دعواتكم لزميلنا المفكر د.الباقر العفيف بالشفاء العاجل
|
|
 احب تماضر
|
Quote: الفاضح ليس هو بالطرب يا أخا الانترنيت!!!!!
الطرب والغنا هما حالة روحية شفيفة وعالية ..
وردى يغنى ..والماحى سليمان يعزف العود..هذه حالة نادرة من حالات الفن الجميل..والسمو الجمالى..وانا ابجل المستمع "الرئيس" على تساميه الواضح وانفعاله بالفن..
هذا ليس بفاضح يا سيف مساعد..
الفاضج هو الرسالة السياسية التى تقع وراء هذه الصورة ..
صورة رئيس دولة تحترق كل اطرافها ..ا وجوعا..وظلما وحربا ...وموتا روحيا ونفسيا وماديا...
كل العالم يتظر اليوم الى شعب السودان ..ويتعجبون من تفرده فى تشرده..
الفاضح هو ان يجد رئيس هذا البلد ..هذه "الفاقة" والجو المرطب ليغنى و"يشيل" ويفرطق اصابعه..بهدا "المزاج" العالى ..وعلى صوت من؟؟ وعود من؟؟
الفاضح هو صحن الكمثره الذى خلص..وصحن الفواكه الذى امتلأت عنه الكروش..
وطلاب مدارس العالم الاول يستقطعون "حق الفطور" ليتمكنوا من جمعها ..ليرسلونها الى جوعى ..السودان ولاجئيه فى تشاد..وفى ميدان مصطفى محمود..
الفاضح هو ان يركع جبروت الفن...فى بلاط الطاغية .. هكذا ...فى حديقته وكنبته ومروحته ...وابتسامته الجزفاء...
صورة فاضحة حقا..
|
صورة فاضحة وردي يغني والبشير يرقص
|
|
 
|
|
|
|
|
|
|
|
Re: احب تماضر (Re: خدر)
|
هذا هو الفن الملتزم و هؤلاء هم الفنانون
يتحدثون بلغة عاليه و راقية رغم اختلاف المواقف و الافكار
القضيه ليست شتم وردي
سقوط
بيع قضية
..
..
. الخ
القضيه كيف ننتقد بعضنا البعض و كيف ننتقي الفاظنا و كيف نشرح مواقفنا
انا ضد ما حدث اعلاه و سأعود لذلكـ لاحقا
لكن الان دعوني اقول
احب تماضر
| |
|
|
|
|
|
|
|
|
|
Re: احب تماضر (Re: خدر)
|
اقسم لى معاك ياخدر...
انا عارفك
بقيت انانى
من سميت بنتك لقاء الاحبة
عيد سعيد ياتماضر..
القادمة نحن ذاتنا نرقص مع البشير ..
بس الله يهديه كدا ويراجع عناده العسكرى دا
ويدينا بلدنا..
| |
|
|
|
|
|
|
|
|
|
Re: احب تماضر (Re: abuguta)
|
تمبس / ملاسي
انا كنت غائب عن المنتدي كالعاده في الفتره الاخيره
الدنيا نهايه اسبوع دخلت قلت اشوف الجزيره و القنوات الاوربيه ديل كضابين ولا الاخبار صاح
لقيت البوست ذو الصوره الخليعه
ولقيت تماضر
ولقيت وردي
و ياســـــــــــــــــلام علي الفن و الفنانين
بالمناسبة
تماضر دي بتقبل القسمة علي ملايين الشعب السوداني كلهم
لانها فنانه
اتفضلوها .. اخرها اطيبها 
| |
|
|
|
|
|
|
|
|
|
Re: احب تماضر (Re: abuguta)
|
| Quote: الناس فيما يعشقون مذاهب! |
عرفتني عاشق شنو يا ملاسي
عاشق
لغة تمادر العاليه
حساسيتها في انتقاء الفاظها ساعه انتقادها لهرم من اهرامات الغناء السوداني
شفافيتها و هي تلخص بلغة سهلة جدا ما يحدث لاطفال السودان
و نضجها الفني و هي تشرح دور الفنان الملتزم
شفت كيف !!
اها
احبها ولا ما احبها !!
| |
|
|
|
|
|
|
|
|
|
Re: احب تماضر (Re: abuguta)
|
Quote: القادمة نحن ذاتنا نرقص مع البشير ..
بس الله يهديه كدا ويراجع عناده العسكرى دا
ويدينا بلدنا.. |
ابقوتة
تعرف .. اكتر شي عاجبني في الصوره دي اكتر من الفراولة
عمر البشير و هو في حاله طرب حقيقي
رغم موقفي من الانقاذ
كل سنة وانت وتماضر بخير
| |
|
|
|
|
|
|
|
|
|
Re: احب تماضر (Re: abuguta)
|
قـال وردي بسـخريـة
الطاغيـة كـان بيشـيلوه مايقعـدوا في البلـد ديك بالهـوهـوه مـن بعيـد علشـان يشـيلوه...لأ... يجـو في البـلد دي ويشـيلووه....
التفـاح مـالي البـلـد.. كـان يعـني يخت شـنو قـنقلـيز.. ولا..!
ثـم قـالت هي بإسـتنكـار
'رئيس بتـاع شـعب'
happy eid khidir
muna
| |
|
|
|
|
|
|
|
|
|
Re: احب تماضر (Re: Muna Khugali)
|
مني عوض خوجلي
كل سنة وانت طيبه
فيما يتعلق بتوصيف وردي للنشاط السياسي و وصفه له بالهوهوه سأتي للرد عليه لاحقا
انا الان فقط في حاله احتفاء بهكذا جمال
و اعتقد ان ماقدمة وردي لنا (كشعب ) يستحق ان نغفر له اكثر من كلمة ( الهوهوه ) .
ونحن نفعل حتي الان ..
نعم .. هي كلمة لا تليق
لكن لا اعتقد انها تمس كثيرا ادب التحاور الذي دار بين وردي وتمادر
هل انت معي !!
اتمني ان تنظري الي الجزء الممتلئ من الكوب
اما فيما يتعلق بكلمة تمادر
فهي في مكانها تماما
البشير فعلا رئيس شعب
وانت ادري طبعا بموقف الفنان او السياسي الملتزم حين يتحدث عن من يعترض علي
وجوده علي كرسئ رئاسه
من الصعب ان ينعته بـ :
-الرئيس
-رئيسنا
-رئيس البلاد
-الصعلوكـ
...
..
. الخ
هل انت معي !!
| |
|
|
|
|
|
|
|
|
|
Re: احب تماضر (Re: خدر)
|
الاخت مني
ماتنسي انو وردي قال برضو
Quote: يعني الاخت تماضر رغم احترامنا لي فنها و هي انسانة فنانة مافي كلام
حقها ما تنجرف للتطرف ده ....... الخ |
وهذه احدي اضلاع طرحي للبوست ده
اللغه العاليه في النقد و الرد علي النقد
| |
|
|
|
|
|
|
|
|
|
Re: احب تماضر (Re: خدر)
|
أنا قبل كدا قلت لي تماضر " احـنا بـنـحبك"
لأنو أخوها أب عِمة كبيرة داك كان قاعد..
خدر بِلاي بي إستيكة الشداعة حقتك دي أمسح لي الحروف الحمر ديل.
وبالخصوص أنقر هنا:مؤامرة الحسد
| |
|
|
|
|
|
|
|
|
|
Re: احب تماضر (Re: محمد السر)
|
محمد السر ( الخواف )
تماضر حاتكون اسعد زول بحبكم ليها
موش اعتقد
لا
انا متأكد جدا
مافي شي بسعد الفنان من حب ناس بلدو ليهو
بالمناسبة يا غير شدااااع
كل سنة وانت طيب
ما تلاقينا موش !!
| |
|
|
|
|
|
|
|
|
|
Re: احب تماضر (Re: خدر)
|
سيف مساعد
كل سنه وانت طيب ياخي
و شكرا علي البوست الجميل بتاعكـ
ماتحمحم ساكت
حقكـ الادبي اديناكـ ليهو
وختينا لنكـ المصدر
لكن قول لي يا اخوي
لقيتها ويين الصوره الخليعة دي !!
| |
|
|
|
|
|
|
|
|
|
Re: احب تماضر (Re: خدر)
|
الاخ خدر
Quote:
ماتحمحم ساكت
حقكـ الادبي اديناكـ ليهو
وختينا لنكـ المصدر
لكن قول لي يا اخوي
لقيتها ويين الصوره الخليعة دي !! |
لا والله الموضوع والصورة ملك للجميع بس احم احم انت عايز تسوق مني ثماضر
تاني في صور جاية للساسة بتوع بلدنا ,بس الزول الساكن معي في البيت مصر علي عدم نشر الصور في مثل هذه الايام
| |
|
|
|
|
|
|
|
|
|
Re: احب تماضر (Re: خدر)
|
كل سنة إنت ولقاء وأمها طيبين
زمان ،وأنا سغيير، كان في فكي ساكن في العشش إسمو خميس مريومة بجي في حلتا ببيع ،ضمن ما ببيع، حجاب شداعة
لكن أنا ما كان عندي قروش
هسة عندي قروش
لكن العشش شالوها و..
كدي خلينا في المهم!!
شنو حكاية التيوس الهولندية دي؟
تيوسنا المطاليق ديك حصل ليهم شي؟
| |
|
|
|
|
|
|
|
|
|
Re: احب تماضر (Re: خدر)
|
خدر
أنا أحب تماضر وأحب وردي بس فلان البيرقص ده ، وفلانة البتتكلم دي أسوي ليهم شنو ؟ ...
| |
|
|
|
|
|
|
|
|
|
Re: احب تماضر (Re: ودقاسم)
|
ودقاسم كل سنة وانت طيب ياخي
اختنا ساره نشكرها جدا علي اللقاء الخلانا نسمع صوت وردي و ردو علي الصوره
و السيد رئيس البلاد و العباد نقول ليهو من حقكـ تفرح بي وردي كأي مواطن عادي
مافي كلام و الصوره وضحت لينا احدي الحالات الخاصه لتفاعل رؤساء البلاد و العباد
مع المبدعين و اتضح لنا ان الرؤساء ديل ناس زيهم زينا بنطربو عاااااااادي
لكن برضو بنقول ليهو
عملت لينا شنو في البتاعات القالتها ليكـ تمادر دي
| |
|
|
|
|
|
|
|
|
|
Re: احب تماضر (Re: خدر)
|
خدر
إزيك ..
ومن لا يحب روح تماضر
عقل تماضر
وقلب تماضر
الذي وسعت محبته كل شئ ..
انا ذاااااااااتي
احب تماضر ...
| |
|
|
|
|
|
|
|
|
|
Re: احب تماضر (Re: احمد العربي)
|
فنانا العربي
فعلا حبنا لي فن وردي كبير و لي وردي اكبر
رغم مابدر منه مؤخرا من مواقف غريبه علي تاريخه الفني
فنحن شعب نعرف كيف نحتفي بمبدعينا بيد و كيف نغفر بيد اخري
لسنا مقصله ولا قضاة حكمهم جاهز
نحن شعب فنان
| |
|
|
|
|
|
|
|
|
|
Re: احب تماضر (Re: tmbis)
|
تمبس الجميل
انا سحبت الحوار و وضعتو كلنكـ احتراما لهذا الغناء
الجميل
رجاء عدل الاغنيه بحيث تشتغل مع فتح البوست
الترويج ده بجيب خبركـ يوم
| |
|
|
|
|
|
|
|
|
 Re: احب تماضر (Re: خدر)
|
Khider
المره الجاية بنروج لي حاجات تانية..
كنت عملت الكود علشان يشتغلو الملفين طبعا لازم كان يتوقف ملف ويشتغل التاني ..
حسع بعد التعديل .. ليبيا فتحت
..
بوست في صحتك
بعد استعادته .. وكدا
| |
|
|
|
|
|
|
|
|
|
Re: احب تماضر (Re: عبد الباقي الجيلي)
|
تمبس
حسين ملاسى
اب قوته
منى خوجلى
محمد السر
سيف مساعد
ودقاسم
تيسير عووضة
احمد العربى
عبد الباقى الجيلى
,وخدر ...كبيرهم الذى علمهم الحب..
وكت اصلكم ..بتعرفو تحبو زى ده "اقروها بلهجة البقارة لو سمحتو"
وكت اصلكو بتعرفو تحبو زى ده...
ما تحبو لى ديل ..بالمرة
Fw: plz help the sudanese refugees ثلاثة آلاف لاجيء سوداني بانتظار مساعدتكم
سمعت خدر بقول لى الخواف محمد السر ..تماضر حتكون سعيده بى حبكم ليها..
انا ما سعيدة وبس ..انا قامت لى اجنحة..
هديل متفوشات ..ومستعدات للتحليق فى اى لحظة..
لو عندكم سحابة
رسمتها عاجباكم خايفنها ..تتجلبط.
ولا عندكم نجمة ..بتلمع وعاجباكم ...ومادايرنها ترمش
المهم كان عندكم اى حاجة فى "الآفاق العلية" خايفين عليها من ضربة جناح ..زول سعيد منفوش..
امشوا دخلوها ..المغزن
..زمان عندى عمتن لى بتقول للمخزن ..المغزن بفتح الميم والغاء ..وفتح الضلفة فتحة صغيييييييرة عند اللزوم فقط..
امشى دخلوها المغزن ..وانا طايرة طايرة..
وبعد آخد طيرتى ..واجى ..انطج فى بطن ا########## دى
تعالوا كلنا نحب ..الناس المحتاجين حب...اكتر منى
ناس فى دارفور
وبنات بطهروهم
ونسوان بضربوهم
وناس بحقروهم ..حقارات سياسية ..وحقارات عرقية وحقارات اشكال وانواع
والموت بقى اشكال والوان ولا نملك حتى شرف اختيار الموت الذى يلائمنا
فكرة اتكلمت عنها "كويس جدا" احلام مستغانمى فى عابر سرير:،"ما افضلها عليكم"
حبونى انا بحبكم اصلا..
ولوما فكرة الحب..لما ظللت اكتب حتى اليوم..
تعرف انا بعتبر أى عمر من السنه الفاتت ..ولى حسة ..هو عمر اضافى ..اهداه لى اصدقائى باسم "المحبة"
فأنا اصلا مدينى لكم بالحب واصلا مدينه لكم بالحياة ..وبالكتابة..
حبونى ياخ..
وحبوا معاى وردى ده زاتو.."ولكل جواد كبوة"
وحبوا معاى ديل ..للوكت الراهن
Fw: plz help the sudanese refugees ثلاثة آلاف لاجيء سوداني بانتظار مساعدتكم
لما يغيروا لينا لون الموت...بنغير لون الحب
احيكم جميعا يا خدورى
ضربة حب شاملة ..تلهف لقاء واسمهان ..فى شهقة واحده
احبكم جميعا يا اصدقائى ..واتعرف عليكم ..من جمالكم ..وبدون حبكم ..اصلا لم ولن اكون ..
ويا تمبس الحاجة الختيتها دى ما بتتسمع
ويا خدر: "وطى الصوت خليننا ننوم"
_____________
مونولوج داخلى:
فى زول يحبوه اربعه صباحن؟
| |
|
|
|
|
|
|
|
|
|
Re: احب تماضر (Re: Tumadir)
|
انها الروعه تماما
ونحنا حلقنا معاك
منجذبين لشفافيتك
والتسامي الذي تملكنا
الحب مره ثانيه مني ومن احب
| |
|
|
|
|
|
|
|
|
|
Re: احب تماضر (Re: Tumadir)
|
تمادر شكرا جزيلا علي كل ماسبق
وردي هرم كبير و نحن بنحب غناهو جدا و مواقفو الاخيره فعلا بتحتاج مننا لي نقد زي ده
احي ليكـ قصه
(1)
زمان كنا بنغني في الحفلات ( over night ) اها بجي البوليس يقبضنا و يرفعونا في كندوره
العربيه الشينة ديكـ و يودونا القسم .. الضباط بي طريقة لطيفة بحاولو يقنعوكـ انو تغني
ليهم و نسه بس لحدي ما يضمنو انو الحفلة فرتكت و بعد داكـ بفكوكـ
و كنا بنرفض نغني
(2)
بتاعين الامن في المعتقلات كان عندهم نفس الهوايه لكن كانو بطلبو نغني ليهم بي خشونة شوية
اصلو بعيد عن السامعين بتاعين الامن ديل هظارهم خشن شوية
وبرضو ما كانا بنغني
(3)
احتفالات الجاليات في المهاجر الاصبحت سمة للسودانيين مؤخرا .. الحفلة شغاله في امان الله
يجو ناس السفارات ناطين زي الارجوزات
يقيف الغنا و تقيف الفرحة لحدي ما يمشوا
انا شخصيا ما ضد انو المسؤل المعين يحب وردي .. لكن يمشي يشتري ليهو شريط و يمشي بيتو
و يشغل الشريط بأعلي صوت وينطرب زي ماهو عاوز لكن مايكون بصفتو الرسميه حاضر للفنان
وهو بغني (وهذا الموقف تطابق الحافر للحافر لموقف الاستاذ وردي الاخير ) كان يمكن ان ينسحب
وردي من الجلسه او يعتذر عن الغناء مافي شي مدسوس والمواقف واضحة
الا ان كان وردي قد غير مواقفة السايقة من نظام البشير
اقول هذا بالنظر للاستاذ وردي و مواقفة الناصعة التي كانت حلقه هامة في سلسلة مقاومة
الفن للحكومات .. كل رهط فناني الحقيبه القاومو الاحتلال الانجليزي
يا حليل الطير الرحل .. كان قريب اصبح في زحل
ابتدرها العبادي وهو يصف خروج الحكم الثنائي من السودان و الشاهد ان المأمور الانجليزي
استدعي العبادي و طلب توضيح و شرح القصيده بعد ان اوصل الواشون معني القصيده للمامور
فقال العبادي انه كان يقصد محبوبته
اقول
ان وردي كان حلقة هامة جدا في التاريخ السياسي الحديث تبرز دور الفن و علاقة الفنان بالسلطة
ولا تنقص وردي الشجاعة في التصريح بأرائه دايما كما نعرف .. اذن ماحادث لم يكن حدثا عابرا
ولا نستطيع وضعه في بند فنان و جمهور
شكرا تمادر تاني
| |
|
|
|
|
|
|
|
|
|
Re: احب تماضر (Re: عبد الباقي الجيلي)
|
عبدالباقي .. ممكن اهظر معاكـ شوية !!
Quote: مالـــــــــي أُكتِّـــــــــم حبــــــــاً؟
كلنـــــا ذلك الرجل يا خضر .. كلنا .. |
بقت عليكـ قصه شاميه
فعلا عبد الباقي
مالـــــــــي أُكتِّـــــــــم حبــــــــاً؟
لمن تحدث كتمادر و لمن تغني كوردي
| |
|
|
|
|
|
|
|
|
|
Re: احب تماضر (Re: خدر)
|
تعالوا كلنا نحب ..الناس المحتاجين حب...اكتر منى
ناس فى دارفور
وبنات بطهروهم
ونسوان بضربوهم
وناس بحقروهم ..حقارات سياسية ..وحقارات عرقية وحقارات اشكال وانواع
أحبك فنانة
وأحبك كاتبة
وأحبك انسانة
(تسلم البطن الجابتك)
| |
|
|
|
|
|
|
|
|
|
Re: احب تماضر (Re: Tumadir)
|
تمادر
اطلعي لي من بوستي ده بره بالله
شايفكـ استلمتيهو
و بقيتي تردي علي الناس كمان
غايتو جنس سلبطه
| |
|
|
|
|
|
|
|
|
|
Re: احب تماضر (Re: Tumadir)
|
Truely, Tumadir deserves everything good and wonderful, because she has a clean inside as appeared so far, and because she doesn't like turn around lines, also as appeared so far
Hisham Adam
| |
|
|
|
|
|
|
|
|
|
Re: احب تماضر (Re: Tumadir)
|
اخيرا و بعد نجاح ساحب البوصت في دحر الانقلاب الغاشم
و عوده الحق الي نصابه
صأعود للرد علي المتداخلين و لمتابعة الحوار
اي صاد تقابلكـ شنقلها بي سين
واي سين مشنقله قابلها بي صاد
واني لكم بالمرصاد
ملحوظة
تمادر خلينا جادين عاوز اكمل بوستي
| |
|
|
|
|
|
|
|
|
|
Re: احب تماضر (Re: Tumadir)
|
كل سنه وانت طيب ياخدر
كل سنه وانت طيبه يا تماضر
كل سنه وانتو طيبين ياجماعة الخير كلكم
وردى ربنا يديهو العافيه وطولة العمر
طالما اسكر الناس بفنه واطربهم
لكن
وآه من لكن
ارى ان يغنى وردى فقط ولا يتكلم
كان اتكلم بطبزه
قال هوهوه قال
شفتو كيف . المصيبه انو الكلام ده زاتو برتد ليهو فى وقت من الاوقات
| |
|
|
|
|
|
|
|
|
|
Re: احب تماضر (Re: خدر)
|
" ما أقذرها من مائدة تتكوم فيها جثة الحُرية"
...
...
ماهي دي ملامح السودان الجديد يا طارق !
حمدت الله علي ان أبي قد مات ، لو رأي هذي الصورة
لانجرح في حُبه لهذا الجلابي الرطاني الف جُرح...
...
...
وحبي لتماضر كاعجابي بيك "شديد"...
| |
|
|
|
|
|
|
|
|
 Re: احب تماضر (Re: خدر)
|
أنا زااااتي يا خظر!
بحب تماضر الانسانة، الشفافة، الفنانة، الشايل حب الناس في قلبها...
تماضر بتثبت لينا كل يوم، الفرق بين انك تكون إنسان و إنك تتصرف بإنسانية!
| |
|
|
|
|
|
|
|
|
|
Re: احب تماضر (Re: عزاز شامي)
|
موت يا خضر
تماضر زي أخت كبيرة ماخدة حنية الحبوبات وصدق الجدود
وزي أم لسه قايمة من السجادة, شفتو وشها بكون زي الصباح كيف؟
وزي خالة بتناديك بي ياود أختي
تحس بي ده كلو حتي لو كنت أكبر منها
والحب دائما بجيب الحسادة تعرفي ليه يا تماضر؟
لأنو الحاجة الوحيدة المامكن الزول يشتريه
ومهماحاولوا يشوهوه بشوهوا روحهم كان عندهم روح من أصلو
لو كان بي إيدي كنت عملت منك يا تماضر مليون كلون وشتتهم في السودان
زي السكر فوق العيش باللبن
...
..
وكلام كتير مابخلص
| |
|
|
|
|
|
|
|
|
|
Re: احب تماضر (Re: خدر)
|
خدر
مشتاقيين
فى غياب المواطن
فى ذمتكم دى أنت وتمبس الاتنيين ...ياتو غنيه عند وردى الزول بكشر معاها كده.. ويرفع إيدو اليمين,
ويمرق سنونو بالطريقه دى...
فى غياب الحقيقه
وردى بغنى بالرطانه...ومعاه الماحى
فى حضور الوطن
احب تماضر
| |
|
|
|
|
|
|
|
|
|
Re: احب تماضر (Re: عمر ادريس محمد)
|
ايش معني وردي
ما غني سيد خليفة قائد الشعب يا نميري
وعني ابو داوود لمايو
وغني ابوعبيدة حسن لمايو
ترباس غني للانقاذ
وبالملايين قلناه نعم
وانتو عايزيين تظهرو علي حساب وردي
مدعيين النضال
هربتم واخذتم الجوازات الامريكية
وما عارفين عن الشعب السوداني اي حاجة
تماضر ليها كم السنة من السودان
مجدعة في امريكا باسم الشعب السوداني
وردي هو هرم السودان
وانشاء الله تعرفو تسقطو الانقاذ
| |
|
|
|
|
|
|
|
|
|
Re: احب تماضر (Re: khaleel)
|
| Quote: تماضر ليها كم السنة من السودان |
لا حولااااااااا!
انت شايت برا يا اخو!
انزل المحطة الجاية وامشي عدييييل بتلاقي المحطة بتاعتك!
| |
|
|
|
|
|
|
|
|
|
Re: احب تماضر (Re: khaleel)
|
Quote: ايش معني وردي
ما غني سيد خليفة قائد الشعب يا نميري
وعني ابو داوود لمايو
وغني ابوعبيدة حسن لمايو
ترباس غني للانقاذ
وبالملايين قلناه نعم
وانتو عايزيين تظهرو علي حساب وردي
مدعيين النضال
هربتم واخذتم الجوازات الامريكية
وما عارفين عن الشعب السوداني اي حاجة
تماضر ليها كم السنة من السودان
مجدعة في امريكا باسم الشعب السوداني
وردي هو هرم السودان
وانشاء الله تعرفو تسقطو الانقاذ |
كويس يا خليل ... شكرا علي مروركـ
| |
|
|
|
|
|
|
|
|
|
Re: احب تماضر (Re: خدر)
|
خدر يا حبوب
سرقت الانقاذ امتدت لتطال حتي رموزنا الابداعية كما الاخشيدي مع المتنبئ واظن المسألة بقت اكل عيش
جلوس عمر البشير مع مبدعي بلادي لا يمثل صك غفران
جلوس مبدعي بلادي مع الجلاد فيه اهانة لتضحيات جيل تدثر بأبداع هؤلاء هربا من سوط الجلاد
قضية الفن الملتزم لا تنفصم عن قضايا الوطن
ومع ذلك كلنا نحب تماضر
| |
|
|
|
|
|
|
|
|
|
Re: احب تماضر (Re: Ibrahim Adlan)
|
كل الناس هرولت نحو البشير
وكدودة قاعدمع الترابي
السودان صار كالمدينة الفاضلة
بتاعة افلاطون
وردي برضو وردي
شاء من شاء
وابي من ابي
| |
|
|
|
|
|
|
|
|
|
Re: احب تماضر (Re: حسام يوسف)
|
كم هي رائعة نقية شفيفة هذه التماضر
كل يوم يذيد حبنا لها
كل يوم هي في تالق جديد
تماضر انساسة تشبه الفن ويشبهها
تماضر دي زولة فناااااانة
لك الشكر يا خدر يا زول يا سمح
ولها منا كل الود.
| |
|
|
|
|
|
|
|
|
|
Re: احب تماضر (Re: الخير محمد عوض)
|
نمنا وقمنا على حب تماضر الوطن
وطارق الشامخ
وحلقي بنا ياتماضر
لنتسامى من هذا الركام
هذا الذحام
والاحترام ليك
يا وطن
والانسجام عبر المحن
نتلاقى باجمل اغاني
نتفانى في زمن المعاني
نعزف الانشوده
مقطع للتفاني
والسلام ليك ياتماضر يا وطن
وتحيه لك طارق على هذه المساحه
| |
|
|
|
|
|
|
|
|
|
Re: احب تماضر (Re: Ibrahim Adlan)
|
هشام آدم شكرا لك برغم الشكوك
so far
التى كررتها مرتين توحى بـ ..."حتى تثبت ادانته" ، لكن احب اطمنك
what you see is what you get
مافى اجندة خفية فى الطرح..ههههه..ومهما يكون برضو حضورك له اعظم الاثر
___________________
نجود حسن عبد الرحمن
شكرا لتواجدك هنا بين المحبين..
والكلام فى الصميم ده ياهو "المارقين ليه" مرات بيضر سيدو..لكن اصلا ما بيضر البسمعوا
___________
ابو شيبة ..خلى كلام نجود..انت رايك شنو؟؟
هههههههه
تحياتى
______________
ود الزين
لك اعزازى ..ووالله كان ما اعجابى بوردى وبرسوخو فى تاريخ تذوقنا الغنائى ..والله ما شغلتنا كان بيه يغنى للبشير والله يغنى للشيطان زاتو
لكن زى ما بتقول تلك المرأة الحنينة بلهجة متهدجةكالبكاء: "قاليهو شن جابك لى بيت العدوه .؟ قاليهو: عندى حبيبا جوه" اها نحن اللمة دى عندنا فيها حبيبا جوة
____________________
هاشم نوريت سلام
ما فهمت؟ الما يغلب منو؟ القلب ولا "الحب" ؟؟
_____________________
الجريفاوى
رحمة الله على ابيك..
وعلى كل الآباء الذين ودعوا الفانية وفى قلوبهم جرح..فات اوان اندماله
_______________________
ويا عزاز الشامى كل يوم بتأكد امامك انى امام حالة نادرة من الوجود الانسانى..
وبحبك
__________________________
عبد الماجد
قلت لاختى ..وانا بزورها امس ..تعالى اقرى الناس كتبوا لى شنو؟
جيت بعد مده لقيتها فى الاوضة بتعاين للشاشة وبتبكى..قلت ليها ليه الحصل شنو؟؟ قالت لى فى ناس كلامهم ببكى..
آمنة مختار وعبد الماجد ..بكونى
عبد الماجد...ود امى تتبارك
_____________________
احمد حنين
وأنا ما عندى ذرة شك فى كلامك القلتو ده..
ما تغالتهم "خليهم على قدر عقلهم....هههه"
ياخى الف شكر على كلام طيب ..وقدر ده..
انا محروجة يا ناس
___________________
عمر ادريس
والحب موصوووووول ..
ياناس فيلادلفيا انا كمان بقدر على جزاكم؟؟
فيلادلفيا وحب فيلادلفيا ده موضوع داير قعدة فى بطن ال وا ط ة دى
شكرا يا عمر ادريس
_________________________
خليل..المهندس
اشوف ماسينجراتك اصدقك اقرا مداخلاتك استعجب
هههه
و"مجدعه" دى شنو كمان؟
بالله دى كل فكرتك عن الموضوع
مجدعه فى امريكا؟؟
وزى ماقالت صاحبتى المصرية .."بفلوسى" انت مالك انت؟
ههههههه
_____________________
ابراهيم عدلان
والله شكرا على الاضاءة الصغيرونه دى.
.
ياريت الناس..ترصد مسيرة الابداع والمبدعين ..بوعى تام
________________
قبل ما اواصل
مونولوج داخلى:
مع لخدر وضيوفو
انا بهدى ليك الحب ..حب من فؤاد ..محروج
بالجد البوست ده عامل لى احراج ..مبالغ فيه
وخاصة لما اشوف الموت والظلم بيحيط بالناس كيف..الناس الامرهم بيهمنى..
وانا شايلة ..شحنات الحب كلها ..وقاعدة ..ياقول خليل..مجدعة فى امريكا..والناس تموت؟
لكم حبى اللامشروط.."ولا مقطوع ولا ممنوع"
واواصل..
شفت اللي حصل للزناجرة
| |
|
|
|
|
|
|
|
|
|
Re: احب تماضر (Re: خدر)
|
جيت أقول كلمة في حق تماضر لكن المرة جات قعدت جنبي ! ..
خلاص " تطير تماضر " بس الطيرة الإتكلمت عنها هي ..
ولا أقول ليكم : أنا مسكني مرض خضر علي وزن مرض "حابب " !
المرة لسه قاعدة أحسن نعلق علي الصورة:
تماضر كفت التعليق في كل أبعاده ..
لكن في ملاحظة حول وردي كإنسان فنان ..
لاحظوا أنها دي هي أقدار وردي المتفرد ..
أحرجته مع مايو و مع البشير, لكون وردي هو قمة فنية سودانية سيحفظها التاريخ لمليون سنة ضوئية سودانية !
حقيقة الصوة هي أن البشير " علي عصبية جلبهالي نفسه "..
يطرب مفاخرا بسلطانه mohamed wardi the real king ! ,,
نعمل ? statistics
| |
|
|
|
|
|
|
|
|
|
Re: احب تماضر (Re: الملك)
|
مقرود البخت البهجر زى يراعك
مسحور البلد البتسفر زى ضفايرك
تخليها تنعقد بموية النهر الغريب
مظلومين ولاد بلدك ...
الكبرو و ما شافوك فوق مسارح البلد
تكبى النضم الموخمج
النضم البجى بالفهم الشديد
الحب ... الفهم .... القلب القوى ....الرؤية للتغيير
العقل .... الإحترام ....حب الصغير ... توقير الكبير...
تماضر تنقسم ... وكل سنبلة تنبت سبع سنابل...
الزهور الحلوة وعدا تعود للبلد...
الشمس المركونه خلف الغمام لابد تجى
لحظة تخوجل بى تقى ... و تقدل تلفح ظلام البلد التقيل....
شكرا خدر.... شكرا تماضر .....
| |
|
|
|
|
|
|
|
|
|
Re: احب تماضر (Re: الملك)
|
تمادر
هولاء الفرسان و الفارسات المشاركين في هذا البوست يحبونكـ دون رياء و دون تزلف
فقد تحسست حروف كل منهم علي حدا و وجدتهم صادقين في حبكـ
( لو قلبييييييييييييييي يييييي )
شاهدو ما اردت انا لهم مشاهدته و وجدو فيكـ فنان يحترم فنة و زملائه و شعبه
يعرف جيدا ماذا يقول و متي يقول و كيف يقول
وانا
اعيتني الحيلة ان ارد عليهم فردا فردا فالقائمة تذيد طولا كل صباح
و(لقاء) لا تتركـ لي وقتا الا وتملاءه بالبكاء
شكرا ان ذكرتنا كيف نختلف من هم في قامة هرمنا الغنائي وردي
شكرا جزيلا
شكرا جزيلا
شكرا جزيلا
سأحاول الرد علي المجموع الجميل هنا جميعا .. واتمني ان استطيع
لكم جميعا كل احترامي
| |
|
|
|
|
|
|
|
|
|
Re: احب تماضر (Re: خدر)
|
خدر
سلامات أيها المحب
تماضر دي محظوظين الناس البيعرفوها من قريب كفنانة و كانسان شفيف. و ديل ما كتار لسوء حظ الكثيرين و سوء حظ الفن. ذلك أن المرء كما مواقفه لا يتجزأ.. مثل أن الأخلاق الكريمة لا تقبل التجزئة و القيم الأصيلة لا تقبل أنصاف المواقف.. الفن قيمة جمالية عالية القبول عند جمهور تتشعب مشاربه لذلك لا نستغرب أن يطرب البشير أو مني أركوي أو محمد إبراهيم نقد أو أبكر الإغبش أو ود أمبررو السارح بي بقرو في أحراج النيل الأزرق لوردي.. يبقى الفن مثلما تبقى المواقف و تفنى الأجساد.. لذلك ترانا تدهشنا مواقف و ردي حد التناقض، و يقتلنا الحب النقي لتماضر.
بوعسل أبوعسل
| |
|
|
|
|
|
|
|
|
|
Re: احب تماضر (Re: خدر)
|
الاخ /خدر
لك التحية
تماضر
الحب الكامن في نفوس جيل يبحث عن وطن في حجم امراءة ليتكئ علي وسائد حلم لفجر وطن للعشق
يهجد علي وجد المنافي المترع بالحنين الي امراءة ديار واهل .
لك الحب ايتها الانسانة.
**** وردي يغني ويطرب شئ طبيعي .
***** لكن الماطبيعي عمر البشير مكشر لانو فاقد اغاني شنان عشان يرقص .
| |
|
|
|
|
|
|
|
|
|
Re: احب تماضر (Re: يوسف السماني يوسف)
|
يصراحة أنا ما عارف الموضوع شنو . والكلام في البوست ده كتير ومابقدر اقرأه عشان أفهم .
لكن ، وحسب العنوان ، بقولها بالصوت الواضح : البقول انو بحب تماضر أكتر مني ينازلني الخلا .
بحبها ياناس .. بحبها شديد ... (ربما أقصد الجندرية هنا . من يدري)
بالمناسبة : شنو الجاب صورة عمر البشير في بوست الحب ده ؟
| |
|
|
|
|
|
|
|
|
|
Re: احب تماضر (Re: خدر)
|
أخي خدر- عساك طيب
كان كل خوفي إنه تماضر ما تقبل القسمة إلا على واحد لكن اطمئنيت تماماً الآن. وردي فنان بقامة جبال (ايفريست) وتماضر كذلك. وموضوع وردي يغني والبشير يطرب هذا موضوع وردي قال رأيه فيه واضح ولا يليق بنا أن نصادر حرية فنان شامخ مثل الفنان محمد وردي أحببناه حينما غنى بالرطانة وطربنا له حينما غنى في الخرطوم (وبفلهمة) ناس الخرطوم. نحن كشعب لا بد أن نحترم الحرية وهي فوق كل الآيدولوجيات والإعتقادات ولا قيمة لشعب بلا حرية.
| |
|
|
|
|
|
|
|
|
|
Re: احب تماضر (Re: خدر)
|
يا تماضر عشان أنا ما لابس النضارة
الوجيه أب عمة دا ياهو زولنا؟
عشان نرجِّع الحروف الحُمُر ديك !!
| |
|
|
|
|
|
|
|
|
|
Re: احب تماضر (Re: Najat Al-Bashir)
|
وتاني جينا نحب
ونقولا كلمة ريد
لو ريدنا يبقى حنين
تاني جينا نحب
شايلنو سمح القول
لي زول حبيب وبحب
حب الوطن
الوطن؟
انتي الوطن زاتو
شايلانا
شايلانا
شايلانا لاباسبورت
لاحته جنسيه
انتي البنفرح بيك
وتاني جينا نحب
صباحاتكم بالف خير
| |
|
|
|
|
|
|
|
|
|
Re: احب تماضر (Re: خدر)
|
هوي الليلة أهلها كان عرفوا بكتلوك
Quote: المهم كان عندكم اى حاجة فى "الآفاق العلية" خايفين عليها من ضربة جناح ..زول سعيد منفوش..
امشوا دخلوها ..المغزن
..زمان عندى عمتن لى بتقول للمخزن ..المغزن بفتح الميم والغاء ..وفتح الضلفة فتحة صغيييييييرة عند اللزوم فقط.. |
ولا أقول ليك أنا زاتي
أحب تماضر
| |
|
|
|
|
|
|
|
|
|
Re: احب تماضر (Re: خدر)
|
محمد سيد احمد
موش كده
المعز
عبدالله الطاهر
| Quote: وخدر زاتو كمان "عشان ما يطردنا" ... |
ايوة كده اتصلحو معانا
الملكـ .. يا ملكـ
عمر
Quote: الحب ... الفهم .... القلب القوى ....الرؤية للتغيير
العقل .... الإحترام ....حب الصغير ... توقير الكبير... |
صدقت يا عمر .. شكرا
ابوعسل
قصدكـ انو انا محظوظ !!
لكن هي بعيده اسه يتدينو منها كيف !!
يوسف السماني
| Quote: لكن الماطبيعي عمر البشير مكشر لانو فاقد اغاني شنان عشان يرقص . |
محمد هارون
يعني اسه تمادر دي (منجقبه) في قلوبنا كلنا
معروف سند ..
مبروك الصوره اتاريكـ مبغبغ
نجاة البشير ..
احرجنا موش كده
نشاه ..
نسيت اكلمك انو انا اصلا منسق مع اخوانا قبل ما انزل البوست
الكتله محمداكـ انت يا اخوي اسه .. انا بره
| |
|
|
|
|
|
|
|
|
|
Re: احب تماضر (Re: خدر)
|
شنو يا خدر..
قلبتها لينا كوميديا..
انا خشمى من الاضان للاضان..
خت لينا اغنيتك بتاعة النعام آدم ومعاها لنك الحفظ..بالمرة ..خلينا الننطرب معاكم ...
| |
|
|
|
|
|
|
|
|
|
Re: احب تماضر (Re: Tumadir)
|
| Quote: خت لينا اغنيتك بتاعة النعام آدم ومعاها لنك الحفظ..بالمرة ..خلينا الننطرب معاكم ... |
دايره تجيبي لي الهواء شايفكـ
ويقولو من قلة ادب الفنانين الصغار يختو غناهم مع وردي كمان
و يشيلو و يكتبو في البوستات
تلقيها عند الغافل 
كيفكـ بالمناسبة !!
وشكرا علي الرد بالتناوب
| |
|
|
|
|
|
|
|
|
|
Re: احب تماضر (Re: خدر)
|
المحب الحبيب خضر
لأنها فنانة تعرف قيمة الفن والفنانين
ولآن وردى فنان يعرف كيف يرد على نقده
ولأنك فنان تعرف قيمتهما ..
أحبكم كلكم
| |
|
|
|
|
|
|
|
|
|
Re: احب تماضر (Re: معتصم الطاهر)
|
معتصم
انشاء الله خالد يكون كلمكـ انا حبيتكـ كيف بعد ما اتلاقينا
الحب ده يا باشمهندس نعمة كبيره
بعرفوها الزيكـ ديل
شكرا شوية عليكـ
| |
|
|
|
|
|
|
|
|
|
Re: احب تماضر (Re: بدرالدين شنا)
|
ديشااااك يا بدر!!
إنت بتحب تماضر من أيام ما كانت بتسرِّح شعرها بالشريط!؟
يا مان كدا مافي زول يقدر ينافسك
لكن بندافسك (وش مبتسم)
| |
|
|
|
|
|
|
|
|
|
Re: احب تماضر (Re: بدرالدين شنا)
|
Quote: دا معناها أنا مقوقل معاها النهار كلو جاي إنت الليلة تحبها مني
وكان ما مصدق كلامي شوف اللنك (الرابط) |
هههههههههههههههههههههههههههههههه الى آخر السطر.
لا يابدر الدين مش لانك مقوقل معاى وبس لانو برضو ناس قوقل شافوك كتبت تماضر قالوا للحبوب الصغار الشغالة معاهم ..اجرن جيبن البت الشينه دي.
واحده من الحبوب صغيروووونه واظنها كانت نايمة بتوقيت هولندا ونادوها بتوقيت الامارات
قالت ليهم جرت للحبوب التانيات قالت ليهم قالوكم دايرين شناة
جابو بدرالدين شناة
"فضحتنا كمان التكنولوجيا الهينة دى ما بتعرفها..مالك صغير ولا جاهل ..ساو راسك المقوقل ده"
| |
|
|
|
|
|
|
|
|
|
Re: احب تماضر (Re: Tumadir)
|
| Quote: أنا كمان بحب أخواتكم |
قوية يا ريس
قر قر قر
هههههه
واااااااااااااااااااااااااااااااااااااااااااااااااي
تعادل مع تراث
ده من ناحية
__________
من ناحيه تانيه
| Quote: .ساو راسك المقوقل ده" |
هههههههههههههههه
واااااااااااااااااااااااااااااااااااااااك
البوست بقي 3 صفر لصالح الفنانين
| |
|
|
|
|
|
|
|
|
|
Re: احب تماضر (Re: بدرالدين شنا)
|
Quote: الذ شئ قلت أمش أفتش في قوقل (صور) كان القى أي حاجة ليها علاقة بي تماضر
أها كتبت تماضر بالعربي ودقيت على (سيرش) تخيل أول صورة لقيتها صورتي
دا معناها أنا مقوقل معاها النهار كلو جاي إنت الليلة تحبها مني
وكان ما مصدق كلامي شوف اللنك (الرابط) |
يا بدر أنا خشيت الوصلة بتاعتك دي ولقيت ليك صورتين.. واحدة مكتوب تحتها:
نيدلا خيش رضامت
لمن نقراها من الشمال لليمين تبقى تماضر خيش النيد
والتانية تحتها:
دبع قوماش نيدلا ءالع
ودي تبقى علاء الدين شاموق
أها يا أب قلبين..حدد.. إنت بتحب الخيش ولاَّ القوماش؟
| |
|
|
|
|
|
|
| |
خدر
tmbis
Hussein Mallasi
ALGARADABI
abuguta
Muna Khugali
saif massad ali
ودقاسم
تيسير عووضة
احمد العربي
عبد الباقي الجيلي
Tumadir
عبد الله إبراهيم الطاهر
هشام آدم
عبدالرحمن عبدالله أبوشيبة
wadalzain
هاشم نوريت
Ibrahim Algrefwi
عبدالماجد فرح يوسف
ahmed haneen
عمر ادريس محمد
khaleel
حسام يوسف
الخير محمد عوض
mohmmed said ahmed
الملك
Omar
ابوعسل السيد احمد
يوسف السماني يوسف
تراث
Mohammed Haroun
Marouf Sanad
بدرالدين شنا
معتصم الطاهر
يازولyazoalيازول
فيس بوك
تويتر
انستقرام
يوتيوب
بنتيريست