دعواتكم لزميلنا المفكر د.الباقر العفيف بالشفاء العاجل
|
|
 .....كلب الفرجوني.....
|
الاحباب الاعزاء
لكم التحية والود
سمعتو بي كلب الفرجوني؟ السمع خلاص والما سمع يقول لينا عشان نحكي ليهو القصة.ولو في واحد طرح الموضوع دا قبل كدة قولو لينا لاننا نحن جداد (بضم الجيم) ولو في برست نزل عن موت كلب الفرجوني في حادث سير كلمونا عشان الريس بكري ما يزعل علينا.
يلا
|
|
 
|
|
|
|
|
|
|
|
Re: .....كلب الفرجوني..... (Re: Ahlalawad)
|
الأخ فتحي
قول وليك الأمان
فقد سمعت الفرجوني مرة في سهرة تلفزيونية يتحدث عن كلابه فخفت اولادي يسمعوا ويتهموني باللإهمال وبيني وبينك في الكلاب السعيد في دحين يا زول قول
| |
|
|
|
|
|
|
|
|
|
Re: .....كلب الفرجوني..... (Re: فتحي الصديق)
|
ولعلك يا فتحي تجد ايضا قصة وقصيدة كلب المر ...للفرجوني ، عندما ذهب من أمدرمان لديار الكبابيش بحثا عن كلب صيد حر من كلاب ناظر الكبابيش
والقصة طريفة والقصيدة اطرف ، لكني والله لا أحفظها
والفرجوني بارع جدا في الحكي المخلوط بالشعر ومناسباته
شكرا لك ان فتحت هذه النافذة
| |
|
|
|
|
|
|
|
|
|
Re: .....كلب الفرجوني..... (Re: Faisal Salih)
|
العزيز فيصل
لك التحية والود
اشكرك جدا على الطلة واكمل ليك القصة.الفرجوني بعد ما مات كلبو في حادث سير مشى يفتش ليهو على كلب تاني من نفس سلالة الكلب الاول بقول:دلوني الناس على شيخ المر في الكبابيش اصلو هو الوحيد العندو نسب كلبي الضربو اللوري.
تبدأ الرحلة من امدرمان لبادية الكبابيش. يصبح الفرجوني مثل الكشاف الباحث عن كنز خبيء في باطن ارض ساحرة.يصل ديار ال التوم ويدله احدهم على شيخ المر ويخبره انه بالمحكمة الان ويساله : انت عاوزو في شنو؟ يجيب الفرجوني:والله يا شيخ العرب انا عندي كلبا مات وسلالتو عن شيخ المر. يضحك الاعرابي ويقول:طلق شيخ المر يديك الروح ولا يديك واحد من كلابو.يصيب الياس الكشاف الفرجوني ولكن للعرب لغة تفاهم اخرى اكثر اختصارا للوقت . انها لغة الشعر حجة العرب وفنارة السنتهم.
.......ونواصل
| |
|
|
|
|
|
|
|
|
|
Re: .....كلب الفرجوني..... (Re: alsemeah)
|
العزيز السميح
اهلا بيك والله وشكرا على الزيارة.
طيب نواصل القصة
قلنا ان الفرجوني عندما علم بان شيخ المر قد يمانع في اعطائه الكلب فكر في اللجوء للشعر لاقناعه.ذهب الفرجوني للمحكمة حيث يجلس شيخ المر في موقع متميز بين قومه لحل المشاكل ولا تخطيء عينه الغريب.
قوم يا ولد سوط الليمون للضيف..يجيء الولد بقرعة ماهلة عكرانة بالليمون.يضعها الفرجوني امامه ولا يشرب منها.ات مكاجرنا يا الضيف..يقول شيخ المر حين مر وقت ولم يشرب الفرجوني من القرعة التي يتماوج الماء على سطحها مثل النيل الابيض في الصيف. يبدأ الفرجوني الكلام
والله يا شيخ المر انا مظلوم والظالمني انت
بقع هذا الكلام على اذان السامعين وقوع الدهشة..
ظالمك انا؟ اتا منو يا خوي وجيت من وين ؟ يرد شيخ المر..فيجيبه الفرجوني شعرا..
جيت من غادي يا فارس الشوارف الغر
جيت من غادي يا صافي الحناضل المر
جيتك وعندي فيك أملا كبير يا المر
بدور كلبا من الغنم المعادي يجر
ويبدأ الفرجوني يبين مواصفات الكلب الذي يريده..
مرخرخ شاتلو لين ارساغ وواسع غر
باهي وريد منيع ليمان وفي عرقوبو لون وقصر
رقيق قدوم طوال اضنيهو ماهن صر
رهيفا جلدو زي توب السواكني الحر
يضحك شيخ المر قائلا ..كدي اشرب الموية وبرد حشاك وتمشي البيت نضبح ليك الشايلة.. وحرم كلبك قاعد ....تسسوقو معاك الليلة..
اعزائي
بقي ان اكرر الاشارة الى ان هذه القصة منقولة بتصرف من كتاب مقاطع للصحفي الاديب الشاعر محمد محمد خير
شكرا
| |
|
|
|
|
|
|
| |
فتحي الصديق
aba
nasiradin
Faisal Salih
فيس بوك
تويتر
انستقرام
يوتيوب
بنتيريست