|
|
 الى هؤلاء ..وأولئك ...كدى نسألكم
|
حسن عبد الله الترابى
ومن معه من المعتقلين
قانونيا اصبح من حقهم الافراج عنهم
لكن القرار فى يد رئيس الجمهورية
الرافض لذلك
هل من حقه ذلك ديمقراطيا
ما تقولوا على كيزان وكده
لكن عايزين نسمع كلام العقل بعدين عن التعصب
ما رايكم
|
|
 
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
العزيزة دريمز
المسألة كلها فزورة وشربكة.. ولعبة كمان وداخلها مامعروف شنو ؟ متذكرة إعتقاله "التمويهى" أول أيام الإنقلاب !؟
وكمان
الديمقراطية مطلوبة من منو !؟ ولى منو ؟ والنظرية والقوانين دى كلها كانت من تحت راس منو ؟
وبالمناسبة المعتقلات برضو خشم بيوت ..معتقلات بيوت أشباح .. ومعتقل خمسة نجوم
دريمز الله يديك العافية .. دى قدرتى ..
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: مارد)
|
مارد
سلامات
طبعا كلها اسئلة تحتاج لاجابات
لكن كثير مننا بينادى بالديمقراطية
وكتيرين وقعوا على خطابات لاطلاق سراح المعتقلين
فيهم من لا يعرف اى منهم معرفة شخصية
لكنها القناعة باهمية ذلك وحقهم فى الحرية
الان
هل من حق حسن الترابى الحرية ايضا
وان يعامل بالمثل
ثم النظر اليه كمؤتمر وطنى ولا شعبى
ما قصرت
تسلم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: Zaydoon)
|
Zaydoon
الديمقراطية لا تقبل وجهات النظر
لان واجهتها واحدة
وهى الحرية
ليست المفرطة
ولكن التى يكفلها لك حقك كمواطن لك ارض تعيش عليها
ونيل ترتوى منه
القوانين الحالية قد يكون سنها النظام لذا فهو يتبعها حينا ويخرقها حينا ...على كيفو
لكن طالما اصبح هناك معارضون مثل غازى سليمان يقولون (بدأت الانقاذ تغير من سياستها) وطالما هناك اخرون يكتبون للرئيس مطالبين باطلاق المعتقلين وايضا الديمقراطية ..فى كل هذا اعتراف ضمنى بالنظام وقوانينه ورئاسته ..اذا ..قانون النظام يكفل للترابى ومن معه حق الحرية الان ..فلم لم ينفذ القانون؟ ..ولما لم يطالب المعارضون
بتنفيذ (الديمقراطية) التى ينادون بها؟
تسلم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
dreams
Quote:
الديمقراطية لا تقبل وجهات النظر
لان واجهتها واحدة
وهى الحرية
ليست المفرطة
ولكن التى يكفلها لك حقك كمواطن لك ارض تعيش عليها
|
هنا بختلف معاك تماماً ... كيف لا تقبل وجهات نظر في حين أنها نظرية في الأساس
ثانياً ما هي الحرية الليست مفرطة ؟؟؟ وماهي حقوق المواطنة التي تتحدث عنها ؟؟ ومن هو المشرع (بضم الميم وفتح الشين وتشديد الراء مع الكسر) لكل من حدود الإفراط والحقوق
وياريت نوسع الموضوع شوية وما نحصره في شخص البشير والترابي فقط؟
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: Zaydoon)
|
Zaydoon
ما ممكن ( تقبل) و ( تتحدث) ديل تعمل ليهم ياء تانيث فى النهاية
ااى انا من عندهم ودريمز دى يعنى احلام ..اسمى
...
لو كنت بتبحث عن المعنى الاصطلاحى وتعريفات القواميس ..فعذرا ..لا املك لك اجابة ..لكنى تحدتث عن المعنى المحسوس للديمقراطية الذى يطرأ بذهن اى انسان يستمع لهذه الكلمة ..رجل ..امراة ..شاب ..طفل ..معنى يلازمها اينما ذهبت وهو الحرية ..ان يكون لك الحق فى الحياة كانسان تمارس انسانيتك وتحسها ..لك عقل يحترم (بضم الياء) وروح تتفكر فيسمع لفكرها (برضو بضم الياء) ..واقصد بالحرية غير المفرطة ..تلك التى تحكمها قوانين معترف بها ويحترمها الجميع ..لكن ان يضع الرئيس قانونا ويكون هو اول من يخرقه فهذا اسوأ انواع الاستخدام لكلمة ومعنى حرية
كونه رئيس فليس من حقه ان يتخطى المحكمة الدستورية التى - حسب معلوماتى - انها اعلى سلطة منه - واكتر شئ بزعل تصريح وزير العدل ..لاحظ انه وزير العدل ..بان قرار اطلاق سراح الترابى يعود لرئيس الجمهورية فقط
اين القسم الذى اقسموه بتنفيذ والمحافظة على القوانين؟
فى البلاد التى تعرف معنى ديمقراطية بحق وزير العدل من حقه يقاضى الرئيس نفسه ويحاكمه؟
البحصل عندنا نسميه شنو؟
تسلم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
دريمز ... صباحك بياض قلب الرضيع
نعم من حق الترابى ان يخرج ... ويخرمج ويفسد ويخوض مع الخائضين
منو الاتحاكم قبل كده ؟
ماكتير قبليهو سوو فينا البدع الحاكمهم منو ؟
ومنو لبيحاكم الترابى ؟
البشير ؟؟؟؟؟ لا اظن ان يحاكم الرجل نفسه
الصادق المهدى ... ؟ ومن حاكم الصادق على تفريطه فى الديمقراطيه؟
الميرغنى ؟ اين هو من الشعب السودانى ؟؟ واين كان ابان الديمقراطيه؟
اهل اليسار ؟؟؟ وباسم من يحاكمونهم ؟ الشعب ؟ كم من الشعب ينتمى لهم ؟؟؟؟
اذن من يحاكم من ؟؟؟
دى بلدا ماعندها سيد يا دربمز
سااااايبه
بس ربك يسهل ويجيب لينا مصيبه تاخذ كل متزعمى السياسه الان
وبعدها يحلها الف حلال ... وعزه ولوووود
ديكو
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: DEEK_ALJIN)
|
ديكو العزيز
سلامات كتار
وصباحك ورد
ما هو ده الواجعنى
انه بلدنا دى ما عندها وجيع
كل اللى بتقول يمكن يكون فيه الخير يطلع على فشوش
يعنى اتحاد جامعة الخرطوم ده مش بنادى ورافع شعار الديمقراطية والحرية؟ طيب وينه موقفه ؟ مش المسألة مبدأ ولا كلام ساى؟
كل العملوه من يوم انتخبوهم احتفالات وحفلات واجتماعات تنتهى بخلافات.. واظنهم اكتفوا بالفوز وخلاص
.
.
.
.
ولا تسألنى عن حب وطنى الفقران وغنى
تسلم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
ليس من حقه
لماذا لا نعتبر ما يحدث هذا جزءا من المحاكمه
أرجو تعريف الحريه... يا عزيزي
أخشي بعد زوال الانقاذ يأتي البعض بسماحة أهلنا الطيبين
و يدعوننا لترك الجبهجيه
نعم لم نحاكم أحدا حتي الان و لكن... لماذا لا نبدأ بهؤلاء
ثم نحاكم البقيه لاحقا باثر رجعي
و نحاكم حتي الموتي صوريا
وان كانت لحفظ الحق الادبي فقط
قد ولي عهد التسامح يا عزيزي
و ليستعد كل من أضاع السودان يوم تنصب المشانق
تحياتي ... ناصر البطل
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
الذين من حقهم ان يحاكموا
هم الذين لم يدنسوا أرض الوطن يوما
ولم ياكلوا حقوق الشعب
و لم يتاجروا باسم الحريه
ولم يهربوا من السودان عندما اصبح جحيما لا يطاق
و البقية تصمت...تصمت...أو تكون داخل أقفاصها
تحياتي... ناصر البطل
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
عزيزتي
أرجو المعذرة فلم اطلع على البروفيل قبل المداخلة ..
أبدا .. ما كان قصدي تعريف المصطلح والبحث عن معناه .. ولكن كان التمعن في تلك المصطلحات للوصول لنتيجة حتوضح قدام من خلال المناقشة إذا استمرت ... وأتمنى ذلك.
انتي بتسألي ( اها .. ضفنا الياء ) .. عن الحرية وليس الديمقراطية يمكن خانتك اللغة شوية .. اذا تمعنا في الحياة من الناحية الفطرية .. نجد أن الإنسان يولد بفطرته على الحرية واشياء أخرى .. بس خلينا نركز على الحرية ... بمراقية مراحل نمو هذا الطفل الذي يأتي للدنيا حراً ... نجد أن جميع تصرفاته تغلفها الحرية بمعناها الشامل ... حرية التصرف .. حرية الحركة .. وحريات أخرى متعددة ... ثم نجد أن والديه يقومان بتحديد هذه الحرية من خلال تعاليم ومفاهيم وتقاليد . تحكمها البيئة التي ينتمون لها ... وممكن تراقبي تصرفات أي طفل في فترة نموه الأولى .. السنة الأولى وحتى الثالثة ... نجد انه يعلن عن أمتعاضه وإعتراضه عند منعه من فعل أو تصرف ما أو تلمس ما حوله من أشياء .. بالبكاء أو التعصب أو الزئير أو بتكرار المحاولة مرة أخرى ... وهناك أمثلة متعددة.
ومن خلال تربية الوالدين ... يبدأ الطفل في التعود على ما يفرضه الوالدين من تعاليم يجب عليه إتباعها .. وبتكلم هنا عن التربية المثالية. نصل إلى أن هذه التربية تحدد ماهية وحدود الحرية التي يتمتع بها الأبناء داخل المنزل وخارجه ( البيئة المحيطة به) ..
عشان ما نطول عليكم أختصر الموضوع ...
الخلاصة ... أن لكل بيئه ما قانون يحكمها من تعاليم وثقافة وتقاليد تمثل في حد ذاتها نوع من أنواع القوانين الدستورية أو الوضعية ... أو...أو ....
والحمدلله ثم الحمد لله أن مجتمعنا السوداني بإختلاف طبقاته وتنوع ثقافاته على إمتداد حدوده تتشابه وتلتقي في الكثير الكثير من محاسن الأخلاق والتنشئة تصل نسبتها إلى ما يزيد عن 90% من المجتمع السوداني.وده ما تحيز إطلاقاً ... ده حقيقة ... فنجد أن أي مواطن سوداني يتمتع بخصال حميدة متعددة وبشهادة العالم أجمع ... عارفين السبب شنو ؟؟؟؟؟
بكل بساطة ... ما يتمتع به من حرية مقننة نابعة من بيئته.
وما يواجهه هذا الوطن الغالي من تقلبات سياسية ... سببها تلك الأفكار المستوردة .. الدخيلة علينا وعلى بيئتنا الخاصة جداً جداّ... وزمرة من المزايدين والمنتفعين من تلك الأفكار..
ليس القانون الذي يحكم بيئة ما فد يصلح للأخرى ... نحن محتاجين لقوانين خاصة جداً جداً كبيئتنا ... فالديمقراطية المستوردة لا تصلح لنا نهائياً ...
يمكن تحسو انو في فلسفة شوية في الموضوع ده ... لكن كدى حاولوا تفكروا معاي فيه ... ونشوف وين حنوصل ...
بجيكم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: Zaydoon)
|
كلامك سمح يا زيدون
لكن لمتين ح نحمل (الثقافات الدخيلة ) وزر مشاكلنا؟
وليه اصلا الهشاشة دى قدامها؟
انا بتفق معاك تماما انه لابد من قوانين وحدود لكل شئ حتى الحرية والديمقراطية ان اختلف معناهم او تشابه..والخلط ده ما من عندى بل انا بحاول انبه له رافعى شعارات هذه الكلمات
من وانا صغيرة ابوى علمنى يعنى شنو مبدأ ..فى كل المناحى السياسية والاجتماعية والثقافية وخلافه ..ما قادرة استوعب كلام شخص بنادى بالحرية الشنو والشنو ما عارف ..ونموت من اجل وطن ديمقراطى ..وفى ذات الوقت يتقاضى عن ابسط حقوق الانسان فى معنى كلمة حرية؟
ما عارفة انا قادرة اشرح ليك وجهة نظرى ولا لا ..لكن برجع وبقول ليك كل الموجودين حاليا همهم الاول ليس السودان كما يدعون ..لان من يحب وطنه باخلاص لازم يكون عنده ضمير اول شئ ..والعندو ضمير بحكمو وبقوده للعدل ....وصدقنى .....بلدنا دى ما عندها وجييييييع
صحيح الشعب السودانى منذ نشاته وهو متميز عن غيره من الشعوب ..بشهادة كل من حوله ..وبالفعل مجتمعنا بحتاج لشئ من التخصص او الخصوصية فى قوانينه نسبة لتفرده واختلافه فى ذات الوقت ..لكن فى رايك فى ظل كل المطروح قدامنا ده ..وانا ما عارفة اذا كنت فى السودان ولا خارجه ..لكن انا بسالك بلسان المعايش والمواكب للبحصل الان ..فى رايك هل فعلا ممكن نحلم بهذا الوطن المتميز ذو القوانين المتفردة والمجتمع المثالى ..حتى ولو بنسبة خمسين فى المية ؟ ..ما تشاؤم منى لكن كل الارهاصات الحولنا ما بتبشر بالنوع ده من الحكم او القيادة ..ممكن يحصل عمران ..ممكن البلد تغنى اكتر ..ممكن ثرواتها تتفجر ..ممكن وممكن وممكن ..لكن الاصبح غير ممكن او مأمول فيه ..انه يصبح علينا صباح ونسمع البيان الاول من زمرة تخاف ربها بالجد وقلبها على الوطن ...فكلهم زى بعض ..والدليل واضح للعيان
تسلم
تسلم
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: dreams)
|
وجهة نظرك وصلت وواضحة …
Quote: لكن لمتين ح نحمل (الثقافات الدخيلة ) وزر مشاكلنا؟
وليه اصلا الهشاشة دى قدامها؟
|
دي المشكلة الأساسية البنعاني منها ... وبالعربي كده اسمها عقدة الخواجة ... اظن سمعتي بيها ... وده اساس المشكلة .. لأن جميع المفاهيم والمناهج الحالية البيحملها من يطلق على نفسه لقب مثقف ( ويحلو لي أن أناديهم ب مدعيٌ الثقافة) هي بالكامل مستوردة ودائماً بينظروا للمجتمع الغربي انه الأفضل والمتقدم ... يمكن في الصناعة والتكنولوجيا .. بس للأسف متخلف في حاجات تانية كتيرة جداً جداً ... وده دفعهم لنسيان أنفسهم ومجتمعاتهم .. وبنظرة سريعة نجد ان جميع من ينادو للعمل السياسي ينسبون أنفسهم لهذه الطبقة دون دراية أو علم بما تعنيه هذه الكلمة .. فكل من قرأ كتابا لمفكر اجنبي إدعى الثقافة .. سؤال يطرح نفسه هل معنى الثقافة الإطلاع على الكتب أو تبنى الفكر الأجنبي (الغربي) ؟
النقطة التانية .. إنو الجماعة ديل أسسو لنمو فكر ومجتمع يتسم بالطبقية المتعالية وبدؤ في الترفع عن بيئتهم التي نشؤا فيها وتأسيس منتديات خاصة بهم وشيئاً .. فشيئاً .. الإنعزال عن المجتمع .. ولايشترط ان يشترك عامة المثقفين في ذلك وبدلالة وجود مفكرين وأدباء من أمثال أستاذنا الجليل بروفيسور عبدالله الطيب - رحمة الله عليه - لم ينسلخوا عن مجتمعهم وبيئتهم لمجرد حصولهم على نصيبهم من العلم.
هذه الطبقة هي اساس ما يحدث الآن من مشاكل من جراء اتباعهم للثقافات الدخيلة .. نحمل منو فيهم الوزر الشخص في حد ذاته أم الثقافة الدخيلة ؟؟ في إعتقادي تحميل الثقافة الدخيلة الوزر هو الأفضل .. عشان نوعى ونشوف عيوبها .. أما الشخص نعتبره ونطلق عليه لقب "مسكين" لا حول ولا قوة له أمام إبهار الثقافة الدخيلة.
أما الهشاشة ... دي نتيجة طبيعية للإنسلاخ وتبني أفكار غريبة عن المجتمع والبئية وزي ما قلت لا حول ولا قوة لمن اتبع او تبنى تلك الثقافة.
فلننظر أين كانت الأمة الإسلامية (العربية) وأين صارت .. هل في ذاك الزمان كان الخليفة / الأمير من المثقفين أو من أهل العلم ؟ البعض .. نعم .. اما الغالبية العظمى فكانت ممن اتسم بالحكمة والعقل .. حتى بطانتهم فكانت من الحكماء والعقلاء وليس ممن نهل وشرب من الثقافة والفكر الأجنبي .. تعلمو لغة أعدائهم لمقارعتهم في ديارهم وليس مقارعة أهلهم وأبنائهم وقبائلهم . شفتي الفرق واضح كيف ؟؟؟
Quote: لكن انا بسالك بلسان المعايش والمواكب للبحصل الان ..فى رايك هل فعلا ممكن نحلم بهذا الوطن المتميز ذو القوانين المتفردة والمجتمع المثالى ..حتى ولو بنسبة خمسين فى المية ؟ ..ما تشاؤم منى لكن كل الارهاصات الحولنا ما بتبشر بالنوع ده من الحكم او القيادة ..ممكن يحصل عمران ..ممكن البلد تغنى اكتر ..ممكن ثرواتها تتفجر ..ممكن وممكن وممكن ..لكن الاصبح غير ممكن او مأمول فيه ..انه يصبح علينا صباح ونسمع البيان الاول من زمرة تخاف ربها بالجد وقلبها على الوطن ...فكلهم زى بعض ..والدليل واضح للعيان
|
بالعكس يا أحلام ... لازم نحلم بوطن متميز .. وقوانين متفردة .. ومجتمع مثالي ونسعى ونبذل كل جهدنا ... كل في موقعه لتحقيق هذا الحلم ... وكل الأحلام دي ممكن تتحقق بس نعرف انحن منو وعايزين شنو وننسى الأفكار المستوردة ... وحلولنا لازم تنبع من جوانا من واقعنا من بيئتنا ... وما نستنى زول يجي يغير حالنا ... كل واحد مننا يبدا يغير نفسو بنفسو ويبدأ التغيير من البيت مش الشارع اكرر من البيت ... البيت ... البيت .
وأكيد في يوم حنوصل ... ولازم نزرع الأمل جوانا ... وبكرة ما بعيد. والتعالي العندنا كسودانين برضو ننساه .. ما في شي أذانا غيره
ولي عودة
| |
|
|
|
|
|
|
|
|
|
Re: الى هؤلاء ..وأولئك ...كدى نسألكم (Re: Zaydoon)
|
يا زيدون
الفرد او الشخص زى ما انت سميته براه ما بقدر يقاوم
لازم يكون فى مؤثرات او محفزات على التمسك
وكمان حدود وموانع ..واظن هنا كلمة قانون هى الانسب
المهم
زمااااان كده كنت كتبت بوست سميته (ازمة الثقافة بين المثقف والمثقفاتى) ناقشت فيه المعنى الحقيقى للكلمة دى وكتيرين وضحوا وجهات نظرهم ورايهم وتعريفهم الشخصى للكلمة ..الغالبية اجمعت على انه الثقافة هى اللى بتصقل الجوهر وتزيدك مش تاخد منك ..اتفق معاك انه كتير من مثقفى اليوم يحلو ليهم التمظهر بقراءتهم ومصطلاحاتهم الحافظينها ...وديل لا مثقفين ولا مثقفاتية ذاتو ..لانهم ولا حاجة ..والوعاء الخاوى اكثر جلبة ..مش زمان قالوا كده
المنتديات دى موضوع برااااااها وسبق انى قلت عنها (الثقافة المعلبة) لانه بتنحصر وبتتجهز لى ناس محددين هم البرتادوها وبعرفوا زمانها ومكانها وبشاركوا فيها
ايوه لازم نحلم ونحلم على قدر ما نقدر ..لكن كمان البنى ادم مننا له طاقة ومقدرة محددة على كل شئ ..حتى الحلم ممكن يمر عليه زمن ويتغير اسمه الى وهم وبالتالى تتغير ملامحه جواك
زى ما قال ديكو حواء ولوووود
لكن عليك الله يا زيدون شايف البحصل فى بلدنا ده؟ فى رايك هل ممكن يطلع جيل يفهم ويقدر يعنى شنو كلمة وطن؟
| Quote: كل واحد مننا يبدا يغير نفسو بنفسو ويبدأ التغيير من البيت مش الشارع اكرر من البيت ... البيت ... البيت |
صح مية المية ..البيت هو الاساس ..لكنه براه ما كفاية
الانقاذ لما اتزنقت فى مسالة الاحزاب والمشاركة فى الحكم قعدوا وقسموا الوزارت ...قاموا قرروا انه التربية والتعليم تمشى للاحزاب ..ليه لانها فى نظرهم وزارة هامشية ما زى الداخلية مثلا ..قلنا خير خليها تطلع منهم يمكن غيرهم يفهم اهميتها ..الحصل انه بقى بين كل مدرسة ومدرسة بتلقى مدرسة ..كل من عندو اوضة وبرندة فاتحة على الزلط ركب لافتة وعملها مدرسة خاصة ..ونسوا الشق الاول من اسم الوزارة (التربية) واكتفوا بالتعليم الغير مجانى ابدا بل يكاد يكون طبقى
تفتكر فى ظل كل ده البيت براه قادر على صنع رجال تحمل هم الوطن؟
اشرح لى اكتر ..تقصد شنو بى التعالى العندنا كسودانيين؟
تسلممممم
| |
|
|
|
|
|
|
| |
اسامة الخاتم
hammama
nasiradin
فيس بوك
تويتر
انستقرام
يوتيوب
بنتيريست