|
|
|
 Re: رسالة على الملأ إلى الأخ الكريم بكري أبو بكر (Re: bayan)
|
سلامات
ياجماعة لو انتوا ماتحبونا نحن والله بنحبكم
ولو ماعاوزين تجبروا بي خاطرنا بتزعلونا زي زعلكم دا
شانتير
هذه اول مرة اطلب منك شيء
رجاءا استجم قليلا من غضبك وعد لنا فنحن في انتظارك ياطيب
مع كل الحب والاشتياق
والله مابنرضي انك تطلع من البيت ياجماعة نبنيهوا بي اتفاقنا واختلافنا عليك الله تقعد معانا
واكرم عيون الناس الدايرانك
ولك كثيف الاحترام ياشانتير
| |
 
|
|
|
|
|
|
|
|
Re: رسالة على الملأ إلى الأخ الكريم بكري أبو بكر (Re: Shinteer)
|
الاخ الكريم
شانتير، خلافك مع الاخ فتحي البحيري كان خلافا عاديا في وجهات النظر واعتقد انه كان بالامكان معالجته بصورة ودية، المشكلة ان بعض من يرغبون بالاصطياد في الماء العكر وجدوها فرصة، .
حقيقة نحن نحيي فيك شهامتك ونتمني ان يسوي الخلاف بينك والاخ فتحي وتواصلان المساهمة في هذا المنبر
ولك بالغ تقديري
| |
|
|
|
|
|
|
|
|
|
Re: رسالة على الملأ إلى الأخ الكريم بكري أبو بكر (Re: Shinteer)
|
السلام والاحترام للكل...
في البدء اعتذر لك اخي شنتير لمخالفتي رجاءك بعدم التعليق,وهذا لأنني لا اعتبره تعليقاوانما رجاء.
ليس لي ما ازيده علي رجاء الاستاذ أحمد,وللكنني وددت ان اقول انني ادمنت هذه الواحه بعدما ابعدتني الظروف عن بحر السودان,واصبحت كانها لصقه علي جراح الغربه,فهل تريد ان تلصق لصقتك وتساعدنا في الصاق لصقتنا...
احترم خيارك واتمني ان تولي رجائنا بعض التقدير
غازي
| |
|
|
|
|
|
|
|
|
|
Re: رسالة على الملأ إلى الأخ الكريم بكري أبو بكر (Re: Shinteer)
|
الحبيب شنتير
دعني أكرر نفسي وأقول
حزناً مني لي دون العبـاد ضجرني
وشوقاً للولوف جـر السهاد سهرني
وحرفـاً للصديق سطرتو ما عبرني
بالحيل الزمان بعد الأمـان دودرني
ود شنتيـر كلامـك زاد علي احزاني
ناوش قلبي في الضلع القصار حزاني
العكـر صفـاي لخبـط علي ميزاني
قولـك يا الحبيب أنـا ما بجيكم تاني
ود شنتيـر مقامك فينا مـي مجهول
وياك سيد الفصاحة الما بكوس القول
وأصلك أصفى من أصفر بني شنقول
شن سوينا بـي سيفـك علينا تصول
ما ناسيـن جمايلك إت ودادك صافي
كل من غاب تأترو في الليالي توافي
عشمانين رضـاك ماك البخيل الجافي
كان قصرنـا سامحنا وخصيمك عافي
متلك في الرجال ما بتفقد بـي ساهل
وحرّم كان لـزم نحمل سلاحنـا نكاتل
وشرط الخـوة نلحق حدو شامل كامل
وكان قصرنـا تنفضنا ام دعيجاً كاحل
| |
|
|
|
|
|
|
|
|
 Re: رسالة على الملأ إلى الأخ الكريم بكري أبو بكر (Re: Shinteer)
|
والله حاجة عجيبة
كل أسبوعين تلاتة يطلع لينا واحد ولا واحدة يقول أنا حردان وعايز أخلى البورد
والناس يبدأوا يحنسوا
وآخرون يقولون فى سرهم قطر عجيب
وبعدين يومين تلاتة يجوا راجعين ويرقصوا فى الزفة زى ما كانوا
يا جماعة الخير خلو الأخ شنتير فى حاله
بعد شوية تزنق عليه براهو يركب مركوبه ويجينا داخل
وسيبدأ الهتيفة فى الترحيب والشكر ويستقبلونه بالأزاهير
يا جماعة البورد دا مرضة, أكان دخل فى الزول تانى ما بمرق منو
الفيلم دا قاعدين نشوفو كل أسبوعين تلاتة وبقى زى الفيلم الهندى
وعلى القسم أكان ما شفتو شنتير رجع براهو
خلوه فى حاله
بتمحن وبقول الروب
| |
|
|
|
|
|
|
|
|
|
Re: رسالة على الملأ إلى الأخ الكريم بكري أبو بكر (Re: Shinteer)
|
الاخ شنتير تحيه طيبه وبعد
عد فالعود احمد .... فالاخ اوضح انه لا يستخف بارثنا
الثقافي وباسهام الريف والقري في تكوين ملامح الوطن
الحالي ....جمال الوطن في تنوع ثقافاته وابداعاته
.... احي فيك الغيره علي القري والبدو ...اذن عد
مكانك لازال شاغرا..
كمال
| |
|
|
|
|
|
|
| |
Shinteer
bayan
ودرملية
ahmad almalik
Agab Alfaya
WadalBalad
sari_alail
kamalabas
Elmosley
tmbis
فيس بوك
تويتر
انستقرام
يوتيوب
بنتيريست