بيكون عامل زي ( موت حسين وخدر ، وتمتمتك دي ، وجدليات تحولي )..
    ..
    .
    على العموم ياتماضر كنت عايز بالضبط ارسخ لي مسالة النقد الذاتي دي وإنو مسالة الاعتذار ما كعبة بالذات لما تخلق ليك حساسية بينك وبين نفسك وبعدين اصعب حاجة تقوم تتهم ليك زول ساكت كـــده .. في لحظة صفاء مع نفسك وتضاير الاتهام ده جواك وتجي تقولو هنا لي مليون الف نفر وتدخل فيهم الفهم ده ..
    يعني مثلا عايني ..زي التحليلات والاتهامات البتجي في لحظة الصفاء دي ..
    Quote: في عالم الجاسوسية هناك ما يسمي بـ العميل النائم
    وهو الجاسوس الذي يتم تجنيده في موقع ما او بلد ما ويظل ساكنا
    بلا نشاط ربما لسنوات الي ان تحين ساعة الحوجة اليه.
    ومثل هذا هو ما يحدث في هذا المنبر ..اسماء تنهض من بياتها
    الشتوي لتلوث صفحات المنبر حسب ما يتطلبه الموقف والاوامر
    الصادرة اليها...واسماء كانت تخدع الناس ببوستات الادب والشعر
    او ببوستات الغناء والموسيقي وفجأة ظهرت بوجوهها الظلامية
    القبيحة بل واكثر تطرفا من هم اصلا ناشطون يوميا
    ...ورغم انهم
    يمازحون بعضهم البعض بـ يا ظلامي ويا ظلامية ويا لسماجة مزاح
    الظلاميين فان احدآ لن يعترف انه من اذناب الجبهة الاسلامية


    حاجات زي دي انا بعتبره عيب كبير جدا ونوع من العبط .. البتبلور في لحظة صفاء
    ..
    .
    وانا ( بتصفحك ) يا تماضر متكيف من تعاملك مع الضد بنوع من الوعي ..والتسامح..
    ..
    .
    Quote: ممكن تجيبهم لى هنا هدية "بالقوة"؟؟

    تعرفي يا تماضر عندي شغل بجمع فيهو من فترة وبحوث متعلقة بالنوعية دي والتشابه في شكلها مع مجموعة كبيرة من البلدان العربية والافريقية وإثبات البعض إن الاصل في شكلها منبعو السودان وامتدت الجذور من عندنــا.. في ناس اجتهدت شديد علشان تصل للحقايق دي ونجحو لي حد بعيد لكن المسالة الاعلامية زي ما عارفة عندنا شكلها مجوبك شوية .. اها لما الواحد يلقى ليهو مساحة زي سودانيز دي ممكن يتحرك بي ارتياح ويوصل المفهوم ده بشكل اوسع ..
    ..
    .
    لكن يجي مفتي الحضارات الافريقية بأمريكا ( مولانـــا بشاشا ) يطبز ليك في لحظة تجلي ووعي خرافي .. ولحظة صدق نفسي متبلورة لي رد في بوست ..
    عايني برضو .. انت كفنانة واديني رايك ..
    Quote: اها شايفك خليت شغل لزيق الاغاني واهتمامات ناس حزب الجو الرطب الانصرافية، اوتوش قلبت سياسة او خطب عن الابرياء والاستباحة!

    بالمناسبة يا تماضر ده ما مشروع ( صارقيلة جديدة ) شان ما تفهميني غلط لكن انت كفنانة وبتعكسي وبتوصلي في مفهوم محدد للعالم .. رايك شنو في عبارات زي دي ؟؟
    بالمناسبة :
    إذا في أي لحظة حسيت أنو المسالة دي ليها علاقة ( بالصارقيلة ) ما تردي عادي انا متفهم وإذا ما متأكد من ( تصفحك ) ما بجيب ليك الاقتباسين ديل في بوست زي ده..
    وإذا ما معتصم نزل العمل ده انا كنت جاي انزلو برضو بالقوة لكن اكوس حاجة إنومعتصم بسدة وبقدة ..
    ..
    .
    لكن بوعدك بحاجات كتيرة جدا تصب في نفس الاتجاه ونقعد ليها بي هداوة كده ( وتصفحية لي )

    (عدل بواسطة tmbis on 08-12-2005, 03:12 AM)

                   |Articles |News |مقالات |بيانات

08-12-2005, 03:33 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: tmbis)

    بعدين نسيت أن أذكر أنو الشخصية الصديقة ( التمتامة ) دي ..صديق سوري الجنسية
    ومن المتابعين بنهم للموقع ..
    ..
    .
    وبيذكرني صديق زميل عمل ( لعم تنقو ) كنا التقيناهو في زيارتنا لي عمك تنقو .. الشخص مصري الجنسية .. لكن متابع ايضا لي البورد وبي نفس الادمان ..

    ..
    .
    وأحب أن اوضح دي نماذج صغيرة لي نوعية من الناس القاعدين ( نفرمط ) فيها هنا علشان نعكس ليها مفهوم السودان ( العربي أفريقي ) وغيرنــا الكثير من الناس المجتهدة ومتحمسة للفكرة دي وإن اختلفت الادوات ..
                   |Articles |News |مقالات |بيانات

08-12-2005, 04:33 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: tmbis)

    حاتم الحسن

    حريقة

    ناصر البطل

    معروف سند


    النقطع ليكم فى تمبس دة


    لما جة البورد ده كان بيمثل "دويتو" ناجح مع واحد مشوطن زيهو كده اسمو "دافى" ودويتو دى معناها "ثنائى" بالعربى ..

    اجن نوع كتابة ...وملتيميديا

    كانوا مصدر تفاؤل وحزن جميل ....

    فجأة دافى ..وقف

    تخيلو زول جميل وقلمو بينقط فن ...يقيف

    الناس نبحت وفترت وجابو ليهو بوستاتو المؤلمة الضاحكة واغانيهو البتتقطع حزن وفرح واترجوهو يرجع

    ما رجع..

    سكتنا ...قلنا ياهو حال السودان ومنابرو....بكينا وسكتنا...وقولنا البركة فى تمبس

    يجيب فى الفيديوهات والاغانى ...ويكتب بقلم رشيق.....


    فجأة لقى ناس بتكلموا فى السياسة....مد راسو

    بقى يشوف الناس زعلانين من منو...يداقع عن الزول الزعلانين منه الناس قال شنو؟ عشان قلبو الحنين ما بيستحمل ...


    يا تمبس ...قلبك الحنين ده مشكلتو ما بيعرف يجمع..

    الكتابة ممكن تكون اخت الكتل والاغتصاب والتنكيل والتعذيب...

    يقول ليك ده رايو

    لكن رايو ده ما طباعة ...دة واقع

    يجينى زول قاعد تحت مكيف يدافع لى عن اوضاع دارفور ويقول لى تمبس لا دة ما هو..

    لا يا تمبس ده هو...ده الوش التانى ليهو هو...الوش البكتب ...الوش البروج للفكرة المدمرة..

    لكن لا...تمبس خاتى قلبو محل دماغو

    ينهر فى الناس الواعيين العارفين سر لعبة السياسة ووشوشها المتنوعة ويشاكل فى اولاد الحلال عشان اولاد الحرام ...والمعنى هنا موتوفوريكال ..يعنى مجازى ...بمفهوم الطيب والردىء...

    نجى للرقصة دى..

    عجبتنى ...

    الخطوة كويتية والقسئرguesture او بالعربى الايماءة نصها كويتى وقليل منها سودانى ..طبعا الزى والاكسسوار سودانى ...وطبعا المضمون مشترك

    كويت سودان...

    تصميم حركة المجاميع ..ملفت للنظر وان كان بكثرة العدد والاداء الموحد ..مهرجانية اكتر من انها مسرحية

    يعنى بى عدد ضخم زى دة الاداء البلوفونى او المتنوع ...بكون اكثر ثراء..وبالمبسط كده يغنى بقصد لو المجموعة اتقسمت لمجموعات داخلية ..بعض اللحظات عشان تقوم بحركات مخالفة لكن متجانسة بيكون ملفت للنظر اكتر


    الاجمل هو هذا التوحد الشعورى مع شعب "آخر" واكبر دليل على انه آخر هو ملمح الايماءة ...وهو التى تتحدث وتكشف عن معرفة الشعب لشعب تانى

    مثلا الثنية التى تسميها النساء بالسودانى اسم شهير دى ...فكرة خاصة بالسودان...مع انه الجسد يميل الى الخلف تماما لكن انثناءة الجسد السودانى مختلفة فهى لها حركة اخرى ملازمة لها لا تجيدها الا راقصة سودانية وباختصار هى تتلخص فى حركة رمانة الكتف. ومرفق اليد ..وقد كنت اقوم بتعليم الرقص السوانى لبعض الامريكيات واكتشفت ان رمانة كتف معظم نساء العالم لا تتحرك بمرونة تحرك حركة رمانة كتف المرأة السودانية ...التى ترقص رقصة الرقبة او الحمامة..وهو ما يميز ايماءة الرقصة السودانية ...نجد هذه الحركة سهلة عند الهمنديات ...لكن فى الهندية...لا تتبعها وضع المرفق فهو ايضا فى الرقصة السودانية يتخذ وضع انسيابى وينقلب 180 درجة الى اعلى....وبالطبع الرسغ..ينقلب معه.. وهى حركة بالتقليد تصير سهلة وممارستها تلقائية ولكن تعلمها للثقافات الاخرى صعب..ويحيتاج مجهود من المخيخ اضافى..

    اعجبنى التقرب الثقافى باستخدام الرقص ...وبينى وبينكم غاظنى انه البنات ديل برضو مسلمات ...بالاضافة للعروبة...ومافى زول نبذهم ولا قال عنهم

    القالوة عننا من امثال بيع عروض...ليه يعنى عشان نحن مفلسين؟؟ ههههههههه

    محبتى

                   |Articles |News |مقالات |بيانات

08-12-2005, 10:56 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    Quote: نجى للرقصة دى..

    عجبتنى ...

    الخطوة كويتية والقسئرguesture او بالعربى الايماءة نصها كويتى وقليل منها سودانى ..طبعا الزى والاكسسوار سودانى ...وطبعا المضمون مشترك

    كويت سودان...

    تصميم حركة المجاميع ..ملفت للنظر وان كان بكثرة العدد والاداء الموحد ..مهرجانية اكتر من انها مسرحية

    يعنى بى عدد ضخم زى دة الاداء البلوفونى او المتنوع ...بكون اكثر ثراء..وبالمبسط كده يغنى بقصد لو المجموعة اتقسمت لمجموعات داخلية ..بعض اللحظات عشان تقوم بحركات مخالفة لكن متجانسة بيكون ملفت للنظر اكتر


    الاجمل هو هذا التوحد الشعورى مع شعب "آخر" واكبر دليل على انه آخر هو ملمح الايماءة ...وهو التى تتحدث وتكشف عن معرفة الشعب لشعب تانى

    مثلا الثنية التى تسميها النساء بالسودانى اسم شهير دى ...فكرة خاصة بالسودان...مع انه الجسد يميل الى الخلف تماما لكن انثناءة الجسد السودانى مختلفة فهى لها حركة اخرى ملازمة لها لا تجيدها الا راقصة سودانية وباختصار هى تتلخص فى حركة رمانة الكتف. ومرفق اليد ..وقد كنت اقوم بتعليم الرقص السوانى لبعض الامريكيات واكتشفت ان رمانة كتف معظم نساء العالم لا تتحرك بمرونة تحرك حركة رمانة كتف المرأة السودانية ...التى ترقص رقصة الرقبة او الحمامة..وهو ما يميز ايماءة الرقصة السودانية ...نجد هذه الحركة سهلة عند الهمنديات ...لكن فى الهندية...لا تتبعها وضع المرفق فهو ايضا فى الرقصة السودانية يتخذ وضع انسيابى وينقلب 180 درجة الى اعلى....وبالطبع الرسغ..ينقلب معه.. وهى حركة بالتقليد تصير سهلة وممارستها تلقائية ولكن تعلمها للثقافات الاخرى صعب..ويحيتاج مجهود من المخيخ اضافى..

    اعجبنى التقرب الثقافى باستخدام الرقص ...وبينى وبينكم غاظنى انه البنات ديل برضو مسلمات ...بالاضافة للعروبة...ومافى زول نبذهم ولا قال عنهم

    القالوة عننا من امثال بيع عروض...ليه يعنى عشان نحن مفلسين؟؟ ههههههههه


    يا تماضر هنــا في شغل جميل جــدا..
    غالبــا يوم السبت الصباح بي توقيت هنــا ح استمتع بيهو اكتر من الآن ..

    ..
    .
    باقي الكلام برضو سمح وليهو رجعة برضو..
                   |Articles |News |مقالات |بيانات

08-13-2005, 00:43 AM

nasiradin
<anasiradin
تاريخ التسجيل: 06-01-2003
مجموع المشاركات: 1270

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: tmbis)

    بسسسسسسسسس قبضتك
    كده البوست بقى جميل شديد و الله

    ناصر البطل
                   |Articles |News |مقالات |بيانات

08-15-2005, 02:03 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    Quote: لكن لا...تمبس خاتى قلبو محل دماغو

    يا تماضر
    ما خاتي قلبو والله ولاحاجة ..
    كل المسالة انو الوشوش كترت ،، وبعدين إذا كانت وشوش عادية عليها غبار خفيف بي ( بخة موية ( وشطيف ) وش بتستعدل ) ما كان في مشكلة .. لكن بي كترتة دي اصبحت تادلج وتروج لي فكرة واحده محددة نوع من التصفيات الغير مبررة مصحوبة بي سخاقة وقلة ادب ،، في فترة محددة يا تماضر كنت بتمنى انك تكوني متابعة لمجريات الاحداث ،، الحرب الكانت حاصلة هنا دي انا إذا نقزته جوة الارشيف وجبت ليك التفاصيل بتعرفي حقايق كتيرة جدا بعدية عنك ،،
    ياخ ليه مثلا اصدقك في اي كلمة تصدر منك وما تديني حق اني اسأل سؤال ؟؟ يعني تجردني من ابسط الحقوق ولما اواجهك يا تزوغ يا تطول لسانك يا تروج لي فهم عكسي ،، تعرفي انا وصلت مرحلة مليت عبارة كوز دي لانها اصبحت بايخه وممجوجة وكمان خلقت بالمناسبة حيز مضـــاد بتتكسر فيهو اي مفاهيم أو اي سلوكيات أخرى ضد مفهوم الكوزنة ،، يعني اصبحت المسالة تصب في مصلحة الكيزان نفسهم وبتخدم في اغراضهم بي مزاج.. وعلشان كده هم ماشين ونحن نعجن هنا.. طيب المانع شنو أنو الناس البتكورك وبتدعي وتصنف في الناس دي بي مزاجه ليه ما تكون بتنطلق من نفس القاعدة دي وهدفه تخلق زعزعة من تحت التربيزة ..
    يا تماضر الكلام في النقطة دي كتير جدا ،، ومشكلتك عدم المتابعة بتمشي وتجي تستمري من مكان ما وقفتي المرة الفاتت وبي نفس التفاصيل ..
    كدي اقعدي يومين وبتشوفي العجب وده زاتو يا تماضر الشي الطفش ناس دافي ،، وباقي الناس الكانت بتكتب الكلام المغذي .. كدي اقعدي واتذكري كده مجموعة الزميلات الكانن بيكتبن في الشعر وفي القصة وفي التراث وفي الطب وفي الهندسة وفي حاجات كتيرة جدا وين الآن ؟؟؟ وبالمناسبة معظم المجموعة دي ويكون في علمك بتتابع من الخارج ما انقطعوا عن البورد بالرغم من طول المسافة لكن مافي واحد أو واحدة بتعمل دخول علشان تكون ضمن الحضور ولما تسال يقولوا ليك البورد اصبح طارد ومسيخ وما بيوفر احترام كامل..
    اها ياتماضر الخيارات المتاحة يا اما تجي تكتب لي في السياسة ونورطك فيها غصبا عنك يا اما تسكت وتتحمل الكلام البايخ الغير مسؤول يا اما كمان امشي من هنا وشوف ليك بورد تاني ..
    اها الاخيرة دي ما بالساهل تتلقي عندي ولا عند اي زول مقتنع انو رافض لمبدأ الخيارات الواحدة دي علشان كده كل يوم ح تستغربي لما تلقي ليك احتجاج ما يركب راسك ويدهشك تقومي تصنفيهو انت انو ( ده ما هو ) بكل طيبة كده ويجي غيرك من هناك ناطي علشان ( يتعابط ) ويقول ليك ده كوز من غير ما يعرف انو الزول ده شنو والا تاريخو شنو والا العذاب الضاقو شنو زاتو ..
    الكلام الكتبتيهو تحت عن الرقصة دي كلام ما ساهل لا اكاديميا ولا من زاوية تجربة سودانية فياريت كل يوم يومين تجي تجدعي ليك حاجة زي دي في وسط الزحمة دي وتكوني ساهمتي بي انك طلعتينا من جوة المعافرة ( وختان القلب محل الدماغ ) وتكوني في نفس الوكت اعدتي ترتيب احداثيات البورد ده وانتشلتيهو من حاجات كتيرة مضيعه المفيد وانا متاكد إنك بتقدري ، ودي اعتبريها شحدة بالقوة.. وليك على انا بطلع مداعي ارجع ليك الناس الفاتت دي كلها وقاعدة تتاوق بي بره وما عاجبه الحال.
                   |Articles |News |مقالات |بيانات

08-13-2005, 00:34 AM

زول ساكت
<aزول ساكت
تاريخ التسجيل: 11-26-2004
مجموع المشاركات: 2916

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: tmbis)

    Quote: زول ساكت كـــده

    ماعارف لي شنو دايماً تحشرنا في حتات ضيقه كده
    لولا انو الدنيا سبت كان الواحد ابتلاك بي مكالمه
    تعيدالامور الى جدادها


    مودتي لكم جميعاً
                   |Articles |News |مقالات |بيانات

08-15-2005, 01:24 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: زول ساكت)

    Quote: ماعارف لي شنو دايماً تحشرنا في حتات ضيقه كده
    لولا انو الدنيا سبت كان الواحد ابتلاك بي مكالمه
    تعيدالامور الى جدادها

    اهــا الليلة الاتنين يا عباس .. عندك امكانية ( جــداد ) والا انــا مالي ؟؟؟
                   |Articles |News |مقالات |بيانات

08-15-2005, 01:16 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: معتصم دفع الله)

    معتصم ..
    شكرا للفيديو ..
    ووجع الضرس راح .. قايم علي وجع القلب من امس
                   |Articles |News |مقالات |بيانات

08-15-2005, 02:05 AM

عبد الباقي الجيلي
<aعبد الباقي الجيلي
تاريخ التسجيل: 06-23-2004
مجموع المشاركات: 1191

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    ظللت متوارياً زمناً بعضه خلف تعسر استخدامي للنت والآخر تقوقعاً وتمترساً خلف

    ... ولا خليكم

    المهم خلاصته أنني لم أتمكن بعد من رؤية أمورتي أسيل بعد سنتين من عمرها

    لم يكن البورد مشجعاً قطعاً في الآونة الأخيرة .. وحتى تلكم الجلسات الحميمة

    التي كان يحتفنا بها تمبس ورفاقه من مجموعة بورداب الرياض ضنوا بها علينا



    إلا أن هذا البوست يمثل في تقديري إحدى كوات الأمل فدعونا نطل منه

    على شمس دافئة تذهب عنا بعض زمهريره

    قلت لي وجع الضرس تاور صاحبك تمبس يا معتصم ... يا أخوي ده ما وجع ضرس

    ده (حــــــــــامـــــــــــد) عديـــــــــــــل كده

    ألحقوا صاحبكم ساكت ما يقوم ينشر العدوى بيناتكم

    طماطم يا أختي مسعولة من الخير... هشام شيخ الدين وين؟؟
                   |Articles |News |مقالات |بيانات

08-15-2005, 03:46 AM

Mahmoud Mustafa Mahmoud
<aMahmoud Mustafa Mahmoud
تاريخ التسجيل: 11-26-2004
مجموع المشاركات: 4271

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    الأستاذة المصفحة المدرعة بالجمال والفن
    الغالية تماضر
    الأستاذ الجميل تمبس
    والستة مليون ناس البجو في ساحة الخضراء والبجو هنا والما جايين زاتم...
    إزيكم كلكم كدي..

    الآن فقط أدركت أن البوستات السمحة زي البوست دا هي وحدها البتفاجئك عندما تكتشف أنك قاعد تقرا في آآآآخر مداخلة...
    أريتها كان ما انتهت...
                   |Articles |News |مقالات |بيانات

08-16-2005, 07:51 AM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Mahmoud Mustafa Mahmoud)

    الاصدقـــاء الاعزاء .
    ..
    .
    عبد الباقي الجيلي ، محمد مصطفي .. لكم خالص الحب والتقدير ساتوقف في الرد على هذا البوست ولكم حبي وتقديري واتمنى أن نلتقي في مساحة ارحب واكت حميمية في هذا البورد..
    اكرر اعتذاري لكما..
    ..
    .
                   |Articles |News |مقالات |بيانات

08-16-2005, 08:17 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: اعتذارك ما بفيدك ....يا تمبس (Re: Tumadir)

    ..
    .
    كدا كويس ...

    بجيك بهناك بكره ..
    وعشان اوضح ليك ..
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de