دعواتكم لزميلنا المفكر د.الباقر العفيف بالشفاء العاجل
|
|
 أبرق أومضنا كالسنا ...يا سميع ما تدسنا
|
ياكريم سفرة هونا
فى صحيفتك تدونا
بالبياض لينا لونا
بذرة فى الغيب وكونا
*******************
الطريق يبقى زائنا
لى أحب المدائنا
والرزق من خزائنا
ما يشين شانا شائنا
ما يلاقينا خائنا
حيث ما كان كائنا
****************
يارحيم يا مهيمنا
السلامة المضمنة
للوجوه المطمنة
أميمة شفقانة طمنا
السعد يتبعو المنى
نبكى نضحك نسو غنا
والحسود عنو ما تنى
****************
يا جليل يا موصلا
القدم سرعة وصلا
الرحيل ليه بوصلة
قصدنا نحسن الصلة
الكساوى بنفصلا
وكل رحما نواصلا
*****************
يالطيف فاطر السما
سطر اللقيا واقسما
قسمتك ديمة حاسمة
العيون باكية باسمة
والهموم منى قسما
****************
لينا من دارنا كم سنة
ما انسمع فيها حسنا
فى جهرنا ...وهمسنا
ابرق اومضنا كالسنا
ياسميع ما تدسنا
****************
ياقديرفالق النوى
خالق الكون وما حوى
الفراق للقلوب شوى
ليه بس نحن ما سوى
ما تشتتنا فى النوى
برد الحارق الجوى
******************
ياجليل سهل الامور
حكمة الله الزمن بدور
ربى يا شارح الصدور
تنعدل نقطع البحور
افتح ابوابنا للعبور
النفوس تلقى ما تدور
*********************
يا عليم روحنا سلما
ومن علومك تعلما
بعروشك تحلما
كل سرا تكلما
لما تنضار وفى الحمى
نورا وما تضلما
**********************
ياعطوف قرب البلاد
من ودنوباوى للامتداد
السابعة يا طينة السماد
والقضارف حنينها زاد
خالتى آمنة وبنات سعاد
بنات حفيظ حفظن الوداد
أميمة يالساكنة فى الفؤاد
دايره ألقاكى فى المعاد
**********************
سارية عزمك ولا انحنى
الشطارة المقننة
أما سيرين دى ستنا
دايرة اشوفك محننة
الحنان جاييى من هنا
************************
نعزم اصحابنا للغدا
يسرى ليك السعد بدا
العديل يا محمدا
تانى ما تمشوا ابعدا
ديل اهلكم حنان كدا
*********************
ابويا يا سيد العلم
لسة بتجينى فى الحلم
فقدك الزادو فى الحجم
الغياب اورث الندم
من تراب تربتك بلم
كان حييت والجسم سلم
..هبة يارافع القدم
************************
الطيبة يا بت الطيبين
من فراقك مضت سنين
طازجة ذكراكى والحنين
ياحليل حضنك الامين
ونورك البضوى فى الجبين
يمة تانى المزار متين
.........
.........
أرحم أمواتنا يا متين
لمو شمل المشتتين
|
|
 
|
|
|
|
|
|
|
 Re: أبرق أومضنا كالسنا ...يا سميع ما تدسنا (Re: doma)
|
Quote: تخيلي افتكرتها من مدائح اولاد حاج الماح
|
الحبيبة تماضر..نفس الخاطر دا جاني..اني بقرا في مدحة لاولاد حاج الماحي
ياريت تكوني ناوية علي الجية للسودان..عشان تبلي شوقك..وتبدعي لينا
في الكتابة .
القصيدة حنينة شديد واميمة دي جننتيها جن..الله يصبركم علي الفراق..
| |
|
|
|
|
|
|
|
|
|
Re: أبرق أومضنا كالسنا ...يا سميع ما تدسنا (Re: Adil Osman)
|
شكرا لكم يا أصدقائى على هذا المدح
والانفعال بما انفعلنا به
ربنا أكرمنا واستجاب لى تضرعنا
ومشينا وجينا سالمين وغانمين
أعتذر عن الطولة
وما اهمال ولكنه الانشغال
قبل الارشيف كنا نديكم ألف تحية
ونهنيكم بالعيد (الفات)
ههههه
المحبة شديدة يا هلنا
| |
|
|
|
|
|
|
| |
Tumadir
Hussein Mallasi
طلال عفيفي
أبوذر بابكر
خدر
احمد العربي
doma
هشام كمال
Mohammed Tirab
رشا سالم
انعام حيمورة
سجيمان
ياسر بيناوي
مصطفى عجب
ملكة سبأ
خالد العبيد
osman righeem
khatab
أبو ساندرا
Adil Osman
حبيب نورة
Elbagir Osman
فيس بوك
تويتر
انستقرام
يوتيوب
بنتيريست