|
|
 يا احبابنا انتو في حاجه اسمها تقنية كيف تصبح ست بيتاً؟؟؟
|
اليوم اول ايام التدريب النهائي الذي سيستغرق شهرين ونص وبعدها انشاء الله امنح الشهاده
اقصد شهادة تقنية الاتصالات والمعلومات
ولكن ما حصل كان غريباً
اولا وصلت متاخر خمس دقائق وكذلك صاحب العمل
المكان في منطقة غير التي انا بها
اسم المحل(فلان للكمبيوتر
شكل المحل
معرض صغير في الواجهة وغرفة في الداخل ومخزن صغير
اللقاء
اقصد مع صاحب العمل
سلام
قلت لي اسمك منو
فلان
مرحب
شكراً
طبعاً زي ما شايف المكان صغير ما زي الكنت اتمرنت فيه من قبل
نعم
ومع انو المكان صغير طبعاً العمل كمان بسيط
تعال اوضح ليك نوع الشغل
تمام
دة حيكون مكتبك ومكان عملك
تمام(قلت في داخلي يعني مش بطال
ودي قائمه بالحاجات الحتعملها شوفها واذا ما عجبتك مافي مشكلة
انا في داخلي هسع الكلام ده ليه داعي؟؟
القائمة
1.تلميع واجهة المحل بالسائل الفلاني
2.تنفيض الكمبيوترات والاشياء الاخري
3.ترتيب الاشياء وتنظيمها
4.كنس الارض بالمكنسه الكهربائية
5.اشتراء بعض الماكولات والمشروبات (تبضع يعني بالعربي كدة
6.
7.
والخ
ناديتو يا استاذ انت متاكد انو القائمة دي لي انا؟؟؟
اصلي جيت لفترة عمليه تابع الجهة الفلانيه
ايو عارف بس ماعندا حاجه تتعمل الا القليل احتمال يجينا عمل في تخصصك في الايام الجاية
ومع هذه العبارات ابتسامة خبيثه كضحكت اخينا الخبيثه داااك
واذا ما عاجبك مافي مشكله
انا مافي مشكله دي حيرتني شديد
احتمال يكون عارف اني كنت المفروض اتخرج قبل شهرين لكن عشان في وقتها ما لقيت لي مكان اعمل فيه تدريب اتاخر التخرج لحدي هسع وعارف اني داير اخلص من الموضوع عشان كده بيقل لي مافي مشكله
علي العموم نزلت الشغل اقصد التدريب العملي بعد ماوراني اماكن المعدات
المكنسة ومشتقاتها و كل انواع السوائل ومشتقاته
سالت ليك صاحب المحل الحكايه طالما فيها تنفيض انا عايز لي مقشاشة وقناية عشان اغز المقشاشة في القناية وانفض بيها بيوت العنكبوت
قال لي في واحدة جاهزه هنا شيلها. ومعها نفس الابتسامه اياها
طبعاً زي ما متخيلين بديت ليك تنفيض في السقف والاركان مروراً بالشبابيك والابواب الزجاجية الموكيت تحت ماخليت حاجة
بعد ما انتهيت من الشغل فكيت الطرحة الكنت رابط بيها شعري قصدي الشال
ومشيت اتشطفتة جيت قلت ليه اها تاني في حاجه؟؟
قال لي لا كفايه كدة الليلة بكرة ممكن تجيب المأكولات
قلت في نفسي ما يقول لي يوم الجمعة يوم الغسيل تبقي مشكلة
وهكذا كان اول الايام وربنا يستر ساكت
احترت قلت لازم اشوف الجواب الرسلوه ليه ناس الكليه
يمكن يكون تخصصي مكتوب في الجواب تقنية كيف تصبح ست بيتاً وانا ماعارف ولك طلع نفس تخصصي الانا عارفو قلت يالا ايام وتعدي وكويس الواحد يكون عندو فكرة في امور التنظيف والتنفيض ومشتقات الترتيب عشان يساعد بيها شريكت حياتو يوماً ما
علي العموم طلب مني اذا اردت ان اذهب ان افعل لانه لا يوجد شئ يبقيني اليوم
ففضلت الزهاب وودعته علي امل القاء في اليوم الثاني
وربك يستر سااااااكت
|
|
 
|
|
|
|
|
|
|
 Re: يا احبابنا انتو في حاجه اسمها تقنية كيف تصبح ست بيتاً؟؟؟ (Re: 3omda4)
|
عمدة
سلام
اسمع الزول دة يكونوا ناس الكلية ادوهو جواب غلط ؟
لكن اقول ليك حظ ست البيت اذا جات بتلقاك متدرب تدريب
ما بطال
سمعت بى الشركة التى توظف رجال نسوانهم بيخوفوهم ؟
العمل فى هذه الشركة ان تكون زوجتك بتهرشك فى كل شئ
المهم واحد مشى للتعين ... المدير سأله
اول حاجة بتعملها بعدما تقوم من النوم شنو ؟
الراجل قال ليهو بغسل العدة ....
المدير طاخ ضرب التربيزة وقال فى عدة بيخلوها للصباح
ابسط يا عم
انا مش عايز اكون دكتور انا عايز اشتغل ترزى
| |
|
|
|
|
|
|
|
|
 Re: يا احبابنا انتو في حاجه اسمها تقنية كيف تصبح ست بيتاً؟؟؟ (Re: 3omda4)
|
سلام عبد الغفار والله مافي حل غير الانتظار
وربنا يهون ساااكت
الاخ العزيز عادل سلامات
والله زي ما قلت المدام حظها
وبالمناسبة دي حقو الواحد يكتب في اعلان طلب الزواج
لمن يهمها الامر
انا رجل بيت ممتاز وبالشهادات كمان
وعملت تدريبات لمدة شهرين ونص
امكانياتي
1. تنفيض
2.تتمير
3.تنضيف الارض او الموكيت اذا كان موجوداً
4.جلب الاحتياجات من خضار ومشروبات وغيره
5.مسح الواجهات الزجاجية او الحافلات بتاعت العدة
وهناك اشياء اخري يمكنني القيام بها فاذا رايتي اني مناسب لك فالرجاء الاتصال بالرقم الفلاني
لك التحية وربك يهون
| |
|
|
|
|
|
|
| |
alfatih
abdelgafar.saeed
الله يعينك يا زول مع ودي
فيس بوك
تويتر
انستقرام
يوتيوب
بنتيريست