|
أزمة تلفزيون السودان ،،،، وازمتنا مع التلفزيون _ مواقف كوميدية بالداخل
|
ونحن نتناول موضوع حساس وذو أهمية مثل هذا الموضوع موضوع تركيب البنسلين من اشجار النيم الوفير بالبلاد... ونحن نلتقى ضيوفنا الاعزاء ... وخلونى قبل تقديم الضيوف بان اشير الى اهمية النيم والبنسلين فى حياتنا وماله من مالات عند نقص دودة القز فى جنوب الصين وشمال الدنمارك . الحاجة الخلتنى اقوم بجمع هؤلاء الاخوة الضيوف المهتمين بهذا الشأن .. وهنا ارجو أن اشير الى نقطة مهمة وهامة وحيوية قصوى .. والعلاقة الثنائية بين الزراعة وطب النيم. بعد هذه المقدمة القصيرة الضافية التى استقطعتها من مخيلتى الواسعة الفذة التى لم يخلق مثلها من قبل ولن من بعد ، وانا لا اريد ان أشكر نفسى فشكار نفسه ابليس لكن الحق يقال .... المهم نقدم ضيوفنا الاعزاء وهم لهم باع طويل فى شان استخراج ثمار النيم من صحراء نيفادا الغربية وهم اصحاب علاقة بشأن موضوعنا الذى نتناوله فى هذا المساء البهى المنمق الزاهى بالوان خريفية بديعة خصوصا والخرطوم تحتفل بانها عاصمة خارم بارم وجهه وارم زززززززز وضيوفنا هم : الاستاذ عكود عيكور حمد خريج المسرح العام للموسيقى. والاستاذ البروفيسور طفر طيفور استاذ الاقتصاد ونسيج حبل طويل بجامعة العنقريب بالعشيشيبة. مرحب بيكم وبحضوركم معانا .... تفضل استاذ ... دقيقة معانا مكالمة ... الووو ..... الووووو تيت تيت تيت الو مين معاى الوو ...... المخرج : تيت تيت تيت .... ياخى ما قلنا ليك تيت تيت تيت ، واصل
المذيع : معليش الخط قطع طيب نواصل ما بدأناه من حديث ونرجع للاستاذ .... يخيل لى يا استاذ عكود مسألة نصوص الاغانى بالنسبة للنيم وحيثيات السوق .. لحظة زى ما قلنا ... - الو الو - الو ... معاك عطرشان من طبشة - اهلان عطرشان تفضل ، كيف طبشة وكيف الاهل فى طبشة ، وكل عام وانتم بخير ياخى كيف الخروف معاكم والعيد ورمضان ، كيف السخانة ويخيل لى الجو مغيم والامطار وكدة ، والخريف مبشر وكدة ... - شكرا شكرا كتير خيرك كتيييير ياخى الناس طيبين ... ممكن أهدى ؟ - اول حاجة انت متصل من وين ؟ - من طبشة قلتلك !!! - ايواه اهلان بيك وبالاهل بطبشة بلد الزميرجان والزردنيخ وسوق التبش الكبير, - ممكن أهدى ؟ - تانى ... ياخى تهدى شنو ؟ دا ما محل الاهداءات . لكن ممكن تورينا علاقة النص بالمسرح التجريدى من منظورك الطبشانى. - آههه قلت شنو ، ما سمعتك. - قلت ليك ممكن تورينا علاقة النص بالمسرح التجريدى من منظورك الطبشانى . نحن مستضيفين اليوم نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق نق . - ما عندك خيارات. - ياخى خيارات شنو ... شتت بالله - الوو الوو - ياخى خلاص قلنليك دا ما برنامج الاهداءات شتت - توووووت توووووت تووووووت طيب نواصل بعد ما انقطع الحديث يخيل لى اذا جينا لمسألة ... - الوو - الووو ... الوووو - الوو الوو - الووو الووو الوو - ايوه الو من معاى - الووو - تيت تيت تيت
فى الختام نصل الى ختام حلقتنا و خلونى اشكر ضيفى العزيزين اللذان اقتطعا من زمنهما الغالى للمشركة باراهم الثرة فى الشأن وما تناولاه بجدية فى هذا الشأن الحيوى ونشكر اللذين شاكسونا ... عفواً ! شاركونا بالهاتف والفاكس.
والى لقاء فى الحلقة القادمة
( تـــــــــــــــــــــانى حلقة قادمة .... الروووب !!!)
|
|
|
|
|
|